انتهى الموسم / وجات الخاتمه بام الخساير=والخساره فالكم /ياناس يامال الخساره
لاتقولون / الظروف / ولاتقولون الدواير=والله ان الشمس ماتحجب عن الارض بستاره
امتلا الملعب في الموعد بخمسين الف زاير=وانتم اللي كنكم / اشباح / تمشي في مغاره
والله ان احساسنا نيران / تغلي بالضماير=كيف وجه الازرق المشرق /يبان بلانظاره
الهلال اكبر من اللي في ضميره عرق باير=الهلال اكبر بتاريخه / وطرياه وشعاره
لاعبين /احساسكم / اصغر من صغار الصغاير=ماعرفتوا قيمة النادي / ولامعنى وقاره
واحدً مستهتر وهمه / ملايين وعماير=ماعليه ولايحس بخاطره / ضيق وحراره
وواحدً يلعب لنفسه / تايه / وعاجز/ وحاير=دام ماقدّر( جماهير الوفا )يرقد بداره
يابو فيصل والرجال اللي تجي لك بالبشاير=ماهي اللي / مالها في حزة الشدات غاره
الضعيف اللي عزومه خايره / ماهو بثاير=لاتحطه في يمينك /لو توهج في مساره
والذي وقت الحسم /ماله من عزومه ذخاير=مايُسمى بالبشير / ولاتجي منه البشاره
افرز من رجالك / رجالً على عزم وبصاير=واترك الباقي / وكُلً ينطلق حسب اختياره
نعرف ان الحزن حزنك / لو تعلق بالمناير=انطفى نور الرياض / وهلت دموع الحضاره
لكن الشكوى على اللي / سخر الطاير لطاير=والعتب يا اميرنا من حب ممزوج بغياره
حط ميزانك / وحاسب / من تسبب بالخساير=لاعبً / والا مدرب / او يكون من الاداره
واجمع عزومك / ومثلك / ماتوقفه الخساير=وامش دربك / والصداره / مانبي غير الصداره

يابو فيصل / فداك اللي يقولونه=لو يطول الكلام / ايام وليالي
لك خصومـً /على فرحتك مغبونه=ينعرف رسمهم / بالوان واشكالي
من دجلهم/ ومن كذبٍ/ يعيدونه=صار دجّالّهم /عشرين دجّالي
الحسد في ضمايرهم / يشيلونه=الاول / الاولي / والتالي / التالي
اعبر الدرب / والخطوات موزونه=لين تتحقق / الاحلام يالغالي
وياصقاقير/سر الصقر بعيونه=نظرته للبعيد / وماكره عالي
طيب القلب لا لا مايحبونه=بعد ما اصبح / شعاره ازرق هلالي
العلّم فوق/ والعالم يشوفونه=والدني/ ذمته تنباع بريالي
البطولات/ باذن الله مضمونه=دام ذا منطقك/ ياطيب الفالي
يابو فيصل / فداك اللي يقولونه=لو يطول الكلام / ايام وليالي
لو بغيت اكتبك/ بالشعر ولحونه=مرني شي / مايخطر على البالي
وياجماهير الازرق/ لاتلومونه=الكريم / الحليم / الطيب / الغالي

ودي بشيً/ ماتهيا لغيري=مليت من /حفظ الزمان/ وكتابه
اكتب بجرحي/ واستلذ/ بزفيري=الله /يامحلا /جروح الكتابه
يغتال / راعي الورد / نشوة ضميري=وراعي الحطب /ياتي بوقت احتطابه
البس من الدنيا/ طويل /وقصيرِ=وامر/ فوق الارض / مر السحابه
ايام تمشيني/ بشري /وخيري=ويومً يمر/ولايجوز احتسابه
في داخلي/ شاعر يحدد مصيري=ومن حسبة/ احلامي/ يكمل حسابه
يستكثر/ الظلما /علي ويغيري=ويزيّن بحزني /زوايا خطابه
احيان /يرقى بي /ولا لي نظيري=ماكن غيري/ له مكان ومهابه
مثل الملك/ لاقال قم ياوزيري=انثر عطايانا /على اهل الصبابه
و احيان احسّه/ مثل طفلً غريرِ=وانا قلمه / اليا لقاه/ التهى به
الشعر حرفه / مثل سيفٍ شطير=بيته /غدى بيتي / وكفي نصابه
يسوقني /صوب الطريق العسيرٍ=وانا احمله /هم / وجروح/ وكأبه
اكذبه حفنه /من كفوف الاميرِ=واصدقه/ طعم الدمع / وقت انسكابه
واجمله (بشرى الصوت)صوت البشيرِ=صوت المسافر / يوم ودع غيابه
من فرحته /بارضه / وشوف العشيرٍ=اخرج زكاته/ قبل يكمل نصابه
وانا على درب القصيد / المثيرٍ=اخفض جناحيني / لحضرة جنابه
واحلم بشيً/ ماتهيا لغيري=مليت / من حفظ الزمان / وكتابه

حبيبتي /عدي جروح الليالي=من كثرها/ ازريت لاحصي عددها
اشيلها /واظهر مع الناس خالي=الليل يسقيها / وقلبي حصدها
اول جروحك /صار صاحب معالي=واخر جروحك /جرحً / امر وادهى
والهم يزرع / للسوابق / توالي=امً ودود/ وكثر الله ولدها
مابين منطوق الجفا /واعتدالي=فقدت لي حاجه/ وغيري وجدها
حبيبتي / لا/ يا بعد كل غالي=قصيدتي ماكل شاعر/قصدها
يامٌلهمة / كل الطروق الجزالي=لو الجروح الحٌمر / يكثر عددها
احساسي اكبر من حروف المقالي=اليا تهيت شوفتك في وعدها
رسمت لك احلى الصور في خيالي=صوره يذوب الشمع في كف يدها
الشمس / تنشر لونها البرتقالي=على جبينك / كنّها في بلدها
وهـذي شفاهك /ملتقى كل حالي=يمطر مطرها / قبل يبرد بردها
تسافري / واصرخ تعالي / تعالي=صرخه / تهز الغيم للي بعدها
استوطني بين الجدي والهلالي=واستلهمي سر البروق / ورعدها
وتذكري / كل الليالي الخوالي=وقلبين / يبتل الكمد /في كمدها
ويبقى لعيني/ في عيونك /سؤالي=غمزة عيونك/ من هو اللي رصدها؟؟

بسم الله الرب الرحيم / الوالي / البر/الودود=اللي خلقنا من عدم /واوجد بنا سر الحياة
اللي جعل رمضان افضل شهر /بايام الوجود=وزاد فضله / بالصيام / وبالزكاة / وبالصلاة
ومبروك /شهر الخير والرحمه على العالم يعود=والعتق من نارً تلظى / في جهنم للعصاة
ومن بعدها نبدا/ في الموسم مع الازرق جنود=مع جماهير الهلال /اللي لها عزم وثبات
بالصوت/ والتشجيع/ نشعل في مدارجنا وقود=ونرسم مشاعرنا/ على هيئة رسوم/ ولافتات
حنا جماهير الهلال /اللي بوقفتها تزود=حنا هلاليين/ مايرضي هقاوينا الفتات
هلالنا يتطاول العليا / ويرقاها سنود=ونجومنا عند الوعد/ مثل الخيول العاديات
تاريخنا في سيرته /ماهو بمحتاج لشهود=نوره سطع للناس في كل النواحي والجهات
طموحنا /برجالنا /وابطالنا /فوق الحدود=الله يقدّرهم /على تحقيق/ كل المنجزات
شكرً لابو فيصل / وادارتنا / على كل الجهود=احساسهم/ واخلاصهم/ انهى جميع المعضلات
نجومنا شِدوا العزايم /لايجي فيكم برود=انتم هل الهمه / ولاتحتاج همتكم وصاة
اللي يحط الشوف عند الرِجل والله مايسود=لابد يرقى شوفكم / فوق الجبال النايفات
واللي يخاف من الخطر ماجاب من دنياه فود=لكن على مجهودكم / نبني قصورً شامخات
والفوز والتوفيق / بعد الله بتكثيف الجهود=والله يوفقكم /وتتحقق جميع الامنيات

يعود العيد /بعد العيد/ والفرحه هي العنوان=ونسرق من زمننا لحظةً/ ونعايد الغالي
مبارك عيدكم/ والله يثبتنا /على الايمان=ويكرمنا بفضله والقبول / ويرحم الحالي
ويمد اعمارنا للخير/ ودروبه/ زمن وازمان=ويسيّرنا بعد رمضاننا /في خير الاعمالي
وخطايانا/ ومعاصينا /يجازينا عليها احسان=ويرفعنا بجوده/ في مكانً طيبٍ/ عالى
ويعجّل بالشفا/ والعافيه/ للمنهك المرضان=ويستر حال من يشكي الهموم ايام..وليالي
ويرحم كل من عيّد معانا في زِمانٍ كان=ويوم العرض ينجينا معه من كل الاهوالي
ويصونك ياوطننا من شرور ونية العدوان=وييسر قادتك للطيّبه في كل منزالي
حمدنا الله على الاسلام/ والايمان/ والقرأن=وطلبنا منه رحمه ترحم الاول مع التالي
ويعيد احبابنا بافراح /واستقرار/واطمئنان=مراسيم السعد والنور تغمر كل الاطلالي
وباياديهم مزاهير الفرح/ اشكالها والوان =تعابير الموده / والوفا /من غالي لغالي
وهذا العيد/ بعد العيد/ والفرحه هي العنوان=عسى هالعيد/ فرحه تبتدينا/ مالها تالي

الليله/ الليله /تهل التباشير=ويشق وجه/ سهيل قلب العتامه
وتتشكل البيدا / زهور ونواوير=وتسجع على لحن الأحبه حمامه
يامرحبا مليون/ مليون يامير=في روم الازرق /روم نادي الزعامه
عداد مارفرف/ جناحين للطير=وعداد ما سالت / روابي تهامه
جوك الاحبه /كل ابوهم طوابير=وكلٍ رضاه /يمثله بابتسامه
حفيد ابو تركي / زعيم المغاوير=لعل رب الكون / يرحم عظامه
لك في ضمايرنا /محبه وتقدير=ولك فوق هام المجد / وسم وعلامه
للمرجله فارس / وللصدق تاثير=وانت الكبير اللي يثمن كلامه
وانت البطوله/ والذهب /واول الخير=وانت الذي يفرض علينا/ احترامه
وانت الذي لون شفاه النوافير=واشعل غمامه / من فتيلة غمامه
شعراً يصورشكل الابداع تصوير=يصعب على العقل السقيم /افتهامه
كفو الين الشمس تشرق من عصير=كفو/ كفو / اسم / ومبادي وهامه
يامير حاشا / مايجي منك تقصير=ولاعليك من/ الملامه /ملامه
معك /معك/ والحب مافيه تغيير=حتى هلال المجد / يوصل مرامه
واللي يزور في سوالفك تزوير=عساه يكذب لين/ يوم القيامه
يهرج ومبداه ادهن السير ويسير=ويبان فكره من فتوق العمامه
هذي رياضتهم / مكايد وتدبير=ورياضتك حلم //وسلام وشهامه
بالجو تتبارى صقور الصقاقير=والا رض تعرف حجم راس النعامه
تمل من بعض الثياب الازارير=ويعاف متن المحتزم من حزامه
ياسيدي / ضاعت جميع المعايير=وضاع الكلام / وحجته / واحتكامه
في حضرتك / نبدي بنوقً مغاتير=قصايدً مثل الفجر وارتسامه
من راس شاعرها / وباسم الجماهير=وباسم الرجال / بروم نادي الزعامه
وختامها يامقدر العمر تقدير=ياعارفً سر الزمان ودوامه
تكتب لنا من عندك البر والخير=ولاميرنا صحه / وستر وسلامه

زمرة التزوو غربان الفضاء في كل ديره=خيّب الله ظنهم واوهامهم مليون مرّه
اقبلوا مثل الظلام ولالهم قلب وبصيره=وادبروا وقلوبهم فيها من الانجاز حرّه
كل واحد من شفاهه قام ينفخ نار كيره=والزعيم يحوسهم شام ويمن لله درّه
ياهلال العز يافخر اسيا قبل الجزيره=يانجم بالارض يستهوي نهايات المجره
والله ان الشمس ماتحجب عن العالم ظهيره=والزعامه للزعيم ولاعلى الجاهل تشرّه
يازعيم المجد ياسلطان للتاج واميره=من علوّك تحسدك حتى الجبال المستقرّه
قبح الله فعلهم ماكن للاوطان غيره!!=وقبح الله جهلهم ماكن للتاريخ جره!!
يتركون المجد واثار المسيّر والمسيره=وينشدون الاتحاد العالمي وينه مقره
ياغراب البين ياللي صابك من المجد حيره=انت تكذب / ثم تكتب بالرماد اللي تذرّه
اعرفك صاحب نوايا سود واهدافك حقيره=خاب فالك / يافخر كل الوجوه المكفهره
وانت ياراعي الصفاقه / والمفاهيم الصغيره=ليش تصفق كفّ بكفّ ومنطوقك تجره
مادريت انك مثل ورعــٍ يدور له فطيره=من عطاها له كفاه الله من جهله وشرّه
اللقب جانا وحققناه مافي الامر خيره=والهلال اكبر من الالقاب /والله لايضرّه
وانتم انتم لاعقول / ولا اداب ولابصيره=النجم عالي وزاد البحر ياقوته ودرّه
المهم الشيخ ابو زايد يبي يشرب عصيره=ثم يوجهكم ويلقى في النهايه /مايسره

مابقي/ الا يوجهكم /حسين=وتاخذون/ الاوامر/ بامتثال
انصفوا / يابشر / يامسلمين=وارفعوا الظلم/ عن نادي الهلال
ضيعتكم /علوم المرجفين=وانشغلتم /بتفسير الجدال
مابقي للعداله/ منصفين=ولابقي للفرج / أي احتمال
في دهاليز / درب التايهين=كم بطولات / ضاعت للهلال
وين مكسب وخبرات السنين ؟=وين تدريبكم في كل حال ؟
اخرتها يوجههم حسين !!!=والاوامر ينفذها جلال!!!

بعد ماطافت افواج السنين=نادي القرن يانادي الهلال
طول عمرك وتاريخك ثمين=وماتزيد الجمال الا جمال
عزوتك بالرجال الغانمين=وهمتك عاليه مثل الجبال
المؤسس بنى صرحً متين=وصار بالتضحيه ماله مثال
ولو ذكرنا الرجال الداعمين=مابقى في دفاترنا مجال
الله الله كم من مبدعين=اوجدوها حقيقه من خيال
كل دربً بخطواتك يزين=وكل مجدً غدى لك راس مال
الهوى في قلوب المهتوين=والقصايد في وصوفك جزال
ياهلال / انصفوك المنصفين=ورفعوا رايتك في كل جال
وجملة اهل الحسد والحاقدين=جعلهم يابعدهم للزوال
ياهلال السما لو ماتبين=عندنا بارضنا /مثلك هلال
يعشقه كل قلب وكل عين=الحقيقه وما فيها جدال
عاش فخر البلد والعاشقين=كل محفل وله كلمه تقال
ونادي العز في كل السنين=نادي القرن يانادي الهلال

علي.. ويزدان الورق/ بالعلم والفكرالسليم=علي وتترتب بعد اسمك/ صفوف المبدعين
كتابك الموسوم /بالأتقان يالحُر العديم=اجمل هديه للهلاليين/ والصرح المتين
شرحه/ وتقديمه/ وتعبيره /ونقشه /والنظيم=كنك كتبته /والحبر/من حبر (عطر الياسمين)
توثيق للتــاريخ /والانجاز/والمجد العظيم=سيرة (هلال المجد) بالصوره/ وتاريخً ثمين
حركت في اقصى ضمايرنا/ شعوراً مستديم=واشعلت فينا (جمرة الذكري) ولحظات الحنين
انجازه اعجازه / في الوقت الموالي والقديم=واعجازه انجاز/ الرجال العاشقين/ الصابرين
لاهنت (ابونواف) تكرم يالكريم ابن الكريم=حرفك اسرنا سيدي/ واقبل شعور الصادقين
(اخو سعود) اللي فراقه سبب (الحزن الاليم)=ذكراه مازالت /تهز ارواحنا/ في كل حين
عداد ماهل المطر/ وعداد ماهب النسيم=تغشاه (رحمه واسعه) من عند رب العالمين
علي.ولك (لمحة وفاء) تنساب من اقصى الصميم=سطرتها وارسلتها على دروب المخلصين
شكراً.. ترددها/ وتكتبها/ جماهير الزعيم=شكراً.. ترددها/ وتكتبها /حروف المنصفين
شكرا.. ولو كانت( مطر) ماشالها بالجو غيم=شكراً.. ولو كانت (امل )ماعاش بالدنيا حزين
نورت من نورك/ زوايا الجهل /والليل العتيم=واقفلت باب الشك/ لاهل الشك /بالنور اليقين
هذي الرياضه روحها بالفكر/ والنهج القويم=تفخر صحافتنا/ بمثلك ياخلوق /ويارزين
(اسطورة الفرسان) بالمنطق/ وبالراي الحكيم=والا الفروسيه/ ابد ..ماهيب للمتعصبين
واللي يهيم مع (الحكاوي الزايفه) خله يهيم=ليله ولو طوّل في احقاده/ يسولف ليلتين
هذي الحقايق واضحه / ولايغيبها غشيم=ولايرد الحق/ عن مجراه (حقد الحاقدين)
لله درك/ ياعلي/ لله درك/ يافهيم=مبدع وتترتب بعد اسمك ( صفوف المبدعين)

انا احس السعودي/ يرتفع لاصار بين الناس=وقالوا ان الدعيًع /واحدً من اهله وناسه
عزوم /وكل عزمً دون عزمك/ يعتبر افلاس=ياكم قبلك مهاجم /من عزومك/ اعلن افلاسه
مضى عشرين عام من الزمان/ ولاانهزم احساس=يقول انك عميد المجد/ من ساسه الى راسه
مع الصف الهلالي/ كنت حارس مخلص ونبراس=وياحظ الذي كنت انت حارس/ له ونبراسه
ومعك جبنا البطولات الكبار/ وكاس.. يتبع كاس=تصد اهداف/ وتصفق كفوف الخلق بحماسه
بطولاتك .. والقابك ...كبار ولا لها مقياس=لكن الاكبر/ انك صرت للاخلاص مقياسه
عليك الله وامانه/ ياشديد وياقوي الباس=يحرًسك خالقك/ من نظرة الحاسد ومن باسه
اذا كان الهلال (البحر الازرق)موطن الالماس=انا اشهد يادعيًع/ انك اغلى /واثمن الماسه

الطموح الكاس /.والازرق بعزمه ينتصر=والاماني اطول اطول من شواهيق الجبال
انشد التاريخ /ياناشد / وتلقى لك خبر=عن جماهير الهلال // وعن اساطير الخيال
ياجماهيرً/ لها / باعماقنا اكبر قدر=والله ان المرجله /ماتكتب الا للرجال
للرجال اللي تحلوا/ بالرجوله والصبر=يحمدون اللي له الحمد/ وعليه الاتكال
ريس النادي/ قوي العزم/ وقاد الفكر=ونايبه نواف/ في ماقام به/ اكبر مثال
اشهد ان الحـُر /ابو فيصل قِطامي/ ماقِصر=ماقِصر/ وافعاله اللي مايضاهيها فِـعال
ارتكى للحمل/ والاعياد/ بانت من عصر=فالنا/ في كل موقف/ مرحبا ياخير فال
ياجماهير الزعيم /اكبرشرف /واكبر فخر=اننا نوقف /ونتعاضد /مع نادي الهلال
ياجماهير الزعيم/ وموجكم / لامن هدر=من هديره/ ترتجف حتى المراويس الطوال
ياجماهير الزعيم /وعيدكم بعد الشهر=ينتظركم/ وانتم اهل الاوله/ في كل حال
*ياجماهير الزعيم/ ووقفةّ ً ماتنشهر=ماتمثلكم جنوب/ ولاتمثلكم شمال
*ياجماهير الزعيم/ الكسر الاول ينجبر=بالصمود/ وبالثبات/ اليا احتمى وقع النزال
ياجماهيــر الوفا /دقت نواقيس الخطر=وانتم اهل المقدره /من غير تشكيك وجدال
الخلايق تنتظركم /والمدرج ينتظر=سجلوها وقفـة ً / تبقى على مر الليال
مجدنا التاريخ/ يزهى به /ويكتب به عبر=مجدنا/ كان المهيمن/ بالزمان ولايزال
حلمنا السابع /يجي باذن العزيز المقتدر=مايقف دونه عسير / ولايقف دونه محال
حلمنا السابع/ مثل ضيف ً/ عزيزً منتظر=غربته/ طالت / وطال البعد/ يالاحباب طال
*حلمنا شاله صقر/ مامل من مد النظر=شوق عينه للسمان/ ولايدور للهزال
حلمنا السابع/ تباشيره /تباشر المطر=رعد يرعد /برق يبرق/والمطر من كل جال
ياهلا ل النور/ نورك /كم تمناه القمر=ماتهون / ولاتكون الا على قدر/ وجلال
ياهلال العز/عزك دايمً / طول العمر=مثل شجره مثمره/ ترسم على الرمضا/ ظلال
في عيون اعداك/ نقشك/ مثل نقشاً في حجر=غمضوا!! او فتحوا!! او كحلوها بالكحال
الهلال: اجمل حكايه/ بالملاعب تنتثر=والهلال : اعذب قصيده تنكتب بين الجزال
قالها :من قبلنا شاعر مخضرم بالشعر=(خبروني لالعب في ملعبه نادي الهلال)
قالها : واقولها : وانا قصيدي مزدهر=خبروني من سقى تاريخنا حبر الجمال

عيب البحورنها/ ودت ولا جــــابت=مـاجابت اللي تغرب عـن موانيها
:::
وعيب المواني /عقب (شمس العصر) ذابت=ماسولفت /للرسوم ولامعا نيها
:::
وعيب الرسوم/ انها تحت الشفق غابت=ولابقي للنوارس/ رسم يهديها
:::
وعيب النوارس/ من اول عمرها شابت=والحانها للمسافر /من يغنيها
:::
وعيب المسافر / بعد مارحلته أاابت=عوّد لسبر البحور / وسبع اراضيها
:::
كأن نفسه على... تغريبته دابت=يسوق الاحلام / والاحباب ناسيها
:::
مِثله صقور الهوا/ جاعت ولاهابت=تاكل كبِدها /ولاتاكل جناحيها
:::
ياسيّد البحر/ والامواج مارابت=طهر السواحل /ولون الشط يغريها
:::
من يشرب امواج (ملح البحر) لانسابت=عزي لديره /(بحور الملح) تسقـيها
:::
تعال/ هذا الحزن /باعماقنا نابت=ماله منافي تضمه / عن منافيها
:::
ثبات هذا الجبل/ من همّه الثابت=لو زاح همه/ تعذر من مفاليها
:::
مايشكي الهم قلبً حسرته غابت=ولايعِد الجــروح/ الا معانيها
:::
جروح طابت غصب /وجروح ماطابت=وجروح/ ربي يكافينا بلاويها
:::
العمر ماقلّ يوم ان اللحى شابت=العمر يزداد /بالحكمه وراعيها
:::
والبندق /اللي على النيشان / ماصابت=غلطان /غلطان/ يامن هو يثنيها
:::
الاوله خايبه/ والثانيه خابت=والثالثه وقعها/ في قلب راميها
:::
ياكم نفوسً /عن الزلات ماتابت =دام الهوى/ بين بايعها/ وشاريها
:::
ونفوس مدو لها الحبلين/ وارتابت=لها عيون /ولها بصرٌ يقديّها
:::
والبحر غدار/ والامواج مارابت=والسندباد/ابتدا :::يحكي حكاويها