هذي الدموع / اصدق من الما في مخاييل المطر=هذي دموع ً /مابعدها يامحمد /من دموع
:::::::
تحكي حكايه من مشاعر / والمشاعر تنشطر=حزن /والم /وافراح/ تتعارك/ وراء حدب الضلوع
::::::
ما تحتويها /لاعيون / ولاتأطرها/ أٌطر=ولايوقف نزفها/ في وقتها /كل الدروع
:::::
الله فرجها يامحمد بعدما /زاد الخطر=والله كتب ان المشاعر في النهايه ماتجوع
:::::
عيسى المحياني/ كتب لاحلامنا اغلى سطر=سجل هدف غالي/ وحاسم انعش امال الجموع
:::::
وانتم /معاكم حلم / بقلوب الاحبه/ منسطر=جمهوركم /مايعرف ايات الهزيمه والخضوع
::::
وان شا الله/ انا نحتفل بالكاس/ ونرش العطر=ونعيد ذكرى مجد/ونضوّي على الفرحه شموع
:::
و تذكري/ كل التفاصيل/ الدقيقه ياقطر=وتذكري انا /قهرنا ..القهر ..في يوم الربوع

ياميرنا /نقبل/ عتاب المحبين=ونقبل /هلال المجد في.. كل حاله
ونقبل تغيب / بيوم / والا بيومين=لاصار نزف الجرح صعب احتماله
نقبل قراراتك على الراس والعين=الا قرار البعد والاستقاله
الجو جوك / يازعيم الشياهين=وهذا الفضا يقصر بعينك مجاله
ذي ا نقوشك/ زاهيه بالميادين=من رسم شاعر /فاق وصفه خياله
وهذا حضورك/ يحتريه المحبين=يمثل( القلب الوفي) واعتداله
جمعت لك/ من طيب قلبك محبين=اكثر من جنوب الكلام وشماله
جمهور الازرق/ سيدي بالملايين=وكل ًٍ يشيل بوسط قلبه هلاله
نعرف نقدر/ والوفا بيننا دين=دين الرجال اهل الوفا/ والجماله
وانت الكريم/ ابن الرجال الكريمين=فعلك/ ابد ماتحتويه المقاله
ياكم تمنينا / وجودك من سنين=واليوم/ مانقبل لزولك/ بداله
عاشو الهلاليين/ مثل السلاطين=وكل سلطانً / تبيّن فعاله
جمهور الازرق/ سيدي بالملايين=وكل ً يشيل/ بوسط قلبه هلاله
ويقول تكفى /يازعيم الشياهين=ماكل (صقرً حُـر) نلقى بداله
يشهد لك /الاقراب /واللي بعيدين=انك كفو مبدأ/ وعلم/ واصاله
كفو/ الين البرد يغدر بتشرين=كفو /الين العود ينكر ظلاله
كفو/ ولك فيها شهود/ وبراهين=والكفو/ له من طيب وجهه دلاله
ياسيدي/ تحتار كل العناوين=لكن جيتك / بالشعر والجزاله
مــ/الله خلق لك/ بين الاضلاع قلبين=وما لقلب العاشق/ الا هلاله

الحلم فاق احلامنا/ في شرقنا الاوسط وزاد=الله اكبر ياقطر / الله اكبر ياقطر
ياديرة كاانت /ولازالت تبرهن للعباد=ان التحدي من (عزوم رجال|) ماهو من بـطر
هذي امتدادت الحضاره/ من ارم ذات العماد=فيها تأطر للوفا والمرجله / كل الأطر
تاريخها صبراً على الدنيا /وعزمً واجتهاد=الله كم وجه احترق / الله كم قلب انفطر
واليوم شفنا عيدها يوم ان رب البيت اراد=ترسم حضارتها / ووتتفيا سحابه من عطر
من طيبها لعروقها في منهل الطيب امتداد=ومن وجوه رجالها / لاحت تباشير المطر
المونديال العالمي / ماهو مجرد اعتماد=المونديال العالمي/ من القصيد اجزل شطر
ابن خليفه قايد الدوله طموحه بازدياد=غيث السحاب المنهمر / زيزوم في وقت الخطر
هيبة اميرً مقتدر /قامت على نهضة بلاد=بين السطور المبهره /صارت قطر اجمل سطر
هذي قطر بنت البحر / اخت العطر/ ياسندباد=هذي قطر ياسندباد /احلامنا هذي قطر

ياياسر اتعبت خلق الله بدو وحضر=واتعبت من تابعك من شلة الخاسرين
نجمك لمع فوق (هام السحب) مثل القمر=والناس ترقب( شعاع النور) طول السنين
يــ/ المبدع ايش عاد يلقى فيك( راعي الفقر)=الا العطا/ والفنون/ وسيرة المبدعين
وان كان طالك لسان الحاقد المنقهر=تقديرك /اكبر من الحساد /والحاقدين
الخِـبل ياخذ حجربيده ويرمي الشجر=والا الثمر من نصيب العالم الطامحين
اكفخ بروس الجبال العاليه ياصقر =وخل الجرابيع تركض بالمكان الطمين
من عاش عمره يسوق الرجل بين الحفر=الله يعينه على بلواه في كل حين
وده مع نورك ونور القمر يشتهر=ووده يقولون / ياهذا الشجاع الذهين
يكتب سطر من تخاريفه / وينسى سطر=فِكره يجيب التخلف / لكن الله يعين
يروي (حكايه ) على كيفه ويكسر شِعر=ويزيد معيار/ جهله / حبه او حبتين
جاهل /وحاقد /على المبدع ويتبع اثر=ويموت لامن لمح (صرح الشموخ ) المتين
ازمة (مبادئ رياضيه )وازمة فِكر=مع ثقل في الدم /والمضمون يندي الجبين
لو كل صاحب (مرض نفسي) طلع وانفجر=كان اندمر( نخل بيشه )من قديم السنين
ولو ننتبه ويش يقول الغايب المستتر=شوف الحقايق/ تبان بكل وجهً وعين
لكن تبقلى الرياضه علم زايد فكر=والبدر في الليله الظلما يطل ويبين
يا ياسر انت امتداد المجد/ وانت الفخر=كفو كفو لين تبطل حجة المرجفين
حضورك يزيد لامن حان وقت الخطر=وانجازك يزين في وجه الكتاب ويزين
لكنك اتعبت / رواد الفشل/ والفقر=واتعبت راعي القلم والدفتر ابو اربعين

ياشينها الفرقا / وطاري الفرقا=ويازين سيرة ياسر القحطاني
اعذب حكايات /الزمان وأجمل=واكبر أمل / في مقبل الأزماني
ياسر..! تفاصيل الجمال الأسر=ياسر..! مشاعر تسكن الوجداني
قناص للمرمى / وله تاريخه=يشهد له اللي قاصياً / والداني
ياسر لنا ماهو مجرد لاعب=لاعب / ورمز / وفارس الفرساني
مع الهلال / اعطى بكل احساسه=وقاد الفريق بسطوة الشجعاني
ياسر ..!حكايه كيف مانرويها=سيرة بطل/ يزهى به الميداني
صعبه اقول / (الكاسر العيناوي)=مايرتضيها / خاطري ولساني
يمكن.. حداه من الليالي حادي !!=ويمكن ..! تمادت به / يدين الجاني ..!!
لكنه الكـــــــاسر / وقوة عزمه=تضمن له /الامجاد / والتيجاني
مــــاكنت مـتــخيل فراق الكاسر=او إنه يوقع لنادي ثاني!!
لــــكنها الدنيا / ولايعلمها=الا القدير/ الواحد /الرحماني
يبقى لياسر بالضماير صوره=بروازها اغلى من المرجاني
ويبقى البطل حاضر مع جمهوره=جمهورلعبه / عاشق وولهاني
وان كان مرت بالحناجر عبره=هذا الوفا / يا ياسر القحطاني
جمهورك الصادق/ لسانه عاجز=مذهول / مايستوعب العنواني
ماينبكي / غير الصديق الصادق=ولاينفقد غير / اشجع الفرساني
وان جيتنا باكر على موعدنا=تلقى الهلال مشرّع البيباني
وتلقى القلوب / اللي تهلل باسمك=مستعجله / قلبً يطوف الثاني
لان الوفا / والود / لك ياغالي=يزيد / ماينقص / في الميزاني
سافر.. وجمهورك ابد ..لايمكن=مايتركك / في غيبتك وحداني
لك في ضمايرنا / مشاعر تغلي=بالحب / والتقدير / والعرفاني
ولك من جماهير الزعيم الأزرق=كل الشكر يالنادر الشيهاني

دبلجـوا الصوت /والا فبركوا الصوره=فبركوا أي لقطه/ نفسكم فيها
الخبر كذب / والا قلام ماجوره=والقضايا/ يدبرها محاميها
كم سوابق لكم في الجهل مشهوره=وكم نوايا ظهر مقصود ناويها
ياهل وقفات / منهيه / وماموره=نضحك من العجب/ لاحل طاريها
عمكم قال شوره/ واسمعوا شوره=لازم السالفه / غصب ً يمشيها
الزعيم الذي سبب لكم فوره=يحرق اعصابكم / لا مايهديها
ابتدى موسمه / والناس مذعوره=البشر تنثر بدربه دعاويها
والبطولات لاهل المجد محصوره=والمقامات محفوظه لا اهاليها
وانتم اقزام تتطــاول على صوره=من تصاريفها / خابت مساعيها
كل واحد وله حجــمه وله دوره=وكل قصــه لها كذاب يرويها
لكن العلم / والاقوال ماثوره=الحماقه عجز فيها مداويها

اذا حضر نادي الهلال وشعاره=النصر بالميدان يصبح هزيمه ..!
جن الملاعب/ معتلين الصدار=مصادر الأبداع / واهل العزيمه
بالمقدريه/ واللعب /والجساره=تصنيفهم مع الصقور العديمه
في لعبهم مايقبلون الخساره=والخصم يلقى له هزيمه اليمه
جمهورهم في كل زنقه / وحاره ....!=يعلمون اهل القلوب الغشيمه
البارحه بانت فنون المهاره=وبانت جماهير الهلال العظيمه
فــــاز الهلال بهيبته واقتداره=واعطى( ظلام الليل) معنى وقيمه
كتب ثلاث ارقام / واحلى عباره=صادق على( العام الجديد) بقسيمه
والخاسر اللي مبطياً في الخساره=ماهو ب فايز / دام الازرق غريمه
يانادي التصويت ..! تكفي الأشاره=ماعاد تنفع كل حيله قديمه
الصوت يمكن يرتفع للأثاره=لكن (شعاع النور) يجلي العتيمه
احساسكم /مابين غاره/ وعاره=يقول ياليت الـعواقب سليمه
وياللي تشطــّر خل عنك الشطاره=هذا سنام المجد/ هذا زعيمه
هذا الحضاره في كتاب الحضــاره=هذا الذي يقدر يجيب الغنيمه
هذا الذي مايختلف في مساره=نادي فخر وانجاز / والله يديمه
بالفن والأبداع يرسم شعاره=ويرسم على وجه المنافس هزيمه

اسفرت وانورت من كل جال=واشرق النور يالرابح سعد
مرحبا جيت في نادي الهلال=نادياً عن طموحه ما ابتعد
انت نجمك سطع فوق الخيال=لك مزونك / ولك برق ورعد
مع هلال المواقف والرجال=فالك المجد ياوجه السعد
قيمة الكفو ماهي بالريال=قيمته يوم يوفي بالوعد
كل ماصار قبل الانتقال=اتركه وانتبه للي بعد
جيت رابح ولك قدر ومجال=سهم حظك مع الازرق صعد
مرحبا هيل في نادي الهلال=ياسعد/ ياسعدنا /ياسعد

اذا حضر هذا (الزعيم الهلالي )=سعر الذهب يغلى ثلاثين مره
نادي الهلال (الأسم واللون) غالي=والمجد له مابين كـــره وفــــره
صاحب سمو المجد/ صاحب معالي=او هو ملك .. له بالمنصات جُــره
(شعاع نوره) يرتسم بالعلالي=مع النجوم اللي تطوف المجره
وعشق (جمهـور الهلال) المثالي=عشق ٍ عظيم ٍ / والنتايج تسره
الكاس خامس مرة ً / بالتوالي=من كل حاسد/ ربنا لايضــره
عادات للازرق /من اول وتالي=الفوز له / والكاس يعرف مقره
قولوا لخصمه / لابدا بالنزالي =لو زادت الاحلام/ تصبح مضره
الموج الا زرق /لانوى مايبالي =لله در المــــــــــوج / لله دره