انســــان
عدد الضغطات : 18,536
الجمعية الخيرية لتحفيظ القرآن الكريم
عدد الضغطات : 13,036(انسان) الجمعية الخيرية لرعاية الايتام
عدد الضغطات : 18,649استمع إلى القرآن الكريم
عدد الضغطات : 9,850

   
العودة   شبكة القناص - الموقع الرسمي للاعب ياسر القحطاني > المنتديات العامة > صـدى المشـاعر > صدى المشاعر ( النظم ) > دواووين شعراء النظم
   

إضافة رد
 
LinkBack أدوات الموضوع انواع عرض الموضوع
قديم 19-12-2011, 09:30 PM   #1
اليوزر الاداري لقسم صدى المشاعر ( النظم )
 
افتراضي الشاعِـر : سليمان الشدوي







( راشد بن عبدالعزيز بن سعود .. ال سعود )

\


بسم الله الرحمن ماشاء الله على سيد الرجـال
راشد ابن عبدالعزيز ابـن سعـود ال السعـود


صقراً يروم المبعدات النايفـات مـن الطـوال
اليا كفح حول السما ماهاب من بـرق ورعـود


طيب انتساب وطيب ذات وطيب وجه وطيب فال
وطيبً مع طيب البشر لو تجمعه عنهـم يـزود


عزام مالـه فـي عزومـه لاشبيـه ولامثـال
عزمـه شديـه ولالعزمـه لاحـدود ولاقيـود


كله حماس ويشتعـل مـن اشتعـالً باشتعـال
لو تجمد الدنيـا علـى دنيـاه ماجـاه البـرود


يسود باول عمره اليافـع ولامـن قـال طـال
عساه طـول العمـر والايـام للسـاده يسـود


عند عطا عنده وفـا الاجـداد ماعنـده محـال
حـرً ابـيً صيرمـي قـادر ونـادر بالوجـود


يجمع من الحب اكثـره ويبعثـره لاجـا مجـال
ويحوًل احساس الطفوله فعل من فعـل الجـدود


يسكت وفعلـه كلمتـه كلمـه ولافيهـا جـدال
يوحي بها اللي ماوحى وحي المدافـع والفـرود


من هيبته تفخر جبال من الجبال علـى الجبـال
وفي مشيته تخضًر كل ربوعها (صحرا النفود)


ماهي غريبه عاش ابوه العمر شهـم ولايـزال
رمـز الشهامـه فـي مواطنهـا ولله الكمـال


شاعر ويشعر بالحيـاة وكـل اسـرار الجمـال
وسامر الا منه سًمر قـاد المعانـي قود..قـود


وان لاحـت العليـا لراشـد قلـت لله الكمـال
يشتاقهـا قلبـه ويطلبهـا ولاعنهـا صــدود


كنًـه يسابـق مهـرة الايـام وخيـول الليـال
ويطوفها صـوب المراجـل والمقفـي مايعـود


مدري خياله من طموح او هو طموحه من خيال
محدً درى عن غايته .. لكن يبي يرقى سنـود


الله عليه اليا وقف ..من قال( ضلع طويق) مال
والله عليه اليا عطا كـنً العطـا مالـه حـدود


ذوقه رفيع ولايقً ذوقـه علـى نـادي الهـلال
مثل البحر والشمس مايجحد محاسنهن جحـود


حتى اسمه اصبح شطر كامل بالقصايد لو يقـال
يكمل على مغناه فـي مبنـاه والمعنـى شـرود


تخطيه عينـاً ماتسمـي بالـذي حـل الحـلال
وتصيبه اللي صابت (ال سعود) من بين الحشود


وشعار جمهور الهلال اليا بـدا وقـت النـزال
ركود مـادام ان راشـد عندنـا يعنـي ركـود


راشد وابـوه اثنينهـم يالله يامنشـي الخيـال
تسعد لياليهـم وتسعـد جـده الوافـي سعـود


التعديل الأخير تم بواسطة حرّه ماتنقاد ; 19-04-2012 الساعة 05:55 AM
صـدى النظم غير متواجد حالياً   رد مع اقتباس
قديم 19-12-2011, 09:35 PM   #2
اليوزر الاداري لقسم صدى المشاعر ( النظم )
 
افتراضي رد: الشاعِـر : سليمان الشدوي

ردي على القرار


مهما يجييك من االعنا والمصايب=مهما يمرك من عوارض وازمات
هلا ل من عزمك تهل السحايب=وينخاك قرص الشمس في كل الاوقات
انت الذي.... تقدر تقود الركايب=يوم ان غيرك هاب كل المسافات
خالص منقى من جميع الشوائب=ظاهر جمالك فوق روس الطويلات
يا هلال تاريخك مشت به ركايب=ماهي حكايه جات ياكيف ماجات
لانك بطل حطوا بدربك نشايب=ولانك قوى خلوا طريقك متاهات
يدرون لو طالت معاك الطلايب=ماحققوا بوجودك اربع جنيهات
وانت الذي بترد والرد صايب=ان قاله الله ب( الثلاثة بطولات )
وان عاندك جاهل فماهي عجايب=يشوى النداوي في سلوم الجهالات
واللي يبي يوجد لمجدك سبايب=هيهات قل له يا ازرق اللون هيهات
فداك خايب شار من شور خايب=وفداك هامات تراخت لهامات
ياسيدي واهل الفعول الغرايب=يدوروا فرصه عليك انت بالذات
ويوم حانت جوك مثل الهبايب=ومن قبلها كانوا على سبع نومات
وجابوا من السبع العجايب عجايب=وتعالت الاصوات من فوق الاصوات
المشكله ماهي بايقاف (تايب)=ولا قرار النقل نقل المباراة
المشكله الا متى والغرايب=تمشي علينا في زمان السخافات
وليش اذا كان ازرق الون غايب=تغيب عن كل الجهات القرارات !!!

صـدى النظم غير متواجد حالياً   رد مع اقتباس
قديم 19-12-2011, 10:08 PM   #3
اليوزر الاداري لقسم صدى المشاعر ( النظم )
 
افتراضي رد: الشاعِـر : سليمان الشدوي

( قربوها .. بعدوها .. شرقوها .. غربوها )



قبل مانكتب مضامين القصايد كل ابوها=ياسلام الله على اللي مانوونا بالسلامه
الله الله ..يارجالً بالمناصب نصبوها !!=كيف نادي يختلف عن نادي اخر في مقامه
قربوها بعدوها ..شرقوها غربوها=الظبي يرجف وليث الغاب ناوي بالتهامه
المبادي واضحه وين الرجال اللي قروها=والامانه حمل والمؤمن محاسب في كلامه
والمراجل لاهلها ماتكتب لناسً شروها=تنكتب لذياب بن غانم وابوزيدً سلامه
والهلال ابو المواقف والمواقف تذًكروها=الهلال النادي اللي فارضً كل احترامه
خلوا الميدان لحميدان والقمه لناسً يقدروها=وخلوا النمر!!ان قدر ! ياكل بكفينه طعامه
والرجال رجالنا لو بالعذارب عذربوها=لابدوا قامت على من مس هيبتهم قيامه
بالعطاء والمقدريه الجماهير اطربوها=وبالكئوس ..وبالدروع .. وبالبطوله .. والزعامه
لوحة الابداع في خضر الملاعب سطروها=كم طويل لسان حطوا له على فمه لجامه
ويامحمد لو رياح الشرق صوبك حولوها=مايميل الا العقال ...ولاتهزهز لك عمامه
احتزم ثم اعتزم والليله اللي ماسروها=سرهم فيها وحط بهامة المخطي علامه
وعشقنا للازرق اكبر من نصوصً قرروها=ولا على العاشق عتاب ...ولاعلى الازرق ملامه
مثل نور البدر نصف الشهر في ليله طروها=والقمر نصف الشهر يجلي عن العين العتامه
قلتها وان قاله الله كلمةً لي واذكروها !=الفرح مبداه في جده .. وحفله بالثمامه

صـدى النظم غير متواجد حالياً   رد مع اقتباس
قديم 19-12-2011, 10:10 PM   #4
اليوزر الاداري لقسم صدى المشاعر ( النظم )
 
افتراضي الشاعِـر : سليمان الشدوي

( يوم لنا يوم لهم .. يوم لهم يوم لنا )


يومً لنا ...يومً لهم.... يومً لهم.... يومً لنا=هذا كلامً اسمعه لكنّ ماهو بالاكيد
لوانصف المنصف ووازن بالقسايم قسمنا=لنا ثلاثه ايام والعالم لهم يومً وحيد
لاباس ياشعب الهلال ان كان به يومً عنا=تحمدوا الرحمن واخزو كل شيطانً مريدا
ان كان جات الثالثه هذا ترى يوم المنى=وان ماحصل فالكاس والدوري لنا احلى حصيد
والصقر لامنّه لمح سرب الحبارى قد دنا=ماهوب صقر ان كان من هدته يطلع مايصيد
هذا الهلال اللي نحبه.. نعشقه.. مثل الضنا=هذا الذي من يعشقه حظه مع العالم يزيد
نقدر نوقّف كل عزم اليا تعازم عزمنا=لكنً مانقدر نحقق شي والله مايريد
هذا اهو سيد النوادي واسمعوا من علمنا=يالي الحقايق مالكم فيها حساب ولارصيد
المجد ماهو ضربة الغادر بسيفً او قنا=المجد سيره يتفق فيها القريّب والبعيد
فريقنا.. ياسعدنا.. تاريخنا.. يشهد لنا=فريق مثل النار لاشاف الذهب (هل من مزيد)
الموج الازرق في الرخاء والقاسيات يهمنا=يكفى رفع هاماتنا عزاً وتاريخً مجيد
والمحفل اللي ماتعطًر من حضور احبابنا=مافيه لابهجه.. ولامتعه.. ولاهو يوم عيد

صـدى النظم غير متواجد حالياً   رد مع اقتباس
قديم 19-12-2011, 10:13 PM   #5
اليوزر الاداري لقسم صدى المشاعر ( النظم )
 
افتراضي الشاعِـر : سليمان الشدوي

( تيفا .... رمز الصمود )


وداعة الله وقبل مانسال عن اسباب الرحيل=نهديك كل الود والاخلاص يارمز الصمود
اربع سنين وكنت فيها الفارس الشهم النبيل=اللي طموحه يرتقيه..ومن سنودً في سنود
بعزيمتك ورجولتك جبت الكثير من القليل=وحققت مجداً مع هلال العز والعالم شهود
حبيب جمهور الزعيم اللي سرى في وسط ليل=واصبح بعيد عن النظر ولغير فرقتنا يقود
مدري انا كيف اقبل بغيرك على الملعب بديل=وانت الذي تبذل جهوداً ماتساويها جهود
ادري تقاوم ( عبرة الفرقا ) ولكن مستحيل=تقدر تقاومها لانك لست من قوم الجحود
وادر ي بنفقد وقفتك اليا التقى خيلً بخيل=لكن مانقدر نغير شرع تجديد العقود
ياكثر ماجونا من الزوار في الوقت الطويل=لكن تيفا كان خير من الوافدين من الوفود
لكن يعوضنا الكريم الواحد الاحد الجليل=ويجبر خسارتنا لرمز المقدريه والصمود

صـدى النظم غير متواجد حالياً   رد مع اقتباس
قديم 19-12-2011, 10:17 PM   #6
اليوزر الاداري لقسم صدى المشاعر ( النظم )
 
افتراضي الشاعِـر : سليمان الشدوي

( الهلال وجمهوره وموبايلي )


ياللي تقول ان الهوى والحب كلَه للهلال=خلك مع جمهورك الذوق واسمع مايلي
من قبل عام الناس راحوا في متاهات وجدال=باسباب توقيع الهلال (العقد )مع موبايلي
اللي هرج ..واللي صرخ ..واللي بكى في كل حال=وكل يردد من وراء قلبه حكًم ومثايلي
عقدً مع موبايلي والعقد مشروع وحلالَ=واللي لهم دعوى يردون الولايه للولي
هذا الهلال اللي بني من عزم واصرار الرجال=هذا الزعيم الاسيوي ماهو جدارً مايلي
زعيم مثل الشاعر اللي مايجيب الا الجزال=يمشي وغيره يتبعه !! ولايطوله طايلي
غالي و تأتيه العقود الغاليه من كل جال=باسباب جمهورً معه كل الملاعب تمتلي
من اختياري النادي اللي كل لمحاته جمال=ومن اختياري (عالمي موبايلي) ياعاذلي
ياللي تقول ان الهوى والحب كله للهلال=اعزم مع جمهورك الذواق .. واسمع مايلي
شارك ..وساهم ..وادعم النادي .. ولاتدفع ريال=وخلك مع موبايلي ..وخلك مع موبايلي

صـدى النظم غير متواجد حالياً   رد مع اقتباس
قديم 19-12-2011, 10:21 PM   #7
اليوزر الاداري لقسم صدى المشاعر ( النظم )
 
افتراضي الشاعِـر : سليمان الشدوي

( ودعتك الله يَ بو سلطان يالغالي )


الناس تقبل وتدبر والله الوالي=وكلً مع الناس له وقته وله دوره
والمجد مايرتكي له كل خيالي=ولاهو دنا نير فوق الارض منثوره
ولاهو بموضة ثياب.. وميلة عقالي=ولاهو سوالف على الاوراق منشوره
ودعتك الله يبوسلطان يالغالي=نودعك بالغلا والحب وشعوره
والمسك والدهن ودهن العود لاسالي=والطيب....والفل وايــا( الورد ) وعطوره
اقبلت مثل الامل ياطيب الفالي=واقفيت ونفوسنا بالحيل مقهوره
اربع سنينً مضت في كل الاحوالي=وثمانٍ القاب منها الخلق مبهوره
معك نسينا السنين قصار وطوالي=كن ارضنا بالذهب والماس ممطوره
ارقام ماتنصفك تشطب وتنزالي=وابيات ماتمدحك ماهيب معذوره
انت الكبير ان تفاخرنا بالافعالي=وانت الصغير بحساب الوقت ومروره
اسمك غدى للتحدي مضرب امثالي=والظاهره لاظهر ياماحسن ظهوره
مثل النداوي يحوم بروس الاقذالي=وان هد له هدةً بالحيل مشهوره
بذلت مجهودك ..ووقتك والاموالي=وجتك البطولات مقهوره ..وماموره
ثماني القاب ماتخطر على البالٍ=والتاسعه صورتك بقلوب محفوره
معك غريمك يطارد لاشهب اللالي=وخصمك على راس راسه طاح ديكوره
ياما تحملت كثر القيل والقالي=ورديت بالمجد حلم اقلام مأجوره
تدق صدرك وراسك شامخً عالي=تبي توصل صدى نبضك لجمهوره
انت الاصل والاصيل بكل الاحوالي=والاصل يبقى أصل والصوره الصوره
وكتاب يعنى بالاستثمار والمالي=انت بجراءتك دونت اول سطوره
مشكور ياولد فيصل اول وتالي=والمجد كملك لكن خانك قصوره
كفيت ..وفيت ..ماقصرت يالغالي=يشهد لك المارد الازرق وجمهوره
عساك سالم وغانم طيب الخالي=ونفسك من الخير كل الخير معموره

صـدى النظم غير متواجد حالياً   رد مع اقتباس
قديم 19-12-2011, 10:24 PM   #8
اليوزر الاداري لقسم صدى المشاعر ( النظم )
 
افتراضي الشاعِـر : سليمان الشدوي

( قـــ(a..r..t)ـا ـطعوها )


القناه اللي تحاول تحجب الصوت الهلالي=ياجماهير الزعيم اخذوا القرار .. وقاطعوها
قاطعوها بعدما ما عدت طريق الاعتدالي=واتركوها .. خلوا اللي وجهوها .. ينفعوها
احتجاج من الرجال اللي في الموقف رجالي=وغيرةً من روس مشحونه شجاعه كل ابوها
ياكثر غلطاتهم.. ماتنحسب اول وتالي=كم تحمًلنا وقلنا ياجماهير اعذروها
مانفع معهم.. نقاش.. ولاحوار.. ولاجدالي=والقلوب قلوبنا .. في كل مره ..يكسروها
الغريب ان الاجابه ماتجي حول السوألٍٍٍٍ=والعجيب !! ارقامنا للغير راحوا جيروها !!!
يدفنون الروس لاجات المشاكل ..بالرمالي=وغلطة الازرق على الشاشه شهور ..يثبتوها
وقفوا خصمً للازرق من يمين .. ومن شمالي=المشاكل زودوها ...والحقائق غيروها
المقدم والمحلل .. والحكم.. في كل حالي=كلهم ضد (الهلالي )والعداوه بينوها
يهمزون .. وبلمزون (المجد ) في لحن المقالي=ودهم من حقدهم شمس الزعامه يحجبوها
وان غلط جمهور ثاني غيروا بالاتصالي=وان لقوا هفوه على (النادي الهلالي ) كبروها
باعتزال الجابرالصوت انقطع من كل جالي=كنً ماغير البكم ذيك المباراه احضروها!
قصدهم ماهو شريف وشغلهم شغل ارتجالي=والهلال اكبر ...واسمى ..من مكايد دبروها
لو يقولوا... مايقولوا ...العذر ماله مجالي=والله ان اعذارهم متناقضه ..لو ينشروها
ياجماهير الهلال اللي تعلت كل عالي=الكروت الي تنقص قدركم ...لاتشتروها
والقناه اللي تحاول تحجب الصوت الهلالي=قاطعوها ..قاطعوها ..قاطعوها ...قاطعوها

صـدى النظم غير متواجد حالياً   رد مع اقتباس
قديم 19-12-2011, 10:30 PM   #9
اليوزر الاداري لقسم صدى المشاعر ( النظم )
 
افتراضي الشاعِـر : سليمان الشدوي

( سلامي بديته على اهل البر والخير والايمان )

قصيدي بديته بعد سميت بالرحمن=اسمّي بربً نارت الارض من نوره
وبعدها صلاة الله على افضل ولد عدنان=نيياً ومن ربه له افضال مذكوره
سلامي على اهل البر والخير والايمان=سلامً بريح الطيب والورد وعطوره
قريت الخبر واهتز قلبي من العنوان=وهذا الخبر للمسلم يقوي شعوره
سباقً في القرآن باول شهر رمضان=يقيمه هلا ل المجد ويشجع حضوره
كتاب الله اللي خاتمً كافة الاديان=عسى الله مايبقي به ايات مهجوره
رساله لناديا وهمة طوال ايمان=رساله ولاهي قاصره بس على الكوره
وجزى الله خير اهل المهمه عزاز الشان=رجالً على سنة محمد ودستوره
رجالً تقوم لخدمة الدين والاوطان=وتسعى لفعل الخير في كل معموره
هذا بن مساعد راعي البر والاحسان=عسى رايته في كل الاوقات منصوره
عزومً لفعل الخير بيدين او بلسان=وكلً ميسر في حياته على دوره
اعرفه وفي مبداه مايختلف اثنان=هذا العلم من علمه وذا الشور من شوره
ويبقى الرضا والخير والعز القرآن=كتاب الله اللي فيه الايات منشوره
تمر الحياه ازمان في اثرها ازمان=ويبقى لفعل الخير يافاعله صوره
والا ياولي الكون يالواحد الديّان=ياواحد احد فردً صمد يستر العوره
يامن في البحر مغرق هل الظلم والعدوان=وابقى قصصهم في التواريخ مشهوره
يامنجي النبي يونس من البحر والحيتان=بعد ما ابتهل واطلق تراتيل حنجوره
الا لا اله الا انت سبحانك الرحمن=الانفس ظلمناها ..ولا هي بمعذوره
بنيت السما واحكمت بالشد والبنيان=وواوجدت فوق الارض شارات منشوره
لك الفضل والمنه لك الحمد والشكران=وكل النعم ياخالق الخلق مشكوره
ياموجد وجودً من عدم يعجز الاذهان=ويارازق الأسماك في غبة بحوره
ولولاك ماكنا ولاكان ماقد كان=ولا انبلج صبحً ..ولاطارت طيوره
تهيم الضماير لك ..ويتفطر الوجدان=وتبكي لك عيونً من الخوف مذعوره
لك قلوب نرفعها على راحة الكفّّان=ونتضرع لك بكل ايه وكل سوره
يغيبون خلق الله عن احبابهم ازمان=لكن( الوليد) غيابه استغرق حضوره
سنينً يعم الحزن ماتضحك الحجّان=ودمعات محجوره ......ودمعات منثوره
يارب الفرج في سنتك يعقب الحرمان=وهذا المريض بلا فرج وين دكتوره؟
هله والاقارب والمحبين والجيران=ودروب الصبر واحلام خرسا ومقهوره
عليه العيون تشح بالدمع بعض احيان=تلملم دمعّها لاخر الليل وتهوره
بليا قلوب استوحت احزانها الجدران=وبليا لسان يواسي السقف ديكوره
وبليا وعد جاني قصيدي على الاوزان=ولو ماكتبته شب بــالقلب تنّوره
وبلاياس قوموا وادعوا الله يا اخوان=يشافي الوليد ويطلق افراح مأسوره
دُعانا رجانا وابتهالات من ولهان=يسطّر سطور وينزف الدمع بسطوره
ياربي ومن له دام وجه الدهر قد شان=سوى رحمتك تاتيه باسباب ماموره
ولد خالد اللي خير ماقيل عنه ( انسان)=بعطفه وانسانيته زاد مذخوره
رجل في دروب الخير ماتلحقه فرسان=وله صفحةً بالطيب والخير ممهوره
ويارب ياحنان ..يارب يامنان=تشافيه وتعافيه وتعيدّه لدوره
وتشفي عبادك كلهم ياعظيم الشان=وترفع عن اللي زاد به شره وجوره
عوافي ولابعد العوافي منى شفقان=وماجوره من الشر يانفس ماجوره
وتختم لنا رمضان بالبر والغفران=وتعتق رقاب الخلق من نار مسعوره

صـدى النظم غير متواجد حالياً   رد مع اقتباس
قديم 19-12-2011, 10:35 PM   #10
اليوزر الاداري لقسم صدى المشاعر ( النظم )
 
افتراضي الشاعِـر : سليمان الشدوي

( الفارس النبيل )



الله الله يانواف دار الزمان=خمسة عشر سنه والوقت عدى عجل
كنّك الفارس اللي مالقي له مكان=يحتويه ويضمه غير كوكب زحل
ليتنا ماسمعنا بالخبر والبيان =يوم قال الخبر نواف راح ..اعتزل
اسدل اليل وجهه وانطفى الشمعدان=راح نواف يالله بالخلف والبدل
يعجز عن الكلام الليله اطلق لسان=واوسع صدور خلق الله مايحتمل
ليتها ليت لكن الزمن مايدان=ليتها ترجع الدنيا وترجع شبل
خابرك باول ايام تشق العنان=كنت تحمل طموح وكنت تحمل امل
سيرتك فايحه بالهيل والزعفران=في ثنايا ثناياه (بطولة بطل)
في مواقفك عشرك عشر ماهي ثمان=تهدي ا(لفوز والفرحه) بطعم العسل
عشت (فارس نبيل) بسيرته ماستكان=ابيض القلب وابيض وجه وابيض سجل
جامعً لك خصالً سامياتً حسان=لعب واخلاق ورجوله وطيب واصّل
ايه نواف بن بندر ابد مايهان=مضربً للمثل والله يازين المثل
ياسموالخلق والطيب والاتزان=كملت اوصافك العليا بزين العمل
من جماهيرزرقا عشقها لك جنان=لك تحيه ودعوه صادقه يابطل
بارك الله جهدك والزمان الزمان=راح واقفى يابو بندر علينا عجل

صـدى النظم غير متواجد حالياً   رد مع اقتباس
قديم 19-12-2011, 10:38 PM   #11
اليوزر الاداري لقسم صدى المشاعر ( النظم )
 
افتراضي الشاعِـر : سليمان الشدوي

( عاداتك يَ الاخضر )

ماتهون بلادنا ... ولا....يهون المنتخب =ولاتهون احلام عاشت ..وزانت من زمان
منتخبنا الحلم لامن حضر (طاح الحطب)=يغرق خصومه وهو يفترش بر الامان
العزيمه طبعهم....والسبب هو السبب=السبب ان الوطن بالضماير له مكان
والطموح في الذهب مانبي غير الذهب=في مواقفنا الشجاعه ...ولا هان الجبان
السعودي عوم واصرار لامنّه لعب=يقلب الدنيا ويعجز عن الوصف اللسان
عشت يالجوهر ياناصر واسمك ينكتب=بالذهب يوم انك ابدعت في كسب الرهان
وعاشوا الابطال ..والفرد منهم ينحسب=عن فريقً باكمله دام له عزمً وشان
خصمهم لاجا وعدهم تجيه (ام الركب)=ويش يسوي ؟ طاح حظه وجان الوقت حان
في صعيبات المواقف ابد ماننغلب=باذن رب( البيت والناس) بيرقنا يبان
كوريا والا الامارات ياعز الطلب=وان تجينا كوريا الثانيه........ والا ايران
التأهل صار عاده مثل اكل الرطب=ومثل شرب القهوه اللي عليها الزعفران

صـدى النظم غير متواجد حالياً   رد مع اقتباس
قديم 19-12-2011, 10:41 PM   #12
اليوزر الاداري لقسم صدى المشاعر ( النظم )
 
افتراضي الشاعِـر : سليمان الشدوي

( السقوط الى الاعلى .. صالح النعيمه )

سلام الله على ابن النعيمه=سلامًُ من قلوبٍ مستهيمه
سلام فيه ودُ واحترامً=واكبارُ واجلالُ وقيمه
وحبُ وامتنانٌ ثم شكرٌ=وتقديراً لسيرته العظيمه
ابو اشواق صرحُ لايضاهى=وحاشاه المسبّة والشتيمه
ولاينصفه غير المنصفينا=ومهماتً عظيمات جسيمه
رحل صالح وودعناه قسراً=وباقي ذكرياتً له مقيمه
نرددها لجيلً بعد جيلً=كنهجٍ في دروسٍ مستديمه
تعاظم بالعطاء وبالتفاني=واصبح فارس المجد وزعيمه
بنى مجداً تغيب الشمس عنه=ليشرق منه ليلاً من سديمه
تشعلل من حماسه كم تشعلل=كنارٍ اوقدوها في هشيمه
وسور الصين حركهُ بعزمٍٍ=وجحافل كوريا امست سقيمه
شقيقٌ ثالثُ لاجا وسلمى=له نفسُ معززةً كريمه
ولاينصف ابا اشواق لحناً=ولاشعرُ باصواتٍ رخيمه
رفيقٌ للرجال من الرجال=عدوً للشياطين الرجيمه
رجل يومُ الرجال غدو اقله=بطل ان كان للابطال قيمه
لقد قالو وقالوا ثم قالو=وما للقول عند الفعل قيمه
كفو حتى تلين القاسياتِ=كفو الا كفو قيمه وشيمه
نفوسُ تنكر الامجاد تبقى=ضعيفاتٍ لئمــاتٍ سقيمه
واختمها تحايا صادقاتٍ=توافي صالحً ابن النعيمه

صـدى النظم غير متواجد حالياً   رد مع اقتباس
قديم 19-12-2011, 10:45 PM   #13
اليوزر الاداري لقسم صدى المشاعر ( النظم )
 
افتراضي الشاعِـر : سليمان الشدوي

( محمد نجيب وقناة ابو ظبي )

مرحبا ..ياهلا بك يامحمد نجيب=عشت سالم وسلّم لي على ابوظبي
جيتنا والسعوديه فضاها رحيب=تغري الشرق بالانوار والمغربي
لك تحيه وجمهور الهلال الرهيب=مايدور سوى الأنصاف له مطلبي
جبت لك بالقناه الرايده كم خطيب=وكل واحد ورا اسم الوطن يختبي
لاغرابه ولكن العجيب الغريب=انك تتيح ساحتها لمن يكذبي
واحدّ شاب والثاني بحقده يشيب=والهلال يتطاول باول الموكبي
وواحدً بين خلق الله ماله نصيب=لايغرك هدوم الزول والمنصبي
وواحدّ يركض لوحده كأنه غريب=ولو تقول الحقيقه قال لك مانبي
عارفينه ولكن العتب يالحبيب=لك لانك تمثل اسم (دار الظبي )
مايجمّلك بين الناس فكرً عطيب=ولاينوّر عقول الناس عقلً غبي
وطلقة الخبل لاتدوّش ولاهي تصيب=مير تجلّب عليه الزاد والمشربي
الهلال اكبر ..اكبر ..من كلام المريب=والمريب اصغر اصغر من صغير يحبي
مجده الشمس عن مجده ابد ماتغيب=لاطريتوه زيدوا صلوا على النبي
الهلال الزعيم اللي يجي بالذهيب=ويتسامى سمو ..الفـارس اليعربي
مايهزه زوابع من كلام ونحيب=ولايهمه خواطر ..من خواطر صبي
نقدر نردّها بالمثل لكنّ عيب=عيب يوم الرجل يمشي طريق الصبي
واحترامً لجمهور الهلال المهيب=لاتدفّون حزم طويق بالمنكبي

صـدى النظم غير متواجد حالياً   رد مع اقتباس
قديم 19-12-2011, 10:48 PM   #14
اليوزر الاداري لقسم صدى المشاعر ( النظم )
 
افتراضي الشاعِـر : سليمان الشدوي

( ابو نادين )

طارق على الباب .. ماقلنا من الطارق=فارس وبوابة الابداع يطرقها
مبدع وخارق ولكن للاسف !!سارق=قلوب جمهورنا بالفن يسرقها
اسمك علا فوق راس العالي الشاهق=تستاهل الرايه العاليا وبيرقها
خوي رعد السحاب واسمك البارق=سلمت يا شعلة المتعه وبارقها
لذيذ ياطارق التايب ويارايق=حتى خصومك من ابداعك تروقها
بهمتك يابطل وابداعك الخارق=معروف في مغرب الدنيا ومشرقها
دندن لهم دندنه يابرنس ياواثق=بصمات الابداع بصماتك توثقها
اذا سبقت البشر ماعاد لك لاحق=واللي تعدتك تلحقها وتسبقها
حتى عيونك تصيب بسهمها الحارق=بباص عينك قلوب كثار تغرقها
كوره تغمض وتلعبها على الفايق=وكوره تطالع هنا وهناك تشنقها
حتى الكباري تجي في لعبك الخارق=ليتك مدير المشاريع ومرافقها
تسوقها كن ماغيرك لها سايق=حتى التي ماتساق الا انت سايقها
من كثر ماسبب ابداعك لهم عايق=معوقين الفكر زادت عوايقها
بين العسل والبصل ما اكبر الفارق=حتى الغبي يعرف بعينه فوارقها
رمانة الحقل يثمر غصنها الوارق=ويطيب من ذائقتها ذوق ذايقها
هلا وبك نحتفي الله ياطارق=ترحب المملكه ويرحب ازرقها
اللون لك لايق وحتى انت له لايق=والشمس يفرح عباد الله بمشرقها
وتجديد عقدك وفا يالماهر الحاذق=وكل امنياتك مع الازرق تحققها

صـدى النظم غير متواجد حالياً   رد مع اقتباس
قديم 19-12-2011, 10:52 PM   #15
اليوزر الاداري لقسم صدى المشاعر ( النظم )
 
افتراضي الشاعِـر : سليمان الشدوي

( معك معك )

معك معك حتى بلوغ المنصات=معك معك بالفوز والا الخساره
اعزم توكل في جميع القرارات=وجمهور الازرق منك ياخذ قراره
لاجلك يابو فيصل تهون المسافات=وتهاب من ظل الوزير الوزاره
منّك جميل الصمت واحلى العبارات=الصمت حكمه ...واول الهرج غاره
غارة بطل تهدم جميع الضلالات=جسارته مابعدها من جساره
اعطيت من يتجاهل الحق اشارات=والحُر حُر ويكتفي بالاشاره
وابوظبي من ضمن سبع الامارات=امارةً يازينها من اماره
قناتها من ضمن كل كل القنوات=اللي تدور للخبر والاثاره
لكن عن المنطق تعدت ولاجات=وصار المقدم منزوي في حواره
واللي نسج له من خياله لاحكايات=ليته على العالم يقول اعتذاره
الكذب لاميزه ولاهو بشيمات=وكم كاذبً يشعل حرايق بناره
وهلالنا يسمو عن الاتهامات=اخذ من الشيخ المحنّك وقاره
له في دروب العز والمجد صولات=خمسين عامً معتلي بالصداره
بيارقه فوق الجبال الطويلات=تمشي مع نجم الجدي في مساره
معه تهنينا بكثر البشارات=لنا منه في كل حزه بشاره
ابداع متواصل وفي كل الاوقات=وتاريخ ناصع مايجوز اختصاره
تعطيل سيره ثامن المستحيلات=ملك ولاحد يعترض في مساره
اميرنا المحبوب الا انت بالذات=الا انت يافخرالشعر والاماره
ياصوت عدى واعتلى كل الاصوات=ياعقل مثقل بالفكر والشطاره
اعزم توكل في جميع القرارات=وجمهور الازرق منك ياخذ قراره
وحنا معك حتى بلوغ المنصات=وحنا معك بالفوز والا الخساره

صـدى النظم غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 02:20 PM.

Designed by: BAA
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0
Ads Management Version 3.0.1 by Saeed Al-Atwi