الحظ طاح وشين الاوقات عنوان=والدرب ضاق وصعّبت نطة السور
والهم ينخى له بني عمّ و اخـوان=تفازعوا ضيمي على حِل مخطــور
والفال مال بمدته صـار خـوّان=قصّر ولا بشّرني بشوفة النـــور
وا عيني اللي صابها سهم الاحزان=خلاّ جواب العـين همّال ممطــور
و يا تلّ قلبي تلـّة مقيم الاوزان=اللي ينوح ولا حد(ن) قال ماجـور
جرحه فضيخ وزوّد بكيّ الاسنان=و امسى طريح بسجّـته دون دكتور
يشهق ولا له كود شهقـته تحنان=يا علّها تبري له من العلّـه شعــور
افرج علي ضيّق الحال يارحمان=عبدك غدا من ضيم الايـام محسـور
عبدك يراوح في محله ولا بـان=له مـا يجبّر درب واهـن و مكسور
لطفك عليّ ألزم من كفوف منان=ومنـّتك تسوى لطف كابر ومكبور
عونك على نفسي وصلفات الازمان=وارجي عساك تجيب يا راعي النـور

أصبحت صبح اللي نوا المسراح والخاطر سعيــد=مــن بعــــد ذكر الله ربّ الكــــــــون خلاّق العبــاد
أستـــغــفرك يــا غـــافر الذنب المعظّم يـا مجــــيد=و ارجي ظلالك ليْ حشرت الناس في يوم المعـــاد
اليـــــــــوم يوم السعـدْ..لا بدري عليّ اليوم عيـــد=من بعــد عيدك يالـضحى والفطـر عندي عـيـد زاد
و استـنهضت الأفكـار في رجوى التغنّـي بالقصيد=و استـلحقت تطـلب جزيل القـــاف اِيعـدّ العتـــــاد
نشـوة فرح تمشي بدمي...مـن الوريد اِلـيا الوريد=ولا لها غير الحروف العُــــرب لاجل انـها تقـــــاد
صـــــوب الذي تهـقى بـه العليا وعـزٍ مـــا يحيــد=وتزهم عليه المرجلة لا صــــار للوقت اِنعقـــــــاد
يطــلع مثل طــلع الـحـرار ولا ينــــوش المستصيد=ويرجع وذكره سابقـــه الحــر لا من صاد...صــاد
يكفخ على دون الفعـــايل وان تـــقدّى يســـتزيــد=صوب الطموح اللي يسابق سِرْع طلقات الزنــــاد
من قدمها ذيك الليالي بــــــان....(ياسر بن سعيد)=و الحُــرْ قبــله (حُـــرْ ) ظفـــر الطيب مثله للجهاد
يـا (عمّي)* الله يحفظــك ويـمدّك بعمـــرٍ مــــديــد=علمتـــنا وشــــــلون نرقــى للعـــلا دون ارتــــداد
والكسب كسب الشامخة وياحــظ من جــاله رفيــد=ينــــــاوله بـــــيرق امنَاسبْةَ الــّرجَال اللي تضــاد
في مدحهم ما للــوفا الاّ يقـــــــول ايــــــن الـمزيد=يستاهلون الـــذكرْ..والبــــذلَ المعـــنّي والقنـــــاد
خيــر الكلام اللي يـدل وان قــل ..لكـــن مـا يـزيـد=والعـــــذر لو قل الكـــــلام اللي بودّي يســـــــتزاد
والــختم صلّوا عالنّبي اللي على الثقْـــــلين سيــد=باعـــداد هبّــات السحاب واعـــداد حبّــات البــراد

المجـد لـه صهوة بلا رَكّـاب=مـا ينـعسف بالهون والطيـبة
كـم حـاولوا من دونه الرُكّاب=وناخت هـقاويهم مـن الخـيبة
يـا كـثرهم و لا لهـم طَـلّاب=غــير العـنا والغـمّ والريبـة
والبـارحة فـكري غدا مرتاب=ماهـو مصدّق شي يـخْوي به
فـرحة على فرحة وزود اعجاب=بالمنـتخب وامـسى يـهـلّي به
مـتخيلٍ انـه واقـفٍ بالبـاب=والكـاس فـي يـدّه يـدلّي به
يـا منتخبنا دونـك آلارقـاب=لاجل الشعــار اللي تلـبّي به
يـا منتخبنا كشّـــر آلانياب=وعـينك على خصمك بتعذيـبه
يـا منتخبنا ربّـك الــغلّاب=جــعل السعد من يمّه تصيـبه

فيض الغضب طفـّاح وقت العـظام=ويضرب قلوبٍ خايفة في الصميم
و الموقف الغصـّاب مـــاله كــــلام=غـــير المــلاقى لــوّ اهــو بالجـحيم
والنـــار شـبّت في ضلوع ٍ حــطام=مـن كــذبةٍ قــيلت مـن أهـل الرجـيم
شالوا الخــبر من دون ســلم وسـلام=وفــرحوا به اللي يغضبون الحــليم
يزبن ضــعوف الخـلق زبن الرخام=لا قــامت تـــدَوّر على أكلٍ رخـــيم
فـضح الأوادم مشكـــلة هالــــــعوام=لا صـــادفوا من كان فعـــله سلـــيم
مـدري حسد وإلا حُـــقود و غـــشام=وإلا تــــــدَوّر فــــــدوة ٍ للـــغريــم
مــاتــنكر العــالم بِـيــاض اللــــزام=وفــعلك مــع اهــل النايبة واليتـــيم
وطــولة يمينك في نهــار الزحـــام=لاجـــادت كـــفوفك بــأمر الــكريم
والــشمس مـــا تــسلم سـهوم الغمام=لو ناصفت في الــزارقة من قـــديم
يعنـــاك وجـــهي لاســتبد الظــــلام=ولا علـــيك مــن الكــلام العقـــــيم
حســبي على مــن كـــان ودّه يــلام=اللي رزقـــــه الله بـــطبع ٍ حكـــــيم

معنـّزٍ يدي على خصري و اخايل=حظّـي اللي مـن عرفته دوم مايل
حظّـي اللي مـا تسنع بالرويّـة=ولا نفع معـه التصلب والهـوايل
ودي انه منـخلق مـثل الآوادم=لـه مثل ما للبشر قـوم و قبايل
والله اني لَ اعتزي و اسرج حصاني=واصقل المحـدوب هنديّ الشمايل
وازهمه من دون حصنه يـا معنّى=انـزل لموتك تـرا جيتك همايل
مثل وبـل السهم لا منّه تـوجه=صـوب عين المرتمي و الدم سايل
لـكن الله حكمته تنصف عبيده=ولـو يجور الوقت في بثّ النوايل
المـعيل الـواحد الـفرد المقدّم=الـعزيز الـغافر ولا لـه بدايل
ربنـا الرزّاق من غير الحسايب=وكـلنا في رحمته صرنا عوايل
الـرجا في رحمتك شيٍّ مـقدّس=عـند منهو حيّ او عند الرحايل
ولا يثير النفس غير الصد عنك=وخوّة الوسواس شيطان القوايل
فيـا الله انك تـغفر الزلّات مني=وتستجيب لدعوتي و الشك زايل
ويا الله انك تدمح الهوجاس عني=واطلبك في العون يارب السلايل
والنـعايم منك لا يحصى عددها=وقولك الحق الذي يسوى فعايل

ياخــــطاك الســوّ يـا قلبي وعـــدّاك=ومــعاوض ٍ بالـخير فـي راس مالك
مـعاوضٍ بـالخير فـي رزمـــة أمـلاك=والله لــو تحصــى فـلا تنحصـى لـك
المصلحـة ميـــزانها جبْ لي و هــاك=لاتــطمر بجـــالي ولا اطــمر بـجالك
ف لاني بحــاجة أختـــبر لـك نـوايــاك=ولا انـــتَ بــحاجة معرفة ما خفى لك
هــذي علاقة واضحه ما بها اشــواك=مــثل النـــجم لا بـان فـي ليــل حـالك
ونجمتك خـفّ اشعالها وسط الافلاك=وصـــار ايــتلاشى ضــيّها وايـتهالك
مـاني بجــابر نفـــسي انــها تحــرّاك=لاشـــفت مــــا يغــنيني حتى سؤالك
خلْنـــي أبــين لك و اعلمك بــاخـطاك=مـعنى الصـــداقة وفــرقها عن فعالك
مـاهي بـغريــبة ان تــقـفّـى و خــلاّك=يــــــا لآدمي حـــظّك الا صــار سالك
تمــــشي أقـــدار الله علـي وعلى ذاك=ومــر ٍ يـــــــموت الحظ و مرْ ايتمالك
وفي مــوتة الحـــظّ واليا جاك صكّاك=اتّــــهيــم واتـــــّدور لــضفّــاف حالك
اتّـــهيم و اتـــّدور لــخلٍ صـار فــكّاك=خــلٍ يــرد الصـــوت لارتــــاب بـالك
خــلٍ مــــزبّن وقـت مـا ضاقت الجاك=مــدهــــال صـدره وفــزّ عجلٍ وجالك
خــلٍ أيـــفكر طــــولة العمر يــــفداك=وقــــفة شـــرف نخوة وطـيبٍ لفـالك
هــذي بعـــض مـن نيّــته كـانت ادراك=ركـــب الجـــمايل تقصر عنها اجمالك
تــضحك ولا ودك تـبـــيّن خــفايـــاك=وتبــكي متــــى ودك تبـــيّن وصــالك
تـــجفى الا مـنك نكـــثت بوصـاياك=وتــــقبل على ربحٍ نصيبه ما نـالك
واليوم انا عــفتك ولا عاد با ارضاك=واعـطــــيك م الآخـر و أغيب هلالك
ان كـــانّي حــزت الغــثا في مـلاقـاك=فـتراك حــــزت الطيــــب مني حلالك
وان كــانها نفسي تـــعزّي وتــــنعاك=فجـــبرٍ لخـــاطرها وعـــوضْها بدالك

يـالفقيد اللي عليك البكى دمّ=يرحمك ربٍّ عليه اشكي الحال
والله انه صـابني صـالي الهمّ=ووالله اني خاويٍ من هنا البال
والوكـاد اللي علي زود الغمّ=وحدني حدّه على ضـيق الجال
لازهمت بعالي الصوت يـا عمّ=ماسمعت الا صدى الصوت يختال
كـم يتيمٍ مـن فراقـك تـألمّ=شـاف مـوتك توّ عينيه في الحال
وكـم على شـانك يتيمٍ تعلمّ=كيف يفدي شخص روحه بالآمال
والأمل كـان البعد عن جهنمّ=وجنة الفردوس هي مطلبٍ غال
حكمة الله تـرتجي قـولة التـمّ=والرضا باللي يـقدّر من اهوال
ورحمة الله واسعـة جعلها تلمّ=كل نفسٍ مسلمة تعبد العــال

مشاعل في دروب الحب تضوي=على قلبي من أول ما عرفتك
وأنا الولهان في حبك و تـوّي=على شوفة وصوفك مـا لمحتك
صحيح ان الهوى طلعه تـروّي=ولازم تحسب حسابك و وقتك
وانا بـالله ما شيّخت نـوّي=ولا طامرت في شختك و بختك
وهبني ايـاك للخفاق مِـروي=وزانت دنيـتي باشواق نبتك
وطرت من الفرح و الهم يهوي=وازيدك بالغلا لأني نهلّـتك
واسولف عنك و العذال تعوي=وافاخر في الملا باني ملكتك
واهيمك ليل للعشاق ينوي=يسافر بي ولا كني سهـرتك

كن في صدري سهـام=ساهر ٍ و ازريت انـام
آآآه من جـور السنيـن=وباسها يـابـاسهـا
التفت صـوب اليميـن=وازفر بصوت الونيـن
كنـي أزعـج قريـةٍ=خاليـة مـن ناسـهـا
وانقل النظـرة يسـار=علّني انسى اللي صـار
وأثر ما فيهـا جديـد=الهـمـوم و كاسـهـا
للعنـا فينـي مـكـان=ماكن(ن) طول الزمـان
لاتـرك عينـي تقيـل=ولا هجـد بنعاسـهـا
حظـي اللـي ضدّنـي=بالعـنـاد و هـدّنــي
مـا رحمهـا نيـتـي=بالغصـايـب داسـهـا
ياوجودي يـا وجـود=صلف حظ ٍ ما يجـود
والبـلاوي و المحـن=والليـالـي فـاسـهـا
لكـن الشـي الاكـيـد=مثل دمـي ف الوريـد
ان ربــي عـالـم(ن)=بـالأمـور وساسـهـا
هو مـن قـدّر علـيّ=حكمته تمشـي بـلا ايّ
اعتـراض و انتـقـام=وراضي(ن) باضراسها
يا الله اني في رجـاك=لا تخيب مـن دعـاك
رحمتك تسـوى علـيّ=الـوسـاع و ماسـهـا

تجرحيـن و ترحلـيـن=وبعد مـدة ترجعيـن
ضايـعٍ بعـدك انــا=مـاقدرتـي تصبريـن
ليـن يبعدنـي الزمـن=عن شعـوري بالحنيـن
وعن حكايات الغـزل=وشوقي اللـي تعرفيـن
كنت اغامر لأجل أحس=ان حبّـك لـي متيـن
وكنت اشوفك كل شي=ضيّ عينـي والضنيـن
وكنت أطير بها الفضـا=بعد ما أضمك و أليـن
كان حبك لـي حيـاة=(حلوها ذيك السنيـن)
صارت أيامـي بـلاك=ضنْك و احزانٍ و شِيـن
صرت أخايل صورتـك=حاضرة في كـل حيـن
في صباحي يـوم كـان=وجهك الصافـي يبيـن
وصرت اشاهد مغربك=وانكسر كلي حزيـن
ما قويـت لهـا العنـا=هدّني وامسيت اديـن
عقلي اللي هـام بـك=واصبح لكلك رهيـن
و قلبي اللي لك عشـق=وعرشه اللـي تملكيـن
ودّي افهق لك ضلـوع=لأجل تقريـن الكنيـن
وينكشف لك وش كثر=حبـك بقلبـي دفيـن
روحي يا حب(ن) قديم=لان مـا فينـي أهيـن
كـل لحظـة عشتهـا=في كنف حلـمٍ يقيـن
وقبل ما اطوي صفحتك=ليتك انـك تسمحيـن
كلمـه بقلبـي بقـت=ولازم انـك تسمعيـن
بكـل شـوق اقولهـا=(حلوها ذيك السنيـن)

الشوق يا مدّعي الشـوق=عذّب رهـوف المعاليـق
لا صرت عاشق و معلوق=والله مـا ظنّـي تفيـق
والذوق يا حالي الـذوق=انـك تجنبنـي الضيـق
لا تحدني حـد مخنـوق=مسلوب من فمّه الريـق
والنوم كم عاند المـوق=سهران و لطيفك يويـق
قدمت لك خافقي تـوق=والحب لك يالغلا سيـق
وشليت بدعي بطـاروق=وفهقت حدب المغاليـق
وجدي على حدّة الطوق=اللـي تلـف المخاليـق
والله لو ناضـت بـروق=ودنّت رعود و صواعيق
مايسدّني غيـر منطـوق=كلمـة ولا ودي تعيـق
ان كان ودك لي تـروق=فابشر بحبٍ لـك يطيـق
وان كان نفسك بها عوق=تكفى تجنبني الضيـق

أرحبي ياضيّ عينـي أرحبـي=ياهلا يامسهلا يـا مرحبـا
اقلطي في قلب من حبّش صبي=لين عوده شد من عهد الصبـا
وحضّني يدّش ب يدّي و اقربي=وفرّحيني بالمواصـل والنبـا
واشربيني شوق موعد طال بي=وارتويش بحب ماعمره خبـا
والله اني في حضورش كن بي=لهفة الخرمـان لامنّـه عبـا
له زقارة ثم عمّـر مـا يبـي=واستكن وطاب جَوّه واجتبا
من لحون الوصل في قولة يبـي=ينتشيش ويسفهـل ويطربـا
ووالله اني في غيابش صار بي=مثل حال اللي به حصانه كبا
قيّدوه بحـد وسِيّـر للسبـي=ومنوته شوفة عيونش مهربـا

دام انـــها عيّـت تـصـيـب=ولالــقيـت الا الســـراب
عـز الله انـي مـستــصيـب=مــا اقـوى على حمل الـزهاب
يـاوجـد عـيني مـن مـغـيب=الحـــظ ... و ابـطى بالغياب
وامــسيت في حــكم الحريب=للــهمّ جــعله للــذهـاب
مــاكِـنْ في الـدنيا طلــيب=يــا كـود راســي للـعقاب
اهــرب وعــيني مـا تجيـب=خــلفي سـوى عـجّ الـتراب
وآطــيح في وسـط القــليب=والآه فـي صــدري حِــرْاب
وآوِنّ ونـّـــات العــطيـب=اللــي يــنوح ولا يـجــاب
عــزاه يــا حــيّ القـنيـب=اهـوَ الـــذي رد الجـــواب
يـاذيب عــندك طــب ذيب؟=مــكسور مــن زود الصـعاب
الحــظ و الــوقت الــكئيب=والهــمّ و الــوان العــذاب
يــاذيب دونــك طَـرّ جيب=ومــعافـرة شــق الثــياب
يــاذيب تــقوى للصــعيب=تــقدر عــلى حــدّ النـياب
يــاذيب تــفطـن للمــريب=ولا يــغــرك مــا يُــذاب
في كــاس مــشروب الصـحيب=شــفاف لــكــن سِــم داب
يــاذيب .. ظــنّي بـك تخـيب=هــقوات مــن مـنهو مــصاب
يــاذيب خــلهـا عـالمــنيب=ولا عــليــك ايّــة عــتاب
يــاالله ربّــــي يــا الحبـيب=يـــاواحـــدٍ مـــنّه نهـاب
يـــافــرد و للــعالم رقــيب=يــامــالك زمــام الــرقـاب
اســتغـفرك مــن كــل ريـب=وارجــيك لــو صــارت خراب
مــالي ســوى غــيرك طبـيـب=يـــبري مــن العــلة صــواب

ياناشدة عُـرْب الحـروف=ياملهمة فـي كـل حيـن
يا (فوضة احساس) ووصوف=مزيـج فاخـر م الحنـيـن
مابين لمسـات الكفـوف=وما بيـن طيـات الونيـن
تخضع لهـا كـل الظـروف=وتخلّـي القاسـي يلـيـن
يامالكـة قلـبٍ رهـوف=لو باح سـدّه مـا يشيـن
ياطاهرة عن كـل حـوف=يامرتـع الفكـر الرزيـن
العقل فـي نظمـك لهـوف=والوقت من شانـك يزيـن
وان زان فالـك يالهنـوف=هـذي تباشيـر الكنـيـن
وان شان جعله للخسـوف=وتشرق به افراحك سنيـن

أمداك تشنى سيرتـي يـا عذولـي=و انا عشانك عفت كل المخاليـق
ما ني وربّك جايـزٍ عـن ميولـي=انت الهوى و انت الدوا حزة الضيق
غلاك فـي قلبـي منـوّخ ذلولـي=و متشبّعٍ حبّك على فكـة الريـق
اسج عن نفسي و عن شبح زولـي=و اهج لك و انفاس صدري مشافيق
ادري بأنـي مخطـيٍ فـي فعولـي=و أدري بانك تقبل العذر و اتطيق
تعال و اقرب يالرهيـف الزعولـي=ما هو على كيفك تجافي المعاليـق
شف وسم حبك بين ذولي و ذولي=ما كنّه الا نار فـي قمـة طويـق