( فوضة إحساس )
ياناشدة عُـرْب الحـروف=ياملهمة فـي كـل حيـن
يا (فوضة احساس) ووصوف=مزيـج فاخـر م الحنـيـن
مابين لمسـات الكفـوف=وما بيـن طيـات الونيـن
تخضع لهـا كـل الظـروف=وتخلّـي القاسـي يلـيـن
يامالكـة قلـبٍ رهـوف=لو باح سـدّه مـا يشيـن
ياطاهرة عن كـل حـوف=يامرتـع الفكـر الرزيـن
العقل فـي نظمـك لهـوف=والوقت من شانـك يزيـن
وان زان فالـك يالهنـوف=هـذي تباشيـر الكنـيـن
وان شان جعله للخسـوف=وتشرق به افراحك سنيـن