..( نـصرة ج ــوارحنا).. - الصفحة 3 - شبكة القناص

عجزت احكي · 30-06-2007, 09:52 AM

مشكوووره ومتقصرين

BBP

تقبلي مروري

شمعة حياتي · 30-06-2007, 02:42 PM

*
*
ليتني لمى يازين هذي المواقف
اعجبني سعود أخيرا" حس في لمى ..

نجومه
كملي ننتظرهذا الجزء فيذاك وفيذا

خلهم ينفعونك · 30-06-2007, 03:42 PM

وين التكمله
حرآم عليتس عقب ماتحمست

قصه خووووووووووطيره تف تف BBP

بس نبي التكمله يرحم امتس

الله يعطيتس العآفيـــهBBP تسلم هالأصآبع BBP

محاسبة هلالية · 01-07-2007, 12:32 AM

*
*
نجمه ..

يااااي اشوى انك نزلتيها ..

امس كنت اصيح كلها ذبح وذبيح وضيقة صدر
بس اشوى اليوم مغير ابتسم ..: )

شوفي ..

القصة اللي احنا نبيها والنهايات السعيدة
وحركات الافلام الرومنسية ما اتوقعها تتحقق ..

اولا ..
سلطان من يوم ما تكلمتي عنه حسيت انه بيزوج أحد منهم
قلتي انه خاطب وقلت غريبة ..
بس اشوى فك الخطبه ..
شوفي اتوقع سلطان هو فاعل الخير اللي يرسل لبيت ابوعبدالرحمن ..
واتوقعه بيخطب ذكرى بعد ..
ماودي يصير هالشئ بس هذا احساسي ..

ياسر وذكرى ..
حب من اوله باين عليه انه مستحيل ..
رغم انهم لايقين على بعض ..
بس ما اظن انهم لبعض

لمى وسعود ..
قهرني ذا المغرور ..
طيب حلو واذا تجرحها الضعيفه ..
ما ادري ما اضمن ان هالحب بيستمر ..

خلود ومعاذ ..
هذولي المنسمين ..
هم اللي عايشين براحه ..
موب اللي قلبه رهيف ..
يمكن خلود تصير لعبدالرحمن ..
وتولع نار بين عيال العم من جديد ..

خالد وريم ..
أتوقع الحمية لبنت الخال راح تلعب دور ..
طلال ما راح يترك ريم وراح يضطر خالد
يتقدم لخطبتها ..

هذي توقعاتي ..
بانتظار الأجزاء القادمه على نار ..

نجمة عنيزهـ · 01-07-2007, 03:15 AM

< وجه وحدة مرة مرة تستحي

فديت الي منور الموضوع بـ طلتهCC

والله إنكم أحسن ناس بـ الدنيا بعد ناس النمر

أخليكم مع الجزئين الي نزلوا للتو بـ النمر

نجمة عنيزهـ · 01-07-2007, 03:18 AM

الجزء الثالث عشر..

أم ياسر: خلاص معاذ ينزل معنا وأنتم روحوا تمشوا..
معاذ: يمه ماأبي السوق..
أم معاذ: فراس إذا أخذته لازم آخذ غنده.. وراح تتعب..
معاذ: طيب الشكوى لله راح أروح..

راحت أم ياسر وأم صالح للسوق ومعهم معاذ..

أما الباقين فـ ركبوا بسيارة سعود عشانها أوسع وجلسوا يتمشون..

خلود: الشارع هذا رسمنا فيه خط..
ياسر: وش تبينا نسوي مانبي نضيع السوق..
خلود: ماعندكم روح المغامرة أبد..
سعود: تبينا نغامر بـ ديرتن مب ديرتنا..
لمى: احمدي ربك غيرك يتمنى بس يسافر..
خلود: الحمد لله ..
فراس: طيب خلونا نوقف بـ آي منتزهـ ..
لمى: لا والله وتبني آمشي وأنا كذا أعرج من رجلي..
خلود: لا لا كبيرة لمى عبدالله تمشي وهي فيها عرجة كبيرة عند الله..
سعود: لا مو نازلين من السيارة..
ابتسمت لمى وحست إنه مايبي يحرجها..

\

في بيت أبو عبدالرحمن..

أم عبدالرحمن: الحين ياريم بس ذكرى الي تطبخ وتشتغل؟
ريم: تعودنا يمه على هذا الشغل..؟
أم عبدالرحمن : لا والله أبوك الي عودك على الدلع..
ريم: يمه لو سمحتي لا تسبين أبوي..
أم عبدالرحمن: ياحظي هو الي جاب الشئ نفسه أجل فيه أحد عاقل يذبح أخوه..
ريم: احترمي نفسك. ولا تنسين إنك في بيته..
أم عبدالرحمن: عاد االقصر.. كله خرابة..

كانت ذكرى تسمع وساكته.. ماتبي تمشكل مع أمها الي ماصدقت ترجع لهم.. بس الظاهر الفرحة ماراح تدوم.. ريم وأم عبدالرحمن كانوا مثل الأعداء وكل وحدة تحاول بس تستفز الثانية..

ذكرى: يمه هـ الخرابه هو الي ضفنا من الضياع.. ولولا هـ البيت كان شفتينا بـ الشارع..
أم عبدالرحمن: كله من أبوكم.. يا ما قلت له يابن الحلال دبر عمرك احفظ فلوسك بس هو وجه فقر..
ريم : بقوم أحسن لي.. لا أجلس وأسمع شئ أكبر..

ريم أبد ما اتفقت مع أمها.. الي ماقدرت تتخلى عن طبعها.. التشمت والقسوة..

عبدالرحمن كان أغلب وقته برا في دوامه... والي كان متأذي أكثر شئ ذكرى.. كانت ما تبي تغضب أمها.. وتشوف إن الحق مع ريم..!

\

رجعوا أم ياسر وأم صالح للرياض بعد ماجلسوا فيها كم يوم.. واتفقوا يعوضونها قبل لا تنتفح المدارس..

معاذ: لين سافرنا مرة ثانية لمى لو سمحتي انتبهي لـ نفسك..
لمى: لا والله ياعني الحين أنا الي خربت السفرة..!
معاذ: وش معنى نرجع عشان خاطرك..؟
ياسر: أنا رجعت لأن الشركة فيها أشغال كثيرة.. وغير كذا لا تنسى ياشاطر إنك بـ الجامعة الحين وبيسون معك مقابلة شخصية..
معاذ: ايه ذكرتني .. الجامعة.. قهر أكثر أخوياي مو مسجلين نسبهم ما تأهل ولا يبيع في أبو ريالين..
ياسر: من شطارتكم.. وتقول ليش ما تحبهم..
معاذ: وش دعوى خوياك الحين طاقين التسع وتسعين..
لمى: أنا سامعه طاقين عند أحد..
فراس الي كان يلعب سوني مع غندهـ: أكيد من خليدهـ معجم الكلمات..
معاذ: أنت لو تلعب وأنت ساكت تصير أحسن الناس..
ياسر: على فكرة أبيك تجي معي للشركة حتى تعرف كيف الشغل هناك..
معاذ: ياسر والي يرحم والديك ما أبي أنا ماأحب هـ الشغل..
ياسر: بدون لا تناقشني أنا قلت تجي يعني تجي..

قام ياسر بعد ما قال آوامرهـ على معاذ.. وياسر لما يقول شئ بـ البيت لازم يتم غصب على الكل..

معاذ: وش ذا التسلط كل ما أقول أخوي عقل يزداد تسلط..
لمى: وأنت ليش ماتبي تروح للشركة؟
معاذ: لمى أنتي تحسين إني قد المسؤلية..؟
لمى: رح وشف كيف الشغل لا تشتغل.. والشركة لك يعني مو شرط أنت الي تشتغل..
معاذ: يعني ما تعرفين ياسر أخوك.. لو قال لي خذ خلص لي هـ الشغلة.. شسوي أنا..
لمى: عادي سوها له..
معاذ: وأنا وجه مشاوير..
لمى: بعدين هذا لـ صالحلك.. راح يكون عندك سيارة مستقلة..
معاذ: ايه انا أكرف وأنتم تروحون تمشيه ووناسة.. أبي أحس إنها عطلة..
لمى: طيب حتى ياسر مسك الشركة وهو في عمرك ومشى أموره..
معاذ: ياسر هذا عقلية مبرمجة على الشغل والوناسة..
لمى: اذكر ربك بس..
معاذ: آآآهـ يا القهر..

\

في بيت أبو عبد الرحمن..

ذكرى: يا الله ريم تآخرنا على أبوي..
أم عبدالرحمن: وإن شاء الله كل أسبوعين تزورونه؟
ذكرى: أكيد ولو يحصل لي زرته كل يوم..
أم عبدالرحمن: شتبون فيه وهو الي نزل سمعتكم للأرض..
ذكرى: مثل ما كنا نبيك وأنتي بعيدهـ عنا..
سكتت أم عبد الرحمن لأن ذكرى أحرجتها.. ولأن ذكرى فعلاً كانت عاقلة وفاهمة وعارفه كيف يكون الرد..*!

طلعو لـ زيارة أبوهم وأم عبد الرحمن رفضت تروح معهم.. مع إن أبو عبد الرحمن طلب يشوفها لما عرف إنها تطلقت وجت عند عيالها..

أبو عبدالرحمن: كنت أبي اوصيها عليكم..
ذكرى: لا تخاف يبه علي..!
ريم: حنا من قبل لا تجي عندنا يبه كنا بخير..
عبدالرحمن: لا توصي يبه أنا بحطهم بـ عيوني..
أبو عبد الرحمن: الله يحفظكم لـ عين ترجيكم يارب..

دق جوال عبد الرحمن وابتعد شوي حتى يقدر يكلم..

عبدالرحمن: نعم..!
محمد: السلام عليكم..
عبدالرحمن: هلا وعليكم السلام..
محمد : أخ عبد الرحمن..؟!
عبدالرحمن: ايه نعم آمر..
محمد: أنا محمد ولد جيران أمك في الجوف..!
عبدالرحمن: يا هلا وغلا فيك.. شلونك وشلون الأهل..!
محمد: الحمد لله كلنا بخير أنتم شلونكم وشلون خالتي..؟!
عبدالرحمن: الحمد لله تمام.. سلامات محمد عسى ما إخواني فيهم شئ..!
محد: الله يسلمك لا والله بس أبو وائل تندم .. وحب يسترجع أمك..!
عبدالرحمن: وش تقول..! الله يجزاه خير مو شغل بزران هو..؟!
محمد: والله هو جى عند أمي وقال وين ماكانت بروح أعتذر منها.. وعشانه كان معصب طلقها.. وأنا رسول وما على الرسول إلا البلاغ..
عبدالرحمن: يكون خير أخوي.. أنا برا البيت لين أرجع بـ كلم الوالدة وأرد لك..
محمد: على خير إن شاء الله .. فمان الله..
عبدالرحمن: فمان الكريم..

رجع عبدالرحمن حتى يسلم على ابوه قبل تنتهي الزيارة..
عبدالرحمن: يالله يبه انتهت الزيارة نستأذتك الحين..
أبو عبد الرحمن ومثل كل مرة بكى وكأنه هذي آخر مرة يشوف عياله: الله معك وأنا أبوك انتبه لـ خواتك..
ذكرىة: لا تخاف يبه عبد الرحمن مكفي وموفي..
أبو عبدالرحمن: الحمد لله إن ربي رزقني بـ ولد يحفظكم من الضياع..
كان الكلام له تأثير على ريم أكثر لما تذكرت طلال ..
عبد الرحمن: الله يعدي هـ الأيام على خير.. وإن شاء الله عيال عمي بـ يتنازلون..!

كان عبدالرحمن في كل مرة يعطي نفسه وأبوهـ الأمل إنه راح يطلع ويرجع للحياة..
ما رد عليه أبو عبد الرحمن اكتفى إنه يبكي بـ آلم.. وكأن مازال منظر أخوه قدامه..

بعد ماسلموا عليه طلعوا.. وبـ كل واحد منهم هم كبير.. أكبر من الجبال.. يمكن عبد الرحمن كان أكثر إنسان شايل هـ الهم.. لأنه المسؤول عنهم.. وكان يحاول بـ الي يقدر عليه ما يبي يبين لهم الي يحس فيه..

عبدالرحمن: اليوم اتصل ولد جيران أمي بـ الجوف..
ذكرى بـ خوف : وش يبي؟
عبدالرحمن: زوج أمي تندم ويبي يرجعها..
ريم: يكون أحسن..!
ذكرى: على كيفه يرجعها بعد ماطردها..
عبدالرحمن: والله مابيدي شئ.. أنا بـ كلم آمي وهي حرهـ..!
ريم: يارب ترجع وتفكنا..
ذكرى: وش تفكنا ياريم.. ماصدقنا على الله ترجع لنا تقوم ترجع له.. بعدين هو أهان كرامتها ما آظن ترجع له..
عبدالرحمن: والله لو الموضوع بيدي ما وافقت ترجع بس هي كبيرة والشور الأول والآخير لها

وصلوا للبيت وعبدالرحمن مرة متكدر من السالفه.. بس وصى ذكرى وريم مايتكلمون لين يرجع بعد الدوام ويقو لها..

\

في بيت أن خالد..

أم خالد: أبي أروح للرياض أغير جو وأزور عيال إخواني..
أبو خالد: خلاص روحي مع خالد..
أم خالد وليش أنت مو رايح..؟
أبو خالد: لا عندي أشغال هنا وبعدين أروح هناك شـ سوي.. أبو ياسر الله يرحمه راح وأبو عبدالرحمن الله يفك آسرهـ بـ السجن..
أم خالد: ايه الله يرحم أبو ياسر.. من راح وحنا كل واحد ما يدري عن الثاني..
خالد: معاذ يقول إنهم قاطعين علاقتهم بـ عيال خالي راشد..
أم خالد: والله كلهم إخواني ما أقدر أغلي أحد عن الثاني.. بس الشكوى لله..
خالد :ربك يعين..!
أم خالد: طيب ودك نسافر..؟!
خالد: لو تبين الحين.. لأني بروح بـ سيارتي..
أم خالد أجل بكرى إن شاء الله بـ نمشي..
خالد: إن شاء الله..

قام خالد وهو فرحان إنه بيروح للرياض .. اشتاق للحبايب هناك.. كان جالس بـ غرفته.. على السرير يبي ينام بس النوم جافى عينه.. كان يتذكر ملامحها ويبتسم.. بينه وبين نفسه كان يكلم حاله.. شلون تحب طفلة ياخالد.. ليش دايم تفكر فيها مع إنها توها صغيرة وماتحس فيك.. كل هذا عشان ما عندك إخوان يسدون المكان الي تربعت فيه.. حب خالد لـ غندهـ في بدايته كان حب إخوه وإنه كان معجب بـ غندهـ الحلوة.. ( خالد بعد حادث غندهـ ماشاف شكلها لأنها كانت تعبانه وماتبي أحد يشوف شكلها)

ما تصور إنو ممكن الحرق يشوهـ وجهها.. مثل ما الصدمة أفقدتها صوتها.. خالد مايقدر يكتم حبه الي يكنه لـ غندهـ.. حب غريب عجيب لكنه كبير.. شاب عمرهـ بـ الخمس وعشرين يحب بنت عمرها ما تعدى الخمس عشرة..؟!
يفكر بـ قلبه الغريب.. وحالته.. يشتاق لها يفكر فيها كثير.. حتى صورها ما فارقت جواله ومكتبه ويارته.. وكأنه يبي يشوفها بـ كل وقت.. حاول ينام بس ماقدر.. يبي يبعد صورتها عن عيونه يتخل بنت مثل ماقالوا تشوهت لكن احساسه وحبه كان أكبر..!

كان يلعب في جواله.. لما شاف صورتها فتح المفكرة.. وكتب..

( ايه أحبها كـ حبيبة.. ايه الطفلة البريئة.. ايه أحبها)

كان يكتب ويضحك.. ويتكلم بـ صوت عالي ايه أحبها...!

\

في بيت أبو ياسر..

ياسر: يالله معاذ تآخرت على سلطان ..
معاذ: ياسر ماودك تغير رأيك والله مو وجه شركات أنا...
ياسر: معاذ لا تخليني أعصب عليك امش معي دام النفس راضية عليك..
معاذ: خلاص يمه آكلتني..

راح معاذ مع ياسر للشركة وهو مو مقتنع بـ الشغل فيها.. ميول معاذ كانت تتجه للكمبيوتر والأشياء الإلكترونية مو الشغل والأوراق..؟!

حاول سلطان يبسط نوعية الشغل لـ معاذ الي كان يضحك على آي شئ حتى يفرح ولا يحس إنه بـ دوام رسمي..

سلطان: أقولك شئ وما تزعل..
معاذ: قول ماراح أزعل..؟
سلطان: للإسف أنت مو وجه دوام وشغل..؟
معاذ: جبت شئ جديد.. أنا أدري إني مو وجه شغل وشركات ..
سلطان: وياسر مصر تشتغل معنا في الشركة..
معاذ: ايه.. يا أخي أخوي فيه هيبة عظيمة .. أحياناً أعانده بس أحياناً إذا طالعني أخاف بـ مكاني..
ابتسم سلطان لأنه كان بيوم من الأيام ينظر لـ ياسر بـ المنظور هذا قبل لا يعرف الي داخله..: بـ العكس ياسر مهما كانت هيبته إلا انه طيب ويخاف عليكم..
معاذ: يمكن أنت أقرب له منا.. يالله أنا بطلع الحين لأني عن جد تعبت من الشغل..
سلطان: هذا وأنت بس تتعرف عليه..
معاذ: طيب اسكت والي يرحم أمك ..
سلطان: ههههههههه خلاص روح وانا بتوسط لك عند ياسر..
معاذ: كفو والله صديقي سلطين.
سلطان: كبرك أنا يوم تقول سلطين..
معاذ: يارجال أحلى شئ الميانه.. يالله فمان الله..
سلطان: والله إنك خبل فمان الكريم..

أعجبت سلطان شخصية معاذ المرحه.. لكنه ما حب يشتغل بـ الشركة لأنه مستهتر نوعاً ما وخاف هـ الشئ يأثر على الشغل...!

\

في بيت أبو عبدالرحمن..

عبدالرحمن: والله يمه حبيت أقولك وأنتي حرة..
أم عبدالرحمن: ما تنكر إنه ما حبت الطلاق وكانت تبي ترجع له.. بس كل ماتتذكر يوم يطردها يحز بـ خاطرها..: والله يا وليدي مدري شقولك.. أنا بكلم أم محمد وبشوف وش رأيها..
عبدالرحمن: إنتي حرهـ يمه.. شوفي الي يريحك وسويه..

ذكرى كانت متضايقه لكن ما تبي تبين آي شئ لـ أمها حتى ما تجبرهاعلى شئ ما تبيه.. أما ريم كانت فرحانة إن أمها احتمال ترجع.. ما تقبلت وجودها بينهم..لأن أم عبد الرحمن أبد ما اتفقت مع ريم..

بعد ما كلمت أم عبد الرحمن أم محمد.. إنها ترجع لـ زوجها وعيالها.. بس حبت تستخير أول.. ومهما كان الحرمةمالها إلا بيت زوجها..

بعد يومين قررت أم عبدالرحمن وعلمت عيالها بـ الي تبيه..

أم عبدالرحمن: والله يا عيالي مثل ماقالت أم محمد إن الوحدهـ مالها إلا بيت زوجها..
وأنا استخرت الله وأبو وائل ماشفت منه إلا كل خير.. ما أبي أخسرهـ..
عبدالرحمن: اللي يريحك يمه ماجبرناك أول نجبرك تالي..
ذكرى: بس مو إذا رحتي يمه نسيتينا..
أم عبدالرحمن: لا إن شاء الله بشرط عليه أزوركم وتزوروني..
ريم تضايقت بـ داخلها إن أمها تخليهم مرة ثانية.. مع إنها ما اتفقت معها بس حست إنها بنت ما تختلف عن البنات عندها أم تحس فيهم وتراعيهم..

بعد ما وافقت أم عبدالرحمن ترجع.. جى أبو وائل يأخذها.. بعد ماتراضوا مع بعض..

وطلعت أم عبد الرحمن من حياة أولادها فجأة مثل ما رجعت فجأة.. وكأنه إشارة فرح لهم مؤقته..

ورجع البيت خالي من غير أم أو أبو يكفون الحال.. يمكن ما كانوا متآثرين التآثير الكبير لأنهم تعودا على عدم وجود أمهم فـ البيت.. بس مشاعرهم حنت لها بعد ماراحت.. تبقى الأم لها مكانة كبيرة مها حصل منها..!

يتبع الجزء الرابع عشر..!

نجمة عنيزهـ · 01-07-2007, 03:19 AM

الجزء الرابع عشر..

أراد القدر أن أكون له.. يا لهذا القدر كيف يتلاعب بـ مشاعري..
يثيرني التساؤل...!

هل سـ يبقى قدري وفي معي دون لذة الخيانة.. لـ يتلذذ بـ تعذيب قلبي..

وقفت لمى عند هذا الحد من خواطرها المبعثرة.. شعور حلو تحسه.. لأن الي تحبه من كل قلبها تحس إنه يبادلها نفس الشعور.. يمكن الخوف إنه يكون بس قدر مشاعرها.. وحب بس إنه يطيب خاطرها ..!

تحت كانوا فراس وغندهـ مثل كل يوم يلعبون.. في حديقتهم..

فراس: طيب حاولي تقولين فـراس..
غندهـ بـ صعوبه تحاول تنطق اسمه: فـــــاااس..
فراس: غنودهـ والله بـ تقدرين بس تتدلعين ما تبين..
سكتت غندهـ: فراس غندهـ أنتي بتقدرين بس حاولي.. شوفيني الحين بـ المتوسط وأنتي ماكملتي دراستك..
نزلت دمعتها وهي تتذكر المدرسة والسنتين الي راحت عليها..

لكن قطع كلامهم دخول عمتهمأم خالد..

فراس: عمتي عمتي..
أم خالد: ياهلا وغلا بـ الزين...
فراس يحب راسها: الحمد لله على سلامتك..
أم خالد: الله يسلمك.. والله وكبرت يا فروسه..
خالد: هلا هلا أبو عبدالله شلونك..؟!
فراس: الحمد لله.. نورتوا الرياض..
خالد: ههه النور نوركم.... انقطع صوته يوم شاف غندهـ..

انصدم انصعق.. كبرت كثير.. واحلوت كثير.. وجهها كان فيه آثر حرق لكنه مو واضح ولا يقلل من جمال غندهـ الواضح.. كانت غندهـ تسلم على أم خالد وهي مبتسمه من غير لا يسمع صوتها..!

خالد: غنودتي ويمد يدهـ لأنها كبرت كثير..
ابتسمت وهي تهز راسها.. ابتسامه خلت خالد ينسى الدنيا ومافيها..

خالد: والله واحلويتي يا قمر.. لا خلاص بتزوجك أنا..
فراس: ههههههه تذكر أول يوم كنت تقول هذي زوجتي لا أحد يآخذها..
خالد: ايه ولين الحين زوجتي وما في آحد بيأخذها..

خالد كان يتكلم من جدهـ لكن البقية ضحكوا لأنهم كانوا يظنون إن هذا مزح منه..!

دخلوا للبيت ورحبت فيهم أم ياسر..: ليتكم قلتوا لنا حتى نسوي العشى..
أم خالد: مانبي نكلف عليكم.. وبعدين بنجلس العطله كلها عندكم..
أم ياسر: والله جينا للدمام قبل كم يوم وكنا ناوين نجي عندكم بس ما أمدانا الوقت تعبت لمى ورجعنا..
أم خالد: ايه قال لي خالد..يالله أنا جيت لـ عندكم..
أم ياسر: والله عشان أختي معي ماحبينا نحرجكم..
أم خالد: أختك مثل أختي وغلاتها من غلاتك..
أم ياسر: الله يخليك يارب..
لمى: والله اشتقنا لك ياعمه من زمان عنك..
أم خالد: تشتاق لك العافية ياقلبي.. شخبار الدراسة وأخبار بنت خالتك أذكر دايم معها..
لمى: ههههههه الحمد لله وخلود طيبة ما عندها خلاف..
أم خالد: وعيال راشد ما تعرفون عنهم شئ..
أم ياسر بـ عصبية: لا وما نبي نعرف عنهم آي شئ.. الله يكفينا شرهم..
أم خالد: إلى الحين ما نسيتي يا أم ياسر..
أم ياسر: ولا راح أنسى.. بسببهم أبو عيالي راح..
أم خالد: أخوي هو الي قتله مو عياله..
أم ياسر: الله يخليك يا أم خالد قفلي الموضوع.. ما أبي أتكلم فيه..

سكتت لمى لأنها تعرف شـ كثر أمها ما تبيهم.. وتخيلت لو عرفت إنها تقابلهم من وراها وش راح تسوي فيها..!

خالد كان جالس مع معاذ يستمتع بـ هباله.. والفرحة مو سايعته.. اليوم شافها.. كان كل ما يتكلم معاذ عن غندهـ يتنهد وكأنه يبي يسمع عنها أكثر وأكثر..

دخل ياسر الملحق: السلام عليكم..
معاذ وخالد: وعلكم السلام..
ياسر: هلا بووليد الحمد لله على السلامة ما بغيتوا تجون؟
خالد: وش نسوي بـ الدنيا كل ما قلنا زانت نلقاها في ردى..
معاذ: فاقدني اليوم صح..
ياسر: إنت حسابك بعدين.. ليش ماجيت..
معاذ يصرفه: عيب أطلع والضيوف توهم جاين..
ياسر: الضيوف جوا بعد وقت الدوام..
معاذ: أنا داري إنهم بيصلون صح خالد..
خالد: وش السالفه فهموني بس..
ياسر: مآخذه أبيه يشوف حلاله ويرعاهـ بس طلع خرطي..
خالد: ههههههههههههههههههههههههههههه
معاذ: وش يضحك انت؟!
خالد: معاذ يصير رجل أعمال لا لا أبد مو لايق عليك..
معاذ: هه شفت كل الناس مو معجبهم الوضع..
ياسر: الشركة بتروح لها.. ومو مهم المظهر.. أنا ماضرني شئ..
معاذ: ياأخي أنت ماشاء الله طول في عرض.. ورزة أنا كلي عظامه.. تنفخني أطير..
ياسر: يعني رجال الأعمال لازم يكونون بنيه..
معاذ: طبعاً أخي العزيز مثل ما الاعب لازم يصير رياضي..
خالد: لا عاد تفلسف ..
معاذ: شفت حتى الفلسفه مو لايقه علي..
ياسر: وأنت وش لايق عليك يا حظي..
معاذ: لايق إني أحب أصير رومنسي..
خالد: لا هنا أقول رجل الأعمال أليق عليك.. أنت وجه واحد يحب.. يا حرام البنت الي بتحبك..
معاذ: وش دعوى إنت جرح والبنات يحبونك..!
خالد: أنا ماقلت أبي أحب..
ياسر: لا يكثر .. الشركة بتروح لها يعني بتروح..
معاذ: عنيد راسك يابس.. البلا مو منك من هـ الطول والجسم الي مآخذهـ كله وأنا الي تورطت..
الكل: هههههههههههههههههههههههههه

جيت خالد رجعت روح المرح بينهم.. وكان ليلهم كله سهر ووناسة.. خالد كان يتوه بين الإثنين ومايرتاح إلا لما يخليهم يتخانقون بعدها يضحك عليهم وينسحب.. حبه لـ عيال خال فاق أي حب.. أولاً لأنهم يحبون ولأن غندهـ قلبه أختهم وهـ الشئ يخلي خالد يحبهم من كل قلبه..!

\

في بيت أبو عبد الرحمن..

ريم: تصدقين على إني ما حبيت جيتها بس فقدتها كان البيت له طعم معها..
ذكرى: وأنا بعد والله فرحت بـ رجعتها..
ريم: يالله هذي حال الدنيا ما بـاليد حيله..

دخل عبدالرحمن وهو حاس بـ عب هاد حيله..
ذكرى: سلامات عبدالرحمن شكلك تعبان..
عبدالرحمن: أحس بـ شوية دوخه.. وأطرافي باردة..
ذكرى: أسوي لك شئ تآكله..
عبدالرحمن: لا توني مآكل وآكلت علاج..
ذكرى: وش علاجه..!
عبدالرحمن: مسكن للدوخه.. بقوم أرتاح بـ غرفتي..
ذكرى: أوكيه انتبه لـ نفسك..

راح وهو من جد تعبان بس ماحب يكدر على خواته ويشغل بالهم.. بس ذكرى حست إن فيه شئ وقلبها ما طمنها..

\

في بيت أم صالح..

سعود: كنتي تدرين ليش ماعلمتيني..؟!
خلود: تخيل شكلي أقول سعود لمى تحبك..! بعدين كنت ألمح لك بس أنت غبي شسوي أنا؟!
سعود: غبي في عينك.. احترمي أقل شئ إني الكبير..
خلود: ياشيخ روح..
سعود: طيب خلود هي تحبني مرة مرة..!
خلود: أكثر من الي تتصورهـ.. تحبك موت..

ضاق صدرهـ أكثر.. لأنه حتى وإن كان بـ السفر رحمها ولا هان عليه يجرحها.. لكنه ماقدر ينسى أو يشيل ذكرى من راسه.. وإن صرح بـ حب ذكرى أو فكر يخطبها راح يعذب هـ المسكينة.. ولاول مرة بـ حياته حس إنه بين نارين.. مو عارف يرضي بنت خالته الي تعزهـ وتحبه.. أو قلبه الي يقول له ذكرى ياسعود لا تروح من ايدينك..

أكيد الزمن بيكون قاسي عليه بـ كل الحالتين..!!

أم صالح تكلم ولدها صالح وهي تبكي: الله يبشرك بـ الخير.. الحمد لله يارب.. الله يرزقكم الذرية الصالحة ياوليدي..
صالح: آمين يارب.. عاد الحين أمل في بيت أهلها لأنها شوي تعبانه.. معك علم الحريم وحملهم..
أم صالح: ايه خلها ترتاح أمي.. الله يخليه لكم يارب..
صالح: أشوف الغالية فرحانة وراضيه..
أم صالح: وأنا أمك يوم كنت أقسى عليك هذا من حبي لك أبي أشوف عيالك.. بس الحمد لله ربي ما خيب رجاي ..
صالح: الحمد لله.. يالله يمه بشري إخواني انا مشغول الحين..
أم صالح: ابشر الله يسهل عليكم يارب..

أم صالح كانت بـ قمة فرحها إن زوجة صالح خلاص حملت.. هي ماكانت تكرها بس طبع الحريم.. ما يبون لـ عيالهم غير الزين.. ولما كانت قاسية ماكان كرهـ بـ أمل.. بس حزن ليش ماحملت وفرحت نظرتها بـ عيال ولدها..!

دنيا غريبة.. بـ لحظة يتبدل فينا الشعور..!!

\

لمى وهي تكلم خلود..

خلود: لمى قولي لي وش الموقف الي صار بينكم..
لمى وهي تتذكر كلامه:ليش تبين تعرفين؟
خلود: تكفين علميني..
لمى: قالت لـ خلود الي صار.. وشلون كان قاسي عليها..
خلود: ياقلبي أنتي كل هذا بقلبك وساكته ماعلمتيني..
لمى: ماأبي أنكد عليك السفرهـ..
خلود: ولا كلمة يا الدبه تعرفين مكانتك عندي.
لمى: الله لا يحلامني نك يارب..
خلود: تصدقين اليوم ذبحني بـ الأسئلة مرة يقول متى حبتني ومرة يقول ليش ما قلتي لي..
لمى: وهـ فديت قلبه أنا..
خلود: تصدقين لمى.. أحياناً أقول ليتني أحب وفيه انسان يحبني.. بس لما أشوف حالتكم أقول الحمد لله قلبي ما يحب..
لمى وهي تتذكر معاذ: ولا حتى أخوي معاذ ما تحبينه..
خلود: وع وع لا إن شاء الله أنا أحب ذاك الغثيث..
لمى: تخيلي لو معاذ يحبك..
خلود: أنتحر على طول.. المعصقل يحبني.. لا لمى يرحم أمك لا تتفاولين علي..
لمى: هههههههههههههههههههههه
خلود: ضحكتي من سرك..
لمى: والله هو مرة جاني يقول لمى الحقيني أحب خلود وأموت فيها..
خلزد تصرخ: لا لا ما أبي يع.. لمى قولي له خلود تكرهك..
لمى: إن شاء الله من عيووني..
خلود: وإلا تدرين قولي خلود تحب أحد ثاني..
لمى: وإذا سألني من...؟
خلود: قولي سواقكم بشير بس تكفين.. لا يحبني هو..
لمى: ههههههههه إلى الدرجه هذي مأثر فيك أخوي..
خلود: يوهـ كابوس دايم أحلم فيه..
لمى: مجنونة وربي مجنونة..
خلود: طيب ياحلوة.. يالله هناك أبي أكلم ذكرى وحشتني..
لمى: وأنا بعد تكفين سلمي عليها..
خلود: يوصل إن شاء الله..

قفلت خلود وهي تتذكر كلام لمى.. ولو صدق معاذ يحبها.. مع إنها تكرهه ابتسمت لأنه أبد مو لايق عليه الحب..

\

في بيت أبو عبد الرحمن..

ذكرى راحت لـ عبدالرحمن: هاهـ عبودي شلونك الحين..
عبدالرحمن فرحان: عبودي مرة وحدهـ.. كل يوم بصير تعبان..!
ذكرى: لبى قلبك بس..
عبدالرحمن: الحمد لله خف شوي الصداع..
ذكرى: ماتشوف شر يارب..
دق جواله..!!

\

التوقعات..

من الي اتصل على عبدالرحمن..!
وسعود وش راح يختار لمى أو ذكرى..؟!

بـ الجزء الجاي نكمل معكم..!

خلهم ينفعونك · 01-07-2007, 12:13 PM

اهلللللللن..

ونااسسسسسه جزئين مره وحده

بس متى بتكملين هم

لاتطولين بليز

CC

عونيزا تألقي · 01-07-2007, 07:24 PM

نجمه .. اغلب روايتكـ اقراها ودمعي على خدي...

مره مره اليــــمه..

اشكر لكـ فنكـ اختيـ...

منتظرين اجزائكـ علىى احـــر من الجــمر وربيـ...

محاسبة هلالية · 01-07-2007, 10:55 PM

*
*
هلا بنجومه ..

مدري أنا اتعودت على كثرة الاحداث يوم نزلتي طعشر جزء ..
فيوم خلصوا هالجزئين قلت بس ..

شوفي توقعاتي ..

أقتباسمن الي اتصل على عبدالرحمن..!

اللي اتصل على عبدالرحمن خالد ولد عمته ..

أقتباسوسعود وش راح يختار لمى أو ذكرى..؟!

ذكرى مو لسعود ..

ولمى يمكن هي تصرف النظر عنه ..

<-علي توقعات شاطحه بس احس كذا ..

نجمه كم بقى من جزء ..
يعني متى بتخلص ودي اكملها قبل أسافر ..

BBP

أنا سعوديه · 02-07-2007, 09:36 AM

؛/

قسم بالله بيجيني شي

,
يعني مو كفايه عذاب

ارحمي وخلصيها تعبت

,

نجومه اكرهك

,
لاتخربين على احد

؛/

شمعة حياتي · 02-07-2007, 05:52 PM

*
نجووومة
والله اني متحمسة مره مع الرواية
بسرعه كمليها وخلصيها

الراعبيه · 03-07-2007, 03:02 AM

بليييييييييييييييييييييز يا النجمه كملي ...

وان شا الله سعود بياخذ لمى ..

وغنده حبيبتي حبيتها تتكلم..

وياسر ياخذ ذكرى ...

وبوعبدالرحمن يطلع براءه..

دموعي ع ويهي ..قصه حلوه وعجيبه

طلعتي خطيره اخطر من فجر السعيد ..

نترياج تدرين الساعه 4 الفير وانا بعدني اقرا القصه وناسه

نترياج

نجمة عنيزهـ · 03-07-2007, 05:34 AM

أهلين.. بـ حط لكم الجزء وأرجع لـ الردود:(

نجمة عنيزهـ · 03-07-2007, 05:35 AM

الجزء الخامس عشر..

ذكرى وعبد الرحمن كانوا بـ الغرفة .. وسكتوا على دقة جوال عبدالرحمن..!

عبدالرحمن: هلا هلا ..
خالد: هلابك.. شلونك..؟
عبدالرحمن: طيب شلونك أنت وعمتي..
خالد: الحمد لله بخير.. ما تلاحظ الرياض نورت..
عبدالرحمن: جيتوا..؟!
خالد: ايه اليوم وصلنا..
عبدالرحمن: الحمد لله على سلامتكم.. عسى ما تعبتوا..
خالد: لا من بعد المسافه.. تعودنا..
عبدالرحمن: والله من زمان عنكم وحشتونا..
خالد: الله يخليك يارب.. عاد الحين حنا عند بيت خالي عبدالله.. وبكرى إن شاء الله بنجي عندكم..
عبدالرحمن: الله يحيكم بـ آي وقت تنورونا..
خالد: يالله فمان الله..
عبدالرحمن: الله معك فمان الكريم..

ذكرى: عمتي بـ الرياض..
عبدالرحمن: ايه والله اشتقت لها ولـ سوالفها..
ذكرى: وأنا بعد.. وإن شاء الله تكون واسطت خير ونرجع مثل قبل مع عيال عمي..!
عبدالرحمن: إلا الحين مأمله فيهم..!
ذكرى: حنا مالنا غيرهم.. حتى أمي الي من راحت ما كلفت نفسها تدق علينا..
عبدالرحمن: الدنيا تغيرت يا ذكرى.. حتى الأم ما عاد تحس بـ عيالها..
ذكرى: والله غريبة هـ الدنيا.. طيب عبدالرحمن شفيك وش سالفة الدوخه ترى ملاحظتها عليك..
عبدالرحمن: ريحي بالك مافي شئ..
ذكرى: طيب قوم تنشط على بال ما أجهز العشى.. يالله عشان نتعشى ميته جوع
عبدالرحمن: ههههههههه طيب ..

قامت ذكرى تجهز العشى.. وعبدالرحمن قام يأخذ له دش حتى ينشط جسمه.. ويآكل علاجه...!!

\

في الخيمة..

ياسر: وش تروحون لهم وأنتم بس اليوم جلستوا عندنا..
خالد: والله أنا مالي شغل أمي الي قالت..
معاذ: أقولكم شئ بس ياسر لا تهاوش..
خال: قول وأبد بـ وجهي..
معاذ: اشتقت لـ عيال عمي.. قبل يجون لنا ونروح لهم.. ليت الي صار ماصار..
ياسر بـ غيرهـ: ليش نشتاق لـ عيال الي ذبح أبوي.. علمني ليش..؟!

كان بـ داخله الشوق يتكلم مثل ما أنت تشتاق لـ ذكرى وتروح لها .. ما قدرت تدفن هـ الحب الي داخل صدرك..

خالد: ياسر لا تخلي قلبك أسود.. هم مالهم ذنب..
ياسر: ولا حنا ذنب.. أنت يا خالد ما نقدر نمنعك منهم لأنك مالك ذنب.. بس معاذ قاهرني..

ياسر كان متناقض بينه وبين نفسه.. كان يرضى عن لمى لأنها تتكلم عن ذكرى وبس.. أما معاذ كان يتكلم عنهم كلهم..

معاذ: طيب لا تهاوش مو قلت لك لا تهاوش...!
خالد: خلاص مشوها وإلا ترى بقوم أنوم...
ياسر: أنا بطلع سلام..

طلع ياسر وهو محتار في نفسه.. مرهـ مع عيال عمه ومرهـ ضدهم في كل شئ..

معاذ: ياسر هذا غريب بـ شكل..!
خالد: ليش..؟!
معاذ: مرهـ أحس إنه طيب ورحوم ومرهـ أحس قلبه أسود حيل..
خالد: لا تلومه.. لا تنسى شال مسؤوليتكم وهو توهـ صغير وانصدم صدمه كبيرهـ في خالي الله يرحمه..
معاذ: كلنا انصدمنا.. وحتى غندهـ فقدت صوتها بسبب الصدمة.. وما قلنا شئ..!
خالد عورهـ قلبه من سمع غنده: كل انسان يختلف.. ياسر الكبير وهمه بيكون أكبر..
معاذ: مدري كل ما أقول فهمته أحس انه صار أصعب أكثر من قبل..
خالد: وسع بالك بس يتهيا لك..

\

في بيت أبو عبد الرحمن..

ذكرى: يالله عبد الرحمن العشى..
عبدالرحمن: وين ريم..؟!
ذكرى: ما تبي عشى وجالسة بـ الغرفة تقرأ المجلة..
عبدالرحمن: أجل بسم الله..

وقبل لا يمد يدهـ للإكل دق التلفون الثابت..قامت ذكرى بس عبدالرحمن حس الوقت متآخر..
عبدالرحمن: خلك أنا برد..
عبدالرحمن: نعم..
طلال: ريم موجودهـ..؟!
انصدم عبدالرحمن.. رجال يطلب ريم: خير أخوي..!

ذكرى عورها قلبها وحست انه طلال الي تعرفه ريم..!
عبدالرحمن: مايخسى إلا أنت أختي أشرف منك ومن أشكالك..

سكر السماعه وهو بـ قمه قهرهـ وعصبيته.. وراح لـ غرفة ريم.. ولقاها منسدحة وهي تقرأ المجلة..

عبد الرحمن: رييييييييييم أنتي تعرفين واحد اسمه طلال..؟
ريم فزت من مكانها وعلى بالها إن ذكرى هي الي فضحتها: لا
قرب لها عبد الرحمن ومسك طرف ايدها: أقولك قوولي الصدق..
ذكرى: عبدالرحمن خلها لا تكسر يدها وتعوذ من ابليس..
عبدالرحمن: أنتي سكتي وحسابك معي بعدين..
ريم تبكي: من الي قالك..؟!
ذكرى: عبدالرحمن إهدأ حتى أفهمك..
عبدالرحمن: وبعد ما يكفي تسترتي عليها..

كان ماسك ريم بـ كل قوته وشكله مرهـ معصب.. أول مرة يكون كذا.. ما تحمل كلام طلال له.. وما حس بنفسه إلا هو يضرب ريم.. حاولت ذكرى تبعدهـ لكنها ماقدرت عبدالرحمن كانت بنيته كبيرة وذكرى ما تقواه.. ريم كانت تصيح من شدة الألم لأن عبد الرحمن مارحمها كان يضربها بـ كل قوته..

ذكرى: عبدالرحمن حرام عليك لا تموت بين يدينك..
عبدالرحمن: خليها تتأدب.. خليها تعرف إني رجال مو لعبه عندها..
ريم ماتقدرت ترد ولا حتى تقاوم ضربه..

عبدالرحمن بدى يعرق وجسمه يرجف بـ قوة وما حس بـ نفسه إلا هو طايح على خواته..
ذكرى: عبدالرحمن.. عبدالرحمن..
ريم خافت عليه بس ماقدرت تقوم ضربه لها كان مؤلم..!
ذكرى: ريم بسرعه جيبي مويه عبدالرحمن يرجف بسرعه..
قامت ريم بـ رغم آلمها بس خافت لا يصير بـ آملهم بـ الدنيا شئ..

بعد مارشت المويه عليه حست إنه فقد الوعي .. راحت تتصل في الإسعاف..
بعد عشر دقايق كان الإسعاف عندهم ونقلوه للمستشفى.. راحت معه ذكرى وآخذت الجوال معها..

ذكرى: ريم سكري الباب وانتبهي لـ نفسك..
ريم: خليني أروح معكم..
ذكرى: ماينفع مافي مكان..

راحت ذكرى مع أخوها الي كان فاقد وعيه ومبين عليه التعب..

بعد ما وصلوا للمستشفى دخلوهـ غرفة العناية المركزة بـ سرعه لأن حالته كانت مرة خطيرة وكانت بـ بتروح حياته بسبب عصبيته...!

ذكرى: بشرني دكتور شفيه ..؟!
الدكتور: أنتم ليش تخلونه يعصب..!
ذكرى: شئ خارج عن ارادتنا..!
الدكتور: يعني ما تدرون إن السكر عنده وإنه ارتفع عليه.!
انصدمت ذكرى لما قال الدكتور ان فيه سكر: ذكرى سكر.. من متى عنده..
الدكتور: من زمان.. وللإسف مو منتظم بـ مواعيدهـ والظاهر ما أخذ علاجه.. عموماً إحنا دخلناهـ غرفة العناية المركزة لأن السكر مرتفع عندهـ..
ذكرى: والحل دكتور .. يعني ماعليه خطر..
الدكتور: بنسوي الي نقدر عليه والله يكون بـ عونه..
ذكرى: الله يستر بس..

راح الدكتور وخلاها .. كانت محتارهـ بنفسها ريم لـ حالها بـ البيت.. وعبدالرحمن بين الحياة والموت.. اتصلت على البيت حتى تطمن ريم لأنها اتصلت أكثر من مرة عليها.. يوم كانت مشغولة مع عبدالرحمن..

ريم: هلا ذكرى بشريني..؟
ذكرى: الحمد لله طيب... بس طلع فيه سكر من كثرة الضغوط عليه وكتمانه.. وارتفع عليه..
ضاق صدر ريم الي حست بتأنيب الضمير: إن شاء الله يقوم بـ السلامه.. بس أبي أعرف هو شلون عرف..؟
ذكرى: الحيوان اتصل عليه... وحنا نتعشى بس ما أدري وش قاله..
ريم: الله لا يوفقه لا بـ الدنيا ولا الآخرهـ شسويت فيه أنا..
ذكرى: خلاص ريم هدي نفسك.. عموما أنا بشوف لي حل..
ريم: طيب شلون بترجعين للبيت.. ذكرى وربي خايفه...!
ذكرى: آآه مدري بشوف لي حل..!

قفلت ذكرى وهي محتارهـ خايفه على إخوها اللي على السرير وأختها الي ما تقدر تخليها لـ حالها.. ولأن عبدالرحمن بـ العناية ممنوع تكون مرافق.. ناظرت جوال عبد الرحمن حتى تتصل على عمتها بس ماحصل غير رقم خالد والي كان آخر مكالمة مستلمة..

اتصلت وهي متردده..

خالد: هلا عبيد..
ذكرى: هلا خالد..
استغرب خالد: هلا من معي...؟
ذكرى: أنا ذكرى..
خالد: سلامات ذكرى صوتك كنه فيكم شئ..
ذكرى: لا بس عبدالرحمن تعب علينا..والحين أنا بـ المستشفى..
خالد قام من مكانه: أي مستشفى..

معاذ كان جنبه وفز قلبه معه... قالت له ذكرى المستشفى..

خالد: خلاص الحين بجي لك..
قفل خالد من ذكرى وقلبه على ولد خاله..
معاذ: عسى ماشر شفيه..؟!
خالد: الشر مايجيك.. عبدالرحمن تعب وذكرى لـ حالها بـ المستشفى.. بروح لها..
معاذ: آجي معك..
خالد: لا خلك هنا.. دق على ياسر وأنت ودي أمي لـ ريم لـ حالها بـ البيت.. وأنا بروح لـ ذكرى ماأبي أتآخر عليها الوقت مرة متأخر..
معاذ: خلاص طمني عليه..
خالد: إن شاء الله..

راح خالد لها بـ المستشفى وهو مرة متكدر وشايل هم عبدالرحمن عسى لا يصير فيه شئ..

دق خالد على ذكرى حتى تقوله وين مكانها.. لأنها ما تتذكر خالد مرة..

خالد: هلا ذكرى..
ذكرى: بـ حياء هلا خالد..
خالد: بشري وش صار..؟!
ذكرى: الدكتور يقول فيه سكر ولأنه كان معصب ارتفع عليه الحين هو بـ العناية..
خالد: لا حول ولا قوة إلا بـ الله.. مافيه إلاالعافيه إن شاء الله وسعي بالك.. بس شـ اللي خلاه يعصب..
ذكرى كانت مترددهـ تقوله بس قررت تعلمه: طلال اتصل على البيت وقال لـ عبدالرحمن كل شئ...

انقهر خالد وعصب حدهـ..وما تحمل كلام ذكرى.. وطلع من المستشفى وذكرى ما قدرت تلحقه.. كان خالد إذا عصب مايعرف أمه ولا أبوهـ.. نسى إن ذكرى لـ حالها بـ المستشفى.. وراح للإستراحة الي يجلس فيها طلال ونواف..

دخل وهو بـكامل عصبيته..

خالد وهو يمسك طلال من ثيابه: ألا يا الوقح..
طلال: خير سلامات..
خالد: أنت ما تربيت ..تبي أحد يعلمك من معه تلعب..
نواف كان بـ الغرفه وجاهم يركض يبي يفهم وش صار..
نواف: خالد هد أعصابك شفيك..
قام خالد يضرب طلال والثاني ماقدر يفك نفسه ولا نواف قدر يفكهم..

خالد: أنا الي بربيك.. لا أنت ولا عشرة من أشكالك يمس لنا شعرهـ تفهم..
نواف بعد ماأبعد خالد عن طلال: تعوذ من الشيطان..
خالد: خسارة عشرت عمري معك.. خسارة كنت أظنك رجال..
نواف: خالد شفيك وش صار..؟
خالد: الوقح يظن بنات الناس لعبه بيديه.. حيوان ما تربى.. لكن مابيربيه غيري..
نواف: طيب هد أعصابك..
خالد: إنت تدري إن اخوها بين الحياة والموت بسببك.. بس ليش اقولك انت انسان بلا رحمه ماعندك قلب يحس.. لو عندك سترت على البنت ما فضحتها..

كان يتكلم وطلال ساكت منصدم.. ومقهور من كلامه الي يجرح..
خالد: أنا مدري شلون وصخت يدي فيك..

طلع بعد ماناظرهـ نظرات استحقار.. وخلاهم..
نواف: يعني سويت الي في بالك..؟
طلال: لو سمحت لا تكمل الناقص لا أكملها عليك..
نواف: أنت تدري إنها بنت خاله..
انصدم طلال وكان يحسب خالد يمزح معه وإنه يعرف البنت بس من الجوال كان فاهم غلط وإن خالد يعرف ريم مثله بس مكالمات..

طلال: بنت خاله..
نواف: ايه بنت خاله الي بـ السجن.. يعني بتسوي نفسك ماتدري..

انصدم طلال زيادهـ وانصدم إنه فهم خالد غلط .: طلال على بالي بيأخذ ريم مني..
نواف: أنا بفهم بس دامك ما تحبها ليش تلاحقها فهمني..
طلال: ومن قالك ما أحبها.. إلا أحبها.. بـ فترة قصيرة أخذت عقلي.. برائتها وطيبة قلبها.. كل شئ ملكتني فيه.. يوم سمعت خلد كنت أكابر وعلى بالي يمزح وقلت فرصة أختبرها..بس انصدمت انها قطعت فيني عشان واحد مثل خالد..الغيرة أعمتي قلبي.. حتى دلال اتصلت عليها ابي تجيب لي صور لها.. كنت أبي أهددها بس ماكان عندي غير إني اتصل على بيتهم..
نواف: كل هذا بقلبك.. أنت شلون تفكر..؟!
طلال: تخيل لوأحد يأخذ منك شئ تحبه ماتموت..
نواف: بس مو بـ الطريقه هذي.. هذا مو حب.. سببت للبنت مشاكل وأخوها بين الحياة والموت وأنت تقول أحبها..

سكت طلال لأنه حس إنه فعلاً أخطأ خطأ كبير وصعب يصلحه.. طلع من الإستراحة وهو شايل هم الناس كله فوق راسه.. كان يدور بـ الرياض مو عارف شلون يصحح غلطه.. كان بيدق على خالد بس قال أكيد معصب ومو متقبل اعتذاري.. كانت حالته مرة تنرحم.. فهم ريم وخالد خطأ ما حط في باله إن ريم صدق تقرب لـ خالد.. وعلى باله انها باعته عشان خالد.. غيرته أعمت عيونه عن كل شئ..!

\

بـ المستشفى كانت كرى تتصل على خالد لكنه مارد.. وخالد كان حاط الجوال على الصامت .. ويدور بـ سيارته بـ الرياض..
ناسي إن ذكر لـ حالها..

\

معاذ اتصل على ياسر الي عصب كثير ليش ذكرى تتصل في خالد..

ياسر: والحين هي وينها..؟!
معاذ: راح لها خالد بـ المستشفى..وأنا الحين بودي عمتي لـ ريم..
ياسر: طيب خلاص أنا بروح للمستشفى أشوف وش صار..!

استغرب معاذ من ياسر شلون يروح لهم وهو قبل شوي عصب عشان فتح موضوعهم عندهـ..

راح ياسر للمستشفى والغيرة ذابحه قلبه.. ليش تتصل في خالد.. وأكيد بتركب معه بـ نفس السيارة..خصوصاً إنهم ما يتغطون عن بعض ويمنون مرة على بعض..

دخل المستشفى وسأل عن عبدالرحمن راشد.. وراح له .. لقى بنت عند الباب وماعندها أحد حس إنها ذكرى ..

ذكرى من شافته فرحت كثير..وراحت له بسرعه من الخوف كأنها تبي تحتمي فيه..
ذكرى: ياسر..
التفت ياسر لها وهو مبتسم يوم شافها: هلا ذكرى الحمد لله على سلامى عبدالرحمن..!
ذكرى: الله يسلمك..
ياسر: شفيه هو..؟!
ذكرى: ارتفع السكر عليه وتعب..!
ياسر: طيب خالد ماجى ..
ذكرى ماحبت تقول لـ ياسر شئ حتى مايفمهم غلط: الا بس مدري عصب وطلع شكل فيه مشكله وخلاني..
ياسر: الله يهديه عاد اذا عصب هو شين.. طيب امشيب أوصلك للبيت.. ماراح يخلونك المستشفى ترافقين مع عبدالرحمن..
ذكرى: ايه حاولت فيهم بس رفضوا مرة شايله همه..
ياسر: لا تشيلين همه.. أنا بوديك للبيت وأرجع أتطمن عليه.. أعرف واحد هنا يشتغل بـ المستشفى..
ذكرى: الله يخليك خلهم يخلوني معه..
ياسر: والله صعبه أنتي حرمه وممنوع..!
ذكرى بيأس : طيب الله يستر..

كانت تمشي ورا ياسر وتتآمل شلون كبر وتغير.. تغير كل شئ فيه إلا نظراته الغامضة والحادهـ الي تخلي الي قدامه ما يفهم هو وش يفكر فيه..!

وصلوا للسيارة.. وجت تركب وراء لكن ياسر عصب عليها لأنه مايحب الحركة هذي..
ياسر: خير سواق عندك راكبه ورا..
خافت ذكرى منه ولأنه كانت مضطرة ركبت قدام..: آسفه..
سكت ياسر وشغل السيارة وكان يسوق بـ هدوء..

كاان يسوق والهدوء يعم السيارة.. فرحان لأنها جنبه بس شئ أكبر منه حرم قلبه هـ الفرحة.. حس بـ عيونها الدمعه الي تحاول تخفيها عن الناس.. حس فيها ضعيفه وتتظاهر بـ القوة..

كانت ذكرى تنااظر للجهة الثانية وتناظر من غير شعور.. مشاكلهم ماخلتها تستمتع بـ الحظه الي جمعتها مع ياسر..
كانت تفكر بـ عبدالرحمن وريم الي تحسهم عيالها مو إخونها.. بـ أبوها الي له أكثر من السنتين بـ السجن..
بـ داخلها تتذكر لمى وخلود شلون كانت همومهم على قدهم وعلى قد عقلهم.. شلون يوم شافت البنات بـ المدرسة كيف كانوا يفكرون ويضحكون همهم مايتعدى على الفستان أو شنطه أعجبتهم..
شالت هم أكبر من عمرها ومن تفكيرها.. كبر همها منع حتى عيونها لا تدمع حتى لا يحس الي حولها بـ الضعف.. لبست قناع أكبر منها.. تحدت العالم ونفسها قبل كل شئ.. إنها ما تبكي ما تزعل ما تحس.. تعطي ولا تآخذ..

ياسر كان يقرأ كل الي تفكر فيه.. إحساس الحبيب الي يحس فيك مهما أخفيت.. يعرف ذكرى مثل ما يعرف نفسه.. يراقب سرحانها.. ودهـ إنها ركبت معه وهم لـ بعض.. يتمنى يشوفها تضحك.. تشيل هـ النظرة الحزينة من عيونها.. يبي يسمع ضحكتها.. ما يسمع تنهيدة قلبها الي تطلع بـ صعوبه والهموم ماليه قلبها

قطع هـ السكون.. يبي يطلع من جوهم الكئيب.. يبي يسألها : ليش ياذكرى..؟
التفت ذكرى وهي فاهمه سؤاله قبل لايكمله: النصيب ..
ياسر: من بين الناس ليش نتعذب..؟!
ذكرى: ربك كاتب لنا هـ الشئ..
وقف ياسر وهو يبي يكلمها يتفاهم معها يسألها يمكن يلقى الجواب الي يشفي غليله..

ياسر: ذكرى تحسين بـ الي أحسه.. ذكرى تشتاقين مثل ما أناأشتاق..؟!
ناظرته وهي تشوف عيونه: مايفيد شوقي.. قبل سنتين بـ الضبط.. انذبح حبنا بـ موت عمي..!
ياسر: من قالك..؟!
ذكرى: عيونك.. يوم شفتني بـ العزا.. قريت فيها كرهك لي..!
ياسر: كنت مصدوم..مقهور أبوي مات يا ذكرى افهمي هـ الشئ..!
ذكرى: قلت لك حبنا انقتل بـ موت عمي.. لو سمحت ودني للبيت.. وانسى ذكرى يا ياسر لو قلبك حبها القدر والناس ماراح يسمحون لك..
ياسر يرفع صوته: لا تقولين انساني.. أنتي بـ قلبي.. ذكرى أنا كل يوم آجي لبيتكم.. ذكرى قدام الناس أقول اني اكرهكم وأنا من ورى الناس آجي أساعدكم..

انصدمت ذكرى وتذكرت الي كل شهر يعطيهم مصروف ومقاضي للبيت:ذكرى إنت فاعل الخير..
ياسر: أنا الي يحبك.. أنا الي يبي يشيل عنك كل هـ الهموم..
ذكرى: ماطلبنا منك تساعدنا..
ياسر: حبي هو الي يمشيني.. أبيك مثل بقية البنات تلبسين تآكلين تعشين عيشة طبيعيه.. ماأبي أحد يقول حبيبة ياسر ناقصها شئ..

كانت ذكرى مصدومه من كلامه.. مو متخيله إن ياسر هو الي يساعدهم.. مو مستوعبه..

ياسر: ليش ساكته.. مل قلبك.. نسيتي ياسر..؟!
ذكرى: مو مصدقه..
ياسر: الظاهرنسيتي ياسر.. الظاهر ضاع حبي بين همومك.. ماعاد قلبك يحس في ياسر.. نسيتي يوم تخلين أبوك يجيبكم لنا بس عشان حسيتي إني تعبان.. تتذكرين..!

هنا ذكرى ما تحملت ونزلت راسها تنزل هـ الدموع الي منعتها أكثر من سنتين.. تخفيها عن الناس .. تتصبر على المر تضحك من غير شعور..

بـ عالم الحب العجيب.. بـ دنيا مايعرف شعورها غير الحبايب.. قرب ياسر يدهـ لـ ذكرى الي كان الغطى حاجب عنه ملامحها.. شالها ومسح دموعها .. مسحها بـ حب بـ حنان..

ياسر: ماأبي أشوف دمعتك.. أبيك ذكرى الي تضحك .. أبي ذكرى الي عرفتها من سنين.. شيلي هـ الحزن.. عشان خاطر ياسر كان له خاطر..

بصوت مهموم حيل: إن كانت همومي عشان حالتنا فـ تأكد عذابي كله لـ عيونك.. ماأبي أخسرك.. والله العظيم أحبك..
هزته هـ الكلمة خلته يفرح ويبتسم.. ودهـ يضمها لكنه فكر يأجلها لـ يوم بتكون من حلاله.. يحق له يحضنها يضمها لـ قلبه...!!

اليوم كان يوم غير عن الأيام الي راحت.. كان حبهم أكبرمن العذاب.. فرحان فيها تحبه مثل مايحبها.. وهي نفس الشعور.. حرك السيارة وكل منه عذاب فيه حب كبير للثاني..

بعد ماوصلوا للبيت..
ذكرى: حالنا تسرك.. لا تتعب حالك..
ياسر: ولا كلمة.. كأني مو أنا الي أساعدكم.. فاهمة..
ابتسمت بـ خوف من هيبته : خلاص فاهمة..
ياسر: انتبهي لـ نفسك تكفين..
ذكرى: وأنت بعد..
ياسر: بـ وجودك..

نزلت ذكرى مخليه قلبها وحبها عند الي يستحقه.. دخلت البيت وحصلت عمتها وريم مرة خايفين..

أم خالد: بشري يمه شلون عبدالرحمن..؟!
ذكرى بتعب: الحمد لله طيب..
ريم: شكلك تعبانه روحي ارتاحي..
ذكرى: أي والله.. عمه اتصلي على خالد مدري وين راح..!
أم خالد: مو هو الي جابك..
ذكرى: لا ياسر جاني بعد ماراح.. مدري وين راح..!

حست ريم إنه راح لـ طلال.. وخافت لا يكون صار له شئ..!

ذكرى: يالله عمه بروح أنوم مرةتعبانه واعذرينا ودنا نشوفك بـ حال أحسن من هـ الحال..؟!
أم خالد: الله معك يمه.. أنتم بناتي.. حتى حنا بنام..!
ريم: ترى غرفتي أبوي جاهزة ياعمه..
تذكرت أم خالد أخوها الي اشتاقت له: الله يخليكم يارب..

\

من غير توقعات.. هنا دمعتي نزلت.. شعور الحب كان أكبر مني.. بـ خلي لكم حرية الرد..!

30-06-2007, 09:52 AM	#31
عجزت احكي قنــاص فعــال	رد: ..( نـصرة ج ــوارحنا).. مشكوووره ومتقصرين BBP تقبلي مروري التوقيع: - آللهم .." يجعلنا وآياكم من الفرحين حين يُقال : .........( أين الصائمون ليدخلو الجنه من باب الريان .. .. " اللذي لآيدخله أحد غيرهم ..) ! وفقنا الله لحسن الصيام ’,

30-06-2007, 02:42 PM	#32
شمعة حياتي قناص مميــز	رد: ..( نـصرة ج ــوارحنا).. * * ليتني لمى يازين هذي المواقف اعجبني سعود أخيرا" حس في لمى .. نجومه كملي ننتظرهذا الجزء فيذاك وفيذا

30-06-2007, 03:42 PM	#33
خلهم ينفعونك قناص مميــز	رد: ..( نـصرة ج ــوارحنا).. وين التكمله حرآم عليتس عقب ماتحمست قصه خووووووووووطيره تف تف BBP بس نبي التكمله يرحم امتس الله يعطيتس العآفيـــهBBP تسلم هالأصآبع BBP التوقيع: .. ;).. The only thing worse than a liar is a bad liar

01-07-2007, 12:32 AM	#34
محاسبة هلالية قناص مميــز	رد: ..( نـصرة ج ــوارحنا).. * * نجمه .. يااااي اشوى انك نزلتيها .. امس كنت اصيح كلها ذبح وذبيح وضيقة صدر بس اشوى اليوم مغير ابتسم ..: ) شوفي .. القصة اللي احنا نبيها والنهايات السعيدة وحركات الافلام الرومنسية ما اتوقعها تتحقق .. اولا .. سلطان من يوم ما تكلمتي عنه حسيت انه بيزوج أحد منهم قلتي انه خاطب وقلت غريبة .. بس اشوى فك الخطبه .. شوفي اتوقع سلطان هو فاعل الخير اللي يرسل لبيت ابوعبدالرحمن .. واتوقعه بيخطب ذكرى بعد .. ماودي يصير هالشئ بس هذا احساسي .. ياسر وذكرى .. حب من اوله باين عليه انه مستحيل .. رغم انهم لايقين على بعض .. بس ما اظن انهم لبعض لمى وسعود .. قهرني ذا المغرور .. طيب حلو واذا تجرحها الضعيفه .. ما ادري ما اضمن ان هالحب بيستمر .. خلود ومعاذ .. هذولي المنسمين .. هم اللي عايشين براحه .. موب اللي قلبه رهيف .. يمكن خلود تصير لعبدالرحمن .. وتولع نار بين عيال العم من جديد .. خالد وريم .. أتوقع الحمية لبنت الخال راح تلعب دور .. طلال ما راح يترك ريم وراح يضطر خالد يتقدم لخطبتها .. هذي توقعاتي .. بانتظار الأجزاء القادمه على نار ..

01-07-2007, 03:15 AM	#35
نجمة عنيزهـ قنــاص فعــال	رد: ..( نـصرة ج ــوارحنا).. < وجه وحدة مرة مرة تستحي فديت الي منور الموضوع بـ طلتهCC والله إنكم أحسن ناس بـ الدنيا بعد ناس النمر أخليكم مع الجزئين الي نزلوا للتو بـ النمر

01-07-2007, 03:18 AM	#36
نجمة عنيزهـ قنــاص فعــال	رد: ..( نـصرة ج ــوارحنا).. الجزء الثالث عشر.. أم ياسر: خلاص معاذ ينزل معنا وأنتم روحوا تمشوا.. معاذ: يمه ماأبي السوق.. أم معاذ: فراس إذا أخذته لازم آخذ غنده.. وراح تتعب.. معاذ: طيب الشكوى لله راح أروح.. راحت أم ياسر وأم صالح للسوق ومعهم معاذ.. أما الباقين فـ ركبوا بسيارة سعود عشانها أوسع وجلسوا يتمشون.. خلود: الشارع هذا رسمنا فيه خط.. ياسر: وش تبينا نسوي مانبي نضيع السوق.. خلود: ماعندكم روح المغامرة أبد.. سعود: تبينا نغامر بـ ديرتن مب ديرتنا.. لمى: احمدي ربك غيرك يتمنى بس يسافر.. خلود: الحمد لله .. فراس: طيب خلونا نوقف بـ آي منتزهـ .. لمى: لا والله وتبني آمشي وأنا كذا أعرج من رجلي.. خلود: لا لا كبيرة لمى عبدالله تمشي وهي فيها عرجة كبيرة عند الله.. سعود: لا مو نازلين من السيارة.. ابتسمت لمى وحست إنه مايبي يحرجها.. \ في بيت أبو عبدالرحمن.. أم عبدالرحمن: الحين ياريم بس ذكرى الي تطبخ وتشتغل؟ ريم: تعودنا يمه على هذا الشغل..؟ أم عبدالرحمن : لا والله أبوك الي عودك على الدلع.. ريم: يمه لو سمحتي لا تسبين أبوي.. أم عبدالرحمن: ياحظي هو الي جاب الشئ نفسه أجل فيه أحد عاقل يذبح أخوه.. ريم: احترمي نفسك. ولا تنسين إنك في بيته.. أم عبدالرحمن: عاد االقصر.. كله خرابة.. كانت ذكرى تسمع وساكته.. ماتبي تمشكل مع أمها الي ماصدقت ترجع لهم.. بس الظاهر الفرحة ماراح تدوم.. ريم وأم عبدالرحمن كانوا مثل الأعداء وكل وحدة تحاول بس تستفز الثانية.. ذكرى: يمه هـ الخرابه هو الي ضفنا من الضياع.. ولولا هـ البيت كان شفتينا بـ الشارع.. أم عبدالرحمن: كله من أبوكم.. يا ما قلت له يابن الحلال دبر عمرك احفظ فلوسك بس هو وجه فقر.. ريم : بقوم أحسن لي.. لا أجلس وأسمع شئ أكبر.. ريم أبد ما اتفقت مع أمها.. الي ماقدرت تتخلى عن طبعها.. التشمت والقسوة.. عبدالرحمن كان أغلب وقته برا في دوامه... والي كان متأذي أكثر شئ ذكرى.. كانت ما تبي تغضب أمها.. وتشوف إن الحق مع ريم..! \ رجعوا أم ياسر وأم صالح للرياض بعد ماجلسوا فيها كم يوم.. واتفقوا يعوضونها قبل لا تنتفح المدارس.. معاذ: لين سافرنا مرة ثانية لمى لو سمحتي انتبهي لـ نفسك.. لمى: لا والله ياعني الحين أنا الي خربت السفرة..! معاذ: وش معنى نرجع عشان خاطرك..؟ ياسر: أنا رجعت لأن الشركة فيها أشغال كثيرة.. وغير كذا لا تنسى ياشاطر إنك بـ الجامعة الحين وبيسون معك مقابلة شخصية.. معاذ: ايه ذكرتني .. الجامعة.. قهر أكثر أخوياي مو مسجلين نسبهم ما تأهل ولا يبيع في أبو ريالين.. ياسر: من شطارتكم.. وتقول ليش ما تحبهم.. معاذ: وش دعوى خوياك الحين طاقين التسع وتسعين.. لمى: أنا سامعه طاقين عند أحد.. فراس الي كان يلعب سوني مع غندهـ: أكيد من خليدهـ معجم الكلمات.. معاذ: أنت لو تلعب وأنت ساكت تصير أحسن الناس.. ياسر: على فكرة أبيك تجي معي للشركة حتى تعرف كيف الشغل هناك.. معاذ: ياسر والي يرحم والديك ما أبي أنا ماأحب هـ الشغل.. ياسر: بدون لا تناقشني أنا قلت تجي يعني تجي.. قام ياسر بعد ما قال آوامرهـ على معاذ.. وياسر لما يقول شئ بـ البيت لازم يتم غصب على الكل.. معاذ: وش ذا التسلط كل ما أقول أخوي عقل يزداد تسلط.. لمى: وأنت ليش ماتبي تروح للشركة؟ معاذ: لمى أنتي تحسين إني قد المسؤلية..؟ لمى: رح وشف كيف الشغل لا تشتغل.. والشركة لك يعني مو شرط أنت الي تشتغل.. معاذ: يعني ما تعرفين ياسر أخوك.. لو قال لي خذ خلص لي هـ الشغلة.. شسوي أنا.. لمى: عادي سوها له.. معاذ: وأنا وجه مشاوير.. لمى: بعدين هذا لـ صالحلك.. راح يكون عندك سيارة مستقلة.. معاذ: ايه انا أكرف وأنتم تروحون تمشيه ووناسة.. أبي أحس إنها عطلة.. لمى: طيب حتى ياسر مسك الشركة وهو في عمرك ومشى أموره.. معاذ: ياسر هذا عقلية مبرمجة على الشغل والوناسة.. لمى: اذكر ربك بس.. معاذ: آآآهـ يا القهر.. \ في بيت أبو عبد الرحمن.. ذكرى: يا الله ريم تآخرنا على أبوي.. أم عبدالرحمن: وإن شاء الله كل أسبوعين تزورونه؟ ذكرى: أكيد ولو يحصل لي زرته كل يوم.. أم عبدالرحمن: شتبون فيه وهو الي نزل سمعتكم للأرض.. ذكرى: مثل ما كنا نبيك وأنتي بعيدهـ عنا.. سكتت أم عبد الرحمن لأن ذكرى أحرجتها.. ولأن ذكرى فعلاً كانت عاقلة وفاهمة وعارفه كيف يكون الرد..*! طلعو لـ زيارة أبوهم وأم عبد الرحمن رفضت تروح معهم.. مع إن أبو عبد الرحمن طلب يشوفها لما عرف إنها تطلقت وجت عند عيالها.. أبو عبدالرحمن: كنت أبي اوصيها عليكم.. ذكرى: لا تخاف يبه علي..! ريم: حنا من قبل لا تجي عندنا يبه كنا بخير.. عبدالرحمن: لا توصي يبه أنا بحطهم بـ عيوني.. أبو عبد الرحمن: الله يحفظكم لـ عين ترجيكم يارب.. دق جوال عبد الرحمن وابتعد شوي حتى يقدر يكلم.. عبدالرحمن: نعم..! محمد: السلام عليكم.. عبدالرحمن: هلا وعليكم السلام.. محمد : أخ عبد الرحمن..؟! عبدالرحمن: ايه نعم آمر.. محمد: أنا محمد ولد جيران أمك في الجوف..! عبدالرحمن: يا هلا وغلا فيك.. شلونك وشلون الأهل..! محمد: الحمد لله كلنا بخير أنتم شلونكم وشلون خالتي..؟! عبدالرحمن: الحمد لله تمام.. سلامات محمد عسى ما إخواني فيهم شئ..! محد: الله يسلمك لا والله بس أبو وائل تندم .. وحب يسترجع أمك..! عبدالرحمن: وش تقول..! الله يجزاه خير مو شغل بزران هو..؟! محمد: والله هو جى عند أمي وقال وين ماكانت بروح أعتذر منها.. وعشانه كان معصب طلقها.. وأنا رسول وما على الرسول إلا البلاغ.. عبدالرحمن: يكون خير أخوي.. أنا برا البيت لين أرجع بـ كلم الوالدة وأرد لك.. محمد: على خير إن شاء الله .. فمان الله.. عبدالرحمن: فمان الكريم.. رجع عبدالرحمن حتى يسلم على ابوه قبل تنتهي الزيارة.. عبدالرحمن: يالله يبه انتهت الزيارة نستأذتك الحين.. أبو عبد الرحمن ومثل كل مرة بكى وكأنه هذي آخر مرة يشوف عياله: الله معك وأنا أبوك انتبه لـ خواتك.. ذكرىة: لا تخاف يبه عبد الرحمن مكفي وموفي.. أبو عبدالرحمن: الحمد لله إن ربي رزقني بـ ولد يحفظكم من الضياع.. كان الكلام له تأثير على ريم أكثر لما تذكرت طلال .. عبد الرحمن: الله يعدي هـ الأيام على خير.. وإن شاء الله عيال عمي بـ يتنازلون..! كان عبدالرحمن في كل مرة يعطي نفسه وأبوهـ الأمل إنه راح يطلع ويرجع للحياة.. ما رد عليه أبو عبد الرحمن اكتفى إنه يبكي بـ آلم.. وكأن مازال منظر أخوه قدامه.. بعد ماسلموا عليه طلعوا.. وبـ كل واحد منهم هم كبير.. أكبر من الجبال.. يمكن عبد الرحمن كان أكثر إنسان شايل هـ الهم.. لأنه المسؤول عنهم.. وكان يحاول بـ الي يقدر عليه ما يبي يبين لهم الي يحس فيه.. عبدالرحمن: اليوم اتصل ولد جيران أمي بـ الجوف.. ذكرى بـ خوف : وش يبي؟ عبدالرحمن: زوج أمي تندم ويبي يرجعها.. ريم: يكون أحسن..! ذكرى: على كيفه يرجعها بعد ماطردها.. عبدالرحمن: والله مابيدي شئ.. أنا بـ كلم آمي وهي حرهـ..! ريم: يارب ترجع وتفكنا.. ذكرى: وش تفكنا ياريم.. ماصدقنا على الله ترجع لنا تقوم ترجع له.. بعدين هو أهان كرامتها ما آظن ترجع له.. عبدالرحمن: والله لو الموضوع بيدي ما وافقت ترجع بس هي كبيرة والشور الأول والآخير لها وصلوا للبيت وعبدالرحمن مرة متكدر من السالفه.. بس وصى ذكرى وريم مايتكلمون لين يرجع بعد الدوام ويقو لها.. \ في بيت أن خالد.. أم خالد: أبي أروح للرياض أغير جو وأزور عيال إخواني.. أبو خالد: خلاص روحي مع خالد.. أم خالد وليش أنت مو رايح..؟ أبو خالد: لا عندي أشغال هنا وبعدين أروح هناك شـ سوي.. أبو ياسر الله يرحمه راح وأبو عبدالرحمن الله يفك آسرهـ بـ السجن.. أم خالد: ايه الله يرحم أبو ياسر.. من راح وحنا كل واحد ما يدري عن الثاني.. خالد: معاذ يقول إنهم قاطعين علاقتهم بـ عيال خالي راشد.. أم خالد: والله كلهم إخواني ما أقدر أغلي أحد عن الثاني.. بس الشكوى لله.. خالد :ربك يعين..! أم خالد: طيب ودك نسافر..؟! خالد: لو تبين الحين.. لأني بروح بـ سيارتي.. أم خالد أجل بكرى إن شاء الله بـ نمشي.. خالد: إن شاء الله.. قام خالد وهو فرحان إنه بيروح للرياض .. اشتاق للحبايب هناك.. كان جالس بـ غرفته.. على السرير يبي ينام بس النوم جافى عينه.. كان يتذكر ملامحها ويبتسم.. بينه وبين نفسه كان يكلم حاله.. شلون تحب طفلة ياخالد.. ليش دايم تفكر فيها مع إنها توها صغيرة وماتحس فيك.. كل هذا عشان ما عندك إخوان يسدون المكان الي تربعت فيه.. حب خالد لـ غندهـ في بدايته كان حب إخوه وإنه كان معجب بـ غندهـ الحلوة.. ( خالد بعد حادث غندهـ ماشاف شكلها لأنها كانت تعبانه وماتبي أحد يشوف شكلها) ما تصور إنو ممكن الحرق يشوهـ وجهها.. مثل ما الصدمة أفقدتها صوتها.. خالد مايقدر يكتم حبه الي يكنه لـ غندهـ.. حب غريب عجيب لكنه كبير.. شاب عمرهـ بـ الخمس وعشرين يحب بنت عمرها ما تعدى الخمس عشرة..؟! يفكر بـ قلبه الغريب.. وحالته.. يشتاق لها يفكر فيها كثير.. حتى صورها ما فارقت جواله ومكتبه ويارته.. وكأنه يبي يشوفها بـ كل وقت.. حاول ينام بس ماقدر.. يبي يبعد صورتها عن عيونه يتخل بنت مثل ماقالوا تشوهت لكن احساسه وحبه كان أكبر..! كان يلعب في جواله.. لما شاف صورتها فتح المفكرة.. وكتب.. ( ايه أحبها كـ حبيبة.. ايه الطفلة البريئة.. ايه أحبها) كان يكتب ويضحك.. ويتكلم بـ صوت عالي ايه أحبها...! \ في بيت أبو ياسر.. ياسر: يالله معاذ تآخرت على سلطان .. معاذ: ياسر ماودك تغير رأيك والله مو وجه شركات أنا... ياسر: معاذ لا تخليني أعصب عليك امش معي دام النفس راضية عليك.. معاذ: خلاص يمه آكلتني.. راح معاذ مع ياسر للشركة وهو مو مقتنع بـ الشغل فيها.. ميول معاذ كانت تتجه للكمبيوتر والأشياء الإلكترونية مو الشغل والأوراق..؟! حاول سلطان يبسط نوعية الشغل لـ معاذ الي كان يضحك على آي شئ حتى يفرح ولا يحس إنه بـ دوام رسمي.. سلطان: أقولك شئ وما تزعل.. معاذ: قول ماراح أزعل..؟ سلطان: للإسف أنت مو وجه دوام وشغل..؟ معاذ: جبت شئ جديد.. أنا أدري إني مو وجه شغل وشركات .. سلطان: وياسر مصر تشتغل معنا في الشركة.. معاذ: ايه.. يا أخي أخوي فيه هيبة عظيمة .. أحياناً أعانده بس أحياناً إذا طالعني أخاف بـ مكاني.. ابتسم سلطان لأنه كان بيوم من الأيام ينظر لـ ياسر بـ المنظور هذا قبل لا يعرف الي داخله..: بـ العكس ياسر مهما كانت هيبته إلا انه طيب ويخاف عليكم.. معاذ: يمكن أنت أقرب له منا.. يالله أنا بطلع الحين لأني عن جد تعبت من الشغل.. سلطان: هذا وأنت بس تتعرف عليه.. معاذ: طيب اسكت والي يرحم أمك .. سلطان: ههههههههه خلاص روح وانا بتوسط لك عند ياسر.. معاذ: كفو والله صديقي سلطين. سلطان: كبرك أنا يوم تقول سلطين.. معاذ: يارجال أحلى شئ الميانه.. يالله فمان الله.. سلطان: والله إنك خبل فمان الكريم.. أعجبت سلطان شخصية معاذ المرحه.. لكنه ما حب يشتغل بـ الشركة لأنه مستهتر نوعاً ما وخاف هـ الشئ يأثر على الشغل...! \ في بيت أبو عبدالرحمن.. عبدالرحمن: والله يمه حبيت أقولك وأنتي حرة.. أم عبدالرحمن: ما تنكر إنه ما حبت الطلاق وكانت تبي ترجع له.. بس كل ماتتذكر يوم يطردها يحز بـ خاطرها..: والله يا وليدي مدري شقولك.. أنا بكلم أم محمد وبشوف وش رأيها.. عبدالرحمن: إنتي حرهـ يمه.. شوفي الي يريحك وسويه.. ذكرى كانت متضايقه لكن ما تبي تبين آي شئ لـ أمها حتى ما تجبرهاعلى شئ ما تبيه.. أما ريم كانت فرحانة إن أمها احتمال ترجع.. ما تقبلت وجودها بينهم..لأن أم عبد الرحمن أبد ما اتفقت مع ريم.. بعد ما كلمت أم عبد الرحمن أم محمد.. إنها ترجع لـ زوجها وعيالها.. بس حبت تستخير أول.. ومهما كان الحرمةمالها إلا بيت زوجها.. بعد يومين قررت أم عبدالرحمن وعلمت عيالها بـ الي تبيه.. أم عبدالرحمن: والله يا عيالي مثل ماقالت أم محمد إن الوحدهـ مالها إلا بيت زوجها.. وأنا استخرت الله وأبو وائل ماشفت منه إلا كل خير.. ما أبي أخسرهـ.. عبدالرحمن: اللي يريحك يمه ماجبرناك أول نجبرك تالي.. ذكرى: بس مو إذا رحتي يمه نسيتينا.. أم عبدالرحمن: لا إن شاء الله بشرط عليه أزوركم وتزوروني.. ريم تضايقت بـ داخلها إن أمها تخليهم مرة ثانية.. مع إنها ما اتفقت معها بس حست إنها بنت ما تختلف عن البنات عندها أم تحس فيهم وتراعيهم.. بعد ما وافقت أم عبدالرحمن ترجع.. جى أبو وائل يأخذها.. بعد ماتراضوا مع بعض.. وطلعت أم عبد الرحمن من حياة أولادها فجأة مثل ما رجعت فجأة.. وكأنه إشارة فرح لهم مؤقته.. ورجع البيت خالي من غير أم أو أبو يكفون الحال.. يمكن ما كانوا متآثرين التآثير الكبير لأنهم تعودا على عدم وجود أمهم فـ البيت.. بس مشاعرهم حنت لها بعد ماراحت.. تبقى الأم لها مكانة كبيرة مها حصل منها..! يتبع الجزء الرابع عشر..!

01-07-2007, 03:19 AM	#37
نجمة عنيزهـ قنــاص فعــال	رد: ..( نـصرة ج ــوارحنا).. الجزء الرابع عشر.. أراد القدر أن أكون له.. يا لهذا القدر كيف يتلاعب بـ مشاعري.. يثيرني التساؤل...! هل سـ يبقى قدري وفي معي دون لذة الخيانة.. لـ يتلذذ بـ تعذيب قلبي.. وقفت لمى عند هذا الحد من خواطرها المبعثرة.. شعور حلو تحسه.. لأن الي تحبه من كل قلبها تحس إنه يبادلها نفس الشعور.. يمكن الخوف إنه يكون بس قدر مشاعرها.. وحب بس إنه يطيب خاطرها ..! تحت كانوا فراس وغندهـ مثل كل يوم يلعبون.. في حديقتهم.. فراس: طيب حاولي تقولين فـراس.. غندهـ بـ صعوبه تحاول تنطق اسمه: فـــــاااس.. فراس: غنودهـ والله بـ تقدرين بس تتدلعين ما تبين.. سكتت غندهـ: فراس غندهـ أنتي بتقدرين بس حاولي.. شوفيني الحين بـ المتوسط وأنتي ماكملتي دراستك.. نزلت دمعتها وهي تتذكر المدرسة والسنتين الي راحت عليها.. لكن قطع كلامهم دخول عمتهمأم خالد.. فراس: عمتي عمتي.. أم خالد: ياهلا وغلا بـ الزين... فراس يحب راسها: الحمد لله على سلامتك.. أم خالد: الله يسلمك.. والله وكبرت يا فروسه.. خالد: هلا هلا أبو عبدالله شلونك..؟! فراس: الحمد لله.. نورتوا الرياض.. خالد: ههه النور نوركم.... انقطع صوته يوم شاف غندهـ.. انصدم انصعق.. كبرت كثير.. واحلوت كثير.. وجهها كان فيه آثر حرق لكنه مو واضح ولا يقلل من جمال غندهـ الواضح.. كانت غندهـ تسلم على أم خالد وهي مبتسمه من غير لا يسمع صوتها..! خالد: غنودتي ويمد يدهـ لأنها كبرت كثير.. ابتسمت وهي تهز راسها.. ابتسامه خلت خالد ينسى الدنيا ومافيها.. خالد: والله واحلويتي يا قمر.. لا خلاص بتزوجك أنا.. فراس: ههههههه تذكر أول يوم كنت تقول هذي زوجتي لا أحد يآخذها.. خالد: ايه ولين الحين زوجتي وما في آحد بيأخذها.. خالد كان يتكلم من جدهـ لكن البقية ضحكوا لأنهم كانوا يظنون إن هذا مزح منه..! دخلوا للبيت ورحبت فيهم أم ياسر..: ليتكم قلتوا لنا حتى نسوي العشى.. أم خالد: مانبي نكلف عليكم.. وبعدين بنجلس العطله كلها عندكم.. أم ياسر: والله جينا للدمام قبل كم يوم وكنا ناوين نجي عندكم بس ما أمدانا الوقت تعبت لمى ورجعنا.. أم خالد: ايه قال لي خالد..يالله أنا جيت لـ عندكم.. أم ياسر: والله عشان أختي معي ماحبينا نحرجكم.. أم خالد: أختك مثل أختي وغلاتها من غلاتك.. أم ياسر: الله يخليك يارب.. لمى: والله اشتقنا لك ياعمه من زمان عنك.. أم خالد: تشتاق لك العافية ياقلبي.. شخبار الدراسة وأخبار بنت خالتك أذكر دايم معها.. لمى: ههههههه الحمد لله وخلود طيبة ما عندها خلاف.. أم خالد: وعيال راشد ما تعرفون عنهم شئ.. أم ياسر بـ عصبية: لا وما نبي نعرف عنهم آي شئ.. الله يكفينا شرهم.. أم خالد: إلى الحين ما نسيتي يا أم ياسر.. أم ياسر: ولا راح أنسى.. بسببهم أبو عيالي راح.. أم خالد: أخوي هو الي قتله مو عياله.. أم ياسر: الله يخليك يا أم خالد قفلي الموضوع.. ما أبي أتكلم فيه.. سكتت لمى لأنها تعرف شـ كثر أمها ما تبيهم.. وتخيلت لو عرفت إنها تقابلهم من وراها وش راح تسوي فيها..! خالد كان جالس مع معاذ يستمتع بـ هباله.. والفرحة مو سايعته.. اليوم شافها.. كان كل ما يتكلم معاذ عن غندهـ يتنهد وكأنه يبي يسمع عنها أكثر وأكثر.. دخل ياسر الملحق: السلام عليكم.. معاذ وخالد: وعلكم السلام.. ياسر: هلا بووليد الحمد لله على السلامة ما بغيتوا تجون؟ خالد: وش نسوي بـ الدنيا كل ما قلنا زانت نلقاها في ردى.. معاذ: فاقدني اليوم صح.. ياسر: إنت حسابك بعدين.. ليش ماجيت.. معاذ يصرفه: عيب أطلع والضيوف توهم جاين.. ياسر: الضيوف جوا بعد وقت الدوام.. معاذ: أنا داري إنهم بيصلون صح خالد.. خالد: وش السالفه فهموني بس.. ياسر: مآخذه أبيه يشوف حلاله ويرعاهـ بس طلع خرطي.. خالد: ههههههههههههههههههههههههههههه معاذ: وش يضحك انت؟! خالد: معاذ يصير رجل أعمال لا لا أبد مو لايق عليك.. معاذ: هه شفت كل الناس مو معجبهم الوضع.. ياسر: الشركة بتروح لها.. ومو مهم المظهر.. أنا ماضرني شئ.. معاذ: ياأخي أنت ماشاء الله طول في عرض.. ورزة أنا كلي عظامه.. تنفخني أطير.. ياسر: يعني رجال الأعمال لازم يكونون بنيه.. معاذ: طبعاً أخي العزيز مثل ما الاعب لازم يصير رياضي.. خالد: لا عاد تفلسف .. معاذ: شفت حتى الفلسفه مو لايقه علي.. ياسر: وأنت وش لايق عليك يا حظي.. معاذ: لايق إني أحب أصير رومنسي.. خالد: لا هنا أقول رجل الأعمال أليق عليك.. أنت وجه واحد يحب.. يا حرام البنت الي بتحبك.. معاذ: وش دعوى إنت جرح والبنات يحبونك..! خالد: أنا ماقلت أبي أحب.. ياسر: لا يكثر .. الشركة بتروح لها يعني بتروح.. معاذ: عنيد راسك يابس.. البلا مو منك من هـ الطول والجسم الي مآخذهـ كله وأنا الي تورطت.. الكل: هههههههههههههههههههههههههه جيت خالد رجعت روح المرح بينهم.. وكان ليلهم كله سهر ووناسة.. خالد كان يتوه بين الإثنين ومايرتاح إلا لما يخليهم يتخانقون بعدها يضحك عليهم وينسحب.. حبه لـ عيال خال فاق أي حب.. أولاً لأنهم يحبون ولأن غندهـ قلبه أختهم وهـ الشئ يخلي خالد يحبهم من كل قلبه..! \ في بيت أبو عبد الرحمن.. ريم: تصدقين على إني ما حبيت جيتها بس فقدتها كان البيت له طعم معها.. ذكرى: وأنا بعد والله فرحت بـ رجعتها.. ريم: يالله هذي حال الدنيا ما بـاليد حيله.. دخل عبدالرحمن وهو حاس بـ عب هاد حيله.. ذكرى: سلامات عبدالرحمن شكلك تعبان.. عبدالرحمن: أحس بـ شوية دوخه.. وأطرافي باردة.. ذكرى: أسوي لك شئ تآكله.. عبدالرحمن: لا توني مآكل وآكلت علاج.. ذكرى: وش علاجه..! عبدالرحمن: مسكن للدوخه.. بقوم أرتاح بـ غرفتي.. ذكرى: أوكيه انتبه لـ نفسك.. راح وهو من جد تعبان بس ماحب يكدر على خواته ويشغل بالهم.. بس ذكرى حست إن فيه شئ وقلبها ما طمنها.. \ في بيت أم صالح.. سعود: كنتي تدرين ليش ماعلمتيني..؟! خلود: تخيل شكلي أقول سعود لمى تحبك..! بعدين كنت ألمح لك بس أنت غبي شسوي أنا؟! سعود: غبي في عينك.. احترمي أقل شئ إني الكبير.. خلود: ياشيخ روح.. سعود: طيب خلود هي تحبني مرة مرة..! خلود: أكثر من الي تتصورهـ.. تحبك موت.. ضاق صدرهـ أكثر.. لأنه حتى وإن كان بـ السفر رحمها ولا هان عليه يجرحها.. لكنه ماقدر ينسى أو يشيل ذكرى من راسه.. وإن صرح بـ حب ذكرى أو فكر يخطبها راح يعذب هـ المسكينة.. ولاول مرة بـ حياته حس إنه بين نارين.. مو عارف يرضي بنت خالته الي تعزهـ وتحبه.. أو قلبه الي يقول له ذكرى ياسعود لا تروح من ايدينك.. أكيد الزمن بيكون قاسي عليه بـ كل الحالتين..!! أم صالح تكلم ولدها صالح وهي تبكي: الله يبشرك بـ الخير.. الحمد لله يارب.. الله يرزقكم الذرية الصالحة ياوليدي.. صالح: آمين يارب.. عاد الحين أمل في بيت أهلها لأنها شوي تعبانه.. معك علم الحريم وحملهم.. أم صالح: ايه خلها ترتاح أمي.. الله يخليه لكم يارب.. صالح: أشوف الغالية فرحانة وراضيه.. أم صالح: وأنا أمك يوم كنت أقسى عليك هذا من حبي لك أبي أشوف عيالك.. بس الحمد لله ربي ما خيب رجاي .. صالح: الحمد لله.. يالله يمه بشري إخواني انا مشغول الحين.. أم صالح: ابشر الله يسهل عليكم يارب.. أم صالح كانت بـ قمة فرحها إن زوجة صالح خلاص حملت.. هي ماكانت تكرها بس طبع الحريم.. ما يبون لـ عيالهم غير الزين.. ولما كانت قاسية ماكان كرهـ بـ أمل.. بس حزن ليش ماحملت وفرحت نظرتها بـ عيال ولدها..! دنيا غريبة.. بـ لحظة يتبدل فينا الشعور..!! \ لمى وهي تكلم خلود.. خلود: لمى قولي لي وش الموقف الي صار بينكم.. لمى وهي تتذكر كلامه:ليش تبين تعرفين؟ خلود: تكفين علميني.. لمى: قالت لـ خلود الي صار.. وشلون كان قاسي عليها.. خلود: ياقلبي أنتي كل هذا بقلبك وساكته ماعلمتيني.. لمى: ماأبي أنكد عليك السفرهـ.. خلود: ولا كلمة يا الدبه تعرفين مكانتك عندي. لمى: الله لا يحلامني نك يارب.. خلود: تصدقين اليوم ذبحني بـ الأسئلة مرة يقول متى حبتني ومرة يقول ليش ما قلتي لي.. لمى: وهـ فديت قلبه أنا.. خلود: تصدقين لمى.. أحياناً أقول ليتني أحب وفيه انسان يحبني.. بس لما أشوف حالتكم أقول الحمد لله قلبي ما يحب.. لمى وهي تتذكر معاذ: ولا حتى أخوي معاذ ما تحبينه.. خلود: وع وع لا إن شاء الله أنا أحب ذاك الغثيث.. لمى: تخيلي لو معاذ يحبك.. خلود: أنتحر على طول.. المعصقل يحبني.. لا لمى يرحم أمك لا تتفاولين علي.. لمى: هههههههههههههههههههههه خلود: ضحكتي من سرك.. لمى: والله هو مرة جاني يقول لمى الحقيني أحب خلود وأموت فيها.. خلزد تصرخ: لا لا ما أبي يع.. لمى قولي له خلود تكرهك.. لمى: إن شاء الله من عيووني.. خلود: وإلا تدرين قولي خلود تحب أحد ثاني.. لمى: وإذا سألني من...؟ خلود: قولي سواقكم بشير بس تكفين.. لا يحبني هو.. لمى: ههههههههه إلى الدرجه هذي مأثر فيك أخوي.. خلود: يوهـ كابوس دايم أحلم فيه.. لمى: مجنونة وربي مجنونة.. خلود: طيب ياحلوة.. يالله هناك أبي أكلم ذكرى وحشتني.. لمى: وأنا بعد تكفين سلمي عليها.. خلود: يوصل إن شاء الله.. قفلت خلود وهي تتذكر كلام لمى.. ولو صدق معاذ يحبها.. مع إنها تكرهه ابتسمت لأنه أبد مو لايق عليه الحب.. \ في بيت أبو عبد الرحمن.. ذكرى راحت لـ عبدالرحمن: هاهـ عبودي شلونك الحين.. عبدالرحمن فرحان: عبودي مرة وحدهـ.. كل يوم بصير تعبان..! ذكرى: لبى قلبك بس.. عبدالرحمن: الحمد لله خف شوي الصداع.. ذكرى: ماتشوف شر يارب.. دق جواله..!! \ التوقعات.. من الي اتصل على عبدالرحمن..! وسعود وش راح يختار لمى أو ذكرى..؟! بـ الجزء الجاي نكمل معكم..!

01-07-2007, 12:13 PM	#38
خلهم ينفعونك قناص مميــز	رد: ..( نـصرة ج ــوارحنا).. اهلللللللن.. ونااسسسسسه جزئين مره وحده بس متى بتكملين هم لاتطولين بليز CC التوقيع: .. ;).. The only thing worse than a liar is a bad liar

01-07-2007, 07:24 PM	#39
عونيزا تألقي قنــاص فعــال	رد: ..( نـصرة ج ــوارحنا).. نجمه .. اغلب روايتكـ اقراها ودمعي على خدي... مره مره اليــــمه.. اشكر لكـ فنكـ اختيـ... منتظرين اجزائكـ علىى احـــر من الجــمر وربيـ...

01-07-2007, 10:55 PM	#40
محاسبة هلالية قناص مميــز	رد: ..( نـصرة ج ــوارحنا).. * * هلا بنجومه .. مدري أنا اتعودت على كثرة الاحداث يوم نزلتي طعشر جزء .. فيوم خلصوا هالجزئين قلت بس .. شوفي توقعاتي .. أقتباسمن الي اتصل على عبدالرحمن..! اللي اتصل على عبدالرحمن خالد ولد عمته .. أقتباسوسعود وش راح يختار لمى أو ذكرى..؟! ذكرى مو لسعود .. ولمى يمكن هي تصرف النظر عنه .. <-علي توقعات شاطحه بس احس كذا .. نجمه كم بقى من جزء .. يعني متى بتخلص ودي اكملها قبل أسافر .. BBP

02-07-2007, 09:36 AM	#41
أنا سعوديه قناص مميــز	؛/ قسم بالله بيجيني شي , يعني مو كفايه عذاب ارحمي وخلصيها تعبت , نجومه اكرهك , لاتخربين على احد ؛/

02-07-2007, 05:52 PM	#42
شمعة حياتي قناص مميــز	رد: ..( نـصرة ج ــوارحنا).. * نجووومة والله اني متحمسة مره مع الرواية بسرعه كمليها وخلصيها

03-07-2007, 03:02 AM	#43
الراعبيه قنــاص مبــدع	رد: ..( نـصرة ج ــوارحنا).. بليييييييييييييييييييييز يا النجمه كملي ... وان شا الله سعود بياخذ لمى .. وغنده حبيبتي حبيتها تتكلم.. وياسر ياخذ ذكرى ... وبوعبدالرحمن يطلع براءه.. دموعي ع ويهي ..قصه حلوه وعجيبه طلعتي خطيره اخطر من فجر السعيد .. نترياج تدرين الساعه 4 الفير وانا بعدني اقرا القصه وناسه نترياج التوقيع:

03-07-2007, 05:34 AM	#44
نجمة عنيزهـ قنــاص فعــال	رد: ..( نـصرة ج ــوارحنا).. أهلين.. بـ حط لكم الجزء وأرجع لـ الردود:(

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري