N ice this parT

thank you ..Miss: Najmah

عاسفه تآخرت عليكم

بحط لكم الجزء وانوم

وباتسر لي عوده

الجزء السابع والعشرون/

في بيت ابو ياسر..كانت أصواتهم مرتفعه.. وأبرزها صوت ياسر ..

ياسر: أنا قلت كلمتي وانتهيت.. تنازل ماراح نتنازل ..!
أم ياسر: طيب وأنا أمك محد قال بيتنازل..
ياسر: ما تسمعين عيالك وش يقولون.. واحد يقول خلاص الزمن كفى ووفى.. والثاني..!
معاذ: ياسر يوم عن يوم أحس ما بقلبك رحمه ولا تعرفها..!
ياسر: أنت آخر انسان يتكلم..
معاذ: ليش ما مليت عينك..؟!
ياسر: آظن ان امي ما ربتنا على الخراب.. ولا شرب الدخان و..
أم ياسر: لحظه وش دخانه.. معاذ أنت تدخن..!
معاذ بـ عصبيه من كلام أخوهـ: ايه عندكم مانع..
أم ياسر: وتقول وبكل بجاحه..؟!
معاذ: والله صحتي وأنا أدرى فيها..؟
أم ياسر بـ عصبية: وأنا ماربيتكم على هـ الشئ.. مربيتكم على انكم رجال..
معاذ: صح.. رجال صارت المرجلة بنظرك اني ما اشرب دخان.. بس اني اتنازل عن حق ابوي هذي ما هي مرجلة..!
ياسر: هذي غلطته ولازم يدفع ثمنها..
غندهـ: ترا من الصبح وأنت تلقي الآوامر.. أعتقد كافي ان واحد فينا يتنازل .. واحنا مو على شورك..
فراس: وش فيكم أنتم.. من مشكلة لـ مشكلة..؟
أم ياسر: دم عبدالله ماراح أتنازل عنه..والموضوع منتهي.. وأنت يا معاذ لك اسبوع ان ما تركت البليه الي تشربه حسابي راح يكون معك عسير..
معاذ بـ استهزاء: وش بتسوين يعني.. بتحرميني من الورث.. والا بتطرديني من البيت..ترى ماعاد يهمني..
ياسر:معاذ تآدب وأنت تكلم آمك..
معاذ: ومن الي يتكلم..!
أم ياسر: لسانك طايل هـ الأيام.. والظاهر انك تبي من يربيك من جديد..!
معاذ: ربيني .. رجعي معاذ اذا تقدرين..!
أم ياسر: ابي أعرف من الي فار مخك وقالبك علينا..!
معاذ: أنتي..!
انصدمت أم ياسر من اتهامه ونظرات عيونه..: أنا أنا الي قلت لك قلل ادبك مع الناس..؟!
معاذ بـ عبره مخنوقه: آخذيتها مني يمه.. كنت بـ أصبر نفسي وأنسى بس شلون والي جرحني أمي..!
أم ياسر بـ صدمه: وش تقول أنت..؟!

ياسر كان يتفحص ملامحه الي كان الجرح مرسوم فيه.. وحس بكلامه عذاب كبير.. بداخله رحمه .. لكن ما بين له لأنه يقنع نفسه اني مثلك يا معاذ اتعذب ولا تعاملت معكم كذا...!!

معاذ بصوت مخنوق: تعرفين وش كثر أحب خلود.. ليش زوجتيها خالد.. ليش ماقلتي انها لمعاذ.. ليش سكتي..؟! هذا ما تسمينها جرح.. يمه انتي اللي ضيعتي تعب السنين كلها..
صدقيني معاد يهمني.. كنت أعارضكم بموت عمي حتى اعلمكم ان الجرح ما ينسى..!
بعلمكم مثل ما انجرحتوا بموت ابوي.. انجرحت بخيانتكم لي.. !!

قام وما قدر يكمل كلامه .. ودهـ يطلع عن هـ البيت باللي فيه.. غلطت أم ياسر بحق ولدها كانت كبيرة.. من صغر معاذ وهو يبي خلود.. وكانت تعرف هـ الشئ بس ما اعطته اي اهمية.. وساهمت بزواجها.. وتناست ولدها الي الهم يآكله ولا أحد حاس فيه..!

فراس وغندهـ كانوا ساكتين يشفون كيف اخوانهم متفككين ومو قادرين يسون شئ..!

أم ياسر: متى موعد المحكمة.. حتى نوقع على حكم القصاص..؟!
رفع عيونه بتعجب: الإسبوع الجاي..!
أم ياسر: كلم أخوك خله يكون فيه.. حتى نوقع وننهي هـ الموضوع..

غندهـ: بتذبحين عمي..؟
أم ياسر: ايه ..
غندهـ: بس حرام..
أم ياسر: وش الي حرام..؟ يعني دم أبوك الي راح مو حرام..!
غندهـ : بس يمه عمي آخذ جزائه وعياله حرام يتشتتون..!
أم ياسر: لا تخافين.. الي حافظهم كل هـ السنين بيحفظهم بقية عمرهم..
ياسر: وبعدين كلنا متفقين ان حقنا لازم نآخذهـ..
غندهـ: آي حق.. ليش ما بقلوبكم رحمه..؟
ياسر: أي رحمه.. شايفتنا نسوي شئ ما شرعه ربي.. هذا جزاه..
فراس: صح غندهـ هو الي غلط ولازم يتحمل ذنبه..
غندهـ : بس اذا عفينا راح يكون الآجر لنا..!
ياسر: مانبي الآجر.. نبي نشفي غليلنا ..
غندهـ: آنا ماراح اوافق على القصاص وراح اتنازل..
ياسر: والله وطلع لك لسان.. ليتك بقيتي مثل ماكنتي طرما.. ترا كنتي مريحتنا..!

انصدمت غندهـ من كلامه.. الي عمرها ما توقعته وخصوصاً من ياسر الي دوم تحترمه وما تحب تزعله.. قامت لـ غرفتها وخلتهم.. يكملون اتفاقهم..!

دخلت الغرفة وقفلت الباب.. رمت نفسها على الآرض وهي تآن من الألم.. مر في خيالها وفاة ابوها.. تذكرت آلم المويه لما انكبت عليها.. تذكرت مشاعرها وهي تشوفهم يتكلمون ويضحكون من غير لا أحد يحس فيها.. تذكرت لمى الي فقدتها كثير.. كانت كل ذكرى تزيد من حدة الآلم بقلبها.. دموعها ماكانت تشفيها.. مر في بالها طيف معاذ الي حست بكلامته الجرح.. والهم الي سكن ملامحه.. بعد ما تحسن وضعهم ورجعت الضحكه لشافتهم.. أحيت القضية جراحهم المدفونه داخلهم.. أول مرة تشوف أمها قاسية ومافي بكلامه آي رحمه.. أول مرة تشوف ياسر يجرحها بكلامه من غير لا يحسب لها آي حساب.. حتى فراس كان ساكت من غير لا يدافع عنها..!

في كل لحظها تزيد شهقات صوتها.. ما حست بصوت الباب الي ينظرب بقوة..!
فراس: غندهـ غندهـ افتحي..
كانت تبي تتكلم.. ترجع الصوت الي راح من خوفها انها ماقدرت تتكلم.. ورجعت مثل قبل قامت فازهـ من مكانها.. فتحت الباب وارتمت بحضن أخوها الي أرعبه منظرها..

فراس وهو يضم جسمها المرتجف: بسم الله عليك.. غندهـ شفيك بسم الله عليك..

كانت ترتجف بين ايدينه.. خافت انها تفقد صوتها مرهـ ثانية.. خافت ترجع تتعذب من جديد ومن غير لا أحد يحس باللي بقلبها..!

فراس ما عرف وش يسوي.. كان ماسكها بين يدينه وخايف عليها لا يجيها شئ.. قام ينادي: يمممممممممممه.. يمممممممممممممممممه بسرعه غندهـ مدري شفيها

سمعته أم ياسر وياسر.. وقاموا بسرعه يشوفون وش صار لها..!
قربت أم ياسر لبنتها الي ازرق وجهها من الخوف.. وكان جسمها كله يرتجف..
ضمت بنتها لقلبها وقامت تهديها: بسم الله عليك.. يمه شفيك تكلمي..
زاد بكي غندهـ لما حست انها ماراح تقدر تتكلم.. وكانت تحط راسها في صدر أمها من الخوف.. حطتها على السرير وجلست تقرأ عليها وتحاول تهديها..
ياسر طلع من الغرفه لأنه ما تحمل منظرها وحس ان كلمته كانت قاسية عليها..

نزل للصالة وجلس وهو يحس جسمه كله مهدود.. اتصل على معاذ وحصل جواله مقفل.. ودق على لمى حتى يخليها تجي يمكن ترتاح غندهـ..

لمى: هلا وغلا
ياسر بـ صوت مخنوق: هلابك..
لمى: شفيك ياسر..؟
ياسر: لا أبد سلامتك.. بس غندهـ تعبت شوي وحبيت أطلبك تجين عندها يمكن اذا شافتك ترتاح..!
لمى بـ خوف: شفيها غنده.. ياسر قل الصدق شفيها غندهـ.؟!
ياسر: والله ما فيها شئ بس تعب خفيف..
لمى: طيب الحين بجيكم.. بس اقول لسعود..
ياسر: أوكيه انتظر..

\
وصلت لمى عندهم وطلعت لعند غندهـ الي كانت بحضن امها ترتجف على خفيف وأما مازالت تقرآ عليها..

لمى بـ خوف: غنودهـ شفيك..
فزت غندهـ من مكانها يوم سمعت صوت أختها.. وقامت.. لما جت عندها لمى تحضنها..
حست بـ الآمان بـ صدر أختها الي كانت آكثر وحده حاسه فيها.. ما تسمع منها الا ونينها وآهاتها الي تطلع من قلب معذب..!

محد قدر يهديها بسهوله.. بعد ما تعبت نامت من الإرهاق والتعب الي حسته..
فهمت لمى السالفه وهزأت ياسر الي كان ساكت وما قدر يرد عليها.. أما أم ياسر حست بـ الذنب لأنها أهملت اثنين من عيالها.. فراس ولمى حاولوا يتصلون في معاذ بس للإسف جواله كان مغلق..

ياسر استفسر من خوياهـ وماحصله عندهم.. مضت ثلاث أيام.. ارتاحت فيها غندهـ شوي أما صوتها كان مبحوح كثير وما ينفهم بسهولة عليه..
ومعاذ لما فتح جواله حصل مكالمات أهله ورسايلهم.. ورجع للبيت يعتذر من أمه الي حس ان كلامه كان كبير عليها..
بعد العاصفه الي صارت في أبو ياسر هدت الأوضاع .. وبهدوء قدر ياسر يقنع اخوانه ان حق أبوهـ مو لازم يضيع.. ويمكن بعد الي صار صار عندهم ردت فعل.. ان لو عمهم ما غلط هـ الغلطة كان ماصارت هـ المشكلة..!

وبعد محاولات اتفقوا كلهم على انه يتم القصاص حتى ما ترجع المشاكل ويرتاحون من هـ الهم الي كتم عليهم ثمان سنوات ..

\

في بيت أبو عبدالرحمن..

الحزن انرسم على ملامحهم.. كل واحد كان يناظر الثاني.. عل وعسى يلحق فيه شئ يحتويه من الضياع..

بعد ما بلغهم عبدالرحمن الخبر.. عم السكون مكانهم.. شئ توقعوهـ من زمان وعارفين نهايته.. بس كان عندهم أمل ان واحد منهم يتنازل.. لكن الظاهر ان آلم عيال عمهم آكبر بكثير من انهم يتنازلون..

قامت ريم لما حست انها مخنوقة من جو الغرفة.. راحت لعند غرفته وكانت واقفة عند الباب.. تشوفها بـ حسرة.. كانت تظن انه ممكن يرجع لها بيوم من الآيام.. لكن حكم القصاص كان أقرب له..

ذكرى: لا حول ولا قوة الا بالله.. هذا الي نقدر نقوله..
عبدالرحمن: خلك جنب ريم وصبريها.. الله يخليك ذكرى خلك مثل ما عرفتك قوية..

ناظرته ذكرى بـ نظرة غامضه.. وكأنها تعاتبه ليش تبين آلمكم من الضياع.. وأنا من يلم هـ القلب.. تعاتب نفسها بنفسها وصوتها ما يسمع صداهـ الا قلبها..

\

في شتات الحياة.. ومتاهات الزمن.. مضى الوقت بـ سرعة تفوق سرعته المعهودهـ..
مرت السنة عليهم من غير لا يحسون.. واقترب موعد القصاص الي تحدد بعد موافقة جميع أبناء المرحوم بـ اتمام حكم القصاص على عمهم..!

/

شئ من حياتهم..

ياسر ومعاذ كانت الشركة تنسيهم شئ من الحزن المدفون فيهم..
فراس وغندهـ يمكن يكونون أكبر ضحية وأكثر من تضرر بـ العائلة..

لمى وسعود كانت حياتهم مستقرهـ مبنيه على التفاهم والحب الهادئ.. اتفقوا ان الحمل يكون بعد ما تخلص لمى من الجامعه..

خلود وخالد الفرح ساد حياتهم.. وخصوصاً مرح خلود أعطى البيت فرحة كبيرة على أمه وأبوهـ الي ما طلعوا من عندهم..

عيال أبو عبدالرحمن.. مثل الي ضايعين بـ الدنيا يحاولون يلملمون شتاتهم.. زيارتهم لـ آبوهم تبتدئ بـ آلم وتنتهي بـ آلم أكبر.. شئ كبير تغيرت بـ ملامحهم وهم كبير سكن فيها..
اضطر عبدالرحمن يآجل ملكته آكثر لحد ما تنتهي هـ القضية الي ما بقى عليها غير أيام..

\

في السجن ..

جالس ودموعه ماوقفت.. من الندم الي سكن قلبه.. شئ مؤلم انك تعرف موعدك مع الموت..
كان طول الليل على سجادته يدعي ربه بخشوع انه يغفر له ذنوبه.. ويعفو عنه.. الحسرة ملت قلبه .. والرعشة في كل آطرافه.. كل من عرفه حزن عليه وإن موعد وفاته حانت..!
من دخل السجن وهو متغير.. كان قلبه كبير وطيب.. إذا سولف عليهم سواليفه ما تنمل.. وإن نصحهم كانت كلماته تدخل القلب.. حبه كل من عرفه.. لكن تبقى الحكمة الربانية تحكم العقول..

وصل لـ عند زنزانته العسكري.. وشاف رجل مضى عليه الدهر.. وهدته الهموم .. جالس على سجادته بخشوع.. يدعي ويستغفر.. صوت آنينه يسمعه كل الي حوله.. دخل وهو حزين على منظرهـ الي يقطع القلب..

العسكري: ياعم اذكر ربك.. والحمد لله على كل حال.. الكل يشهد لك انك الف ونعم..
أبو عبدالرحمن: وأنا عمك أنا ضيعت شبابي وعيالي واخوي وعياله.. شلون تبي ربي يفغر لي..
العسكري: ولا تقنطوا من رحمة الله..
أبوعبدالرحمن بعبرة تخفي صوته: ونعم بالله.. والله اني ادعي ربي يميتني مثل موتة المسلمين..
ما آبي عيالي يشوفوني بهالمنظر.. انقطع صوته واختلط بالبكاء الي عذب قلب العسكري وكان يذكرهـ بالله وواسع رحمته.. حاول يهديه ويصبرهـ على مصيبته..

آليم الموت حينما يقترب لما بين الضلوع.. تشعر بـ قربه دون ارداهـ .. غداً موعد القصاص.. وغداً موعد منظم .. سـ يحضرهـ الكثير لـ يشهد هذا الحدث.. غدا تسلب الروح من راشد..!
ويأخذ أصحاب الحق حقهم..!!

/

تغمرنا الفرحة.. وتآخذنا الدنيا الى ملهياتها.. لكننا نتناسى في غمرت الفرح الآلم الذي يلفنا..!
والقدر!!
وآآهـ أي قدر ذاك الذي يحيط بـ نصرة ج ــوارحنا..!

لن أطيل.. فغداً لنا موعد..!!

ننتظر بكره الجزء
قصاص عاد

برب لبكره

ابو عبدالرحمن ..

الله يغفر لك ذنبك ..
مدري عندي احساس انهم
بيجون للمحكمه ويوقعون بس
بالاخير بيطلع ضمير حي في واحد منهم
ويسامحه واتوقع انه ياسر ..

ياسر ..
شخصية غريبة بس كثيره في المجتمع
يجمع بين الطيبة والعناء والحزم ..

بس اليوم قهرني يوم ضيق صدر غنده
حرام الضعيفه ما تستاهل ..

ام ياسر ..
ما حبيتها من اول القصه ..
اكره التسلط والحرمه اللي تمشي كل شئ على كيفها ..
زوجك مات ياختي خلاص ..
تموتين اخوه وتيتمين عياله حرام عليك ..!!
ولاعاد اليوم يوم معاذ زعل عليهم خلاص ما عاد تدخل لي من زور ..

معاذ ..
ياخي والله انك تستاهل اللي ابرك من خلودوه ..
ادري بتقول احبها ومن زمان وانا عايش هالحلم ..
بس ولو من باعنا بعناه لو كان غالي ..

و ياخي لا تدخن ما احب اللي يدخنون ..
بعدين صحتك اهم شئ ..
<-بسم الله علي لانهبل قمت احاكي معاذ ..

عيال ابو عبدالرحمن ..
الله يصبر قلوبكم يارب اذا نجومه موتت ابوكم ..

نجومه ..
نبيله فليم هندي تكفين ..
خلي النهاية يطلع ابوهم من السجن
ويتزوج ياسر وذكرى ويرقصون على الثيل ..

لا عاد تصيحينا خلاص يكفي اليوم ..
تصبحين على خير يا عسل ..

يوه الدعوه فيها 27 أحب الاجزاء الطويله

صبحك بالخير وعلى الكل

نجومه الصراحه ماقريت ولا تابعت اخاف انصدم بعد قصتك الذاهبه

قلت استنى لحد ماتخلص القصه

واخذها من الطخمه الي فوقي شكلها متحمسه مووووووووووووووت

أجل يرضيك تقولي برب بقرى القصه مايصلح تقولين برب ياقصه بكلم الجمال

نجومه انشالله تكون قصتك احلى من الاولى مع اني احبها

انتظري تعليقي بعد ماتخلصين واقراها

وشي ثاني اذا خلصتي ياليت تحطينها في ملف وورد وياليت في توقيعك عشان مااجلس أحوس

(-- مو كن ردي احتفال بيوم الحب

.

.


يعني لازم هااهـ لازم يالحقيرهـ ...!!
ماترتاحين الا اذا تنكدتنا ونخررنا وصيحنا هاااهـ ...!!
نجيمه وش انا قايله لتس يختي كملي جميلتس وخلينا نفرح ...!!
بس ليش كذا يا معاذ ليش ياخي تدخن ياربييه رباهـ ياكبرها عند ربك ...!!
يعني صدز احبتس واموت فيتس وانتي تدرين بس ماتسوين تسذا ...!!
يعني الصياح فينا فينا الا باللي هي به تبين تصيحينا يختي وشسمه انا تبت ...!!
منيب قاريه لتس روايه مرهـ ثانيه << عاد هي واقفه عليتس ض1 << تكفين ريشي بها ض1
بعدين أنتي وياها وياها خير خير اشوف لسانكم طال على ياسر هااهـ ...!! :5: :5: :5:
اوص ولانفس يالمخيسات والله انه اكوس واحد بالدنيا بس تجيه حالات ودتس بكف يعدل خشته ...!! ض1


ابو عبدالرحمن ...!!

الله يرحمك ويغفر لك يارب ...!! :cry:
توك تصير طيب وينك اول هااهـ ذبح وذبيح ومزعجنا فلوسي الله ابوك ...!!
استغفر الله بس ...!! ض1
<< لاطيق فيتس عرق بس م0 ض1

دحومي :5: :5: :5: :5: :5:

مبروك يارب وشسمه انا قايله انك رجال سنع تنشرى والله الف من تتمناك يالمخيس ...!!:5:
وخلك عون لاخواتك لاتنساهم هااهـ راس مالهم انت وبس ...!! :5:
خلك عاقل عشان احبك << ميت عليتس هو م0ض1

ذكرى وريم ...!!

الصبر الصبر كلنا بنموت ...!!:cry:

أم ياسر :27:

أنتي حقود وش تبين هااهـ ...!!
يختي يافيتس نجاسه تيزي نص هالعالم ...!!
يختي ماتعرفين شي اسمه مسامحه يعني تسامحين الناس هااهـ ...!!
تراني اكرهتس تدرين << لاتكفين ض1


وشسمه جينا وإذا جاء للدلع والزين [ ياسر ] ماخذ حقه ...!! << كلي تبن ض1
ياسر :5: :5: :5: :5: :5: :5: :5: << وجه يناظر براود ويقول بخلص القلوب عندتس مانع بس ض1
ياخي من زمان ماسويت شي انت وذكرى ولاشفتها ولافكرت فيها ...!!
وراك ياخي لاتصير تسذا خلك رومنسي واصحك يكون الحقد طاغي على قلبك ...!!
يعني خلك طبيعي وخلك ياسر اللي نعرفه طيب وحبوب ويموت في ذكرى ...!!
ياسر اعرس على ذكرى تكفى وخلنا نستانس ...!! :5: :5: :5:
بس انا اعرف ان نجيمه هالمخيسه بتموت واحدن منكم ماترتاح الا اذا صحنا ياختي اكرهتس ...!! :5: :5: :5: :5: :26:
يعني وشسمه تموتينهم ليش تحرمينهم من الفرحه هااهـ ...!! :26:
نجيمه خلتس عاقله ولاتموتين احد والا وشسمه ايه اعطيتس كف ...!! << ريال :27:

معاذ :5: :5: :5: :5: :5:

ليه الخراب ليه ليه ياخي ترفق على عمرك لايجيك شي بسم الله عليك ...!!
ترى الدخان يموت الواحد ومهوب زين ماتشوف وش احنا قايلين عنه ...!!
نجيمه نجيمه :73: :26:
ملتاعوهـ :5: أمس تقولي ان يارب يارب نجيمه تموت معاذ ...!! :26: :26:
ليش ياملتاعوهـ انطمي يالمخيسه ولاعد تفكرين في شي خلاص خلينا نفرح ...!!
مانبي معاذ يموت تكفين خليه يصير زين ويعرس على وشسمه ريم والا شي منا والا منا ...!!
معاذ يوم انك تحاتسي امك قعدت اصيح تراني حسيت باللي فيك ياحبي لك بس << وش عندتس يالرومنسيه ض1
معاذ انت شخص تحب من قلب قلبك ياخي ...!!
انسى خلود الله ابوها من بنت انساها وحب لك حب جديد ...!!

اخر شي ...!! :26: :5:
نجيمه ياحقيرهـ لا تقضى روايتس تكفين ماودي تقضى ...!!
صرت احبها ماارهـ ادوخ عندها ...!!

تبي نصرة جوارحنا ...!!
لحب حاولوا طمسه ...!!

وش رايتس فيني وانا وشسمه ايه ذاك ...!! ض1

كم احبتس يافتاهـ :5: :5: :5:

لا نجمـه لا

خلي واحد يتنازل مالهم حق

بسرعه تعالي

لاتعذبينـا زيـادهـ

أخليكم مع الجزء وأعتذر على التآخير