.
.
.
السلام عليكم ورحمة الله
كيفكم يا أهل القناصp9 الكرام كيف حالكم عساكم بخير وصحة وسلامة
.
.
.
.
هذي القصة اقتباس من قصة من التراث الحجازي كتبتها لكم مع شوية بهارات و أبازير
من عندي وراح احطها هنا على أجزاء ان شاء الله
واتمنى انها تحوز على استحسانكم واعجباكم
.
.
ولا تنسوا تجيبو حبتين شاورما وبيبسي خخخخخخخخخخخ:D
او فصفص وشاهي خخخخخخخخخخخخخخخخخخخخخخ:D
.
.
نبدأ 1 2 3
.
.
يا سعد يا كرام .. ما يطيب الحديث إلا بذكر النبي عليه أفضل الصلاة والسلام ..
.
.
كان ياما كان ... في هذا الزمان الي حنا فيه او من زمان بصراحة نسيت خخخخخ
<----------- دمها خفيف:D

كان فيه واحد وزير .. كل ما جاله سكرتير خاص فيه يشترط عليه شرط غريب <========= نظام تطفيش خخخخخp19

يقوله : إن إنت زعلتني تقطع لي خشمي , و إن أنا زعلتك أقطع لك خشمك.

وما حد قبل الشرط هذا إلا واحد مسكين اسمه سلطان معاه شهادة ثانوي وما لقي

وظيفة تقبل بشهادة الجامعة الا لازم خبرة معها اجل كيف شهادته وهو ما عنده خبرة في ولاشي :(


وما لقى غير هالوظيفة الي بهذا الشرط الغريب و اشتغل عند سلطان عند الوزير

سكرتير لمدة إلى أن جاله في أحد الأيام واحد يشتكي و يبغى يقابل الوزير ورمي

عقاله عند سلطان وقاله تكفى وتكفى تهز رجال انك تدخلني على الوزير قام سلطان من

طيبته دخله على مكتب الوزير فجأة

لانه من اول يدق عليه بالتلفون ويدق عليه الباب وما يرد

حيث ان الوزير كان يلعب شطرنج مع وكيل الوزارة خخخخخخخخخخخخخخخخp19 p8

قام الوزير وبهدوء وهزء سلطان ولعن شكله وقاله كان اخذت شكوته وحطيتها بأقرب درج

وقلت له راجعنا بعدين .

زعل سلطان لأنه هزئه قدام وكيل الوزارة وهو كان حاطط عينه

على بنته يبغى يخطبها ( يا حليله ) دري الوزير ان سلطان زعل فمسك الوزير

سكينة بسرعة وقطع له خشمه <========لا تسألوني من فين طلع السكينة حتى

انا مدري خخخخخخخخخخخخ

وخرج سلطان من عند مكتب الوزير ودمه يسيل وحط عليه كلينكس

ويوم شافه البواب قاله سلامات قال لا بس زكام بسيط :(

وراح سيدا علي بيت اخوه ياسر ولما شاف دمه سايل وعرف منه شرط الوزير الي قبله

أخوه الطيب صمم ينتقم منه بعد ما يودي أخوه عيادة تجميل وينقذون ما يمكن انقاذه من خشمه الي راح

<==========يمدحون أدمة خخخخخخخخخخخخخخخخخ

عطوهم موعد للعميلة وترك ياسر اخوه سلطان بالبيت وحلف انه ما يرجع له إلا بخشم

الوزير بيده. p17

و راح ياسر على مكتب التوظيف بالوزارة وطلب انه يقدم على وظيفة سكرتير

قالوا له موب بكيفنا روح للوزير بمكتبه وتفاهم معه.

أخذ ياسر بعضه وراح لمكتب الوزير وعرض عليه إنه يشتغل عنده , فسأله الوزير : إنت إسمك أيش؟
رد ياسر : أنا أسمي نكــــــد .

استغرب الوزير من الأسم الغريب قاله تسهبل انت ووجهك فيه احد اسمه نكد

رد عليه ياسر : ايه وش فيها يعني قال القاضي : طيب طيب أنا فعلا محتاج

سكرتير يشتغل عندي لكن أنا شرطي الأول و الأخير إنك لو زعلت مني يا نكد أقطع

لك خشمك , ولو زعلت أنا منك تقطع لي خشمي . ووافق ياسر على الشرط وهو

ناوي يغلغل الوزير وينكد عليه عيشته ويأخد بتار أخوه المسكين.p17
.
.
.
.
انتظروا الجزء الثاني قريبا

الله يعطيك العافيه والله إني متحمس للجزء الثاني نترقبه بفااااارغ الصبر .............

روعه و الله يا شوشو و صرتي مؤلفه حبيبتي و ننتظــــــــر الاجـــــــــزاء المتبقيه .,, منك غاليتي .,,


و دمتي في حفظ الله و رعايتـــــــــــه .,,

روعه يالغاليه


وننتضر الجزاء الثاني

ومشكوره فديـــــــــــــــــــتج


اصراحه نفعتيني فيه
تقبلوا تحياتي

تسجيل حضور ومتابعه للجزاء الثاني

واللي يعافيك شوشو كمليهااااااااااا


بلييييييز

p9 يا هلا والله بالي نوروا موضوعي بصراحة شرفني كثير تواجدكم وموروكم الكريم
.
.
.
القحطـ والنعم ــــاني

مشكور على مرورك الكريم وأسعدني كثير تواجدك
.
.
.
.
صمت اللياليp9

يا هلا والله باختي صمت الليالي الغالية نورتي موضوعي بمرورك وردك الكريم

.
.
.
مي الغلاp9

يا هلا فيكي ونورتي الموضوع بتواجدك جزاكي الله خير

.
.
.
.
.

رامي السهام

اسعدني كثيييييير مرورك وتواجدك بالموضوع اخوي رامي يعطيك الف عافية على الرد الحلو

ههههههههههههههههههههههههههههههههههههههه
شر البلية ما يضحك p21

من جد اما انك ما تلاقي وظيفة لائقة بالشهادة والمستوى الدراسي او انك تلاقي وظيفة بشروط تعجيزية
والله يسامح الي كان السبب:(

أقتباس

الف شكر على هذه القصص الجميلة والجديدة بأسلوبهاالمعبر لمن تغلغل بين سطورها

يسعدني كثير اني اسمع هذي الكلمات منك يا اخوي رامي واعتبر انها كلمات شرف اعتز فيها

اشكرك على ردك الرائع يعطيك الف عافية

.

.

.

.

.

.

رواف p9

اسعدني كثير مرورك وتواجدك الكريم

.

.

.

.

.

أنا سعودية p9
يا هلا فيكي وشرفني كثير تواجدك

.

.

.

.

..:: الجزء الثاني ::..

.
.

أعتمد الوزير على نكد في تنظيم المواعيد والمهمات وأوقات الاجتماعات وترتيب الاتصالات مع

الشخصيات الهامة والمرموقة الي لازم يتقابل معاها الوزير وحدد له اسماء الناس الي لازم يصرفهم p3

والناس الي لا يمكن يردهم أبدن وكان نكد مو مهتم . وفي يوم خرج الوزير من مكتبه وهو مطرطع

بس ماسك اعصابه وزهم ( نادى <-- ترجمة للي ما يعرفوا حجازي ) على نكد وقال له :

إيش دا يا نكد؟ المكتب حايس مواعيد ولي يومين ما نظمت لي ولا موعد وأنا الي شغال أرد على اتصالات خلق

الله وأرتب مواعيدي معاهم .

قال نكد : يا عمي المواعيد كتيرة و الاتصالات اكثر ومو عارف أنظم نفسي وأنا ما بيدي حيلة ...

قال القاضي : المواعيد طول عمرها كثيرة والاتصالات اكيد بتزيد لان هذا مكتب وزير ومافي شي جديد

الا انت . رد نكد: صوتك عالي يا معالي الوزير و أظنك زعلان ! قال الوزير بسرعة : أنا؟ أبدا ماني زعلان ...p2
.
.
بعد شهر تقريبا نادي الوزير نكد على مكتبه وقاله أبغاك تجهز نفسك وترتب أمورك علشان انت راح تجي

معايا في رحلة عمل لمدينة ثانية مدة سنة
قاله نكد على فين طيب قاله على جدة وأنا أصلا عندي فيلة هناك وراح اعطيك الملحق الي جنب فيلتي

علشان أوفر عليك مصاريف السكن وكمان علشان أبغاك تكون قريب مني وقت ما بغيتك ألاقيك .

قال نكد :طيب على مضض (أصلن هو مو طايق الوزير كمان بدو يسافر معاه)

المهم راح نكد على بيته وأخذ اذن من امه وابوه وسلم على يدهم وطلب منهم الدعاء

وطبعا ما نسي يسلم على اخوه المسكين سلطان واستودعهم الله ومسك الطريق على بيت الوزير ومن هناك

على المطار وكان الوزير جايب زوجته معاه والخدامة حقتهم.
.
.
.
بعد ما وصلوا من السفر واستقرت أوضاعهم في جدة كان الوزير كتير يعتمد على نكد ومو بس كان يخليه

يشتغل في المكتب كمان كان يخليه يدير شؤؤن الفيلا في حال عدم وجود الوزير . وكان نكد كل يوم ينزل

الجنينة ( الحديقة ) الي في البيت وكان يشوف الصبي الي يسقي الزرع كان ينادية ويهرج معاه طوال

الوقت الين ينتهي دوام الصبي يخليه يروح ويقوله لا تخاف انا راح اسقي الزرع وهوا لا يسقيها ولا حاجة

وعلى دا الحال الين بدأت الأشجار تضعف والورود دبلت والحشيش صفر . أنزعج الوزير من منظر

الجنينة وزهم على الصبي وقاله : إيش دا ؟. الجنينة كلها زرع ميت!
قاله : وإيش أعمل كل مرة أجي أسقي الزرع ينده ( يناديني ) عليا نكد ونقعد نهرج الين يخلص وقتي

ويقولي هوا الي راح يسقي الزرع ! زعل القضي وقاله :روح إنده لي على نكد هادا الله ياخده البعيد .

شوية ويجي نكد يمشي على مهله ويقول : ايشبك يا معالي الوزير صوتك عالي و شكلك زعلان ؟ قاله : لا لا ابدن ماني

زعلان بس لي عتب عليك انو ليه تشغل الصبي عن سقي الزرع وما تخليه يقوم بشغله قاله نكد : طيب

ابشر من عيوني ما راح اشغله بعد كده بس اهم شيء لا تزعل علينا .رد الوزير بسرعة : لا لا أبدن

أنا ماني زعلان .
.
.
.
وكان في الجنينة كلب كبير يحرس البيت والوزير يعزه كتير .. وكل يوم تعطي الخدامة الأكل الخاص

بالكلب لنكد علشان يأكله لأن نكد هو الي طلب منها تعطيه هو الأكل حق الكلب علشان يأكله بدل من الصبي
... ويشوف نكد الأكل ويقول في نفسه : يعني الكلب ياكل دجاج ولحمة و إدام .. و أنا البني آدم

يعطوني ما شاح وما لاح .. صار ياكل الأكل حق الكلب ويتركه جيعان <==== يععععع الله

يقرف شيطانه خخخخخخخخخخخخخخخخ
ويوم ورى يوم ضعف الكلب وهزل والوزير يسأله عن السبب ونكد عامل نفسه ماهو عارف العلة إلى أن

صار الكلب يزحف على بطنه وبعد شوية مات .. وصار الوزير حزين على كلبه الوفي ومتحسر على

موته:( وقال لنكد: يا ترى إيش إلي جري للكلب ؟ والله كان من أحسن ما يكون لحد ما جيتنا إنت وصار

إللي صار .. رد نكد : يمكن ما كان بيتغذى طيب. قال الوزير : ما بيتغذى؟ ده أكله كله لحمة

ودجاج .. قال نكد بإستغراب : هو اللحم والدجاج كان للكلب p8 . أنا أفتكرته أكلي أنا و أكلته ..

وصرخ الوزير وهو في أشد الغضب : أكلت أكل الكلب يا نكد؟ والمسكين كان بياكل إيش ؟ قال :

ولا شي.. قال الوزير : يعني مات من الجوع ؟ قال نكد : أظن كده ... بس المهم لا تكون

زعلان يا معالي الوزير ! p3 رد وهو في أشد القهر : أنا .. لا .. و أزعل على كلب ؟

.
.
.
وثاني يوم طلب الوزير إنه يأكل لحمة مسلوقة وراح نكد يدور لحمة في السوق كله وما لقي.. رجع

للوزير وقاله : ياعمي ماني لاقي لحمة في السوق . قال الوزير : أتصرف ماهو شغلي . خرج

نكد على السوق وصار يدور تاني لحد ما تعب و أحتار في أمره و أخيراً لقي في وجهه جثة الكلب الميت

شاله وراح فيه على البيت وأعطى اللحم للخدامة . والخدامة قامت و سلقت الحمه و حضرتها للأكل .

ولما رجع القاضي على البيت لقي الأكل جاهز فأكل وشبع بعدين شأل نكد: ياواد إنت ما قلت مافي لحمة

في السوق اليوم .. فين لقيتها بعدين يا كداب ؟ قال : والله يا عمي ما لقيت لحمة في السوق ..

أنا لقيت كلبك الميت في الجنينة قلت نستفيد منه قطعته وأعطيته الخدامة وطبخته لك . فقال له : يخص

عليك .. إنت تبغى تموتني .. وقام على الحمام يحاول يطلع إللي أكله .. قال نكد : ها يا

عمي .. إنت زعلت ؟ قال : لا أبداً .. بس بعد كده أنتبه ولا تعمل زي كدة .. وبلعها الوزير

وهو بيغلي من نكد بس كان خايف يظهر غضبه ويخسر خشمه .

.

.

.

انتظروا الجزء الثالث قريبا

.
.
..:: الجزء الثالث ::..
.
.
وفي تاني يوم و الوزير عنده ضيوف مهمين في المجلس سمع صوت الشغالة بتغني وهي

بتطحن الحب .. فصار محرج قدام ضيوفه الكبار وقام زهم على نكد وقاله : أطلع

لإنصاف <=== اسم الشغالة خخخخ
وقول لها تسكت من الغُنا لإنها أزعجت ضيوفي وكمان توقف المطحنة دي شوية من

فوق روسنا .. طلع نكد للخدامة وقال لها : يا إنصاف يقول عمي قوي الطحين

كمان و أرفعي صوتك بالغُنا عشان ضيوفه منطربين منك .. وصارت الخدامة مبسوطة

بنفسها وتغني بأعلى صوتها و تدقدق بالمطحنة بكل قوتها . وزهم الوزير نكد مرة تانية

وقاله : أطلع للجارية تاني مرة وقول لها تنكتم بالمرة ما إحنا سامعين نفسنا ولا تدق

المطحنة إلا لما يخرجوا الضيوف ..طلع لها وقال : بارك الله فيك يا إنصاف ..

الضيوف في غاية الإنبساط منك .. زودي كمان قد ما تقدري صارت الخدامة تطبل

وترقص وتعمل شيء لا خيرةً فيه . زهم الوزير على نكد للمرة التالتة وقال له :

أطلع أضرب هادي المجنونة و أكتم صوتها .. طلع نكد على فوق لقي في طريقه

ساطور شاله ونزل به على راس الخدامة وجاب خبرها .<======= مجرم خخخخ
.
.
وبعد ما أنتهى الوزير من اجتماعه بضيوفه المهمين طلع على فوق يشوف إيش حكاية

الجارية وصار ينادي عليها ما ترد .. ودور عليها لحد ما لقاها ياعيني مرمية على

الأرض ودمها سايل .. جري غضبان على نكد يسأله عن إللي جري قاله : يا عمي

.. أنا ما كان ممكن أعمل فير كده .. إنصاف ما كانت راضية تسكت وخفت إنك

تزعل منها ولقيت الساطور فخبطتها وما كان قصدي أقتلها .. بس لا تكون زعلت مني

يا معالي الوزيرp17 .. رد الوزير وهو بيغلي : لا .. لا .. أنا ما زعلت ولا

شي .. بس يعني أنا شايل هم كيف نخلص من هادي المصيبة .. أنا ما أبغى

الناس تقول بيت الوزير فيه قتل ومقتول .. قال نكد : بسيطة .. إحنا نستنى آخر

الليل ولما يناموا الناس وفي الضلام نتعاون أنا و إنت ومراتك وندفنها في البحر ..

بس ما تكون زعلان يا عمي .. رد الوزير : لا .. لا .. مافي حاجة تزعل

أبداً.
.
.
.
.
وفي الليل وهم شايلين الخدامة وفرشوا عند البحر لكن شافوا صيادين واقفين قريب منهم

فما عرفوا يرموا الجثة قدامهم .. فقال نكد : فنت أكيد تعبان ياعمي .. ليش ما

تنام شوية إنت ومراتك و أنا أراقب الشط لحد ما يفضى و أصحيكم في الساعة

المناسبة .. فوافق الوزير وراح ينام هو ومراته .. وبعد ما أتأكد نكد من نومهم

راح بشويش وشال مراة الوزير ورماها في البحر وحط جثة الخدامة جنب الوزير و نام..
.
.
.
.
.
في الصباح صحي الوزير مفزوع ولقي الخدامة جنبه ومراته ماهي موجودة .. زهم

على نكد يصحيه ويقول فين مراتي ؟ وليش ما صحيتني في الموعد المناسب ؟ قال نكد

ببرود : ياعمي أنا ما حبيت أزعجك و أنا شايفك نايم مرتاح .. والظاهر مع النوم

ما أنتبهت أنا شلت مين ورميت مين .. قال الوزير : لا حول ولا قوة إلا بالله :(

.. وصل بك الحال إنك ترمي مراتي في البحر .. إنت مجنون ؟ قال : طيب أنا

أعمل إيش ؟ النوم من جهة والضلام من جهة .. أنا ما كنت شايف شي .. بس

ما تكون زعلت يا معالي الوزير ؟ رد الوزير وهو مطرشق من الغيظ : لا .. لا

.. و أزعل من إيش ؟ إنت عملت شي يزعل .. كله قسمة ونصيب:( .. ورموا

الجارية في البحر .

::: ترقبوا أحداث الجزء الرابع قريباً ::::

ماشاء الله سريع سريع .. الأجزاء ورى بعض ..

قريت الجزء الأول فقلت أمسك لي مكان بموضوعك الرااااااااائع ..

الي بيدورون على إسم كان حطوا الأجزاء كل واحد بموضوع مستقل كي يلفتوا الانظار ولكن ( جرت العاده ) أن تكون ( شهرزاد ) مميزه في كل شي حتى في أول موضوع أشوفه لها ..

الجزء الأول قمه بالروعه والجمال .. كما هو جمال الحجاز ..


أبدعت يا سيدتي .. ولي عوده بحول الله

نكد هذا ما راح يقطع خشمه بس راح يقطع اثره بالمرة
يعطيك العافية شهر واد كملي خلينا نشوف نهاية نكد

روعه و الله قمه في الابداع و التأليف يا الغاليـــــــــه يا شهرزاد و ننتظـــــــــر منك الاجمـــــــل و الاحلى .,,


و دمتـــــــــي بخيـــــــــــــر .,,

.
.
.
الجزء الأول و نصف الجزء الثاني تماما ً إنتهيت من قراءته
و لي عودة بعد نهاية القصة بإذن الله : )
الله يعطيك العافيه أختي ( شهرزاد ) : )

,,
,,,
,,,,

يعطيك ألف عافية شهرزاد

القصة مررة حلوة

والله يعين هالرجال على نكد شكله بيموته ناقص عمر

بإنتظار الجزء الرابع قريبا