مُـذكرات مُـعلّم - شبكة القناص

زوبعة فكر · 04-02-2008, 09:34 PM

مواقف تبقى في الذكرى وددت طرحها بفكرة استعادتها بابتسامة

الموقف الأول :
بما إني معلم مرحلة ابتدائية دايم أرسل إشعارات لولي الأمر أوضح فيها المهارات الأساسية اللي ما أتقنها ولده
المهم هذا ولي أمر طالب جاني يستفسر ليش ولدي ضعيف بمادة القراءة مع أنه ممتاز في القراءة سألته
كيف ممتاز في القراءة أنت تتابعه قال لا بس إذا سافرنا دايم يقرأ لي اللوحات ويقول لي باقي 200 على القصيم
وباقي 100 على الرياض سألت ولي الأمر سؤال بريء أنت تعرف تقرأ قال لي لا
الغريب أنه مو مقتنع المفروض ياخذ ولده لدلة يختبر رخصة سواقة .

الموقف الثاني :
هذا طالب في الصف الرابع مايعاني من أي قصور ذهني سوى أنه شارد الذهن دايم
الطالب جداً هادئ
وتحصيله العلمي جيد وإن كان يعاني من عزلة أحياناً وأحاول أدخله جو الفصل
والمعلمين كلهم يشتكون من هالشيء وأخيراً عرفت السبب لمّا جيت جنبه لقيته كاتب على الجدار أبو صوفيا وكان هالموقف
الظاهر أيام ستار أكادمي مدري سوبر ستار المهم قلت مين صوفيا هذي سؤال بريء رد عليّ بشكل عفوي
اللي تطلع في الدش أرسلت الطالب للمرشد عشان يستدعي ولي أمره ونناقش معه الأمر
ولي الأمر كان متجاوب جداً جاني من بكرى يقول خير وش فيه بديّت أمهد له الموضوع عشان ما يعاقب
ولده بشكل سلبي قلت له ياليت بعض القنوات عندكم تلغونها لأنه فيه برامج ما تناسب الأطفال وتخليهم يتأثرون
لأنه بهالعمر الطفل قابل لإكتساب خبرات عديدة قال لي خير وش السالفة قلت ولدك يتابع برامج مسابقة
مايناسب عمره كان ولده موجود سأله قال وش تتابع أنت رد الولد بعفوية وعلى نياته قال اللي تقول عنها
مزيونة وحلوة صوفيا هنا ولي الأمر ما نطق ولا كلمة قال خير إن شاء الله
بعدها بفترة أراقب الجدران أقول يمكن الولد عقل طبعاً بعد ما مسح كل اللي كتبه بالقلم الرصاص .
لقيته كاتب أبو صوفيا على المساحة حقته .

الموقف الثالث :
كان فيه طالب عندي ضعيف جداً في الإملاء والقراءة استدعيت ولي أمره عشان يشدون عليه ويتابعونه في البيت
جا ولي الأمر واستعرضت له كل المهارات اللي ما اتقنها ووضحت له ملاحظاتي اللي في دفتر الواجبات
المهم ولي الأمر أتضايق قال للمرشد ياليت تستدعونه أبغا أناقشه قدامكم قلت أكيد يبي يحرج ولده قدامنا
ويتعهد لنا أنه راح يكون مجتهد جا الولد قال له شوف إذا ما اجتهدت ترى ما تروحي معي للبعارين والورشة
إذا ما شديّت حيلك الأيام الجاية .
هنا عرفت وش اللي ضيّع الولد يعني مضيعه عن دراسته كل ظهر ياخذه للبعارين ومن العصر إلى العشاء
وهو بالورشة شلون يجتهد .

الموقف الرابع :
هذولا طلابين عندي أخوان واحد مجتهد ومتابع بشكل مستمر والثاني كسلان ومهمل
وفي كل مرة ألقى واحد يفتن عن الثاني الكسلان يقول أمه هي اللي تحل له والمجتهد يقول تراه حل في الفصل
هنا عرفت أنهم أخوان من الأب مو أشقاء استدعيت ولي الأمر عشان أناقش معه هالشيء
حضر ولي الأمر قلت لابد تكون رعايتك لهم متساوية لأنه فيه فرق بينهم بالمستوى
رد عليّ رد عوّر قلبي قال من شان كذا تزوجت عليها يقصد أم الكسلان هنا غسلت يدي ومشيت وخليته
مع المرشد .
//

\\

//

\\

//
لازلت الذاكرة متخمة بالمواقف
يتبع

بنت الحوت الأزرق · 04-02-2008, 09:59 PM

!!!

اول مرة اكون اول شخص يرد على موضوع

!!!
هههههههههههههههههههههه

روووووووووعة يعطيك العافية
بس هذي الحقيقة ان الاطفال ينقلون اللي موجود في ][البيت][

زوبعة فكر · 04-02-2008, 10:10 PM

حاولت البحث في الذاكرة عن مواقف رمضانية عالقة في الذهن
فلم أجد أقسى من تلك الأيام التي كنت فيها بعيد عن الأهل والأحباب فهذا الشهر الفضيل وذلك بسبب تعييني في قرية
تبعد عن مدينتي 280 كيلو ممّا يلزم علينا المكوث فيها كنّا اثنا عشر معلم محشورين في ثلاث غرف
غرفة نسميها مجلس وفيها يتبطح أربع معلمين بسبب ضيق المكان وغرفة النوم المستعمرة وغرفة حوّلناها إلى مطبخ
وكان السبب قلة الأماكن المستأجرة في تلك القريّة التي أشبه ما تكون معزولة فالخدمة الوحيدة فيها الجوّال
وإن كان البث دائماً ما يكون (( الشبكة مشغولة )) وأشكّ أنه فيه شبكة بالأصل
المهم في أول ليالي رمضان عقدنا الاتفاق على تحمّل المسؤولية فليس هناك سنبوسة جاهزة ولا شربة محضرة
نشتريها للإفطار من مطعم أو حتّى بقالة لانعدام المطاعم في تلك المنطقة ...
لذا اضطر أحد الزملاء إلى الذهاب إلى أقرب بقالة 50 كيلو على خط المدينة يعني أغسل يدك يتردد عليها الواحد في
اليوم غير مرة بدأنا بكتابة المستلزمات (( شوربة ,, معكرونية ,, توت ,, تانج ,, لبن ,, شعيرية ,, طحين للقيّمات ,, وزيت عافية _ لزوم القلي _وكان أحد المتطلبات من قِبلي _دريم ويب _ كنت مصممّ على عمّل حلوى ))
كان السحور كالعادة رز مع الدجاج
بقدر كاتم صيني
وكان الشيف جلوي لأول مرة يبغا يطبخ لنا
وكان اللي يعرفه يفكّ الدجاجة ويحطها مع موية ورز ويسكّر عليها ويجينا مفسر يدينه ويقول
ياني طابخ لكم طبخة
جلس عندنا نصف ساعة وقال تبغون السحور كانت الساعة ثلاث ونصف راح جلوي ما سمعنا إلا ضربة ظنيتها بالبداية
مدفع ينبهنا للسحور جينا نركض للغرفة قصدي للمطبخ ... إلا الدجاجة بالسقف لاصقة وغطا
القدر بفمّ جلوي بالزاوية والسبب أنه فتح على الكاتم بدون ما يفكّ الضغط ..
وراحت أول ليلة لاحنا اللي أكلنا رز ولا دجاج اكتفينا بتمر وبعد صلاة الفجر نمنا من شان الدوّام وكنا فرق كل ثلاثة بقرية يعني متوزعين اللي قريته 10 كيلو من السكن واللي 20 واللي 30 المهم رجعنا واجتمعنا قبل صلاة العصر
الساعة ثلاثة وكان جلوي غايب لأنه جته أم الركب بعد قدر الكاتم
المهم جينا خدّرانين اللي سنونه ترقل بسبب الردمية
واللي الغبار في مخابيه واللي واللي حالة ما يعلم بها إلا الله كلهم ودهم ينامون لكن أنا كنت أذكرهم بالاتفاق وماسك
بين يديني علبة دريم ويب (( متحمّس أبغا أذوقهم الحلى على أصوله ))
أعجبني واحد منهم كان هو الوحيد المتحمّس يبغا يسوي لقيمات قال أبغا أجهزها الحين بس مسكوني الطحين وزيت عافية وكنت متشوق للقيمات
المهم أنا بديت أشرف عليهم وأحمسهم ولسى ما سويت شيء
رحت لأبو القيمات أشوف وش سوى بعد العصر
اللي أخبر القيمات دائرية
أنصدمت لما لقيت مثلثات ومربعات ومعيّن قلت يمكن مأثر عليه تخصصه (( كان معلم رياضيات ))
يا فلان وش القصة قال : يا شيخ أنت ذق طعمها وأحكم بالفطور .
رحت للي متزهل بالعصيرات لقيته يحط طحين تانج مع سكر ويخلطه مع ماء في الخلاطة .
قلت وش القصة قال : ما تشوف المطاعم دوم التانج في جهاز يحرك العصير عشان يزيّن نكهته .
ورحت للي يبغا يجهّز المكرونية وتوقعوا من ؟؟؟
جلوي شكله ما نكل من اللي صار في السحور الولد نفسه طويل وكان يسألني
تبون مكرونية بالفرن ولا بالكاتم (( مع العلم ماعندنا فرن ))
قلت له لا خلها بالكاتم أحسن ... الولد متخصص بالكاتم
حط المكرونية مع موية وسكر الكاتم وفسر يدينه وراح يتابع التلفزيون
أما صاحب الشوربة متميهن أقوله يللا شد همتك قال ياخي ما تطول كلها زرف وموية ساخنة وأقدع شوربة تصير
المهم مالكم بالطويلة رحت أضبط الدريم ويب ... ودبرت كرز عشان أزيّن الواجهه
وقبل الفطور بعشر دقايق كل واحد قام يبغا يجهز اللي طبخه إلا جلوي
قلت جلوي قوم جب مكرونيتك ... قال : رح شف غيري يفكّ الكاتم أنا اللي أعرفه بس أسكر الكاتم ما أعرف أفكه .
بيني وبينكم أنا بعد خايف يصير لي اللي صار له المهم تزهل فيها واحد وفكّ الكاتم وكل واحد جاب وجبته وتعالوا شوفوا
المعكرونية جلوي سوّاها بدون ملح .
العصيرات دبس كلها سكر يعني لو مافيك سكر جاك .
اللقيمات تكرم النعمة كنّها لستك مزود العجينة .
الشوربة مالحة يعني لو ما فيك ضغط جاك الضغط .
وتعالوا شوفوا الدريم ويب زيّنته بشكل مو معقول بس للأسف نسيت أحط سكر .
وبعد ذاك اليوم
قضيّنا شهر رمضان نفطر تمرة ولبن
//

\\

//

\\
يتبع

زوبعة فكر · 04-02-2008, 10:31 PM

أول يوم لي في التدريس
أتذكر دخلت المدرسة بعد حوسة وغبار وبالكاد
دليت المدرسة
سلمت على المدير ولقيت عنده خمس طلاب موقفين قلت الحمد لله المدير مهتم في تحصيلهم العلمي
على غير العادة لأنه في أغلب القُرى يهمل الطالب ولا يهتم في تحصيله العلمي
أخذني المدير يعرفني على المعلمين ويدلني المبنى بالرغم أنه حوش فيه المتوسط والإبتدائي
كنت أتحاور مع المدير قلت شلون مستوى الطلاب قال ماشي حليلين
فيه أحد المعلمين أعرفه من زمان سألته قلت وش عندهم الطلاب موقفين عند المدير
قال لي يومياً يوقف عشرة عشرين قلت ليش وش السبب قال لأنه يسلفهم يعطيهم فلوس يتفسحون ويوعدونه
أنهم يرجعونها
ومايرجعونها له

ابو أريام · 04-02-2008, 10:40 PM

هههههههههههههههه رائع

زوبعة فكر · 04-02-2008, 10:41 PM

هذا موقف حصل لي في الاختبارات
كنت أراقب في قاعة الاختبارات
وكان فيه واحد منتسب كبير في العمر وعلى نياته يختبر
كنت كاتم حريّته وكالعادة يجونا موجههين من إدارة التعليم يلاحظوا سيّر الاختبارات
دخل عليّ موجهه وأخذ له فرة في الفصل ولمّا وصل للمنتسب سأله كيف الاختبار
قال ياخي صعب علمني هذا مو راضي يساعدني ولا إذا طلعت نادي لي مدرس يلبس نظارات
أمس علمني بالاختبار
الموجهه مسكني على جنب وقال إذا خلص اختبار هالطالب لا تخليه يطلع ارسله لغرفة المدير
أرسلت الطالب وسأله الموجهه أي المعلمين اللي علمك تعرف شكله قال أيه
أخذه لغرفة التصحيح وأشر عليه الطالب
وفتح الموجهه تحقيق مع المعلم

زوبعة فكر · 04-02-2008, 10:53 PM

هذا طالب في ثالث ابتدائي معيد سنتين وفي أولى مثلهم
وأظنه بعد داخل المدرسة عمره عشر سنوات الطالب مرة مستواه ضعيف ويتشكى منه
معلم الصف المهم الطالب هذا جاني في غرفة المدرسين يسألني عن مستوى أخوه اللي
في الصف الخامس لأني أدرسه قلت مستواه كويس بس بودي تشد عليه أكثر
قال صدقني ما أخليه يلعب بالشارع أتمنى يا أستاذ إذا ما حل الواجب تعلمني
مسوي نفسه ولي أمر والمصيبه أخوه أصغر منه بأربع سنوات وبالخامس
شر البلية ما يضحك

زوبعة فكر · 04-02-2008, 11:09 PM

هذا طالب في الثالث أول يوم له في المدرسة جاي من الكويت
لقيته يمشي في الأسياب قلت ليش مو بفصلك قال لي أبغا أروح للناظرة

أجل مديرنا صار ناظرة
ما ألومه لأنه مناهجنا مختلفة عن الكويت
وحتى الكادر التدريسي

ṤǎḿǎђĕЯ · 05-02-2008, 10:20 AM

حلوة هالمقتطفات
صراحة ياحليلكم يالمدرسين
على كذه مواقف

##

تحياتي اختك CRAZY YASSER CC

زوبعة فكر · 05-02-2008, 11:13 AM

هذا طالب أعاد في الصف الرابع وفي بداية السنة الجديدة أبحث عنه في الفصل مو موجود
بالرغم إني شايفه في الساحة الصباح قلت أكيد ولي أمره استأذن له
وفي اليوم الثاني نفس الشيء الطالب مو موجود وكان عندي إشراف في الفسحة
إلا أشوفه مع زملاؤه اللي نجحوا للخامس
قلت خير وينك ما أشوفك في الرابع قال أنا بالخامس والمصيبة أنه كاذب على أهله
وعلى المدرسة وماخذ كُتب صف خامس
استدعينا ولي أمره طلع مزوّر الشهادة تخيلوا مزوّر شهادة واحد في الرابع كل اللي سوواه حط ورقة على
اسم الطالب وكتب اسمه وصورها في المكتبة
يعني لو استخدم ذكاؤه في الدراسة أجزم بأنه راح يكون متفوق
بس وش نسوي

المهم أبوه انصدم والولد المصيبة يحلف أنه ناجح يحسب المدرسة ملاهي

زوبعة فكر · 05-02-2008, 11:18 AM

هذا طالب صغيف جداً مستواه كل الطرق العلاجية مو نافعة معاه
ولي أمر واستدعيناه واهتمام واهتمينا في الطالب وحوافز وأعطيناه
مو راضي يتعدل ولا يجتهد
وبالآخر سويّت عملية يائسة وهي إني أحرمه من حصص الرياضة لأني
أشوفه يتحمس في اليوم اللي تكون عليه رياضة
لا وبعد يحط علامة الكابتنية على يده
ويلعب في دوري المدرسة
حرمته حصة وحدة وقلت له إذا ما حفظت واجتهدت راح أحرمك الحصص الباقية
سبحان الله تحوّل 180% بسبب حبه لكرة القدم

اجتهد
وهنا تكون للكورة فائدة أُخرى غير المُتعة

زوبعة فكر · 05-02-2008, 11:32 AM

مصيبة إذا جاك الموجهه وما حصل ملاحظات عليك لابد يبحث عن أي شيء
وكأنه دور الموجهه للانتقاد فقط
هذا موجهه دخل عندي بالفصل سأل الطلاب شاف مستواه جيد جداً
وكان تحضيري جاهز والدرس نموذجي
بالآخر قال لي ليش ما تكتب آخر التاريخ حرف هـــــ يعني وقفت على هذي
قلت أبشر رد عليّ قال لابد الطالب يفرق بين الهجري والميلادي وش عرفه أنه التاريخ
هذا هجري

هلالي قحطاني 20 · 05-02-2008, 01:11 PM

هههههههههههههههههههه
مشكوووووووور أخوي

ذابحها الدلع · 05-02-2008, 02:01 PM

زوبعه

أنا خلاص قلبي عورني من الضحك

خاصه في وقت رمضان ههههههههههه

والدجاجه اللي بالسقف والقدر الكاتم ههههههههههههههههههههههههه

مررره مواقفك حلووه وتضحك

نستنى الباقي

**فرحتي يوم لقياك** · 05-02-2008, 02:55 PM

*
*

اهليييييين زوبعه

مذكرات معلم

ماشاء الله عاد إنتم يالمعلمين كثيييييييييير المواقف الطريفه إلى تصيرلكم

مواقف تبقى
في الذكرى وددت طرحها بفكرة استعادتها بابتسامة

حلو إنه نحتفظ بالذكريات والمواقف
والمضحكه ،يمكن تكون هي الشى الوحيد إلى ننسى معاه الحزن فى بعض الأوقات

نروح لبعض المواقف

الموقف الاول

ابو الولد واثق من ولده يحرام شكلك صدمته
تعرف لة تجينى ام طالبه كذا شكلى ماتخلص السنه الاولى إلا جاينى ضغط
بس موقف يضحك الله يعينك على الناس إلى كذا

موقف رمضان والفطور

احلى احلى موقف
((جلوى ))تحفه بصراحه فيه احد يفتح قدر الضغط وهو ماخرج الهواء والدجاجه طييييييير هههههههههههههههههه
الحمدلله بس انه ماصار إنفجار او انحرق صاحبك
شكله يبغاله دوره بالطبخ
ماشاء الله عليك انت ماسك الدريم ويب واخرتها تنسى السكر هههههههههههههههههههههه

مصيبة إذا جاك الموجهه وما حصل ملاحظات عليك لابد يبحث عن أي شيء
وكأنه دور الموجهه للانتقاد فقط

ترى انا بنت موجه بس ((بابا)) ماينتفد ولايحب يكبر المواضيع
يعنى معقوله مثل ماتقول يحبون الإنتقاد على اتفه سبب
خلاص راح اقوله يروح لمدرستك يشوف كيف تدرس الطلاب
بس مااعرف المدرسه>>> براااااااا

زوبعة فكر

اسلوبك رائع فى طرح المواقف
والله يعينك ويصبرك على الطلاب واولياء امورهم وعلى الطريق كمان
أعذرنى مااقدرت اعلق على جميع المواقف لضيق الوقت بس والله مووووووت ضحك عليها
الله يعطيك الف الف عافيه

دمت بود

04-02-2008, 09:34 PM	#1
زوبعة فكر مطرود من الملعب	مُـذكرات مُـعلّم مواقف تبقى في الذكرى وددت طرحها بفكرة استعادتها بابتسامة الموقف الأول : بما إني معلم مرحلة ابتدائية دايم أرسل إشعارات لولي الأمر أوضح فيها المهارات الأساسية اللي ما أتقنها ولده المهم هذا ولي أمر طالب جاني يستفسر ليش ولدي ضعيف بمادة القراءة مع أنه ممتاز في القراءة سألته كيف ممتاز في القراءة أنت تتابعه قال لا بس إذا سافرنا دايم يقرأ لي اللوحات ويقول لي باقي 200 على القصيم وباقي 100 على الرياض سألت ولي الأمر سؤال بريء أنت تعرف تقرأ قال لي لا الغريب أنه مو مقتنع المفروض ياخذ ولده لدلة يختبر رخصة سواقة . الموقف الثاني : هذا طالب في الصف الرابع مايعاني من أي قصور ذهني سوى أنه شارد الذهن دايم الطالب جداً هادئ وتحصيله العلمي جيد وإن كان يعاني من عزلة أحياناً وأحاول أدخله جو الفصل والمعلمين كلهم يشتكون من هالشيء وأخيراً عرفت السبب لمّا جيت جنبه لقيته كاتب على الجدار أبو صوفيا وكان هالموقف الظاهر أيام ستار أكادمي مدري سوبر ستار المهم قلت مين صوفيا هذي سؤال بريء رد عليّ بشكل عفوي اللي تطلع في الدش أرسلت الطالب للمرشد عشان يستدعي ولي أمره ونناقش معه الأمر ولي الأمر كان متجاوب جداً جاني من بكرى يقول خير وش فيه بديّت أمهد له الموضوع عشان ما يعاقب ولده بشكل سلبي قلت له ياليت بعض القنوات عندكم تلغونها لأنه فيه برامج ما تناسب الأطفال وتخليهم يتأثرون لأنه بهالعمر الطفل قابل لإكتساب خبرات عديدة قال لي خير وش السالفة قلت ولدك يتابع برامج مسابقة مايناسب عمره كان ولده موجود سأله قال وش تتابع أنت رد الولد بعفوية وعلى نياته قال اللي تقول عنها مزيونة وحلوة صوفيا هنا ولي الأمر ما نطق ولا كلمة قال خير إن شاء الله بعدها بفترة أراقب الجدران أقول يمكن الولد عقل طبعاً بعد ما مسح كل اللي كتبه بالقلم الرصاص . لقيته كاتب أبو صوفيا على المساحة حقته . الموقف الثالث : كان فيه طالب عندي ضعيف جداً في الإملاء والقراءة استدعيت ولي أمره عشان يشدون عليه ويتابعونه في البيت جا ولي الأمر واستعرضت له كل المهارات اللي ما اتقنها ووضحت له ملاحظاتي اللي في دفتر الواجبات المهم ولي الأمر أتضايق قال للمرشد ياليت تستدعونه أبغا أناقشه قدامكم قلت أكيد يبي يحرج ولده قدامنا ويتعهد لنا أنه راح يكون مجتهد جا الولد قال له شوف إذا ما اجتهدت ترى ما تروحي معي للبعارين والورشة إذا ما شديّت حيلك الأيام الجاية . هنا عرفت وش اللي ضيّع الولد يعني مضيعه عن دراسته كل ظهر ياخذه للبعارين ومن العصر إلى العشاء وهو بالورشة شلون يجتهد . الموقف الرابع : هذولا طلابين عندي أخوان واحد مجتهد ومتابع بشكل مستمر والثاني كسلان ومهمل وفي كل مرة ألقى واحد يفتن عن الثاني الكسلان يقول أمه هي اللي تحل له والمجتهد يقول تراه حل في الفصل هنا عرفت أنهم أخوان من الأب مو أشقاء استدعيت ولي الأمر عشان أناقش معه هالشيء حضر ولي الأمر قلت لابد تكون رعايتك لهم متساوية لأنه فيه فرق بينهم بالمستوى رد عليّ رد عوّر قلبي قال من شان كذا تزوجت عليها يقصد أم الكسلان هنا غسلت يدي ومشيت وخليته مع المرشد . // \\ // \\ // لازلت الذاكرة متخمة بالمواقف يتبع

04-02-2008, 09:59 PM	#2
بنت الحوت الأزرق قناص جديد	رد: مُـذكرات مُـعلّم !!! اول مرة اكون اول شخص يرد على موضوع !!! هههههههههههههههههههههه روووووووووعة يعطيك العافية بس هذي الحقيقة ان الاطفال ينقلون اللي موجود في ][البيت][

04-02-2008, 10:10 PM	#3
زوبعة فكر مطرود من الملعب	رد: مُـذكرات مُـعلّم حاولت البحث في الذاكرة عن مواقف رمضانية عالقة في الذهن فلم أجد أقسى من تلك الأيام التي كنت فيها بعيد عن الأهل والأحباب فهذا الشهر الفضيل وذلك بسبب تعييني في قرية تبعد عن مدينتي 280 كيلو ممّا يلزم علينا المكوث فيها كنّا اثنا عشر معلم محشورين في ثلاث غرف غرفة نسميها مجلس وفيها يتبطح أربع معلمين بسبب ضيق المكان وغرفة النوم المستعمرة وغرفة حوّلناها إلى مطبخ وكان السبب قلة الأماكن المستأجرة في تلك القريّة التي أشبه ما تكون معزولة فالخدمة الوحيدة فيها الجوّال وإن كان البث دائماً ما يكون (( الشبكة مشغولة )) وأشكّ أنه فيه شبكة بالأصل المهم في أول ليالي رمضان عقدنا الاتفاق على تحمّل المسؤولية فليس هناك سنبوسة جاهزة ولا شربة محضرة نشتريها للإفطار من مطعم أو حتّى بقالة لانعدام المطاعم في تلك المنطقة ... لذا اضطر أحد الزملاء إلى الذهاب إلى أقرب بقالة 50 كيلو على خط المدينة يعني أغسل يدك يتردد عليها الواحد في اليوم غير مرة بدأنا بكتابة المستلزمات (( شوربة ,, معكرونية ,, توت ,, تانج ,, لبن ,, شعيرية ,, طحين للقيّمات ,, وزيت عافية _ لزوم القلي _وكان أحد المتطلبات من قِبلي _دريم ويب _ كنت مصممّ على عمّل حلوى )) كان السحور كالعادة رز مع الدجاج بقدر كاتم صيني وكان الشيف جلوي لأول مرة يبغا يطبخ لنا وكان اللي يعرفه يفكّ الدجاجة ويحطها مع موية ورز ويسكّر عليها ويجينا مفسر يدينه ويقول ياني طابخ لكم طبخة جلس عندنا نصف ساعة وقال تبغون السحور كانت الساعة ثلاث ونصف راح جلوي ما سمعنا إلا ضربة ظنيتها بالبداية مدفع ينبهنا للسحور جينا نركض للغرفة قصدي للمطبخ ... إلا الدجاجة بالسقف لاصقة وغطا القدر بفمّ جلوي بالزاوية والسبب أنه فتح على الكاتم بدون ما يفكّ الضغط .. وراحت أول ليلة لاحنا اللي أكلنا رز ولا دجاج اكتفينا بتمر وبعد صلاة الفجر نمنا من شان الدوّام وكنا فرق كل ثلاثة بقرية يعني متوزعين اللي قريته 10 كيلو من السكن واللي 20 واللي 30 المهم رجعنا واجتمعنا قبل صلاة العصر الساعة ثلاثة وكان جلوي غايب لأنه جته أم الركب بعد قدر الكاتم المهم جينا خدّرانين اللي سنونه ترقل بسبب الردمية واللي الغبار في مخابيه واللي واللي حالة ما يعلم بها إلا الله كلهم ودهم ينامون لكن أنا كنت أذكرهم بالاتفاق وماسك بين يديني علبة دريم ويب (( متحمّس أبغا أذوقهم الحلى على أصوله )) أعجبني واحد منهم كان هو الوحيد المتحمّس يبغا يسوي لقيمات قال أبغا أجهزها الحين بس مسكوني الطحين وزيت عافية وكنت متشوق للقيمات المهم أنا بديت أشرف عليهم وأحمسهم ولسى ما سويت شيء رحت لأبو القيمات أشوف وش سوى بعد العصر اللي أخبر القيمات دائرية أنصدمت لما لقيت مثلثات ومربعات ومعيّن قلت يمكن مأثر عليه تخصصه (( كان معلم رياضيات )) يا فلان وش القصة قال : يا شيخ أنت ذق طعمها وأحكم بالفطور . رحت للي متزهل بالعصيرات لقيته يحط طحين تانج مع سكر ويخلطه مع ماء في الخلاطة . قلت وش القصة قال : ما تشوف المطاعم دوم التانج في جهاز يحرك العصير عشان يزيّن نكهته . ورحت للي يبغا يجهّز المكرونية وتوقعوا من ؟؟؟ جلوي شكله ما نكل من اللي صار في السحور الولد نفسه طويل وكان يسألني تبون مكرونية بالفرن ولا بالكاتم (( مع العلم ماعندنا فرن )) قلت له لا خلها بالكاتم أحسن ... الولد متخصص بالكاتم حط المكرونية مع موية وسكر الكاتم وفسر يدينه وراح يتابع التلفزيون أما صاحب الشوربة متميهن أقوله يللا شد همتك قال ياخي ما تطول كلها زرف وموية ساخنة وأقدع شوربة تصير المهم مالكم بالطويلة رحت أضبط الدريم ويب ... ودبرت كرز عشان أزيّن الواجهه وقبل الفطور بعشر دقايق كل واحد قام يبغا يجهز اللي طبخه إلا جلوي قلت جلوي قوم جب مكرونيتك ... قال : رح شف غيري يفكّ الكاتم أنا اللي أعرفه بس أسكر الكاتم ما أعرف أفكه . بيني وبينكم أنا بعد خايف يصير لي اللي صار له المهم تزهل فيها واحد وفكّ الكاتم وكل واحد جاب وجبته وتعالوا شوفوا المعكرونية جلوي سوّاها بدون ملح . العصيرات دبس كلها سكر يعني لو مافيك سكر جاك . اللقيمات تكرم النعمة كنّها لستك مزود العجينة . الشوربة مالحة يعني لو ما فيك ضغط جاك الضغط . وتعالوا شوفوا الدريم ويب زيّنته بشكل مو معقول بس للأسف نسيت أحط سكر . وبعد ذاك اليوم قضيّنا شهر رمضان نفطر تمرة ولبن // \\ // \\ يتبع التعديل الأخير تم بواسطة زوبعة فكر ; 04-02-2008 الساعة 10:13 PM

04-02-2008, 10:31 PM	#4
زوبعة فكر مطرود من الملعب	رد: مُـذكرات مُـعلّم أول يوم لي في التدريس أتذكر دخلت المدرسة بعد حوسة وغبار وبالكاد دليت المدرسة سلمت على المدير ولقيت عنده خمس طلاب موقفين قلت الحمد لله المدير مهتم في تحصيلهم العلمي على غير العادة لأنه في أغلب القُرى يهمل الطالب ولا يهتم في تحصيله العلمي أخذني المدير يعرفني على المعلمين ويدلني المبنى بالرغم أنه حوش فيه المتوسط والإبتدائي كنت أتحاور مع المدير قلت شلون مستوى الطلاب قال ماشي حليلين فيه أحد المعلمين أعرفه من زمان سألته قلت وش عندهم الطلاب موقفين عند المدير قال لي يومياً يوقف عشرة عشرين قلت ليش وش السبب قال لأنه يسلفهم يعطيهم فلوس يتفسحون ويوعدونه أنهم يرجعونها ومايرجعونها له

04-02-2008, 10:40 PM	#5
ابو أريام قنــاص مبــدع	رد: مُـذكرات مُـعلّم هههههههههههههههه رائع التوقيع: يـــســـلمـــو على التوقيع التوب

04-02-2008, 10:41 PM	#6
زوبعة فكر مطرود من الملعب	رد: مُـذكرات مُـعلّم هذا موقف حصل لي في الاختبارات كنت أراقب في قاعة الاختبارات وكان فيه واحد منتسب كبير في العمر وعلى نياته يختبر كنت كاتم حريّته وكالعادة يجونا موجههين من إدارة التعليم يلاحظوا سيّر الاختبارات دخل عليّ موجهه وأخذ له فرة في الفصل ولمّا وصل للمنتسب سأله كيف الاختبار قال ياخي صعب علمني هذا مو راضي يساعدني ولا إذا طلعت نادي لي مدرس يلبس نظارات أمس علمني بالاختبار الموجهه مسكني على جنب وقال إذا خلص اختبار هالطالب لا تخليه يطلع ارسله لغرفة المدير أرسلت الطالب وسأله الموجهه أي المعلمين اللي علمك تعرف شكله قال أيه أخذه لغرفة التصحيح وأشر عليه الطالب وفتح الموجهه تحقيق مع المعلم

04-02-2008, 10:53 PM	#7
زوبعة فكر مطرود من الملعب	رد: مُـذكرات مُـعلّم هذا طالب في ثالث ابتدائي معيد سنتين وفي أولى مثلهم وأظنه بعد داخل المدرسة عمره عشر سنوات الطالب مرة مستواه ضعيف ويتشكى منه معلم الصف المهم الطالب هذا جاني في غرفة المدرسين يسألني عن مستوى أخوه اللي في الصف الخامس لأني أدرسه قلت مستواه كويس بس بودي تشد عليه أكثر قال صدقني ما أخليه يلعب بالشارع أتمنى يا أستاذ إذا ما حل الواجب تعلمني مسوي نفسه ولي أمر والمصيبه أخوه أصغر منه بأربع سنوات وبالخامس شر البلية ما يضحك

04-02-2008, 11:09 PM	#8
زوبعة فكر مطرود من الملعب	رد: مُـذكرات مُـعلّم هذا طالب في الثالث أول يوم له في المدرسة جاي من الكويت لقيته يمشي في الأسياب قلت ليش مو بفصلك قال لي أبغا أروح للناظرة أجل مديرنا صار ناظرة ما ألومه لأنه مناهجنا مختلفة عن الكويت وحتى الكادر التدريسي

05-02-2008, 10:20 AM	#9
ṤǎḿǎђĕЯ المتابعه المميزه للقناص	رد: مُـذكرات مُـعلّم حلوة هالمقتطفات صراحة ياحليلكم يالمدرسين على كذه مواقف ## تحياتي اختك CRAZY YASSER CC التوقيع: وأشتـآقْ صوّتكْ آلذي يطربنٍيْ . ......آهآتٍفكْ وآتخبط بينْ حنيني وكبريآئي ، ................................. لآيمكن الإتصآل الآن ! ................................... \| آبتسٍم لٍـ غبآئي وتعلقيّ المجنونْ بك .. ,

05-02-2008, 11:13 AM	#10
زوبعة فكر مطرود من الملعب	رد: مُـذكرات مُـعلّم هذا طالب أعاد في الصف الرابع وفي بداية السنة الجديدة أبحث عنه في الفصل مو موجود بالرغم إني شايفه في الساحة الصباح قلت أكيد ولي أمره استأذن له وفي اليوم الثاني نفس الشيء الطالب مو موجود وكان عندي إشراف في الفسحة إلا أشوفه مع زملاؤه اللي نجحوا للخامس قلت خير وينك ما أشوفك في الرابع قال أنا بالخامس والمصيبة أنه كاذب على أهله وعلى المدرسة وماخذ كُتب صف خامس استدعينا ولي أمره طلع مزوّر الشهادة تخيلوا مزوّر شهادة واحد في الرابع كل اللي سوواه حط ورقة على اسم الطالب وكتب اسمه وصورها في المكتبة يعني لو استخدم ذكاؤه في الدراسة أجزم بأنه راح يكون متفوق بس وش نسوي المهم أبوه انصدم والولد المصيبة يحلف أنه ناجح يحسب المدرسة ملاهي

05-02-2008, 11:18 AM	#11
زوبعة فكر مطرود من الملعب	رد: مُـذكرات مُـعلّم هذا طالب صغيف جداً مستواه كل الطرق العلاجية مو نافعة معاه ولي أمر واستدعيناه واهتمام واهتمينا في الطالب وحوافز وأعطيناه مو راضي يتعدل ولا يجتهد وبالآخر سويّت عملية يائسة وهي إني أحرمه من حصص الرياضة لأني أشوفه يتحمس في اليوم اللي تكون عليه رياضة لا وبعد يحط علامة الكابتنية على يده ويلعب في دوري المدرسة حرمته حصة وحدة وقلت له إذا ما حفظت واجتهدت راح أحرمك الحصص الباقية سبحان الله تحوّل 180% بسبب حبه لكرة القدم اجتهد وهنا تكون للكورة فائدة أُخرى غير المُتعة

05-02-2008, 11:32 AM	#12
زوبعة فكر مطرود من الملعب	رد: مُـذكرات مُـعلّم مصيبة إذا جاك الموجهه وما حصل ملاحظات عليك لابد يبحث عن أي شيء وكأنه دور الموجهه للانتقاد فقط هذا موجهه دخل عندي بالفصل سأل الطلاب شاف مستواه جيد جداً وكان تحضيري جاهز والدرس نموذجي بالآخر قال لي ليش ما تكتب آخر التاريخ حرف هـــــ يعني وقفت على هذي قلت أبشر رد عليّ قال لابد الطالب يفرق بين الهجري والميلادي وش عرفه أنه التاريخ هذا هجري

05-02-2008, 01:11 PM	#13
هلالي قحطاني 20 قنــاص فعــال	رد: مُـذكرات مُـعلّم هههههههههههههههههههه مشكوووووووور أخوي التوقيع: يـاســــر الـــقـحـــطـانـــي عشقي الأول إلي ماله ثاني..!

05-02-2008, 02:01 PM	#14
ذابحها الدلع قنــاص مبــدع	رد: مُـذكرات مُـعلّم زوبعه أنا خلاص قلبي عورني من الضحك خاصه في وقت رمضان ههههههههههه والدجاجه اللي بالسقف والقدر الكاتم ههههههههههههههههههههههههه مررره مواقفك حلووه وتضحك نستنى الباقي التوقيع: تبي تربح المليون ارعص هوون

05-02-2008, 02:55 PM	#15
فرحتي يوم لقياك عضـو اللجنـة الإعلاميـة و [هلالي مميز]	رد: مُـذكرات مُـعلّم * * اهليييييين زوبعه مذكرات معلم ماشاء الله عاد إنتم يالمعلمين كثيييييييييير المواقف الطريفه إلى تصيرلكم مواقف تبقى في الذكرى وددت طرحها بفكرة استعادتها بابتسامة حلو إنه نحتفظ بالذكريات والمواقف والمضحكه ،يمكن تكون هي الشى الوحيد إلى ننسى معاه الحزن فى بعض الأوقات نروح لبعض المواقف الموقف الاول ابو الولد واثق من ولده يحرام شكلك صدمته تعرف لة تجينى ام طالبه كذا شكلى ماتخلص السنه الاولى إلا جاينى ضغط بس موقف يضحك الله يعينك على الناس إلى كذا موقف رمضان والفطور احلى احلى موقف ((جلوى ))تحفه بصراحه فيه احد يفتح قدر الضغط وهو ماخرج الهواء والدجاجه طييييييير هههههههههههههههههه الحمدلله بس انه ماصار إنفجار او انحرق صاحبك شكله يبغاله دوره بالطبخ ماشاء الله عليك انت ماسك الدريم ويب واخرتها تنسى السكر هههههههههههههههههههههه مصيبة إذا جاك الموجهه وما حصل ملاحظات عليك لابد يبحث عن أي شيء وكأنه دور الموجهه للانتقاد فقط ترى انا بنت موجه بس ((بابا)) ماينتفد ولايحب يكبر المواضيع يعنى معقوله مثل ماتقول يحبون الإنتقاد على اتفه سبب خلاص راح اقوله يروح لمدرستك يشوف كيف تدرس الطلاب بس مااعرف المدرسه>>> براااااااا زوبعة فكر اسلوبك رائع فى طرح المواقف والله يعينك ويصبرك على الطلاب واولياء امورهم وعلى الطريق كمان أعذرنى مااقدرت اعلق على جميع المواقف لضيق الوقت بس والله مووووووت ضحك عليها الله يعطيك الف الف عافيه دمت بود التوقيع: : + أستغفر الله العظيم الذي لاإله إلاهو الحي القيوم .. ask Twitter F التعديل الأخير تم بواسطة فرحتي يوم لقياك ; 05-02-2008 الساعة 03:38 PM