في خيال صراعات العالم المجنونه..
وبين ثنايا الفصول المتعاقبـه كان لابد للحب والشر أن يلتقيان
ويجمعهما خيال خصب لنروي لكم قصـه عن ألف
قصـه..)

أسـم الروايـه:
تعـال أسكن نبض (..قلبي..) وشوف اللي لك
أخفيتـه.،
تعاااااااال وكلنـي , فدوووهـ , عيون اللـــي
تباطيته؛

الكاتبـه:
حـ سعودي ـلاها..

الشخصيات:
عائلـه أبونواف:
خالد: أبونواف ورجل أعمال كبيـر ومتفهم وعاقل له
3 أولاد و4 بنات وزوجتـه إيطاليـه ..

سوزي: أم نواف إيطاليـه تزوجت أبونواف أثناء تواجده
في إيطاليا لأنهاء أحدى صفقاته وأسلمت وأنجبت منه
أولادهـ..

سلوى: البنت الكبرى لأبونواف عمرها 27 متزوجـه وعندها
ولد ( تركي)..وسيمـه حيل وناعمـه وخذت من جمال أمها الشيء
الكثير وطيبـه حيل ومتخرجه من الجامعه..

نواف: أكبر عيال أبونواف بعد سلوى وعمره 25 متخرج من جامعـه أكسفورد البريطانيه ( أداره أعمال) وهو أيضا شاب يعمل مع أبوهـ في عمله وجامع بين صفات الشاب الشرقي وبين الصفات الأيطاليه.. جسمـه
رياضي وملامح جماله شرسه جداً وحنطي البشره رغم مياله للبياض عيونـه مثل عيون أبوهـ الكبيره والسوداء والجميلـه عنيد لكن حنون..

فدوى: عمرها 22 وتدرس بجامعه الملك سعود ( علم نفس) حلوه وناعمه
وشعرها أشقر وعيونها زرق على أمها طيبـه لكن حذره جداً في تعاملاتها
لكنها خفيفه دم وحركـتها كثيره ..

ذكرى: عمرها 19 سنه وتدرس مع أختها بنفس الجامعـه لكن بتخصص (أدب أنجليزي) هاديه جداً عكس أختها وجماله مو طبيعي غير عن كل خواتها صحيح خواتها جميلات لكن هي جامعه بين جمال البنت الخليجيه وبين عذوبه الأيطاليات شعرها أسود لنص الظهر وعيونها كبيرهـ ولونها (رصاصي) طويلـه وأنيقـه كانت أجمل خواتها..

سلطان: عمرهـ 17 ويدرس بثاني ثانوي (علمي) ذكي جداً وخفيف دم خلوق لكنه مايحب أحد يأمر عليه ويحب يستقل بنفسه في كل شيء ويمكن للسن اللي يمر فيها دور في ذلك..

ليلى: عمرها 15 وتدرس بثالث متوسط كانت جميلـه حيل صحيح صغيره لكنها كانت مثل أختها ذكرى بالجمال وشعرها طويل حيل تحت الظهر وأنيقـه وتحب التملك وعاطفيـه حيل..

عبدالله: أصغـر العائله أو أخر العنقود ويدرس بثالث أبتدائي شقي جداً وحركته كثيره ولايخاف من أحد بالبيت ولاخارجه كان مدلل بحكم وضعه لكن كانوا يندمون على دلاله بسبب أحراجه لهم بكثره الحركه الشقاوه يحب الكوره حيييل ويعشق الهلال..
:

عائله أم نبيل:
ام نبيل: أخت أبونواف ومره كبيره بالسن لكنها شريرهـ للأسف وتحب نفسها وأنانيـه..
نبيل: ولدها وعمره 24 وهو شاب فاهم ومؤدب متوظف بشركه ومعاه بكالوريوس كمبيوتر..

رغـد: بنت أم نبيل وللأسف بنت عنيده وفاشلـه بدراستها تخرجت من الثانوي ودرست بالجامعه وفصلت منها بسبب سوء تصرفاتها وعمرها 23 تحب نواف لكن نواف مايرغبها أبداً..

عائلـه أبوماجد:
أبوماجد: اخو أبونواف وعنده 3 بنات وولد وهو أكبر أخوانه صحيح ماهو مثل ابو نواف غني حيل لكن ربي ميسرها له..

أم ماجد: زوجتـه طيبـه حيل وخلوقه وتخاف ربها وتحب فعل الخير ولاتحب المشاكل مسالمه لأبعد حد..

نورهـ: بنتهم الكبيره وعمرها 30 متزوجـه وعندها بنتين وولد ( علي؛ أريج؛ خلود) أريج تدرس بإولى أبتدائي وعلي وخلود لسى حلوه وطيبـه..

ماجد: ولدهم الوحيد عمره 25 وهو صديق نواف ولد عمه وقريب منه يشتغل بشركه عمه أبونواف ومتخرج مع نواف من نفس الجامعه شاب مثقف وعنيد ومتمسك بالعادات والتقاليد حيل لون بشرته برونزي وطويل ووسيم..

أمل: عمرها 19سنه وتدرس بالجامعه مع بنات عمها قريبـه لذكرى بإعتبار عامل السن وكذلك تدرس معاها بنفس التخصص ( أدب أنجليزي) حلوه حيييل وناعمه ودمها خفيف..

الهنوف: عمرها 16 سنه حساسه حيل وتدرس بإول ثانوي وهي أحلى خواتها لو بشرتها برونزي لكن شعرها لونه بني كثيف وطويل وعيونها سود وأنيقـه ومرتبه لكنها عنيـده وتأخذ حقها بلسانها..
:

فكـرهـ الروايـه:
مستـقاهـ من المجتمـع السعودي بكل همومـه ومشاكلـه وأختلاف عاداتـه وتقاليدهـ ومستقاهـ
من أحداث تحدث ونشاهدهـا بإستمرار..
أرجـو إن أكـون وفقــت..

البــارت الأول..

في بيت أبونواف كان بيتـه كبير مره وأشبه مايكون بالقصر فخم جداً
وكل واحد من عياله مستقل بقسم عن الأخر وفيه ملعب كبير ومسبح..

أبونواف في بيتـه الصبح واقف على الدرج : يلااااا يانواف تأخرنا وينك صار لي ساعه عجل يابوك عندنا وفد اليوم.
ذكرى نازله مع الدرج: صباح الخير يبـه..
أبونواف: هلا يبـه صباح النوريابنيتي اصعدي شوفي لي نواف وينه ساعه أنتظره..
ذكرى: هههههههه طيب أبشر..
نزلت فدوى من الدرج هي وليلى وشافوا ابوهم وذكرى واقفين..
البنات: قوووود مورنينج بابا..
أبونواف: أيه هلا والله ورى ماتكلمين عربي أنتي وهي..
فدوى: ههههههههه يبه هذا وانت متزوج أيطاليه..
أبونواف: لو داري بتتأثرون ماتزوجتها ..
نزلت أم نواف وسمعتهم وكانت مره مجيده للعربي بحكم انها عاشت 30 سنه بالسعوديه..
أم نواف: وليش ماتزوجني عسى مايكون مالي عينك غيري..
ابونواف: لا من يقول..
البنات: ههههههههههههههههههههههههههههههههههههه
ذكرى: بشوف لك نواف يبـه..
أبونواف: أي والله يابنيتي وعجلي عليه..
ليلى: شوي شوي كلش ولانواف حبيبي خلوه على راحته بليز بابا لاتضغط عليه..
أبونواف: ووجع انشاء الله بنت هو ماأضغط عليه اخوك رجال أعقلي بس..


( ذكرى تضرب عل باب نواف)..
نواف: هاه يالله صباح خير من.؟
ذكرى: أنا ذكرى ممكن أدخل..
نواف: أيه أدخلي تصدقين أحسبك واقع ههههه
ذكرى:ههههه يامليح ابوي يبيك أخلص بس..
نواف: هاه ياويلي اليوم عندنا وفد لايكون معصب بس..
ذكرى: ( تبي تخوف نواف) إلا وماسك العقال بيده بعد..
نواف: ايه عادي بيقطعه على ظهرك انتي وخواتك يلا أطلعي وعطيني عرض أكتافك بتحمم وأجي..
ذكرى: هييييييييه ماتحممت ياخبل ابوي واقف لك عند الدرج أخلص اقول..
نواف: طيب لاتدفين قلنا نتحمم وننزل..
ذكرى: أوكي بطلع تبي شيء..
نواف: لاسلامتك..


( نزلت ذكرى شافت العائله مجمعين على الفطور)..
أبوها: وين أخوك.؟
ذكرى: يقول بيتحمم وينزل..
أبوه: الله لايبارك فيه وش فيه اليوم..
ذكرى: مدري يقول بتحمم وبنزل..
عبودي: الحمدلله مب بس عبودي اللي يأخركم هذا ولدكم الكبير مأخرنا
ومأخرك مره ثانيه لاتصحوني وهم نايم حالي من حاله..
سلطان: لعنبوأبليسك ماتمسك لسانك أنت أسكت لايشوتك ابوي ماتشوفه معصب..
عبودي: أنا ماأنشات أنا مثل ياسر( يقصد ياسر القحطاني بحكم عشقه للهلال) أشوت بس ماأنشات..
أبوه: ههههههههههههههههههههههه..
( نواف وهو نازل مع الدرج بسرعه)..
نواف: صبااااح الخير يبـه صباح الخير يمه..
أبوه: صباح النور بدري كان مانزلت وينك لي ساعه..
نواف: العذر يبه بس أمس مانمت إلا متأخر وهذاني يلا سرعه.
أبوه: ( يعرف ولده زين عمره ماتأخر دقيق ومنظم بس وش فيه اليوم مب طبيعي): فيك شيء يابوك..
نواف حس بنظرات أبوه وقال بإرتباك: لاسلامتك مافيني شيء..
عبودي: وش فيـه بعد مدلع توه صاحي نوم وأنا صاحي بدري شف عيونه متورمه من النوم خخخخخخخخخخخخخخخخخخخخخخخخخخخ ويأشر بصبعـه الصغيره الطفوليه على نواف..
نواف بعصبيـه: عبدالله أفطر وأطلع أحسن لك..
أبوه تأكد أن فيه شيء وحب يهدي الوضع: يلا يانواف مشينا..
نواف: يلا..


بالسيـارهـ:
أبونواف: نواف ياوليدي وش فيك منت بطبيعي عسى ماشر.؟
نواف: هاه لاماشـر يبه بس قلت لك سهران أمس ولانمت كويس..
أبوه: مب من عادتك تحب السهر يابوك فيك شيء..
نواف: لابس كانوا فيه الشباب وخذانا الوقت..
أبوه وهو غير مقتنع: حصل خير..

( وصلوا الشركه وكان ماجد بإنتظارهم عند الباب):
ماجد: صباح الخير عمي وينكم تأخرتوا.؟
ابونواف: هلا يبه عسى وصلوا الجماعه بس نواف الله يهديه مدري
وش فيـه.
ناظر ماجد نواف بنظره مايعرف اللي فيها من كلام غيرهم ثم قال: حصل خير ياعمي وهم بالطريق..
أبونواف: زين أجل خلك أنت ونواف هنا أنا بطلع مكتبي وانتم أنتظروهم..
نواف وماجد: سم..
ماجد بعد ماشاف عمه بعيد عنهم: نواف عسى ماعرف عمي بالسالفه..
نواف: لاوش مجنون أنا محد عرف وقلت لهم أني مانمت كويس ماحسستهم أني الى الان مانمت..
ماجد: حلو حلو والله ربك ستر وإلا كان صارت فضحتنا بجلاجل..
نواف: ههههههههه حلوه جلاجل بس والله ياماجد قلبي محروق ودي أطحنها هالأدميه وش ماتحس هي..
ماجد: إي والله فشلتنا..
نواف: اللي قاهرني دلال عمتي لها الزايد اللي خرب أخلاقها..
ماجد: يارجال والله ماضايعن فيها إلا نبيل المسكين ماله وجه ابد الله ياخذها بس..
نواف: أستغفر ربك لاتدعي عندنا خوات..
ماجد: إيه أنت صادق..


( ذكرى كانت مع أمل بنت عمها بالجامعه في الكافيتيريا يسولفون )
ذكرى: أمول تعالي لنا اليوم..
أمل: مدري والله ماأعتقد من يجيبني ماجد مافيه أمل..
ذكرى: ليش.؟
أمل: مدري مارقد أمس ماجاء البيت إلا الصبح الساعه 6 ودخل غرفته مسرع بدل جابني هنا وطلع..
ذكرى: غريبـه ماسألتوهـ.؟
أمل: لاوش نسأله مجنونه أصلا هوقايل أني نايم بس أنا شفته وهو داخل البيت..
ذكرى: اهااا حتى نواف والله مدري وش فيه اليوم مانام كويس..
أمل: الله يستر..
ذكرى: وش منه تلقينهم سهرانين باستراحتهم وإلا بمكان.!
أمل: لاوجه ماجد ماكان كويس ..
ذكرى حست بخوف خصوصا أنو نواف ماكان طبيعي بس ماحبت تبين لأمل علشان ماتخوفها وقالت بسرعه: طيب أرسل لك السواق..
أمل: تعرفين طبع ولد عمك مايحتاج مايبينا نركب مع سواقين بلحالنا..
ذكرى : أجي أنا وعبودي معاه.
أمل : اذا كذا أوكي..
ذكرى: أوكي قومي للمحاضره..
أمل: يلااااا..


( في بيت أم نبيل كان الجو هادي بعد موجات صراخ وضرب عارمه)
أم نبيل وهي تضرب غرفه نبيل: نبيل يمه قوووم وش فيك..
نبيل ماكان نايم واللي سوته أخته مو شوي علشان يجيـه النوم..
نبيل: هلا يمه تعالي منب نايم..
أمه: وش فيك يمه ليش مارحت للدوام..
نبيل بتوتر: ومن له نفس يروح بعد اللي سوته بنتك..
أم نبيل بعصبيـه: وش فيها بنتي وش سوت.؟
نبيل بعصبيـه أكبر: كافي يمه فشلتينا ونزلتي رؤوسنا بالأرض وش اللي ماسوته بنتك ربيها زين أدبيها شوفي بنات خوالي ماشاء الله أدب وحشمه وأخلاق..
أم نبيل: نبيل أبعد عن أختك أحسن لك..
نبيل: شوفي أنا تركتها لك كل هالسنين لكن لو أدري أنها فاتحه باب البيت كسرت رقبتها تسمعين.!
أم نبيل: وش لــه كل هذا مسويه جريمه بنتي غلطه وماتكرر!
نبيل: وش غلطـه وماتكرر بمقهـى تشرب شيشـه قدام خلق الله وتجاهر وشايله غطاها يعني يابنات شوفوني منب خايفه من أحد وتقولين وش سوت أنا وأنا رجال ماسويت فعلتها..
أم نبيل: قلت لك غلطـه.!
نبيل: أنا علمتك أنتي وهي لو تطلع من باب الصاله كسرت رقبتها.. أنا طالع يلا سلام..
أم نبيل: تعال وين رايح.؟
نبيل: لأي جو نظيف وطاهر هالبيت أعوذ بالله ماكأنه بيت مسلمين..
أم نبيل حست بكلمه ولدها بالصميم وقالت: مع السلامه..


( في بيت أبونواف كانوا على الغداء)..
نواف كان جالس لمجرد أهله مايحسون بشيء وكانو اضح عليه الارهاق خصوصا أنه تعب في الشغل وهو الان كمل يومين بدون نوم..
ذكرى: يبـه ترى بروح بعد شوي أنا وعبودي نجيب أمول بنت عمي هنا..
أبوها: حياها الله البيت بيتها..
فدوى: صدق تبي تجينـا.؟
ذكرى: لامزح هههههههههههههههه
ليلى: طيب جيبوا الهنوف معاكم مب بس أمول..
ذكرى: خلاص أجل بنزل لهم وأقولهم كلهم يجون..
أم نواف: أي والله من زمان عنهم..
سلطان: ياحبكم لتكبير الامور الخميس اللي فات عندنا وش زمانه..
الكل: ههههههههههههههههههههه
قاطع ضحكهم صوت دوي والتفتوا وشافوا منظر اليييييم..
الكل: نوووووووووووووووووووووووووووووووووواف..
( نواف سقط من الكرسي مغمى عليه)..
أبونواف: سلطان ياوليدي أركض ناد الحارس وتعال خل يساعدنا نشيله بسررررعه..
سلطان طلع يركض ينادي الحارس..
ليلى: واااوو نواف وتبكي..
فدوى: واضح أنه تعبان خل نطلب الأسعاف يبه..
دخل الحارس يركض ومعاه سلطان حاولوا يشيلون نواف وبصعوبه بالغه شالوهـ لان جسمه كان رياضي ولاهو صغير..
ابونواف: بسرعه ياسلطان أنت ويا(محمود) محمود كان حارسهم..
سلطان: أن شاء الله يبه وكان بصعوبه يرفعون نواف..


( بالمستشفى)
الكل: كان برى واقف على أعصابه وكانوا جايين كلهم..
طلع الطبيب: الحمدلله على سلامته..
أبونواف: بشـر يادكتور..
الدكتور: لاسلامات مجرد تعب خفيف وأرهاق يبدو انه مانام
من فتره طويله وسوء تغذيه..
أبونواف: اذا كذا الحمدلله..
ذكرى ضربت فدوى: شفتي السالفه مثل ماقلت لك بالسياره فيها
أنا..
فدوى: أقول لابوي..
ذكرى: لاااااااا وين تبين نواف يذبحنا أسكتي لاصحى نسأله ونواجهه..
ليلى: أبي أشوف نواف..
أبوها: نقدر نشوفه يادكتور..
الدكتور:هو نايم الان وقت ثاني عطيناه أبر منومه علشان يرتاح..
أبوه أوكي نبي نتطمئن ونطلع دخلوا على غرفـه نواف بهدوء..
بكوا خواته بمراره وبدون صوت عكس ليلى الصغيره اللي ملت الجو بالصراخ..
كان نواف القوي الوسيم الحنون الهيبـه ممدد على السرير الأبيض وملامحه تعبانه حيييل..
أبونواف: باس جبين ولده وقال بهمس الله يشفيك..
أمه كانت تبكي وماسكه يده..
سلطان: يمه ماهنا إلا الخير ارهاق بس من الشغل أكيد لاتخافين..
ذكرى تحاول تهدي أمها: أيييه يمه خلاص خل نطلع علشان يرتاح ونجيـه بكرا أن شاء الله..
ابوهم: يلا مشينا..
أمه: قربت منه وباست يده وغطته كويس وكأنها تغطي طفل صغير وبكل حنان ناظرته وطلعت تبكي..


أنتهــى البارت الأول..

حبيتها ماااره.....
موفقه بالشخصيات والسرد
لاتبطين علينا بالبارت الثاني <<حماس
عوافي خيتو.. =)

هلا والله

حلاها


شكل الروايه حلوه


لاتطولين علينا بالبارت الثاني

البارت الثاني:

في بيت أبوماجد كان هو وعياله على الغداء يسولفون كل واحد يجيب له سالفه عن دوامه وشغله ومدرستـه رن جوال ماجد..

أم ماجد: يقوولون من يكلمك وقت أكلك يكرهك ياوليدي..
ماجد: هههههه أوما يكرهني يمه قويه ذي..
أمه: وش علي انا هم يقولون..
الهنوف: يعيش مصرف ههههههههههه
ماجد وهو يطلع جواله من جيبـه ناظر بالرقم ثم ناظر فيهم
بإستغراب وقال: غريبـه سلطان وش عنده داق علي هالحزه.؟
ماجد: هلا سلطان..
: الحمدلله بخير..خير وش فيك.؟
: هاه نووووووووواف وين ومتى.؟
طيب طيب أنا جايكم هالحين..
يلا سلااااااااام..
أبوماجد: خير ياولدي وش فيك.؟ وين تبي.؟
ماجد: مهنا إلا الخير نواف ولد عمي تعب وارهق وشالوه للستوصف طالع أشوفه..
أبوماجد: لاحول الله عسى ماشر وش فيه.؟
ام ماجد: الله يهديكم ياوليدي مهلكين أنفسكم بالشغل وماكأن لأنفسكم عليكم حق..
أبوماجد: زين أصبر ياوليدي خل أجي معك..
ماجد: مايحتاج يبه خلك ريح انت بعد المغرب أوديك تشوفه..
أبوماجد: لالا..أصبر بس..
ماجد: أبشر اللي تشوفه عند الباب أنا..
( خذا ماجد عقاله وشماغه وطلع من البيت مستعجل ولحقـه أبوه)..


في بيت أبونواف..
فدوى: ياربي قوم أخوي بالسلامه والله البيت من دونه مايسوى..
ذكرى: يممممه ترى سلوى ماعرفت بالسالفه لو درت من غيرنا تبي تسوي لنا سالفه..
سلطان: اممممحق اخت والله ان تطلق بسبب هالسالفه عجلوا عليها بس لاتدري من غيركم هههههه
فدوى: بسم الله عليها فال الله أبرك..
سلطان: اعوذ بالله ماقلت شيء انا أمزح حرام الواحد يمزح..
ليلى بصراخ وبكي: بس انت وياه انا ماأحبكم ماأحبكم نواف بالمستوصف تعبان وانتم تضحكون وطلعت تبكي وتركض..
سلطان وعيونه طايره: خبيلـه أختك ذي..
فدوى: لاتلومونها كلنا مقصرين بحقها وبحق عواطفها ونواف الوحيد اللي معطيها وجه نواف الأب الروحي لها..
سلطان: اعوذ بالله كفرنا هههههه وش روحيـه بالكنيسه حنا..
ذكرى: هههههههههههههههههههههههههههههههههههههه
فدوى: مالت عليك بس..


في المستوصف:
نواف بصعوبه: سيستــر..سيستـر ويضرب جرس الممرضـه..
( أنفتح الباب دخلت عليه وحده سعوديه متحجبه ومتستره بملابسها)..
نواف: ساعه أنادي ماتسمعين!
الدكتوره: سم اخوي بغيت شيء أمرني. وقربت منه وحطت السماعه على صدره..
( نواف بحركه لامسؤولـه ابعد السماعه عن صدره وقال: هيه وش تبين أنتي.؟
الدكتوره: بتطمئن عليك..
نواف: وخير تطمنين علي وش تبين فيني.
الدكتوره: هذا شغلي كيف وش أبي.؟
نواف: شغلك تخدميني مب تقربين مني وترززين عندي!
الدكتوره: خييييييييييييييييير لو سمحت أحترم الفاظك انا دكتوره ومسؤولـه امام ربي وامام المستوصف عن صحتك لاتكلمني كذا.!
نواف في بالـه ( دكتوووووووووووره)
قاطع كلامهم صوت الباب ودخل ماجد وأبوه وشافوا الدكتوره واقفه امام نواف ..
ماجد: هاه سيستر طمنينا عليه.؟
الدكتوره: أنا دكتوره رانيـا مش سيستر والحمدلله نواف بخير وطلعت!
نواف: قال دكتوره قال!


( في غرفه الطاقم الطبي):
رانيا: اووووف ياربي مليت من هالعيشـه متى يصحى العالم ويعرف ان الدكتوره مهنه شريفـه متى.؟
خلود: ليه وشصار بعد.؟
رانيا: المريض نواف اللي بغرفـه رقم(..) قاله كلمتين مثل السم..
خلود: غريبـه!!
رانيا: وش اللي غريب تعودنا على هالأشكال.؟!
خلود: لابس هو ولد رجل أعمال كبير وأمه أجنبيه وباين عليه ولد ناس فاهم..
رانيا: واذا عاد ياحبيبتي العقل مايعرف أحد..
خلود: لا بس ناس بمكانتهم المفروض فاهمين اكثر من غيرهم..
رانيا: وأنتي وش عرفك فيه وبكل هالمعلومات..
خلود: ملفهم اللي عندي..
رانيـا: اهااا..


ماجد: هاه نوافووووه تدلع تبي الشغل فوق رأسي هين والله لاأوريك
نواف: هههههههه حلوه لايسمعك ابوي بس يطلعني من المستوصف..
ماجد: ايه يعني خطه ههههههه
نواف: ايه بس اسكت لاتخرب ههههههههههههههههه
أبوماجد: ههههههههههههههههه
أبوماجد: يلا ياوليدي نستأذن حنا تأمرنا بشيء..
نواف: وين بدررري خلكم هنا..
ماجد: من زين خشتك اقابلك مقابل وغمز له بعينه على غفلـه..
نواف: شف النذل خخخخخخخ
أبوماجد: بعد المغرب نزورك انشاء الله انتبه لنفسك..
نواف: انشاء الله..
ماجد: يلا سلملم..
نواف: سلاااااااااااااااااااااام

طلعوا وعند الباب صادفتهم الممرضـه وبرضو كانت سعوديه..
دخلت الممرضـه تبي تعطي نواف دواه ورفض يأخذ الأبره حاولت فيه حاولت رفض..
( نواف من النوع العنيد اللي مايحب المستوصفات والعلاجات)..
طلعت الممرضـه معصبـه من الغرفـه
: دكتوره رانيا نواف المريض اللي بغرفـه رقم (..) مب راضي يأخذ العلاج..
رانيا: يارررربي انا دوامي خلص تعبت بس ماعليه خليها بلبس عباتي وبجي احاول فيه انا..
الممرضـه: أوكي..
رانيا بهمس وواضح التعب: ياربي بس من وين القاها من الشغل وإلامن الأهل وإلا من هالمرضى الله يعين بس..


ببيت أبونواف:
سلوى وهي تدخل على أهلها تركض: يمه يبه نواف وش فيه..
سلطان: كملت!
فدوى: مافيه إلا الخير تطمني أرهاق وشويه تعب ويروح ان شاء الله..
سلوى: كيف مافيه إلا الخير اخوي يدخل مستوصف ويترقد وانا أخر من يدري.؟
سلطان:قايل لكم فكونا وقولوا لها بس ماتسمعون هالحين وش يفكنا.؟
ذكرى: خخخخخخخخ..
سلوى: ورى ماعلمتوني يمه ليش.؟مب بنتكم انا.؟
ابوها: وش مب بنتنا ياوليدي يعني الواحد اذا نسى من زود المشاكل الظروف قلتوا ماحنا بناتكم! بناتنا ونعزكم ونحبكم بس ياوليدي نسينا وهذاك دريتي مافات شيء هالحين بتبدأ الزياره ونروح نشوفه سوى..
فدوى تبي تلطف الجو: أهلييييييين ترووووك حبيبي تعال هنا ضمني..
( تركي بكل طفوله وبرأءه راح يضم خالته)..
سلوى: ذكرى فدوى أختكم وينها.؟
سلطان: أختنا ذي نفسيـه طاح نواف من هنا وهي ذبحتنا صياح من هنا تصدقين ناقلن همي لاتوفيت مدري كم تبي تقعد يوم تصيح..
ذكرى: ههههههههههههههههه هذا اذا جابت خبرك..
سلطان: اذكركم بس
فدوى: تذكرنا وأنت ميت..
سلطان: اييييييييه صح نسيت..
سلوى: طيب عبودي وينه..؟
ابوها: وينه بعد على هالبلاستيشن 24 ساعه مايفارقه..
سلوى: مايصير كذا يبه تخلونه 24 ساعه لاحسيب ولارقيب بنات مايصير كذا شوفوا له فدوى ذكرى ابوي وأمي أنشغلوا أنتم شوفوه مايصير..
سلطان: قالت بنات ماقالت عيال أنتهبوا بس!
سلوى: أنا بطلع اشوفهم..


( في غرفـه نواف بالمستوصف دخلت رانيا وهي لابسه عبايتها ومستعجله)
رانيا: السلام..
نواف: وعليكم السلام..
رانيا: أخوي ليش ماتبي تأخذ العلاج.؟
نواف: كذا منب أحب العلاجات أرهاق وتعب وزال وشوله كثرت العلاجات..
رانيا: ايه بس لازم ننظم صحتك بهالعلاجات لين يرجع وضعك الطبيعي..
نواف: مابيها وبس..
رانيا: وش اللي ماتبيها لازم تأخذها هذي علاجات ضروريه..
نواف: قلت لك لا يعني لا غصب هو!
رانيا: أيه غصب هذي مسؤوليـه مب لعبه لو سمحت ماعندي وقت أضيعه دوامي منتهي من ربع ساعه وجايه هنا علشان أعطيك العلاج وأطلع..
نواف: ومن جابرك تجلسين.؟
رانيا: مسؤوليتي وأمانتي تجبرني أجلس واراقب وأهتم اذا أنا ماأهتميت بمرضاي وعيال ديرتي من بيهتم فيهم الأجنبيات..
نواف عجبته شخصيه رانيا وقال بكل أعجاب: كلامك من قلب وإلا...؟
رانيا قاطعته قبل مايكمل وقالت: شهادتي بنفسي مجروحـه ومسكت يده من وراء القفاز وأعطته الأبره وقالت قبل لاتطلع: تأمرني بشيء..
نواف كان مبهور من اللي شافه وقال بإنبهار: لامشكوره..
رانيا: أوكي طهور أن شاء الله..
نواف بنظرات أعجاب تملىء المكان:................!
طلعت وسكرت الباب وراها وراحت تركض للسياره بس وصلتها:
رانيا: يووووووووووووووهـ نسيت شنطتي.؟
رجعت رانيا ودخلت مكتبها ولالقت الشنطه قالت: أكيد بغرفه هالمريض ياربي هذا وش فيه كذا.؟ حتى شنطتي نسيتها.؟ أعوذ بالله بس..!
دخلت الغرفـه:
نواف: أكيد راجعـه للشنطه قالها بإبتسامه..
رانيا: أيه سوري على الازعاج وخذت الشنطه من على الطاوله وقبل لاتطلع قاطع خطواتها صوت شيء سقط ألتفففتت بكل سرعه!!!!!
نواف: أوووووه جوالي طاح ممكن تساعديني وتجيبينـه لي.؟
رانيا وبدون ماتكلم رجعت وشالت الجوال من الأرض ومدته له: تفضل..
نواف: زاد فضلك يابعدي!
رانيا:...... وطلعت وسكرت الباب وراها..
نواف:....................!
ثم قال بعد تنهــد بينه وبين نفسـه: وش معنى تعمدت أطيح الجوال على الأرض وش معنى هي يانواف وش معنى!!



سلوى صعدت فوق وقربت من قسم ليلى الكبير وسمعت صوت بكاء ليلى وصوتها الطفولي اللي يبي حنان ضربت الباب تستأذن ودخلت..
ليلى بدون ماترفع رأسها: نعم وش تبوووون..
سلوى: أنا سلوى جيتكم هنا هههههه
ليلى رفعت رأسها بحركه لاأراديه ومسحت دموعها ونقزت تركض سلووووى وضمتها..
سلوى: وش فيك ياليلى ليش تبكين نواف مافيه إلا الخير..
ليلى: خايفه
سلوى: وش منه نواف طيب تبكين على وش.؟
ليلى: مدري وقعدت تبكي..
سلوى: ليلى حبيبتي وش فيك.؟
ليلى أنفجرت وقالت بكل الم: سلوى لاتلوموني نواف هو أبوي وأمي وأختي وأخوي وكل شيء بحياتي مافيه أحد يسأل عني ولايهتم فيني إلا هو أبوي مشغول بشغله وسفرياته وأمي اذا أهتمت أهتمت بعبودي لانه اصغرنا وعلى قولتها بس هو اللي يحتاج أهتمام وخواتي كل وحده لاهيه بجامعتها ومع صديقاتها..
سلوى:....................
ليلى: محد يسألني عن دروسي عن أهتماماتي عن صحتي عن وضعي بالمدرسه كيف.؟ الكل مشغول ولاهي بنفسـه واانا مدري ويني.؟ نواف الوحيد اللي يسأل عني ويهتم فيني وحتى بعض الأحيان يحل معاي واجباتي ويذاكر لي..
سلوى: بس ياحبيبتي أكيد امك وأبوك وأنا وأخوانك نحبك لكن كلن له ظروفـه..
ليلى: سلوى انا أبي احد يحسسني بقيمتي محد معطيني وجه محد معبرني احس نفسي مثل الشغاله بالبيت مالي وجود ولاشيء بس تكمله عدد..
سلوى:........................!!!!





في بيت أم نبيـل:
رغـد في غرفتها نايمه..
أمها: رغد رغد..
رغد: نعم يمه خير وش تبين.؟
أمها: وش وش أبي أصحي يابنيتي كم صار لك وأنتي نايمه!
رغد: يعني النوم ممنوع أنتم وش بقيتوا من الحريه!
أمها: يابنيتي.... وقاطعها صوت نبيل بكل قوهـ:
نبيل: الحريه ياشيخـه رغد علم وأخلاق وثقافـه مب سهر وقله أدب وشيشـه تالي الليل..
رغـد: أنت أسكت يالمعقد مالك شغل فيني..
نبيل: لي فيك ونص ومن اليوم ورايح بعلمك كيف التعقيد يا....!
رغد: كمل كمل وش بتقول..!
أم نبيل: كافي كافي ياربي وش سويت أنا تعاقبني بعيالي!
نبيل: من اليوم ورايح مافيه طلعه من البيت وجوال مافيه وسوق مافيه ولو أسمع أنك رافعه سماعه تيلفون إلا طالعه من البيت مهو أحسن لك أنتي وأمك..
أم نبيل: نبيــ...
نبيل: خلاص كافي أنا رجال البيت تركت لك الحبل بعد ابوي يايمه وشوفي النتيجه قدام عينك وأشر على رغد وطلع..
أم نبيل: الله يأخذكم طلعتوا روحي..
رغـد: أووووووووووووووه وقعدت تبكي وتصارخ وين الحريه وين الحضاره وين التطور والانفتاح!
نبيل طلع من البيت وهو معصب وركب سيارته يدور له مكان وجو طاهر نظيف يرتاح فيـه..


( في المستوصف بغرفـه نواف)
سلوى: الحمدلله على سلامتك ياخوي الف سلامه.. تراهم ماعلومني إلا تو..
سلطان: بل بل ياسرع كلامك يابانيه انتي ياكثر ماقلتي بثانيتين علطول ماقالوا لي اعوذ بالله..
نواف: هههههههه ياحبي لك..
ليلى: نواف وأنا ماتحبني..؟
فدوى: أشتغلوا بعض الناس غيره..
سلطان بهمس: هههههههههههههههههههههههههههههه
نواف: أنتي حبيبتي وأختي ودلوعتي..
ليلى: أحببببببببببببببببببببببببببببببببببببببك..
الكل: ههههههههههههههههههههههههههههههههههههههه
قاطعهم صوت الباب وألتفت الكل وإلا عائلـه أبوماجد ومعاهم نبيل..
أبوماجد: السلام عليكم..
الكل: وعليكم السلام ورحمه الله..
وسلموا على بعض..
نبيل: الحمدلله على السلامه يانواف وناظره بنظرات أنكسار من اللي صار..
نواف: الحمدلله والله يسلمك وهمس بإذنه ( لاتزعلني منك وش أتفقنا عليه)..
ماجد: هاه نوافوه وشلونك.؟
نواف: لالا وش ذا الدلال كذا انا ماأقدر ياخي قلي نواف ارحم..
سلطان: خخخخخخخخخخ دلاله مثل وجهه..
فدوى بهمس: أقول ذكرى هذا ولد عمك والله وش حلاته يهبل..
ذكرى: هاه فدووه لايكون..
فدوى بسرررعه: وش قالوا لك بنت خالد انا ثقل وعقل..
سلطان كان قاط أذنه عندهم مافهم السالفه كويس بس حاول يستفزهم وقال: عاشت بنت خالد ابوي..
ذكرى: ههههههههههههههههههههههههههههههه أليم دايم ياسلطان..
فدوى: هين مردوده !
عبودي: يووووووووووه طفشت انا ترى من جيت وحنا جالسين ماعندهم العاب ذولا..
الكل: هههههههههههههههههههههههههههههههههههههه
عبودي: لاتضحكون قايلن نكته انا اقولكم ابلعب مب بس قاعد تعبت وانا قاعد..
نواف: ماشاء الله هذا وانت ماتقعد تعبت..
سلطان: ملاحظ انت خخخخخخخخخخخخخخ
سلموا على نواف وأستأذنوا وطلعوا بعد سيل من التوصيات والسلام..



قعد نواف بالغرفـه بلحاله يفكر ويفكر ومايدري وش الشعور الغريب اللي أنتابه لرانيا بالذات يمكن حجابها ويمكن ثقلها ويمكن أسلوبها...!
قاطع نفسـه: إلى متى يانواف..!!!!
سدح نفسـه على السرير أخذ جواله يدور مابين رسايل وأرقام يبي ينسى بس لقى نفسـه يبحث عن أجابه لأسئلتـه ليش هي بالذات.؟!
فجأه فتح باب غرفتـه وكأنه عرف من بس:.....!!!


أنتهى البارت الثاني..

البارت الثالث

نواف:....................
خلود: السلام عليكم..
نواف: وعليكم السلام مين.؟! ووش تبين.؟!
خلود: أنا دكتوره خلود حبيت أتطمئن عليك..
نواف: أنا مسؤوله عني دكتوره رانيا أنتي وش جابك.؟
خلود: رانيا أنتهى دوامها وأنا دكتوره مناوبه ولابد أشرف على المرضى..
نواف: اهاااا..
خلود: بغيت شيء محتاج شيء حاس بشيء..
نواف: لامشكوره..
خلود: العفو وأحنا بالخدمه..
وطلعت وقفلت الباب وراها..
نواف بينه وبين نفسـه: ( الواحد يرفع رأسه بمثل هالبنات الخلوقات)..


في بيت أبو ماجد:
ماجد:أااااااااامل الهنووووووووووووف يلا تأخرت على دوامي بسرعه أطلعي انتي وهي..
ألهنوف: اااااوه ياربي وش فيك تونا ياخي جب لنا سواق وفكنا..
ماجد: هذا اللي بقى والله تركبون مع سواق بلحالكم والله مايقوله ربي ورأسي يشم الهواء..
الهنوف: وليش طيب.؟ شف بنات عمي خالد عندهم بدال السواق مليون..
ماجد: هنيييييييف خلاص عاد ولاكلمه سواق مافيه ماعلي من بنات عمك بنات عمك عندهم أخوان وأبو أنا علي منك أنتي وأختك أسحبيها ويلا وراي..
هنوف بهمس وهي تنادي أمل: أوووف متى تعرس ونفتك!
أمل وهي تركض من الدرج: ياهالأخو وش بعد يختي ماتجهزت كويس..
الهنوف: توني اقوله جب سواق يقول مافيه امل..
أمل: طيب فيه الهنوف ههههههههههه
الهنوف: يابيخك بس أمشي لايذبحنا..
أمل: يلاااااااااااااااااااا..


( في بيت الدكتوره رانيا)
رانيا دكتوره شابه وفاهمه وعمرها 24 سنه شجعها على دراستها ابوها الله يرحمه من كانت صغيره وهي تحب الطب ولما تخرجت وتوظفت بعدها بسنه توفى والدها وتركها عند أخوانها الميتين عقلياً..أخوانها واحد متزوج وساكن بالخبر و2 عزاب ساكنين معاها بنفس البيت هي وأختها وأمها..
ريوف: رانيا يلا أصحي دوامك لاتأخرين..
رانيا: كم الساعه.؟
ريوف: مدري بس يعني حوالي 7 ونص..
رانيا: اووووف طيب انتي مارحتي جامعتك.؟
ريوف: هذا انا بطلع توصيني شيء ..
رانيا: سلاااااامتك..
ريوف: يلا سي يا
رانيا: سي يو


رانيا كانت تلبس وتضبط شعرها دخل عليها اخوها محمد..
محمد: رانيا..
رانيا: هلا محمد صباح الخير..
محمد: صباح النور..أسمعي أبي فلوس!
رانيا: محمد الله يهديك وين تودي الفلوس! قبل أمس معطيتك الف ريال وين وديتها وأنت لاشغل ولاشيء..
محمد: كليتها وين يعني راحت وخلاص عطيني وأخلصي..
رانيا: وإلى متى وأنا أعطيك محمد انت رجال عمرك 22 سنه كمل دراستك الجامعيه وإلا شف لك وظيفه عاديه على قد شهادتك بكرا تبي تزوج وتكون أسره منين بتصرف عليهم..
محمد: اووووووه مسكتينا محاضرات أخلصي اقول بعدين اسمعي ترى ماسمحنا لك تشتغلين هالوظيفه بين الرجاجيل إلا علشان هالراتب الضربه وإلا كان قصينا رقبتك!
رانيا: محمممممممممممممممممممد!
محمد: عطيني وأخلصي!
رانيا بإلم: خذ وعطته 500 وقالت له لحظه بلبس عباتي وبطلع للدوام..
محمد: أوكي بس بلغي السواق اللي يجيبك للبيت يجيك الصبح يأخذك منب فاضي لك كل يوم..
رانيا: هالحين توك تقول رجال ومخالط ومدري وش والسواق معاه بلحاله عادي!!
محمد: يعني معترفه انو شغلك خطأ!.؟
رانيا: بالعكس وظيفتـي أجمل وأحلى وظيفه بالعالم أعالج الملك والأمير والفقير والغني..
محمد: أجل وش معنى كلامك.؟!
رانيا: معناته أنكم تناقضون أنفسكم تقولون كلام حفظتوه من غيركم بدون ماتعرفون معناه! يعني دكتوره ومهنه شريفـه لا ومدري وش! لكن سواق معاه بلحالي ماأشوف شدتك طلعت لانك أنت تبيـه مانظرت له زي ماتنظر للطب!
محمد: الخلا بس!
رانيا:............................. ولبست عبايتها وطلعت..


في بيت أبونواف الصباح..
عبودي: منب رايح المدرسه يعني منب رايح لاتغثوني..
سلطان: على كيفك هو قم اقول..
عبودي: ايه على كيفي ماني رايح وش تبي تسوي..
سلطان: عبدالله قم منب فاضي لك بسرعه تأخرنا..
عبودي يوم سمع صوت أبوه قريب: ااااااااااااااااااااااااهـ يممممممممممممممممممماه بطني اااااااااااااااااااااااهـ ويتعنقد بالبطانيه..
سلطان طايره عيونه:...........
أبوه: عبودي وش فيك بإبتسامه فاهم فيها حركه عبدالله..
عبودي: مدري بطني يعورني..
سلطان: يبه والله..
قاطعه ابوه قبل لايمكل وغمز له: طيب يلا ياسلطان أطلع وخل أخوك يرتاح..
عبودي: ااااايه يبه قله يروح عني أبرقد تعبان..
سلطان: هههههههههههههههههه يانصبـه شغل نصابه عيني عينك..
وطلعوا وطفوا النور على عبدالله اللي نقز على سريره نقزتين وكمل نوووووومته..


في المستوصف:
رانيا: صباح الخير خلوووودهـ.
خلود: هلاوالله صباح الورد..
رانيا: هاه ماأنتهى دوامك.؟
خلود: إلا بس قلت أنتظرك لين تجين وأطلع..
رانيا: اهاااا
خلود: بعدين ياويلك من ربي يالظالمه ورى ذاك اليوم تسبين في نواف..!
رانيا: مين نواف.؟؟
خلود: نواف ماغيره المريض ذاك..
رانيا: ااااااايه ذكرته وش فيـه.؟؟
خلود: وش حليله كلمته أمس محترم وخلوق..
رانيا: يمكن لعاااااااااااااااااااب المهم أنتبهي بس ترى شغلتنا علمتنا كثير..
خلود: لعاااااااب بعينك يالهبلا أحد يترك واحد بهالجمال والمال والمنصب..
رانيا: الله يهني سعيد بسعيده وغمزت لها وضحكوا مع بعض..



في الجامعه:
اشواق: أشواق هذي أنسانه منحله أخلاقياً وفاشله جايه للجامعه تمشيه وتضيعـه وقت بس..
أشواق: أووووووه بنات تشوفون هذي ذكرى..
البنات: إييييه وش فيها..
أشواق: يقولون أمها أيطاليه وأبوها تاجر كبير وعنده فلوس تغطي الشمس..
البنات: طيب وحنا وش نبي فيهم.؟
أشواق: أنا أبيهم بس بعدين اقولكم..!


أشواق: السلام عليكم..
ذكرى: وعليكم السلام ورحمه الله..
أشواق: ممكن أجلس معاكم شوي..
ذكرى وأمل بإستغراب: أيه تفضلي..
اشواق: كيفكم بنات.؟
أمل وذكرى: الحمدلله بخير..!
أشواق: أنا أسمي أشواق أدرس هنا ومالقيت أحد يفهمني ويسولف معي البنات هنا ضايعات وأنا أهلي ناس محافظين مرررره أبغى أنسانه فاهمه ومحافظه مثلي علشان نفهم على بعض..
ذكرى وأمل:.......؟؟!
أشواق: يمكن مستغربين بس أنا شفت فيكم الأدب وحبيت أكون صديقه لكم اذا مايضايقكم..
ذكرى:.........!!!!
أمل: أييييه عادي تفضلي خواتك حنا..
أشواق: الله يزيد فضلكم..بنات تشوفون اللي أنا أشوفه..
ذكرى: وش.؟
أشواق: البنات هنا للأسف مشوهين سمعتنا.؟
ذكرى: خيييييييييييييييير وش فيـه.؟
أشواق: مدري يجون مع سواويق بلحالهم ويكلمون شباب ويدخنون ومخدرات وبلاوي ياكافي..
ذكرى: التربيـه لها دور!
أشواق حست بكلام ذكرى وكأنه موجه لها وردت على السريع: إي والله..
أمل: الله يستر على الجميع..
ذكرى: وراي محاضره أنا أستأذن.؟!
أمل: حتى أنا.....
وقبل لاتكمل قاطعتها أشواق: طنشي وأجلسي خل نسولف!
ذكرى بسرعه بديهه: وش تطنش .؟ ذي نصيحه صديقه.؟ توك قطعتي جلود العالم بالأخلاق والتربيـه..
أشواق: وش قلت قصدي كان أنو نتعرف على بعض..
ذكرى: بعدين تعرفوا يلا أمل ورانا محاضره..
أمل: بس..!
( سحبتها ذكرى وقالت هالاشكال ماينجلس معاها المكتوب بين من عنوانه تعالي للمحاضره وراي)..
أمل بهمس: ذكرى الله يهديك وش فيك على البنت ترى ماقالت شيء خلاص منب حاضره منب حاضره كلها محاضره ترى..
ذكرى: أمل أنتبهههههههههههي!!
أمل: ذكرى وش فيك شايفتني بزر أنتي خلاص قلت لك بقعد مع البنت وش جاك عليها وش هالغرور اللي فيك.؟
ذكرى: غرررروووور!!.؟ هالحين صار الحذر والخوف على النفس غرور! أنا حذرتك من باب الدم اللي بيننا وأنتي حره عقلك برأسك..
أمل: شكرا طيب..
ذكرى مابغت تشد أكثر مع بنت عمها وراحت لمحاضراتها وتركت أمل مع أشواق..


في المستوصف:
نواف: أوووووووووووووووهـ ياربي وش هالطفش تعبت من النومه هنا..
بناديهم يكتبون لي خروج طفشت طفشت!
( فجأه فتح الباب شخص)..
نواف بينه وبين نفسـه: ( خير)..
الدكتور محمود: السلام عليكم..
نواف: وعليكم السلام..
الدكتور: أخذ أوراق نواف اللي مسويتهم له الممرضه على الطاوله ثم قال: ( اليوم بنكتب لك خروج بس لازم تحافظ على نفسك و صحتك)..
نواف: أن شاء الله قالها بصدر مقبوض!
طلع الدكتور وسكرالباب وراه..
نواف: وش فيني أنا.؟ أنجنيت الظاهر.؟ توي كنت أبيهم يسوون لي خروج وهالحين مادوي أطلع..!
يمكـن...يمكن علشانها..لالا يانواف مب أنت اللي يهزونك هالبنات..


بمكتب الطاقم الطبي النسائي:
( دخل الدكتور محمود)
الدكتور: دكتوره رانيا سوي ختم على الأوراق دي..
رانيا: وش.؟! قالتها بأنزعاج من تصرفات الدكتور المصري محمود واخرها دخوله عليها بدون أستأذان!!
الدكتور: خروج مريض.؟
رانيا: طيب ليش أنا أنت سو له خروج يادكتور ( كانت رانيا تتكلم بجديه وأدب كون دينها يحتم عليها هالشيء)..
الدكتور: عارف بس المريض دهـ أنتي مشرفه على حالته!.
رانيا: دام أنا مشرفه كيف تسوي له خروج من دوني!
الدكتور: الله وحصل إيه يعني.؟!!
رانيا: كيف حصل أيه أنا ماأسمح لك تتدخل في شغلي هذا أعتبره انتقاص لنفسي وأهمال مني!!
الدكتور: يابنت أنتي شايفه نفسك على أيه وقعي وأنتي ساكته.!
رانيا عطني الورق وخذت الاوراق وقطعتهم أمام عينه!
الدكتور: بتعملي أيه يامجنونه!
رانيا: لو سمحت أنا هنا مسؤولـه وفاهمه واعرف مرضاي ومحاولاتك المتكرره بالتدخل بشغلي مفهوم القصد من وراها وأنا ماراح اسمح لك فاهم وإلا لا.؟! أطلع برا لو سمحت وأنا عارفه وضعي وشغلي ماأحتاج أحد يعلمني عليـه!!
الدكتور: بترفعي صوتك علي!
رانيا: أنا متربيه ولاوصلت لحد أرفع صوتي على زميل مهنه!
الدكتور: اومال تعتبري دهـ أيه.؟
رانيا: محافظه على حقوقي وخصوصيات عملي!
الدكتور: أنا قلت للمريض يخرج اليوم يعني يخرج اليوم عاوزه تكسري كلامي!
رانيا: هذا خطأك وأنت تحملـه! المريض أنا المسؤوله عن حالته وأنا اللي أحدد خروجه من عدمه!
الدكتور: المريض حيخرج يعني حيخرج فاهمه!
رانيا: لو تقـدر تفضل غير كذا ماعندي كلام وتفضل أطلع برا أعتقد من العيب تتواجد كدكتور بأسمك في غرفه طاقم نسائي!
الدكتور: أنا حعلمك يارانيا! و( طلع وقفل الباب وراه)..!


( نواف كان بغرفته ويرتب أغراضـه علشان الخروج)..
رانيا: السلام عليكم وطارت عيونها لما شافت نواف مب بسريره ويرتب أغراضـه..
نواف: وعليكم السلام والرحمه..
رانيا: لو سمحت اخوي تفضل ارتاح على السرير أنت مريض والأجهاد مش كويس لك هذا شغل الممرضـه!
نواف: لامافيني شيء والدكتور قالي بتطلع اليوم.!
رانيا: لاماتطلع !
نواف: كيف ماأطلع الدكتور قال بيكتب لي خروج!!
رانيا: أنا المشرفـه على حالتك وأنا اللي أحدد الخروج من عدمه!
نواف بعصبيـه: وشلووووون يعني.؟!
رانيا: يعني ياخوي لابد ترتاح الأرهاق والأجهاد مب زين لك وأن شاء الله ااذا تطمنا عليك بنكتب لك خروج!
نواف:أنا طالع اليوم واللي فيها فيها..
رانيا بعصبيـه: كيف طالع لعبـه هو!!
نواف: ايه لعبه حاطه دوبك ودوبي من دخلت المستوصف خير وش تبين مني أنتي أنا منب لعاب وراعي بنات روحي دوري غيري وهذا انا بشيل شنطتي وبطلع كلام الرجاجيل أبرك..
رانيا حست بإلم يعصرها من سهام الكلام خصوصاً انها تواجه هالكلام من فتره وقالت بكل أنكسار : لو سمحت هالكلام ماأظن ترضاه لأختك فلا تقوله لبنت الناس!
نواف: خلينا من هالكلام اانا طالع!
رانيا بكل قوه: لا يعني لا هذي مسؤوليـه!
نواف كان متعود على العز وبنشأ ببيئه قويه وقال بكل
عصبيـه: هين طالع طالع..
رانيا: لاتطمنا عليك طلعـت!
نواف: عناد هو كيفي بمزاجي أطلع..
رانيا بهدوء: في بيتكم بمزاجك لكن هنا لا أحنا مسؤوليـن عنك..
نواف حس أنه انتقاص لنفسه خصوصا انه مب متعود على هالشيء وقال بعصبيـه والدم يفور: أنا مسؤول نفسي أنا رجال فاهمه وإلا لا..
رانيا: رجال لنفسك مب لي ولشغلي..وطلعت!
نواف لعب الشيطان برأسه والغضب أعماه إلا عن أنه ينتقم من أول بنت توقف بوجهه وتكلمه بالطريقه هذي..



في الجامعـه:
أمل وأشواق كانوا يسولفون:
أشواق: أمل ذكرى ذي كم عندها من أخوان وخوات
أمل: عندها 3شباب و3 بنات ليش.؟
أشواق: لا بس سؤال!!
أمل: اهااا
أشواق: أمل أنتي شكلك تحبين الضحك والوناسه وطبعك
من طبعي وأنا أرتحت لك ممكن تعطيني رقمك.؟
أمل بكل برأءه طيبه قلب: أييييه وكتبته لها بورقه تفضلي..
أشواق وفي داخلها فرحـه خبيثه: هالحين بسجلك..



( في المستوصف كان المدير بغرفتـه)..
نواف وهو يمشي بخطى مسرعه لقى الدكتور محمود
في طريقـه..
نواف: دكتور وين الخروج مب أنت تقول اليوم!
الدكتور بكل أرتباك وخجل: للأسف الدكتوره رافضـه!
نواف: وبإي حق ترفض!
الدكتور محمود لاحظ عصبيـه نواف وحب يستغلها في الأنتقام وقال: دي أنسانه مريضه طبعها كدا حب تمشي العالم على دماغها..
نواف: بس مب علي هالشيء..
الدكتور: مانا عارف أنت أبن عز وناس ومال لكن الدكتوره دي أنسانه منحطه ويبدو انها تحاول تطيحك بغرامها علشان كدا عوزاك هنا..
نواف وبكل عصبيـه: لو سمحت هذي مهما كان تظل بنت ديرتي ولاأسمح لاحد يتكلم عنها بالطريقه هذي!
الدكتور محمود: صدقئي يانواف دي مش حكايه بنت بلدي إو بن بلدك روح أشتكيها للدكتور تكسب أجر في ناس أبلك وبعدك حيدعو لك..
نواف: وانا مالي ومال الناس..
الدكتور: أنا نصحتك وأنتا حر..
نواف حب في الانتقام وكلام الدكتور دار في رأسه بسبب الغضب وقال وهو يحاول يخفي على الدكتور تأثره بكلامه: يصير خير..



المديــر: ....مين.؟تفضـل..
نواف: السلام عليكم..
المدير فز من مكانه يوم شاف نواف خصوصا وهو أبن واحد من أكبر تجار البلد وشهرتهم واسعه : أهلا أهلا أستاذ نواف ياهلا والله..
نواف: هلا فيك..
المدير: تو مانورنا يابو خالد هذي الساعه المباركه..
نواف ماهضم المدير وقال: ساعتك أبرك بس أنا جاي هنا أبي منكم خدمه..
المدير: تفضل أمرنا..
نواف: أنا جيت هنا بسبب ارهاق بسيط والحمدلله طبت وابغى أطلع من هنا..
المدير: طيب ماتشوف شر وهالحين أخليهم يسوون لك خروج..
نواف: الدكتور أظن أسمه محمود سوى لي خروج بس الدكتوره اللي اسمها رانيا رافضــه وبكل عناد تكتب لي خروج!
المدير: وليش!.؟ يمكن صحتك ماتسمح..
نواف: أقولك بخير بس شف وش عندها مدري.؟!
المدير: هالحين أكلمها وخذا التيلفون..
المدير: الووو دكتوره هناء خلي دكتوره رانيا تجي لي
بسرررعه..
المدير: شكراً..
نواف وعلى وجه أبتسامه خبث ماهي من طبعـه..



أنتهى البارت الثالث..

حلاها سعودي ..
راح اتابع معك الروايه واقرأها واعلق اذا اسعفني الوقت
بس اذا ما عليك امر كبري الخط شوي ترى راحت اعيوني والسبه هالخط

متابعه CC

،

،

بسم الله الرحمن الرحيم

حلاهاسعودي .. راحـ أتابع معكـ الروايه وأعلق عليهــا إن شاء الله إذا قدرت

بس عندي كم سؤال لو سمحتي ..

الرواية كاتبتها كامله ؟

وكيف بتكون طريقتك بتنزيل الأجزاء ؟؟

شــاكرهـ لكـ

وبالتوفيق CC

،

،

هلا والله حلاها ..

قصة رووعة رووعة وربي ..

بس اللي قاهرني ثنين بس .. أشواق وشكلها لعابه ..

والمصري قاهرني وقسمن .. ودي افئع كرشو ..

بآنتظآر البآرت 4 ..

<- متحمس ..

يالله جنان جنان جنان القصة ياحلاهاا ..
نبي البارت الرابع تكفين تحمست مع نواف كثير .. !


بطله حلاها سرد ولا أروع بأسلوبك الجميل عشنا القصة .. !
عوافي

*
*
حلاها

إبداع القـصة ..!

ماشالله عـليك .. خيالك خـصب

منـتظرين البارت الـرابع

متابعه مـعك يابعدي

*

اهلين ...
*
*
*
حلاها سعودي
قصتك حلوه مره
بس كلهم عنيدين ههههههههههه
بس يا ليت تكملينها
تقبلي مروري
*
*
*
تحياتي .....CC