][ نايـف وسويـر .. قصتهـم تحيـر ][ " تم اضافة الجزء الثالث"رد # 49 - شبكة القناص

**GuNmAn_20** · 02-09-2007, 01:49 AM

بسمـ الله الرحمنـ الرحيمـ ,

السلام عليكم جميعا ,

.
.
.
.

طبعا في واقعنا الدنيء ,
حيث يخاف المرء على نفسه من ضعفاء النفوس ,
حيث يخاف المرء حتى من صديقه العزيز والمقرب ,
حيث يحذر المرء من صديقه قبل عدوهـ ,
حيث الكبير يأكل الصغير ,
حيث أنك تتوقع في أي وقت الخيانة من أعز الناس اليك ,

.
.
.
.

طبعا هذه قصـة تتناول أطرافها الرومنسية والطرافة .
طبعا تبي تكون القصة بالعامية ,
والآن نترككم مع شخصيات القصـة ,

[ شخصيات القصـة ]

طبعا القصـة فيها عائلتين ,

[ عائلة أبو نايف ]

الأب : عبدالله [ الأب المتعجرف والي ما يهمه الا نفسه ومخباته ]
الأم : نورهـ [ الأم الحنونه الي تحرص على مصلحـة نايف ]
الابن : نايف [ ما غير طالع مع شلته ولا يعرف البيت الا للنوم والنت , كنه فندق ]

عائلـة ابو سوير

الأب : يوسف [ الأب الدين الي ما يفوت ولا صلاهـ لكنه بدون لا شغل ولا مشغله ]
الأم : حصه [ الأم الحنونة , لكن يشغلها عن عيالها الشغل المتواصل ]
البنت : سارهـ [ سوير ] [ البنت الجميلة والمدللة ] [ وأيضا تحب نايف ونايف يحبها من هم صغار ]

[ وطبعا العائلتين جيران ]

طبعا وخارج سياج العائلتين ,

[ شلـة نايف ]

1- أحمد [ الصديق المقرب لنايف والي ما يفارقه أبد ] ,
2- صالح [ والي هو عكس اسمه تماما ]
3 - خالد [ موفر احتياجات الشله ( ولد نعمه ) وتعرفون عاد لازم يكون من النوع الوشسمه ]

صديقات [ سوير بالماسن ] ,

1- جمانة [ صديقة سارهـ المقربة ]
2- أم جمانه
3- ريم [ الصديقة المنسمه والي دايم تسلك له سوير ]

[ أحداث القصـه ]

..

[ بيت ابو سوير ] ,

وقت العشاء , وكان أبو سارهـ به نوم ويبي ينامـ ,

سارهـ : يبه يبه

أبو سارهـ : وحطبـه , وش تبين خلينا نتعشا ما قد تعشينا الا لازم يبه يبه ,

سارهـ : لا بس كنت بقول لك ترا وشسمه اختبرنا امس رياضيات وجبت زين الحمدلله ,

أبو سارهـ : طيب خلاص مبروك بس خلينا نتعشا ,

سارهـ بعد التحطيم : الشرهه علي الي أذاكر عشان أجيب درجات وأنتم ما غير مسلكين لي
وما تعطونن وجه , صديقاتي يسافرون أوروبا وكلش وحنا حدنا الرياض ,

أبو سارهـ [ بمصاله ] : عندتس الحوش روحي سافري به ,

أم سارهـ [ حصه ] : خلاص يا بنت خلي ابوتس يتعشى ,

سارهـ : الشرهه علي الي اتعشى معكم بروح اقعد على النت ابرك لي ,

..

[ بيت أبو نايف ]

أبو نايف [ عبدالله ] : نووووراااااهـ ,

أم نايف : سمـ طال عمرك ,

أبو نايف : هماي قايل لتس الساعه 10 بالليل تحطين العشا , وين العشا منب أشوف شي ,

أم نايف : أبشر يا بعدي انت , مسافة السكـة ويكون عندك

أبو نايف : ايه ابيتس سنعه تسذاتا , الا وين نايف ؟

أم نايف : وفيه غير الشلـة , أكيد رايحين بيت صديقه خالد قاعدين بملحقه كالعادهـ ,

أبو نايف : أحسن يوفر علينا عشا ,

..

[ بملحق خالد ( صديق نايف) ]

أحمد : الي بعدوووووووووهـ , من يبيني أرقعه دوري ياباني ثانيه ,
رقعت صالح , هاهـ تبي تلعب نايف ؟!

[ نايف ] : امش انا ارقعك , الظاهر ما قد أحد رقعك زين , يبيلك من يهجدك ,

أحمد : نشوف نشوف امش العب بس ,

خالد : شباب دقيقه بروح اتطيب وبجي

أحمد : وذا من جيناهـ وهو ما غير بتطيب وبجي وبتطيب وأبجي ,

نايف : اقول ابدا اللعب ولا يكثر تصريفك , تبي تأخر هزيمك بأي سالفـه ,

[ وطبعا انتهت المباراهـ بفوز احمد 9 - 0 ]
[ واهدى هالفوز لسامي ]

أحمد : ما قلت انك زلابه وما عندك سالفه , مسوي تهايط وبالاخير كسرت راسك لين ما قلت امين .

نايف : اقول حظك والله , احمد ربك اني ما قويت معك <- - بدا شغل أول ابتدائي

أحمد : اقول خلنا ساكتين , 9 بعد الرأفة , كان ودي أجيب 20 وأهديه لياسر , بس
قلت بما أن سامي اعتزل خلنا على 9 ,

نايف : ايه صح بدا الفقش , أقول وين ذاك الي راح يتطيب لوه صانعن عطر كان خلص ,

أحمد : تبي تلعب ثانيه ولا مليت من الهزيمه ,

نايف : لا ايدي تعبت خلاص ما ابي العب <- - عاش مصرف

[ وعقب ربع ساعه ويجي خالد وعطره يشمه الي باخر الحارهـ ]

خالد : يله شباب وش تبون عشا ,

أحمد - ونايف وصالح : امممممممممممممممممممممممممممـ ..

احمد ( بمصاله ) : وش رايكم نطلب من مطعم شنغهاي الي جنبنا ترا يمدحونه

نايف : اقول انثبر بس خلك بالسوني , وانا خلني بالمطاعم ,
وش رايكم نطلب من وشسمه ذا الي علامته بطاطس صفراء وعلى شكل حرف M ؟

خالد : تقصد ماكدونالدز , وفيه احد ما يعرفه

نايف : لا بس نسيته ,

[ طلبوا العيال وآكلوا وجا وقت الرجعه وكانت الساعه 1 بالليل ]

أحمد : يله فمان الله جميعا وراي دوامـ لازم أنام

صالح : وحتى أنا والله .. ورانا دوامات

نايف : فمان الكريمـ . .

خالد : باااااااااي احمااااد , باااااااااي صالح

احمد ( رجع مرهـ ثانيه ) : نايف , لاتنسى تسلم على حبيبة القلب سوير

نايف : اقول رح الله يسهل عليك لا تجيك زبيريه 48 ,

أحمد : اتحداك , وهج

خالد : نايف انت ما عندك دوام بكرهـ <- - يبي يصرفه

نايف : لا ماخذ إجازهـ مرضيه وانا ما بي شي , يعني بقعد مر على تسبدك

خالد : وش دعوه حبيبي , لا بس كنت أسالك ,

نايف ( مسوي قوي ) : امش أرقعك سوني ,

خالد : اصبر خلني احط كريم على يدي عقب ما غسلت بالصابون

نايف : وش الي خلانا نبتلي فيك انت

خالد : يله انا بكسر راسك ,

نايف : نشوف نشوف , امش بس انت قل لي كم تبي النتيجه <- - واثق

[ و طبعا انتهت المباراهـ بفوز خالد 15 - 0 ]
[ وأهدى الفوز للثنيان ]

( وراح نايف لبيته وهو ما غير يترقع )

..

[ في مسن سوير ]

طننن ,,

تم تسجيل دخول [ نايف ]

سوير : هلا نايف

نايف : بسم الله الرحمن الرحيم و ما خليتيني انفس الا وانتي ناطه بحلقي ؟

سوير : الشرههـ علي الي اكلمك , برب

نايف : وانتي شغلتس ما غير تشرهين على العالم , تيت ,

[ ومن جهة أخرى ومن دون ما يدري نايف ]

سوير : هلا أحمد ,

أحمد : هلا بالطش والرش وبالبيض المفقش ,

سوير : ايه هذا الترحيب موب نايف يقول نقزتي بحلقي ومدري وشو

أحمد : ايه معليتس منه تراهـ ما عندهـ سالفه , اليوم ماله خلق أحد رقعته انا 9 وخالد 15

سوير : وأنا اقول وراهـ متضايق ,

أحمد : عرفتي الحين ؟ , برب شوي

سوير : تيت ,

..

[ أحمد ونايف ( مسن ) ]

احمد : هلا وغلا

نايف : هلا بك ,

أحمد : ما اكتفيت من الـ 9 ؟

نايف : اقول خلك ساكت رقعني خالد 15

أحمد : ههههههههههههههههههههههههههههههههههههههههههه , داري قال لي خالد بالجوال
تستاهل , خل هياطك ينفعك , تلقاه لاعب وبيده كريم لازم

نايف : ويبيلها قول هذي ,

أحمد : اقول وش اخبار حبيبة القلب .

نايف : الحين ما يمدين اصكك بزبيرية , بس بصكك ببلوك كبر راسك ,

أحمد : لا خلاص خلاص هد الوضع

نايف : برب شوي , ابوي يبيني

أحمد ( على نياته ) : الله الله بابوك , تيت ..

..

[ نايف وسوير يرجعون مسن ]

نايف : سوير , أقول زعلتي؟ , تراني مقدر على زعلتس ,

سوير : أنا زعلت منك , لكن كلش يهون عشانك

نايف : سوير , بحكم اننا نعرف بعض من الروضه ,
وشرايتس نطلع نتعشى ولا شي

سوير : والله شف يا حبيبي , انا ما عندي مانع لكن لو دروا أهلي بيلعنون خامسيني

نايف : ما عليتس قولي لهم بروح بيت صديقتي , وخلي ابوتس يوديتس هناك ,
واذا راح انا جيت اخذتس ونروح , وبالرجعه قولي لصديقتس بجي عندتس شوي مشتاقت لتس ,
وسوي نفستس طالعه من صديقتس وهو بيجي ياخذتس ابوتس ,

سوير : امبييه امبييه ابي امي ابي ابوي ,
طيب لو درا ابوي ولا أمي ؟

نايف : ما عليتس انتي روحي لم جمانة , هي الي تحبتس وتخفي أسرارتس ,

سوير : اوكي , امرنا لله

نايف : الخميس , الساعه 9 الليل تكونين عند باب بيت صديقتس ,
اخذتس نروح لم برج الحمام , نتعشى ونرجع

سوير : صار , بس خايفه

نايف : لا تخافين وراتس رجال ,

سوير : أوكي , جمانة دخلت عندي بالمسن , بقول لها

نايف : اوكي اجل اتركتس على راحتس ,

سوير : عن اذنك

نايف : اذنتس معتس

سوير ( بمصاله زايدهـ ) : ادري ان أذني معي والا وشلون اسمع

نايف : آخ لو اقدر اصكتس بزبيريه عشان تعدلين الفاظتس ,

سوير : هيه خلاص اسفه , برب بقول لـ جمانه ,

نايف : تيت ,

..

[ بين سوير وجمانه ]

سوير : هلا وغلا ومرحبا ومسهلا , نور المسن

جمانه : هلا بتس , اخلصي وش تبين

سوير : لا بس مشتاقه لتس حيييييل وودي اجي ازورتس <- - والله من قطه الوجه

جمانة : حياتس بأي وقت , بس متى تبين تجين ؟

سوير : أبد الساعه 11 يوم الخميس ,

جمانة : اوكي . بس لا تنسين الفشار عشان نناظر فلم وناكل فشار

سوير : اوكي , برب شوي

جمانة : تيت ,

..

[ نرجع لسوير ونايف ] ,

سوير : ابشرك وافقت

نايف : الحمدلله , اجل يوم الخميس الساعه 9 ,

سوير : اوكي ,

ودخلت سوير بأفكارهـ وتتصور وش بيكون يوم الخميس , وش بيسوون ,
وش بيتعشون , ويقطع حبل افكارهـ أم سارهـ [ حصه ]

أم سوير : سويييير , تعالي ابيتس بسالفـة ,
[ وسارهـ ما ترد ]

سووووووويييير وصمخ

سارهـ : هاه يمه وش تبين , قصدي سمي

أم سوير : تعالي أبيتس تكنسين المقلط عقب عشا ابوتس , تقل عشا بزران

سوير : وهذي السالفه المهمه ومدري إيش , الزبدهـ يمه ترا صديقتي جمانـه عزمتني يوم الخميس,

أم سوير : ما شاء الله , وشوله هـ العزيمه ؟

سوير : لا أبد بس عزيمه أشتقنا لبعض ونبي نتشاوف ,

أم سوير : اجل انا بعد بروح لأم جمانه من زمان ما سلمت عليه وا خزياهـ ,

سوير : هااااااااااااه , لازم تروحين ؟!

أم سوير : هو !! , وش بتس يا بنيتي ؟! ما تبين أروح معتس

سوير : لا يا يمه , بس تعرفين هي عزيمة بنات يعني وش تبين أنتي

أم سوير : والله ما أدري عنتس أنتي , عالعموم أنا بروح رضيتي ولا ما رضيتي ,

سوير ( بنفسه ) : والله يالبلشه , الحين وشلون بطلع

أم سوير تدق على أم جمانه : الووو , هلا ام جو جو

أقول من زمان ما تشاوفنا حنا , وش رايتس يوم الخميس ما دام بنتي سوير تبي تجيكم
نكمل التفريقه وأجيكم أنا بعد ,

أم جمانه : حياتس الله , بس يوم الخميس ما راح أكون بالبيت , وبعدين تعالي !!
من قال أن سوير تبي تجي عندنا ؟ ما قالت لي جمانه !!

أم سوير : غريبه والله , بس سوير تقول لي أن فيه عزيمه يوم الخميس وانه تبي تروح لم جمانه ؟؟

أم جمانه : مدري عنه , ايه كودهـ تجي سوير خله تحبرش مع بنتي , عشان البيت بيكون فاضي محد بوهـ ,

أم سوير : خلاص أجل فرصه سعيدهـ , و ان شاء الله نشوفتس بأي وقت ,

أم جمانه : ان شاء الله , يله فمان الله ,

[ طوووووووط طوووووووووط ]

سوير : هاهـ يمه وش قالت أم جمانه تبين تروحين ؟

أم سوير : لا تقول مشغولـة ,

سوير : الحمد لله ( بصوت عالي )

أم سوير : الحين انتي وش بتس ما تبيين أروح

سوير : لا بس بالغلط طلعت الحمدلله ,

أم سوير : والله محد يدري عنتس يالدبيه , اقول روحي افتحي مكيف غرفت ابوتس عشانه بعد شوي يبي ينام ,

سوير : من عيوني

أم سوير : عسا عيونتس الفظخ قولي آمين ,

سوير : هذا جزاي أقول من عيوني , خلاص المرهـ الحايه بقول لتس طيب

أم سوير : روحي لا يجيتس شب شب مقاسه 40 على خشتس , ولا تنسين لا فتحتي المكيف تكنسين المقلط

سوير ( محبطه ) : طيب

أبو سوير : أم سوييييييييير , توي مصلي الوتر فتحتوا مكيف غرفتي ؟

أم سوير : ايه فتحناه راحت سوير تفتحه ,

أبو سوير : أشوا عشان بي نوم وأبي الغرفه تصير باردهـ , ولا تنسون تقومونن لصلاهـ الفجر

[ والكل خمد للنوم ببيت أبو سارهـ ]

..

[ بـ بيت أبو نايف وتحديدا الساعه 3 الفجر ]

أبو نايف : يالله وقت النومـ ,

أم نايف : ههههههههههههههههههههههههه , تبي نايف بنام الحين ,
نسيت أنه ماخذ اجازهـ ياله ينام الساعه 7 أو 8 الصبح ,

أبو نايف : الله يهديه بسـ ,

..

[ بغرفة نايف ] ,

كان قاعد على المنتديات و يناظر وش الجديد , ويحتري دخلة حبيب الألب

[ وطبعا خلسة ومن دون ما يعرف أحد قامت سوير من فراشه ودخلت على النت

..

[ ماسن نايف ] ,

طنننن

تمـ تسجيل دخول سوير ,

نايف : هلا وغلا

سوير : هلا بك اكثر

نايف : كل البيت نايمـ ؟

سوير : ايه بس قصر حسك أخاف يسمعون

نايف : اقول بلا مصاله لا ألغي الطلعه الي بكره

سوير : لا خلاص خلاص ما أعيدهـ ,

نايف : أقول تجهزي ترا بكرهـ الساعه 9 باخذتس ,

سوير : أكييييد , ويبيلها قول هذي ,

نايف : أقول ما تعرفين صديقتس وشسمه ذي ريمـ ,

سوير : ايه وشبه , لا يكون حبيته بدالي !!

نايف : لا بسم الله علي , ذيك تنحب , أنا مالي الا انتي ,

سوير ( يقال له مستحيه ) : أنا رحت ملح بالسطه

نايف : الا ما قلتي لي ريم مهب جايه عند جمانه ؟

سوير : لا وش يجيبه ذيك بثرهـ مقعدهـ , لو بجيبه تبي تخلص كل الفشار الي أبي اجيبه ,

نايف : يسهل الله , هذا الي همكم انتي وجمانه بطونكم بس !!

سوير : إيه وهي بعد تزعجنا ما غير تقرق , وسواليفه بااااااااايخه ,

نايف : أقول يله أخمدي بس عشان تقومين بدري محد يشك بأنتس تقومين من وراهم

سوير : اجل فمان الله بروح أنام ,

نايف : فمان الكريمـ ,

[ والكل نامـ بيت أبو سوير وبيت أبو نايف ] ,

..

[ في الصباح الباكر وتحديدا ببيت أبو سوير ] ,

أم سوير : انا لله على هالرجل , قاعد لا شغل ولا مشغله وأنا ما غير مرمطة بهالمدارس ,
الحمدلله اليوم الخميس وعطلة , مالي خلق هـ الطالبات ,

أبو سوير : أقول حصه !!

أم سوير : لبيييه

أبو سوير : ورا ما احد قومن لصلاهـ الفجر ,

أم سوير : والله كلنا راحت علينا نومـه ,

أبو سوير : أجل حطي الفطور دامي أتوظا وأصلي ,

أم سوير : وأنت ما همك الا بطنك , عالعموم تقبل الله ,

..

[ ببيت أبو نايف ]

أبو نايف : أم نايف قومي سوي لي قهوهـ قبل ما أمشي الشغل ,

أم نايف : ابشر من عيوني

أبو نايف : تسلم لتس عيونتس , شفتي يقولون بيغلون سعر القهوهـ ,
بيغلونه مرهـ , يبيلنا نقلل شوي ,

أم نايف : أقول ادخل تروش وصل الفجر , هذا الي همك انت ,
انا رايحه اسوي فطور ,

[ صار المنوال على ما هو لين ما جت الساعه 2 الظهر ]

..

[ بيت أبو سوير ]

أم سوير : سارهـ قومي يله الساعه 3 ولا قمتي ,

سوير ( وهي تحلم ) : طيب طيب , قولي لنايف ترا العشا ببرج الحمام ..

أم سوير : وش تقولين انتي , بسم الله عليتس بس , الظاهر انتس تحلمني ,
وش برج حمامه انتي !! , الله يستر لا يكون بتس حرارهـ ,
قومي بس ولا يكثر هرج ,

سوير : ابشري يمه 5 دقايق وأبقوم ,

[ قامت سوير وتغدوا ]

[ وبعد ما خلص الغدا دخلت سوير على الماسن لعل وعسى تلقى نايف ]

..

[ ماسن سوير ]

طننن

تمـ تسجيل دخول [ ريم ] ,

سوير : يووووووووهـ وش دخل هالبثرهـ الحين ,

ريمـ : أنا بثرهـ طيب أوريتس يالدووبا ,

سوير : تعالي يالبثرهـ تراي امزح ,

ريمـ : طيب وشسمه , وش اخبار حبيب القلب نايف ,

سوير : أقول محد عطاتس كف كبر خشتس ؟
مالتس دخل لا تصيرين ملقوفه

ريمـ : طيب خلاص درينا انتس تحبينه , بس بعلمتس ترا محد بياخذه منتس

سوير : يالبثرهـ شوفي , ترا ان ما غيرتي السالفه بلوك وديليت مصفين الطبلون ,

ريمـ : طيب خلاص , وش رايتس ندخل انا وياتس و جمانة بمحادثه وحدهـ ؟

سوير : يله ..

[ تم لإضافة ( جمانه ) إلى المحادثه ] ,

ريمـ : هوني يا جو جو ,

جمانه : قل أعوذ برب الفلق , وش تبون انتم

سوير : نبي سلامتس الله يطول لي بعمرتس ,
أقول اخبارتس

جمانه : بخير الله يسلمتس , اقول لا تنسين اليوم الساعه 11 ,

ريمـ : وشو الي الساعه 11 ؟!

سوير : بلا لقافه لا اعطيتس بوقس الحين ,

ريمـ : تخططون و أنا ما فيه , زعلت عليكم خلاص

سوير - جمانه : طقق , شوفي فيه 1 - 2 - 3 -4 جدران والخامس السقف ,

[ تم مغادرهـ ( ريم ) من المحادثة ]

سوير : ما بغت تطلع هـ البثرهـ ,

جمانه : من جد أعوذ بالله ياهي بثرهـ من جد ,
يله عاد الحين صلاهـ المغرب بصلي وبرجع ,

سوير : ايه والله حتى انا , تقبل الله ,

..

[ ببيت أبو نايف ]

أم نايف : ناايف يله قم الساعه 6 المغرب ,
قم الله يهديك ,

نايف : ابشري يمه هذاي قمت شوي بس ,
عطيني خمس دقايق خليني أرتاح بعد النوم

أم نايف : خمس دقايق بصلي وبجي إن ما شفتك قايم يا ويلك ,

[ قام نايف وصلى الصلوات الي عليه , وتروش وكلش ]

أم نايف: ما شاء الله وش مناسبة هـ التروش من خبرتك وانت ما تتروش الا بالقرن مرهـ

نايف : يمه لا تحطمين عاد , وبلا فظايح ,
الساعه تسع فيه عرس لصديقي عشان كذا ,

أم نايف : ألف مبروك له , وعقبالك يالمخيس ,

نايف : هاااااااااه , يسهل الله ان شاء الله ,

..

[ نرجع لبيت أبو سوير ]

سوير : يبه معليش توديني لبيت صديقتي جمانه ؟!

أبو سوير : يسهل الله , يوم الخميس بعد صلاهـ الجمعه

سوير : لا تستهبل يبه , تراني أتكلم جد ,

أبو سوير : مالي خلق يا بنيتي , اشوف انا عاد اذا جت الساعه 9 كاني رايق
وديتس , وكاني تعبان وكلش منب موديتس ,

سوير : تكفى عاد يا رجل الاعمال , تراك بلا شغل ولا مشغله ,
من وين التعب !!

أبو سوير : اقول اندزلعي من وجهي لا ارفستس الحين ,
لا تخليني أغير رايي ترا بعدين ما اوديتس ,

سوير : ليت الحريمـ يسوقن كان الحين رحت بلا منتكم ,

أبو سوير : ايه والله ليتهن , كان الحين مفتك من امتس وحنت امتس ,

سوير : يله تراي بروح البس انا ,

أبو سوير : يسهل الله , انتي البسي ويصير خير

عاد دخلت سويرعلى الماسن خمس دقايق تبي تقول لنايف شي وتطلع ,

دخلت ولقت نايف [ متصل ] ,

والرساله الشخصيه [ لا احد يكلمن غير سوير , سوير تكفين ادخلي ] ,

سوير : هلا وغلا

نايف : هلاااااااااا والله ومرحبا

سوير : ترا ابوي وافق يوديني بيت جمانه ,
عاد انت خلك قريب عشان اول ما يروح ابوي انت تجي تاخذني ..!!

نايف : ابشري , ما يصير خاطرتس الا طيب , بوقف جنب البيت وبطفي الموتر عشان ما احد يحس !!

سوير : اوكي انا بطلع الحين من الماسن بروح اتلبس ,

نايف : اوكي وانا بروح أتلبس بعد الحين الساعه 8 و عشر يالله يمدينا ,

سوير : يله مع السلامه ,

[ وتلبست سوير وقظت وقالت لأبوهـ يله ودني ووداها ]

وطبعا يوم وصلت سوير لبيت جمانه شافت سيارهـ نايف [ كرسيدا 76 ]
وفرحت , راحت تسوي نفسه ترن الجرس

..

[ وفي نفس الوقت ]

ببيت [ جمانه ] !!

أم جمانه : يله جمانه امشي نروح السوبرماركت نشتري أغراض بعدين
ارجعتس للبيت عشان صديقتس , وانا بروح لبيت خالتس ,

جمانه : طيب يمه هذاي بلبس عباتي ,

أم جمانه : ترا دقيقه وبطلع ,

جمانه: يله هذاي نزلت , وتراي بشتري أغراض لسهرتنا أنا وسوير ,

أم جمانه : اشري الي تبين بس انزلي ,

وفتحت أم جمانه الباب !!!!!!

الا تلقى قدامه سوير لابسه عباة ,
وسوير من الخوف شهقت بقوهـ , ونايف انحاش ,

تابعونا بالجزء الثاني عشان تعرفون :

1- وش صار بين سوير وأم جمانه وجمانه ,

2 - بوشو يبي يبرر نايف هجته

3 - هل بتستمر العلاقة بين سوير ونايف ؟!

تابعونا بالجزء القادم <- - حسيت إني كونان

أتمنى أن الجزء حاز على إعجابكمـ ,
وترا اللغه عاميه قصيميه ,
عشاني قصيمي ,
وانتظرونا بالاجزاء القادمـه
وألف شكر للغالي [ ابرهيم عاشق الزعيم ] على العنوان

GuNmAn_20

**ابراهيم عاشق الزعيم** · 02-09-2007, 01:56 AM

فعلاً قصة تحير ..
بأنتظار الأجزاء القادمة
وأثارة حلوة وقصة ممتازة
والحقيقة اعجبتني واجد هالقصة
وتحمست واجد للجزء الثاني !!

....

أحمد
قل وندر مثلـ موهبتك
سواء من خلال قلمك
أو من خلال تأليفك
للقصص والروايات !!
ومن هنا أقدم لك
كلمات الشكر يا رائع
مشرف بحجمك وإمكانياتك
يستحق " الأحترام والتقدير "
عافاك ربي

الأمير الآسيوي · 02-09-2007, 02:21 AM

*
*
قصـة رائـعة ومشـوقـه جــداً ..
ماشاء الله عليـك تأليـف رائـع جـداً ..
بإنتظـار الجـزء القادم ووش اللي حصـل لنايـف الدلـخ ..!

**C,RONA7LDO** · 02-09-2007, 02:30 AM

والله قصة فله ..

أجل ريم بثره , نايف يا جبان ليش تنحآش , أم سوير تقهر بتروح بالغصب بس كويس ما دام أم جمانه بتطلع , أحمد أدري أنك قوي بالسوني بس تلاحظ ان 9 قوية , أما خلدص فنان [ 15 ] مره وحده ,

[ GuNmAn_20 ] ..

والله تأليف ولا أروع حبي ..

بإنتظار الجزء الثاني وبقوه ..

يعطيك العافيه CC ..

ذابحها الدلع · 02-09-2007, 02:32 AM

هلا والله يالقصمي

شكل القصه حلوه ومرررره عجبتني

خاصه ان البنت اسمها ساره

بس عجل علينا بالجزء الثاني

تراني استنى على احر من الجمر يالقصيمي

تسلم

والف شكر لأخونا ابراهيم على العنوان الي جذب الأعضاء لقراءته

CC

الجبري · 02-09-2007, 02:40 AM

أقتباس[ كرسيدا 76 ]

وين بوديها بــ..هالسياره عااد مشكله تنتع معه وسوير معه وينــزلون ويدفــون

***
الله يعطيك العافيه ..,,CC
على هـالقصه الروعــه..

با نتظار الجزء الثاني
على احر من الجمـــر

GuNmAn_20 p21

**MeSh3aL ~ 20** · 02-09-2007, 03:00 AM

قصه جميله ومشوقه
وأحداثها رائع ومميزهـ
[ نايف و سوير ]
قصه حب مدمجه بـ المواقف
المضحكه وبـ الروح المرحه
وبـ الحب الحقيقي

[ أحمد ]

رائع يا بطل ما أنتجه فكركـ
شكرا ً لك وبإنتظار الجزء القادمـ

D16 · 02-09-2007, 03:17 AM

*

*

جن جن

ينـ ع ـن اووم الـ ح ـماس

طيب الحين هالغبية يوم انها راح تسوي نفسها تدق الجرس

ليه ما سوت نفسها تربط حبال البوت لين يروح ابوها ؟!!

بانتظار الجزء القادم

لآ تطول علينا

ع ـوافـي

فروس البدايع · 02-09-2007, 04:26 AM

مراااااااااااااااااااحب

يابعد القصمان كلهم لا فرق الله شملهم

والله قصة على كيفك

وترانا ننتضر الجزء الثاني في اسرع وقت ممكن

الا سوير وش اسمه الصدتسي مهوب الاسم الفني

الا ما قلتلنا اوم متى كمالت القصه ياكونن

لا تبطي علينا اويلاهCC

سلامون......،،،..

**Sara_20** · 02-09-2007, 04:56 AM

\\

واااو , قصــة خرافية ما شاء الله ..
مررة عجبتني ..

بس لو غيرت العنوان ..[ نايف وسوسو] ممكن يصير احسن << p21

قان مان

أبدعت والله ..
يلا لاتطول بالجــزء الثاني ..

\\

@ـلالية كيـgggت · 02-09-2007, 01:30 PM

أحمـدووهـ

وش ذا الزيــن..!!

تألف من ورانـا وماتقول لنا؟

ماشاء الله القنـآص طلعت فيه مواهب وحنا أخر من يعلم

بصراحـه القصة جوونــآن

لأن اسمي منور القصه طبعا يالبى قلبـي أنا بس <---

بس تعال.. وراك حاقدن علي ومخليني ماعندي أسلوب بالكلام؟
حرام ترى وقسم ماسويت لك شي

أقتباسجمانه : هلا بتس , اخلصي وش تبين

كني بنط عليها

سوير لاعاد تزورينن ببيتي يالجاحـدهـ

تجين عندي وتروحين مع نايف؟

<-- بينلعن خامسها بالمسن الحين

نايف تراني زعلتن عليك

ووشسمه خالد لاعاد تعشيهم مرهـ ثانيه ذولا مايستاهلون

<--

بالله فيه أحد مايعرف ماكدونالدز؟

انعن ابو التنسييييم ياشيخ

:
:

أحمـــد p21

جـــزء بطـل

وترفق علي بالجـزء الثاني هماهـ ..!

وافضح سوير ذي عند امي تراني زعلتن عليه

<--

يعطيك ألف عافيـه p21
وبإنتظـار الجزء الثاني

لاتطول علينـا

@ـلالية كيـgggت · 02-09-2007, 01:46 PM

^
^

سوري نسيت أرد ع الأسئله
<--- والله من التنسيم نسيت

أقتباس1-وش صار بين سوير وأم جمانه وجمانه ,

بعصب على سوير وبخلي أمي تعلم امه

<-- نذلــه

لا أكيد اني بتستر عليهـا

..!

أقتباس2 -بوشو يبي يبرر نايف هجته

جبـــان

أكيد بيقول شفت [ بس ] وانحشت

بس = قطـوهـ لغير المتحدثين بالقصيميــه

أقتباس

3 - هل بتستمر العلاقة بين سوير ونايف ؟!

مادامهم جيـران أكيد بيستمرون
بس سويـر بتاخذ موقف عقب ماهج وخلاها

p21

:
:

يالله نبي الجزء الثاني

ويعطيك العافيه CC

**متيمة الهلال** · 02-09-2007, 02:30 PM

اووهـ يا حمـادهـ صاير تألف والله
بس القصه وقسم انها جوونااانــ ..
تحس كلهم مهبل مايدرون عن شيء

احسـ ريم ونايف بيطلع وراهم شيء
سوير تخونـ نايف شريرهـ هالآدميه

ابوسارهـ ليه بس يحطم في سويره
نايف احسه دلخ وجبـــانـ

أقتباس

1- وش صار بين سوير وأم جمانه وجمانه

احسها بدخلها بتيهم والطلعه كلها بتتفنقش

أقتباس2 - بوشو يبي يبرر نايف هجته

بيقول كم كلمه وبعدين بيغازلها وبتهون

أقتباس3 - هل بتستمر العلاقة بين سوير ونايف ؟!

مااعتقد

انا متابعه للقصه
تسلم احمد

**‏Naif AlMussaibeh** · 02-09-2007, 02:39 PM

*
*

خخخخخخخخخخخخخخخخخخخخخخخخخخخخخخخ
خخخخخخخخخخخخخخخخخخخخخخخخخخخخخخخ
خخخخخخخخخخخخخخخخخخخخخخخخخخخخخخخ

بطل قن مان

**HeShAm _20** · 02-09-2007, 06:03 PM

*
*

قصة بطلة وفله وكل ابو الاشياء فيها

أقتباس[ و طبعا انتهت المباراهـ بفوز خالد 15 - 0 ]
[ وأهدى الفوز للثنيان ]

والحين نايف هو المتكفل بالاهدائات

مرة سامي ومرة يوسف

اجل كرسيدا 78 وش لونها

وسوير يا انها توهقت اجل نايف حط رجله هو والكرسيدا اللي معه

ننتظر الجزء الثاني

احمد الف شكر حبيبي والمرة الجاية خل نايف يتكفل باهداء لياسر

02-09-2007, 01:49 AM	#1
GuNmAn_20 . . : زعيم القناصين : . .	][ نايـف وسويـر .. قصتهـم تحيـر ][ " تم اضافة الجزء الثالث"رد # 49 بسمـ الله الرحمنـ الرحيمـ , السلام عليكم جميعا , . . . . طبعا في واقعنا الدنيء , حيث يخاف المرء على نفسه من ضعفاء النفوس , حيث يخاف المرء حتى من صديقه العزيز والمقرب , حيث يحذر المرء من صديقه قبل عدوهـ , حيث الكبير يأكل الصغير , حيث أنك تتوقع في أي وقت الخيانة من أعز الناس اليك , . . . . طبعا هذه قصـة تتناول أطرافها الرومنسية والطرافة . طبعا تبي تكون القصة بالعامية , والآن نترككم مع شخصيات القصـة , [ شخصيات القصـة ] طبعا القصـة فيها عائلتين , [ عائلة أبو نايف ] الأب : عبدالله [ الأب المتعجرف والي ما يهمه الا نفسه ومخباته ] الأم : نورهـ [ الأم الحنونه الي تحرص على مصلحـة نايف ] الابن : نايف [ ما غير طالع مع شلته ولا يعرف البيت الا للنوم والنت , كنه فندق ] عائلـة ابو سوير الأب : يوسف [ الأب الدين الي ما يفوت ولا صلاهـ لكنه بدون لا شغل ولا مشغله ] الأم : حصه [ الأم الحنونة , لكن يشغلها عن عيالها الشغل المتواصل ] البنت : سارهـ [ سوير ] [ البنت الجميلة والمدللة ] [ وأيضا تحب نايف ونايف يحبها من هم صغار ] [ وطبعا العائلتين جيران ] طبعا وخارج سياج العائلتين , [ شلـة نايف ] 1- أحمد [ الصديق المقرب لنايف والي ما يفارقه أبد ] , 2- صالح [ والي هو عكس اسمه تماما ] 3 - خالد [ موفر احتياجات الشله ( ولد نعمه ) وتعرفون عاد لازم يكون من النوع الوشسمه ] صديقات [ سوير بالماسن ] , 1- جمانة [ صديقة سارهـ المقربة ] 2- أم جمانه 3- ريم [ الصديقة المنسمه والي دايم تسلك له سوير ] [ أحداث القصـه ] .. [ بيت ابو سوير ] , وقت العشاء , وكان أبو سارهـ به نوم ويبي ينامـ , سارهـ : يبه يبه أبو سارهـ : وحطبـه , وش تبين خلينا نتعشا ما قد تعشينا الا لازم يبه يبه , سارهـ : لا بس كنت بقول لك ترا وشسمه اختبرنا امس رياضيات وجبت زين الحمدلله , أبو سارهـ : طيب خلاص مبروك بس خلينا نتعشا , سارهـ بعد التحطيم : الشرهه علي الي أذاكر عشان أجيب درجات وأنتم ما غير مسلكين لي وما تعطونن وجه , صديقاتي يسافرون أوروبا وكلش وحنا حدنا الرياض , أبو سارهـ [ بمصاله ] : عندتس الحوش روحي سافري به , أم سارهـ [ حصه ] : خلاص يا بنت خلي ابوتس يتعشى , سارهـ : الشرهه علي الي اتعشى معكم بروح اقعد على النت ابرك لي , .. [ بيت أبو نايف ] أبو نايف [ عبدالله ] : نووووراااااهـ , أم نايف : سمـ طال عمرك , أبو نايف : هماي قايل لتس الساعه 10 بالليل تحطين العشا , وين العشا منب أشوف شي , أم نايف : أبشر يا بعدي انت , مسافة السكـة ويكون عندك أبو نايف : ايه ابيتس سنعه تسذاتا , الا وين نايف ؟ أم نايف : وفيه غير الشلـة , أكيد رايحين بيت صديقه خالد قاعدين بملحقه كالعادهـ , أبو نايف : أحسن يوفر علينا عشا , .. [ بملحق خالد ( صديق نايف) ] أحمد : الي بعدوووووووووهـ , من يبيني أرقعه دوري ياباني ثانيه , رقعت صالح , هاهـ تبي تلعب نايف ؟! [ نايف ] : امش انا ارقعك , الظاهر ما قد أحد رقعك زين , يبيلك من يهجدك , أحمد : نشوف نشوف امش العب بس , خالد : شباب دقيقه بروح اتطيب وبجي أحمد : وذا من جيناهـ وهو ما غير بتطيب وبجي وبتطيب وأبجي , نايف : اقول ابدا اللعب ولا يكثر تصريفك , تبي تأخر هزيمك بأي سالفـه , [ وطبعا انتهت المباراهـ بفوز احمد 9 - 0 ] [ واهدى هالفوز لسامي ] أحمد : ما قلت انك زلابه وما عندك سالفه , مسوي تهايط وبالاخير كسرت راسك لين ما قلت امين . نايف : اقول حظك والله , احمد ربك اني ما قويت معك <- - بدا شغل أول ابتدائي أحمد : اقول خلنا ساكتين , 9 بعد الرأفة , كان ودي أجيب 20 وأهديه لياسر , بس قلت بما أن سامي اعتزل خلنا على 9 , نايف : ايه صح بدا الفقش , أقول وين ذاك الي راح يتطيب لوه صانعن عطر كان خلص , أحمد : تبي تلعب ثانيه ولا مليت من الهزيمه , نايف : لا ايدي تعبت خلاص ما ابي العب <- - عاش مصرف [ وعقب ربع ساعه ويجي خالد وعطره يشمه الي باخر الحارهـ ] خالد : يله شباب وش تبون عشا , أحمد - ونايف وصالح : امممممممممممممممممممممممممممـ .. احمد ( بمصاله ) : وش رايكم نطلب من مطعم شنغهاي الي جنبنا ترا يمدحونه نايف : اقول انثبر بس خلك بالسوني , وانا خلني بالمطاعم , وش رايكم نطلب من وشسمه ذا الي علامته بطاطس صفراء وعلى شكل حرف M ؟ خالد : تقصد ماكدونالدز , وفيه احد ما يعرفه نايف : لا بس نسيته , [ طلبوا العيال وآكلوا وجا وقت الرجعه وكانت الساعه 1 بالليل ] أحمد : يله فمان الله جميعا وراي دوامـ لازم أنام صالح : وحتى أنا والله .. ورانا دوامات نايف : فمان الكريمـ . . خالد : باااااااااي احمااااد , باااااااااي صالح احمد ( رجع مرهـ ثانيه ) : نايف , لاتنسى تسلم على حبيبة القلب سوير نايف : اقول رح الله يسهل عليك لا تجيك زبيريه 48 , أحمد : اتحداك , وهج خالد : نايف انت ما عندك دوام بكرهـ <- - يبي يصرفه نايف : لا ماخذ إجازهـ مرضيه وانا ما بي شي , يعني بقعد مر على تسبدك خالد : وش دعوه حبيبي , لا بس كنت أسالك , نايف ( مسوي قوي ) : امش أرقعك سوني , خالد : اصبر خلني احط كريم على يدي عقب ما غسلت بالصابون نايف : وش الي خلانا نبتلي فيك انت خالد : يله انا بكسر راسك , نايف : نشوف نشوف , امش بس انت قل لي كم تبي النتيجه <- - واثق [ و طبعا انتهت المباراهـ بفوز خالد 15 - 0 ] [ وأهدى الفوز للثنيان ] ( وراح نايف لبيته وهو ما غير يترقع ) .. [ في مسن سوير ] طننن ,, تم تسجيل دخول [ نايف ] سوير : هلا نايف نايف : بسم الله الرحمن الرحيم و ما خليتيني انفس الا وانتي ناطه بحلقي ؟ سوير : الشرههـ علي الي اكلمك , برب نايف : وانتي شغلتس ما غير تشرهين على العالم , تيت , [ ومن جهة أخرى ومن دون ما يدري نايف ] سوير : هلا أحمد , أحمد : هلا بالطش والرش وبالبيض المفقش , سوير : ايه هذا الترحيب موب نايف يقول نقزتي بحلقي ومدري وشو أحمد : ايه معليتس منه تراهـ ما عندهـ سالفه , اليوم ماله خلق أحد رقعته انا 9 وخالد 15 سوير : وأنا اقول وراهـ متضايق , أحمد : عرفتي الحين ؟ , برب شوي سوير : تيت , .. [ أحمد ونايف ( مسن ) ] احمد : هلا وغلا نايف : هلا بك , أحمد : ما اكتفيت من الـ 9 ؟ نايف : اقول خلك ساكت رقعني خالد 15 أحمد : ههههههههههههههههههههههههههههههههههههههههههه , داري قال لي خالد بالجوال تستاهل , خل هياطك ينفعك , تلقاه لاعب وبيده كريم لازم نايف : ويبيلها قول هذي , أحمد : اقول وش اخبار حبيبة القلب . نايف : الحين ما يمدين اصكك بزبيرية , بس بصكك ببلوك كبر راسك , أحمد : لا خلاص خلاص هد الوضع نايف : برب شوي , ابوي يبيني أحمد ( على نياته ) : الله الله بابوك , تيت .. .. [ نايف وسوير يرجعون مسن ] نايف : سوير , أقول زعلتي؟ , تراني مقدر على زعلتس , سوير : أنا زعلت منك , لكن كلش يهون عشانك نايف : سوير , بحكم اننا نعرف بعض من الروضه , وشرايتس نطلع نتعشى ولا شي سوير : والله شف يا حبيبي , انا ما عندي مانع لكن لو دروا أهلي بيلعنون خامسيني نايف : ما عليتس قولي لهم بروح بيت صديقتي , وخلي ابوتس يوديتس هناك , واذا راح انا جيت اخذتس ونروح , وبالرجعه قولي لصديقتس بجي عندتس شوي مشتاقت لتس , وسوي نفستس طالعه من صديقتس وهو بيجي ياخذتس ابوتس , سوير : امبييه امبييه ابي امي ابي ابوي , طيب لو درا ابوي ولا أمي ؟ نايف : ما عليتس انتي روحي لم جمانة , هي الي تحبتس وتخفي أسرارتس , سوير : اوكي , امرنا لله نايف : الخميس , الساعه 9 الليل تكونين عند باب بيت صديقتس , اخذتس نروح لم برج الحمام , نتعشى ونرجع سوير : صار , بس خايفه نايف : لا تخافين وراتس رجال , سوير : أوكي , جمانة دخلت عندي بالمسن , بقول لها نايف : اوكي اجل اتركتس على راحتس , سوير : عن اذنك نايف : اذنتس معتس سوير ( بمصاله زايدهـ ) : ادري ان أذني معي والا وشلون اسمع نايف : آخ لو اقدر اصكتس بزبيريه عشان تعدلين الفاظتس , سوير : هيه خلاص اسفه , برب بقول لـ جمانه , نايف : تيت , .. [ بين سوير وجمانه ] سوير : هلا وغلا ومرحبا ومسهلا , نور المسن جمانه : هلا بتس , اخلصي وش تبين سوير : لا بس مشتاقه لتس حيييييل وودي اجي ازورتس <- - والله من قطه الوجه جمانة : حياتس بأي وقت , بس متى تبين تجين ؟ سوير : أبد الساعه 11 يوم الخميس , جمانة : اوكي . بس لا تنسين الفشار عشان نناظر فلم وناكل فشار سوير : اوكي , برب شوي جمانة : تيت , .. [ نرجع لسوير ونايف ] , سوير : ابشرك وافقت نايف : الحمدلله , اجل يوم الخميس الساعه 9 , سوير : اوكي , ودخلت سوير بأفكارهـ وتتصور وش بيكون يوم الخميس , وش بيسوون , وش بيتعشون , ويقطع حبل افكارهـ أم سارهـ [ حصه ] أم سوير : سويييير , تعالي ابيتس بسالفـة , [ وسارهـ ما ترد ] سووووووويييير وصمخ سارهـ : هاه يمه وش تبين , قصدي سمي أم سوير : تعالي أبيتس تكنسين المقلط عقب عشا ابوتس , تقل عشا بزران سوير : وهذي السالفه المهمه ومدري إيش , الزبدهـ يمه ترا صديقتي جمانـه عزمتني يوم الخميس, أم سوير : ما شاء الله , وشوله هـ العزيمه ؟ سوير : لا أبد بس عزيمه أشتقنا لبعض ونبي نتشاوف , أم سوير : اجل انا بعد بروح لأم جمانه من زمان ما سلمت عليه وا خزياهـ , سوير : هااااااااااااه , لازم تروحين ؟! أم سوير : هو !! , وش بتس يا بنيتي ؟! ما تبين أروح معتس سوير : لا يا يمه , بس تعرفين هي عزيمة بنات يعني وش تبين أنتي أم سوير : والله ما أدري عنتس أنتي , عالعموم أنا بروح رضيتي ولا ما رضيتي , سوير ( بنفسه ) : والله يالبلشه , الحين وشلون بطلع أم سوير تدق على أم جمانه : الووو , هلا ام جو جو أقول من زمان ما تشاوفنا حنا , وش رايتس يوم الخميس ما دام بنتي سوير تبي تجيكم نكمل التفريقه وأجيكم أنا بعد , أم جمانه : حياتس الله , بس يوم الخميس ما راح أكون بالبيت , وبعدين تعالي !! من قال أن سوير تبي تجي عندنا ؟ ما قالت لي جمانه !! أم سوير : غريبه والله , بس سوير تقول لي أن فيه عزيمه يوم الخميس وانه تبي تروح لم جمانه ؟؟ أم جمانه : مدري عنه , ايه كودهـ تجي سوير خله تحبرش مع بنتي , عشان البيت بيكون فاضي محد بوهـ , أم سوير : خلاص أجل فرصه سعيدهـ , و ان شاء الله نشوفتس بأي وقت , أم جمانه : ان شاء الله , يله فمان الله , [ طوووووووط طوووووووووط ] سوير : هاهـ يمه وش قالت أم جمانه تبين تروحين ؟ أم سوير : لا تقول مشغولـة , سوير : الحمد لله ( بصوت عالي ) أم سوير : الحين انتي وش بتس ما تبيين أروح سوير : لا بس بالغلط طلعت الحمدلله , أم سوير : والله محد يدري عنتس يالدبيه , اقول روحي افتحي مكيف غرفت ابوتس عشانه بعد شوي يبي ينام , سوير : من عيوني أم سوير : عسا عيونتس الفظخ قولي آمين , سوير : هذا جزاي أقول من عيوني , خلاص المرهـ الحايه بقول لتس طيب أم سوير : روحي لا يجيتس شب شب مقاسه 40 على خشتس , ولا تنسين لا فتحتي المكيف تكنسين المقلط سوير ( محبطه ) : طيب أبو سوير : أم سوييييييييير , توي مصلي الوتر فتحتوا مكيف غرفتي ؟ أم سوير : ايه فتحناه راحت سوير تفتحه , أبو سوير : أشوا عشان بي نوم وأبي الغرفه تصير باردهـ , ولا تنسون تقومونن لصلاهـ الفجر [ والكل خمد للنوم ببيت أبو سارهـ ] .. [ بـ بيت أبو نايف وتحديدا الساعه 3 الفجر ] أبو نايف : يالله وقت النومـ , أم نايف : ههههههههههههههههههههههههه , تبي نايف بنام الحين , نسيت أنه ماخذ اجازهـ ياله ينام الساعه 7 أو 8 الصبح , أبو نايف : الله يهديه بسـ , .. [ بغرفة نايف ] , كان قاعد على المنتديات و يناظر وش الجديد , ويحتري دخلة حبيب الألب [ وطبعا خلسة ومن دون ما يعرف أحد قامت سوير من فراشه ودخلت على النت .. [ ماسن نايف ] , طنننن تمـ تسجيل دخول سوير , نايف : هلا وغلا سوير : هلا بك اكثر نايف : كل البيت نايمـ ؟ سوير : ايه بس قصر حسك أخاف يسمعون نايف : اقول بلا مصاله لا ألغي الطلعه الي بكره سوير : لا خلاص خلاص ما أعيدهـ , نايف : أقول تجهزي ترا بكرهـ الساعه 9 باخذتس , سوير : أكييييد , ويبيلها قول هذي , نايف : أقول ما تعرفين صديقتس وشسمه ذي ريمـ , سوير : ايه وشبه , لا يكون حبيته بدالي !! نايف : لا بسم الله علي , ذيك تنحب , أنا مالي الا انتي , سوير ( يقال له مستحيه ) : أنا رحت ملح بالسطه نايف : الا ما قلتي لي ريم مهب جايه عند جمانه ؟ سوير : لا وش يجيبه ذيك بثرهـ مقعدهـ , لو بجيبه تبي تخلص كل الفشار الي أبي اجيبه , نايف : يسهل الله , هذا الي همكم انتي وجمانه بطونكم بس !! سوير : إيه وهي بعد تزعجنا ما غير تقرق , وسواليفه بااااااااايخه , نايف : أقول يله أخمدي بس عشان تقومين بدري محد يشك بأنتس تقومين من وراهم سوير : اجل فمان الله بروح أنام , نايف : فمان الكريمـ , [ والكل نامـ بيت أبو سوير وبيت أبو نايف ] , .. [ في الصباح الباكر وتحديدا ببيت أبو سوير ] , أم سوير : انا لله على هالرجل , قاعد لا شغل ولا مشغله وأنا ما غير مرمطة بهالمدارس , الحمدلله اليوم الخميس وعطلة , مالي خلق هـ الطالبات , أبو سوير : أقول حصه !! أم سوير : لبيييه أبو سوير : ورا ما احد قومن لصلاهـ الفجر , أم سوير : والله كلنا راحت علينا نومـه , أبو سوير : أجل حطي الفطور دامي أتوظا وأصلي , أم سوير : وأنت ما همك الا بطنك , عالعموم تقبل الله , .. [ ببيت أبو نايف ] أبو نايف : أم نايف قومي سوي لي قهوهـ قبل ما أمشي الشغل , أم نايف : ابشر من عيوني أبو نايف : تسلم لتس عيونتس , شفتي يقولون بيغلون سعر القهوهـ , بيغلونه مرهـ , يبيلنا نقلل شوي , أم نايف : أقول ادخل تروش وصل الفجر , هذا الي همك انت , انا رايحه اسوي فطور , [ صار المنوال على ما هو لين ما جت الساعه 2 الظهر ] .. [ بيت أبو سوير ] أم سوير : سارهـ قومي يله الساعه 3 ولا قمتي , سوير ( وهي تحلم ) : طيب طيب , قولي لنايف ترا العشا ببرج الحمام .. أم سوير : وش تقولين انتي , بسم الله عليتس بس , الظاهر انتس تحلمني , وش برج حمامه انتي !! , الله يستر لا يكون بتس حرارهـ , قومي بس ولا يكثر هرج , سوير : ابشري يمه 5 دقايق وأبقوم , [ قامت سوير وتغدوا ] [ وبعد ما خلص الغدا دخلت سوير على الماسن لعل وعسى تلقى نايف ] .. [ ماسن سوير ] طننن تمـ تسجيل دخول [ ريم ] , سوير : يووووووووهـ وش دخل هالبثرهـ الحين , ريمـ : أنا بثرهـ طيب أوريتس يالدووبا , سوير : تعالي يالبثرهـ تراي امزح , ريمـ : طيب وشسمه , وش اخبار حبيب القلب نايف , سوير : أقول محد عطاتس كف كبر خشتس ؟ مالتس دخل لا تصيرين ملقوفه ريمـ : طيب خلاص درينا انتس تحبينه , بس بعلمتس ترا محد بياخذه منتس سوير : يالبثرهـ شوفي , ترا ان ما غيرتي السالفه بلوك وديليت مصفين الطبلون , ريمـ : طيب خلاص , وش رايتس ندخل انا وياتس و جمانة بمحادثه وحدهـ ؟ سوير : يله .. [ تم لإضافة ( جمانه ) إلى المحادثه ] , ريمـ : هوني يا جو جو , جمانه : قل أعوذ برب الفلق , وش تبون انتم سوير : نبي سلامتس الله يطول لي بعمرتس , أقول اخبارتس جمانه : بخير الله يسلمتس , اقول لا تنسين اليوم الساعه 11 , ريمـ : وشو الي الساعه 11 ؟! سوير : بلا لقافه لا اعطيتس بوقس الحين , ريمـ : تخططون و أنا ما فيه , زعلت عليكم خلاص سوير - جمانه : طقق , شوفي فيه 1 - 2 - 3 -4 جدران والخامس السقف , [ تم مغادرهـ ( ريم ) من المحادثة ] سوير : ما بغت تطلع هـ البثرهـ , جمانه : من جد أعوذ بالله ياهي بثرهـ من جد , يله عاد الحين صلاهـ المغرب بصلي وبرجع , سوير : ايه والله حتى انا , تقبل الله , .. [ ببيت أبو نايف ] أم نايف : ناايف يله قم الساعه 6 المغرب , قم الله يهديك , نايف : ابشري يمه هذاي قمت شوي بس , عطيني خمس دقايق خليني أرتاح بعد النوم أم نايف : خمس دقايق بصلي وبجي إن ما شفتك قايم يا ويلك , [ قام نايف وصلى الصلوات الي عليه , وتروش وكلش ] أم نايف: ما شاء الله وش مناسبة هـ التروش من خبرتك وانت ما تتروش الا بالقرن مرهـ نايف : يمه لا تحطمين عاد , وبلا فظايح , الساعه تسع فيه عرس لصديقي عشان كذا , أم نايف : ألف مبروك له , وعقبالك يالمخيس , نايف : هاااااااااه , يسهل الله ان شاء الله , .. [ نرجع لبيت أبو سوير ] سوير : يبه معليش توديني لبيت صديقتي جمانه ؟! أبو سوير : يسهل الله , يوم الخميس بعد صلاهـ الجمعه سوير : لا تستهبل يبه , تراني أتكلم جد , أبو سوير : مالي خلق يا بنيتي , اشوف انا عاد اذا جت الساعه 9 كاني رايق وديتس , وكاني تعبان وكلش منب موديتس , سوير : تكفى عاد يا رجل الاعمال , تراك بلا شغل ولا مشغله , من وين التعب !! أبو سوير : اقول اندزلعي من وجهي لا ارفستس الحين , لا تخليني أغير رايي ترا بعدين ما اوديتس , سوير : ليت الحريمـ يسوقن كان الحين رحت بلا منتكم , أبو سوير : ايه والله ليتهن , كان الحين مفتك من امتس وحنت امتس , سوير : يله تراي بروح البس انا , أبو سوير : يسهل الله , انتي البسي ويصير خير عاد دخلت سويرعلى الماسن خمس دقايق تبي تقول لنايف شي وتطلع , دخلت ولقت نايف [ متصل ] , والرساله الشخصيه [ لا احد يكلمن غير سوير , سوير تكفين ادخلي ] , سوير : هلا وغلا نايف : هلاااااااااا والله ومرحبا سوير : ترا ابوي وافق يوديني بيت جمانه , عاد انت خلك قريب عشان اول ما يروح ابوي انت تجي تاخذني ..!! نايف : ابشري , ما يصير خاطرتس الا طيب , بوقف جنب البيت وبطفي الموتر عشان ما احد يحس !! سوير : اوكي انا بطلع الحين من الماسن بروح اتلبس , نايف : اوكي وانا بروح أتلبس بعد الحين الساعه 8 و عشر يالله يمدينا , سوير : يله مع السلامه , [ وتلبست سوير وقظت وقالت لأبوهـ يله ودني ووداها ] وطبعا يوم وصلت سوير لبيت جمانه شافت سيارهـ نايف [ كرسيدا 76 ] وفرحت , راحت تسوي نفسه ترن الجرس .. [ وفي نفس الوقت ] ببيت [ جمانه ] !! أم جمانه : يله جمانه امشي نروح السوبرماركت نشتري أغراض بعدين ارجعتس للبيت عشان صديقتس , وانا بروح لبيت خالتس , جمانه : طيب يمه هذاي بلبس عباتي , أم جمانه : ترا دقيقه وبطلع , جمانه: يله هذاي نزلت , وتراي بشتري أغراض لسهرتنا أنا وسوير , أم جمانه : اشري الي تبين بس انزلي , وفتحت أم جمانه الباب !!!!!! الا تلقى قدامه سوير لابسه عباة , وسوير من الخوف شهقت بقوهـ , ونايف انحاش , تابعونا بالجزء الثاني عشان تعرفون : 1- وش صار بين سوير وأم جمانه وجمانه , 2 - بوشو يبي يبرر نايف هجته 3 - هل بتستمر العلاقة بين سوير ونايف ؟! تابعونا بالجزء القادم <- - حسيت إني كونان أتمنى أن الجزء حاز على إعجابكمـ , وترا اللغه عاميه قصيميه , عشاني قصيمي , وانتظرونا بالاجزاء القادمـه وألف شكر للغالي [ ابرهيم عاشق الزعيم ] على العنوان GuNmAn_20 التوقيع: اعتذر عن قلـة دخولي هـ الأيام .. لـعدة أسـباب .. الله يعيننا وياكمـ التعديل الأخير تم بواسطة GuNmAn_20 ; 02-09-2007 الساعة 03:05 AM

02-09-2007, 01:56 AM	#2
ابراهيم عاشق الزعيم . . : زعيم القناصين : . .	رد: ][ نايـف وسويـر .. قصتهـم تحيـر ][ (( 1 )) فعلاً قصة تحير .. بأنتظار الأجزاء القادمة وأثارة حلوة وقصة ممتازة والحقيقة اعجبتني واجد هالقصة وتحمست واجد للجزء الثاني !! .... أحمد قل وندر مثلـ موهبتك سواء من خلال قلمك أو من خلال تأليفك للقصص والروايات !! ومن هنا أقدم لك كلمات الشكر يا رائع مشرف بحجمك وإمكانياتك يستحق " الأحترام والتقدير " عافاك ربي التوقيع: : كثر الله حبك وانعم الله غلاك ( أنت الأول بـ حبي ) ( وأنت حبي الأخير )

02-09-2007, 02:21 AM	#3
الأمير الآسيوي قناص مميــز	رد: ][ نايـف وسويـر .. قصتهـم تحيـر ][ (( 1 )) * * قصـة رائـعة ومشـوقـه جــداً .. ماشاء الله عليـك تأليـف رائـع جـداً .. بإنتظـار الجـزء القادم ووش اللي حصـل لنايـف الدلـخ ..!

02-09-2007, 02:30 AM	#4
C,RONA7LDO . . : زعيم القناصين : . .	رد: ][ نايـف وسويـر .. قصتهـم تحيـر ][ (( 1 )) والله قصة فله .. أجل ريم بثره , نايف يا جبان ليش تنحآش , أم سوير تقهر بتروح بالغصب بس كويس ما دام أم جمانه بتطلع , أحمد أدري أنك قوي بالسوني بس تلاحظ ان 9 قوية , أما خلدص فنان [ 15 ] مره وحده , [ GuNmAn_20 ] .. والله تأليف ولا أروع حبي .. بإنتظار الجزء الثاني وبقوه .. يعطيك العافيه CC .. التوقيع: [ .. إذا أكرمت الكريم ملكته وإذا أكرمت اللئيم " تمرّد " .. }

02-09-2007, 02:32 AM	#5
ذابحها الدلع قنــاص مبــدع	رد: ][ نايـف وسويـر .. قصتهـم تحيـر ][ (( 1 )) هلا والله يالقصمي شكل القصه حلوه ومرررره عجبتني خاصه ان البنت اسمها ساره بس عجل علينا بالجزء الثاني تراني استنى على احر من الجمر يالقصيمي تسلم والف شكر لأخونا ابراهيم على العنوان الي جذب الأعضاء لقراءته CC التوقيع: تبي تربح المليون ارعص هوون

02-09-2007, 02:40 AM	#6
الجبري قنــاص مبــدع	رد: ][ نايـف وسويـر .. قصتهـم تحيـر ][ (( 1 )) أقتباس[ كرسيدا 76 ] وين بوديها بــ..هالسياره عااد مشكله تنتع معه وسوير معه وينــزلون ويدفــون *** الله يعطيك العافيه ..,,CC على هـالقصه الروعــه.. با نتظار الجزء الثاني على احر من الجمـــر GuNmAn_20 p21 التوقيع: تقبل الله صيـامنا وصيامكـــ/م

02-09-2007, 03:00 AM	#7
MeSh3aL ~ 20 . . : كبــار الكتـاب : . .	رد: ][ نايـف وسويـر .. قصتهـم تحيـر ][ (( 1 )) قصه جميله ومشوقه وأحداثها رائع ومميزهـ [ نايف و سوير ] قصه حب مدمجه بـ المواقف المضحكه وبـ الروح المرحه وبـ الحب الحقيقي [ أحمد ] رائع يا بطل ما أنتجه فكركـ شكرا ً لك وبإنتظار الجزء القادمـ

02-09-2007, 03:17 AM	#8
D16 قناص فعـال	رد: ][ نايـف وسويـر .. قصتهـم تحيـر ][ (( 1 )) * * جن جن ينـ ع ـن اووم الـ ح ـماس طيب الحين هالغبية يوم انها راح تسوي نفسها تدق الجرس ليه ما سوت نفسها تربط حبال البوت لين يروح ابوها ؟!! بانتظار الجزء القادم لآ تطول علينا ع ـوافـي التوقيع: D16

02-09-2007, 04:26 AM	#9
فروس البدايع قنــاص فعــال	رد: ][ نايـف وسويـر .. قصتهـم تحيـر ][ (( 1 )) مراااااااااااااااااااحب يابعد القصمان كلهم لا فرق الله شملهم والله قصة على كيفك وترانا ننتضر الجزء الثاني في اسرع وقت ممكن الا سوير وش اسمه الصدتسي مهوب الاسم الفني الا ما قلتلنا اوم متى كمالت القصه ياكونن لا تبطي علينا اويلاهCC سلامون......،،،..

02-09-2007, 04:56 AM	#10
Sara_20 . . : زعيم القناصين : . .	رد: ][ نايـف وسويـر .. قصتهـم تحيـر ][ (( 1 )) \\ واااو , قصــة خرافية ما شاء الله .. مررة عجبتني .. بس لو غيرت العنوان ..[ نايف وسوسو] ممكن يصير احسن << p21 قان مان أبدعت والله .. يلا لاتطول بالجــزء الثاني .. \\

02-09-2007, 01:30 PM	#11
@ـلالية كيـgggت قناص مميــز	رد: ][ نايـف وسويـر .. قصتهـم تحيـر ][ (( 1 )) أحمـدووهـ وش ذا الزيــن..!! تألف من ورانـا وماتقول لنا؟ ماشاء الله القنـآص طلعت فيه مواهب وحنا أخر من يعلم بصراحـه القصة جوونــآن لأن اسمي منور القصه طبعا يالبى قلبـي أنا بس <--- بس تعال.. وراك حاقدن علي ومخليني ماعندي أسلوب بالكلام؟ حرام ترى وقسم ماسويت لك شي أقتباسجمانه : هلا بتس , اخلصي وش تبين كني بنط عليها سوير لاعاد تزورينن ببيتي يالجاحـدهـ تجين عندي وتروحين مع نايف؟ <-- بينلعن خامسها بالمسن الحين نايف تراني زعلتن عليك ووشسمه خالد لاعاد تعشيهم مرهـ ثانيه ذولا مايستاهلون <-- بالله فيه أحد مايعرف ماكدونالدز؟ انعن ابو التنسييييم ياشيخ : : أحمـــد p21 جـــزء بطـل وترفق علي بالجـزء الثاني هماهـ ..! وافضح سوير ذي عند امي تراني زعلتن عليه <-- يعطيك ألف عافيـه p21 وبإنتظـار الجزء الثاني لاتطول علينـا التوقيع: . . after all these years it seems to be that there is a new person inside me it's same that person but with a little bit of Life experiences H.C.J

02-09-2007, 01:46 PM	#12
@ـلالية كيـgggت قناص مميــز	رد: ][ نايـف وسويـر .. قصتهـم تحيـر ][ (( 1 )) ^ ^ سوري نسيت أرد ع الأسئله <--- والله من التنسيم نسيت أقتباس1-وش صار بين سوير وأم جمانه وجمانه , بعصب على سوير وبخلي أمي تعلم امه <-- نذلــه لا أكيد اني بتستر عليهـا ..! أقتباس2 -بوشو يبي يبرر نايف هجته جبـــان أكيد بيقول شفت [ بس ] وانحشت بس = قطـوهـ لغير المتحدثين بالقصيميــه أقتباس 3 - هل بتستمر العلاقة بين سوير ونايف ؟! مادامهم جيـران أكيد بيستمرون بس سويـر بتاخذ موقف عقب ماهج وخلاها p21 : : يالله نبي الجزء الثاني ويعطيك العافيه CC التوقيع: . . after all these years it seems to be that there is a new person inside me it's same that person but with a little bit of Life experiences H.C.J

02-09-2007, 02:30 PM	#13
متيمة الهلال . . : زعيم القناصين : . .	رد: ][ نايـف وسويـر .. قصتهـم تحيـر ][ (( 1 )) اووهـ يا حمـادهـ صاير تألف والله بس القصه وقسم انها جوونااانــ .. تحس كلهم مهبل مايدرون عن شيء احسـ ريم ونايف بيطلع وراهم شيء سوير تخونـ نايف شريرهـ هالآدميه ابوسارهـ ليه بس يحطم في سويره نايف احسه دلخ وجبـــانـ أقتباس 1- وش صار بين سوير وأم جمانه وجمانه احسها بدخلها بتيهم والطلعه كلها بتتفنقش أقتباس2 - بوشو يبي يبرر نايف هجته بيقول كم كلمه وبعدين بيغازلها وبتهون أقتباس3 - هل بتستمر العلاقة بين سوير ونايف ؟! مااعتقد انا متابعه للقصه تسلم احمد التعديل الأخير تم بواسطة متيمة الهلال ; 02-09-2007 الساعة 02:32 PM

02-09-2007, 02:39 PM	#14
‏Naif AlMussaibeh . . : زعيم القناصين : . .	رد: ][ نايـف وسويـر .. قصتهـم تحيـر ][ (( 1 )) * * خخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخ بطل قن مان

02-09-2007, 06:03 PM	#15
HeShAm _20 . . : زعيم القناصين : . .	رد: ][ نايـف وسويـر .. قصتهـم تحيـر ][ (( 1 )) * * قصة بطلة وفله وكل ابو الاشياء فيها أقتباس[ و طبعا انتهت المباراهـ بفوز خالد 15 - 0 ] [ وأهدى الفوز للثنيان ] والحين نايف هو المتكفل بالاهدائات مرة سامي ومرة يوسف اجل كرسيدا 78 وش لونها وسوير يا انها توهقت اجل نايف حط رجله هو والكرسيدا اللي معه ننتظر الجزء الثاني احمد الف شكر حبيبي والمرة الجاية خل نايف يتكفل باهداء لياسر التوقيع: BB PIN :212D2ECA