أم سوير : يا صايعه يا ضايعه , حنا ما ربيناتس كذا ,
وقسم بالله هـ الكمبيوتر ما يقعد معتس ولا دقيقه ,
[ طرااخ طرااخ طرااخ ] <- صوت اللاب توب على راس سوير
سوير : يماااهـ يماااهـ , خلاص تكفين خلاص , والله ما عاد أعيدهـا ,
أم سوير : لا منب تارك هـ الكمبيوتر الا وهو فتت ,
سوير : يوه خوذيه غبَيه عندتس , لكن لا تكسرينه
أم سوير : طيب , أنا بغبيه يا الصايعـه , لكن حسابتس عند ابوتس
سوير : لا لا لا تكفين لا تقولين لأبوي شي
أم سوير : تشوفين و والله لأقوله يالضايعـه , خلاص انتي الحين ما منتس فايدهـ , من بيعرس عليتس عقب هـ الفضيحه
[ وسوير متحطمـه وحالته حاله , وحست إنه ما تبي من الدنيا شي , وإنه تبي تتنحر أو الارض تبلعه عشان تفتق من الفضيحـه ذي ]
[ أخذت أم السوير اللاب توب حق سوير وغبته عندهـ , وحلفت أنه مهب مطلعته ثانيـه ]
أبو سوير : سوييييياااار , يا حقيرهـ يا ضايعه تعاااالي ,
سوير : يووووووووووهـ وش أسوي أنا الحين , على غير ضرب أمي أباكل ضرب ثاني
أبو سوير : إنزلي يا بنت الـ ... , كنت بقوله لكن ما ابي أسب نفسي
سوير : هذاي نزلت , سم وش تبي يبه
[ ولا يجي لسوير ذاك الكف الي مصفي الطبلون ]
سوير : خلاااااااص , تراي مليت من الطق الي آكلـه , مليت من العيشه معكم , مليت من كل شي بهالدنيا
أبو سوير : والله لو تطلعين من هـ الباب مالتس دخلتن مرهـ ثانيـه
[ سوير رقت فوق لغرفته ]
سوير [ تفكر ] : أنا الحين أباخذ اللاب توب حق ابوي وبشبك النت عليه ولا احد يدري ,
[ وشبكت النت ودخلت المسن حقـه ]
تدور المتصلين ,, ولقت
جمانـه ريـمـ [ أحمد ]
راحت على طول دخلت وكلمت أحمد :
سوير : أحمااااد , أحماااااد
أحمد : وجع , قصدي عيونه
سوير : أبيك تجي تاخذني من بيتنا هالحين هـ الدقيقه
أحمد : وش تقولين أنتي , أنهبلتي ولا وش صار لتس ؟
سوير: السالفه وما فيها أن أمي درت بالسالفه .... الخ
أحمد : اوف اوف اوف , طيب إذا أنا أخذتس معي , وين أوديتس وين أروح ؟!
سوير : مالي دخل , أهم شي تعال خذني من هـ البيت الي كله طق , لو تنومني بعشه ما عندي مشاكل
أحمد : صار خير , أنا بفكر الحين وأنا جايتس , الا وين بيتكمـ
سوير : من عند ماكدونالدز للحلاقه تلف يمين , بعدين تجيك إشارهـ التفت يمين تلقى هرفي للبصريات , بعدين لف من عند هـالإشاره يمين تبي تلقى قدامك على طول [ محل هرفي للأحذيه ] , بعدين خامس بيت على اليسار
أحمد : خلاص عرفت الوصف , مسافـه السكـه , طيب لو شافنا أحد ؟! وأنتي يالفطينه وشلون تبين تطلعين من البيت , والبيت مخترش ؟؟!
سوير : ما عليكـ أنت , أنا حابكتن خطة ما صارت ولا استوت
أحمد : نشوف نشوف , بس لا تفكرين بالي صار لتس مع نايف , تراي منب جبان مثله
أحمد : يووووهـ نسيت , الحين وشلون تبي تدري إني وصلت ؟؟!
سوير : دريت يا غبي من زمان ,
أحمد : , وشلون طلعتي من البيت يا جنيه ,
سوير : أقول لك كانت خطـه محبوكـه , أقول لك إياها بالسيارهـ , امش خلنا نروح لا أحد شفونا ونتورط ,
أحمد : يله اركبي بسرعـه ,
سوير : القصه وما فيها الله يسلمك , أنا غرفتي صايرن به بلكونـه , و هـ البلكونه به سلم عشان الي يبي يرقى يزين الكشاف الي على الحوش , عشان كذا فتحت دريشتي , وطلعت على البلكونه ونزلت على الحوش وطلعت
أحمد : أهااا , والله منتب سهله أنتي ,
سوير : ايه وش رايك أنت , ترا ما ينلعب معي أنا
أحمد : الحين أنتي يا فهيمـه وين أوديتس ؟!
سوير : هااااه , آآآءءء , مدري والله
أحمد : أنا اقول أوديتس لملحقي على انتس واحد من الشباب , ونشوف لنا حل بعدين
سوير : خلاص طيب , أهمـ شي ما أبي أشوف رقعة وجه أمي وأبوي ,
..
[ بنفس الوقت ببيت أبو سوير ]
أم سوير : وليي على آمتي <- متأثر بـ باب الحارهـ ,
سوير موب موجودهـ , أبو سوييييييير , شف سوير وينه الله يقلعـه ,
أبو سوير : وشو ؟؟ , وش تقولين أنتي , متأكدهـ إنها موب موجودهـ بالبيت ؟
طيب دوري بكل مكان لا تتركين ولا غرفه إلا وانتي نبشتي فيها زين ,
أم سوير : والله دورت ومالقيتها
أبو سوير : الحين أطلع أدورها بالحارهـ يمكنها هجت هـ الملعونه ,
أم سوير : الله يستر بس , الله يستر ,
[ طلع أبو سوير ودار الحارهـ كلها شبر شبر بيت بيت و وما لقى سوير ]
أبو سوير : يا بنت الحلال ما لقيتها , دورتها بكل مكان , وين راحت هـ الصايعه
أم سوير : مالنا إلا إننا نبلغ الشرطـة , وهمـ يشوفون لنا وينه ,
أبو سوير : الصباح رباح , أنا الحين بنام وإذا قمنا شفنا الشرطـة
أم سوير : أي تنام وأي بطيخ , صدز إن ما عدنك ضمير , بنتك تهيت بالشوارع وأنت تبي تنام وشلون يجيك النوم قل لي ؟؟! , هذي بنتك يالظالم وأنت تبي تنام ؟! لو أنه ولدك كان نقول والله ولد ورجال ما ينخاف عليه , أما هذي بنت , ترا شف , لو ما تروح للشرطة أنا أروح لو مشي
أبو سوير : خلاص خلاص , الحين بروح للشرطـة , لا تلجينن ,
[ وراح ابو سوير للشرطة وبلغ عن سوير ورجع لبيته وهو كل أمله إن الشرطـه يلقون بنته الضايعـه ]
أم سوير : هاهـ بشر وش قالوا ؟؟!
أبو سوير : وش قالوا يعني !!! , قالوا نبي نرسل مجموعتا تبحث عن البنت , خلاص أنا بنام وإذا قمت بشوف وش سوو !!
أم سوير : وشلون بنام أنا الحين , شكلي بقعد طول الليل سهرانـه وشلون بيجيني نومـ وبنتي هايته بالشوارع , ما نقول غير لا حول ولا قوة الا بالله الله يردها سالمتن غانمـه ,
..
[ بين سوير وأحمد بعد وصولهم لبيت أحمد ]
أحمد : شوفي , أنتي أدخلي الملحقـ , ونشوف لنا حل بكرهـ
سوير : خلاص طيب , طيب جب لي فراش عشان أنام ,
[ وراح أحمد وجاب فراش لسوير ]
أحمد : هذا الفراش جبناهـ لتس , أنا استاذنت من أبوي وقال لي خله ينام على راحته , يحسب إنتس صديقي هـ المخفه
سوير : ههههههه , وأنت يالمهبول تقول عن أبوك مخفه ,
أحمد : أقول أنتي أخمدي وأنا بروح أنام بفراشي فوق ,
سوير : طيب خلاص الله معك , طيب تعال تعال , لو دخلت علينا أمك ولا أبوك ولا حدا أخوانك الصغار وش أبسوي ,
أحمد : ما عليتس أنتي القزاز مظلل حق الملحق , وأنا أبقفل الملحق , يعني محد راح يدخل
سوير : طمنتني أجل , يله رح اذلف نم
[ ويوم دخل أحمد للبيت على أنه يبي ينام ]
أبو احمد : وين وين , وين تبي تروح أنت , هماك تبي تنام مع خويكـ ؟!!! وشلون تجيب خويك وتروح تنام جوا البيت !!
أحمد : لاااا يبه وراك فهمت غلط , أنا كنت بجيب فراش ثاني , نسيت أجيب لنفسي فراش
أبو أحمد : ايه اشوا , يله رح جب لك فراش واذلف عند خويكـ ,
أحمد : سمـ ابشر يبه ,
[ وراح أحمد شايلن فراشه يبي ينام بالملحق ]
أحمد : هلا سوير
سوير : هو!! هامك تبي تنام بالبيت ,
أحمد : ابوي كرشني يقول لي نم مع صديقك ,
سوير : أجل رح انلقع نم بالدور الفوقاني , الدور التحتاني لي
أحمد : ولا بعد !! وين تبيني أنام
سوير : طيب يله نم ولا تزعجنا بس
أحمد : صدز لا قالوا , الحلال حلال أبونا والقوم طردونا
سوير : يصير خير , نم ولا يكثر هرجك بس ,
[ ويوم جا الظحى قام أحمد يبي يروح لشغله [ سواق شيوخ ] يعني يودي الكباريه للمطارات ويرجعهمـ ] ,
[ واستمرت هـ الحاله لقرابة شهر ]
سوير : يا أحمد , ترانا ملينا من هـ الحاله , ما عندك خطه بديله ؟!!!
أحمد : إيه والله نسيت إني الوليد بن طلال , تبيني أسكنتس بفندق المملكه ,
سوير : تتطنز أنت ووجهك ,
أحمد : طيب يله عطينا حل أنتي ,
سوير : يعني لو أنا عندي حل أبسألك أنت وخشك الي تقول صحن فول
أحمد : أنتي خلتس بالملحق , لين نلقى لنا حل
..
[ بمسن جمانة ]
جمانه : ريمووهـ ما تلاحظين سوير لـه شهر ما دخلت المسن !!! وش القصه , من أول كل ما ندخل نلقاهـ مسنترهـ عندنا ,
ريمـ : إيه والله ما لح لا حس ولا خبر ,
جمانه : بدق عليه والله , ماله حس أبد ,
[ ودقت جمانه على سوير وطلع جواله مقفل ]
انهبلت جمانه وقالت الشغله فيها إن , الشغله كبيرهـ موب هينه , [ وراحت لم بيت سوير وسالت عنه , صرفتها أم سوير , وقالت مسافرهـ مع خالها وبناته ]
جمانة ما صدقت , وقالت لو هي مسافرهـ كان قالت لنا , وحتى من وجه أم سوير باين أن فيه شي
وهي سوت الي عليها ولا درت وين رايحه , واستسلمت للأمر الواقـع ,
..
[ في بيت أبو سوير ]
أم سوير : هاهـ يبو سوير !! وش قالوا الشرطه عن سوير !؟
أبو سوير : يقولون للحين جاري البحث ,
أم سوير : يا ربيييييييه , وش صار لهالبنت
أبو سوير : أذكري الله , الشرطـة مهور مقصرين , لكت ترا الرياض كبيرهـ
..
[ ويوم من الأيام , كان أحمد يبي يودي حدا هـ الكبارية وكان متدين , وعطى أحمد شريط يتكلم عن الدين وأمور زي كذا , احمد سمعه وتأثر بالي يقوله الشيخ , وندم على الي سواهـ , ويبي يصلح غلطته وما درى وش يسوي ,
..
كانت أم أحمد تنظف البيت ولاحظت جزمت حريم [ الله يكرمكم ] واستغربت , وقالت أكيد إنها لحدا هـ الشغالات ,
..
رجع أحمد لبيته وراح للملحق على طول ,
أحمد : سوير , أبيتس بموضوع خطير ويبيله تفكير ,
سوير : خير خير , وش صار , وش فيه ؟!
أحمد : سارهـ [ ابيتس على سنه الله ورسوله ]
سوير : آآآآآآءءءءءآآآآآ , وش تقول أنت !!
أحمد : تراني أتكلم جد , ومالي رجعـه بهـ الكلام , إن رضيتي حياتس الله معي تعيشين حياهـ معززهـ مكرمه , ولو ما تبين ترجعين لاهلتس , ترا ذنوبي وصلت لراسي , وتراي قررت أتدين , وما أبي أحصل ذنوب أكثر ,
[ وافقت سوير ,وصار الزواج سكاتـي ]
[ ودخل أحمد يوم من الأيام على أهله وصارح أهله أنه تزوج , طبعـا بالبدايه ما تقبلوا الأمر , لكنهم رضخوا للأمر الواقع وقالوا ما يمدينا نغير شي من الي حصل ]
..
[ وطبعـا راح احمد لبيت أبو سوير وقال لهمـ عن السالفه وأنه أعرس على بنته ]
أبو سوير : ما تمالك نفسـه , وطق أحمد طق موب صاحي , وتبرا من سوير وعامايلها ,
وأم سوير : من الصدمـه جتها جلطـه دماغيـه وهي بين الحياهـ والموت ,
أحمد وسوير : عاشوا حياهـ مستقرهـ , وجابوا ولد وبنتين , الولد اسمه عبدالله , والبنتين [ جمانه وريمـ ]
نايف : ما احد يدري عنه , وهو من مصيبه لمصيبه , و مسكوهـ يهرب مخدرات وينتظرهـ [ الإعدام ] ,
..
الشخصيات الي كانوا بالموضوع
سوير : the warm heart جمانة : @ـلالية كيـgggت ريمـ : أنا سعوديه نايف : السهمـ الهلالي أحمد : GuNmAn_20
اتمنى إن ما أحد يزعل من دورهـ , وألف شكر لكمت يالي مثلتوا CC
وانتهت رواية نايف وسوير , الي تحولت لـ [ أحمد وسوير ] اتمنى إنها أعجبتكمـ , وحبيت أقول إنها أول إطلاله لي بقسم المجلس [ بروايـه ] ,
رد: ][ نايـف وسويـر .. قصتهـم تحيـر ][ " تم اضافة الجزء الثالث"رد # 49
من جد تحست ابي اعرف وش صاااااااااااااااااااااااااااااااااااااار ليه؟ طيب تكفى خللي الجزء اللي بعده انها ماانتبهوا لها وراحت تعشت مع نايف من جد يكسر الخااااااااااااااطر تكفى ابي النهايه سعيده
رد: ][ نايـف وسويـر .. قصتهـم تحيـر ][ " تم اضافة الجزء الثالث"رد # 49
يعطيك العافيه القصة حلوة بس النهايه ما عجبتني كان ودي ترجع بيتهم وتسير نهايه حلوة ونايف كان زوجته جزمانخ جومانه او ريم مشكووووووووووووووووووووووووووووور ولا تحرمنا جديدك
07-09-2007, 12:50 AM
رد: ][ نايـف وسويـر .. قصتهـم تحيـر ][ " تم اضافة جزء ثاني "
رد: ][ نايـف وسويـر .. قصتهـم تحيـر ][ " تم اضافة الجزء الثالث"رد # 49
, قصدي عيونه 
, يله رح اذلف نم 
, أنا كنت بجيب فراش ثاني , نسيت أجيب لنفسي فراش 
, 
, وش تقول أنت !!
<-- حلى هو؟ 
..
العرض العادي
