هلا بك أخوي الموسيقار وأنا أسعد بتواصلك ويعطيك العافيه

هلا اختي

ماشالله انتي من الظهر هنا كيف مستعده لدوام بكره عبيتي الشنطه والمريول
ههههههههههههه

اميرة هلا وغلا وحشتيني عيوني.....




1-اميرة اذا فقدتي انسان غالي عليكي وش تسوين...؟ سواء كان موت او سفر او.....الخ
2-اميرة اذا كنتي تكتبين لخواطر.. ممكن تكتبي لنا خاطرة منها..؟
3-اميرة جملة(انا اشوف الدنيا هذي من خلال عيون الشخص الي احبه) صحيحة هالجملة برأيك..؟
4-وش رأيك بالظلم..الحسد..؟
5-وشهي آخر هدية وصلت لك..؟
6-إن حظي كدقيق فوق شوك نثروه ** ثم قالوا لحفاة يوم ريح اجمعوه
صعب الأمر عليهم قال بعض اتركوه ** إن من أشقاه ربي كيف أ نتم تسعدوه
وش رأيك بهذولي البيتين..؟
7-من نسى قلب يحبه عسى الناس ينسونه

..


من يلعب على الحبلين يخسر اقرب احبابه
ابي تعليقك برضو على هالجملتين..؟
8-اميـــــــرة..الا يا قلب نبضي ..يا سما دمي ووجداني..ربي يوفقك بدراستك..






وآخيرا آسفة على الإطالــــــة

أحزان قلبي لن تزول~~~~~~ حتى أبشر بالقبول
وأرى كتابي باليمين~~~~~~ وتقر عيني بالرسول
نيران قلبي في اشتعال~~~~~ من خوف ربي ذي الجلال
فارحم وسامح يا كريم~~~~~~~~ واغفر ذنوبا كالجبال

بسم الله الرحمن الرحيم

السلام عليكم ورحمة الله وبركاته


اختي الفاضلة\ اميرة الاحلام


اول شي الله يوفقك في آخر سنة لك وعقبالنا كلنا ان شاء الله وانا وياك كلنا في الهواء سوى نفس العمر تقريبا واشياء كثيرة اقرأ اسألة الشباب وارد عن نفسي من اللقافة الزايدة ومرة نفس الجواب ومرة لا


احب احيي فيك عدم دخول الشات وترك الاغاني


شعورك عندما سمعتي بالاحداث الارهابية في الدمام؟




انا صراحة قل تواجدي في المنتدى لظروف ووجود من هو ضدي بس لنا الله وايضا غياب بعض الاعضاء المهمين بالنسبة لي شخصيا بالمنتدى مثل قدساووي اول من عرفته بالمنتدى مايطل الا بالاسبوع مرة والاخت شهد من مدة ليست بالقصيرة غابت عننا دون ان نعلم السبب والبركة في الاعضاء الموجودين ولا يزعلون اخوياي لكن اللي ذكرتهم من جد ما احس بالشعور اللي كنت احسه قبل

والسؤال اعضاء افتقدتيهم سواء قلة او عدم التواجد في المنتدى


الشلة:بدر والخيال واحدى سهام القناص وعلاء وقدساووي ونحبك ياهلال واضيفيني معهم بعد اتمنى منك دون مثالية ذكر رايك بهم بكل صراحة وان كان ما فيه احراج اذكري صفاتي الايجابية والسلبية بنقد هادف لا مدمر مثل اللي يصير لي الحين من بعض الموجودين :( بس لنا الله


نصيحة لاخوك زعيم هلالي

والله يوفقنا في الثانوية وسلامتكم

هلا والله أخوي بحور الشوق وحياك بالنسبه للدراسه لاتخاف أنا مستعده على أكمل وجه ولله الحمد والف شكر على تواصلك ويعطيك العافيه

هلا والله وغلا حبيبة قلبي إنسانه
بالنسبه لسؤالك عن ردة فعلي إذا فقدت إنسان غالي علي لن أستطيع التعبير عن هذا الحزن سوى بشئ واحد وهو الدموع التي سوف تسيل على خدي لاشعوريا لأنه لاالكلمات تستطيع التعبير ولاغيرها الدموع هي لغة التعبير الوحيده عن هذه المشاعر ولسان حالي يقول بعد الفراق لابد من لقاء ونور الأمل يلوح في الأفق وينادي لاتفقديني أنا جسر الوصول لمن تحبين على مر الزمان أنا بوابة الوصول أنا نور الطريق الذي تسيرين فيه واصلي حتى تقتربي مني ثم امسكي بي وتشبثي عندها لن يجد اليأس طريقا للوصول إليك ولا الحزن بابا إليك عندها تكونين قد وصلتي إلى قمة السعاده وحب الحياة والإحساس بمتعتها ............ نعم كل ذلك يحدث لمن يتمسك بي لأني أنا الأمل............أنا الأمل

بالنسبه للخواطر أنا أكتب في بعض الأحيان وجواب السؤال الأول هوإحدى خواطري وكتبتها عندما طلبت مني ذلك ياانسانه يعني خاطره جديده أتمنى أن أسمع آرائكم حولها وأتمنى أن تحوز على رضاكم

بالنسبه لجملة( أنا أشوف الدنيامن خلال عيون الشخص اللي أحبه) بالنسبة لي لاأستطيع أن أقول لك أنها صحيحه أو خاطئه لأن لها الوجهين كلاهما وسوف أضرب لك مثالا بسيطا لو كنت أحب شخصاً وأكن له كل تقدير واحترام وأحبه حبا يختلف عن الغير لكن هذا الشخص قد يكون لديه نظرة حزن للحياة ينظر لها بمنظار أسود وأنا أرى أنها جميله وممتعه هل من الممكن أعيش حياتي من خلال نظرته ومن خلال هذا التشاؤم هل من الممكن أن أتخلى عن هذه السعاده لاأعتقد وهذا الجانب هو الذي من خلاله أستطيع أن أطلق عليها أنها جملة خاطئه وبما أنني أحب هذا الانسان بكل تأكيد سوف أحاول بكل ماأوتيت من قوه أن أغير هذه النظره سوف أحاول أن أغرس به الأمل ولن أتركه على هذه الحال ولن أجعله ينقل هذا الشعور الي وسوف أساعده على تجاوز هذه المرحله وسوف أساعده لكي يستطيع أن يرى الجانب المشرق من الحياة من خلال هذا الجانب أطلق عليها أنها جمله صحيحه يعني أنها على حسب الموقف وعلى حسب الشعور أحكم عليها

بالنسبة عن رأيي بالظلم والحسد أعتقد أنهما لايدخلان في شئ ويبقى على حاله بل ينقلب رأسا على عقب ومن يوجد فيه هذين الأمرين أعتقد أنه من أشقى الناس وأسوأهم حالا

بالنسبه لآخر هديه وصلتني هي جهاز جوال

ان حظي كدقيق فوق شوك نثروه *** ثم قالوا لحفاة يوم ريح اجمعوه
صعب الأمر عليهم قال بعض اتركوه ***أن من أشقاه ربي كيف أنتم تسعدوه
بالنسبه لرأيي حول هذين البيتن أستطيع أن أقول لك أنهما حكمة من الحكم الخالده

جملة (من نسى قلب يحبه عسى الناس ينسونه ) جمله رائعه ومعبره تحرك المشاعر ومن يقرأها يشعر بها بكل أحاسيه لأن من يعطى كل معاني الحب ويجد شخصا أسكنه في قلبه ثم في النهاية ينساه أعتقد أنه انسان من الأفضل أن يتم نسيانه لأنه لايستحق هذا الحب الذي أعطي له ولايستحق أن يبقى في ذاكرة الانسان الذي أحبه فعلا انه يستحق النسيان يستحقه

جملة (من يلعب على الحبلين يخسر أقرب أحبابه ) جمله واقعيه ونشاهدها كل يوم تحدث أمامنا لكن أتمنى أن لاتكون بكثره

وأخيراً غاليتي انسانه
لوقلت أحبك قليله ماتكفي *** حبي لك أكبر من الدنيا ومافيها
حبي سرى من خفوقي لي شراييني *** سكنت الحنايا يامعنيها

تمنياتي لك بالتوفيق الدائم والسعاده في الدنيا والآخره

وعليكم السلام ورحمة الله وبركاته
هلا بك أخوي زعيم هلالي وحياك الله والحمدالله على سلامتك وتسلم على الدعوة ياخوي وجزاك الله خير والحقيقه أعجبني فيك صراحتك وواقعيتك وشئ جميل انك تسأل نفسك الأسئله الموجوده حتى تتعرف على شخصيتك أكثر وتشوف ردة فعلك والله يوفقك في دراستك ويحقق لك اللي تتمناه

بالنسبه لشعوري عندما سمعت بالأحداث الارهابية التي حدثت في الدمام شعوري هو شعور كل انسان يوجد بداخله بذرة حب لهذا الوطن شعور الألم والحزن شعور الحسره عندما ترى أبناء من أبناء هذا الوطن يحاربون وطنهم ويقتلون أخوة لهم ترى هذا المنظر أمام عينيك وتتزاحم في رأسك الأفكار والأسئلة التي قد لا تجد لها اجابات تسمع بداخلك صوت كلمة واحدة يظل صداها يتكرر بداخلك لـــــمـــــاذا .... لـــــمــــاذا؟ يحدث كل هذا تلتفت حولك تبحث عن اجابه لكن تبقى هذه الكلمة أقوى من كل الاجابات وتبقى تسمعها ويتردد صداها ............

بالنسبه لسؤالك عن الأعضاء اللي أفتقدتهم أولا ان شاء الله ماتفقد عزيز وغالي بالنسبه لي فيه العديد من الأعضاء حسيت بغيابهم أو ندرة دخولهم أولهم أنت يازعيم غيابك وقلة دخولك لها أثر واضح ومن الأعضاء أميرة الوجدان وأخت القمر ومجنونه بس عاقله وقدساوي وأبوعبد المجيد والشمري وياسر الكاسر وكول بوي وهلالي محايد وليعذرني اللي نسيته والله ماشاء الله من كثر الأعضاء صعب اني أتذكر الكل الله يوفق الجميع لمى يحب ويرضى

بالنسبه أخوي عن رأيي في الأعضاء اللي ذكرتهم أنت طلبك على العين والراس وأنت أخو عزيز وغالي
لكن اعذرني ماأقدر أقول رأيي فيهم لأنهم ماطلبوا رأيي فيهم ويمكن مايرغبون في ذلك وأنا ماأقدر أقول رأيي في أحد حتى يطلب هو بنفسه أو يأذن لي
أما بالنسبه عن رأيي فيك أخوي زعيم هلالي أنا راح أقول رأيي بكل صراحة وبدون مثاليات ومجامله أنت من خلال تعاملي معاك في المنتدى وجدتك شخصيه تتمتع بصفات قياديه صاحب أخلاق عاليه وردود ك تدل على أنك شخص مثقف وعقليه واعية روحك مرحه فنان في تعاملك مع الاخرين باحترامك وأدبك أجبرت الكل على احترامك والكل يكن لك التقدير والاحترام أما بالنسبه للسلبيات أكذب عليك اذا قلت اني شفت شئ سلبي الى الآن لم أشاهد شئ واحد اطلق عليه سلبي لكن لي وجهة نظر أو تقدر تسميها نصيحه من أخت لأخوها أتمنى أن لاتلتفت لمن يحب التجريح ولالمن يحطمك لاتجعل هذا الشئ يؤثر عليك اعتبر نفسك ماسمعت شئ لأن من يحب لك الخير لايقوم بالتجريح بل ينبهك ويوجهك بطريقه بعيده عن التجريح والتحطيم أتمنى أن لايضايقك رأيي وأتمنى أن تتقبله

والنصيحه التي أقدمها لك ياخوي أولها عليك أن تؤدي واجباتك تجاه خالقك على أكمل وجه و اسعى لرضى والديك فإنه سعاده في الدنيا والآخره انتبه لدراستك لأنها هي مستقبلك وهذه بعض الكلمات التي قرأتها وأعجبنتي وهي نصيحه مهداه لك ولكل الأعضاء

سب أعدائك لك وشتم حسادك يساوي قيمتك لأنك أصبحت شيئا مذكوراً ورجلا مهما

لاتحطمك التوافه ولاتعط المسألة أكبر من حجمها واحذر من تهويل الأمور والمبالغة في الأحداث

لاتفرح أعداءك بغضبك وحزنك فإن هذا مايريدون فلا تحقق أمنيتهم الغاليه في تعكير حياتك

كن واسع الأفق والتمس الأعذار لمن أساء إليك لتعيش في سكينة وهدوء وإياك ومحاولة الإنتقام

وفقك لمى يحب وبرضى وتمنياني لك بالسعاده الدائمة

عدنا



الله يسلمك

مشكورة اختي على الاجابات وكل اللي غايبين ذكرتيهم كلهم والله فقدتهم منهم اميرة الوجدان مدري وين راحت توها تغيب واخت القمر حتى اني مليت من لعبة السجن ماتسوى دونها :( وحولت على اميرة الوجدان وغابت الثانية صرت نحس منيب داخلها ذي اللعبة المنحوسة واعضاء فقدتهم بس نسيتهم ومشكورة شكرا جزيلا على رفع المعنويات


1_كيف قرعة دوري ابطال اوربا؟<<<<<< يقصد توزيع طالبات الفصل:p

2_طموحك في هذه الحياة كلنا نطمح ان ندخل الجنة لكن سؤالي في الحياة الدنيوية

3_وش تؤيدين السياحة الداخلية او الخارجية<<<< دايم يسأل ذا السؤال:p

4_افضل لاعب:cool:


ومشكورة على التفاعل

هلا بك أخوي زعيم هلالي والله يسلمك ويعطيك العافيه على التواصل
بعدين أخوي ليش تقول عن نفسك أنك وجه نحس مايصير تطلق على نفسك هذا الكلام كل شئ بيد رب العالمين وياخوي الأعضاء اللي غابوا عن المنتدى أكيد ان عندهم ظروف وان شاء الله بيرجعون بعدين أخوي الكلام اللي قلته عنك وعن شخصيتك ماهو رفع معنويات بالعكس هذي هي الحقيقه والواقع والله يسعدك

بالنسبه لسؤالك عن قرعة دوري ابطال اوربا (توزيع الطالبات في الفصل ) ههههههههههه والله روعه المسمى يعطيك العافيه و الحمدالله القرعه ممتازه ومناسبه ومن صالحنا والله يوفق الجميع

أما عن طموحي في هذه الحياة هو الحصول على أعلى الشهادات العلميه ودعواتك لي

بالنسبه لسؤالك عن السياحه في الحقيقه أنا من مؤيدي السياحه الداخليه يكفيك الراحه النفسيه اللي تحس فيها

بالنسبه لأفضل لاعب في نظري هما لاعبين سامي الجابر وياسر القحطاني

يعطيك العافيه أخوي على الأسئله وعلى التواصل والله يوفقك ويسعدك وينور لك طريقك ويثبتك على طاعته

رجعنا لايصك هلالكو الموضوع


1_ طبعا انتشرت ظاهرة المغازل والمعاكس والكل مخطئ الولد والبنت لكن ابغى وجهة نظرك في السؤال هل السبب هو:
أ_من المرأة نفسها ومن طريقة لبسها وتعاملها مع الشباب؟

ب_الشباب هم المخطؤون يعني من الباب للطاقة؟




2_البلوتوث ومعروفة بلاويه لكن ايضا له ايجابيات مع قلتها لكن مالسبب في ظنك في انتشار فوضوية استعماله في الحرام ابعدنا وياكم عنه؟


3_لو عينوك وزيرة المعارف و طلبوا منك عمل 3 اشياء وش تسوين؟


4_قضينا

هلا بك أخوي زعيم هلالي
ولاتخاف ماراح يتسكر الموضوع لأن أسألتك عن ظواهر نشاهدها يوميا أمامنا

بالنسبه لسؤالك عن ظاهرة المعاكسات التي انتشرت في الوقت الحالي بشكل كبير نسأل الله السلامه وأنت أخوي تريد معرفة من هو السبب في ذلك هل هو الشباب أم الفتيات في الحقيقه مافيه أحد معصوم من الخطأ لن أضع اللوم على الشباب ولا على البنات كلهم مشتركون بالخطأ وكل منهم له دور في ذلك

نبدأ أولا بالبنات تجد بعض البنات الله يهديهم ويصلحهم اذا قررت أنها تطلع تكون كأنها رايحه لسهره أنواع الزينه تشوفها عليها بالإضافه لذلك رائحة العطر التي تشمها على بعد أمتار بالإضافه للعبايه اللي اليوم مانقدر نفرق بينها وبين الفساتين يعني وحده طالعه بهذا الشكل لابد أنها تتعرض للمضايقات وأيضا تلفت النظار وأعتقد من تقوم بهذا الشئ هي فعلا تريد لفت الأنظار يعني مالذي يضرها لو التزمت بالحجاب الشرعي الكامل الحجاب لن ينقص من قدرها بل بالعكس يزيد احترام الناس لها ولا يستطيع أحد التعرض لها وعلى النقيض من ذلك يوجد فتيات محترمات ملتزمات أجبرن الكل على احترامهن بإلتزامهن الله يهدي الجميع لمى يحب ويرضى

أما بالنسبه للشباب لانبرأهم أكثرهم كل ماسألتهم ليش تقوم بهذا الشئ قال البنات هم السبب هم اللي يخلونها نلاحقهم يأخوان يعني الواحد ماله عقل يفكر فيه أعتقد أن الشاب الخلوق المحترم مهما فعلت البنت لن يلتفت إليها ولن تهمه لكن من يقوم بملاحقتهن هو يريد ذلك هو يحب هذا الشئ أعتقد مافيه أحد أجبره وغصب عليه بعدين خلونا من البنات اللي متبرجات فيه شباب حتى البنات المحتشمات والملتزمات بالحجاب ماسلموا منهم وياليت أقتصرت على البنات حتى يمكن أمهاتنا ماسلموا منهم ومن مضايقاتهم

في النهايه المشكله والسبب يكمن في عقلية الشخص وطريقة تفكيره فعلا البنات لهم دور والشباب لهم دور لكن في النهايه كل واحد عقله في راسه ويعرف خلاصه

يمكن هذا الكلام مايعجب البعض ويحز في نفسه لكن هذه هي الحقيقه والكل يعرفها والحق ماينزعل منه

بالنسبه لسؤالك أخوي عن البلوتوث والسبب في استخدامه في الحرام ياأخوان البلوتوث مثله مثل أي جهاز مانحكم عليه ونقول سلبياته أكثر من ايجابياته أو إجابياته أكثر من سلبياته نحكم عليه من طريقة استخدامه أضرب لكم مثال بسيط النت أول ماطلع كانت ردة الفعل انه شئ سلبي ومافيه غير الأشياء الشينه لكن الآن تغيرت النظره له الكل يعرف أن النت اللي يبغى يستفيد منه يستفيد واللي يبغى الشئ اللي مو زين بيلقاه والبلوتوث نفس الشئ فيه ناس استفادوا من هذه التقنيه بشكل كبير وبأشياء مفيده وفيه ناس أصلا مايجيب الجهاز الا من أجل أخذ بعض المقاطع المحرمه والمخله بالقيم والأخلاق لدرجة أن بعض الناس من كثر اللي يسمعونه عن البلوتوث صاروا يحكمون على كل شخص معاه جهاز فيه بلوتوث أنه شخص ماعنده أخلاق وأنا شفت هذا الشئ
يعني في النهايه نحن نعاني من قلة وجود الوعي ومن قلة وجود الثقافه الهادفه التي تعين على الإستخدام الجيد والمفيد لوسائل التقنيه الحديثه أيضا قلة الوعي الديني يعني لو كل واحد وضع الخوف من الله نصب عينيه كان ماشفنا اللي نشوفه اليوم أعتقد أننا نحتاج لوقت طويل حتى نصل لمرحلة الفهم الجيد لوسائل التقنيه واستخدامها الإستخدام الأمثل

بالنسبه لو تم تعييني وزيرة معارف ماهي الأشياء التي يمكن أسويها أعتقد أول شئ ممكن أسويه هو إلغاء مايسمى اختبارات وجعل الدراسه تقويم مستمر
أيضا ادخال بعض المواد التي تساعد على تطوير مهارة الابتكار والإختراع
جعل مادة اللغه الإنجليزيه ماده أساسيه من أول سنه دراسيه
الله يستر من هذا الكلام ان شاء الله مايكون فيه اعتراض

وأخيرا ألف شكر لك أخوي زعيم هلالي على الأسئله وعلى التواصل ووفقك الله لمى يحب ويرضى

عدنا

بخش عرض

لاحظت توقيعك عن موضوع للاخت انسانة والموضوع مميز بلاشك بس الصراحة ماقد شفت احد يضع رابط لموضوع غيره فما السبب؟ عسى مافقدتي غالي؟


حدث ابكاك حزنا

حدث ابكاك فرحا


معليش كثرنا الاسئلة بس اللقافة وماتعمل

هلابك أخوي زعيم وحياك أنت وأسألتك
بالنسبه لرابط موضوع الأخت انسانه أول شئ ان شاء الله ماتفقد عزيز وغالي ومافيه أحد في الدنيا مافقد أحد عزيز عليه والموضوع رائع جداً وأعجبني الموضوع وأنا حطيت الرابط علشان الكل يشوف الموضوع لأن الموضوع فعلا يخلي الواحد يحاسب نفسه ويراجعها ويعدل حساباته أكيد فيه ناس نحبهم من زمان ماطلينا عليهم من زمان ماسمعنا صوتهم فيه ناس غالين علينا يمكن نكون غلطنا بحقهم كثير يعني أنا حطيت الرابط لأني ودي كل واحد يحاسب نفسه وينتبه للي حواليه يشوف طريقة تعامله معاهم لأنه يمكن يجي يوم يفقدهم الدنيا مو مضمونه بعدين مو شرط يكون الموضوع لي حتى أحط الرابط أهم شئ يكون الموضوع مفيد ويفيد الكل وانسانه أختي وأحبها وأغليها وموضوعاتها أعتبرها موضوعاتي وهي دائما موضوعاتها مميزه الله يوفقها ويسعدها

بالنسبه لشئ أبكاني حزنا هو وفاة الوالد والملك فهد بن عبد العزيز رحمه الله واسكنه فسيح جناته

بالنسبه لشئ أبكاني فرح صراحه ماعمري بكيت اذا فرحت

وعودتك أخوي زعيم هلالي للمنتدى من الأحداث اللي أفرحتني تمنياتي لك بالتوفيق

ألف شكر أخوي على الأسئله ويعطيك العافيه على التواصل

ياقلبييييييييييييييييييييي امييييييييييييرة مبرووووووووووووك الترشيح في المجموعة الثانية انتي اعلى اصوات لكِ ^_^

اميره الاحلام 13 صوت

هلاليه مسطره ايطاليه 12 صوت

~ModAbid~ تسعة أصوات

عيوني ابي اعرف وش شعورك الحييييييييييييييين يوم قريتي النتيجة............؟
وابي اعرف اخبااااااار الدراسة معك.......؟


وربي يعطيك العافية...

هلاااااااااا قلبي انسانه
الله يبارك فيك يالغاليه
وشعوري أكيد مبسوطه
واخباري مع الدراسه تمام يالغاليه والحمد الله كل يوم أحسن من الثاني
يعطيك العافيه ياقلبي ويسلموووو على التواصل والله يوفقك ويسعدك يالغاليه