مساء الخير
رجعت لك ياالأميرة بأسئلة جديدة وإن شاء الله تتقبليهااا بصدر رحب........
1-أنتي مواليد كم ؟؟؟ إذا السؤال محرج لا تجاوبي
2-هل سافرتي للخارج في هذي الصيفية؟وين إذا سافرتي؟
3-هل أستعديتي للدراسة؟؟
4-ليه ما تسمعي أغاني ؟ وش السبب؟؟
5-أنتي قلتي عمرك 17 وأخر سنة في الثانوية ؟ ليه أنتي متقدمة في الدراسة؟؟

وأتمنى لا أكون قد كثرت عليك الأسئلة



تحياتي,,,,

اميره الاحلام كيفك ؟؟؟؟؟؟؟ظ
ايش اكلتك المفضله؟؟؟؟؟؟؟؟
وش تتمنين في الحياة؟؟؟؟؟؟؟؟

هلا بك اختي اميرة
كرسي الاعترا ف منور بوجود عضوه مثقفة وواعية وجميع الا عضاء يكنون لها الحب والتقدير والاحترام

وهذه اسئلتي
1-ايهما تفضلين اكثر الكتاب ام الانترنت ، من ناحية ان كلاهما مصدر للمعلومات ؟؟
2-هل انت من محبي الشعر العربي الفصيح؟واذا كانت اجابتك نعم من من شعراء الفصحى تفضلين؟؟؟
3-هل انت من محبي الروايات والقصص؟؟؟وهل تقرأين الخواطر؟؟؟؟
4-ماهي نقاط ضعف وقوة اميرة؟؟؟
5-مالفائدة التي تجنينها من ارتياد المنتديات؟؟؟
6-البلوتوث (الجوال المزود بكاميرا) طفرة في عالم التكنولوجيا والتقدم
الا اننا في مجتمعنا نعاني من سوء استخدامه كثيرا ، ولطالما سمعنا عن مآسي ومصائب كان هو سببها
في رأيك ماهو الدافع لهؤلاء لاستخدامه بهذه الطريقة المؤذية ؟؟؟لكل شيء ايجابيات وسلبيات وان طغى احدهما على الآخر في كثير من الاحيان فماهي ايجابياته وسلبياته في نظرك؟؟؟
7-ماهو هدفك في هذه الحياة؟؟؟
8-حكمة اومثل تؤمنين به؟؟؟

واعذريني على الاطاله

اخوك
بدر

هلا والله وغلا أخوي هلالكو ويامرحبا فيك
بالنسبه لساعات دخولي للنت تتراوح مابين 3 أو 4 ساعات يوميا
بالنسبه لأقرب الناس لي واللي أشكي له همومي هو إنسان عزيز علي وما أحب أذكر اسمه بالاضافه للوالده
بالنسبه للدموع كل اللي غالين علي والله ماأحب أشوف دموعهم
الصداقة كنز لاتعطى إلا لمن يستحقها
الألم والحزن وجهان لعمله واحده وهي أصعب اللحظات
الفرح هو رؤية السعاده على وجوه الآخرين وعندما تكون أحد أسبابها
بالنسبه للمنتديات اللي أدخلها كثيره والله ماأدري كم عددها
أجمل سنه دراسيه ثاني ثانوي
بالنسبه لك أخوي هلالكو أنت إنسان راقي وخلوق ومحترم وعقليه واعيه ومثقفه وفنان في تعاملك مع الآخرين وشهادتي فيك مجروحة
وألف شكر أخوي على تواصلك

هلا والله أخوي القناص الأخضر ويامرحبا فيك
أنا مواليد عام 1989م
بالنسبه للسفر السنه هذي ماسافرت للخارج كان سفري داخلي
بالنسبه للاستعداد للدراسه الحمدلله استعدادي من أفضل مايكون
بالنسبه للأغاني ماأسمعها لأني ماعندي ميول لها ولاأحبها
أنا عمري فعلا 17وتوني داخله 18 قبل كم يوم وفعلا أنا درست بسن مبكره يعني 6 سنوات
وحياك أخوي أنت وأسئلتك

هلا اختي توب سكرت وحياك الله يالغاليه
أنا بخير يالغاليه
وأكلتي المفضله الاسبقاتي هذي ثالث مره أقولها ههههههههههه
وأتمنى إن الله يوفقني في اكمال دراستي
ويعطيك العافيه يالغاليه

هلا والله فيك أخوي بدر وحياك
بالنسبه لمصدر المعلومات المفضل أعتقد أنه كل من الكتاب والانترنت مصدران مهمان للمعلومات لكن يبقى الكتاب هو المصدر الأساسي للمعلومات والمصدر الموثوق والثابت والانترنت افضل مميزاته سرعة الحصول على المعلومات
بالنسبه للشعر الفصيح في بعض الأحيان اقرأ لبعض الشعراء امثال المتنبي وطه حسين لكن الشعر النبطي أقرب لنفسي
أحب القصص لكن الروايات لااميل لها وبالنسبه للخواطر أنا من محبيها
نقاط قوتي هي قوة الاقناع بالحجه والحوار وعدم الاستسلام اما نقاط ضعفي هي حساسيتي في بعض الأحيان
بالنسبه الفائدة المجنيه من ارتياد المنتديات هي الحصول على الكثير من المعلومات المفيده وتعلم الجديد والتعرف على شخصيات رائعه ومثقفه أمثالكم وتساعدك في فن التعامل مع الآخرين وإظهار مواهبك الكامنه
بالنسبه للجوال المزود بالكاميرا والبلوتوث الدافع من استخدامه بطريقه سيئه هي ضعف الوازع الديني وعدم الاحساس بالمسؤوليه وعدم وجود الثقافه الهادفه التي تساعد في استخدام هذه التكنولوجيا بالشكل المطلوب
بالنسبه للايجابيات كثيره جداُ منها سرعة تبادل المعلومات بطريقه سهله جداُ وامكانية الاستغناء عن الكاميرا العاديه أما السلبيات فإن أكثرها يعرفها الجميع وأسوؤها استخدامه في كشف أسرار المسلمين وأعراضهم نسأل الله السلامه واستخدامه في نشر مقاطع مخلة بالقيم والأخلاق
هدفي بالحياة رضى رب العالمين ورضى الوالدين واسعاد الآخرين والحصول على اعلى المراتب العلميه
الحكمه التي أؤمن بها لايأس مع الحياة ولاحياة مع اليأس
والصبر مفتاح الفرج
ويعطيك العافيه أخوي على الأسئله الرائعه

هلا إختي أنا عندي سؤال
أنا أقوووووول المجتمع السعودي بناتهم ما يحبون الكوووره بس أنت وبعض البنات عندهم التعصب لييييييييييييييه؟

هلا اخوي صالح
بالنسبه لسؤالك من اللي قالك ان المجتمع السعودي بناته مايحبون الكوره بالعكس فيه بنات من اهتماماتهم الكوره والاهتمام فيها موشئ عيب ولاحرام بعدين احنا مو متعصبات احنا مشجعات ونشجع بالطريقه اللي تناسب البنات والتعصب شئ غير محبب في كل شئ
ومشكور اخوي على السؤال

أميره
سؤال وش كان شعورك يوم شفتي أسمك موجود في كرسي الاعتراف؟؟


وش يصير لك العضو فيصل الي هو أنا؟؟


وش رايك في الدراسه بدوون مجامله؟؟

وبس ما عندي شيء

هلا والله فيصل
بالنسبه لشعوري كان عادي بس حسيت ان الأعضاء بيتعرفون علي أكثر
بالنسبه لك فيصل أنت أخو عزيز وغالي وماشاء الله أدب وأخلاق وذوق وتستاهل كل خير
بالنسبه للدراسه صراحه انا من الناس اللي تحبها يعني استمتع فيها
والف شكر يالغالي على تواصلك

السلام عليكم ورحمة الله وبركاتة


بما أني عضو جديد بس أنا احب القافه


أختي أميره


انتي قلتي جهازك الشيطان

1- وش اسمك بالبلوتوث ؟
2- منتدى ياسر القحطاني هل يحتاج إلى تطوير ؟
3- هل أنتي بمن يؤيدون فكرت الحب ؟ وهل حبيتي من قبل ؟
4- مارايك بالفنان الكبير خالد عبدالرحمن ؟ واخر ألبومه إذا كنتي تسمعيله ؟
5- لا سمح الله لو أنك بالدمام وبيتكم بجنب بيت الارهابيين والوالد بالشغل والوالده راحت مع السواق تشتري أغراض وانتي واخوانك بالبيت وأختك الصغير تبكي ؟ وش تسوي ؟ <------------------= ماسار سؤال سارت قصه ذي ههههههههههههههههههه



ولك الحق اختي اميرة الاحلام بعدم الإجابه على أي سؤال من اسئلتي إذا كان سؤال يضايقك




والعذر والسموحه اختي على كثرت الاسئله




تحياتي لك .,.,

هلا بك أخوي الموسيقار نورت المنتدى
بالنسبه للبلوتوث في الحقيقه مالي فيه اسم ولااستخدمه الاعند الحاجه يعني اذا كنت ابغى خلفيات للجهاز وأغلب الأوقات ماافتحه
بالنسبه للمنتدى والتطوير المنتدى رائع جدا وفي الوقت الحالي مايحتاج تطوير لكن في المستقبل أكيد لازم يكون فيه تغيرات
بالنسبه للحب ليش تسميها فكره الحب شئ واقع وهو اساس تعاملنا مع الآخرين يعني انا ماأدري ليش الكل يتوقع انه بس بين واحد وحده ياأخوان الحب موجود في كل حياتنا حبك لأهلك وأخوانك وأصدقائك يعني الحب هو أساس التعامل بين الناس لو الحب مو موجود في التعامل بين الناس كان ماشفت رحمه ولابر ولاوفاء ولاعطف ولاحنان ولالالا ............. الخ من الأشياء الجميله وبعدين وسؤالك هل حبيت من قبل من وعيت على الدنيا وأنا أحب حبي لأهلي وأخواني وصديقاتي وكل اللي أتعامل معاهم أكيد إني أحبهم الحب هو أساس وفن التعامل مع الآخرين
بالنسبه للفن سبق وقلت مالي اهتمام فيه
بالنسبه لسؤالك عن الارهاب ماأقدر أرد عليك لأني ماعشت الموقف ولاجربته لأن ردة الفعل الحقيقيه راح تكون غير عن الكلام اللي أقوله وأنا ماعشت الموقف والله لآيجيب هذاك اليوم والله يحفظنا احنا وياك وجميع المسلمين
وألف شكر أخوي على الأسئله وعلى التواصل

مشكور اختي أميرة الاحلام


والله يعطيك العافيه على الاجوبه الرائعه


وفرصة سعيده اختي



وتقبلي خالص شكري واحترامي لك .,.,