آمين وياك يااااااارب

عدنا

الله يسلمك اختي على المجاملة









وش رايك بالزواج المبكر يعني عندي الوالدة الله يحفظها وانا توني في الثانوية صجتني غيرك وراه بزارين يناقزون مانطلع من الموضوع بس هل تؤيدين الزواج المبكر؟


وش في نظرك افضل عمر للزواج للولد والبنت؟



موقف طريف صار لك بالمدرسة

موقف اليم صار لك بالمدرسة مو بالضرورة يكون عليك مثلا

انا مرة ايام 6 ابتدائي ايام الشطانة انفقش راس طالب عندنا المسيكين

بس الحمدلله مافيه الا العافية وهذا هو الحين في فصلي


وش في نظرك افضل المدرسة الاهلية او الحكومية واي المدارس اللي قد رحتيها يعني اهلية ولا حكومية؟


والله ياليت هلالكو يمدد فترة العقوبة في بالي اسئلة وش كثرها ماعطيتها ناس قبل تذكرتها يوم جاء دورك


لاعب شفتيه فلتة زمااااااااااااااااااااااااااااااااااانه بشرط مو سعودي


مانطول عليك مصخناها

هلا أخوي الأتجاه المعاكس حياك
أشكرك على التواصل وعلى الأسئله اللي أخذت من وقتك كثير
اولا أخوي بعض أسئلتك مكرره سبق الاجابه عليها ممكن تلقى الأجوبه عليها في الصفحات السابقه ثانيا راح أجواب على الأسئله التي تستحق الاجابه ويمكن الاستفاده منها احتراما لك وتقديرا للمجهود اللي بذلته على الأسئله
بالنسبه لأسم أميرة الأحلام اسم اخترته لأنه قريب من نفسي ومعناه واضح وهو اسم مثل الأسماء اللي تشوفها بالمنتدى
بالنسبه لنادي اشجعه غير الهلال لايوجد
بالنسبه هل عندي ميول غير الرياضه أكيد كل واحد عنده أكثر من ميول وسبق وقلت اهتماماتي غير الرياضه



س12/ كم عمرك ؟ الاجابه اختياريه لاني عارف ما راح تجاوبين او بتجاوبين العمر ناقص 3 او 4 سنين؟

هذا السؤال أخوي سبق وجاوبت عليه أكثر من مره لكن لي ملاحظه ماهو قصدك من اني راح انقص في العمر وعلى أي اساس انت حكمت وعلى أي اساس انت واثق من اني ماراح اجاوب اخوي مع احترامي لك لو احد قالك نفس السؤال شنو راح تكون ردة فعلك أعتقد انك ماراح ترضى بهذا الشئ لأنه فيه اتهام لمصداقيتك وبعدين أخوي أنا دائما صريحه وكل الأعضاء عارفين هذا الشئ ويعني ماهي الفائده اللي راح أجنيها لو نقصت في العمر اتوقع ماراح يقدم ولا راح يأخر هذي وجهة نظري

بالنسبه للوني المفضل هو اللون الوردي

بالنسبه للشخص اللي أثق فيه هو الشخص الذي توجد به الصفات التي فعلا توحي لك بالثقه وكل تصرفاته تدل على ذلك
أكثر شخص أكره هو الشخص الذي يحكم على الناس دون سابق معرفه بهم والذي لايقدر الناس ولايحترمهم

بالنسبه للدوري الأوربي انا غير متابعه له ولااهتم فيه

بالنسبه للمواد الدراسيه كلها احبها ومافيه شئ أكرهه

بالنسبه لرأيي فيك أخوي الاتجاه المعاكس صراحه أنا ماتعاملت معاك وصعبه اني احكم على الشخص وانا ماأعرفه لكن حياك الله وان شاء الله انك راح تكون عند حسن الظن
يعطيك العافيه أخوي على المجهود المبذول وشكرا على التواصل

هلا بك أخوي زعيم هلالي وحياك الله
اولا العفو أخوي ثانيا هذي مو مجامله هذي حقيقه وأنت تستاهل كل خير والله يسعدك ويوفقك

بالنسبه عن رأيي في الزواج المبكر أنا ماأقدر أقول اني من المؤيدين أو المعارضين الزواج يتم بناء على استعداد ومدى تقبل الفتاه أو الشاب يعني مع توفر المقومات الماديه الضروريه وتوفر العقليه الواعيه والناضجه والمتفهمه والتي تعلم وتعي معنى الحياة الزوجيه لامانع من الزواج سواء في سن مبكر أو سن متأخر أما بالنسبه للعمر المناسب للزواج لايوجد عمر معين لكن متى ماتوفرت مقومات الحياة الزوجيه والأستعداد اللازم يمكن ان يتم الزواج


بالنسبه للوقف الطريف هناك مواقف طريفه كثيره لكنها لاتحضرني

بالنسبه لموقف اليم حصل لي في المدرسه عندما توفيت احدى معلماتي في حادث مروري رحمها الله واسكنها فسيح جناته

بالنسبه للمدارس الحكوميه والأهليه أنا جربت الأثنين كلهم صراحة بدون مجامله الحكوميه أفضل لأنك تجد الجديه في التعليم وكل واحد يأخذ المستوى الذي يستحقه دون زياده أو نقصان والدراسه أساسا لاتعتمد على نوع المدرسه بل على الشخص ومدى اهتمامه والمجهود الذي يبذله وعلى قدراته والله يوفق الجميع

بالنسبه للاعب الغير سعودي صراحه ماعندي خبره في الكره الأجنبيه يعني ثقافتي فيها محدوده

يعطيك العافيه أخوي زعيم هلالي على التواصل وحياك أنت وأسألتك بس عاد مو تعاقبني وتجيب أسئله معقده الله يوفقك ويسعدك

حياااااااااا الله اميره

تبدأ الاسئله

1- ايش اللي جذبك للمنتدى ؟؟؟؟؟


2- شرايك بالمدرسه والمدرسييين ؟؟؟ >>>>> اكيد طفش

3- انتي مشتركه بكم منتدى ؟


3- شنو تمثل لك هاذي الكلمات
1- الحب
2- الخيانه
3- التلفزيون
4- الجمس
5- الــســعــــوديــه

السلام عليكم ورحمة الله وبركاته


هالمرة اسألة وفائدة بعد<<<<<< وش عنده المثقف؟


قد قلتي قبل كذا ان اسم جوالك الشيطان اعوذ بالله منه وعلى ما اظن ودك تغيرينه

على العموم انا قعدت اسأل اخوياي عنه وش مميزاته كعادتي كل ما اسمع بجوال جديد المهم لقيت له مليوووووووون اسم ماحفظت منها الا 2


الدكتور والواصل مع ان الثاني اسمه احلى



يوم تقفل الليوان ذيك المرة الله لايعيدها وش كانت ردة فعلك؟


هل كانت عندك ولو ادنى فكرة عن سبب اقفاله؟


قسم بالمنتدى تحسين انه ما اخذ حقه؟


اكثر 3 اقسام تشاركين فيها؟

هلا والله فيك أخوي قدساوي وحياك الله
بالنسبه للأشياء اللي جذبتني في المنتدى وجود المواضيع المميزه التي فعلا تتعلم منها أشياء جديده مواضيع جديده دائما مواضيع فعلا اذا قرأتها تحس انك تطلع منها بشئ أيضا من أهم الأشياء وجود الأعضاء المميزين فعلا تجدهم يتمتعون بخلق راقي وعقليات واعيه أيضا تكاتفهم مع بعضهم فعلا تحس أنهم أسره واحده وأيضا حبهم للتناصح وتقديم العون يعني فيه أشياء كثيره يمكن ماشفتها في المنتديات الثانيه أيضا وجود الروح المرحه بينهم وخوفهم على بعضهم كل واحد يسأل عن الثاني أيضا وجود الجديه بينهم والصراحه والله لو أتكلم ماراح أقدر أقول كل الأشياء اللي شفتها وأعجبتني


بالنسبه للمدرسه والمدرسين صراحه أنا أحب الدراسه والمدرسه يكفي أنك قاعد تحس نفسك تسوي شئ مفيد أحسن من القعده من دون شغل وتحس بطول الوقت والطفش لكن الدراسه يروح الوقت بسرعه يكفي انك تتواصل مع أصدقاءك يكفي انك كل يوم تتعلم شئ جديد ماأكذب عليك وأقولك اني مبسوطه على طول لكن الواحد مرات تجيه حالات يحس بالطفش من الدراسه يعني اذا زاد عليه الضغوط بكثرة الواجبات ووجود الامتحانات لكن في النهايه الدراسه متعه ولها ثمره تحس بحلاوتها وطعمها هذي وجهة نظري يمكن البعض ماتعجبه

بالنسبه للمنتديات اللي مشتركه فيها والله كثيره بس يمكن منتدى القناص هو من اكثر المنتديات اللي ادخلها

بالنسبه شنو تمثلي هذه الكلمات

الحب هو الحياة هو فن التعامل مع الآخرين هو لغة الحوار لغة التفاهم هو شريان الحياة تخيل الحياة من دون حب تجدها جافه قاسيه تسودها الكراهيه والحقد في النهايه لاتستطيع التعامل مع من هو حولك وانت لاتمتلك هذه اللغة لكن أهم شئ هو طريقة التعبير طريقة الاتقان الاستخدام الصحيح لهذه الكلمه والحفاظ عليها وعدم تشويهها


الخيانه ؟؟؟؟؟؟ ماذا يمكن أن أقول شئ واحد أطلقه عليها هي أبشع شئ وجد على هذه الأرض ومن يتصف بها أعلم أنه لآيمكن ان تقول أنه انسان ولايمكن أن يكون عنده مشاعر


التلفزيون سلاح ذو حدين وأنت من يحكمه


الجمس ههههههه صراحه شئ واحد أعرفه أنها نوع من أنواع السيارات


الــــــــــــــــــــســـــــــــعـــــــــــــــ ـــوديــــــــــــــة أرضي وسماي ونبضي وأحساسي بيتي امي ابوي اهلي دنيتي فرحي وحزني أموت بها وهي كل شئ في حياتي الله يحفظها من كل شر

هلا والله بأخوي زعيم هلالي ماشاء الله عليك نشيط مثل العاده الله يسعدك ويوفقك

يعطيك العافيه أخوي على الأسماء اللي جبتها للجوال اللي استخدمه أخيرا لقيت له اسم مثل الناس على الأقل اذا سألني أحد اقدر أقوله من دون ماأحد يتعوذ

بالنسبه لردة فعلي يوم تقفل الليوان صراحه والله انقهرت يعني كنا نوسع صدورنا أحس هو أكثر الأقسام اللي من خلاله تقدر تتعرف على الأعضاء وشخصياتهم وتتعامل معاهم وتحس فيه نشاط ومرح

بالنسبه عن سبب التقفيل على حد علمي انه تقفل بسبب بعض الشكاوي اللي وصلت بخصوص القسم وأيضا بعض التجاوزات اللي حصلت في القسم من بعض الأعضاء

بالنسبه للقسم اللي ماأخذ حقه أعتقد قسم التكنولوجيا


أكثر ثلاث أقسام أشارك فيها هي المجلس والبرواز والليوان

يعطيك العافيه أخوي زعيم ويسلمو على التواصل وبالتوفيق الدائم

السلام عليكم ورحمة الله وبركاته


رجعنا مرة مدري كم



انا بس ودي اعرف متى ينتهي الموضوع علشان اعصر المخ ونطلع كل اللي فيه



حصيلة هذه الدقيقة من الاسئلة:


وش رايك بالشباب اصحاب الشعور الطويلة؟


وش افضل للرجل باللحية او بدونها؟


السواك عادة مانشوفها كثير الا في رمضان وش تتوقعين السبب في نظرك او بس كذا طرى على بالهم استاكوا فيه؟


ماش ماهنا اسئلة سنعة بروح امخمخ ويمكن ارجع

سلامي لكم

هلا حياك أخوي الاتجاه المعاكس

أولا هذا من فضل ربي يرزق من يشاء بغير حساب ومن أحبه الله حبب الناس فيه
ثانيا يعطيك العافيه أخوي على المجهود اللي بذلته في عد الأسئله ماله داعي تتعب نفسك المهم تكون استفدت منها ومن قرائتها وتكون خرجت بنتيجه مرضيه

بالنسبه لك أخوي الله يكون في عونك ويساعدك والشئ الوحيد اللي أقدر أقوله لك هي نصيحه بسيطه ان شاء الله تنفعك في الدنيا والآخرة
أخوي كل واحد في هذه الحياة له دور له تأثير يعني مستحيل مايكون فيه واحد ماله دور ولا له أهمية ولا له مهمه يقوم فيها ياأخي يكفي انك مسلم صاحب أفضل وءاخر الأديان يكفي أنك مسلم لك شريعه هذه الشريعه فيها أوامر وواجبات هذ الأوامر والواجبات تدلك على ماينفعك وتبعدك عن مايضرك ألا يعني هذا أنك مهم ألا يكفي هذا الاهتمام ياخوي يكفي انك مسلم ولأهميتك تجد الكثير من الهجوم والاعتداء عليك من الغير أليس هذا دليل على أهميتك يعني أن سب أعدائك لك ومهاجمتهم لك تدل على أنك أصبحت شيئا مهما
ألا يكفي أنك اذا تأخرت خارج بيتك تجد من يسأل عن سبب تأخير الا يكفي أنك تجد شخصا بأنتظارك ينتظرك كل هذا الوقت ليسألك ألا يدل هذا على أنك مهم أن هذا السؤال نابع من أهميتك عنده ويدل على أنك تمثل له شئ مهم في حياته
هذه بعض الأشياء القليله التي تدل على أهميتك تأمل حولك وتفكر في كل شئ راجع حياتك وسوف تجد الكثير من الأشياء التي تدل على أهميتك هناك الكثير لكنك لاتراه ابحث وسوف تجد

وأخيرا أخوي نصيحتي لك وردي عليك يدل على أهميتك كعضو وكفرد من افراد أسرة هذا المنتدى
تمنياتي لك بالتوفيق ووفقك الله لمى يحب ويرضى
وشكرا لك على تواصلك

هلا والله اخوي زعيم هلالي وحياك للمره مدري كم

بالنسبه للموضوع لاتخاف شكله مطول وخذ راحتك بالتفكير ألين تلقى أسئله تعجبك

بالنسبه عن رأيي في اصحاب الشعور الطويله والله اخوي شوف هي من الناحيه الشرعيه مانقدر نقول أنها محرمه لأنه في عهد الرسول وعهد الصحابه رضي الله عنهم كان وجوده شئ دارج وغير مستنكر يعني ليس محرما وليس عيبا
بالنسبه للعصر الذي نعيش فيه ماأدري شنو اللي يدفع الشباب لهذا الشئ يعني ماهي الغايه المبتغاه والله اذا كان قصده تشبه بعهد الرسول والصحابه الله يثبته على طاعته ويزيده مع أن الكل يعرف أنه من النادر أن نجد شخص يكون هذا غرضه واذا وجد فهو قليل لكن الغالبيه يقومون بهذا الشئ من باب التقليد الأعمى أو من باب جلب الانتباه بعدين في الوقت الحالي تتوقع كيف المجتمع ينظر للشاب صاحب الشعر الطويل كل ينظر له نظرة استغراب وتعجب وفي بعض الأحيان يكون مصدر للقلق يعني فيه ناس مايرتاحون في المكان اللي هو موجود بعدين يكفي أنه أمر غريب على مجتمعنا وأنا اقصد أصحاب الشعور الطويله جداً يعني لاأحد يفهم غلط يعني فيه طول معقول وفيه طول خارج عن حدود المعقول وفي النهاية تبقى الأخلاق والأدب ورزانة العقل هي المصدر الأساسي للحكم على الشخص لاشكله ومظهره

بالنسبه ايهما أفضل الرجل باللحيه أو من دونها يكفي قول الرسول عليه الصلاة والسلام ( قصوا الشوارب وأعفو اللحى ) وانا ماأقدر اقول رأيي في شئ نزل فيه دليل واضح وصريح في الشريعه يعني أعجبني أو ماأعجبني رأيي لايقدم ولا يؤخر

بالنسبه لسؤالك عن السواك اولا أخوي احب أنبهك أن السواك يطلق عليه سنه ولا يطلق عليه عاده اما بالنسبه ليش مانشوفه غير برمضان أعتقد أنه في رمضان تلاحظ الكل يحرص على فعل الخير بكل انواعه وتطبيق السنه يعني الكل يجتهد واللي مجتهد يزيد في اجتهاده ويحرصون كل الحرص عن الابتعاد عن المنكرات لكن للأسف بعد مايطلع رمضان بعض الناس يحدث لهم فتور في فعل الخيرات ويبدأ يتكاسل ومن ضمن الأشياء اللي ينسونها السواك صراحه ماأدري ليش الكل يحرص على الاجتهاد في العياده في رمضان وفي الشهور الأخرى يقل ذلك كل اللي اقدر أقوله أنه عندنا خلل في فهمنا للشريعه الصحيحه أسأل الله ان يوفق الجميع لمى يحب ويرضى

وأخيراُ أيها الأخوه والأخوات ادعو بهذا الدعاء اللهم بارك لنا في شعبان وبلغنا رمضان وكل عام والجميع بصحه وعافيه

ألف شكر اخوي زعيم هلالي على تواصلك والله يسعدك