بس ياهوووو اميره وانسانه قلبوها موسوعة اسئله

طيب ممكن سؤال اختي احلام
في جواب للاخت انسانه لمن سئلتك عن الشات قلتي الله لا يجيب اليوم اللي ادخله
لهي وش السبب


اذا كان خصوصي بلاشي تجاوبي

اخوي بحووووور يقول هلالكو يحق لي اسئل فوق 1000 سؤااااااال

وبعدين هي اسمهاااااااا اميرة مو احلام


وصباح الخير

هلا وغلا أختي أميرة الأحلام بسألك عدة أسئلة
1- هل تشاهدين كرة القدم ؟ وشهو الفريق الي تحبينه؟ وليه تشجعيه؟
2- ما هو المغني المفضل لديك؟
3-هل تتوقعين أن المنتخب السعودي سوف يفعل شيء في المونديال؟؟؟
4- ما رأيك في أعضلء المنتدى؟؟

إن شاء الله تكوني ما تضايقتي مني


تحياتي,,,

هلا والله أخوي بحور شخبارك حلوه أختي احلام اسم جديد
بالنسبه للشات في الوقت الحالي مافيه شئ ممكن تستفيد منه لأنه فعلا صار مكان للألفاظ الغير لائقة ولاتجني منه اي فائده يمكن البعض يخالفني الرأي ويقول له فوائد أنا بالنسبه لي الشئ اللي سلبياته اكثر من إيجابياته أبتعد عنه وأعتقد الشات ثلاثة أرباعه سلبيات هذي وجهة نظري ولااعممها

هلا والله أخوي قناص الأخضر حياك انت وأسألتك
بالنسبه لي اشاهد كرة القدم لكن مو دائماُ افضل فريق عندي طبعا الهلال وليش أشجعه كل شئ فيه يعجبني ويكفي انه الهلال
بالنسبه للمغنين سبق وقلت ماعندي اهتمام بالفن ولااسمع لأحد
بالنسبه للمنتخب بإذن الله أتوقع أنه راح يقدم مستوى رائع نظراً للمستويات اللي قدموها في المباريات السابقة ووجود الكثير من النجوم الصاعده والامكانيات الفنيه والاداريه والله يوفقهم
بالنسبه لأعضاء المنتدى ماشاء الله عليهم شهادتي فيهم مجروحه فعلا تحس انك تتعامل مع شخصيات واعيه ومبدعه ويكفي وقوفهم مع بعض وتكاتفهم
وبالعكس أخوي القناص أسئلتك على عيني وراسي ولاتضايقني وإذا عندك اسئله تفضل

مساء الخير ....مشكور هلالكو على الموضوع ... وهلا وغلا اميرة أقووول ليش الكرسي منور أثاري أنتي فيه على العموم ما أبي أطول عليك ...



شنو سلبيات وايجابيات المنتدى ؟
كم وزنك وكم طولك ؟
متى تبكي أميرة ومتى تفرح ؟
منو مثلك الاعلى بالحياة ؟ ومنو قدوتك ؟
أفضل مكان تحبين تروحيله ؟
ليش دايما مواضيعك (( دايما )) تكون حلوة ؟
شرايك فيني (إذا تعرفيني )؟

هلا والله أخوي ياسر الجاسر المكان منور بوجودك
بالنسبه للمنتدى منتدى رائع جداً لكن يمكن من السلبيات اللي شفتها طرح بعض المواضيع اللي احسها غير مناسبه يعني يكون العنوان جذاب وفي نهاية الموضوع يكون الموضوع مع الاسف اعذروني على الكلمه بس يطلع سخيف ايضا من السلبيات بعض ردود الأعضاء الغير لائقة أيضا عدم تفاعل الأعضاء مع بعض المواضيع الهادفه والمهمه
وزني 50 كجم طولي 159 سم
تبكي أميره إذا انصدمت من احد وأفرح يوم أكون سبب في سعادة أحد
مثلي الأعلى الرسول عليه الصلاة والسلام وقدوتي الوالد والوالدة الله يحفظهم
أفضل مكان احب اروح له المكتبه العامه يمكن تستغربون لكن انا أحب القراءه حييييييل
مواضيعي تكون حلوه لأن الأعضاء والمشرفين يشوفونها هههههههههههه
بالنسبه لك انت ياسر الجاسر ماشاء الله عليك عضو صاحب اخلاق وذوق وشخصيه محترمه وشهادتي فيك مجروحه

يوم ابو عبدالمجيد ضيف الاعتراف مافي احد يسال :(


والحين كل واحد يسال ليش :cool:


يعني هالدرجه انا ماانفع في كرسي الاعتراف :rolleyes:



















بس هالشي مايمنع ان اسال الانسه قصدي الاخت قصدي الطالبه ريم << يافضحيه ههههههههه قصدي الاخت اميره



اول شي مساء الانوار يا اميره وش اخبارك عساك بخير ؟؟ << تري هاذي مو من ضمن الاسئلة :p




الاسئلة ..








1- وش احسن موقف صار لك في المدرسة ؟

حرر بواسطة Yasser 20

الظاهر الاخ هلالكو قال اسئلة جادة وبدون تميلح


4- ماحل البطاله في المملكة العربية السعودية في رايك الخاص ؟



باقي الاسئلة بعدين



تحياتي لك

هلا والله بومجودومساك الله بالنور الله يسلمك انا بخير ياأخي كل الأسئله اللي وصلتك من الأعضاء ماكفت والله اني اقول الله يكون بعونك يوم اقرأها
أحسن موقف صارلي بالمدرسه يوم كنت الطالبه المثاليه من قدي هههههههههههه حركات
البنك السعودي الفرنسي والله ماتعاملت معاه بس يمدحونه ويكفي انك موظف فيه أكيد بيطلع زين ههههههههههه
اما عاد الشخصيات اللي سالتني عنها مايحتاج تعليق يعني مالهم ....................... الخ
بالنسبه للبطاله صراحه أحس كل يوم تزيد وأحسها خطر يجب مواجهته الله يكفينا شرها أما الحل أول شئ نسفر الأجانب اللي عندنا ويرضى شباب الوطن في الوظائف اللي تجيهم ويبطلون شروط ويرضون بالمقسوم والله يرزق الجميع

والله يحييك أنت أسئلتك

اختي اميرة هلا بصراحه كلامك صح على الشات وانا كنت مغرم بالشات لكن والله من يوم دخلت منتدى ياسر ماسرت ادش شات

هلا بحور الحمد الله انك صرت ماتدخل شات وخذها مني نصيحه المنتديات افضل بكثير من الشات تستفيد وتفيد الله يوفقك ويسعدك

يا هلا وغلااااااااااااااااااااااااااا بالغلا كله اميرة اختي مساااااااء الخير والاحساس والطيبة







اميرة يلا نبدا
1-قبل كم يوم صارت عملية ارهابية بالدمام .. هذا غير الارهاب الي شفناه على مدى سنتين او اكثر.. ودي اعرف برأيك هالفكر المنحرف الي في بشبابنا الي مدعيين انه اسلام وهم والله من الاسلام براااء ..يعني من وين ينبع هالتفكير؟.. والادهى والامر اننا نلاقي معهم اسلحة. من وين تتوقعي هالاسلحة ومنو الي يمولهم...؟(خلينا نختبرك بالسياسة شوووووي)ههههههههههههههههه

2-وش رايك بالحب زمان والحب للحين؟ ايهم الاقوى والاصدق..

3-تخيلي يا اميرة الدنيا انقلبت وصار العكس .. الرجل ياخذ دور المراة والمراة تاخذ دور الرجل.. تتوقعين بتتغير نظرة بعض الرجال للمراة بالاحتقار وانها كائن ماله حق..؟؟

4-الإشتياق لشخص ما .. هو نوع من الإدمان لا يحاسب عليه القانون
وش رأيك بهالجممملة؟؟

5-وشهي اصعب ليالي الفراق؟؟

6-اميرة متى بااالك يكوون مرتاح......؟

7-وش رايك ببعض الشباب الي يكون عاطل وتجيه فرصه عمل غير مقابل هالاسواق.. ويرفضها لانه يبي يشتغل على المكتب وبس لانه ولد ناس ومدري وشو........؟ ويصير عاطل باطل في المجتمع مايفيدينا بشئ وماناخذ منه غير مساؤه؟

8-وش رايك اميرة الواسطة..؟(من ناحية انها تحرق احلام الناس مثلا طالب بالجامعة معدله حلو ويبي يسجل مايقدر وغيره مايستحق الجامعة اصلا وتلاقيه موجود فيهااا وشين وقووووووووي عين بعد)

9-امميرة
في إيرلنده ممنوع شرب الكحول .. أمام البـــقر!!؟ وفي الدول الغربية فيه حقووووووووق خاصة بالرأف على الحيووانات؟ وبالمقابل اخواننا بفلسطين يتذبحون بالآلاف واكثر يوميا......؟

10-وش رايك بالبرامج الواقعية سواااااء ستار اكاديمي والا الوادي او غيره.......؟


11-اميرة عندك قدرة على اقناع الشخص الي قدامك؟

12-اميرة اليوم يمكن آخر يوم نتمتع فيه قبل الدراسة قولي لي وش بتسوين اليوووووم؟؟


13-اميرة وش رايك بالسحر؟ وخاصة انه انتشر هالايام كثير.. واغلب الحريم الي تبي تروح تسحر زوجها عشان يحبها ومايتركها وغيره وغيره...... برايك هي بتكون نفسيتها مرتاحة وهي عارفة ان زوجها مايحبها لشخصها بس مجرد انه مسحور؟ يعني برايك هي بتكون سعيدة؟


14-اميرة تحبين الشعـــــر واذا تحبينه اهدي لي بيت شعر...... ^_^


15-اذا كنتي تهتمين بالابراج ممكن اعرف وشو برجك....؟


16-طلع لك باختبااااار الشخصية انك انتي حساسة صحيح هالشي...؟ يعني تتاثرين بسرعة .. والا على حسب الموقف والشخص الي جاك منه الموقف..؟


17-كم مرة كذبتيييييي بحياتك؟ ووش رايك بالكذب ؟ وخاصة ان عقااااااابه في الاخرة مو في الدنيا.....؟


18-اذا قلت لك اني احبك في الله وووووش بتقولين لي.....^_^
ترا من السنة الواحد اذا حب اي شخص لازم يقوله وطبعا يرفقها بكلمة احبك في الله

19-اميرة تلبسين نظاااااااارة او لا؟

20-واخيرااااااااا
شهر رمضااان مابقى عليه شي استعديتي له؟؟؟

آسفة على الاطالة اختي وربي يسعدك

مساك الله بالنور والسرور حبيبة قلبي انسانه وهلا والله بالغلا كله

بالنسبه لسؤالك عن الإرهاب هذا الفكر الضال الذي لايمت للإسلام بصله مسمى تمكن أعداء الإسلام من ربطه بالإسلام عندما وجدوا ثغرات في تفكير الشباب المسلم استطاعوا من خلالها بث سمومهم وتشويه صورة الإسلام ووجود هذا الفكر الضال له سببين الأول البعد عن الوسطيه التي هي شعار الدين الإسلامي ومنهجه الذي من المفترض أن نسلكه والسبب الثاني هو عدم فهم الشباب للدين الإسلامي فهما كاملا واعتمادهم على أدله ونصوص ضعيفه وعدم اتباعهم الطريقه السليمه في التفكير وجعل العاطفه هي المحرك الأساسي لهم وبعهدهم عن لغة العقل وهذه هي الثغره التي من خلالها تم استغلالهم وتوجيههم ليحاربو دينهم وأوطانهم
أما بالنسبه الأسلحة وحصولهم عليها أعتقد أنه هناك ممول أساسي لهؤلاء الفئه وهذا الداعم والممول لايخفى على الجميع إنهم اعداء الإسلام ومحاربوه اللهم احفظ لنا ديننا الذي هو عصمة أمرنا واهدي شباب المسلمين وردهم لطريق الصواب

بالنسبه لسؤالك عن الحب في القديم والحب الآن أعتقد أن الحب لم يتغير لكن الذي تغير هو النفوس البشريه التي شوهت هذا المعنى الجميل بسبب الخداع وعدم الصدق والطرق التي يستخدمونها في البحث عن الحب الطرق الملتويه التي يشوبها الظلام والخداع لذلك أصبحت كلمة الحب في هذا الوقت شئ ممقوت وغير محبب ورغم ذلك يبقى الحب الصادق والعفيف مضيئاً دائماً لايطفئ نوره شئ

بالنسبه عن تبدل الأدوار بين الرجل والمرأة لاأعتقد أنه سوف يساعد في تغير نظره بعض العقليات المريضه التي تعتقد أن المرأة شئ حقير ليس له حقوق هل تعلمين لماذا لأن العيب ليس في الدور الذي تقوم به المراة بل في هذه العقليات المريضه ولاأعتقد أن تبديل الدور سوف يحدث تغيير

بالنسبه لجملةالإشتياق لشخص ما نوع من الإدمان لايحاسب عليه القانون هذه الجمله صحيحه مئه بالمئه ورائعه لأنه حينما تكونين في اشتياق دائم لشخص معين لن يكون هناك قانون في هذه الكره الأرضيه يستطيع محاسبتك على هذه المشاعر ولن يمنعك منها أي شئ

بالنسبه لأصعب ليالي الفراق عندما يكون الفراق أبديا ولن يحدث بعده لقاء عندما يكون هذا الفراق هو مغادرة لهذه الحياة بالكامل يعني أن يحول الموت بينك وبين من تحبين وهذه هي أصعب ليالي الفراق لأنه سوف تتقطع جميع السبل في لقاءه في الدنيا أما بالآخره فنسأل الله أن يجمعنا بمن نحب

متى يكون بالي مرتاح يكون بالي مرتاح حينما اعلم أنني أديت كافه واجباتي بالكامل أمام الخالق وتجاه كل من لي علاقه بهم
أما بالنسبه للشباب اللي يرفضون العمل ويشترطون شروط أقول ان الشغل مو عيب العيب يوم يجلس الإنسان عاله على غيره ليس له دور في هذا المجتمع وليس بينه وبين العاجز فرق

بالنسبه للواسطه أنا ما أقدر أقول عنها و أطلق عليها غير مسمى قاتله الطموح والإبداع

بالنسبه لسؤالك عن الأخوه الفلسطينين مااقدر أقولك غير أننا في عصر أصبح ال***** أكرمكم الله يتمتع بحقوقه أكثر من الإنسان وكل هذا بسبب هؤلاء البشر المتوحشين أصحاب العقليات المريضه التي لاهم لها سوى تدمير المسلمين
بالنسبه للبرامج الواقعيه مثل ستار أكاديمي وغيره هذي لايليق بها سوى مسمى برامج العقليات الفارغه والمتخلفه وليعذرني الجميع على هذا المسمى لأنها فعلا لاتقدم سوى ضياع الوقت وتحطيم القيم الساميه

بالنسبه لقدرتي على إقناع الأشخاص الحمدلله أنا أتمتع بقدرة الإقناع واستخدم دائما اسلوب الحوار والمنطق

بالنسبه لبرنامجي اليوم بما انه ءاخر يوم من الإجازه راح استمتع مع الأخوه والأخوات في المنتدى

بالنسبه للسحر أعتقد أنه أكثر الأخطار التي تواجهها المرأة ومن تقوم بهذا العمل لاأعتقد أنها يوجد لديها شئ يسمى ضمير أو عاطفه وقلبها ملئ بالحقد والحسد ولو عندها إحساس مافعلت هذا الشئ



بالنسبه للشعر نعم انا أحبه و أهديك يا انسانه هالبيتين
اهلا هلا بك يابعد كل من لي
يااغلى من الغالين ياروح روحي
يفز قلبي وارحب واهلي
ويطيب في قربك جميع الجروحي


بالنسبه للأبراج ماأهتم فيها ولالي برج معين

بالنسبه لإختبار الشخصيه و بالنسبه لحساسيتي تكون على حسب الموقف وعلى حسب الشخص الذي صدر منه هذا الشئ يعني تختلف حساسيتي من موقف لآخر

بالنسبه للكذب أكيد ماأكذب عليك وأقولك ماعمري كذبت لكن أكيد فيه يوم كذبت وتندمت ندم كبير وصراحه الكذب شئ يخرب الدنيا هذا غير عاقبته في الآخره

وأنتي ياانسانه أحبك في الله واقول أحبك الله الذي أحببتيني فيه

بالنسبه للنظاره ألبسها عند القراءه فقط
وشهر رمضان قرب وأقول اللهم بارك لنا في شعبان وبلغنا رمضان وكل عام والجميع بخير وصحه وعافيه

وتسلمين يالغاليه انسانه على الأسئله والتواصل والله يوفقك ويسعدك في الدنيا والآخره

بالنسبه لقدرتي على إقناع الأشخاص الحمدلله أنا أتمتع بقدرة الإقناع واستخدم دائما اسلوب الحوار والمنطق

صحيح 100%

ومشكووووورة على بيت الشعر

اميرة احبك الله الذي احببتني فيه

وانتي بألف الف خير

والله يوفق الجممممممميع

اميرة انتي اختي وانا واجب علي اتواصل معاكي ^_^


لي عودة بإذن الله

يعطيك العافيه حبيبتي إنسانه وألف شكر على التواصل ويسلموووووو يالغاليه