تعبت أسأل وش أهدافك ؟ تعبت أدور كنزك المفقود !
قلبك حبيبي ولا إنت ، آخ منك إنت ..!

مساء الورد ، مساء الفخامه ، مساء الجمال ، تدرون مسائكم هلالي

مبروك علينا ألف مبروك ، زعيم نصف الأرض لا لا زعيم القاره كلها
كأس السوبر هلالي ، بطوله جديده ضمها التاريخ لبطولات الهلال
ما إختلفنا ، متعودين على الذهب ، اللهم جددنا المنصه
أن تكون هلالي " يعني أن تكون دائما في القمه ..

موجنا لاشفت جزْره خفت مده
لا طلبناه البطولة ؟ قال دندن

هاج موج هلالنا من بحر جده
وماهدى إلا بعد ماجتاح لندن !

تغار العين من القلب ، إنت دايم فيه ..
تعال كحلها ، و آقتل الغيره بداخلها !

هو ممكن يجي شخص يشبهك في أدق أدق تفاصيلك ؟
وكأنو إنت بس بجسد ثاني .! نفس الطباع ، نفس التفكير
بينكم شبه كبير ، ولا أحد ملاحظ هالشي غيركم بس ..!

* يبقى سؤال ؟

- المحادثه اللي فوق حشيت فيكم يا عيال

كنا نسولف بالقروب عن الفرق بين البنت و الولد من جهة الجمال
أنا وجهة نظري كانت مختلفه شوي ، ألا وهي إنو البنت عندها
أو تمتلك جماليات أكثر من الولد ، مثلا عندك العيون بالكحل و
الماسكارا بتطلع عيونها جذابه ، هالشي غير متوفر عند العيال
كذلك ألوان الروج تغير وتجذب ، تسريحة الشعر المختلفه
ستايل الملابس المختلف ، شي بسيط لو غيرته البنت يعمل
تغيير كامل لشكلها ، زي صبغة الشعر وهالأشياء غير متوفره
عند العيال ، العيال عندهم الشنب واللحيه هي اللي تعمل
تغيير فيهم ، أصلا هي اللي تحليهم فغالبا الرجل الأملط غير
مرغوب بمعنى أقل جمال ، الوصف اللي في المحادثه معليش
محشومين ، بس ﻷنو شفت نوعيه زي كذا في المولات يستفزون
أشكالهم مقرفه شعر يده أكثر من شعر وجهه ؟؟؟

عشان كذا الوصف كان طالع من قلب

أبغى بيبي

عنجد يعني ودي بطفل أستانس عليه ، أناغيلو وألعب معاه ، يبقى عندي
على طول مو فتره ويرجع ﻷهله بنت أختي كانت عندي حبيبة قلبي
قديش كنت مستانسه عليها ، وتسهر معاي وألعب وياها ونصور سيلفي
بالسناب هذا أهم شي والله كانت حل ممتاز لذهاب الطفش بس
عاد وش نسوي راحت مع أهلها ساكنين بمنطقه ثانيه غير منطقتنا والله
فقدتها بشكل فضيييع ، لما أشوف صورها أنهبل عليها أبغاها تكون عندي
زي زمان ، حاليا مطلعه حرتي كلها على أخوي ، أقوله ياخي تزوج جيب
لنا بيبي خليه يرجع الحياه للبيت بدال ماهو كئيب كذا لما يكون فيه بيبي
بالبيت يسوي جو والله ، وأحلى جو كمان ، بالنسبه لي أفضل الأطفال
من عمر شهر إلى سنه ، سنه وشوي ي إممممي لزيزين بشكل مش
طبيعي ماتمل منهم ولا من شوفتهم واللعب معهم ، تعرفون الحركه
اللي يسويها الطفل لما يزعل يمد بوزو ويعطيك هذيك الصيحه اللي
يعني زعلان بقوه ، ياويلي أنا ياويلي هالحركه تجنني تخرفني تهبل
فيني تخليني ماني طبيعيه أحبها بقووه ، في مره كانت بنت اختي
سهرانه معي المهم قاعده أخانقها بمزح أقولها ماودك تنامي أنا تعبت
وبنام وحضرتك صاحيه يلا نامي وتزعل وتمد بوزها " في هاللحظه
أدركت فعلا إنو اللي قدامي طفل صح بحق وحقيقه ، وش صار فيني
شي ماينوصف خقيت بمعنى الكلمه ياويلي هاتو تمها أبوسو قلبي أنا
نفس الموقف صار مع ولد خالتي الصغيره عمره تقريبا سنتين هالولد
تربيتي أنا اللي ربيته من صغره ما يناديني غير ماما حبيبي إبني والله
المهم كان عندي وخانقته بمزح وزعل ومد بوزو ، أخوي خانقني قال
تعالي راضيه يلا ، هو أنا أصلا بجي ليش حركه مدة البوز هذي هبلتني
ضميته براضيه وهو زعلان يقولي لا بروح البيت قلت لا خليك عندي
إنت مو قلت بتنام جمبي اليوم قال ﻷ زعلان بقوه " أصلا أنا أزعلهم
ليش عشان هالحركه أبغى أشوفها بعدين أضمه وأراضيه ، الطفل
اللي يسوي هالحركه كل مازعل يخليني أتعلق فيه أكثر وأفقده لا
غاب ، الله لو كل أسبوع عايله تتبرع لي بطفل من عندهم يبقى عندي
أسبوع وبعدها نغير عايلتنا ثانيه ، الله أوميقاد والله بستانس عليهم
أنا شكلي بغير تخصصي وبدرس رياض أطفال ، عشان أشتغل بحضانه
وأكون قريبه من الأطفال ، عاد هناك أشكال وألوان بس طب وتخير
حكي واجد صح ؟ وكله نفس الموضوع بس عنجد والله أحب الأطفال
بشككل فضيع حركاتهم تجذب تخليك تحب الحياه

هههههههههههههههههههههههههههههههههههههه
لما إعتمدت المشاركه ، إنصدمت الحكي كثير وطويل بشكل
معليش معليش تحملوني شويه أختوكو الصُغيره

تعالوا بحكيلكم موقف معليش بختصر هالمره ..

عاد بما إنو فتحنا موضوع العيال تحملوني شويه ، في عندنا بالدوام
عاملات نظافه وبنفس الوقت يشتغلون بالكافيتريا المهم وحده منهم
كانت بالنفاس ورجعت لعملها ومعها إبنها الصغير ، هم لهم غرفه
خاصه فيهم ، كنت أتمشى أنا والبنات وسمعت صوت طفل يبكي
إنهبلت ياعممري فديت هالصوت جيبوه لي وينه هاتوه ، المهم
دخلنا غرفتهم وسلمنا ، سألت عن أمه قالوا توها ماجت شوي إلا
وهي داخله الغرفه قلت بشيله عادي قالت عادي ، كان صاحي
شلته وحطيته بحضني قاعده أتأمله ونوره جمبي ماسكه يده
طبعا سعاد تخاف منهم بقت تسولف مع الحريم وأنا داخله جو
مع الولد بعدين غنيت له وأنا أهز فيه مع الأغاني راح في النوم
أمه تقولي جزاك الله خير نيمتيه لي ورحتي ، حاليا هو عمره
بكون تقريبا 3 شهور وأسبوعين ، حافظه عمره بالضبط
بس اللي مهوّن علي بتبدا الدوامات وبصير أشوفه دايما ..
الولد جميل ما شاء الله عليه ، أبوه سعودي أمه أنا أقول
مصريه سعاد ونوره يقولون ﻷ فلسطينيه ، عاد الله أعلم أهم
شي إنو جميل ، هذا أمه لما شافتني تحسبني عراقيه

كل شي حولي تغير ، مابقى شي ثابت ، الناس راحت والوقت يمضي
مابقى إلا غلاك "ثابت" في هالقلب المسكين ، أصلا إنت موطنك قلبي ..

# لحظة حنين ؛ يليها بوح '

الشبكه صايره كئيبه بشكل فضيع ، كل شي زي ماهو روتين مُمل
نفس المواضيع ، نفس المحتوى كلها تدور حول محور واحد بدون
فايده ، نفسي أدخل الشبكه ألاقي موضوع فخم ومميز يعجبني
من جميع الجهات ، محتوى مميز فيه إبداع ، إخراجه جميل ومُتقن
موضوع مايتعلق بياسر أو الهلال دخيل الله ، خلونا نطلع من محور
الكوره نهائيا ، كلها إنتقادات إعلاميين وجماهير أووف إيش هذا

ودي بشي يفرفش كذا ويغير المُود ، يجدد الحياه الكئيبه هنا
تعالوا نعمل أكشن ؟ بس إيش

من شوي كنت بالآسك تبعي ، وحذفت نص الأسئله
الي مالها أهميه وجودها ماله داعي كان عندي
536 جواب حذفت نصهم لين ما صاروا 238
أصلا أفكر أقفل الصفحه خلاص ما عاد لها داعي

بس عنجد فيه ناس بالآسك حبيتهم من غير ما أعرفهم
أسئلتهم لطيفه جدا وأسلوبهم حلو و راقي رغم إنهم
مجهولين إلا إني حبيتهم ، وفي ناس فضيعين ماأدري
إيش وضعهم يناقشون في أشياء واضحه جدا أصلا ما
فيها نقاش بتاتا عقليات عجيبه

لا إله إلا أنت ، سبحانك إني كنت من الظالمين ..