يمكن يكون بـ غيبتہ حيل مشتاق ،
ويمكن عيونہ من - الشوق يبكن ..
ويمكن نسى ليل سهرناه عشاق ،
أصلا أنا عايشه على شان يمكن ..!

صباح الورد ، الله يسعد صباحهم يارب ويحلي أيامهم ويسعد قلوبهم
الجو اليوم حلو بشكل ، خيالي شوية شمس مع براد الشتاء
الود ودي أبقى برا في السور مستمتعه مره بالجو وألعب بالمرجيحه
حاجتين مهما كبرت مش رح أبطلهم : ألعب بالمرجيحه ، وأقعد على
طاولة المطبخ ، خلص تعودت صعب أتركه هالعاده

شفت المقفي ، وربي ما أتبعه لو خطوتين ..!
أصبعي وهو إصبعي إذا غدرني أقطعه ،
بسألك سؤال واحد والجواب بكلمتين ..!
لاصار قدرك والهوى خصمين من تاقف معه ..؟!
ياخي العزه كرامه و إنت دايم مستهين ..!
ياخي ضرسك لو وجعك بذمتك ماتقلعه ..؟!

آتغلى آتغلى براحتك ، العصفورة إذا ماخذيت بالك منها ؟ تطير ؟
ويقولون : إني عصفورة ! وفهمك كفايه يا كبير !

كالعاده أبيات تعجبني وأنا أتصفح ، و أسردها وأرد عليها بأسلوبي ..

الأبيات ..

أحن لك و أشغل حياتي بطاريك ..
و أصد عنك بس ماهي قساوه ،
أعاملك و أعيشك في مباديك ..
يومك تقول الشوق حسب الفضاوه ،

خربشتي ..

ورني وحسسني بحبك و آبشر بوريك !
كيف إنك ملح حياتي وسكر و حلاه ؟
بس طالبتك لاتصد وتبتعد الله يخليك !
ماقلت كذا إلا لكاعه ، وأدري فيك تحب الشقاوه ؟

الأبيات ..

لبا العيون اللي خذاني نظرها ،
وفديت خشتها من التوت للتوت ..
عوبا وكن العين تخشى خطرها ،
ان عمّرت بيتين تهدم لها بيوت ..

خربشتي ..

المزيونه اللي تعشقها ، و ذابحك حلاها ..!
طالعت(ن) ﻷمها شامية ، جمال غزة وبيروت ..؟
من شافتك وهي مغرومه ، حبك عذبها و أسرها ..!
لسان حالها يقول :
حبيتك لوحدك ، و إن شاء الله غيرك ع القلب مابفوت ..؟

و إن إلتفت العقارب حولي ، سأبقى واقفا صامدا مكاني ..
و إن مدت أيديها لمصافحتي ، فهي بالفعل ليست كذلك ..
بل لصفعتي !! سأقلب السم على العقرب ، ولن أرضى بغير ذلك ..

لاتلتفت للتفاهات ، ولا تجادل من يروج لها ! فأنت أكبر من ذلك ..

بصراحه أنا مش من عشاق الأغاني ولا أحبها ولا تروقني ولا أسمعها إلا نادرا
و لله الحمد ، بس أحيانا تطلع أغنية وتسمعها ﻷول مرة تجذبك ! تحسسك بإنتماء لها
كيف ؟ الله أعلم " بس الأغنية هذي حبيتها عنجد والحمدلله لقيتها بدون موسيقى !
بالنسبه لمنتجين الأغاني ؟ هي حرام مايختلف عليها إثنين ، بس الغريب في الحكايه
في شطحات عجيبه في بعض الأغاني ! يعني زي هذاك اليوم كنت بالصالة مع خواتي
وإختي تقلب بالقنوات و وقفت على قناة أغاني وكانت أغنية عراقيه " طبعا ما إلتفت
لها بس أشوف الفديو كليب تبعها ، فجأة بنص الأغنية طلع كلب ينبح ! سلامات ؟
إنفجرت ضاحكه من هول مارأيت ؟ « لا عنجد يعني إنت كذا كذا حامل ذنوب راكبتك
من ساسك لراسك ! طيب حط شي زي الناس # عجيبه أغاني هاليومين

# السيلفي

حضرتها اللي إنتوا تتصفحوا مدونتها ، مجنونة سيلفي بشكل مش طبيعي ، والله عنجد
أعشق شي إسمه سيلفي ومش أي سيلفي كمان ؟! السيلفي اللي يكون مع نفسي بس
يعني كيف ؟ أنا بحكيلكم : من زمان أيام النوكيا جوالي ماكانت فيه كاميرا أمامية هالشي
كان مزعجني ، طبعا أنا أحب أصور نفسي دايما ، فكنت أقلب الجوال وأصور نفسي بنفسي
ومع الأجهزة الجديدة صار في كاميرا أماميه أكثر شي حبيته ، مافي علاقه وديه بيني و بين
الكاميرا الخلفيه ، من قبل مايطلع السيلفي وأنا أحب أتصور بالكاميرا الأماميه ، ماأحب أحد
يصورني أصور نفسي بنفسي وأتميلح براحتي في كل مكان وزمان أصور نفسي ما
أتقيد بشيء معين ، الصور لها سنين عندي وكل مناسبة لها صورة ، والله ذكريات حلوة

سناب شات

يعني كاميرا أماميه في برنامج تواصل مع مميزات تناسب ديني ومجتمعي « الله الله
هذا ماتبحث عنه الدانه ! حبيت هالبرنامج بشكل مش طبيعي ، جذبني أكثر من الأنستقرام
الأنستقرام سجلت فيه وأنا مش مقتنعه بس عشان خاطر البنات ، نزلت كم صورة ومقطع
وآكتفيت بكذا ' يعني مزهريه بجوالي ، السناب غير شكل ، مميزاته حلوة بجد يعني أنا
أقدر أصور يومياتي بحدود 10 ثواني وأنزلها بحكياتي وتبقى يوم كامل 24 ساعة و
كمان أقدر أصور نفسي بالسيلفي وأرسلها خاص لصحباتي أحدد الأشخاص اللي يقدروا
يشوفوها وكم المدة بالضبط بالثواني طبعا ، عجبني ﻷنو يخلي الشخص على طبيعته
وبدون تصنع أو مبالغة ﻷنو تسجيل في نفس اللحظة ، طبعا أغلب وقتي أقضيه بالسناب
عندي الناس متفاعلين معاي على كل شي أنزله يرسلون لي تعليق ، هذاك اليوم فتحت
اللاب وصرت أصور لهم ذكرياتي القديمه وأكتب هذا اليوم الفلاني ؟ ولقيت في تفاعل
كبير "حبايبي بسم الله عليهم" وصوري طبعا أخليها خاص ماأحطها بحكاياتي أبدا ﻷنو
وجوب الحذر في مثل هالأشياء ، صرت أكتب الحكي بالشريط الأسود وأمثل الإيموجي
بفيسي وأرسله خاص ، وهاتك ياضحك وتريقه من صحباتي يقولون صوري وتميلحي
حلوة بس لا عاد تقلدين فيسات « تقليدي عجيب ، صرت دايما أصور لسبب ومن غير
سبب بس كذا جاي على بالي ، صورت لهم بالنقاب ردوا علي نخق ع المتنقبه
وصورت لهم بالحجاب الشامي قالوا لي حلوة بكل حالاتك المشكلة أبغى أصور ردودهم
يفضحني ! يكتب أنت صورت الشاشة ؟ مصصصيبه أبغى أتميلح فيها بقروب العايله
صعب التصوير ، ومره خليت أختي تصورني وأنا بالمرجيحه في بيتنا بجد كانت أفخم
سنابه سجلتها وطبعا مقدرت أحفظها بجهازي ﻷنو أرسلتها خاص :/ تصدقون من كثر
إعجابي بالسناب لما أصور نفسي وقبل ماأرسلها لصحباتي بالخاص تعجبني الصورة
وأصور الشاشة وأحطها خلفية لجوالي ' عنجد السناب البرنامج الوحيد اللي أعجبني
بكل مافيه من مميزات وجذبني له بس مشكلته الوحيده 10 ثواني قليله بالنسبه لي
شوفوا كل هذي المشاركة قديش طويلة بس عشان أبدي إعجابي بالسناب
لما يعجبني شي ما أبطل حكي عنه « مششكلة أنا .

صباح الورد والفل ، صباح الهناء ' يسعد ربنا صباحهم

أصبحنا وأصبح الملك لله ، فكرتوني نمت ؟ لا أبدا من غير ماأصبح عليكم مستحييل ^_*
آنتظرت الفجر صليت وقمت عملت لي فنجان قهوة تركيه يضبط لي مزاجي ويحلي
صباحي ، صورته لكم « عيشوا معي الحدث " بس التصوير بالسناب أحلى ﻷنو فديو
و الدخان يتصاعد ' طالع فنجان قهوة ولا في الخيال وعنجد يشهي

الله يعوضني عن كل حاجه كان نفسي تبقى معي ، و راحت ! أشياء كثير
كان نفسي تبقى معاي ، بس قدري ونصيبي كذا ' مهما لفت الدنيا ودارت
و لو أعطتني غيرهم ، مارح تعوضني عنهم ﻷنهم غير عن باقي البشر فعلا
غير ، هما كل ثانيه عشتها معاهم حسيت بطعهما ودخلت قلبي بسرعه سواء
كانت فرح أو حزن ، الله يرحم اللي مات ' والله يسعد اللي راح .

(كل من عليها فان ويبقى وجه ربك ذو الجلال و الإكرام) إن لله و إن إليه راجعون .

رحم الله الملك عبدالله وغفر له ماتقدم من ذنبه و ماتأخر ، وأسكنه فسيح جناته
و عفا عنه ، اللهم أجعل كل عمل خير قام به ، منجي له من عذاب الأخرة .
اللهم ألهم ذويه الصبر والسلوان ، و أحفظ البلاد من كل شر ،
اللهم من أراد بها كيد ، رد كيده في نحره ' و أحفظ كل من فيها .!



أبكي حسرة على فرقاك ، وذيك الأيام "
يوم شاع الخبر ، صاب البلد حالة إنهيار ..!
وش فينا ؟ أبد غدينا من بعدك ، أيتام "
الحمدلله ، مرحوم يا ملكنا و صار اللي صار ..!

فضفضة حزن

آه حزين الصبح من دونك ، لو تدري

السلام عليكم و رحمة الله و بركاته ..

بعد وفاة الملك عبدالله بن عبدالعزيز رحمه الله ، إنتشر مقطع لمجموعة من الناس ماهم معروفين
إذا كانوا فلسطينيه فعلا سنيين أو شيعه أو متبعين دين اليهود أو متصهينين ، المقطع مش معروف
لمين ، ولا مين اللي صوره ؟ عنوان المقطع مسيء للملك رحمة الله عليه ، وأثار ضجه كبيره في
السعوديه من إعلام وشعب ، للأسف البعض عمم بأنو جميع الشعب الفلسطيني خاين ، والبعض
أنصف الشعب وبأن المجموعة هذي تمثل نفسها فقط وظهروا رموز و إعلاميين وجزء كبير من شعب
فلسطين وأعتذروا عن الفديو المسيء ناكرين تصرف الجماعه اللي ماهو معروف مين أصلهم
طبعا الإعلام اللي ماشاء الله عليه "طار بالعجه" ومع الخيل ياشقرا ويعنني أنا الفاهم الشاطر
اللي محد قدي وأنا اللي بكشف لكم الحقيقة و كبروا الفكرة في راس الشعب وصاروا راسمين
في بالهم بأنو عدوهم اللدود الشعب الفلسطيني ومهما تناقش فيهم ماهم مقتنعين إلا القليل
إلا من رحم الله وبعض الشعب يحتاجون لتحكيم عقولهم شوي والتفكير بعقلانيه قبل الحكم .

تعالوا نفكر مع بعض شوي ونحسبها بالعقل ، ظهر لنا مقطعين الأول ماهو معروف لمين
فيه ضجه وصياح وتكبيرات بصوت قصير ، ماندري هي لفرح ولا حزن ولا ندري بعد من هو
اللي مصوره إحنا شفنا عنوان المقطع و صدقناه ولا سألنا من اللي وراه و وش هي غايته

المقطع الثاني ظهر لنا بعد وفاة الملك على قناة الكويت فيه ردود الفلسطينين بعد الوفاه
وتضمن المقطع أشخاص من مرؤسين الدوله أسمائهم و ومنصب كل واحد فيهم وشخص
آخر من الشعب وكلهم ذكروا بأن وفاة الملك أحزنتهم وذكروا أفضال الملك ومساعداته
اللي قدمها لمساعدة فلسطين ، طيب المقطع هذا ما إنتشر كثير بالصدفه بحث عنه
وطلع لي بالرغم من معرفة الأشخاص اللي فيه و القناة اللي صورته و عرضته وصرنا
عارفين بأنو المقطع صحيح 100% ولا في مجال للشك أو التكذيب ﻷنو واضح .

ومع ذلك صدقنا المجهول و أنكرنا الواضح والحقيقة ! يعني زي ما قال الرسول محمد
عليه أفضل الصلاة والسلام : بمعنى الحديث : في اخر الزمان تكثر الخداعات وفيها
يصدق الكاذب ويكذب الصادق ! من المعقول الشعب الفلسطيني يكره الشعب السعودي
طيب ليش لما تقوم الحرب على غزة أول شي يقولونها الفلسطينين وين العرب ؟
يستنجدون فيهم وعلى رأسهم السعوديه يحددنوها بالذكر ويلقون اللوم عليها إذا
تأخرت المساعدة ليش ؟ ﻷنهم شايفين السعوديه كبيرة العرب وهي اللي بيدها
الحل كأنهم يقولوا لنا إحنا حاطين أملنا فيكم بعد ربنا أوكي إحنا بنحرر بلدنا بس ساعدونا
ناخذ مثال من الواقع ؟ الطفل لما يضربه صغير من الحارة مو يروح ﻷخوه الكبير
يشكيله وياخذ حقه من اللي إعتدى عليه ﻷنو أخوه ومارح يخليه وعارف بأنو بينصفه
وكذا الشعب الفلسطيني شايف الشعب السعودي ! عمرها فلسطين ما كانت عدوة
السعودية ولا حتكون اللي زرع ونشر الفتنه بينا الله لايهنيه بصحته ولا يبارك بعمره
ويطول في عمره وهو مذلول ويورينا فيه عجائب قدرته ! إنتبهوا إنتبهوا إنتبهوا

فكروا بعقلانيه شوي ، لما طلع عباس رئيس السلطة الفلسطينيه في مظاهرة مع
نتنياهو الملعون ضد الإرهاب الفلسطينيه كلهم ألقوا اللوم على رئيسهم بس بإحترام
وبأسلوب لبق وذرابه كانت في تويتر تغريداتهم هذا وهو عباس بوجهين ولا أعطى
الشعب الفلسطيني كامل حقوقه كان ردهم عليه بإحترام فما بالك بالملك اللي ساعدهم
واللي هم أنفسهم طلبوا المساعدة منه والوقوف بجانبهم والتدخل لوجود حل سريع
و يجازونه بمثل كذا فعل ؟! أنا وضحت لكم و وقفت بجانب الحق ومارح أسكت عنه
أبدا ﻷنو الساكت عن الحق شيطان أخرس وعمر بن الخطاب قال لا أخشى في قول
الحق لومة لائم وأنا قلت الحق ومارح أتراجع لو على قطع رقبتي ! مستحيل أشوف
عروبتي في ضياع وأصمت ولا رح أسمح ﻷحد يفرق بين شعوبنا العربيه إحنا يجمعنا
دين واحد و عروبه وحده وكلنا إخوان ، واللي سعى في نشر الفتنه بينا هو عدونا .

أيام الحرب على غزة السنة اللي فاتت 2014 كم ليبرالي سعودي طلع وغرد وتمنى
نصرة الصهاينه على شعب فلسطين ويستمتعون ويتلذذون بصور الشهداء الأطفال
والنساء ، يومها الشعب الفلسطيني من نفسه قال هذول مايمثلون شعب السعوديه
أبدا ويمثلون أنفسهم فقط وما إنتظروا أحد من السعوديه يعتذر من أنفسهم بادروا
بهذا الشي ولا أعطوا مجال ﻷحد يفكك العروبه ويفرق الشعبين عن بعض ونفس
الموقف صار مع مصر لما طلع المتصهين توفيق عكاشة وتطاول على شهداء غزة
ردوا الفلسطينين عليه برد يحفظ لهم كرامتهم ويذل الصهيوني وقالوا هذا مايمثل
مصر يمثل نفسه فقط رغم بجاحة السيسي وإعتراضه على فتح المعبر للمرضى
ودخول المساعدات ، واليوم الكل وقف ضد الشعب الفلسطيني وصدقتوا الكذبه
رغم وضوحها وضوح الشمس وإعتذار الشعب لكم ، ضنكم ليش من ضمن كل
هالدول فلسطين و وين بالضبط في القدس عشان تتخلوا عنها وتقاطعوا الشعب
ويهدم الأقصى أولى القبلتين وثالث الحرمين عشان دينا يضيع والله واضحه
بس إنتوا الإعلام الجاهل أعمى بصركم ، والعنصريه ضيعتكم وهذا هدفهم .

المقطع الأول ..

لاحظوا أغلب الموجودين شفاههم لاتتحرك الصوت مش معروف طالع من وين ؟
و زي ماإنتوا عارفين إنو القدس محاصره من قبل الصهاينه والفلسطينين مايقدروا
يدخلوا يصلوا فيها إلا نادرا جدا ، وليش هالمره بالذات سمح لهم يدخلوا يصلوا
في المسجد الأقصى وجماعات كبيره اللي دخلت ، وبنفس الوقت الصوت طالع
ولكن ماهو معروف مين صاحبه الأشخاص اللي طالعين بالفديو شفاههم لاتتحرك .

‫ردة فعل المصلين على نعي خطيب

http://youtu.be/ZboabdGEt6I

المقطع الثاني ..

غني عن التعريف ، وكل شي فيه واضح و الأشخاص معروفين بالكامل .
وقناة الكويت اللي أعدت اللقاء ونشرته يعني هذي الحقيقة بعيده كل
البعد عن الشبهات و التزييف ومافي مجال للشك و الكذب والفتنه .

http://youtu.be/yfn2OOODNTw

اللهم بلغت اللهم فاشهد ، هذي حجتي لمن يسأل الله وش سويت قدام الفتن ؟
وريت الناس الحق وأظهرته و الباطل كان واضح وضوح الشمس .! إن الباطل كان زهوقا .
بعض الإعلاميين للأسف مايستحقون كلمة إعلامي يسعى للفتن وتزييف الحقائق
بس عشان يظهر بأنو الفاهم وصاحب الشخصية الأقوى على حساب هالناس الضعفاء
يعني أنا لازم أشتم وأسب وأقذف الأعراض بكذا أكون صاحب وطنيه وأخاف على
وطني ؟ والناس اللي تصدق أي كلمة يقولها الإعلام وتمشي وراه وتقتنع فيه
عفوا إخواني ! بس إنتوا ليش عندكم عقول ؟ فكروا شوي خليك صاحب شخصية
و رأي ولاتصدق أي كلام ينقال غير لما تتأكد بنفسك إنت مو صغير عندهم ولا حتى
لعبه يمشونك على كيفهم ولا تتبعوهم من أجل إرضاء الناس أهم شي أرضي ربك
ولايهمك في قول الحق لومة لائم و إذا كان إعلامي هذا ماهو معناه إنو كل شي
يقوله صح وإنو ماهو معرض للخطأ أبداا ، هو ماهو نبي .! راجع نفسك كويس .

كلامي منطقي ولا ماهو منطقي ..؟!