تعالوا بحكيلكم موقف معليش بختصر هالمره ..
عاد بما إنو فتحنا موضوع العيال تحملوني شويه ، في عندنا بالدوام
عاملات نظافه وبنفس الوقت يشتغلون بالكافيتريا المهم وحده منهم
كانت بالنفاس ورجعت لعملها ومعها إبنها الصغير ، هم لهم غرفه
خاصه فيهم ، كنت أتمشى أنا والبنات وسمعت صوت طفل يبكي
إنهبلت ياعممري فديت هالصوت جيبوه لي وينه هاتوه ، المهم
دخلنا غرفتهم وسلمنا ، سألت عن أمه قالوا توها ماجت شوي إلا
وهي داخله الغرفه قلت بشيله عادي قالت عادي ، كان صاحي
شلته وحطيته بحضني قاعده أتأمله ونوره جمبي ماسكه يده
طبعا سعاد تخاف منهم بقت تسولف مع الحريم وأنا داخله جو
مع الولد بعدين غنيت له وأنا أهز فيه مع الأغاني راح في النوم
أمه تقولي جزاك الله خير نيمتيه لي ورحتي ، حاليا هو عمره
بكون تقريبا 3 شهور وأسبوعين ، حافظه عمره بالضبط 
بس اللي مهوّن علي بتبدا الدوامات وبصير أشوفه دايما ..
الولد جميل ما شاء الله عليه ، أبوه سعودي أمه أنا أقول
مصريه سعاد ونوره يقولون ﻷ فلسطينيه ، عاد الله أعلم أهم
شي إنو جميل ، هذا أمه لما شافتني تحسبني عراقيه 