على اطراف احلامي اعيش بخافقي ذكره
وعلى اطراف امواجك غرقنا من عنا ربان

على ذكرى تهز عروق قلبي دون ما اشره
وهالذكرى حضرت فيني على قولة هنا قد كان

تصدق يابحر إني نسيت الهم والحسره
يوم اني لمحتك من بعيد وصاحت الالحان

تصدق إنه بقلبك اضيع بماضي الفكره
وآجر لحوني لقلبك كذا من ماضي الازمان

تصدق إنك تعيش الحبايب دون ماتكره
على اطفال عاشو فيك قصة حبهم اوطان

وعشت الحاضر الماضي وخذينا منه العبره
وهذا هو لسان الشعر يحكي والشعر إنسان

ليا مني طريت الحب اضيع بموجة السكره
وحبي كله توجه لفتنه اسمـها (...)!!


-علمي دنياي وش قدرك (ياجده)!!

ياخافقي اصبر على البُعد ساعه
ياكيف تصبر سهمها فيك مركوز ؟

الوصل مثل الماي بعد القطاعه
والبُعد خلاني عن الماي محجوز

قومي تعبت من العشق زمليني
ابدفى بعيني شوق تعّب لي العين

يالي انادي لك هناي وسنيني
هذا خفوقي اسمعه فيك لحنين

لحنٍ يعبّر عن بقايا حنيني
ولحنٍ يعبّر عن دموع المحبين !

وإحساسك إلي من المحبه يجيني
يروي ضماي الي ينادي انا وين ؟!

إنكسارك وكل مافي الليل قاسي
مانطقت ابوعدك هالقلب راسي
مانطقت ومانطقت ومانطقت ؟!
بس لكن شوفي حتى هالكراسي
كلها تبكي الغياب ومن شعورك احترقت
آآآآآآآآه والدنيا مأسي !
والله اني ماني ناسي ..
صبحك وزحمة شعورك والكراسي
وش بقى في هالكراسي ؟!
بس مشاعر اصبحت وجدان شاعر
والاماني والقصايد والمباني
كلها تبكي غيابك ؟
كل هذا من شعوري ؟
آآآآآآآه والدنيا مأسي !
وين ليلك لا اتصل بعده صباحك
وين شالي لا دفى بماضي جراحك
وين قلبي يوم ضمك ثم ناحك
آآآآآه والدنيا مأسي !

حطب ضلعان صدري تشتعل من همي وطاريك
وضلوع الشعر تعزف لك بيوتٍ انتي مضمونه


ترا مهما نغيب بيبقى قلبي فالهوى شاريك
ويبقى مابقى فيني يغني لك من لحونه

فراقها اصعب من فراق الانفاس
لو هو بيدي ما افارقها ساعه

لاكنّ هذا علم والعلم نوماس
هذي تعاليم واصول الجماعه


مجرد عادات وتقاليد لاكنها تحيي ناس وتموت ناس
تحيي قلوب وتموت قلوب

فيني حزن ظلّم ترا كل هالكون
حتى ولو بانت شموس المحبه !

فراقها يجعل سناها بلا لون
وشلون اطيب وغاب للقلب طبه ؟!

ودي احكي بس وش فاد الحكي ؟!
لاكسر صمتي صدى صوت السكوت

ودي ابكي بس لكن ماشتكي !
لين ما اشهق بضحكاتٍ تموت

هونت في عيني من الحب اشيااااء
إلا الفراق المُر ماهو ترا شي

شيٍ يقّسم خافقي عدة اشلاء
يذبح خفوقي لو هو بنبضته حي

حتى عيوني كنها توقف إيماء
لامن طريته فز قلبي كذا لي

جيتك آلم ينثر خفوقي بقايا
يجعل خفوقي يذوب من آه هاليل

اشوف بعيوني شحوب المرايا
واشوف جفني طابق الدمع كالسيل

جيتك افضفض ياكريم السجايا
يامحمد اشهد مابقى فيني اي حيل


إهداء لتوأمي الشعري (كبريت)

الصبح باين في عيونك ترا اليوم
والليل يعزف لك من الحب انغام

يوم العيون تعاند تعانق النوم
كل ما انوم افز من طيف الاحلام

اشتقت حتى الدمع بلل هالكموم
يكفي عروق القلب تنطق ومادام

كل البشر في كوم محبوبتي بكوم
كل عام وانتي بخير ياخير كل عام