انطعنت بداخل احشائي بسهمٍ للعشق مجنون
وصار الخافق يعيش اوكسجين انفاس طاريها

حنون القلب يابنيه كشف لك كل هالمكنون
عجز يسكت عن احزانه شوي شوي يخفيها


>~ لعيونكم

هذي غصون الخافق الي تنحى
وغصون قلبي طير يصبح كسيرك

ياغايبه تدرين قلبي تلظى
اروي ضما شخصٍ تعنا بكثيرك

يوم الاغاني كلها لك تغنى
انتي ضما من هو شعوره اسيرك

نوري دنياي مره يامصابيح الدروب
ودي اغفى ثم اشوفه من بعد طول الغياب

ايه احبك راضي بذنبك ولايمكن اتوب
وش يفيد القلب لا من ذاب في كلمة عتاب

حبك وطيفك اشوفه باينٍ في كل صوب
حتى طيفك صرت مدري كيف لكن بس اهاب

انتهيت إلا خفوقي صار لك قصة غروب
ذاب في قولة احبك في عيوني اليوم ذاب

امطري بصدر الآماني يالسحابة الموسميه
شاعرك شوفيه يهمس لاتباطينه طلبتك

ليه ادمنتك وقلبي انذبح من دون ديه
ليه مابين الرموش وبين جفنيني حفظتك

ليه قلبي كل صيامه في هواك بدون نيه
وليه امنيته عيونك تحتظني لا لمحتك

انتي شعوري وشعري وانتي كل النبض ليّه
اكذب ان تمتمت اني فالعمر لو مره عفتك

شاعرك محتاج قربك ياهنا عمري شويّه
يبغى كفه تلمس كفوفك ليا مني طلبتك

بروق الحزن لاهلت تهل من الدموع امطار
ويذوب الصمت لاذابت دموع ابعد مسافاتي

عسا ضيق التنفس مالقى في داخلك اشبار
اموت ولايجي صدرك ويعلن لي نهايتي

ياليته فالحشا ساكن ولا بك قد لقى له دار
يدفي كل انفاسك واعيشك في معاناتي

عسا كل التعب فيني سكن من داخلك تذكار
ولا يقدر يهد حيلك واردد وين حيلاتي ؟

لك انفاسي هدية هي دوى لك بس لاتحتار
انا كلي فدى راحة عيونك وانتي نبضاتي

سكنتيني حكايا في زماني من بقايا جروح
وصار القلب يتمنى لو إني يوم احيابك

ابسكت واتبّع قولك على الله وش يفيد البوح؟
مدام ان الدموع اوطانها في كحلة اهدابك

لك بصدري سما موطن وقلبي في وطنك صروح
طلبتك لاتهزين الضلوع بطاري غيابك

اغني لك مثل خالد دخيلك لاتروح الروح
ترا هالروح عيشتها وموتتها من اسبابك

ابتبع في دروب الحب اسرابٍ عليك تنوح
طيوري هاجرت من يوم قفت باقي ركابك

احبك كثر ماهاجر وسافر لك حمام الدوح
احبك كثر مادمعي يذوب بكحلة اهدابك !

خالد :
يامرحبا مليون يالشاعر العذب ,,
نوّرتني وحظورك اجمل هديه

في حكيها صمت المشاعر وانتفاضات الجروح !
وفي صمتها ضيّع خفوقي كل اطلال المدينه

ابسألك عن خافقٍ فيني ووده لك يروح
عايش الذكرى حكاية يوم طعنات الغبينه

انتي بروحي حياةٍ عايشه بالروح روح
وانتي مرسى للمشاعر وانتي احلام السفينه

في حضورك شاعرك في كل نبضاته يبوح
وفي غيابك وين يلقى بداخله اية سكينه؟

غيابك دمعة الشايب على ذكرى خطا وذنوب
وشحوب الدمعه بعين الطفل لاسابته امه ,

مثل قلبي عليك اجرم ولاراضي بمره يتوب
يشوفك طيف في كل الزوايا بين هالقمه

جمالك ماعرف لحنٍ ولايعّرف لنا اسلوب
وقلبي ماعرف الا وجودك شيٍ يهمه

انا يادوب استحمل حنيني لك انا يادوب
ودمعاتي تطيح وما ابي غيرك ترا ( يلمه)

سواك انتي لوحدك يامطر ياناعم الهبوب
ليا منه ذبل في هالورود وطيبها عمه..

ثلاث صفحات لِ تمتماتك
ولكن صاخبه ..

بحق ادهشتني ابياتك
ومايفيض من قريحتك / رائع ..

واصل ..
وس ـأتابع عذوبة شاعريتك

تحياتي وتقديري

نتجرع الآلم بهدوء عندما نعود إلى الذكريآت ,
سواءً كانت مفرحه ام محزنة ..
والسبب في ذلك اننا نشتاق لآيامنا تلك ,
فـ تلهمنا !


حبيبتي , قولي شعورك غايبه وشو بلاك
ليه انا حبي كتمته وانتي لـ قلبي الهوى

ودي اتبع لو سرابك لين ما اوصل خـِطاك
واعترف لك بالمشاعر وانك لقلبي دوى

ايه انا ضميان حبك والسحايب في سماك
والوله ذبّاح وادري قلبي من شوقي ارتوى

بعت هالدنيا عشانك بس انا ابغى رضاك
وتمسحي باقي دموعي ونبدا قصتنا سوى

-

في نظر هالعين قصه شوقها فيني ينادي
اسمعه بين الضلوع العوج صرخاتٍ حزينة

يوم ادور طيفها تايه صداها بكل وادي
ومالقيت الا صدى صوتي يورثني الغبينه

صوتي المبحوح مـُـزعج ياغنات القلب عادي
ياعسا بعد التعب يلقى كفوفك في يدينه

والله إني من شعوري مغُترب فيها بلادي
ياشذى قاف المشاعر ياورود الياسمينه