هاجر هلا والله

ايش الابدع وربي يستحق الثبيت وبقوه صراحه ..

أهليين هـاجر ..

قال تعالى (إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)

يعني مستحيل انام وبكرا اصحى والا انا صرت دكتوورة !

بس امكن كثرة العمل ع الهدف و طول المدة اللي تخلينا نهمل وننسى ونتملل بسرعه !

بس الإرادة القوية ما يوقف قدامها شي ..

وربي ما يضيع جهد أحد ..

و فعلا تنقهرين لو مضى من عمرك سنيين وانتي ما غيرتي من نفسك شي !

حاولو تطورون من أنفسكم وتصيرون اشخاص مؤثرين في اللي حولكم هذا اجمل واسهل طمووح

:

يعطيك العافية هاجر ابدعتي ..

أقتباس

ايش الابدع وربي يستحق الثبيت وبقوه صراحه ..

يالله مثبت علشانك ض1

-


لي باك - ان شاء الله -

أختس تجآملتس ..
ترا من سابع المستحيلات أنك تصيرين تآجره أو كآتبه معروفه بسبب حظ !!
الحين ليش حنا مآنترك المذآكره ونقول النجآح والرسوب حظ !!
الحظ أخذنآه شمآعه نعلق عليها أحلآمنا المندثره !
يآفلآنه ليش مآدخلتي الجامعه الجواب حظ !
يآفلآن ليش ماتوظفت الجوآب حظ !
يآعلآنه ليش أحترق غدآتس حظ !
صدقيني لو رآح توقفين على الحظ بيمر عمرك كله وأنتي مآسويتي شي ..
أنآ بالنسبه لي رآضيه عن نفسي ..
صحيح أني مآحققت اللي أطمح له بس يكفي أني أسعى جآهدهـ إليه ..


لَاصار حلمك في يد .. ( الوقتْ والنّاس ) !
لَا .../ النّاس تفرحْ لِك ، ولَا [ الوقت ] يرحَم
إغسِل يدِك مِن ..| حلمك ، بِ موية الياسْ
وإهرِبْ بَلا حلمِك ( عسى بس تسلَم )

اهلين هاجر كيف الحال
مشكورة ع هالموضوع أنامافكر بحياتي به اشيء
الأني توني ماراح من عمري الأيام طفولة
أنابديت بسنين الشباب
أناحاطة فبالي أني أنجز شيءفي حياتي قبل الممات
الله طول أعمارنا لطاعة الله

اهنيك على هاالابداع...

,
,

لو كان موضوعك قبل عامين من الحين
كان صابتني نفس الصدمه اللي صابتك
ويمكن ماكنت اقدر اتجاوزها
لأني بالفعل قبل عامين , كنت مازلت فمكاني
وانا .. انا ماتغيرت ,

يمكن الامر اللي عمل نقطة تحول فحياتي وفاة ابوي الله يرحمه ,
عرفت ان الأيام محسوبه .. واني للحين واقفه مكاني وانتظر احلامي تتحقق من نفسها
وتأكدت ان الكون زايل .. ولازم اترك لي بصمه عشان يذكروني بها الناس بالخير ,

والحمدلله هذا انا حققت كثير من طموحاتي ,
ادرس بأحسن مستوى , غير كذا توظفت استاذه لنفس تخصصي
يعني ادرس واشتغل بنفس الوقت ,
طورت من قلمي .. وبدأت ادخل للمجالات الرسميه للكتابه الأدبيه .. عكس اول
يعني طورت ذاتي ونميت مواهي هالسنتين ولله الحمد ,
وبإذن الله احقق باقي احلامي ,
وفالنهاية
[ اللهم لاتجعل الدنيا أكبر همنا ]
وزي مانحسب للدنيا .. خلونا نحسب للأخره ونعطيها حقها ,
هي الدار الباقين فيها للأبد ..


يعطيك العافيه يارب

اعتذر بشدة بداية على التأخير..


سطاام -- شاكره مرورك ليتك كتبت وجهة نظرك حول الوقت و مداهمته لنا..!


بيلسان -- شاكره لك غاليتي انتي ايضا لكن الظاهر الكل متخوف يحكي عن مداهمات الوقت له ..!!

و التسويف عموماً أحد سيوف الوقت اللي يقطعنا فيها ..!



وردة الهلال -- هلا حبيبتي ..ليت عندي شوي من راحة بالك ..الله يهنيك و يحقق احلامك ..و بدور المحاضره ان شالله اسمعها ..



النادره --- فعلا ..تغيير النفس هو البدايه ..هو يلي لازم نبدا فيه ..و ع قولتس هذا أسهل طموح ..بس حاسه انه صعب ..اللع يعافيتس و لا تقطعي بتواجدك في مواضيعي ..



خدود مشوية-- فعلا اختي تجاملني انا عارفه ...شاكره مروك اختي الكريمه ..

عاشقة رابح--- الله يعطيك طولة العمر و تحققي احلامك ..شكرا جزيلا@@


البرنسيسه20---مشكوره بس تمنيت لو كان حظي من حروفك أكثر و اقرا وجهة نظرك حول الوقت ..!عالعموم مشكورة



شوق الغوالي-- الله يهنيك كمان و كمان ..من جد تجربتك رائعه و من الجميل اني اعتبرك مثال للنجاح و مسابقة الوقت في الوقت الضائع..!
خلال سنتين ..!!

اهنيك مشالله عليك ..

فعلا مرات الواحد مرات يحتاج نكسه ..يمكن لما يشوف العالم مقلوب يمشي هو عدل..!

شاكره يا استاذه لا تحرمينا تواجدك و خبراتك..



روح الدلع -- حمدلله حققتي أحد الأهداف لا تستهيني ..فيه ناس ما سوت شي و لا حققت شي بالمره

الله يعافيتس يا اختي و شاكره لتواجدك..



هلالية بنكهة ياسريه -- الله عليك ..انتي قلمك له نكهة خاصه ..عجبني كلامك الأنيق ..
و تنسيق حروفك ..و وجهة نظرك اعتبرها صحيحه و ثاقبه بعد ..!


فعلاً ..قلم..يثري مواضيعي لا تحرميني منه ..شا كره يا غاليه

أقتباس

لي باك - ان شاء الله -

باك


-

سطور للتأمل
حسيت بقشعريرة وانا اقرأ ض1
لما فكرت بالعشر سنين اللي راحت ..
أخطائي فيها .. الناس اللي فقدتهم فيها ..
بس تغيرت للافضل اكيد وحققت اشياء كثيرة بنظري راضيه عن نفسي
الانسان كل يوم يتعلم شيء ..
موب شرط يكون عندي وظيفة او شهادة او مستقرة بحياتي
علشان اكون انجزت شيء ..
تحسين النفس هو بحد ذاته انجاز ..
والتأمل والطمع بالتغيير طريق له ..

أقتباس

هيه تقول وش بايدك تسوين لو ما تزوجتي اللي تبين مثلاً؟
او ما صرتي تاجره كبيره معروفه..؟
او ما طرحتي كتاب القصص اللي تحلمين فيه ..!
او ما صرتي أديبه مشهوره و توزعت خواطرك ..و أشعارك هنا و هناك..؟؟
تقول هذا مو ذنبي ..؟؟

حتى لو كان الوقت يسرق منا ..
هو يعطى بالمقابل ..
لسا بدري

-


ممنونة لـ أكثر من هذا الموضوع