من هول صكات الزمن صرت مرعوب وعقب الشجاعة قمت أهدّي وأحاسب وأحسب ليالي العمر والعمر محسوب لاشك من فوق المحاسب محاسب وإن رحت لا طالب ولا نيب مطلوب خسارة الدنيا لديني مكاسب ========================= حاولت أركز وأجمع أفكاري و أحاسيسي سوى.. هالليله.. و من خضم المعركة مع مزاجي .. لين لان..و أعلن اذعانه.. حطيت الأصابع على الكيبورد.. نزلت حروفي ..متسارعه .. مش متفاهمه .. متشابكه بس مو متشابكه .. و انقسمت أفكاري عن أحاسيسي مره اخرى.. و أعود لكم بانقلاب آخر على نفسي.. ================================ قبل عشر سنوات ..اشتركت في موقع جميل يمكن حطيت لكم نبذه سريعه في أحد مواضيعي عن فكرة الموقع الجميله هذه و اللي تتمحور حول انه بمجرد تسجيلك تختار فتره معينه من السنوات يجيك بعد انقضائها اميل من هذا الموقع ..يقولك / ها انت وينك وش سويت وش صار عليك ؟ وش حققت ؟ وش بنيت ؟ كم صار معك فلوس ؟ كم خسرت فلوس ؟ كم صار عمرك؟ شوف روحك بالمرايه ..هذا انته؟؟ باقي انته..؟؟ راضي عنك.؟ جاني البارح و بكيييييييييييييييييييييييييييييت لنه حسيييييييييييييييييت انه ماااااااااااااا سوييييييييييييييييييييييييت شي و أنا زي ما أنا ... كان الاميل زي عفريت كبير كذه طلع يحاكيني من الشاشه ..!! مو باقي غير يمسكني من أكتافي و ينفضني و يقولي اصحي تراكي مكانك سر من عشر سنوات لا رحتي و لا جيتي خسارة السنين فيكي ..!! بس ليه ================= تدرون ...مره مبعثره وا نا أكتب أحاول أجمع أشلائي ...حروفي أطرافي .. أفكاري.. حتى أصابعي ضايعه ف هه الكيبورد .. و عقلي لا تسألون عنه .. مير انتو ارجعو ورى ..عشر سنوات .. شوفو وش أنجزتو ؟؟ كم حلم حققت و كم حلم اندثر..!! كم واحد تحبه مات ..؟ و كم مولود جديد جا لعيلتكم ..؟؟ جلست احسب و احسب و اقارن .. ما أقول انه ما صارت اشيا كويسه و لا أقول اني كلش ما حققت شي مير انا ..صدمني حجم السنين هذه مع حجم اللي سويته ..و حجم انجازاتي و التغيرات الايجابيه يلي طرأت بحياتي ..لنها طلعت و لا شي .. أتوقع لو كنت حاطه خطه أو أمشي على نمط مرتب و مزاج رايق و فكر مهندس ..كنت بوصل قمة احلامي في فتره قياسيه .. مو تنتهي عشر سنين و يا دوب الانجازات و الاحلام اللي تحققت ما جاوزت في عددها عدد اصابع يدي أو بتقولون زي ما قالت اختي ..انه سالفة الأحلام و الطموحات و المناصب و الثروه ..هذه بالحظ و حاجه مقدره و مكتوبه .. الأرزاق موزعه ع الخلق من رب العالمين .. يعني حاولت تفهمني انها قسمه و نصيب اذا انه العشر سنين حقتي ذي انتهت و انا ما حققت و لا انجزت غير الشيء اليسير..!! تتفقون معاها انه قسمه و نصيب .. يعني مش ..كسل و لا خمول مني..؟؟ ================================ هيه تقول وش بايدك تسوين لو ما تزوجتي اللي تبين مثلاً؟ او ما صرتي تاجره كبيره معروفه..؟ او ما طرحتي كتاب القصص اللي تحلمين فيه ..! او ما صرتي أديبه مشهوره و توزعت خواطرك ..و أشعارك هنا و هناك..؟؟ تقول هذا مو ذنبي ..؟؟ أجل ذنب مين .؟ معقول الحظ و الصدف و الأقدار وحدها هيه مسؤوله ..؟ وإلا عشانها اختي و كسرت خاطرها دمعتي و حاولت تمسحها عن وجنتي..!! مير أهم شي اكتشفته من الاميل بعد غير اخفاقي الفضيع هذا .. انه يا سرع الأياااااااااااااااااااام .. كنه أمس مسجله بالموقع ذا .. مير ليتني ما سجلت فيه ودي أرجع أنااااااااااام و أحلم الاميل ذا زي واحد صحاني من نوم طويل و حلم وردي أطول..!! يمكن حالنا كلنا يا العرب كذه ..؟؟ صح ؟؟ تتفقون ..معي انه احلامنا اكثر من انجازاتنا و انه أقوالنا أكثر من أفعالنا .!! يعني أنا طبيعية مره ..كوني عربيه..!! ================================================== أو برضو أنا بكلامي ذا الحين أحاول أخفف عن نفسي زي اختي ما حاولت ..!! ================================= أترك لكم ..مساحه كبيره لتتحدثو عن انجازات قليله و حتى لا أكون متشائمه ..أترك أيضاً مساحه صغيره ..!! ليتحدث عن انجازاته العملاقه ..من يريد ذلك..!! حتماً ستكون انجازاته أكبر من ما كان يتمنى ..و كنا نعتقد..!! خلال عشر سنوات رحلت لكم ..أو أقل منها أو أكثر.. .. ماذا قدمت لنفسك.. ماذا حققت ؟ أين كنت و أين أصبحت ؟ هل أنته راضي..؟ ام هل أنته مصدوم الآن ..كما الغالبيه ..! هل تنظر لموضع قدميك ؟؟ و مكااانك سر..!! الشهاده لله موضوعي هذا أطمح فيه أن يعمل صحــــــــوه لكل من هو غارق في أحلامه للآن .. بس بقوله : ..الوقت يا حبيبي الوقت ..؟ الوقت ..!! الوقت.. ما ذبحنا غيره ..ما قطعنا غيره .. متى نذبحه ..؟؟ و متى نقطعه .. متى تفهم انه يلي لابسها بيسارك تدور و تدور مع لياليك و أيامك و لا يرجع منها ثانيه ..!! متى تفهم انها ..تسرقك..!! و تسابقك و تسبقك..!! بالله ممكن سؤال خبيث الحين ....الكل يسأله يحسبه سهل مررره..و هو كل ما جاوب عليه .. سرق من عمره ! كم الساعه الحين ..؟؟ ( ناموووووووووووو بالله و لا تجاوبووون )
من هول صكات الزمن صرت مرعوب