مشفــر ~ رقابــه ~ محـذوف ~ ( ثقافات مغلقه في مجتمعنا ) - شبكة القناص

وعـــد · 01-11-2008, 10:19 PM

مساكم الله بالخير صبحكم
الله بالخير
<< خخخخ تذكرونه

يوم كنا اطفال صغار لاهموم بالحياه ولاتعب ولامشاغل
وجهال مانعرف عن شيء بالدنيا لاكيف جينا ولاوين بنروح
ولاكيف بنعيش ولاوش مشاكل بنشوف الحياه كانت فعلا
حلوه مجرد ضحك ومسايير مع امهاتنا ولعب بالشارع وحلاو

هالحين كبرنا وكبرت همومنا ومشاكلنا وحتى ابتعدنا عن
بعض صرنا كل واحد يالله يالله يفكر متى يفضي يشوف اهله
واخوانه ويجتمع معاهم الله المستعان بس
وكبرت معانا حاجاتنا هالحين من اول يومنا بزران بسيطيين
مرره مرره هالحين لا حتى بزران هالوقت مهب بس حنا تلقى
الواحد مليان جيبه جوالات وغرفته لابتوب ولابتوبه مليان صور
وفيديوهات وايميلات وكل شيء بسم الله علينا
طيب وش الفرق ؟
المجتمع تطور والحياه تطورت والعلم بعد تطور الله يرحم احوالنا
اول بس ماندري وش السالفه ماغير ندربي الدميجه وبس
طيب وش احسن ؟
هالحين والا اول ناس تقول هالحين وناس تقول اول وتختلف
الاراء كلن له رأي وكلن حر برأيه اكيد

طيب اقولكم شيء / هالحين هالمقدمه اللي فوق اكتشفت انه
مهيب لم موضوعي ابد ابد خخخخ
انا بوصل لنقطه اختلاف الثقافه المغلقه بمجتمعنا من جيل لجيل
وش الثقافه المغلقه اقولكم وش ؟
تخبرون لميس ونور ماخلوا بزرايننا الا وهم يعرفون كل شيء مره لقيت
اخوي الصغير يتابع نور قلت له وش تبي به هذي ؟ قال احبه
مزيونه خخخخ لعنبوحيه يعرف الزين من صغره من اول ماندري وش
فرق الزين من الشين ماغير نراكض بالغبره والشوارع

طيب هذي تعتبر ثقافه انا اعتبره بغض النظر عن كون اخوي مثلا
يقلدن او يقلد اخواني الكبار تدرون وش ثقافته ؟
ثقافه انجذاب الطفل للمرآه من صغره في مجتمعنا السعودي يعني
صار يدري ان هذي مره يقول عنه مزيونه يعني ماقال مهند مزيون
قال نور مزيونه مع انه شيفه مالت على ذوقه :/
هذا تعتقدون شيء سلبي والا ايجابي ؟
انا اشوفه ايجابي لانه بيزرع شيء من الحنان والمفهوم عند
الطفل ان هالكائن اللي يختلف عنه اللي هو المرآه لازم ينظر
له نظره حلوه لازم ينجذب له اكثر من غيره هذا شيء
الشيء الثاني ان من اول عيب وشق جيب عند اهلنا ان البزر
يلعب مع بزره لا وبعد ياويلك لو تلعب مع الحريم وياويلك تدخل
على مجلس الحريم وعيب ومدري وشو وهم بزران الله المستعان
بس كذا تعودنا :(
هذي نقطه ( النظره المختلفه للمرآه )
وهذي بتنمي شعور مختلف عند الاطفال لين يكبرون ويختلفون
عن تماسيح هالوقت اللي اهلهم عودوهم على القسوه والنفور
من المرآه وانه شيء مالمفروض تقترب منه رغم انه بزر :(
شعور حلو صح يطلعون رجال بناتنا بكرا رومانسيين وحنونين
وينظرون لهن نظره اعجاب من صغر
بس هذي اول نقطه من موضوع الثقافه المغلقه اصبروا باقي
نقطتين ثانيات مغلقات
عاد قبل اختم هالنقطه مرتن وحده قولوا لي وش رايكم صح
والا لا هاللي يصير ؟

~

النقطه الثانيه ياطويلين العمر هي مبدأ ( العلاقه الزوجيه بين
الزوجين عند الاطفال )
خخخخخخخخخخخخخخخخخخخ مره وحده تقول لي ان اخوها جاء
يركض لها يقول تعالي اقولك شيء عيب مره مره قالت وشو ؟؟
تقول احسب صاير مصيبه / قال ابوي يقول لامي ياعيوني وين
العشاء ؟ ههههههههههههههههه ياعمري هو يحسبه فاحشه خخخ
المشكله الولد يالمتوسط :(
يعني مستحيييييل هالحين نشوف رجل يدلع مرته قدام عياله
عيب ومايجوز طيب وش العيب :/
هذي مرتك بالعكس انت لما تدلعه تنمي عندهم شعور المتعه بالحلال
عكس لما تزجرهم عن المغازل والمكالمات فانك هنا تنهرهم عن الاستمتاع
بالحرام وهنا تتضح لهم الصوره اكثر وترسخ عندهم
لاتقولون واضحه لا ماهي واضحه ابد هذولا مراهقين مايعتقدون ان
فيه متعه الا بالمغازل والمكالمات لانهم مايشوفون شيء ظاهري
بالحلال ابد ابد
طيب عادي وش فيها لو قلت لمرتك ياعمري ياحياتي عند عيالك ؟
والا مديت الملعقه وقلت خوذي هذي لقمه مني ياروحي ؟
والا قلت له يازين هالملبس والا يازين بيتك والا يازين هالطبخه ؟
بالعكس يتنمى عند ولدك مفهوم التواد والتراحم بين الزوجين وانهم
حلال لبعض وشيء طيب اللي يصير بينهم
اقل شيء تزرع بولدك حنان وتجذبه للحلال بحيث لايخاف احد يطيح
عليه ولاينهره عن شيء :(
هالحين لابنات ولاعيال كلنا لاشفنا سوري والا لبناني قلنا ووه بس
يالله الجنه وش هالرومانسيه والا هذولا راعين الحب وهذولا اللي
يفهمون الحريم وهذولا الرومانسيين وحتى الرجال هذولن اللي يفهمن
الرجل هذولن اللي يفتحن النفس طيب عمركم سألتوا اعماركم ليه ؟
لانهم تربوا ان امهم وابوهم يحبون بعض فيما بينهم ويظهرون العلاقه
الطيبه تربوا على سالفه ان مرتي حبيبتي وقلبي وعمري وحياتي
وكل شيء والبنت بعد على ان زوجي حبيبي وعمري وحياتي وكل
شيء بدنيتي خلاص من يوم هم بزران وهم يسمعون هالسوالف
ويشوفون هالاشياء قدام عيونهم
نمت عندهم الجانب العاطفي اكثر مننا مع اننا شعب عاطفي حيل
بس حنا شعب ( مغلق ) بمفتاح مايبي يطلع شيء ابد ابد حدك انت
ومرتك باب غرفتكم اذا عندكم بزران وباب بيتكم اذا ماانتجتوا الى هالحين
علشان كذا خلاص حنا يالبنات عيب تقولين قدام اهلك لرجلي ياعمري
وانت يالشاب عيب تقول لمرتك حبيبتي قدام اهلك وغير كذا عيب
قدام بزرانكم يصير بينكم التواد والتراحم وخلاص كذا نبي نمشي
مع ان اغلبنا يدري انه خطأ بس بيمشي عليه مايبي يصححه هو كلن
يبي الثاني يبدأ لين نخلص :(
خلصت النقطه الثانيه قبل تخلص وبما انكم مقبلين على زواج يعني
كلنا تقريبا بعمر جامعي مابقى لنا شيء الله يحيينا حياه طيبه ونصير
امهات واباء بتسوي مثل ماابوك يسوي والا بتبدأ تسلك منهج جديد
وتتعامل مع مرتك بالرحمه والتواد والحنان زي ماربي حط بينكم
وقدام عيالكم ؟

~

النقطه الثالثه اصبروا توكم << ياكثري خخخخخخخ لااتسذب هذي
اخر نقطه بالسجن قصدي بالموضوع هي ثقافه ( الجنس )
ادري هالحين تبي تجيني انبراشات مادري وش تبي من الحياه بس
ترى ماقلت لاعيب ولاحرام
على زماننا لين مادخلنا المتوسط وحنا ماندري وشلون جينا للحياه
لان ببساطه ماعندنا لامنهج ولاتربيه ولاشيء سّوي يعلمنا كل شيء
بشكل محترم وبشكل نفهمه صح
بس هالحين يووووووه بس المراهقين والبزران يعرفون كل شيء :/
بس تدرون وش المشكله :/
انهم فهموه من النت والجرايد والمجلات والمسلسلات والافلام وكل
هاللي ذكرته تنقله بشكل غلط × غلط
صاروا عيالنا يدخلون شيء أباحي تخيلوا ؟
طيب ليه ؟ علشان يتعلمون شيء من دينهم :/
مافيه عيب عادي لو يتكلم الاب بأمور مثل كذا عند عياله بشكل
محترم بدل مايروح هالبزر والا المراهق يدور المواقع الاباحيه ويشوف
شيء مهيب من ديننا ولاعادتنا ولاتقاليدنا ويحفظها ويظن هذا
هو الجنس ويمشي على اللي قراه :/
شيء عادي مافيها عيب مثل مانأكل ونشرب لنا شهوات نصرفها
بالشيء الحلال والمفروض كذا نعلم عيالنا وبناتنا
يكبرون والبنت / الولد جاهلين في هالامور وبعضهم يلجأ للكتب والنت
قبل زواجه يتثقف شوي لان بيئته ماعطته اللي يكفيه لا وياخذ الكتاب
بالخفيه علشان تربيته ماتسمح له بهالشيء
كل ذي اشياء غلط الان في متزوجين مايدرون وش الحلال من الحرام
والسبب هالدائره ( المغلقه ) في مجتمعنا وفي برضو شباب مايدري
وش اللي يسويه وحلال له من اللي مالمفروض يقرب له وبرضو البنات
وكل هالشيء آثمنا يرجع على اهالينا اللي للاسف يعتقدون انهم
يبنون شيء صحيح فينا :/
طيب الان مانلوم اهلنا لانهم جاهلين بس الان حنا جامعات ونت وشهادات
عليا وتخصصات مرموقه وطلعنا للعالم والخارج وكتب وقراءات وش بنسوي
لعيالنا بكرا ؟
هل بنثقفهم من هالجانب بشكل صحيح وديني ؟
هل بنسمح نفتح هالدائره بيننا وبين ابنائنا بحدود الدين والادب ؟
هل بيجي اليوم اللي تقول لولدك / بنتك تعال / تعالي اسأليني عن اي
شيء ماأدركته مكان ماتروح موقع اباحي او تتعرفين على شاب تسآلينه ؟

~

خلص كلامي كووووله ابشركم خخخخخخخخخخخ
واخر شيء ودي اقوله ياليت ماشوف ردود تقول اني ابنشر الرذيله خخخخ
انا اقول كل شيء بحدود الدين لان الدين اباح هالشيء بمبدأ الحلال وانا
ماقلت انفتحوا على الحرام
وغير كذا اللي يبيني اجاوب على اسئلتي اقولكم من هالحين انا بربي
ابنائي على عكس ( المغلق ) وبحدود تربيتهم السويه وثقافتهم واخلاقهم
ومافيها لاعيب ولاحرام الحرام اني ارمي بأبني بالمواقع الاباحيه علشان
يلقى اجابات لاشياء فطريه تدور برآسه ..

~

ان شاء الله ماكون كثيره واشوف اجابات واقعيه
وصادقه علشان نقدر نفهم بعض
تحياتي ..

**حــ سعودي ــلاها** · 01-11-2008, 10:59 PM

أهلن أهلن حيا الله وعيـد..
موضوعك يعجبني لأنه جريء في طرحه وأنا أحب الجريء في الطرح
سواء كان اجتماعي أو رياضي ..

نجي للمغلق على قولتك..
أول نقطه ذكرتيها هي النظره اللي تربينا عليها بحيث أننا نشوف الولد
شيء عيب والولد يشوفنا شيء عيب وزي ماقلتي أنتي الطامه الكبرى
أن هالكلام وحنا بزران صغار مانفهم وش المقصـد وبريئين وهم قتلوا
البراءه وزعـوا نفور وحذر ومنع أتقراب بين الطرفين ..
ذي مشكلتها الجهل ثم الجهل ثم الجهل مهيب سالفه عادات قبل مهيب جهل
بطريقه التربيه وطريقه أيصال المعلومه :/
وذا شيء شفنا نتاجه في الأخير طلع عندنا قسـوه في طبيعه التعامل بين
الجنسين وصار مبدأ التعامل عندنا أما قاسي أو / مضيع للأخلاق ..
ماصار فيه مبدأ تعامل طيب والسبب هو الطريقه اللي تربينا عليها ونهجنا
عليها من حيث القسوه في الأمر والنهي على الطرف الآخر ..

أقتباس
عاد قبل اختم هالنقطه مرتن وحده قولوا لي وش رايكم صح
والا لا هاللي يصير ؟

أكيد مهب صح لو صح ماكان أعتبر أغلب الرجال الآن المرآه عيب..
مايبي يقول أسم أمه أو أخته قدام خوياه ولاحتى يبي يكلمهم قدام
خوياه والسبب عيب ..

طيب هم ماكلموهم يكلمونك أنت يالمحرم وش الحرام ..
خلاص ثقافه تعود عليها الشعب ودرسها بدون حتى ماينظر لها هل
هي صحيحه أو لا ..
خاطئه جداً والله يسامح من كان السبب في زرع هالفكره والله يجزاهم
عنا خير الجزاء وان شاء الله بفكرنا الآن نقدر نبي جيل جديد فاهم
وواعي لواجبات وحقوق كل طـرف..

الشيء الثاني..
اللي هو ثقافه تعامل كل الزوجين وذي مصيبـه..

يالله وش قد هالأمر محجووووووب ومغيب عندنا ..
عمركم سمعتوا أبوكم يدلع أمكم ؟؟
الواحد صار مايحس أن أبوه وأمه يحبون بعض ويربطهم حنان
في مجتمعنا والسبب هالمنطق اللي ذكرتيه برضو غلط × غلط مثل
ماقلتي لها صنعت لنا فتور ونظره غريبه وصار الواحد منا لين تزوج
يحس بنفسه عايش جنه لانه ماعمره سمع أن تخيل أن بيعيش هالحنان
مع زوجته أو زوجه والسبب أن كل مالمفروض يصير مغيب عنه ..

أقتباس
وبما انكم مقبلين على زواج يعني
كلنا تقريبا بعمر جامعي مابقى لنا شيء الله يحيينا حياه طيبه ونصير
امهات واباء بتسوي مثل ماابوك يسوي والا بتبدأ تسلك منهج جديد
وتتعامل مع مرتك بالرحمه والتواد والحنان زي ماربي حط بينكم
وقدام عيالكم ؟

عني أكيد أوف كورس..

بعامل أبوهم مثل ماأعاملهم من ناحيه الأكل والملبس والأهتمام
والكلام الحلـو وعلى مسامعهم مثل ماقلتي ينمي الحنان فيهم ويزرع
فيهم الثقـه برضـو على أن بين أغلى أثنين في حياتهم رابط قوي وقوي
جداً يقدرون يعيشون على آثره مطمئنين..

النقطـه الثالثه..
شوفي يوم المصطفى اللهم صلي وسلم عليـه ( لاحيـاء في الديـن )..
بس المشكله من يفهم هالشعب ..؟

هم خلاص يعتبرون هالشيء حرام ..
شوفي خلينا صريحين شوي يمكن أغلب نظريه الشعب مايبون عيالهم
أو بناتهم يتخيلونهم بهالشكل..

رغم أن مافيه شيء حراااام ابد ولاعيب ..

ذا حلال لك المفروض بالعكس تربيهم على وش الحلال ووش الحرام ومن
ضمنهم ثقافه الجنس مافيها شيء لو علمت ولدك والأم علمت بنتها شيء
طبيعي واذا أنتي ماعلمتيها بتظنين أو أنت بتظن بيجلسون يتخيلونكم ملائكه..؟

خلاص الله يخلي قوقل واليوتوب فتحوا عيون عيوننا..

وذي مشكله مره بيـق والله أنها بجد مشكله ومثل ماقلتي هذا يصعب الامر اكثر
واكثر بين الشباب والبنات عند الزواج يلجأون للنت أو للكتب وبعضها صح وبعضها
غلط وبعضها تكتب شيء ماأنزل الله به من سلطان وبعضها تحلل المحرم وتحرم
الحلال وخذي بس ..

وأكثر شيء برضو نشوفه هو خوف الفتاه ليله الدخله تلقيناها ترجف والسبب .. :/
خلاص مكشوف خايفه من شيء تربت على إنه عيب / رعب / حرام / شيء عظيم
مصيبه لو تتكلم فيه عند أمها أو أهلها وذا الغلط برآسـه ..

أقتباس
هل بنثقفهم من هالجانب بشكل صحيح وديني ؟

أكيد والآن تشوفين اللي عندها ولد وإلا بنت بالمتوسط وهي من جيل قريب
لجيلنا أكثر أنفتاح في هالموضوع وهذا شيء طيب..

أقتباس
هل بنسمح نفتح هالدائره بيننا وبين ابنائنا بحدود الدين والادب ؟

وهذا المفروض اللي يصير من قبل مب بس مع عيالنا مثل ماقلتي..

أقتباس
هل بيجي اليوم اللي تقول لولدك / بنتك تعال / تعالي اسأليني عن اي
شيء ماأدركته مكان ماتروح موقع اباحي او تتعرفين على شاب تسآلينه ؟

اي والله لاأقول..
ولاأخلي ولدي وبنتي تحت رحمه هالمواقع القذره اللي نشوفها الان فاتحه
على مصرعيها للشباب والبنات تعلمهم شيء لاهو من الدين ولا من الاخلاق والعياذ
بالله وهذا الحرام والله زي ماقلتي :/
وش فايدتي كوني أم اذا أنا ماكنت المرجع الأساسي لبنتي وولدي في أمور
تصعب عليهم وش فايده كوني مربيه اذا ماعلمتهم أمور حياتهم بطريقه صحيحه..
أعتقد ذا واجب من واجباتي كوني أم مب تفضل مني..

:

وعـد:
شكراً لك بحجم السماء..

فاخر طرحـك..
سي يو يالدبا..

**زرقاء اليمامة** · 01-11-2008, 11:02 PM

.......

هلا وعــد

منوره المجلس ياعسل

طلة رايقة مرررره

طرح راااائع ومهم للغاية

لامستي واقع نعيشه ويخشى الكثير من مناقشته

لكن الوقوف بصدق ومناقشة أمورنـا بشفافية

هي خطوة على درب الأصلاح والوصول لواقع أفضل نرتضية

ح ــضور راق لي كثير

طرح يسمو بـروعته ويثبت

لجمال روحك

**O X Y G E N** · 01-11-2008, 11:05 PM

ماشاءالله عليك

موضوع متكامل من جميع الجوانب
وكذا نقطه تحدثتي عنها

عززيتي

مروري هذا من أجل تسجيل حضور بعد قرائتي وتمعُني لأحرفك

ولي عوده بأذن الله مفصله بالرد

{.. Z ـ Cــلية الجــور ~ · 01-11-2008, 11:32 PM

*
*

لـي عـوده يا بطـل
تـوني خلصت من موضوع يـارا

سي يـو ,

**سُموّ الأَميرَة ،..|’** · 02-11-2008, 12:01 AM

وعــد<< يازين اسمك يذكرني ببنت خالتي

هــلابك ../
طرح جرئي وواقعي وينم عن عقلية كبيرة
ومتفتحة بحدود ..
طرحك راق لي كثيرآ لأن اعشق المواضيع
الواقعية والقريبة لنا كسعوديين...(

مقدمتك رائعة وذكرتينن بأيام زمان ..

بدخل في جوانب اطروحتك الجميلة..

../

النقطة "1"

أقتباسوش الثقافه المغلقه اقولكم وش ؟

كــلآمك قريب للمنطق ولكن دعيني ادخل في نقطه اختلاف
وليست خــلاف صحيح بأن الاطفال في هذا الوقت اصبحت
ثقافتهم واسعة حول الجنس الناعم واصبح يهتم بمظهرها
وجمالها واصبحوا يتصرفون بشكل بالتأكيد نستغربه لأننا
فالسابق حينما كانت اعمارنا بأعمارهم لانستطيع المقارنة
فقط نتابع للمتابعة وليس لأن (فلان خقق وفلانة تدوخ )!!!
انا اعيش في مجتمع طفولي منفتح بأقصى حد ولكن بإنغلاق
على الذات اي يتصرف بثقافته الداخلية والتي اكتسبها من
مايرآه ويسمعه ليس من الاهل وانما ثقافات القنوات والمجلات
والنت ووووو الخ...!!

أقتباسعاد قبل اختم هالنقطه مرتن وحده قولوا لي وش رايكم صح
والا لا هاللي يصير ؟

ارى هذا الشي ليس في مصلحة الاطفال انتي تقولين
الجيل القادم سيكونون اكثر رومنسية قد اوافقك الرأي ولكن
سيبحث عن المرأة التي رأها سابقا ويرى بأن الرومانسية تحتاج
لإمرأة تكاد تكون من كوكب آخر اعني بأن الاستقرار
سيتزعزع.. اقول ربما ولست متأكدة فأنا على غرار هذا الجيل
استغرب جدا تصرفاته .. اراني اجهل الكثير من الامور حتى
وانا بهذا السن وهناك اطفال ومراهقين اكثر خبرة مني
بأمور الرومانسية والفروقات الشكلية والمظهرية والاهتمامات
بالطرف الآخر ..!!
انا سأظرب لك مثال من واقعي بنت خالي طفلة لم تتجاوز التسع
سنوات كانت تتابع بشغف "البلشة" نــور حتى اذكر ليلة كنا
في مناسبة في بيتهم ولم نرها من الساعة العاشرة ودخلت عليها
وهي تتابع المسلسل "وآخر انسجام" وسألتها من "باب اللقافة"
وش عاجبك فيه ياهالبزر ؟!! قالت يكفيك عيون مهند!!
فلو نظرنا للصبيان ايضا نجد نفس الحاله لديهم انا لااذكر
اني اعجبت وانا بهذا السن بأي ممثل حدي كنت مغرمة "بكابتن رابح"

للأسف اصبحت ثقافتهم متسعة وومتعمقة ولكن مغلقة على الذات
بحيث تستمد من مصادرهم ومن فضولهم وليس بدور توعوي
من قبل الاسرة ولا مراقبة ...!!
التربية يجب ان لاتبنى على مبدأ ان هذا الامر ممنوع وعيب
يجب ان يكون هناك وعي كامل لدى الاسرة وطريقة صحيحة
في التعامل بحنان حتى لايضطر للمشاهدة والإعجاب بكل مايراه
من مشاهد غير واقعيه..
انا لاارى بأن ذلك ابدا في مصلحة هؤلاء الاطفال مستقبلا ..
حتى وان ادرك ارومانسية فقد يسئ استعمالها ولربما وقع
في المحظور..!!

../

النقطة "2"

أقتباس وبما انكم مقبلين على زواج يعني
كلنا تقريبا بعمر جامعي مابقى لنا شيء الله يحيينا حياه طيبه ونصير
امهات واباء بتسوي مثل ماابوك يسوي والا بتبدأ تسلك منهج جديد
وتتعامل مع مرتك بالرحمه والتواد والحنان زي ماربي حط بينكم
وقدام عيالكم ؟

<< هالفيس يوضح الحالة مستقبلا للحريم..
<< هذولي حالة الرجاجيل مذابح..
وهالفيسين بألغيهم من قاموسي وهذا لايعني مسح شامل للخجل
فاذا انعدم الحياء تنعدم الأخلاق..

عزيزتي :بحكم مجتمعي ومجتمعك الذي نعيش فيه لنكن واقعيين
اكثر ستجدين بأنك من الممكن ان تغيري النمط الذي كان يعيشه
والديك وطريقة التعامل الحرجة بينهما والرسمية احيانا امام الابناء ولكن
قد يصعب ذلك سواء من جهة الام او الاب ..!!
فأنا اتمنى واتمنى ان اغير تماما طريقة التعامل القديمة وان انهج
اسلوب التعامل بمودة وحب وحنان بالقدر الكآفي سواء لأبنائي مستقبلا
او لزوجي والاولى ان يكون هذا الشيء مطبق اذا مااردنا تحقيق الغاية
من نقطتك الاولى ..!!
فأنا بإذن الله حريصة اشد الحرص بأن يكون سلوكي وتعاملي مع زوج المستقبل
ينعكس بالخير على ابنائي ويكون دافع لهم للمعاملة بالمثل بينهم البين
او مع ازواجهم وزوجاتهم مستقبلا ولكن لن يتحقق ذلك مالم يكون هناك بذل
وعطاء من قبل الزوجين واظهار الحب والحنان امام الابناء وعدم الخجل لأنها
امور طبيعية وقد وردت في كتاب الله العزيز فلا حياء في الدين..!!

../

النقطة "3"

أقتباسوش بنسوي
لعيالنا بكرا ؟
هل بنثقفهم من هالجانب بشكل صحيح وديني ؟
هل بنسمح نفتح هالدائره بيننا وبين ابنائنا بحدود الدين والادب ؟
هل بيجي اليوم اللي تقول لولدك / بنتك تعال / تعالي اسأليني عن اي
شيء ماأدركته مكان ماتروح موقع اباحي او تتعرفين على شاب تسآلينه

من ناحية الثقافة الجنسية يجب ان تؤصل في الابناء منذ الصغر ولكن
بالتدريج وحسب العمر وليس بتعمق وانما وفق الدين والتربية الاسلامية ..!!
وكذلك من المفترض ان تكون لها مناهج خاصة في المدارس بما يلاءم
سن الطلاب والطالبات ومتطلباتهم وعقلياتهم ..وقلبها دينهم ..!!
فنحن في السابق كنا نجهل الكثير من الامور المتعلقة بهذه النوعية من الثقافه
ولكن لو رأينا الجيل الحالي نجد انه يمارس قاعدة"الممنوع مرغوب" والممنوع
هو التثقيف الجنسي الذي اصبح في المتناول هذه الايام وبشكل ملفت
ولكن بطرق تذهل وتشمئز لها الابدان فأصبحت مواقع النت الاباحية تنشر الرذيلة
والابناء يسعون للبحث والتنقفيب عنها بشكل دائم لأنهم يجهلون تماما هذه الثقافة
فتهيأت لهم تلك السبل للبحث عنها فلم يتوانوا في رحلة التثقيف الغير سليم ابدا
والذي قد يجر الى الكثير من الويلات ونرجع المسؤلية اولا واخيرا على الاسرة والمدرسة
فالاسرة يجب ان يكون لها دور في هذا الجانب ولاتجعل ذلك الفتى او الفتاة يضطر
للدخول في معمعة الثقافات المتحررة..!!
فتكون تلك الثقافة مبنية على اساس تنمية الخلق والتربية الاسلامية ووفق الحدود المشروعه..
بالتأكيد انا كما ذكرت سآبقا بمااني خريجة هذا المجتمع المنغلق سأدرك ذلك مستقبلا
وسأحاول بشتى الطرق ان اكسب ابنائي لا ان اخسرهم وان يكون الوعي هو الاساس
الذي استند اليه في لفت انتباههم الى تنوع الثقافات الدينية والتي تنطوي تحتها الثقافه
الجنسية ...!!

اتمنى من الله العلي ان يرزقني واياكم الذرية الصآلحة وقبلها الزوج
الصآلح القادر على اعانتي على تحمل أمانة ومسؤلية اولئك الابناء...

../

وعــــد....

امتعتيني جدا جدا ..
ملكة توجتك حروفك ..
بالفعل نظرة جريئة وواقعية وترمو لتحقيق
اهداف وارساء مبادئ نعلمها وفي نفس الوقت
نتجاهلها..
اعذري حروفي ان لم تصل بشكل اوبآخر للوجه
التي قصدتيها في طرحك ..
لك ثورة من الاحترام والحب..

لعبقك الرائع ياجميلة " "

~ Đ ε ε ṁ · 02-11-2008, 03:06 AM

...

اهلا بالمواضيع الجريئـة والواقعية
ندخل بالموضوع المغلق

النقطة الاولى /
أنتي تكلمتي عن الجيل اللي قبل ( جيلنا ) والجيل اللي الحين
جيلنـا قبل / كان منغلق على نفسـه ، كل شيء
( عيب ، خطأ ، ما يصير انتوا صغار ... الخ )
مو جهل كثر ماهو ( خوف ، تحفظ )
من كثــر ما يخافون علينا ويتحفظــون بهالشيء
كبرنــا وكبرت فينــا ،
صرنـا نخاف نتكلم في هذي المواضيع عندهم
ونتحفظ بأي شيء سواء صح او غلط !
واذا نبي نعرف شيء ولا نبي تثقيف اكثــر
نسأل اللي بعمرنا !
اما الجيل الحالي / تفتح بشكل خاطيء عن طريق البرامج
والمسلسلات والنت ويحاول يقلد كل من شاف او سمع ،
و هالشيء سلبي احيانا لانه بيكبر وبيكبر معاه هالفكـر الخاطيء
وايجابي اذا نمـا بفكر سليم ،
يعني نقول هالشيء نسبي ؛

النقطة الثانية/
وبما انكم مقبلين على زواج يعني كلنا تقريبا بعمر جامعي مابقى لنا
شيء الله يحيينا حياه طيبه ونصير امهات واباء بتسوي مثل ماابوك
يسوي والا بتبدأ تسلك منهج جديد وتتعامل مع مرتك بالرحمه والتواد
والحنان زي ماربي حط بينكم وقدام عيالكم ؟

اليوم وانا اقول لأمي ترى بأنادي زوجي عندكم ( حبيبي )
مو تقولون عيب !

جيلنـا تغيــر وأن شاء الله حنــا بنتغير ـ
أكيد هالشيء بيكون صعب بحكم تربيتنــا بس راح نحاول نكسر هالخجل
ونكون حريصين ع هالجانب اكثـر في التعامل وتنمية معنى الحب والرحمـة والحنان
اللي اهتم فيها الشرع وننمي هالشيء فيهم حتى يكبر تدريجي
وهالشيء يحتاج الى جهـد وبذل وعطـاء من الطرفين ( الاب ـ الام )

النقطة الثالثة /
تقريبا مثل الاولى : بإختصــار الطفل يحتاج الى تثقيف من صغره
ما قلنا صيروا مثل فوزية الدريع لا بحدود الدين مع مراعاة العمر
يعني الطفل ثقافته لا تتجاوز ثقافة المراهق والمراهق ثقافته لا تتجاوز ثقافة الازواج
أحسن من انه يلجأ الى اساليب ثانية يمكن تسبب له انحراف ، لان الطفل بكرا بيكبر
و عنده حب استطلاع وفضـول اكثر في هذي المواضيع بحكم فطرته وغريزته .

وعــد
موضوع هادف يغفل عنه الكثيـر
كل الشكر لك ولفكرك ولقلمك

...

**ندى الأيام** · 02-11-2008, 03:29 AM

...

صباح الخير والاحساس والطيبه

ممكن راح ادمج اول نقطتين قي بعض
الثقافه المغلقه ومبدأ العلاقه الزوجيه

شوفي من وجهة نظري المتواضعه ان الفراغ العاطفي
او بمعنى أصح الحرمان العاطفي اللي نعيشه بمجتمعنا
تحت مسمى العيب خلى مفاهيم كثيره في حياتنا نستخدمها بشكل خاطئ

أبسط مثال احساس الحب هذا طامه كبيره عندنا واللي يحب
لازم يخبي وكأنه مسوي جريمه وياويله لو اهله يدرون

مو بس هذا الشي تربينا على كلمة عيب وعيب وعيب
صرنا مع الأسف نخاف من العيب ونفكر فيه أكثر من الحرام والحلال
يعني عيب تقول اسم امك او اختك او زوجتك
طيب هي انسانه اكيد لها اسم تنادى فيه

والا الطفل لما يتصرف اي تصرف غلط وش نقوله
خلك رجال
طيب هذا طفل خلوه يعيش سنه وحياته ويتعلم ببرائه
مو من يوم يصك سنتين تنقاله هالكلمه لين صار فيه جفا وفراغ عاطفي

بضرب مثال ثاني <--اعجبها الموضوع

مره ولد خالتي صغير عمرهـ 5 سنوات ماكان يروح ولايجي الا لما
تخلص حلقة نور ومهند وهاوشته خالتي وقالت له الحين وش معجبك فيهم
عشان تشوفهم قال [أبي أتعلم الحب]
بغض النظر اذا هذا سلبي او ايجابي بس مع الأسف افتقاد اطفالنا لجو
الحب بالبيت خلاهم يشوفونه بطريقه غلط ويفهمونه بطريقه غلط

انكم مقبلين على زواج يعني
كلنا تقريبا بعمر جامعي مابقى لنا شيء الله يحيينا حياه طيبه ونصير
امهات واباء بتسوي مثل ماابوك يسوي والا بتبدأ تسلك منهج جديد
وتتعامل مع مرتك بالرحمه والتواد والحنان زي ماربي حط بينكم
وقدام عيالكم ؟

سؤال تصعب الاجابه عليه لأننا وبصراحه كشباب وبنات تربينا بطريقه وحده
وبحكم ان الرجل هو مسير امور البيت فماتدرين وش ربي بيبلاك فيه <=امزح ترى
لكن..!
من ناحيتي اتمنى ان تكون حياتي مختلفه عن النمط التقليدي الذي يعيشه
المتزوجون في مجتمعنا ويغلب على حياتي الزوجيه الجانب العاطفي
واللين والحنان والاحترام المتبادل حتى ينعكس على حياة أطفالي بشكل
ايجابي وأن اكون الملجأ الأول لزوجي وأطفالي في جميع قرارتهم
متى ماصار الحب والاحترام في البيت أصبح اكثر سعاده افراد هذا البيت

بنسوي
لعيالنا بكرا ؟
هل بنثقفهم من هالجانب بشكل صحيح وديني ؟
هل بنسمح نفتح هالدائره بيننا وبين ابنائنا بحدود الدين والادب ؟
هل بيجي اليوم اللي تقول لولدك / بنتك تعال / تعالي اسأليني عن اي
شيء ماأدركته مكان ماتروح موقع اباحي او تتعرفين على شاب تسآلينه ؟

أعتقد بأن هذا الأمر بالذات أمر فطري لايحتاج الى ثقافه او دراسه
بل يجب ان يكون هناك تهذيب لهذه الثقافه فقط يعني فتح مجال الحوار معهم
من ناحية الدين واعتقد بأن الطفل يجب أن يترك على برائته ولانفتح له
مجال في الحديث بهذهـ الأمور ومصيره سيعلم عنها زي اللي قبله
وفي الوقت اللي يحتاج فيه لتهذيب ثقافته اكيد سأكون قريبه منه/ها
ولاننسى أنه يجب أن يتوافق الحديث في مثل هذهـ المواضيع مع عمره

الله يحيينا ويرزقنا

وعد

موضوع رائع لامس واقع مخيف نعيشه
اعجبني طرحك له بطريقه ابعدت عنه هذا الخوف

رائعه انتي كما هو قلمك
لقلبك وقلمك ود وجنآئن الياسمين غاليتي

<<...ريــووف...>> · 02-11-2008, 05:39 AM

.
.
.
وعد

أهنيكي على الطرح الرائع
والأسلوب الممتع
فعلا موضوعك يلامس الواقع بشكل كبير
هذا اذا ماكان هو سرد للواقع بحذافيره
والحقيقةأن الانغلاق والجفاف العاطفي الذي نعيشه ماهو إلا نتاج لبيئتنا الصحروايه ...
عشان كذا مستحيل تدخلينا في مقارنه مع اللبنانين والسوريين ...أو غيرهم من الشعوب الدلوعين
فالصحراء بقدر مااعطتنا..
بقدر ماأثرت على عواطفنا وسلوكنا ..
وأساليبنا في التعبير عن مشاعرنا ..
فنحن شعب صحرواي من الداخل بشكل كبير ...
يعني عمرك شفتي صحراء فيها انهار ووديان وشجر خضره ..
الصحراء مافيها إلا الجفاف والقسوه ...وهذا هو الموجود عندنا ..
وطبعا هذا مو تحامل علىالصحراء..
لكنه تحامل على الأساليب الصحروايه التي لازلنا ننتهجها في حياتنا ومع أسرنا وفي طرق تربيتنا لأولادنا ..

.
.
.

أقتباس

عاد قبل اختم هالنقطه مرتن وحده قولوا لي وش رايكم صح
والا لا هاللي يصير ؟

اللي أعرفه ان بعض الشباب عندنا مايعرف يجلس مع خواته
يحسب الجلوس مع البنات ينتقص من قدره وقيمته كرجل
وطبعا احنا ما نلقي اللوم على الشاب نفسه
لأنه هو مثلنا ضحية أفكاروتربية ومعتقدات خاطئة اكتسبها من اللي حواليه ..

أقتباسالنقطه الثانيه ياطويلين العمر هي مبدأ ( العلاقه الزوجيهبين

أقتباس

الزوجين عند الاطفال

والله شوفي أنا من ايام ماكنت مراهقة لحد ماكبرت ونضجت وأنا شاغلني سؤال؟!

أمي وأبوي كيف جابونا وهم طول الوقت والعلاقه بينهم طردية مادري عكسية

عن جد شيء يحير! أحيانا الوحده ماتصدق ان امها وابوها يحبون بعض من الجفاف العاطفي والوحشه الي هم عايشين فيها بالرغم اني متاكده ان فيه محبة وتقدير والفه بينهم لكنهم يرفضون التعبير عنها أمامنا

أقتباسوبما انكم مقبلين على زواج يعني

أقتباس

كلنا تقريبا بعمر جامعي مابقىلنا شيء الله يحيينا حياه طيبه ونصير

امهات واباء بتسوي مثل ماابوك يسوي والابتبدأ تسلك منهج جديد

وتتعامل مع مرتك بالرحمه والتواد والحنان زي ماربي حطبينكم
وقدام عيالكم ؟

أكيد ماراح انتهج النهج القديم لمصلحتي ومصلحة أسرتي أولا وأخيرا

لكن المهم ان الطرفين اللي هم( الزوج والزوجه ) يكونوا جميعهم مقتنعين بالشيء هذا ويطبقونه

مو أحد يطبقه والثاني رافضه ولا بنكون مارحنا بعيد عن أهالينا

أقتباسوش بنسوي

أقتباس

لعيالنا بكرا ؟

هل بنثقفهم من هالجانب بشكلصحيح وديني ؟

هل بنسمح نفتح هالدائره بيننا وبين ابنائنا بحدود الدين والادب؟
هل بيجي اليوم اللي تقول لولدك/بنتك تعال/ تعالي اسأليني عناي
شيء ماأدركته مكان ماتروح موقع اباحي او تتعرفين على شاب تسآلينه؟

بالنسبة لي الصراحه مطلب أساسي بين الأم وابنائها في أي موضوع كان

فكيف بموضوع مهم وحاجه فطرية واساسية مثل الجنس

لكن تعريف الأبناء بهذا الامر لايتم بشكل عشوائي فلابد فيه من سؤال مختصين في التربية الجنسية قبل الإقدام عليه ومراعاة فروق الأعمار بين الأبناء بالإضافة الى أن المدرسة يجب أن يكون لها دور في تثقيف الطلاب والطالبات من هذه الناحية

تقبلي مروري ودمتي بكل الود
.
.
.

وعـــد · 04-11-2008, 07:36 AM

ياهلا فيكم مره ثانيه :

حلاها
منورتني ياابنة خالتي العزيزه واعرف رايتس بدون ماتطرحينوه
ماله داعي
سلمت يداك ..

,

زرقاء :
ياعمري على لطف المعامله ومشكوره على التثبيت ومثل ماقلتي
هالامور الواحد منا يتحسس بطرحها
سلمت يداك ..

| |

وعـــد · 04-11-2008, 07:38 AM

اوكسجين :
ياهلا فيك انتظر عودتك يابعدي

,

صديق المجلس :
ياهلا فيك انتظر عودتك يابعدي

| |

وعـــد · 04-11-2008, 07:45 AM

! سمو الاميره ! :
اهلين يمكن اطلع انا بنت خالتس
خخخخخخخ
نجي لكلامك عن ان الرومانسيه ممكن تاخذهم لجانب سيء هذا ممكن
لكن انا اقول احنا نربيهم يعني نعطيهم قدر كافي ماقول نعبي رؤوسهم ليل
ونهار واكيد فيه جوانب سلبيه وايجابيه لاي موضوع بس حنا نناظر ايهم
اكثر ايجابيه ونتأخذه
سلمت يداك ..

,

ايامي بوجوده :
حتى انا بقول لزوجي حبيبي
مثل ماقلتي كل شيء عندنا عيب مايجوز ومغلق وخوف وتحفظ من اهلنا
خايفين ان هالامور تنحرف بنا عن السلوك الصحيح مايدرون ان تحفظهم
هو اللي يجر ابنائهم للانحراف
سلمت يداك ..

| |

وعـــد · 04-11-2008, 07:48 AM

ندى الايام :
ياهلا والله وغلا الله يحييتس
خخخخخخخخخخخخخخخ حلوه ابي اتعلم الحب وعلى قولتك
ليه المحبه عند اهلنا جريمه ؟
سلمت يداك ..

,

الورده روز :
اهلين نورتيني
ندري اننا بيئه صحراويه بس ولو ياكثر الديار اللي بهن غبرات
وصحاري بس ماصاروا مثلنا
المشكله عندنا هو التحفظ والتعصب لمبدا عادات خطأ يعني يراعون
العيب ويتركون الحلال
سلمت يداك ..

| |

**عبدالحكيم القحطاني** · 05-11-2008, 01:25 PM

ررررررررروعه......يا وعد.........وبك لي رجعه ........وينتس ياوخيتي؟
من زمان وانا ابي اتفلسف.....؟ ايه انتي ...................صح.

ملامح انسان · 10-11-2008, 07:40 AM

موضوعك روعه

بس احتفظ بالرد

لانك كل اللي قلتيه صح
ماارح ازيد عليك بشي
ربي يعطيك العافيه

01-11-2008, 10:19 PM	#1
وعـــد قناص جديد	مشفــر ~ رقابــه ~ محـذوف ~ ( ثقافات مغلقه في مجتمعنا ) مساكم الله بالخير صبحكم الله بالخير << خخخخ تذكرونه يوم كنا اطفال صغار لاهموم بالحياه ولاتعب ولامشاغل وجهال مانعرف عن شيء بالدنيا لاكيف جينا ولاوين بنروح ولاكيف بنعيش ولاوش مشاكل بنشوف الحياه كانت فعلا حلوه مجرد ضحك ومسايير مع امهاتنا ولعب بالشارع وحلاو هالحين كبرنا وكبرت همومنا ومشاكلنا وحتى ابتعدنا عن بعض صرنا كل واحد يالله يالله يفكر متى يفضي يشوف اهله واخوانه ويجتمع معاهم الله المستعان بس وكبرت معانا حاجاتنا هالحين من اول يومنا بزران بسيطيين مرره مرره هالحين لا حتى بزران هالوقت مهب بس حنا تلقى الواحد مليان جيبه جوالات وغرفته لابتوب ولابتوبه مليان صور وفيديوهات وايميلات وكل شيء بسم الله علينا طيب وش الفرق ؟ المجتمع تطور والحياه تطورت والعلم بعد تطور الله يرحم احوالنا اول بس ماندري وش السالفه ماغير ندربي الدميجه وبس طيب وش احسن ؟ هالحين والا اول ناس تقول هالحين وناس تقول اول وتختلف الاراء كلن له رأي وكلن حر برأيه اكيد طيب اقولكم شيء / هالحين هالمقدمه اللي فوق اكتشفت انه مهيب لم موضوعي ابد ابد خخخخ انا بوصل لنقطه اختلاف الثقافه المغلقه بمجتمعنا من جيل لجيل وش الثقافه المغلقه اقولكم وش ؟ تخبرون لميس ونور ماخلوا بزرايننا الا وهم يعرفون كل شيء مره لقيت اخوي الصغير يتابع نور قلت له وش تبي به هذي ؟ قال احبه مزيونه خخخخ لعنبوحيه يعرف الزين من صغره من اول ماندري وش فرق الزين من الشين ماغير نراكض بالغبره والشوارع طيب هذي تعتبر ثقافه انا اعتبره بغض النظر عن كون اخوي مثلا يقلدن او يقلد اخواني الكبار تدرون وش ثقافته ؟ ثقافه انجذاب الطفل للمرآه من صغره في مجتمعنا السعودي يعني صار يدري ان هذي مره يقول عنه مزيونه يعني ماقال مهند مزيون قال نور مزيونه مع انه شيفه مالت على ذوقه :/ هذا تعتقدون شيء سلبي والا ايجابي ؟ انا اشوفه ايجابي لانه بيزرع شيء من الحنان والمفهوم عند الطفل ان هالكائن اللي يختلف عنه اللي هو المرآه لازم ينظر له نظره حلوه لازم ينجذب له اكثر من غيره هذا شيء الشيء الثاني ان من اول عيب وشق جيب عند اهلنا ان البزر يلعب مع بزره لا وبعد ياويلك لو تلعب مع الحريم وياويلك تدخل على مجلس الحريم وعيب ومدري وشو وهم بزران الله المستعان بس كذا تعودنا :( هذي نقطه ( النظره المختلفه للمرآه ) وهذي بتنمي شعور مختلف عند الاطفال لين يكبرون ويختلفون عن تماسيح هالوقت اللي اهلهم عودوهم على القسوه والنفور من المرآه وانه شيء مالمفروض تقترب منه رغم انه بزر :( شعور حلو صح يطلعون رجال بناتنا بكرا رومانسيين وحنونين وينظرون لهن نظره اعجاب من صغر بس هذي اول نقطه من موضوع الثقافه المغلقه اصبروا باقي نقطتين ثانيات مغلقات عاد قبل اختم هالنقطه مرتن وحده قولوا لي وش رايكم صح والا لا هاللي يصير ؟ ~ النقطه الثانيه ياطويلين العمر هي مبدأ ( العلاقه الزوجيه بين الزوجين عند الاطفال ) خخخخخخخخخخخخخخخخخخخ مره وحده تقول لي ان اخوها جاء يركض لها يقول تعالي اقولك شيء عيب مره مره قالت وشو ؟؟ تقول احسب صاير مصيبه / قال ابوي يقول لامي ياعيوني وين العشاء ؟ ههههههههههههههههه ياعمري هو يحسبه فاحشه خخخ المشكله الولد يالمتوسط :( يعني مستحيييييل هالحين نشوف رجل يدلع مرته قدام عياله عيب ومايجوز طيب وش العيب :/ هذي مرتك بالعكس انت لما تدلعه تنمي عندهم شعور المتعه بالحلال عكس لما تزجرهم عن المغازل والمكالمات فانك هنا تنهرهم عن الاستمتاع بالحرام وهنا تتضح لهم الصوره اكثر وترسخ عندهم لاتقولون واضحه لا ماهي واضحه ابد هذولا مراهقين مايعتقدون ان فيه متعه الا بالمغازل والمكالمات لانهم مايشوفون شيء ظاهري بالحلال ابد ابد طيب عادي وش فيها لو قلت لمرتك ياعمري ياحياتي عند عيالك ؟ والا مديت الملعقه وقلت خوذي هذي لقمه مني ياروحي ؟ والا قلت له يازين هالملبس والا يازين بيتك والا يازين هالطبخه ؟ بالعكس يتنمى عند ولدك مفهوم التواد والتراحم بين الزوجين وانهم حلال لبعض وشيء طيب اللي يصير بينهم اقل شيء تزرع بولدك حنان وتجذبه للحلال بحيث لايخاف احد يطيح عليه ولاينهره عن شيء :( هالحين لابنات ولاعيال كلنا لاشفنا سوري والا لبناني قلنا ووه بس يالله الجنه وش هالرومانسيه والا هذولا راعين الحب وهذولا اللي يفهمون الحريم وهذولا الرومانسيين وحتى الرجال هذولن اللي يفهمن الرجل هذولن اللي يفتحن النفس طيب عمركم سألتوا اعماركم ليه ؟ لانهم تربوا ان امهم وابوهم يحبون بعض فيما بينهم ويظهرون العلاقه الطيبه تربوا على سالفه ان مرتي حبيبتي وقلبي وعمري وحياتي وكل شيء والبنت بعد على ان زوجي حبيبي وعمري وحياتي وكل شيء بدنيتي خلاص من يوم هم بزران وهم يسمعون هالسوالف ويشوفون هالاشياء قدام عيونهم نمت عندهم الجانب العاطفي اكثر مننا مع اننا شعب عاطفي حيل بس حنا شعب ( مغلق ) بمفتاح مايبي يطلع شيء ابد ابد حدك انت ومرتك باب غرفتكم اذا عندكم بزران وباب بيتكم اذا ماانتجتوا الى هالحين علشان كذا خلاص حنا يالبنات عيب تقولين قدام اهلك لرجلي ياعمري وانت يالشاب عيب تقول لمرتك حبيبتي قدام اهلك وغير كذا عيب قدام بزرانكم يصير بينكم التواد والتراحم وخلاص كذا نبي نمشي مع ان اغلبنا يدري انه خطأ بس بيمشي عليه مايبي يصححه هو كلن يبي الثاني يبدأ لين نخلص :( خلصت النقطه الثانيه قبل تخلص وبما انكم مقبلين على زواج يعني كلنا تقريبا بعمر جامعي مابقى لنا شيء الله يحيينا حياه طيبه ونصير امهات واباء بتسوي مثل ماابوك يسوي والا بتبدأ تسلك منهج جديد وتتعامل مع مرتك بالرحمه والتواد والحنان زي ماربي حط بينكم وقدام عيالكم ؟ ~ النقطه الثالثه اصبروا توكم << ياكثري خخخخخخخ لااتسذب هذي اخر نقطه بالسجن قصدي بالموضوع هي ثقافه ( الجنس ) ادري هالحين تبي تجيني انبراشات مادري وش تبي من الحياه بس ترى ماقلت لاعيب ولاحرام على زماننا لين مادخلنا المتوسط وحنا ماندري وشلون جينا للحياه لان ببساطه ماعندنا لامنهج ولاتربيه ولاشيء سّوي يعلمنا كل شيء بشكل محترم وبشكل نفهمه صح بس هالحين يووووووه بس المراهقين والبزران يعرفون كل شيء :/ بس تدرون وش المشكله :/ انهم فهموه من النت والجرايد والمجلات والمسلسلات والافلام وكل هاللي ذكرته تنقله بشكل غلط × غلط صاروا عيالنا يدخلون شيء أباحي تخيلوا ؟ طيب ليه ؟ علشان يتعلمون شيء من دينهم :/ مافيه عيب عادي لو يتكلم الاب بأمور مثل كذا عند عياله بشكل محترم بدل مايروح هالبزر والا المراهق يدور المواقع الاباحيه ويشوف شيء مهيب من ديننا ولاعادتنا ولاتقاليدنا ويحفظها ويظن هذا هو الجنس ويمشي على اللي قراه :/ شيء عادي مافيها عيب مثل مانأكل ونشرب لنا شهوات نصرفها بالشيء الحلال والمفروض كذا نعلم عيالنا وبناتنا يكبرون والبنت / الولد جاهلين في هالامور وبعضهم يلجأ للكتب والنت قبل زواجه يتثقف شوي لان بيئته ماعطته اللي يكفيه لا وياخذ الكتاب بالخفيه علشان تربيته ماتسمح له بهالشيء كل ذي اشياء غلط الان في متزوجين مايدرون وش الحلال من الحرام والسبب هالدائره ( المغلقه ) في مجتمعنا وفي برضو شباب مايدري وش اللي يسويه وحلال له من اللي مالمفروض يقرب له وبرضو البنات وكل هالشيء آثمنا يرجع على اهالينا اللي للاسف يعتقدون انهم يبنون شيء صحيح فينا :/ طيب الان مانلوم اهلنا لانهم جاهلين بس الان حنا جامعات ونت وشهادات عليا وتخصصات مرموقه وطلعنا للعالم والخارج وكتب وقراءات وش بنسوي لعيالنا بكرا ؟ هل بنثقفهم من هالجانب بشكل صحيح وديني ؟ هل بنسمح نفتح هالدائره بيننا وبين ابنائنا بحدود الدين والادب ؟ هل بيجي اليوم اللي تقول لولدك / بنتك تعال / تعالي اسأليني عن اي شيء ماأدركته مكان ماتروح موقع اباحي او تتعرفين على شاب تسآلينه ؟ ~ خلص كلامي كووووله ابشركم خخخخخخخخخخخ واخر شيء ودي اقوله ياليت ماشوف ردود تقول اني ابنشر الرذيله خخخخ انا اقول كل شيء بحدود الدين لان الدين اباح هالشيء بمبدأ الحلال وانا ماقلت انفتحوا على الحرام وغير كذا اللي يبيني اجاوب على اسئلتي اقولكم من هالحين انا بربي ابنائي على عكس ( المغلق ) وبحدود تربيتهم السويه وثقافتهم واخلاقهم ومافيها لاعيب ولاحرام الحرام اني ارمي بأبني بالمواقع الاباحيه علشان يلقى اجابات لاشياء فطريه تدور برآسه .. ~ ان شاء الله ماكون كثيره واشوف اجابات واقعيه وصادقه علشان نقدر نفهم بعض تحياتي ..

01-11-2008, 10:59 PM	#2
حــ سعودي ــلاها . . : زعيم القناصين : . .	رد: مشفــر ~ رقابــه ~ محـذوف ~ ( ثقافات مغلقه في مجتمعنا ) أهلن أهلن حيا الله وعيـد.. موضوعك يعجبني لأنه جريء في طرحه وأنا أحب الجريء في الطرح سواء كان اجتماعي أو رياضي .. نجي للمغلق على قولتك.. أول نقطه ذكرتيها هي النظره اللي تربينا عليها بحيث أننا نشوف الولد شيء عيب والولد يشوفنا شيء عيب وزي ماقلتي أنتي الطامه الكبرى أن هالكلام وحنا بزران صغار مانفهم وش المقصـد وبريئين وهم قتلوا البراءه وزعـوا نفور وحذر ومنع أتقراب بين الطرفين .. ذي مشكلتها الجهل ثم الجهل ثم الجهل مهيب سالفه عادات قبل مهيب جهل بطريقه التربيه وطريقه أيصال المعلومه :/ وذا شيء شفنا نتاجه في الأخير طلع عندنا قسـوه في طبيعه التعامل بين الجنسين وصار مبدأ التعامل عندنا أما قاسي أو / مضيع للأخلاق .. ماصار فيه مبدأ تعامل طيب والسبب هو الطريقه اللي تربينا عليها ونهجنا عليها من حيث القسوه في الأمر والنهي على الطرف الآخر .. أقتباس عاد قبل اختم هالنقطه مرتن وحده قولوا لي وش رايكم صح والا لا هاللي يصير ؟ أكيد مهب صح لو صح ماكان أعتبر أغلب الرجال الآن المرآه عيب.. مايبي يقول أسم أمه أو أخته قدام خوياه ولاحتى يبي يكلمهم قدام خوياه والسبب عيب .. طيب هم ماكلموهم يكلمونك أنت يالمحرم وش الحرام .. خلاص ثقافه تعود عليها الشعب ودرسها بدون حتى ماينظر لها هل هي صحيحه أو لا .. خاطئه جداً والله يسامح من كان السبب في زرع هالفكره والله يجزاهم عنا خير الجزاء وان شاء الله بفكرنا الآن نقدر نبي جيل جديد فاهم وواعي لواجبات وحقوق كل طـرف.. الشيء الثاني.. اللي هو ثقافه تعامل كل الزوجين وذي مصيبـه.. يالله وش قد هالأمر محجووووووب ومغيب عندنا .. عمركم سمعتوا أبوكم يدلع أمكم ؟؟ الواحد صار مايحس أن أبوه وأمه يحبون بعض ويربطهم حنان في مجتمعنا والسبب هالمنطق اللي ذكرتيه برضو غلط × غلط مثل ماقلتي لها صنعت لنا فتور ونظره غريبه وصار الواحد منا لين تزوج يحس بنفسه عايش جنه لانه ماعمره سمع أن تخيل أن بيعيش هالحنان مع زوجته أو زوجه والسبب أن كل مالمفروض يصير مغيب عنه .. أقتباس وبما انكم مقبلين على زواج يعني كلنا تقريبا بعمر جامعي مابقى لنا شيء الله يحيينا حياه طيبه ونصير امهات واباء بتسوي مثل ماابوك يسوي والا بتبدأ تسلك منهج جديد وتتعامل مع مرتك بالرحمه والتواد والحنان زي ماربي حط بينكم وقدام عيالكم ؟ عني أكيد أوف كورس.. بعامل أبوهم مثل ماأعاملهم من ناحيه الأكل والملبس والأهتمام والكلام الحلـو وعلى مسامعهم مثل ماقلتي ينمي الحنان فيهم ويزرع فيهم الثقـه برضـو على أن بين أغلى أثنين في حياتهم رابط قوي وقوي جداً يقدرون يعيشون على آثره مطمئنين.. النقطـه الثالثه.. شوفي يوم المصطفى اللهم صلي وسلم عليـه ( لاحيـاء في الديـن ).. بس المشكله من يفهم هالشعب ..؟ هم خلاص يعتبرون هالشيء حرام .. شوفي خلينا صريحين شوي يمكن أغلب نظريه الشعب مايبون عيالهم أو بناتهم يتخيلونهم بهالشكل.. رغم أن مافيه شيء حراااام ابد ولاعيب .. ذا حلال لك المفروض بالعكس تربيهم على وش الحلال ووش الحرام ومن ضمنهم ثقافه الجنس مافيها شيء لو علمت ولدك والأم علمت بنتها شيء طبيعي واذا أنتي ماعلمتيها بتظنين أو أنت بتظن بيجلسون يتخيلونكم ملائكه..؟ خلاص الله يخلي قوقل واليوتوب فتحوا عيون عيوننا.. وذي مشكله مره بيـق والله أنها بجد مشكله ومثل ماقلتي هذا يصعب الامر اكثر واكثر بين الشباب والبنات عند الزواج يلجأون للنت أو للكتب وبعضها صح وبعضها غلط وبعضها تكتب شيء ماأنزل الله به من سلطان وبعضها تحلل المحرم وتحرم الحلال وخذي بس .. وأكثر شيء برضو نشوفه هو خوف الفتاه ليله الدخله تلقيناها ترجف والسبب .. :/ خلاص مكشوف خايفه من شيء تربت على إنه عيب / رعب / حرام / شيء عظيم مصيبه لو تتكلم فيه عند أمها أو أهلها وذا الغلط برآسـه .. أقتباس هل بنثقفهم من هالجانب بشكل صحيح وديني ؟ أكيد والآن تشوفين اللي عندها ولد وإلا بنت بالمتوسط وهي من جيل قريب لجيلنا أكثر أنفتاح في هالموضوع وهذا شيء طيب.. أقتباس هل بنسمح نفتح هالدائره بيننا وبين ابنائنا بحدود الدين والادب ؟ وهذا المفروض اللي يصير من قبل مب بس مع عيالنا مثل ماقلتي.. أقتباس هل بيجي اليوم اللي تقول لولدك / بنتك تعال / تعالي اسأليني عن اي شيء ماأدركته مكان ماتروح موقع اباحي او تتعرفين على شاب تسآلينه ؟ اي والله لاأقول.. ولاأخلي ولدي وبنتي تحت رحمه هالمواقع القذره اللي نشوفها الان فاتحه على مصرعيها للشباب والبنات تعلمهم شيء لاهو من الدين ولا من الاخلاق والعياذ بالله وهذا الحرام والله زي ماقلتي :/ وش فايدتي كوني أم اذا أنا ماكنت المرجع الأساسي لبنتي وولدي في أمور تصعب عليهم وش فايده كوني مربيه اذا ماعلمتهم أمور حياتهم بطريقه صحيحه.. أعتقد ذا واجب من واجباتي كوني أم مب تفضل مني.. : وعـد: شكراً لك بحجم السماء.. فاخر طرحـك.. سي يو يالدبا.. التوقيع: . استغفر الله العلي العظيم وأتوب إليه !

01-11-2008, 11:02 PM	#3
زرقاء اليمامة . . : زعيم القناصين : . .	رد: مشفــر ~ رقابــه ~ محـذوف ~ ( ثقافات مغلقه في مجتمعنا ) ....... هلا وعــد منوره المجلس ياعسل طلة رايقة مرررره طرح راااائع ومهم للغاية لامستي واقع نعيشه ويخشى الكثير من مناقشته لكن الوقوف بصدق ومناقشة أمورنـا بشفافية هي خطوة على درب الأصلاح والوصول لواقع أفضل نرتضية ح ــضور راق لي كثير طرح يسمو بـروعته ويثبت لجمال روحك التعديل الأخير تم بواسطة زرقاء اليمامة ; 01-11-2008 الساعة 11:07 PM

01-11-2008, 11:05 PM	#4
O X Y G E N . . : زعيم القناصين : . .	رد: مشفــر ~ رقابــه ~ محـذوف ~ ( ثقافات مغلقه في مجتمعنا ) ماشاءالله عليك موضوع متكامل من جميع الجوانب وكذا نقطه تحدثتي عنها عززيتي مروري هذا من أجل تسجيل حضور بعد قرائتي وتمعُني لأحرفك ولي عوده بأذن الله مفصله بالرد التوقيع: \| استودعكم الله الذي لاتضيع ودائعه ! ] ask.fm,flickr , twitter , tumblr , instagr.am

01-11-2008, 11:32 PM	#5
{.. Z ـ Cــلية الجــور ~ قناص مميــز	رد: مشفــر ~ رقابــه ~ محـذوف ~ ( ثقافات مغلقه في مجتمعنا ) * * لـي عـوده يا بطـل تـوني خلصت من موضوع يـارا سي يـو , التوقيع: اللهم أرحمنا برحمتك .. اللهم ثبتني وثبت جميع المسلمين الاحياء منهم والاموات عند السؤال .. http://www.youtube.com/watch?v=my1lrx0nmOw -

02-11-2008, 12:01 AM	#6
سُموّ الأَميرَة ،..\|’ قلم المجلس الذهبي	رد: مشفــر ~ رقابــه ~ محـذوف ~ ( ثقافات مغلقه في مجتمعنا ) وعــد<< يازين اسمك يذكرني ببنت خالتي هــلابك ../ طرح جرئي وواقعي وينم عن عقلية كبيرة ومتفتحة بحدود .. طرحك راق لي كثيرآ لأن اعشق المواضيع الواقعية والقريبة لنا كسعوديين...( مقدمتك رائعة وذكرتينن بأيام زمان .. بدخل في جوانب اطروحتك الجميلة.. ../ النقطة "1" أقتباسوش الثقافه المغلقه اقولكم وش ؟ كــلآمك قريب للمنطق ولكن دعيني ادخل في نقطه اختلاف وليست خــلاف صحيح بأن الاطفال في هذا الوقت اصبحت ثقافتهم واسعة حول الجنس الناعم واصبح يهتم بمظهرها وجمالها واصبحوا يتصرفون بشكل بالتأكيد نستغربه لأننا فالسابق حينما كانت اعمارنا بأعمارهم لانستطيع المقارنة فقط نتابع للمتابعة وليس لأن (فلان خقق وفلانة تدوخ )!!! انا اعيش في مجتمع طفولي منفتح بأقصى حد ولكن بإنغلاق على الذات اي يتصرف بثقافته الداخلية والتي اكتسبها من مايرآه ويسمعه ليس من الاهل وانما ثقافات القنوات والمجلات والنت ووووو الخ...!! أقتباسعاد قبل اختم هالنقطه مرتن وحده قولوا لي وش رايكم صح والا لا هاللي يصير ؟ ارى هذا الشي ليس في مصلحة الاطفال انتي تقولين الجيل القادم سيكونون اكثر رومنسية قد اوافقك الرأي ولكن سيبحث عن المرأة التي رأها سابقا ويرى بأن الرومانسية تحتاج لإمرأة تكاد تكون من كوكب آخر اعني بأن الاستقرار سيتزعزع.. اقول ربما ولست متأكدة فأنا على غرار هذا الجيل استغرب جدا تصرفاته .. اراني اجهل الكثير من الامور حتى وانا بهذا السن وهناك اطفال ومراهقين اكثر خبرة مني بأمور الرومانسية والفروقات الشكلية والمظهرية والاهتمامات بالطرف الآخر ..!! انا سأظرب لك مثال من واقعي بنت خالي طفلة لم تتجاوز التسع سنوات كانت تتابع بشغف "البلشة" نــور حتى اذكر ليلة كنا في مناسبة في بيتهم ولم نرها من الساعة العاشرة ودخلت عليها وهي تتابع المسلسل "وآخر انسجام" وسألتها من "باب اللقافة" وش عاجبك فيه ياهالبزر ؟!! قالت يكفيك عيون مهند!! فلو نظرنا للصبيان ايضا نجد نفس الحاله لديهم انا لااذكر اني اعجبت وانا بهذا السن بأي ممثل حدي كنت مغرمة "بكابتن رابح" للأسف اصبحت ثقافتهم متسعة وومتعمقة ولكن مغلقة على الذات بحيث تستمد من مصادرهم ومن فضولهم وليس بدور توعوي من قبل الاسرة ولا مراقبة ...!! التربية يجب ان لاتبنى على مبدأ ان هذا الامر ممنوع وعيب يجب ان يكون هناك وعي كامل لدى الاسرة وطريقة صحيحة في التعامل بحنان حتى لايضطر للمشاهدة والإعجاب بكل مايراه من مشاهد غير واقعيه.. انا لاارى بأن ذلك ابدا في مصلحة هؤلاء الاطفال مستقبلا .. حتى وان ادرك ارومانسية فقد يسئ استعمالها ولربما وقع في المحظور..!! ../ النقطة "2" أقتباس وبما انكم مقبلين على زواج يعني كلنا تقريبا بعمر جامعي مابقى لنا شيء الله يحيينا حياه طيبه ونصير امهات واباء بتسوي مثل ماابوك يسوي والا بتبدأ تسلك منهج جديد وتتعامل مع مرتك بالرحمه والتواد والحنان زي ماربي حط بينكم وقدام عيالكم ؟ << هالفيس يوضح الحالة مستقبلا للحريم.. << هذولي حالة الرجاجيل مذابح.. وهالفيسين بألغيهم من قاموسي وهذا لايعني مسح شامل للخجل فاذا انعدم الحياء تنعدم الأخلاق.. عزيزتي :بحكم مجتمعي ومجتمعك الذي نعيش فيه لنكن واقعيين اكثر ستجدين بأنك من الممكن ان تغيري النمط الذي كان يعيشه والديك وطريقة التعامل الحرجة بينهما والرسمية احيانا امام الابناء ولكن قد يصعب ذلك سواء من جهة الام او الاب ..!! فأنا اتمنى واتمنى ان اغير تماما طريقة التعامل القديمة وان انهج اسلوب التعامل بمودة وحب وحنان بالقدر الكآفي سواء لأبنائي مستقبلا او لزوجي والاولى ان يكون هذا الشيء مطبق اذا مااردنا تحقيق الغاية من نقطتك الاولى ..!! فأنا بإذن الله حريصة اشد الحرص بأن يكون سلوكي وتعاملي مع زوج المستقبل ينعكس بالخير على ابنائي ويكون دافع لهم للمعاملة بالمثل بينهم البين او مع ازواجهم وزوجاتهم مستقبلا ولكن لن يتحقق ذلك مالم يكون هناك بذل وعطاء من قبل الزوجين واظهار الحب والحنان امام الابناء وعدم الخجل لأنها امور طبيعية وقد وردت في كتاب الله العزيز فلا حياء في الدين..!! ../ النقطة "3" أقتباسوش بنسوي لعيالنا بكرا ؟ هل بنثقفهم من هالجانب بشكل صحيح وديني ؟ هل بنسمح نفتح هالدائره بيننا وبين ابنائنا بحدود الدين والادب ؟ هل بيجي اليوم اللي تقول لولدك / بنتك تعال / تعالي اسأليني عن اي شيء ماأدركته مكان ماتروح موقع اباحي او تتعرفين على شاب تسآلينه من ناحية الثقافة الجنسية يجب ان تؤصل في الابناء منذ الصغر ولكن بالتدريج وحسب العمر وليس بتعمق وانما وفق الدين والتربية الاسلامية ..!! وكذلك من المفترض ان تكون لها مناهج خاصة في المدارس بما يلاءم سن الطلاب والطالبات ومتطلباتهم وعقلياتهم ..وقلبها دينهم ..!! فنحن في السابق كنا نجهل الكثير من الامور المتعلقة بهذه النوعية من الثقافه ولكن لو رأينا الجيل الحالي نجد انه يمارس قاعدة"الممنوع مرغوب" والممنوع هو التثقيف الجنسي الذي اصبح في المتناول هذه الايام وبشكل ملفت ولكن بطرق تذهل وتشمئز لها الابدان فأصبحت مواقع النت الاباحية تنشر الرذيلة والابناء يسعون للبحث والتنقفيب عنها بشكل دائم لأنهم يجهلون تماما هذه الثقافة فتهيأت لهم تلك السبل للبحث عنها فلم يتوانوا في رحلة التثقيف الغير سليم ابدا والذي قد يجر الى الكثير من الويلات ونرجع المسؤلية اولا واخيرا على الاسرة والمدرسة فالاسرة يجب ان يكون لها دور في هذا الجانب ولاتجعل ذلك الفتى او الفتاة يضطر للدخول في معمعة الثقافات المتحررة..!! فتكون تلك الثقافة مبنية على اساس تنمية الخلق والتربية الاسلامية ووفق الحدود المشروعه.. بالتأكيد انا كما ذكرت سآبقا بمااني خريجة هذا المجتمع المنغلق سأدرك ذلك مستقبلا وسأحاول بشتى الطرق ان اكسب ابنائي لا ان اخسرهم وان يكون الوعي هو الاساس الذي استند اليه في لفت انتباههم الى تنوع الثقافات الدينية والتي تنطوي تحتها الثقافه الجنسية ...!! اتمنى من الله العلي ان يرزقني واياكم الذرية الصآلحة وقبلها الزوج الصآلح القادر على اعانتي على تحمل أمانة ومسؤلية اولئك الابناء... ../ وعــــد.... امتعتيني جدا جدا .. ملكة توجتك حروفك .. بالفعل نظرة جريئة وواقعية وترمو لتحقيق اهداف وارساء مبادئ نعلمها وفي نفس الوقت نتجاهلها.. اعذري حروفي ان لم تصل بشكل اوبآخر للوجه التي قصدتيها في طرحك .. لك ثورة من الاحترام والحب.. لعبقك الرائع ياجميلة " " التوقيع: وبسً خلُاصْ ! ماتًت أحلاُم الحرُووووفْ .. لا تحُاولْ ..يُاكًلامْ ! Ask

02-11-2008, 03:06 AM	#7
~ Đ ε ε ṁ قلم واعد	رد: مشفــر ~ رقابــه ~ محـذوف ~ ( ثقافات مغلقه في مجتمعنا ) ... اهلا بالمواضيع الجريئـة والواقعية ندخل بالموضوع المغلق النقطة الاولى / أنتي تكلمتي عن الجيل اللي قبل ( جيلنا ) والجيل اللي الحين جيلنـا قبل / كان منغلق على نفسـه ، كل شيء ( عيب ، خطأ ، ما يصير انتوا صغار ... الخ ) مو جهل كثر ماهو ( خوف ، تحفظ ) من كثــر ما يخافون علينا ويتحفظــون بهالشيء كبرنــا وكبرت فينــا ، صرنـا نخاف نتكلم في هذي المواضيع عندهم ونتحفظ بأي شيء سواء صح او غلط ! واذا نبي نعرف شيء ولا نبي تثقيف اكثــر نسأل اللي بعمرنا ! اما الجيل الحالي / تفتح بشكل خاطيء عن طريق البرامج والمسلسلات والنت ويحاول يقلد كل من شاف او سمع ، و هالشيء سلبي احيانا لانه بيكبر وبيكبر معاه هالفكـر الخاطيء وايجابي اذا نمـا بفكر سليم ، يعني نقول هالشيء نسبي ؛ النقطة الثانية/ وبما انكم مقبلين على زواج يعني كلنا تقريبا بعمر جامعي مابقى لنا شيء الله يحيينا حياه طيبه ونصير امهات واباء بتسوي مثل ماابوك يسوي والا بتبدأ تسلك منهج جديد وتتعامل مع مرتك بالرحمه والتواد والحنان زي ماربي حط بينكم وقدام عيالكم ؟ اليوم وانا اقول لأمي ترى بأنادي زوجي عندكم ( حبيبي ) مو تقولون عيب ! جيلنـا تغيــر وأن شاء الله حنــا بنتغير ـ أكيد هالشيء بيكون صعب بحكم تربيتنــا بس راح نحاول نكسر هالخجل ونكون حريصين ع هالجانب اكثـر في التعامل وتنمية معنى الحب والرحمـة والحنان اللي اهتم فيها الشرع وننمي هالشيء فيهم حتى يكبر تدريجي وهالشيء يحتاج الى جهـد وبذل وعطـاء من الطرفين ( الاب ـ الام ) النقطة الثالثة / تقريبا مثل الاولى : بإختصــار الطفل يحتاج الى تثقيف من صغره ما قلنا صيروا مثل فوزية الدريع لا بحدود الدين مع مراعاة العمر يعني الطفل ثقافته لا تتجاوز ثقافة المراهق والمراهق ثقافته لا تتجاوز ثقافة الازواج أحسن من انه يلجأ الى اساليب ثانية يمكن تسبب له انحراف ، لان الطفل بكرا بيكبر و عنده حب استطلاع وفضـول اكثر في هذي المواضيع بحكم فطرته وغريزته . وعــد موضوع هادف يغفل عنه الكثيـر كل الشكر لك ولفكرك ولقلمك ...

02-11-2008, 03:29 AM	#8
ندى الأيام . . : زعيم القناصين : . .	رد: مشفــر ~ رقابــه ~ محـذوف ~ ( ثقافات مغلقه في مجتمعنا ) ... صباح الخير والاحساس والطيبه ممكن راح ادمج اول نقطتين قي بعض الثقافه المغلقه ومبدأ العلاقه الزوجيه شوفي من وجهة نظري المتواضعه ان الفراغ العاطفي او بمعنى أصح الحرمان العاطفي اللي نعيشه بمجتمعنا تحت مسمى العيب خلى مفاهيم كثيره في حياتنا نستخدمها بشكل خاطئ أبسط مثال احساس الحب هذا طامه كبيره عندنا واللي يحب لازم يخبي وكأنه مسوي جريمه وياويله لو اهله يدرون مو بس هذا الشي تربينا على كلمة عيب وعيب وعيب صرنا مع الأسف نخاف من العيب ونفكر فيه أكثر من الحرام والحلال يعني عيب تقول اسم امك او اختك او زوجتك طيب هي انسانه اكيد لها اسم تنادى فيه والا الطفل لما يتصرف اي تصرف غلط وش نقوله خلك رجال طيب هذا طفل خلوه يعيش سنه وحياته ويتعلم ببرائه مو من يوم يصك سنتين تنقاله هالكلمه لين صار فيه جفا وفراغ عاطفي بضرب مثال ثاني <--اعجبها الموضوع مره ولد خالتي صغير عمرهـ 5 سنوات ماكان يروح ولايجي الا لما تخلص حلقة نور ومهند وهاوشته خالتي وقالت له الحين وش معجبك فيهم عشان تشوفهم قال [أبي أتعلم الحب] بغض النظر اذا هذا سلبي او ايجابي بس مع الأسف افتقاد اطفالنا لجو الحب بالبيت خلاهم يشوفونه بطريقه غلط ويفهمونه بطريقه غلط انكم مقبلين على زواج يعني كلنا تقريبا بعمر جامعي مابقى لنا شيء الله يحيينا حياه طيبه ونصير امهات واباء بتسوي مثل ماابوك يسوي والا بتبدأ تسلك منهج جديد وتتعامل مع مرتك بالرحمه والتواد والحنان زي ماربي حط بينكم وقدام عيالكم ؟ سؤال تصعب الاجابه عليه لأننا وبصراحه كشباب وبنات تربينا بطريقه وحده وبحكم ان الرجل هو مسير امور البيت فماتدرين وش ربي بيبلاك فيه <=امزح ترى لكن..! من ناحيتي اتمنى ان تكون حياتي مختلفه عن النمط التقليدي الذي يعيشه المتزوجون في مجتمعنا ويغلب على حياتي الزوجيه الجانب العاطفي واللين والحنان والاحترام المتبادل حتى ينعكس على حياة أطفالي بشكل ايجابي وأن اكون الملجأ الأول لزوجي وأطفالي في جميع قرارتهم متى ماصار الحب والاحترام في البيت أصبح اكثر سعاده افراد هذا البيت بنسوي لعيالنا بكرا ؟ هل بنثقفهم من هالجانب بشكل صحيح وديني ؟ هل بنسمح نفتح هالدائره بيننا وبين ابنائنا بحدود الدين والادب ؟ هل بيجي اليوم اللي تقول لولدك / بنتك تعال / تعالي اسأليني عن اي شيء ماأدركته مكان ماتروح موقع اباحي او تتعرفين على شاب تسآلينه ؟ أعتقد بأن هذا الأمر بالذات أمر فطري لايحتاج الى ثقافه او دراسه بل يجب ان يكون هناك تهذيب لهذه الثقافه فقط يعني فتح مجال الحوار معهم من ناحية الدين واعتقد بأن الطفل يجب أن يترك على برائته ولانفتح له مجال في الحديث بهذهـ الأمور ومصيره سيعلم عنها زي اللي قبله وفي الوقت اللي يحتاج فيه لتهذيب ثقافته اكيد سأكون قريبه منه/ها ولاننسى أنه يجب أن يتوافق الحديث في مثل هذهـ المواضيع مع عمره الله يحيينا ويرزقنا وعد موضوع رائع لامس واقع مخيف نعيشه اعجبني طرحك له بطريقه ابعدت عنه هذا الخوف رائعه انتي كما هو قلمك لقلبك وقلمك ود وجنآئن الياسمين غاليتي التوقيع: - لآ تأسفن على غدرِ الزمان لطالما رقصت على جثث الأسود كلآب لآ تحسبن بِ رقصها تعلوا على أسيادها تبقى الأسود ( أسوداً ) والكلاب ( كلاب ) : . التعديل الأخير تم بواسطة ندى الأيام ; 02-11-2008 الساعة 03:35 AM

02-11-2008, 05:39 AM	#9
<<...ريــووف...>> قنــاص فعــال	رد: مشفــر ~ رقابــه ~ محـذوف ~ ( ثقافات مغلقه في مجتمعنا ) . . . وعد أهنيكي على الطرح الرائع والأسلوب الممتع فعلا موضوعك يلامس الواقع بشكل كبير هذا اذا ماكان هو سرد للواقع بحذافيره والحقيقةأن الانغلاق والجفاف العاطفي الذي نعيشه ماهو إلا نتاج لبيئتنا الصحروايه ... عشان كذا مستحيل تدخلينا في مقارنه مع اللبنانين والسوريين ...أو غيرهم من الشعوب الدلوعين فالصحراء بقدر مااعطتنا.. بقدر ماأثرت على عواطفنا وسلوكنا .. وأساليبنا في التعبير عن مشاعرنا .. فنحن شعب صحرواي من الداخل بشكل كبير ... يعني عمرك شفتي صحراء فيها انهار ووديان وشجر خضره .. الصحراء مافيها إلا الجفاف والقسوه ...وهذا هو الموجود عندنا .. وطبعا هذا مو تحامل علىالصحراء.. لكنه تحامل على الأساليب الصحروايه التي لازلنا ننتهجها في حياتنا ومع أسرنا وفي طرق تربيتنا لأولادنا .. . . . أقتباس عاد قبل اختم هالنقطه مرتن وحده قولوا لي وش رايكم صح والا لا هاللي يصير ؟ اللي أعرفه ان بعض الشباب عندنا مايعرف يجلس مع خواته يحسب الجلوس مع البنات ينتقص من قدره وقيمته كرجل وطبعا احنا ما نلقي اللوم على الشاب نفسه لأنه هو مثلنا ضحية أفكاروتربية ومعتقدات خاطئة اكتسبها من اللي حواليه .. أقتباسالنقطه الثانيه ياطويلين العمر هي مبدأ ( العلاقه الزوجيهبين أقتباس الزوجين عند الاطفال والله شوفي أنا من ايام ماكنت مراهقة لحد ماكبرت ونضجت وأنا شاغلني سؤال؟! أمي وأبوي كيف جابونا وهم طول الوقت والعلاقه بينهم طردية مادري عكسية عن جد شيء يحير! أحيانا الوحده ماتصدق ان امها وابوها يحبون بعض من الجفاف العاطفي والوحشه الي هم عايشين فيها بالرغم اني متاكده ان فيه محبة وتقدير والفه بينهم لكنهم يرفضون التعبير عنها أمامنا أقتباسوبما انكم مقبلين على زواج يعني أقتباس كلنا تقريبا بعمر جامعي مابقىلنا شيء الله يحيينا حياه طيبه ونصير امهات واباء بتسوي مثل ماابوك يسوي والابتبدأ تسلك منهج جديد وتتعامل مع مرتك بالرحمه والتواد والحنان زي ماربي حطبينكم وقدام عيالكم ؟ أكيد ماراح انتهج النهج القديم لمصلحتي ومصلحة أسرتي أولا وأخيرا لكن المهم ان الطرفين اللي هم( الزوج والزوجه ) يكونوا جميعهم مقتنعين بالشيء هذا ويطبقونه مو أحد يطبقه والثاني رافضه ولا بنكون مارحنا بعيد عن أهالينا أقتباسوش بنسوي أقتباس لعيالنا بكرا ؟ هل بنثقفهم من هالجانب بشكلصحيح وديني ؟ هل بنسمح نفتح هالدائره بيننا وبين ابنائنا بحدود الدين والادب؟ هل بيجي اليوم اللي تقول لولدك/بنتك تعال/ تعالي اسأليني عناي شيء ماأدركته مكان ماتروح موقع اباحي او تتعرفين على شاب تسآلينه؟ بالنسبة لي الصراحه مطلب أساسي بين الأم وابنائها في أي موضوع كان فكيف بموضوع مهم وحاجه فطرية واساسية مثل الجنس لكن تعريف الأبناء بهذا الامر لايتم بشكل عشوائي فلابد فيه من سؤال مختصين في التربية الجنسية قبل الإقدام عليه ومراعاة فروق الأعمار بين الأبناء بالإضافة الى أن المدرسة يجب أن يكون لها دور في تثقيف الطلاب والطالبات من هذه الناحية تقبلي مروري ودمتي بكل الود . . . التوقيع: التعديل الأخير تم بواسطة <<...ريــووف...>> ; 02-11-2008 الساعة 05:53 AM

04-11-2008, 07:36 AM	#10
وعـــد قناص جديد	رد: مشفــر ~ رقابــه ~ محـذوف ~ ( ثقافات مغلقه في مجتمعنا ) ياهلا فيكم مره ثانيه : حلاها منورتني ياابنة خالتي العزيزه واعرف رايتس بدون ماتطرحينوه ماله داعي سلمت يداك .. , زرقاء : ياعمري على لطف المعامله ومشكوره على التثبيت ومثل ماقلتي هالامور الواحد منا يتحسس بطرحها سلمت يداك .. \| \|

04-11-2008, 07:38 AM	#11
وعـــد قناص جديد	رد: مشفــر ~ رقابــه ~ محـذوف ~ ( ثقافات مغلقه في مجتمعنا ) اوكسجين : ياهلا فيك انتظر عودتك يابعدي , صديق المجلس : ياهلا فيك انتظر عودتك يابعدي \| \|

04-11-2008, 07:45 AM	#12
وعـــد قناص جديد	رد: مشفــر ~ رقابــه ~ محـذوف ~ ( ثقافات مغلقه في مجتمعنا ) ! سمو الاميره ! : اهلين يمكن اطلع انا بنت خالتس خخخخخخخ نجي لكلامك عن ان الرومانسيه ممكن تاخذهم لجانب سيء هذا ممكن لكن انا اقول احنا نربيهم يعني نعطيهم قدر كافي ماقول نعبي رؤوسهم ليل ونهار واكيد فيه جوانب سلبيه وايجابيه لاي موضوع بس حنا نناظر ايهم اكثر ايجابيه ونتأخذه سلمت يداك .. , ايامي بوجوده : حتى انا بقول لزوجي حبيبي مثل ماقلتي كل شيء عندنا عيب مايجوز ومغلق وخوف وتحفظ من اهلنا خايفين ان هالامور تنحرف بنا عن السلوك الصحيح مايدرون ان تحفظهم هو اللي يجر ابنائهم للانحراف سلمت يداك .. \| \|

04-11-2008, 07:48 AM	#13
وعـــد قناص جديد	رد: مشفــر ~ رقابــه ~ محـذوف ~ ( ثقافات مغلقه في مجتمعنا ) ندى الايام : ياهلا والله وغلا الله يحييتس خخخخخخخخخخخخخخخ حلوه ابي اتعلم الحب وعلى قولتك ليه المحبه عند اهلنا جريمه ؟ سلمت يداك .. , الورده روز : اهلين نورتيني ندري اننا بيئه صحراويه بس ولو ياكثر الديار اللي بهن غبرات وصحاري بس ماصاروا مثلنا المشكله عندنا هو التحفظ والتعصب لمبدا عادات خطأ يعني يراعون العيب ويتركون الحلال سلمت يداك .. \| \|

05-11-2008, 01:25 PM	#14
عبدالحكيم القحطاني من ضيـوف القنــاص	رد: مشفــر ~ رقابــه ~ محـذوف ~ ( ثقافات مغلقه في مجتمعنا ) ررررررررروعه......يا وعد.........وبك لي رجعه ........وينتس ياوخيتي؟ من زمان وانا ابي اتفلسف.....؟ ايه انتي ...................صح. التوقيع: انا رفيقك بالليالي المعاسير ولا الرخا كلآ يسد ابمكاني

10-11-2008, 07:40 AM	#15
ملامح انسان قنــاص فعــال	رد: مشفــر ~ رقابــه ~ محـذوف ~ ( ثقافات مغلقه في مجتمعنا ) موضوعك روعه بس احتفظ بالرد لانك كل اللي قلتيه صح ماارح ازيد عليك بشي ربي يعطيك العافيه