... اهلا بالمواضيع الجريئـة والواقعية ندخل بالموضوع المغلق النقطة الاولى / أنتي تكلمتي عن الجيل اللي قبل ( جيلنا ) والجيل اللي الحين جيلنـا قبل / كان منغلق على نفسـه ، كل شيء ( عيب ، خطأ ، ما يصير انتوا صغار ... الخ ) مو جهل كثر ماهو ( خوف ، تحفظ ) من كثــر ما يخافون علينا ويتحفظــون بهالشيء كبرنــا وكبرت فينــا ، صرنـا نخاف نتكلم في هذي المواضيع عندهم ونتحفظ بأي شيء سواء صح او غلط ! واذا نبي نعرف شيء ولا نبي تثقيف اكثــر نسأل اللي بعمرنا ! اما الجيل الحالي / تفتح بشكل خاطيء عن طريق البرامج والمسلسلات والنت ويحاول يقلد كل من شاف او سمع ، و هالشيء سلبي احيانا لانه بيكبر وبيكبر معاه هالفكـر الخاطيء وايجابي اذا نمـا بفكر سليم ، يعني نقول هالشيء نسبي ؛ النقطة الثانية/ وبما انكم مقبلين على زواج يعني كلنا تقريبا بعمر جامعي مابقى لنا شيء الله يحيينا حياه طيبه ونصير امهات واباء بتسوي مثل ماابوك يسوي والا بتبدأ تسلك منهج جديد وتتعامل مع مرتك بالرحمه والتواد والحنان زي ماربي حط بينكم وقدام عيالكم ؟ اليوم وانا اقول لأمي ترى بأنادي زوجي عندكم ( حبيبي ) مو تقولون عيب ! جيلنـا تغيــر وأن شاء الله حنــا بنتغير ـ أكيد هالشيء بيكون صعب بحكم تربيتنــا بس راح نحاول نكسر هالخجل ونكون حريصين ع هالجانب اكثـر في التعامل وتنمية معنى الحب والرحمـة والحنان اللي اهتم فيها الشرع وننمي هالشيء فيهم حتى يكبر تدريجي وهالشيء يحتاج الى جهـد وبذل وعطـاء من الطرفين ( الاب ـ الام ) النقطة الثالثة / تقريبا مثل الاولى : بإختصــار الطفل يحتاج الى تثقيف من صغره ما قلنا صيروا مثل فوزية الدريع لا بحدود الدين مع مراعاة العمر يعني الطفل ثقافته لا تتجاوز ثقافة المراهق والمراهق ثقافته لا تتجاوز ثقافة الازواج أحسن من انه يلجأ الى اساليب ثانية يمكن تسبب له انحراف ، لان الطفل بكرا بيكبر و عنده حب استطلاع وفضـول اكثر في هذي المواضيع بحكم فطرته وغريزته . وعــد موضوع هادف يغفل عنه الكثيـر كل الشكر لك ولفكرك ولقلمك ...