|--*¨®¨*--| جــ!ــانــ!ــي عــ!ــنــ!ــقــ!ــز |--*¨®¨*--| - شبكة القناص

ورقه بلوت · 13-11-2005, 02:56 PM

الحمدلله الذي لا يحمد على مكروه سواه..

أنا جاني عنقز !!

بكل اسى وبكل حزن اقولكم انه جاني العنقز اللي يمشي وينقز .. وطبعاً اللي معديني بدون أدنى شك هو اخوي سعيدان !! وبعد اصابتي بالمرض العنيف اكتشف ماي فاذر اكتشافاً عجيباً وهو ان اخوي سعد مقرود بمعنى الكلمة .. وانه نادراً ما يجيب خير ..
وحتى انه قبل فترة ليست بالبعيدة شرى له ابوي جيب لكزس ار اكس وقعد معه فترة قصيرة وصدم فيه وكلف 30 ألف ريال وبعد حب الخشوم مع وكالة عبداللطيف اللي مهيب جميلة خفضوا لنا الى 28 الف ريال << يقالهم خفضوا الحين !!
وقبل يومين جاب لي العنقز .. طبعاً الحادثتين هذي من أبرز مشاكله ولا هو مشاكله واجد جعله الصلاح.. ما علينا..
انا اوخيكم الحبيب واللطيف جداً جاني عنقز ولعب في ظهري.. وابشركم ما دريت عنه الا امس العصر.. كانت فيه حبة ورا اذني وقعدت اقشّع فيها واقلقتني .. المهم مريت من جنب الوالدة الله يطول بعمرها .. وكانت فارشة زولية في الحوش وقاعدة تقرا.. قلت يا ماما << ايه هيّن .. قلت: يمه .. فيذا حبة قالقتني ومدري وش فيها ؟؟ كل ما حكيتها تكبر.. قالت: هَوْ.. عسى مهوب عنقز اخوك سعيدان!!؟ قلت والله مدري!.. قالت ورني ظهرك .. قلت: وشو.. ؟؟ عدلي بدلي!! لإن زوجة اخوي كانت عندها متغطية بجلالها<< والله لو أنها قايلة افصخ سروالك << عيب يا ولد
المهم قالت: اشوه ظهرك خلني اشوفه.. المهم رديت وجه من عندها وعطيتها ظهري ووريتها اياه .. قالت : ابشر بها .. قلت : العروس .. قالت: انطم انت ووجهك.. وش عروسه يالشين .ابشر بالعنقز.. وقامت تعد .. وحده ثنتين ثلاث لين وصلت ثمانية.. قلت افا افا افا.. قالت يالله انقلع تروّش وحط ذاك الدوا حق اخوك !! قلت ما فيه أمل << أمل ولا منال كركركر .. بروح للدكتور وبخليه يكشف علي.. لإنه يمكن ما يصير عنقز .. لإن الوالدة قايلة لي ان العنقز جاك وانت صغينوووط..فقلت مستحيل يجي مرتين.. المهم رحت للدكتور الساعة وحده .. لإني انشغلت في هالفترة .. ويوم رحنا للمستوصف اللي حول بيتنا وطلبنا دكتور جلدية قال الموظف : ما فيه الا طبيب عام .. تبيه ولا أقلب وجهك <<< يلعن ابليسه اخلاقه قافلة ..وشكل وده يروح للإستراحة مع العيال<< انت تعرفه هق هق هق.. قلت يالله عطنا طبيب عام وكثّر كاتشب << يقالي اتميلح معه.. قال تنكت انت ووجهك!!!!!!!.. قلت لا يارجال اكلم اخوي.. قلت طيب متى بندخل على الدكتور .. ؟ قال دقيقة خلني اشوف. يوم دق على مكتبه ما احد رد..! ودق على بيته اللي بنفس المستوصف ردت بنيّه صغيرونه وقاله وين بابا؟؟ قالت رايح للسوبر ماركت!صك السماعه وقال الدكتور طالع يتقضّى .. وبيرجع بعد شوي.. بتنتظر ولا لا؟؟ <<< يلعن شيطان هالمستوصف البايخ.. بس قالوها(( وش اللي حدك على المر .. قال ما من برطم )).. المهم قالي الموظف عطني جوالك ! قلت خير ان شاء الله .. والله تمون!!!؟قال انت ما تبي تتعالج؟؟ قلت: إلا.. قال طيب عطني جوالك اكلم الدكتور .. قلت: ايه .. اشوا.. المهم اتصل على الدكتور من جوالي <<< تحسون اني مخفّة .. كركركركر..وقال نوصي ساعة وحاكون موقـود يا باشا..قلت يالله وش ورانا .. نحتريه ..

والله وقعدنا حول ثلث ساعة ويجي الدكتور ومعه كيستين فيها خبز وجبن ومقاضي البيت.. عاد من طفاقة اخوي قال للدكتور: ما خلصت النص ساعة بقي عشر دقايق بدون وقت بدل ضايع .. ثم صكيته بذاك الطراق اللي على علباه!!قلت: تنكت انت ووجهك.. وعلى فكرة .. هذي أول مرة أمد يدي على سعيدان منذ 3 سنين.. هو صحيح اصغر مني بسنتين بس انه اجلف مني الماخوذ.. يعني انافخ عليه بس.. وبعض الاحيان يقولي : انطم لأدفنك في الارض<< اكيد في الارض اجل في الملعب
عاد يوم دخلنا على الدكتور.. ويأشر لي على السرير !! قلت: يعني انبطح .. قال ايوه.. قلت زين ما بدهاش.. والله وانبطحت وانا مستحي وسعد يضحك علي..المهم قال يا ابني انتا عندك عنقز.. قلت: قل قسم .. اجل وش اللي جابنا عندك قال بس الحمدلله ده عنقز خفيف.. وانا حعطيك حبوب ومرهم.. وتحطها على العنقوزات اللي فيك وكل شي حيكون تمام بإزن الله..وتمر علي يوم السبت ان شاء الله..قلت: زين الله يعافيك يا دكتور..

وانا الحين اكتبلكم هالكلام وانا ملطخ بالمرهم في كل ناحية من جسدي ولله الحمد ..

الفوائد:
انّه جاني عنقز

أتمنى حصلتوا ولو فائدة صغينوطة..

ولا تنسوني من دعائكم ..

شهرزاد · 13-11-2005, 03:50 PM

ههههههههههههههههه
سلامات وما تشوف شر ياورقة بلووت
بما اني ممرضة احب هنا اقولك رايي
بس خذ بالك العنقز بعد 10 سنوات يكون خطير واقوي من العنقز وانت صغير
وانتبه لا تفقع اي حبة لانها راح تسبب اثر ما راح يروح ابدن
وكلها اسبوعين بالكثير انت متعافي
ووخر عن الاطفال علشان لا تعديهم
كثر سوائل يعني موية وعصير
وانتبه على حرارتك لانها ممكن تكون عالية جدا
والله يكون بعونك

ورقه بلوت · 13-11-2005, 04:56 PM

شهرزاد

الشر ما يجيك قلي امين يارب

منتي عااااااااقل يا النيرس

ان شاء الله سااااالم باذن الله

دانة الدنيا · 13-11-2005, 05:44 PM

سلااااااااااااااااااااااااامات اخوي وماتشوف شر ان شاء الله
وماشاء الله اختي شهرزاد اعطتك الوصايا الزينة عاد لازم تنفذها
علشان تشفى بسرعة

ورقه بلوت · 13-11-2005, 05:55 PM

الشر ما يجيك

ومشكوووووووووره اختي

دانه الدنيا
على مرورك

بو عزيز · 13-11-2005, 06:19 PM

**********drawGradient()

ورقه بلوت · 13-11-2005, 06:22 PM

يا هلا وغلا
بو عزيز

واشكرك على مرورك

**إنسانـــة** · 13-11-2005, 06:50 PM

سلامتك أخوي ورقة ..
.
.
ماتشوف شر ان شاء الله ..

فراشة الملتقى · 13-11-2005, 10:15 PM

ماتــــــــــــشوف شـــــــــــر
اللــــه يعينـــك إنشاءااله

ريميه نشميه · 13-11-2005, 10:25 PM

ما تشوف شر
وكان الله في عونك
والله يعافيك
وش فيه دعاوي اكثر من هذي تنقال للمصاخين؟!!

صمت الليالي · 14-11-2005, 12:25 AM

سلامتـــــــــــــك أخوي و ماتشـــــــــووووف شر إن شاء الله و كله بأجـــــــــــــــــره ..

أخـــــــــــــوي ورقــــــــــــه بلوت من واقع تجربه إنتبــــــــــــــه لعيونـــــــــك أكثر من وقت لاخر شوفها لا يكون

فيها حبوب و ألف سلامـــــــــــه مرة أخرى .... ,,, .

**Ĺόǿdỳ** · 14-11-2005, 01:01 AM

سلامات اخوي ماتشوف شر ..

الله يعينك والله العنقز يغث .. يالله فتره وتعدي تحمل ...

اجل الحين معطل لاشغل ولا مشغله ( اجازه العنقز ) ..

يعطيك العافيه تكتب وانت تعبان .. اذا راح علمنا وش القصه .. بس لاتطول اكتب الفوائد على طول هههههههههه ..

بدون اسم · 14-11-2005, 01:08 AM

سلامتك اخوي بلوت ماتشوف شر

الف سلامه

Perfect Enemy · 14-11-2005, 01:15 AM

سلامات ماتشوف شر ،

وبالعكس اذا كان عندك اخوان صغار خلك قريب منهم ، احسن خله يجيهم وهم صغار احسن ،عشانه اخف عليهم ومايترك اثار
وغير كذا يفتكون منه ، يعني مايشيلون له هم وهم كبار .

والف سلامة عليك ...

ورقه بلوت · 14-11-2005, 11:15 AM

اقتباس:

المشاركة الأصلية كتبت بواسطة إنسانـــة

سلامتك أخوي ورقة ..
.
.
ماتشوف شر ان شاء الله ..

الشر ما يجيك

واشكرك على مرورك

13-11-2005, 02:56 PM	#1
ورقه بلوت قنــاص فعــال	*\|--¨®¨--\| جــ!ــانــ!ــي عــ!ــنــ!ــقــ!ــز \|--¨®¨--\|* الحمدلله الذي لا يحمد على مكروه سواه.. أنا جاني عنقز !! بكل اسى وبكل حزن اقولكم انه جاني العنقز اللي يمشي وينقز .. وطبعاً اللي معديني بدون أدنى شك هو اخوي سعيدان !! وبعد اصابتي بالمرض العنيف اكتشف ماي فاذر اكتشافاً عجيباً وهو ان اخوي سعد مقرود بمعنى الكلمة .. وانه نادراً ما يجيب خير .. وحتى انه قبل فترة ليست بالبعيدة شرى له ابوي جيب لكزس ار اكس وقعد معه فترة قصيرة وصدم فيه وكلف 30 ألف ريال وبعد حب الخشوم مع وكالة عبداللطيف اللي مهيب جميلة خفضوا لنا الى 28 الف ريال << يقالهم خفضوا الحين !! وقبل يومين جاب لي العنقز .. طبعاً الحادثتين هذي من أبرز مشاكله ولا هو مشاكله واجد جعله الصلاح.. ما علينا.. انا اوخيكم الحبيب واللطيف جداً جاني عنقز ولعب في ظهري.. وابشركم ما دريت عنه الا امس العصر.. كانت فيه حبة ورا اذني وقعدت اقشّع فيها واقلقتني .. المهم مريت من جنب الوالدة الله يطول بعمرها .. وكانت فارشة زولية في الحوش وقاعدة تقرا.. قلت يا ماما << ايه هيّن .. قلت: يمه .. فيذا حبة قالقتني ومدري وش فيها ؟؟ كل ما حكيتها تكبر.. قالت: هَوْ.. عسى مهوب عنقز اخوك سعيدان!!؟ قلت والله مدري!.. قالت ورني ظهرك .. قلت: وشو.. ؟؟ عدلي بدلي!! لإن زوجة اخوي كانت عندها متغطية بجلالها<< والله لو أنها قايلة افصخ سروالك << عيب يا ولد المهم قالت: اشوه ظهرك خلني اشوفه.. المهم رديت وجه من عندها وعطيتها ظهري ووريتها اياه .. قالت : ابشر بها .. قلت : العروس .. قالت: انطم انت ووجهك.. وش عروسه يالشين .ابشر بالعنقز.. وقامت تعد .. وحده ثنتين ثلاث لين وصلت ثمانية.. قلت افا افا افا.. قالت يالله انقلع تروّش وحط ذاك الدوا حق اخوك !! قلت ما فيه أمل << أمل ولا منال كركركر .. بروح للدكتور وبخليه يكشف علي.. لإنه يمكن ما يصير عنقز .. لإن الوالدة قايلة لي ان العنقز جاك وانت صغينوووط..فقلت مستحيل يجي مرتين.. المهم رحت للدكتور الساعة وحده .. لإني انشغلت في هالفترة .. ويوم رحنا للمستوصف اللي حول بيتنا وطلبنا دكتور جلدية قال الموظف : ما فيه الا طبيب عام .. تبيه ولا أقلب وجهك <<< يلعن ابليسه اخلاقه قافلة ..وشكل وده يروح للإستراحة مع العيال<< انت تعرفه هق هق هق.. قلت يالله عطنا طبيب عام وكثّر كاتشب << يقالي اتميلح معه.. قال تنكت انت ووجهك!!!!!!!.. قلت لا يارجال اكلم اخوي.. قلت طيب متى بندخل على الدكتور .. ؟ قال دقيقة خلني اشوف. يوم دق على مكتبه ما احد رد..! ودق على بيته اللي بنفس المستوصف ردت بنيّه صغيرونه وقاله وين بابا؟؟ قالت رايح للسوبر ماركت!صك السماعه وقال الدكتور طالع يتقضّى .. وبيرجع بعد شوي.. بتنتظر ولا لا؟؟ <<< يلعن شيطان هالمستوصف البايخ.. بس قالوها(( وش اللي حدك على المر .. قال ما من برطم )).. المهم قالي الموظف عطني جوالك ! قلت خير ان شاء الله .. والله تمون!!!؟قال انت ما تبي تتعالج؟؟ قلت: إلا.. قال طيب عطني جوالك اكلم الدكتور .. قلت: ايه .. اشوا.. المهم اتصل على الدكتور من جوالي <<< تحسون اني مخفّة .. كركركركر..وقال نوصي ساعة وحاكون موقـود يا باشا..قلت يالله وش ورانا .. نحتريه .. والله وقعدنا حول ثلث ساعة ويجي الدكتور ومعه كيستين فيها خبز وجبن ومقاضي البيت.. عاد من طفاقة اخوي قال للدكتور: ما خلصت النص ساعة بقي عشر دقايق بدون وقت بدل ضايع .. ثم صكيته بذاك الطراق اللي على علباه!!قلت: تنكت انت ووجهك.. وعلى فكرة .. هذي أول مرة أمد يدي على سعيدان منذ 3 سنين.. هو صحيح اصغر مني بسنتين بس انه اجلف مني الماخوذ.. يعني انافخ عليه بس.. وبعض الاحيان يقولي : انطم لأدفنك في الارض<< اكيد في الارض اجل في الملعب عاد يوم دخلنا على الدكتور.. ويأشر لي على السرير !! قلت: يعني انبطح .. قال ايوه.. قلت زين ما بدهاش.. والله وانبطحت وانا مستحي وسعد يضحك علي..المهم قال يا ابني انتا عندك عنقز.. قلت: قل قسم .. اجل وش اللي جابنا عندك قال بس الحمدلله ده عنقز خفيف.. وانا حعطيك حبوب ومرهم.. وتحطها على العنقوزات اللي فيك وكل شي حيكون تمام بإزن الله..وتمر علي يوم السبت ان شاء الله..قلت: زين الله يعافيك يا دكتور.. وانا الحين اكتبلكم هالكلام وانا ملطخ بالمرهم في كل ناحية من جسدي ولله الحمد .. الفوائد: انّه جاني عنقز أتمنى حصلتوا ولو فائدة صغينوطة.. ولا تنسوني من دعائكم ..

13-11-2005, 03:50 PM	#2
شهرزاد قناص مميــز	*مشاركة: \|--¨®¨--\| جــ!ــانــ!ــي عــ!ــنــ!ــقــ!ــز \|--¨®¨--\|* ههههههههههههههههه سلامات وما تشوف شر ياورقة بلووت بما اني ممرضة احب هنا اقولك رايي بس خذ بالك العنقز بعد 10 سنوات يكون خطير واقوي من العنقز وانت صغير وانتبه لا تفقع اي حبة لانها راح تسبب اثر ما راح يروح ابدن وكلها اسبوعين بالكثير انت متعافي ووخر عن الاطفال علشان لا تعديهم كثر سوائل يعني موية وعصير وانتبه على حرارتك لانها ممكن تكون عالية جدا والله يكون بعونك التوقيع: , , , أطلب من الادارة تغير لقبي من شهرزاد الي شهرزاد السعودية

13-11-2005, 04:56 PM	#3
ورقه بلوت قنــاص فعــال	*مشاركة: \|--¨®¨--\| جــ!ــانــ!ــي عــ!ــنــ!ــقــ!ــز \|--¨®¨--\|* شهرزاد الشر ما يجيك قلي امين يارب منتي عااااااااقل يا النيرس ان شاء الله سااااالم باذن الله

13-11-2005, 05:44 PM	#4
دانة الدنيا قنــاص فعــال	*مشاركة: \|--¨®¨--\| جــ!ــانــ!ــي عــ!ــنــ!ــقــ!ــز \|--¨®¨--\|* سلااااااااااااااااااااااااامات اخوي وماتشوف شر ان شاء الله وماشاء الله اختي شهرزاد اعطتك الوصايا الزينة عاد لازم تنفذها علشان تشفى بسرعة

13-11-2005, 05:55 PM	#5
ورقه بلوت قنــاص فعــال	*مشاركة: \|--¨®¨--\| جــ!ــانــ!ــي عــ!ــنــ!ــقــ!ــز \|--¨®¨--\|* الشر ما يجيك ومشكوووووووووره اختي دانه الدنيا على مرورك

13-11-2005, 06:19 PM	#6
بو عزيز قناص مميــز	*مشاركة: \|--¨®¨--\| جــ!ــانــ!ــي عــ!ــنــ!ــقــ!ــز \|--¨®¨--\|* ماتشوف شر ان شاء الله....ياورقه بلوت . . . وهالله هالله بالنصايح اللي جاتك من ممرضتنا.....الغاليه شهرزاد **********drawGradient()

13-11-2005, 06:22 PM	#7
ورقه بلوت قنــاص فعــال	*مشاركة: \|--¨®¨--\| جــ!ــانــ!ــي عــ!ــنــ!ــقــ!ــز \|--¨®¨--\|* يا هلا وغلا بو عزيز واشكرك على مرورك

13-11-2005, 06:50 PM	#8
إنسانـــة . . : زعيم القناصين : . .	*مشاركة: \|--¨®¨--\| جــ!ــانــ!ــي عــ!ــنــ!ــقــ!ــز \|--¨®¨--\|* سلامتك أخوي ورقة .. . . ماتشوف شر ان شاء الله .. التوقيع: [العابرون] سريعًا جميلون.. لا يتركون ثقلَ ظلّ.. ربما غبارًا قليلاً، سرعان ما يختفي. الأكثر جمالاً بيننا، المتخلّي عن حضوره.. التارك فسحةً نظيفة بشغور مقعده.. جمالاً في الهواء بغياب صوته. صفاءً في التراب بمساحته غير المزروعة.. الأكثر جمالاً بيننا: [الغائب]. (وديع سعادة )

13-11-2005, 10:15 PM	#9
فراشة الملتقى قناص مميــز	*مشاركة: \|--¨®¨--\| جــ!ــانــ!ــي عــ!ــنــ!ــقــ!ــز \|--¨®¨--\|* ماتــــــــــــشوف شـــــــــــر اللــــه يعينـــك إنشاءااله التوقيع: فكرت توقيعي هنا وش بــ يكون ضحكة قـلم صورة أو اخليه فاضي البيت عيّا لا يجي معي مــوزون والصورة اكبر من جــدار افـتراضي ضايع حاير تايه أو أكتبه مجنون توقيعي أصبح من صميم اعتراضي والظاهر اني بتركه لجل العيون ولجل الصداقه والزمن حلم فاضي

13-11-2005, 10:25 PM	#10
ريميه نشميه قلم المجلس الذهبي	*مشاركة: \|--¨®¨--\| جــ!ــانــ!ــي عــ!ــنــ!ــقــ!ــز \|--¨®¨--\|* ما تشوف شر وكان الله في عونك والله يعافيك وش فيه دعاوي اكثر من هذي تنقال للمصاخين؟!! التوقيع: { .. حتى إشعار آخر ..!

14-11-2005, 12:25 AM	#11
صمت الليالي قناص مميــز	*مشاركة: \|--¨®¨--\| جــ!ــانــ!ــي عــ!ــنــ!ــقــ!ــز \|--¨®¨--\|* سلامتـــــــــــــك أخوي و ماتشـــــــــووووف شر إن شاء الله و كله بأجـــــــــــــــــره .. أخـــــــــــــوي ورقــــــــــــه بلوت من واقع تجربه إنتبــــــــــــــه لعيونـــــــــك أكثر من وقت لاخر شوفها لا يكون فيها حبوب و ألف سلامـــــــــــه مرة أخرى .... ,,, . التوقيع: ارفـــــــــــع راسك انت سعــــــ ــودي

14-11-2005, 01:08 AM	#13
بدون اسم قناص مميــز	*مشاركة: \|--¨®¨--\| جــ!ــانــ!ــي عــ!ــنــ!ــقــ!ــز \|--¨®¨--\|* سلامتك اخوي بلوت ماتشوف شر الف سلامه التوقيع: لاإله إلا أنت سبحانك إني كنت من الظالمين ..

14-11-2005, 01:15 AM	#14
Perfect Enemy قناص جديد	*مشاركة: \|--¨®¨--\| جــ!ــانــ!ــي عــ!ــنــ!ــقــ!ــز \|--¨®¨--\|* سلامات ماتشوف شر ، وبالعكس اذا كان عندك اخوان صغار خلك قريب منهم ، احسن خله يجيهم وهم صغار احسن ،عشانه اخف عليهم ومايترك اثار وغير كذا يفتكون منه ، يعني مايشيلون له هم وهم كبار . والف سلامة عليك ... التوقيع: Keep yourself away Far away from me I’ll forever stay your Perfect Enemy -------------------------------------- Obstacles and signs Perilous and looming Dangerous and moving ;) Comming Soon , But who cares i have it zidooo@hotmail.com