..



السـلام عليكـم ,


ألـف مبـروك افتتـاح القسـم الجديـد ,
الـي شكلـي بـ انشـب ومنـب طالـع منـه ابـد ,



وبـ مناسبـة الافتتـاح ,
هـذي تغطيـة مصـورة لـ مسرحيـة طـارق العلـي الـي كانـت بـ الريـاض فـي اسبـوع الاجـازة ,
مسرحيـة " حاميهـا حراميهـا " ,

وتعرفـون حنّـا يـ الشعـب السعـودي ,
مـا يحلالنـا الشـي الا لا سوينـاه علـى اخـر شـي ,
ملابـس العيـد مـا انتقضاهـن الا لا قالـوا العيـد باتسـر ,
واغـراض المدرسـه مـا نشتريهـن الا لا جـاء اخـر يـوم بـ الاجـازة ,
والاكتتـاب مـا نـروح نكتتـب الا بـ اخـر يـوم ,
حتـى بـ الانديـة مـا يهنـا لهـم يتعاقـدون مـع لاعـب الا بـ اخـر يـوم بـ فتـرة الانتقـالات ,
<- خـلااااااص ,


تـرى كـل ذا عشـان اقولكـم انـي مـا رحـت للمسرحيـة الا بـ اخـر يـوم مـن العـرض ,
الـي هـو يـوم الخميـس ,


العـرض يبـدأ 8.30 وينتهـي الساعـه 11.30 ,
بـس عشـان اغلـب الـي راحـوا قبـل قالـوا لنـا انـه زحمـه ويـ الله تـروح العصـر ,
حركنـا الساعـه 4 وشـوي ,
و وصلنـا لـ " مركـز الملـك فهـد الثقافـي " الـي تقـام فيـه المسرحيـه هـه 5 الا ان تسـاني منـب واهـم ,

وش اقـول بـس وش اخلـي ,
امـة محمـد شبابـن مـدري مـن ويـن اطلعـوا ,

نـاس .. بشـر .. صخـب .. اعـلام ,
الكـل يترقـب الكـل ينتظـر ,
نـاس تطالـع مـن هنـا ونـاس تترقـب مـن هنـاك ,
<- عيسـى الحربيـن متلطـم ,

زحمـه مـا قـد شفتهـا الا بـ مباريـات الهـلال والنصـر وايـام المساهمـات ,
تكينـا بـ السيـاره كـل واحـد يقـرا الملاحظـات الـي بـ جوالـه نحتريهـم يفتحـون البوابـة ,
ويـوم جـت 6.30 تقريبـاً تجمعـوا الاوادم عنـد البوابـة يحترونهـم يفتحونهـا ,
وخـذ يـا ريحـة الصنـان والخيـاس ,

افتحـوا البوابـة الساعـه 7.15 يمكـن او قبلهـا بـ شـوي ,
ومـا تشـوف الا اوادمـن تركـض ,
تقـول غنـم افتحـوا لهـم بـاب الحـوش ,
<- لا عـاد تضـرب مثـال ,!

دخلنـا المسـرح والحمداللـه قعـدت بـ مكـان كويـس ,
الصـف الثالـث او الرابـع نسيـت ,
<- وانـت بـس تنسـى .. تقـل شايـب ,

اقعـدوا يشغلـون لنـا اغانـي ليـن تبـدأ المسرحيـة ,
اكثـر شـي شغلـوا اغانـي لـ راشـد ,
واغنيـة لـ رابـح وتشـوف عـاد العينـات الـي قامـت ترقـص علـى الاغنيـة عشـان تعرفـون جمهـوره ,

بـدأ العـرض الساعـه 8.30 ,
وقبـل مـا ينزلـون الستـارة كـان طـارق العلـي يتكلـم ويشكـر القيـاده السعوديـه والشعـب السعـودي علـى حسـن الاستظافـة ,
حـق و واجـب يـ الخـال ,

ثمـن ارفعـوا الستـارة وبـدت المسرحيـة ,
كـان فيـه منـع مـن التصويـر وكـرروا هـ الكـلام اكثـر مـن مـرة ,
لأنـه علـى قولـة طـارق ان حقـوق المسرحيـة مبيوعـه والتصويـر ممنـوع ,
كانـوا مشدديـن مـرة ع التصويـر والـي حظـر اكيـد لاحـظ هـ الشـي ,
بـس لـ عيونكـم لقطنـا لكـم كـم صـورة صفواتهـا مثـل وجـه شاهينـاز الـي بـ ستـاراك ,


وش اقـول وش اخلـي عـن المسرحيـة ؟
او بـ الاصـح وش اقـول وش اخلـي عـن طـارق !
يـا نـاس خبـل خبـل هـ الآدمـي ,
مـا توقعـت ابـد ان المسرحيـة تكـون كـذا والممثليـن ماخذيـن راحتهـم لـ هالدرجـة ,
مـا بقـى شـي الا ذب عليـه طـارق ,

تـدرون انـه استلـم الهيئـة ؟ .. ابـه الهيئـة لا تلفتـون ,
والشبـاب والاسـواق وان كـل شـي عوائـل ,
ومـن ضمـن كلامـه عـن هـ النقطـة ,
طـارق يقـول لـ خالـد البريكـي تصـدق انـي مـره رحـت بيتنـا قالـوا لـي لـو سمحـت عوائـل ,!
وخـذ يـا ضحـك وتصفيـق وتصفيـر ,

وتكلـم عـن مواقـف السيـارات حقـت الجامعـه وارتفـاع الاسعـار وزحمـة الريـاض ,
والبنغاليـة الـي يزاحمـون بـ سياراتهـم المخيسـه ,
ولا ينفـخ عليـك كنـه هـو المواطـن وانـت المقيـم ,!
اشيـاء كثيـرة تكلـم عنهـا طـارق صعـب حصرهـا ,



قبـل مـا تبـدأ المسرحيـة بـ نـص ساعـه ,
ادخلـوا بعـض الممثلـين والاعلامييـن السعودييـن ,
مـن ضمنهـم ( حبيـب الحبيـب و مذيعيـن مـا اعـرف اسمائهـم بـس انهـم بـ الاخباريـة والرياضيـة ) ,
وانا قاعـد قلـت للـي معـي .. امـا لـو يجـي الفريـان والله لا اذبحـه ؟
ابـد واللـه خمـس دقايـق ويدخـل ,
يـا نـاس وش اسـوي بـ حياتـي انـا .. اقلقنـي بـ عيشتـي هـ الادمـي ,

بـس مـا قصـر طـارق ,
نـص المسرحيـة راحـت ذب علـى الفريـان ,

طـارق استلـم خالـد البريكـي ان فيـه بنـت نشبـت لـه بـ الفيصليـه اسمهـا " العنـود " ,
وطـارق قاعـد يقلـد مشيتهـا وطريقـة نطقهـا لـ خالـد .. يقـول انهـا تناديـة " خاليـد .. خاليـد " ,
ويـا حـول البريكـي حـاول يسكتـه وعجـز ,!

كثيـر اشيـاء صـارت بـ المسرحيـة توسـع الصـدر ,
ولـو ان فيـه اشكـال تفشـل ,
بـس الحمداللـه مـرت علـى خيـر ,

دوكـم الصـور ,
وبمـا ان التصويـر ممنـوع فـ طبيعـي يمنعـون دخـول الكاميـرا ,
عـاد صـورت لكـم بـ الجـوال وهـذا الـي طلـع معـي ,


















































- عقبـال مـا يسـوون غيرهـا ان شـاء اللـه ,
هـ الموضـوع اهـداء لـ ابـو يزيـد ومشرفـات القسـم ,
وبـس قضيـت ,





..

..

وعَليكم السّلام



كلّ ذا عَلى طَـارق العلي <--
تَغطيَة " مميّزة " " مميّز " <- إلا وش تقرب لك مميّزة

أقتباس

وانا قاعـد قلـت للـي معـي .. امـا لـو يجـي الفريـان والله لا اذبحـه ؟
ابـد واللـه خمـس دقايـق ويدخـل ,
يـا نـاس وش اسـوي بـ حياتـي انـا .. اقلقنـي بـ عيشتـي هـ الادمـي ,

ورَى مَـاصوّرتَـه ؟
مَدري أحسّه فَاضي ذا الفريَان ..

..
مَابه قسم حَريمِي ؟

تَغطية بَطلة مَاارّة
بَس نبي المرّة الجَاية فيديو المسرحيّة كاملة

..

ألفين عَافية

يعطيك العافية مميز .. تغطية رائعه.. موفق

..


وعليكمْْْ السلامْ ورحّمَةُ اللَّه وبركاَتُه ..!


صباحكْ جُوريْ


ياهلاَ فٍيكْْ ~{مميزْ ',


ذكرتٍنيْ اليُومْ واناَ اقرا َالجٍريدَه شفتْ هلْ كاًراكتٍيرْ حقْ الهليلْ




عوآفِي مُميزْ

يعطيك ألف عافية ،،

تغطية متميزة ،، وإبداع متواصل

ههههههههه والله قطعت بطني بأسلوبك مميز
ما شاء الله عليك اما انت وطارق تسوون ثنائي خطير

وخـذ يـا ريحـة الصنـان والخيـاس ,
الله يقرفك ياشيخ وش ذا جاي تقرفنا انت ما اقول الا الله يرج اباليسك
تقـول غنـم افتحـوا لهـم بـاب الحـوش ,
<- لا عـاد تضـرب مثـال ,!
من جد
طـارق يقـول لـ خالـد البريكـي تصـدق انـي مـره رحـت بيتنـا قالـوا لـي لـو سمحـت عوائـل ,!
هههههههههه من جد هاذي قويه
والله مشكور اخوي مميز وان شاء الله تكون مميز بكل تغطياتك

طارق العلي ، المسرحيات ماتحلى الا بوجودك ياشيخ
قسمن انه انسان مبدع

خصوصاً لما يطلع برا النص

مميز ..
تغطيتك روعه

الله يعطيك الف عافيه


ماودهم يسوونه عندنا

*
*
*
أبدعت يا مميز ’ !
كفيت ووفيت يابعدي ’ وفعلا ً مسرحية اليمه كانت بالعطلة ’
ونص الشرقية هناك هههههههههه ’ والرياض بالشرقية !
.
.
لاتطول ’ نبي نشوف جديدك

تغطية رائـ ع ـــة

شكل الدعوهـ فلّه ..

ليش مافيه يوم لنا مالنا رب والا مالنا رب

أقتباس

- عقبـال مـا يسـوون غيرهـا ان شـاء اللـه ,

وان شاء الله يكون الحضور نسائي بس

مميز .. يعطيك العافيه ع التغطيه خيوو ..

يعطيك الف 1000عافيه على التغطيه الرااااااااااااائعه