شبكة القناص - الموقع الرسمي للاعب ياسر القحطاني - - طـارق العلـي .. " حاميهـا حراميهـا " ][ تغطيه خاصه ][

..

السـلام عليكـم (F) ,

ألـف مبـروك افتتـاح القسـم الجديـد P9 ,
الـي شكلـي بـ انشـب ومنـب طالـع منـه ابـد :$ ,

وبـ مناسبـة الافتتـاح :$ ,
هـذي تغطيـة مصـورة لـ مسرحيـة طـارق العلـي الـي كانـت بـ الريـاض فـي اسبـوع الاجـازة ,
مسرحيـة " حاميهـا حراميهـا " P9 ,

وتعرفـون حنّـا يـ الشعـب السعـودي ,
مـا يحلالنـا الشـي الا لا سوينـاه علـى اخـر شـي ,
ملابـس العيـد مـا انتقضاهـن الا لا قالـوا العيـد باتسـر :d ,
واغـراض المدرسـه مـا نشتريهـن الا لا جـاء اخـر يـوم بـ الاجـازة :d ,
والاكتتـاب مـا نـروح نكتتـب الا بـ اخـر يـوم :d ,
حتـى بـ الانديـة مـا يهنـا لهـم يتعاقـدون مـع لاعـب الا بـ اخـر يـوم بـ فتـرة الانتقـالات :d ,
<- خـلااااااص :d ,

تـرى كـل ذا عشـان اقولكـم انـي مـا رحـت للمسرحيـة الا بـ اخـر يـوم مـن العـرض :; ,
الـي هـو يـوم الخميـس ,

العـرض يبـدأ 8.30 وينتهـي الساعـه 11.30 ,
بـس عشـان اغلـب الـي راحـوا قبـل قالـوا لنـا انـه زحمـه ويـ الله تـروح العصـر ,
حركنـا الساعـه 4 وشـوي ,
و وصلنـا لـ " مركـز الملـك فهـد الثقافـي " الـي تقـام فيـه المسرحيـه هـه 5 الا ان تسـاني منـب واهـم ,

وش اقـول بـس وش اخلـي ,
امـة محمـد شبابـن مـدري مـن ويـن اطلعـوا ,

نـاس .. بشـر .. صخـب .. اعـلام ,
الكـل يترقـب الكـل ينتظـر ,
نـاس تطالـع مـن هنـا ونـاس تترقـب مـن هنـاك ,
<- عيسـى الحربيـن متلطـم :d ,

زحمـه مـا قـد شفتهـا الا بـ مباريـات الهـلال والنصـر وايـام المساهمـات :d ,
تكينـا بـ السيـاره كـل واحـد يقـرا الملاحظـات الـي بـ جوالـه نحتريهـم يفتحـون البوابـة :;,
ويـوم جـت 6.30 تقريبـاً تجمعـوا الاوادم عنـد البوابـة يحترونهـم يفتحونهـا ,
وخـذ يـا ريحـة الصنـان والخيـاس :d ,

افتحـوا البوابـة الساعـه 7.15 يمكـن او قبلهـا بـ شـوي ,
ومـا تشـوف الا اوادمـن تركـض ,
تقـول غنـم افتحـوا لهـم بـاب الحـوش :;,
<- لا عـاد تضـرب مثـال :d ,!

دخلنـا المسـرح والحمداللـه قعـدت بـ مكـان كويـس ,
الصـف الثالـث او الرابـع نسيـت ,
<- وانـت بـس تنسـى .. تقـل شايـب :d ,

اقعـدوا يشغلـون لنـا اغانـي ليـن تبـدأ المسرحيـة ,
اكثـر شـي شغلـوا اغانـي لـ راشـد :$ ,
واغنيـة لـ رابـح وتشـوف عـاد العينـات الـي قامـت ترقـص علـى الاغنيـة عشـان تعرفـون جمهـوره :d ,

بـدأ العـرض الساعـه 8.30 ,
وقبـل مـا ينزلـون الستـارة كـان طـارق العلـي يتكلـم ويشكـر القيـاده السعوديـه والشعـب السعـودي علـى حسـن الاستظافـة P9 ,
حـق و واجـب يـ الخـال :$ :d ,

ثمـن ارفعـوا الستـارة وبـدت المسرحيـة ,
كـان فيـه منـع مـن التصويـر وكـرروا هـ الكـلام اكثـر مـن مـرة ,
لأنـه علـى قولـة طـارق ان حقـوق المسرحيـة مبيوعـه والتصويـر ممنـوع ,
كانـوا مشدديـن مـرة ع التصويـر والـي حظـر اكيـد لاحـظ هـ الشـي ,
بـس لـ عيونكـم لقطنـا لكـم كـم صـورة صفواتهـا مثـل وجـه شاهينـاز الـي بـ ستـاراك :;,

وش اقـول وش اخلـي عـن المسرحيـة P9 ؟
او بـ الاصـح وش اقـول وش اخلـي عـن طـارق P9 !
يـا نـاس خبـل خبـل هـ الآدمـي P9 ,
مـا توقعـت ابـد ان المسرحيـة تكـون كـذا والممثليـن ماخذيـن راحتهـم لـ هالدرجـة ,
مـا بقـى شـي الا ذب عليـه طـارق :d P9 ,

تـدرون انـه استلـم الهيئـة :d ؟ .. ابـه الهيئـة لا تلفتـون :d ,
والشبـاب والاسـواق وان كـل شـي عوائـل :(: ,
ومـن ضمـن كلامـه عـن هـ النقطـة ,
طـارق يقـول لـ خالـد البريكـي تصـدق انـي مـره رحـت بيتنـا قالـوا لـي لـو سمحـت عوائـل :d ,!
وخـذ يـا ضحـك وتصفيـق وتصفيـر :d ,

وتكلـم عـن مواقـف السيـارات حقـت الجامعـه وارتفـاع الاسعـار وزحمـة الريـاض ,
والبنغاليـة الـي يزاحمـون بـ سياراتهـم المخيسـه ,
ولا ينفـخ عليـك كنـه هـو المواطـن وانـت المقيـم p7 ,!
اشيـاء كثيـرة تكلـم عنهـا طـارق صعـب حصرهـا ,

قبـل مـا تبـدأ المسرحيـة بـ نـص ساعـه ,
ادخلـوا بعـض الممثلـين والاعلامييـن السعودييـن ,
مـن ضمنهـم ( حبيـب الحبيـب و مذيعيـن مـا اعـرف اسمائهـم بـس انهـم بـ الاخباريـة والرياضيـة :d ) ,
وانا قاعـد قلـت للـي معـي .. امـا لـو يجـي الفريـان والله لا اذبحـه :(: ؟
ابـد واللـه خمـس دقايـق ويدخـل :(: ,
يـا نـاس وش اسـوي بـ حياتـي انـا .. اقلقنـي بـ عيشتـي هـ الادمـي :(: ,

بـس مـا قصـر طـارق :d ,
نـص المسرحيـة راحـت ذب علـى الفريـان :d P9 ,

طـارق استلـم خالـد البريكـي ان فيـه بنـت نشبـت لـه بـ الفيصليـه اسمهـا " العنـود " :d ,
وطـارق قاعـد يقلـد مشيتهـا وطريقـة نطقهـا لـ خالـد .. يقـول انهـا تناديـة " خاليـد .. خاليـد " :d ,
ويـا حـول البريكـي حـاول يسكتـه وعجـز :d ,!

كثيـر اشيـاء صـارت بـ المسرحيـة توسـع الصـدر ,
ولـو ان فيـه اشكـال تفشـل p7 ,
بـس الحمداللـه مـرت علـى خيـر ,

دوكـم الصـور ,
وبمـا ان التصويـر ممنـوع فـ طبيعـي يمنعـون دخـول الكاميـرا ,
عـاد صـورت لكـم بـ الجـوال وهـذا الـي طلـع معـي :$ ,

http://www.alnemr.com/attachment.php...4&d=1208814011

http://www.alnemr.com/attachment.php...5&d=1208814011

http://www.alnemr.com/attachment.php...0&d=1208814011

http://www.alnemr.com/attachment.php...8&d=1208814011

http://www.alnemr.com/attachment.php...9&d=1208814011

http://www.alnemr.com/attachment.php...7&d=1208814011

http://www.alnemr.com/attachment.php...6&d=1208814011

http://www.alnemr.com/attachment.php...1&d=1208814011

http://www.alnemr.com/attachment.php...2&d=1208814011

http://www.alnemr.com/attachment.php...3&d=1208814011

http://www.alnemr.com/attachment.php...4&d=1208815220

- عقبـال مـا يسـوون غيرهـا ان شـاء اللـه P9 ,
هـ الموضـوع اهـداء لـ ابـو يزيـد ومشرفـات القسـم :$ ,
وبـس قضيـت(F) ,

..