أنا سعوديــه :- هلابك والله ومرحبااا ... وحياك الله بيتك ومطرحك :D

اول شي : وانتي بصحه وسلامه

ثاني شي :- وأمي تقول الله يسلمك من كل شر <-------- ملتفت على امي وقلت انا سعوديه تسلم عليك .... :D

ثالثا : تستاهل ام وجدان ويستااهل بدر ...

سؤالي - او اسئلتي

أخوي روين احساسي أنك لست راضي عن الموقع طبعا الكل يرغب في الأفضل بس حاليا لست راضي ما رأيك؟

لو قلت اني راضي فانا اكذب ولو قلت اني منيب راضي بعد اكذب <---- ارس على بر يا الحبيب ...
الموقع الحمدللله ماشي والدليل اعضاااءه .. المواضيع التي تفردنا فيها الحمد لله على كل حاال ... لكن اقولك واول مره اقولها .. ترا ما بعد شفتوا الا 20 بالميه من الافكاار بس واشيااااء وااجده ما بعد طلعت للنوور وان شاء تشوفونها قريب بإذن الله

أيضا انا مع أختي ريميه اني جدا استغربت من شخصيتك يوم قربت من الأعضاء يوم الأذاعه والان بان روحك مرحه وخفيف دم
ماسر هذا ؟
والله ما فيها سر ولا يحزنون المراقب العام ما يعني اني في مستوى اعلى من الاعضاء ,,, من وجهة نظري ارى مهمة المراقب العام هي تطوير موقعه وخدمة الاعضاااء يعني حنا تحت خدمتكم ... ونشتغل عشان نرضيكم ... اما الروح المرحه وخفة الدم اتمنى اني كنت خفيف على قلوبكم .. مثل ما قلت الاهتمام بالموقع ومتابعة طلبات الاعضاء ومساعدتهم بالي يحتاجونه تاخذ وقت كبير ,,, فما ارد او شاارك في المواضيع بشكل فعااال .. لكن يوم جاء اللقاااء والعيد قلت اريح شوي ونسولف مع الاعضااء ونوسع الصدر مع بعض لاني في النهايه انا عضو منكم وفيكم واتشرف بكم

اهذ من طبعك بعيد عن الانظار او من شيله الهم ؟

Yasser 20 والقناص وش رايكم انا خفيف دم والا مثل الهم على القلب :D في رد سابق لي قلت اني ماخذ الدنياا بالطووول والعرض وبااسط نفسي فدايم اصير مفرفش وموسع صدري ..

اخير وجه كلمه لللأعضاء

الاعضاء :- اقوولهم انتم اساس الموقع والموقع هذا ما وضع الا لكم انتم يا جمهور ياسر .... تراكم تحتلون مسااحه كبيره من قلب ياسر ويا حظ ياسر فيكم ... ما شاء الله عليه .. هالموقع هذا لخدمتكم وتحت امركم واي شي لا يردكم الا لسانكم واتمنى اني اكون واخواني القناص وياسر 20 عند حسن ظنكم

وأعتذر عن ازعا جي لك

لا تعتذرين الا حيااك الله ويا هلا فيم ومسهلا

ودمت لمن تحب
الله يعافيك

مشكور يا المدير <<<<<<<<<<ةحده ماتنعطى وجه

من جد مشكور على ردك وتسلم

لا شكر على وااجب يا انا سعووديه

رجعت<<<<<<< قمت احس اني نشبة


اول شيئ يعطيك العافية على التجاوب الرائع مع الاعضاء


بس يمديك على الدقايق المجنونة يوم مباراة مانشستر وبايرن ميونيخ ان ماكنت غلطان كانت تُعرض على الام بي سي قبل الاحتكار من اي آر تي يا اني انقهرت ذيك المباراةعلى بالي فريقي انهزم وعيال خالتي الدببة يتطنّزون عليّ بس جاهم الرد في آخر الدقايق يستاهلون اللي جاهم


شعورك يوم كنت مع ياسر والناس مدّهرة بهالتصوير وانت جنب ياسر هل حسّيت انك مثل جون كيندي؟


آخر مرّة تهاوشت مع احد او تطاقّيت؟


هل كنت تعرف ياسر القحطاني قبل انشاء المنتدى او فقط عند انشاء المنتدى تمت المعرفة؟



هل تؤيد مبدأ كثرة الاصدقاء او تفضلهم قليلين؟


اخيّك الكاسر الله يحفظه وراه مايشارك بس قل له لايتنفّخ علينا علشان اخوه مراقب


هالمرة بقول فكرة وتعبناك بهالافكار بس تحملنا شوي:

فكرتي ان يتحوّل اسمك مع المراقبين الى الادارة وتقومون بتعيين مراقبين على الاقسام مثلا فلان وفلان مراقبين على المنتدى العام اللي هو المجلس والتكنولوجيا والبرواز وفلان وفلان مراقبين على الاقسام الرياضية وهكذا ما ادري شفت هالفكرة في اكثر من منتدى واعجبتني كونها تقل بشكل كبير من عبث المندسّين مع تحفظي حقيقة على الفكرة حاليا لان المشرفين ماشاء الله عليهم قايمين بالدور على اكمل وجه لكن فكرتي تُطرح للمستقبل القريب

آخر شيئ مجرّد رأي حول فكرة الموضوع وهو ان يقوم المستجوب عند انتهاء الاستجواب والتحجير يوهق له واحد مكانه يحققون معه الاعضاء ولا وش رايكم يابدر ويا اميرة؟


وسلامتك يابعدهم

عودة قويّة ونارية..!!

مع اني مو من الرياض من اثيثية اللي حول شقراء لكن ساكن بالرياض

1_وش فيك على الرياض؟

2_كم مرة صقع رسك في باب قزاز؟

3_اطول مدّة سهرتها؟

4_هل انت من هواة التدقيق او تمسك على الواحد شيئ مثل اللي يسولف وهو نايم الخ؟ <<<<<<< نصيحة مجرّب ترا التدقيق يخليك مبسوط لكن معرض للطق في اي لحظة

5_اكثر واحد غثّك بالاسئلة الحلوة؟

6_كم مباراة للهلال حضرتها؟

7_ لاعب هلالي مُعجب به غير ياسر؟

8_بما انك تملك السلطة ماراودتك نفسك تحرر اسئلتي او اسئلة غيري؟

9_ كم مرة طحت من السرير وانت نايم؟

10_ماذا تعني لك هالكلمات:

الصداقة_الترمس_البيالة_الجرابيع_القنص_الفصفص_البرو ستد_السجن<<< تذكر ايام السجن والتعذيب في الليوان

11_ماهي مدّة جلوسك على النت؟

12_احلى سفرة رحتها؟

13_وش رايك في السفر في ربوع بلادي؟

14_هل انت من هواة القنص؟<<<<< ان قلت ايه تجهّز للاسئلة الناريّة

15_سمعت اشاعة انك تماشي آزهلها وبينكم عيش وملح صحيح اللي سمعته؟

16_وش تفضل تكون ظالم او مظلوم؟

17_انا لي حوالي 4 او 5 سنين مارحت الشرقية للاسف حتى جماعتنا هناك هم اللي يسيّرون علينا بس السؤال هنا:
محلات الشاورما عندكم الى الحين يحطون بصل في الشاورما عقدوني اقول لهم لاتحطون بصل يحطون وصارت في اكثر من محل

18_كم منتدى تشارك فيه بفاعلية او مهتم به؟

19_هل انت من النوع قليل الكلام او هذرتك واجدة؟

20_ مو سؤال بس والله احب اسأل الناس خاصة اللي لهم معزّة وحبّيت اسئلتي تكون على رقم ياسر 20 سؤال



وشاكر رحابة صدرك من الحين ومدري فيه رجعة او لا على حسب الشهوة او طيران الموضوع


وعساكم على القوة ويعطيكم العافية على كل اللي تسوونه

زعيــم هلالي :- شكلها ماسكه علي اليوم اشرب لبن ;)


ن ع م 090 :- هلا والله وغلا حياك الله ..

: - مارأيك في التقاء اعضاء المنتدى في مكان ما
( استراحه ، كفي شوب ، منتزه ، منزل ياسر )

للشباب فقط ؟؟

للتعارف عن قرب اكثر ،، وطرح افكار ووووووووووو الاهم نسوي حركة السهم مع صوره جماعيه

يا حساافه وش حيث الصبايا يا خالي والا مالهم رب

نجتمع يا الغالي ما فيها مانع ... بس اصبر نجي لرياض وابشر بعزك انت وكل الاعضاء ...



زعيــم هلالـــي :- يخرب بيتك شرقت بسبة اسألتك ....


شعورك يوم كنت مع ياسر والناس مدّهرة بهالتصوير وانت جنب ياسر هل حسّيت انك مثل جون كيندي؟

ههههههههههههههههههه جون كنيدي يتمنى يصور مع ياسر ,,, ..

ابد والله شعوري ودي اطلع من الزحمه ... عاد انا الي كنت اسووق .... بعدين العالم مالين من كشرتي يبوون ياسر






آخر مرّة تهاوشت مع احد او تطاقّيت؟

اخر اجازة الصيـــف بس الحمد لله مهوب اناالغلطان


هل كنت تعرف ياسر القحطاني قبل انشاء المنتدى او فقط عند انشاء المنتدى تمت المعرفة؟

لأ اعرفه قبل انشااء المنتدى

هل تؤيد مبدأ كثرة الاصدقاء او تفضلهم قليلين؟

الناااس الي اعرفهم بالنسبه لي اقسام .. الصديق ... زميل العمل .... وميل الدراسه .... الاقرباااء ....
لكن اقرب النااس لي هم القناص وياسر 20 وابو سعيد .. والحمد لله رب العالمين الي رزقني بالرجال الي ينحطون على الجرح يبرى


اخيّك الكاسر الله يحفظه وراه مايشارك بس قل له لايتنفّخ علينا علشان اخوه مراقب

باقوووله ينفخ عليك ( لا اكذب ) هو مهوب راعي مشااركاات بس قال بأزيد العدد فقط وان دخل المنتدى قايلن له لا تنتظر مني اي معامله خااصه مثلك مثل الاعضاء ويمكن اشد عليك اكثر لانك اخووي

هالمرة بقول فكرة وتعبناك بهالافكار بس تحملنا شوي:

فكرتي ان يتحوّل اسمك مع المراقبين الى الادارة وتقومون بتعيين مراقبين على الاقسام مثلا فلان وفلان مراقبين على المنتدى العام اللي هو المجلس والتكنولوجيا والبرواز وفلان وفلان مراقبين على الاقسام الرياضية وهكذا ما ادري شفت هالفكرة في اكثر من منتدى واعجبتني كونها تقل بشكل كبير من عبث المندسّين مع تحفظي حقيقة على الفكرة حاليا لان المشرفين ماشاء الله عليهم قايمين بالدور على اكمل وجه لكن فكرتي تُطرح للمستقبل القريب

قلت لك انت متحمس بقوووه حنا فعلا بنطبقهااا وايضا قسم استشاري يفيدنا ويفيد الموقع باذن الله

آخر شيئ مجرّد رأي حول فكرة الموضوع وهو ان يقوم المستجوب عند انتهاء الاستجواب والتحجير يوهق له واحد مكانه يحققون معه الاعضاء ولا وش رايكم يابدر ويا اميرة؟

خلها على خياار الاعضاااء افضل والراي والشور لاميرة الوجدان

عودة قويّة ونارية..!!

مع اني مو من الرياض من اثيثية اللي حول شقراء لكن ساكن بالرياض

حي الله اهل اثيثيه ... اجل حوول شقراء اشوا انك علمتني ... على فكره خوالي من شقراااء ....

1_وش فيك على الرياض؟

يا اخي زحمه وقروووشه بقوووه ... ثاني شي يا اخي انتم نااشفين ما عندكم تفااهم ابد ....

2_كم مرة صقع رسك في باب قزاز؟

يا كثرها الا قل كم مره طحت من الدرج ... <---------- سحب في درج فؤاد سنتر ,,,

3_اطول مدّة سهرتها؟

50 ساااعه يومين وساعتين ..... بس لا احد يسويها قمت اهذري ...

4_هل انت من هواة التدقيق او تمسك على الواحد شيئ مثل اللي يسولف وهو نايم الخ؟ <<<<<<< نصيحة مجرّب ترا التدقيق يخليك مبسوط لكن معرض للطق في اي لحظة

ايه والله احب ادقق وبقووووه خاصه على بعض الشباااب يا زينهاااا ... امسكها عليهم شهــر ...

5_اكثر واحد غثّك بالاسئلة الحلوة؟

ما احد غثني الا مبسوووووووووووووط اخر بسط يا حلوووو

6_كم مباراة للهلال حضرتها؟

حوول 8 ةاغلبها نهائيات الا كلهااا

7_ لاعب هلالي مُعجب به غير ياسر؟

ابو بعقوب وابو عبدالله وابو بندر ابو شلهووب كل اللعيبـــــــــه يا شيخ

8_بما انك تملك السلطة ماراودتك نفسك تحرر اسئلتي او اسئلة غيري؟

تصدق اني نسيـــت ,,,,

لا وش احرر الي في راسه سؤال يحطه عاد اجاوب او لا متروك لي ..

9_ كم مرة طحت من السرير وانت نايم؟

انا انسان اتقلب بعنف في السرير ... تصدق بالله اني مره صحيت وانا تحت السرير ...

10_ماذا تعني لك هالكلمات:

الصداقة_الترمس_البيالة_الجرابيع_القنص_الفصفص_البرو ستد_السجن<<< تذكر ايام السجن والتعذيب في الليوان

الصداقه : جاوبت عليه

الترمس :- شاهي

البياله :- احسن اختراع في العالم بعد ريموت كنترول

جرابيع : طردي ,,

قنص :-الشيخ عدنان

فصفص :- متعه ما يعرفها الا ناس قليلين

بروستد :- عشاء العزوووبيه

السجن :- يعلم الرجال .. <------- لا تصدقوون
11_ماهي مدّة جلوسك على النت؟

ساعتين لثلاث ساعات
12_احلى سفرة رحتها؟

مسكت معي انا وعيال خلاتي انا نروح جوله حول المملكه وضبط الوضع

13_وش رايك في السفر في ربوع بلادي؟
متعه اذا كانت مع شباب

14_هل انت من هواة القنص؟<<<<< ان قلت ايه تجهّز للاسئلة الناريّة

لا والله .. انخرع كتفي مره ولا عاد قربته
15_سمعت اشاعة انك تماشي آزهلها وبينكم عيش وملح صحيح اللي سمعته؟

لا وش يمشيني مع شبهااااات ..

ازهلها ايه اتشرف معرفته حبيب ألبي بس كل ما كلمته انا في استرااحه مع العيااال
ا
16_وش تفضل تكون ظالم او مظلوم؟

لا ذي ولا ذي

17_انا لي حوالي 4 او 5 سنين مارحت الشرقية للاسف حتى جماعتنا هناك هم اللي يسيّرون علينا بس السؤال هنا:
محلات الشاورما عندكم الى الحين يحطون بصل في الشاورما عقدوني اقول لهم لاتحطون بصل يحطون وصارت في اكثر من محل

يا رجااال على الاقل ازين من الي يحط كاتشاب مع الشاورماا ,, ابشرك ما عاد فيه بصل

18_كم منتدى تشارك فيه بفاعلية او مهتم به؟

ما اشارك الا في موقعنا والباقي مجرد اطلاع وقراءه فقط

19_هل انت من النوع قليل الكلام او هذرتك واجدة؟

الا وانا اخووك مهنا اكثر مني حتسي خاصه اذا مسكت خط

20_ مو سؤال بس والله احب اسأل الناس خاصة اللي لهم معزّة وحبّيت اسئلتي تكون على رقم ياسر 20 سؤال

وانت بعد لك معزززه يا حلوووووووو تسك على الاسئله وفاتورة المستشفى عليك <------- جاه دسك

يعطيك العافيه اخوي روبن........
والله يرزقك على قد نيتك..........
وعقبال ما نشوفك معرس....................


ياليت تجوب على اسألت الاخYasser 20 بشفافيه تامه.........معني ما اشك في صدقك بس مرات كثيره الواحد منا ياكثر ما يتهرب




((حركة خاصه انت تسويها اذا قعدت تفكر بشي او انك مهموم من سالفة !!!! وشي )).......عجبني هالسؤال



بعدين فيه عتب عليك:وش سوت لك الرياض عشان ما تحبها؟!!!
بس بيني وبينك معك حق ..........لان الرياض حلاتها بأهلها والا هي غبران <سموم وزمهرير>

تسلم ودمت ذخراً وفخراً لنا




على فكره بنزل موضوع قريب انشالله.........ابي رأيك في كتابتي الادبيه (هل لي مستقبل والا اهون عن الكتابه)
وانتم اخواني الاعضاء إذا نزلت موضوعي الله الله بالردود<<<<<ماكني قاعده اسوي دعايه


دمت سالماً......انت وYasser 20

هههههههههههههههههههههههههههههههههههههههههههههه

لي باااااااااااااااااااااااااااااااااك

س1
وش قصه الفنانه احلام من دون دبلوماسيه ؟

س2
وش حكايه كلمه صقيــــــــــــــــــــــر ؟

س3 وش الموقف حق المملكه من دون تهرب ؟اقصد فيه ثوب النوم

س4 كيف المدينه المنوره بمد حونها حي الخالديه ؟


س5 في هندي اسمه عبدالرشيد متين وش نكبك فيه ؟


س6 وش موقفك يوم دق علي واحد وقالي ياسر وقع بالاماراه ؟

س7 تذكر مباره الاي سي والليفر وش كان شعورك فيها وانا مطلع لساني لك وش بغيت تسوي فيني يوم اني هربت ؟

حبيبي ... وقرة عيني .... وكل شي .....

1) انا وانت عارفين بعض يا بعدهم لكن الاعضاء مايدرون عن سالفة نقطة التفتيش حقت طريق الشرقيه

يوم انى انا اللي اسوق ....... !!! هل لك ان تذكر لنا هالسالفه باسلوبك الخاص

2) قلنا وش قصة سالفه مخالفة المرور حقت قطعت الاشاره اللي في خميس مشيط .. للامانه هالديره ماقد طبها المسيكين

3) حركة خاصه انت تسويها اذا قعدت تفكر بشي او انك مهموم من سالفة !!!! وشي

4) اكثر شي تحبه بجامعتنا العزيزة وبالخصوص قسمنا .... واكثر شي تكرهه !!!!

5) اوصف كل اللي باقول اسمائهم الحين بكلمة (( ترا عادي ثنتين اعرفك ودك تحسي ))

* Yasser 20
* القناص
* ازهلها
* المزن الهلالي
* ابو صلوح

6) صفه تتحاشى انك تكون صداقه مع صاحبها ... اوخرى تحرص على تكوين صداقه مع صاحبها

7) علاقة الرجل بالمرأة هالايام وش رايك فيها !!!


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ

حي الله حبيب قلبي و بوبو عيني ,,,, ابو سلطااان يوم بغيت اختــم طلعتوا فضايحنا

1- هههههههههههههههههههه الله لا يعيده من يوم ....
ماسكين خط الشرقيه وما علينا من الشيطان طاااري ... لإن ابليس كان معنا ,,, وااحد من اخويااناا يشبه ابليس من جد ولا ناسي اثباااته .... وقفنااا الرخصه والاستمااره والاثباتااات .... الاخ زين الحلايا ناسي اثبااته ولا من وسع الوجه راكب قداام وطاااق الايتسااامه حلو ما توصل لعلبااااه... وين اثباااتك :- وبكل سعة وجه قال ما معي ..... فقال العسكري العباااره المحببه على قلبه اصفط على جنب ... صفطنا على جنب ,,, ونخل ( اي فتش ) ابو جدناااا قعدنااا ساعه الله لا يعيده صرنا شبهااات حتى فيه بزر بأشر علينااا يقول لابوه : - بابا هذولا حراميه وابووه يقوله ايه .. ( الله لا يلووومه )

2- ابد ... رايحن اسدد مخالفااتي مدري وش عندي ... قااال عندك قطع اشاااره قلت خيــــــر عمري ما قطعت اشاااره عطني اشووووف قال عندك في خميس مشيط ... هههههههههههههههههه تستهبل والا جد قلت ما عمري طبيتها قااال سدد بعدين تعاال وشف ..قلت خلني اسدد واكل هوااا وبس ...


3- افرك جبهتي بالسبابه والابهاااام .... احك افكاااري الي يشووف في جبهتي يشوووف طريق خريص ..........

4- اكثر شي احبه الــ Breaks واكره شي class <------------- وشو له تدرس

5- * Yasser 20 :- دايم طفرااان <-------- تستااهل
* القناص :- ذووق ونفس الوقت شبهه
* ازهلها :- اتعب من كثر ما اقزززل حبيب
* المزن الهلالي :- قلم مبدع
* ابو صلوووح : الهلالي الأول في الموقع

6- والله يا اخوووي انا ادور الرجااال

7- مثل علاقتي فيك ..



ريميه نشميه .. ابشري وان شاء الله ان اجاباتي كلها صريحه



بن خوووري : حي الله ابو مروااان ... وش تعني لك كلمة فضيحه في قااموووسك

س1
وش قصه الفنانه احلام من دون دبلوماسيه ؟

امتنـــع

س2
وش حكايه كلمه صقيــــــــــــــــــــــر ؟

امتنــــع


س3 وش الموقف حق المملكه من دون تهرب ؟اقصد فيه ثوب النوم

اي ثووب <-------- جحد امتنع ابضااا

س4 كيف المدينه المنوره بمد حونها حي الخالديه ؟

المدينه احبهاااوالباقي ايضا امتنع


س5 في هندي اسمه عبدالرشيد متين وش نكبك فيه ؟

نكبني مع الهيئه
س6 وش موقفك يوم دق علي واحد وقالي ياسر وقع بالاماراه ؟

هذا الله يسلمكم هذا يوم اجتماع الامير بندر مع نادي القادسيه بخصوص صفقة يااسر ..
كنت انا وبن خووري مع يااسر في البيت ونتاابع الاجتمااع اول باول مشى يااسر حوالي الساعه ست الصباااح من بيتناااا .. المهم اتصل وااحد يقوول انه شاااف يااسر ويحلف بعد انه مووقع في امااارة الرياااض ( وجه عيووونه طالعه من محجرها ) يا ولد يستهبل ذا والرجاال من صدقه ... ودي اقووله يا ابوو ترا ياسر ماله الا نص سااعه من يوم ... دقينا على ياااااسر قلنا له مبرووك توقيك في الامااره وقلنا له السالفه والى يوومك مذكرهاا ونضحك عليها ...



س7 تذكر مباره الاي سي والليفر وش كان شعورك فيها وانا مطلع لساني لك وش بغيت تسوي فيني يوم اني هربت

اااااااااااااه لا تذكرني فيه الله لا يعيده من يووووم ثلاثه وهمن يخسرووون ,, وش بغيت اسوي فيك .... بغيت الحقك الشيشه بس ربي رحمك نظير فكك مني ..

يا حووبي لك وانا اخوووك يا احلى في الوااحد العااالم بعدي طبعا



في النهااايه ...

احب اشكر كل الاعضااء سواء الي سأل او مر لى الموضوع او ما درا عنه .. اشكرهم من كل قلبي اتمنى اني ما ثقلت على قلوبكم وكانت روحي خفيه عليكم وكانت اجابتي وااضحه ...
واحب اقوولكم انتم اساس المنتدى وقوده وانتم الداخلين وانا الطااالع الي يبي شي لا يرده الا الخاص حقي او الاقتراحات والشكااوي وان شاء الله اكون عند حسن ظنكم


تقبلووو تحياااتي ,,

والسلاك عليكم ورحمة الله وبركاانه