الاطبعيه=المطبعيه
الظاهر مخبصه بقوه .......الله يسامحك ياروبن وش سويت فيني

هلا فيكــ أخوي روبــن .. إعذرنا .. تعبناك .. .
.
.
هذي أسئلتي..
.
.
1-أكثر شاعر تحب تقرا شعره .. ؟
2-واكثر شاعر تحب اسلوبه في القاء الشعـــر؟
3-اكتب لنا اكثر قصيدة تعجبك..؟
4-اكثر بيت شعر تحبه .. ولمنو تهديــه....؟
5-وش رايك بالشاعر "طلال الرشيد " الله يرحمه ... ؟
.
.
6-نوع سيارتك ..؟وجوالكـــ..؟
7-انت انسان رياضي او لا..؟ واذا رياضي .. وش اكثر رياضة تحب تمارسها ..؟؟
8-اكثر بلدة تحب تسافر لها "خارج السعودية "..؟؟
9-تعترف بشي اسمه الحاسة السادسة ..؟؟
10- Who Moved My Cheese .. انت نصحتنا نقرا هذا الكتاب .. طيب ممكن اعرف وشهي الفكرة .. الي يتكلم عنها الكتاب.. بشكل عامـ...؟؟
11-ماهو موقفك من حضور الفتيات للمدرجات .. خلال المباراة ..؟؟
12-قلت انك تؤيد .. قيادة المرأة للسيارة .. ياريت تذكر لنا وش سبب التأييد .. "اذا سمحت"..؟؟
13-وش رأيك بجريدة الرياضية والجزيرة والرياض والحياة..؟؟ وش اكثر جريدة تحب تقراها..؟؟
14-اكثر لون تحبه..؟؟ وبالنسبة للورد .. وش اللون الي تحبه.. وتحب تهديه..؟؟
15-كتب اخرى .. تنصح الاعضاء يقرونها...؟؟
16-يريدون باسم الفنِّ إرشاد أمةِ
....................................بما لفقوه من شتيت الغرائبِ
فكيف يعز الفن من كان ناشئاً
............................على العهر والإسفاف ياللعجائبِ؟
وش رايك بمستوى الفن الحين ...؟؟
17-من يلعب على الحبلين يخسر اقرب احبابه..
برأيك هالجملـــة صحيحة ..؟؟
18-what do you do when the only person who can stop crying is the person who made you cry....؟
19-وش رأيك .. بالعاصمـــة الرياااض...؟؟
20-سلااااااااااااااااااامٌ على الدنيا إذا لم يكن بها.."صديــــــــــقٌ صدووووقً صادِقَ الوعدَ منصفـــــــا"
وش يعني لك الصديق..؟؟
.
.
.
"أسئلــة عامــة .. بما انك مراقب عامـ للمنتدى.." ياريت على الاقل تذكر لنا الاسباب ..
21-ودي اعرف ليه في اغلب المنتديات .. قائمـــة الاعضاء .. ملغية من قبل المشرف ..؟؟
22-وفي بعض المنتديات .. الملف الشخصي للعضو ..مافيه احد يقدر يشوفه غير الاداريين والمشرفين.؟؟
مع اني اشوفه بطاقة تعريف بسيطة لأي عضو..!!

.
.
مع كل الشكـــر والتقدير اخوي روبن.. اسعدتنا بهذا اللقاء .. وبشخصيتك المرحـــة..
أتمنى تتقبل اسئلتي بكل صدر رحب..

يعطيـكمـ الـف عافيـه اميـرة الوجـدان& بـدر ع الفكـره الحلـوه..

ضيـف رائـع ومقابلـه ممتعــه ..,


حاليـا ماعندي اسئلـه روبن هـود نريحك شوي

يعطيكم العافيـه ياحلويـن

السلام عليكم ورحمة الله وبركاته


اميرة الوجدان&بدر يعطيكم الف عافية على الفكرة اللي طال انتظاري لها



كل عام وانت بخير عساك بخير؟


تصدق انك مثلي ماجاني عيديات مغير حلاو


صرت اقسّم العيديات للبزران



1_ موضوع شاغل بال الكثير وان كنت اعرف اجابة هذا السؤال لكن اعتبره تنويه واجابة لتساؤلات الآخرين وهو سبب طيران الليوان


2_ أقسام تفكّرون في فتحها واقسام تفكّرون في طيرانها


3_(سؤال تحجيري ليس بالضرورة اجابته) ليش ماترد على الرسائل الخاصة دايم الناس يتشكون


4_هل تؤيد فكرة تجديد الدماء في المنتدى من فترة لفترة اخرى من خلال الكادر الاشرافي باعفاء المقصّرين منهم او المعتذرين وتكليف غيرهم؟


5_ماهو سبب قلة مواضيعك ليس الردود المواضيع او اتاحة فرصة للبقية مع انك صراحة اعتبرك من الاعضاء (مع انك مراقب لكن مافي فرق عضو مشرف مراقب) الذين لم يعرفهم البقيّة جيدا او يروا وجهات نظرهم؟


6_عضو او اعضاء تجد فيهم الغموض بعض الشيئ؟


7_اعضاء تتمنى التعرّف عليهم اكثر؟


8_المنتدى لانه جديد نوعا ما يحتاج الى تطوير فوق تطوره وان شاء الله يدا بيد نتكاتف علشان نخلي منتدانا في القمة ان شاء الله لكن ياليت تذكر بعض الاسباب اللي تساعد على تطوير المنتدى


9_افضل دوري عالمي بالنسبة لك؟


10_في التصنيف العالمي اختاروا الدوري الاماراتي افضل من الدوري السعودي وكان الترتيب الاماراتي متقدم حيث وصل ترتيبه 16 افضل دوري في العالم مع اني ما اشوف غير فريقين ينافسون على البطولات العين والوحدة، وش ظنك الدوري السعودي يحتاج لكي يتطور؟

11_ مثلك الاعلى في الحياة غير الرسول صلى الله عليه وسلم؟


12_ تكلّم عن اخوك زعيم هلالي من خلال ماتعرفه عنه والله الله بالتلميع


ومشكورين على جهودكم الجبّارة في سبيل تطوير المنتدى

هههههههههههههههه والله يا الأسئله دسمه ... ورطتوني :D

بسم الله نبدأ ...

المزن المره الثانيه ...

والله وانا اخوتس ما ادري وش اقوول ... ان مدحت نفسي يقولون مادح نفسه كذاب ... ونفس الوقت ما ودي ابخس نفسي قدرها ...

الي اقولك ,, شاب سعودي طموووح مثل كل شباب ... صاحب فكر متفتح بعض الاحيان يزعل الاشخاص مني ... اقدر الحياه وحياتي ولله الحمد عايشها بالطول والعرض ... احب العمل احب الابداع احب الشخص المجنون بأفكاره ابحث عن تطوير نفسي باستمرار ... اكره الشخص صاحب الوجهين ولا احاول اتقرب منهم او اني اسلم عليهم ... اعشق البلوت :D ,,,,


ازهلها ... هلا والله برفيق الكفاح المسلح وقائد اللواء السابع في الجبهه .. ( ازهلها التكريتي ) :p

/ في سـؤال للعضوه رغده.. تقول هل تُـؤيـد قِـيادة المَراه للسيـاراه .. وقلـت آؤيـد !!
آشوف إن سِلبيـاتها آكثر من إيجابيتها .. لكن ليه مؤيـد للقيـاده !!؟

ما فيه شيء فب العالم ما له سلبيات او ايجابيات ,, يا تميل كفته للايجابيه او السلبيه ..
بالنسبه للقيادة المرأه ... ارى لها ايجابياتها اكثر من سلبيتها والي اعتقد انها صغيره بس حنا معظمينها وسلبيات نتخيلها وهي مو موجوده ....
المرأه الآن بدأت تدخل قطاع العمل الفعلي ,, في الشركات الخاصه ,, القطاع الحكومي ,,, سواء مهندسه او موظفه ,,, في ظنك الاتحتاج لوسيلة نقل تكون تحت يدها .. تقول سواق اقولك طبنا ولا غدا الشر .. العماله الحارجيه ان لم يكن ضرر اجتماعي فاكيد لها ضرر اقتصادي وهذا مو موضوعنا .. عوائل كلها حريم يقدرون يوفرون لهم سياره لكن ما يستطيعون على مصاريف السواق ... نحرمهم من قضاااء حووايجهم ... والاهم من هذا كله الي عانيته في رمضان في الرياض افطر همن اخذ اهلي في الجمس وفراره في الاسوااق وربي جاني الدسك لين الفجـــر :D خليهم يسوقون اصرف :p


س2/ ماذا يعني لك الهِـلال !!؟؟
الهلال هو الفرح بالنسبه لي بعجبني ككيان كلون عشق ثااني .. يفرحني ببطولاته حتى لو كنت زعلان ,,, فريق يرسم البسمه في عيون الطفل عشان الهلال فاااز ...
لولا الهلال لما كانت هناك كره سعوديه
س3 / صَـف شعـورك .. لإول هـدف لياسـر في الإنصـار .. ووين كِنـت وقتهـا .. ووش سَـويت !!؟
هههههههههههههههههههههههههههه
الانصاار والا الحزم ... العااده في البيت وكل هدف لياااااااسر .. اطاامر كنه هدف على البرازيل في نهائي كاس العالم في آخر الدقايق :D
س4/ هَـل انـت ممن يـنبذون التعـصب الريـاضي ... او العـكس ..
واذا كـنت مـن اهل احـد الخـيارين .. فمـاهو اسـتدالاك على ذلك ..!!!؟؟

والله انا اكره التعصب ولاني من النااس المتعصبه كل شي عندي بمجرد نهاية المبااره فيه من اعز اخوياي هلالي وفيه من زملاء الجامعه الاتحاادي الصميم تلقانا نكت على بعض لكن في النهايه كووره لا تروح ولا تجي ..
س5/ طالعنا في الايام الماضيه شخـصيه كـبيره سـعوديه في الاتحـاد السعـودي للكـارتيه..
بخـبر مفـاده انه مـؤيد وبـقووة لـممارسه المـراه رياضـه الكـاراتيه .. فـما هو تعـليقك ؟؟ كونك أحد آبنـاء هذا الوطـن !!
لا بأس في ذلك رياضه مثل كل الرياضت يمارسها الرجل وتمارسها المرأه ولا اشوف فيها على انوثتها ورقتها مثل ما تعطينا رياضات الدفاع عن النفس الثقه في النفس والصحه فما ارى فيها شي صرااحه


س6 / مـاذا يعني لك آعضـاء منتديـات القنـاص !!!

اخواني وخوواتي واتمنى اني اكووون عند حسن ظنـــهم

ولا تخـاف مـاني براجـع لك .. آعتقـد إنها كفايـه .. وما آبي آكـثر عليـك .. كفايـه الي قبلـي

ريميه نشميــه :-

انســانه :- هلا والله ومسهلا فيك ... وسعدي بطلتك وتواجدك ومشكووره على الاسئله ذكرتيني بالامتحانات ؟؟؟:D

1-أكثر شاعر تحب تقرا شعره .. ؟

احب الأميـر محمد الأحمد السديري الله يغفر له ويرحمه بقوة شعره وجزالته والحكمه الي في شعره

2-واكثر شاعر تحب اسلوبه في القاء الشعـــر؟

ما اركز على القااء يكثر ما اركز على الكلمه ... حال الشعر اليوم هو مثل ما قال غازي القصيبي ( تحول الشعر الى ظاهره القائيه ) طبعا الا من رحم ربي

3-اكتب لنا اكثر قصيدة تعجبك..؟
يقول من عدا على راس عالي
رجم طويل يدهله كل قرناس
في راس مرجوم عسير المنالي
تلعب به الارياح مع كل نسناس
في مهمة قفر من الناس خالي
يشتاق له من حس بالقلب هوجاس
قعدت في راسه وحيد لحالي
براس الطويل ملابقه تقل حراس
متذكر في مرقبي وش غدالي
وضعقت بالكفين ياس على ياس
اخذت اعد ايامها والليالي
دنيا تقلب ما عرفنا لها قياس
كم فرقت ما بين غالي وغالي
لوشفت منها ربح ترجع للافلاس
يقطعك دنيا ما لها اول وتالي
لو اضحكت للغبن تقرع بالاجراس
المستريح اللي من العقل خالي
ما هو بلجات الهواجيس عطاس
ماهوب مثلي مشكلاته جلالي
ازريت اسجلهن بحبر وقرطاس
حملي ثقيل وشايلة باحتمالي
واصبر على مر الليالي والليالي والاتعاس
وارسي كما ترسي رواس الجبالي
ولا يشتكي ضلع عليه القدم داس
يابجاد شب النار وادن الدلالي
واحمس لنا يابجاد ما يقعد الراس
ودقه بنجر ياظريف العيالي
يجذب لنا ربع على اكوار جلاس
وزله الى منه رقد كل سالي
وخله يفوح وقنن الهيل بقياس
وصبه ومده ياكريم السبالي
يبعد همومي يوم اشمه بالانفاس
فنجال يغدي ما تصور ببالي
وروابع تضرب بها اخماس واسداس
لاخاب ظني بالرفيق الموالي
مالي مشاريه على نايد الناس
لعل قصر ما يجيله ظلالي
ينهد من عال مبانيه للساس
لاصار ما هو مدهل للرجالي
وملجا لمن هو يشكي الضيم والباس
بحسناك يامنشي حقوق الخيالي
ياخالق اجناس ويامغني اجناس
تجعل مقره دارس العهد بالي
صحصاح دوِّ دارس مابه اوناس
البوم في تالي هدامه يلالي
جزاك ياقصر الخنا وكر الادناس
متى تربع دارنا والمغالي
وتخضر فياض عقب ما هيب يباس
نشوف فيها الديدحان متوالي
مثل الرعاف بخصر مدقوق الالعاس
ونثير على البيدا سوات الزوالي
يشرق حماره شرقة الصبغ بالكاس
وتكبر دفوف معبسات الشمارلي
ويبني عليهن الشحم مثل الاطعاس

4-اكثر بيت شعر تحبه .. ولمنو تهديــه....؟

لا خاب ظني بالرفيق الموالي مالي مشاريه على نايد الناس ... واهديه لو واحد لا زال عزيز على قلبي بس غدرني ...

5-وش رايك بالشاعر "طلال الرشيد " الله يرحمه ... ؟

الله يرحمه .... المعروف لا يعرف يا انساانه ..
.
.
6-نوع سيارتك ..؟وجوالكـــ..؟

مرسيدس 350 cl لوحتها ن ع م 090 :p الجد معي هوندا اكورد 2002 وجوالي نعي بيبي دمعه ماخذه من امي بعد ما انكير جوالي والى الان معي :D:D

7-انت انسان رياضي او لا..؟ واذا رياضي .. وش اكثر رياضة تحب تمارسها ..؟؟

مهووب مره رياضي ,, بس اقدر البلياااردووو ...

8-اكثر بلدة تحب تسافر لها "خارج السعودية "..؟؟

والله ما قد سافرت للسبب اني اعااني من فووبياا الطيران :(

9-تعترف بشي اسمه الحاسة السادسة ..؟؟

لأ ... اعتقد انه ذكااء ودهااء اكثر من انه سادسه

10- Who Moved My Cheese .. انت نصحتنا نقرا هذا الكتاب .. طيب ممكن اعرف وشهي الفكرة .. الي يتكلم عنها الكتاب.. بشكل عامـ...؟؟

هذا كتاب يعلمنا بطريقه حلووه كيف نتعامل مع التغييرات في حياتنا

11-ماهو موقفك من حضور الفتيات للمدرجات .. خلال المباراة ..؟؟
خلهم يحضرووون ليش لأ على الاقل يحضروون لجماااهير :p


12-قلت انك تؤيد .. قيادة المرأة للسيارة .. ياريت تذكر لنا وش سبب التأييد .. "اذا سمحت"..؟؟

راجعي جوابي على ازهلها

13-وش رأيك بجريدة الرياضية والجزيرة والرياض والحياة..؟؟ وش اكثر جريدة تحب تقراها..؟؟

اكثر الجرايد اقرااهاا هي الشرق الاوسط والوطن

14-اكثر لون تحبه..؟؟ وبالنسبة للورد .. وش اللون الي تحبه.. وتحب تهديه..؟؟

الاسود هو اللون الاول عندي .... وورده بيضاااا لكل واحد قلبه نظيف على النااس

15-كتب اخرى .. تنصح الاعضاء يقرونها...؟؟

لا تحزن ... قن اتخاذ القرار ...
16-يريدون باسم الفنِّ إرشاد أمةِ
....................................بما لفقوه من شتيت الغرائبِ
فكيف يعز الفن من كان ناشئاً
............................على العهر والإسفاف ياللعجائبِ؟
وش رايك بمستوى الفن الحين ...؟؟

الفن الله بالخير الحين احسن وااحد الي يجيب بنات ويستعرض بهم عشاان كذااا انا رجعت للفن الاصيل الفن الكلثوووومي ...

17-من يلعب على الحبلين يخسر اقرب احبابه..
برأيك هالجملـــة صحيحة ..؟؟

مع الاحباب ايه صحيحه لكن مع الغير يسمى سياسه ...

18-what do you do when the only person who can stop crying is the person who made you cry....؟

اجلده عشان نصيح انا ويااه سوااا ... في مثل حلوو يقوول الله يخلي من بكاني ولا ضحك علي الناس

19-وش رأيك .. بالعاصمـــة الرياااض...؟؟

قد قلتها لواحد من اعز الناس على قلبي ساكن فيها ,,, لولا اهلي وياسر القحطاني والا ما طبيتها ابدا

20-سلااااااااااااااااااامٌ على الدنيا إذا لم يكن بها.."صديــــــــــقٌ صدووووقً صادِقَ الوعدَ منصفـــــــا"
وش يعني لك الصديق..؟؟

رب اخ لك لم تلده امك ... هو الاخ هو العزوه هو الي يحاسب عني اذا طلعت من المقهى :D

.
.
.
"أسئلــة عامــة .. بما انك مراقب عامـ للمنتدى.." ياريت على الاقل تذكر لنا الاسباب ..
21-ودي اعرف ليه في اغلب المنتديات .. قائمـــة الاعضاء .. ملغية من قبل المشرف ..؟؟
22-وفي بعض المنتديات .. الملف الشخصي للعضو ..مافيه احد يقدر يشوفه غير الاداريين والمشرفين.؟؟
مع اني اشوفه بطاقة تعريف بسيطة لأي عضو..!!

لسبب اذانا في الموقع هذاا حنا كانت مفتوحه وكل واحد يقدر يطلع عليها ... لكن جتنا شكاوي بسببها بعض الناس الله يهديهم يدخل عشان يشسوف ايميلات العالم ويضيفهم عنده ويوذيهم ... عشان كذا الباب الي يجي منه ريح سده واستريح .....

شااكر لك اختي انســـانه ومشكووره على طلتك الحلووه


بنت ابووها :- هلا والله ومسهلا ومرحبااا حيااك الله ,,,

بسم الله

*الشبكة العنكبوتية عالم ساحر وفيها المفيد والرائع وفيه الضار والسئ .. ما الذي استفدته من هذاالعالم ؟

الاطلاع على العالم الخارجي الاستفاده من خبرات النااس تعرفت على ناس من ثقافات مختلفه ,,, النت ممتع اذا عرف الواحد كيف يستخدمه

*ماذا تعني لك هذه الكلمات :- الـقمر , الــبحــر , الــصداقــة/المراءه ؟!..

القمر :- نووووووووووم :D

البحر :- عالم ثاني تتجلى فيه قدرة الله

الصداقه :- غذااء الرووح

المرأه :- النصف الآخر .. (( متى اعرس )) :D
* لو كان عندك 3 زهرات الى مين راح تهديهم ؟!..
الأولى لك

الثانيه للاعضاااء

الثالثه لي <---- نرجسي :p


*المكان الي تحب تقضي فيه اجازتك ؟!..

الاستــراحه ... والبيــت افضل مكانين بالنسبه لي

* " الألم .. لوحة تجسد واقع الحرمان " .. موقف تألم لأجله روبن هـود ؟؟..

وفاة جدتي الله يرحمها

*كلمة تحمل معنى كبير تقولها عند وداع من تحب ؟ ما هي؟

مصيــر الحــي يتلاقى

*لو كان معاك الفانوس السحري وطلب منك تتمنى 3 امنيات شو هي الأمنيات إلي راح تتمناها ؟؟

الاولى :- اني احقق رغبتي وادرس في الــ u.s أو ّcanda

الثانيه :- ان موقعنا يصير من افضل الماقع الرياضيه العالميه

الثالثه :- ان ياسر يرد علي ادق عليه يومين مهوب يرد

*الى اين تذهب عندما تزعل ؟؟

اركب السياااره ادووور وادوور لين يفر راســــي وارجع

*ماذا تفعل لمن قدم لك شي تحبه؟؟

الشكــر والعرفــان واردها له في الافراح

*كلمة توجهها وتحبها أن تصل ؟؟

*الى زملائك المشرفين ؟؟

عووافي وما تقصرووون على الجهد المبذووول وعسااكم على القوه

*والى اخواتك واخوانك الأعضاء ؟؟

انتم اساس الموقع وقوته .. فنجاحه بيدكم ..

*ولي بالخصووص ..؟

جعلك تسمليـــن وعساااك على القوووووه وشكرا على الطله

مس كيووت :- يا حي زوول مرني يا حيه الزين نجدي والدلع شرقااوي :D


زعيـــم هلالـــي :- هلا والله بالغلاااا كله ...


1_ موضوع شاغل بال الكثير وان كنت اعرف اجابة هذا السؤال لكن اعتبره تنويه واجابة لتساؤلات الآخرين وهو سبب طيران الليوان

والله يا الغالي الليوان سالفته سالفه اولا لاحظنا ان اكثر الاعضااء صار شغلهم الشاغل ولا عاد نشوفهم الا فيه لدرجة ان احد الاعضاء بعد ما حذفت الليوان ,, نقصت مشاركاته 2000 مشاركه معقوووله 2000 كلها باليوان وين المنتديات الباقيه ثانيا المشاكل الي تكون بين الاعضاء والشلليه الي صارت بسبة المنتدى عشان كذا اضطرينا نشيله والحمدلله القرار كان سليم وبدأ نشااط الاعضااء وشوف المنتدى الان وايام الليوا وتشوف الفرق

2_ أقسام تفكّرون في فتحها واقسام تفكّرون في طيرانها

كل شي في وقته حلوو يا حلووو

3_(سؤال تحجيري ليس بالضرورة اجابته) ليش ماترد على الرسائل الخاصة دايم الناس يتشكون

والله وانا اخوووك يوميا تجيبني ما لا يقل عن 20 الى 30 رساله خااصه ,,, من شكااوي من اقتراحات ,, من رسايل مالها دااعي في الاشياء الضروريه ارد عليها والباقي ارد عليه بس لفترات لو اني بارد على كل رساله ما عاد قد التفت للموقع .... وين مووضووع السحره حقك وراك ما نزلته <--- تحجير

4_هل تؤيد فكرة تجديد الدماء في المنتدى من فترة لفترة اخرى من خلال الكادر الاشرافي باعفاء المقصّرين منهم او المعتذرين وتكليف غيرهم؟

طبعا ... اذا المشرف اعتذر او قصر نعم نقوم بعملية التغيير اما اذا المشرف لا زال بعطاءه ولاحظنا انه متجدد بافكاره عنده الي يعطيه بالعكس يبقى يفيدنا نفيده
وكلمة حق في مشرفينا ,, متعاونين الى اقصى حد واقسامهم الي ماسكينها .. يشتغلون فيها بارووع ما يكوون وكلمة شكر ما توفيهم

5_ماهو سبب قلة مواضيعك ليس الردود المواضيع او اتاحة فرصة للبقية مع انك صراحة اعتبرك من الاعضاء (مع انك مراقب لكن مافي فرق عضو مشرف مراقب) الذين لم يعرفهم البقيّة جيدا او يروا وجهات نظرهم؟

بالعكس ارد على موااضيع كثيره بس وانا اخووك غالبا اذا دخلت ابدا اشووف المنتدى واشوف حااجاات الاعضاء والمشاكل الي يتعرضون لها اشوف المشرفين واحتيجاتهم .. اتابع سير المنتدى فيروح الوقت وانا ما اشاارك ....


6_عضو او اعضاء تجد فيهم الغموض بعض الشيئ؟

انت غاامض انت وسؤالك :D

7_اعضاء تتمنى التعرّف عليهم اكثر؟

لو الود ودي كلهم واتشرف بهم

8_المنتدى لانه جديد نوعا ما يحتاج الى تطوير فوق تطوره وان شاء الله يدا بيد نتكاتف علشان نخلي منتدانا في القمة ان شاء الله لكن ياليت تذكر بعض الاسباب اللي تساعد على تطوير المنتدى ,,,

من ناحيه تقنيه .. نتاابع كل جديد خااص بالمنتديات من نسخ مطوره برامج مطرووحه وهذي دايم نقوم فيها اول باول ...

اداره واعيه ,,, تعرف وش الهدف من الموقع ,,,, تلبي خااجات اعضااءهاا فالمراقب هو للخدمة الاعضااء وليس العكس,, ,, تعاون الاعضاء وان يعتبر الموقع له وملكه اعتقد واحد من اهم الاسباب في تطوير المنتدى

9_افضل دوري عالمي بالنسبة لك؟

الدوري الايطالي يليه الأسباني ..

10_في التصنيف العالمي اختاروا الدوري الاماراتي افضل من الدوري السعودي وكان الترتيب الاماراتي متقدم حيث وصل ترتيبه 16 افضل دوري في العالم مع اني ما اشوف غير فريقين ينافسون على البطولات العين والوحدة، وش ظنك الدوري السعودي يحتاج لكي يتطور؟

انا ما اعرف على اي اساس يصنف الدوري الاماراتي بالافضل ,,, فاذا حبيت تعرف الدوري القوي شف منتخبه ... لكن الكره السعوديه محتاجه للاحتكااك بالكره الاوربيه ,,توسع مشاركاتها ... الكوره تطورت فلازم نوااكب هذا التطور ...

11_ مثلك الاعلى في الحياة غير الرسول صلى الله عليه وسلم؟

ابوووي هو مثلي الاعلى

12_ تكلّم عن اخوك زعيم هلالي من خلال ماتعرفه عنه والله الله بالتلميع

يعجبني فيك حماااسك .. وثقتك بنفسك ,, بس بعض الاحياان تتحمس واجد هههههههههه ,,, يا حبني لك يا بعدهم تقبل تحياتي ...

آية الله العظمى القناص قدس الله سرك ...

الله يعينك يارب

تبيني اقول اصعب موقف مر عليك ولا انثبر ..

هههههههههههههههههههههههههههههههههههههههههههههههههه هههههههه
هههههههههههههههههههههههههههههههههههههههههههههههههه ههههههه
هههههههههههههههههههههههههههههههههههههههههههههههههه ههههههه
هههههههههههههههههههههههههههههههههههههههههههههههههه ههههههه

اقووول الموقف هذااا ابيه يمووت معك ما احد يدري عنه الا انا وانت يعني انثبر :p

مدري اذا فيه اسئله ثانيه والا نختم

صبـــاح الخير ..
.
.
والله أخـــوي .. بالنسبة لي ماعندي أسئلة ثانيـــة..
بس فيه شي ودي أقولـــه..
.
.
اللــــــــــه يسعدكـــ.. مثل ما اسعدتنـــــا..
وبالتوفيــــق..

لحظة يالطيّب ماقضيت وراك مستعجل تونا


امّا الساحر ان شاء الله راح تشوفونه مع ترددي حول مقطع الفيديو الطويل لكن بحذر عنه اصحاب القلوب الضعيفة..!!


وش العلاقة بينك وبين القناص و Yasser 20 ؟


تراني مالحقت على الموضوع الا قبل شوي خلني انقنق عليك شوي


ماعندكم مخاوف من الاختراقات لاسمح الله؟


متى نشوفك عريس ان شاء الله؟


وش احسن مباراة محلية واحسن مباراة عالمية شفتها؟


ماتلاحظ ان قسم المجلس صار مضغوط وحنيذ؟ يعني كل المواضيع اللي الواحد مايدري وين يصرفها على طول في المجلس خاصة المواضيع الخفيفة والترفيهية او الاسلامية مع ان كل اللي ذكرتهم لهم اقسام خاصّة وصعبة يابعدي المنتدى مانشوف فيه الضحكة وصعبة نضحك في قسم مكتوب عليه للمواضيع الجادّة يعني لازم تنسيق وبعض الحزم في القوانين على اقسام الترفيه يعني راح اقول لك بعض القرارات اللي ممكن تتطبق على قسم الترفيه

مثلا مشاركات محددة مثلا 10 مشاركات في اليوم فقط في القسم علشان مانشوف ناس يخيمون فيه تقول روضة خريم

واي كلمة او زلّة انذار والثانية توقيف والثالثة مطرود من الملعب..!!

او يكون القسم مثل منتدى الزعيم مايدخله الا الاعضاء فقط


انا من رجع الليوان آخر مرة ماشاركت فيه كثير مثل قبل لاني عارف انه راح يطير وانت عارف الاسباب وماحبّيت مشاركاتي تكون حكر على قسم واحد تصير مشاركاتي على الله ثم عليه..!!

والكلام اللي قلته علشان المجلس ونخفف الضغط عليه شوي ياخي الموعود الله يذكره بالخير صار مثل كولينا بالكروت الحمر

ولاتهون اميرة الوجدان مشتغلة تقفيل

يعني اعتقد انّ الدعوة يبي لها حزم شوي وتمشي السالفة تمام من وجهة نظري ليس الا وحبيت ابينها وتكون مطروحة لكم وانتم ابخص واللي تبونه حنا معاكم ومن يدكم ذي ليدكم ذيك

ولا اطوّل عليك في أمان الله

موضوع مخالف للقوانين كـــرت احمـــر :D

زعيم هلالي كلاكيت ثاني مره :- هلا بك يا الغلا ..


لحظة يالطيّب ماقضيت وراك مستعجل تونا


امّا الساحر ان شاء الله راح تشوفونه مع ترددي حول مقطع الفيديو الطويل لكن بحذر عنه اصحاب القلوب الضعيفة..!!


وش العلاقة بينك وبين القناص و Yasser 20 ؟

القنااص :- خويي من 11 سنه وانا ويااه صحبه

Yasser 20 :- ولد عمتي ,,,


تراني مالحقت على الموضوع الا قبل شوي خلني انقنق عليك شوي

مقبلات يوم انك تنقنق علي ... الموضوع موضوعك يا بعدي حياك الله اكثر من مره عيت فراش وعين غطا

ماعندكم مخاوف من الاختراقات لاسمح الله؟

أكيد عندنا مخاووف منها ونتصدى لها بكل قوه ,,, والحامي رب العالمين

متى نشوفك عريس ان شاء الله؟

اما عريـــس هههههههههههه لا تخاااااف مطووووووووووول وبقوووه بعد

وش احسن مباراة محلية واحسن مباراة عالمية شفتها؟

نهائي كأس خادم الحرمين الشريفين بين الهلال والشباب .. هدف ابو عبدالله الي بكاناا يا شيخ سقا الله ذيك الاياام ...
عالميه ... نهائي دوري ابطال اوربا بين المان والبايرن يوم فاز المان 2 -1 في آخر الدقااايق اياام عز بيكام

ماتلاحظ ان قسم المجلس صار مضغوط وحنيذ؟ يعني كل المواضيع اللي الواحد مايدري وين يصرفها على طول في المجلس خاصة المواضيع الخفيفة والترفيهية او الاسلامية مع ان كل اللي ذكرتهم لهم اقسام خاصّة وصعبة يابعدي المنتدى مانشوف فيه الضحكة وصعبة نضحك في قسم مكتوب عليه للمواضيع الجادّة يعني لازم تنسيق وبعض الحزم في القوانين على اقسام الترفيه يعني راح اقول لك بعض القرارات اللي ممكن تتطبق على قسم الترفيه

شف يا بعدي ... كثرة الاقساام تظر بالموقع بشكل عاام او بالهدف الاساسي الي وضع له الموقع .. الموقع موقع شخصي لو كثرنا اقساام بيصير موقع عاام او ساحه عاامه اكثر من انه موع شخصي .... و المجلس فيه خطط ان شاء نبي نضبطه بحيل الي ما تنام عينه

مثلا مشاركات محددة مثلا 10 مشاركات في اليوم فقط في القسم علشان مانشوف ناس يخيمون فيه تقول روضة خريم

واي كلمة او زلّة انذار والثانية توقيف والثالثة مطرود من الملعب..!!

او يكون القسم مثل منتدى الزعيم مايدخله الا الاعضاء فقط


انا من رجع الليوان آخر مرة ماشاركت فيه كثير مثل قبل لاني عارف انه راح يطير وانت عارف الاسباب وماحبّيت مشاركاتي تكون حكر على قسم واحد تصير مشاركاتي على الله ثم عليه..!!

والكلام اللي قلته علشان المجلس ونخفف الضغط عليه شوي ياخي الموعود الله يذكره بالخير صار مثل كولينا بالكروت الحمر

ولاتهون اميرة الوجدان مشتغلة تقفيل

يعني اعتقد انّ الدعوة يبي لها حزم شوي وتمشي السالفة تمام من وجهة نظري ليس الا وحبيت ابينها وتكون مطروحة لكم وانتم ابخص واللي تبونه حنا معاكم ومن يدكم ذي ليدكم ذيك

ابشر بعزك كل شي رااح يترتب ويصير لأحين بإذن الله

وحياااااااااااك مرتن ثاااانيه يا بعدهم



المــزن الهلالي ... :

باللي اعرفه عنك انك مثال لشباب السعودي الواعي والمثقف والمتفتح تفتح راقي ..تكره التزمت وتكره التفتح الزائد عن اللزوم ..
ومثل هذي النوعيه من الشباب السعودي نادرة جدا"..ويسعدني اعرف رأي هذي النوعيه في الكثير من المواضيع ...مو عشان مثل هذي النوعيه كثير اتفق معها ولكن لاني تنظر للامور بمنظار عقلاني موزون ولا يستطيع احد فرض رأيه او التأثير عليها ..

واااوك كبيره ذي مثال للشاب السعودي مره وحده لا ابشرك نوعية الشباب الي قلتيهم كثااار وفيهم الخير والبركه
..
س/ رأيك في دخول المرأة المجال السياسي ؟!..

السياسي لازم يكون عنده ميزات متوفره فيه .. الذكاء .. سرعة البديهة ..... الثقافة .... الأسلوب ... الصبر .. مكر ودهاااء ... فهنا نقدر نقول هذا الانسان سياسي واذا توفرت هذي الميزات في المرأه ليش لأ .... والمرأه سياسيه يطبيعتها ... يعني الف رجال ما يقوون مره لكن مره تقوى الف رجااال ... :D




_هل انت من الرجال الذين يقبلون قرارا" من امرأة حتى لو كان على حساب قرار اتخذته انت ؟!!!

انا ما يهمني ان القرار صدر من امرأه او رجل قدر ما يهمني ان القرار المتخذ صحيح ... سواء في العمل ,, او العائله ... ما اهتم ممن صدر القرار منه لكن يهمني ان القرار صحيح ...


_ يقال اصعب شيء على المرأة انت ترى دموع الرجل ولو كان على هذه الدموع لاجلها ..فما اصعب شيء على الرجل ؟!!

اصعب شي على الرجل ان تشوف دموعه مرأه او بشكل اصح ان يشووف دمعته انسان ...

_ما رأيك في كل من ..

الكاتب/ مشاري الذايدي ..
متاابع له في الشرق الأوسط ما شاء الله عليه يملك حجه وقلم متمكن ...

تركي الدخيل ...

إعلامي مميز وكاتب متمكن ايضا ,,, مثقف ... وبعد يا هوو يحجر لخلق الله اذا سوا معهم لقااءاات .. وعلى فكره هو صااحب قلم سااخر ويضرب في الصميم الله يذكرك بالخير يا او عبدالله الصمرقع ,,,,,
عبد الله بن بخيت ..
نفس الكلام عن الذايدي ......

<-------- تعب وهو يكتب

جعفر عباس ..اذا كانك تقرا له
هههههههههههههههههههههههههههه يا حبي له هو كتباته هالزووول يوميا اقراا له في جريدة اليووم ويعجبني اذا قام يذب على نانسي عجرم وهيفااء وهبي والله يا هوو يشرشحهم شرشحه ....


اخيرا" المزن الهلالي >>>>>>>>>>>>>لاعاد امززززززززززززززززززززح لاتكفخني "

المزن الهلالي قد قلت فيك كلمه بس مدري اذا قريتيها في آخر مواضيعك ... ( الابداع مهوب غريب على المزن الهلالي مثل البطولات مهيب غريبه على الزعيم )

شاكرين ومقدرين تعبك معنا ..وتجاوبك الرائع على مدار يومين متتالين ..وشكرا" جزيلا" لاميرة الوجدان اللي اتاحت لنا الفرصه ..في هذا اللقاء وهذا شي يسعد الجميع هنا انهم يرون هذه الروح والتواصل من المراقبين وادراة الموقع مع الاعضاء وهذ شي يساهم في تكاتفنا وتعارفنا اكثر لنزداد تواصلنا كأسرة واحدة في هذا الملتقى الرائع ...

تستاهل ام وجدان <----- ( خلاها ام ) امزح تراااا

واسفه مرة اخرى على اني غثيتك باسئلتي بس والله وجودك والتعرف على شخصيتك مطمع لاي واحد ياروبن هود ...

عاادي متى ما بغيتي اسألي تحت امرك وامر الاعضاااء ... اما شخصيتي مطمــع فما اقول الا ايه هيــن

تقبل خالص شكري وتقديري ....

الشكر لك ولكل الاعضاااء

كتبه روبن هوود ذات نعاس
:D

هلا والله با المراقب حقنا

أول شي (كل عام وانت بخير)
ثانيا سلملي على الوالده الله يحفظها
وثالثا الف شكر لأميره الوجدان اللي اتاحه لنا الفرصه وايضا بدر اللي اقترح الفكره

سؤالي - او اسئلتي

أخوي روين احساسي أنك لست راضي عن الموقع طبعا الكل يرغب في الأفضل بس حاليا لست راضي ما رأيك؟
أيضا انا مع أختي ريميه اني جدا استغربت من شخصيتك يوم قربت من الأعضاء يوم الأذاعه والان بان روحك مرحه وخفيف دم
ماسر هذا ؟
اهذ من طبعك بعيد عن الانظار او من شيله الهم ؟
اخير وجه كلمه لللأعضاء

وأعتذر عن ازعا جي لك

ودمت لمن تحب