..
.
الجميع يفرح لقدومه..
الكل ينتظره كبيرهم وصغيرهم.
يوم العيد..
هو فرحه المسلمين عامه.
صغيرهم وكبيرهم..
غنيهم وفقيرهم..
أنثاهم وذكرهم..
رغم اختلاف مظاهر الاحتفال بهذا اليوم..
إلا أن المعنى واحد..
هو الفرحة لا غير..
ما معنى العيد بالنسبه لك؟
هل تنام ليله العيد ام تواصل حتى النهار؟
هل فرحة العيد بالنسبه لك الان كأيام الطفولة؟
موقف علق في ذاكرتك عن يوم العيد؟
كلمه بهذه المناسبه لمن توجهها؟
توته11
ما معنى العيد بالنسبه لك؟
العيد فرحه وبسمه وتوزيع حلاو وريالات +لحم بعيد الأضحى
هل تنام ليله العيد ام تواصل حتى النهار؟
بالنسبه للنوم حنا ما ودنا ننام بس تعرفين أهم شيء بالنسبه لي الصلاة ما افوتها وصعبه أروح مواصله وبما اني أكبر الأحفاد لازم أنام عشان المبزره كلهم يهجدون لا وجدتي لازم تنومنا عشان هي تحط حنا وتنام بدري
هل فرحة العيد بالنسبه لك الآن كأيام الطفولة؟
أكيد لا
بس ما أدري وش اللي تغير العيد وإلا حنا
موقف علق في ذاكرتك عن يوم العيد؟
ياكثر المواقف
يوم كنت بزر جدتي لعبت علي وخلتني أحط حنا وأنا ما أحبه
المهم اني قمت الصبح وأقعد بفراشي أنتظر أمي تقوم تغسله
وغسلته وأنا أناظر يدي ليه كذا وععع والناس بتطلع تصلي وأنا مسنتره عند المغسله خلصت الصابون ابيه يروح وعيا
كلمه بهذه المناسبه لمن توجهها؟
إلى من أمتلك قلبي ووجداني..
إلى الجميع في هذا الموقع الرائع..
" كل عام وأنتم بخير "
عنود الغيد
ما معنى العيد بالنسبه لك؟
فطور صباحي دسم .. صرخات الفرحه من الأطفال ..
هدايا وفلوس مع الكل و من الكل ..
يوم حافل جداً جداً ..
هل تنام ليله العيد أم تواصل حتى النهار؟
أواصل
هل فرحة العيد بالنسبه لك الآن كأيام الطفولة؟
لا أبداً
كل عيد يمر أبرد من اللي قبله بالنسبه لي
فرحه الاطفال يمكن تجدد فيني ذكريات العيد اول
موقف علق في ذاكرتك عن يوم العيد؟
خخخخخخخخخخخخخخخخخخخخخخخخخ مواقف كثيره
يمكن واحد منهم جا ع بالي الحين
كنا نجمع فلوس العيد و نطلع للبقاله بدون محد يدري و نشتري حب وولاعات ولاعات عشان الصواريخ و الطراطيع و الشروخه
ومره كنا مشتهين آيس كريم أنا وبنت خالتي .. في رابع العيد ..
وقد قضت فلوسنا ولا معنا إلا ريال مشقوق معنا نص و نص ضايع
والله و نروح للبقاله ونلف الريال عشان ما يبان انه مشقوق
و نآخذ آيسكريم ابو نص .. و عطينا الهندي الريال و انحشنا
كلمه بهذه المناسبه لمن توجهها؟
مر ثالث عيد .. وأنت بعيد
الله يغفر لك و يرحمك .. و يجمعنا بك في جنات النعيم
أحب أهني أعضاء القناص .. و القناص
بمناسبه العيد .. اعاده الله علينا جميعاً
مدحدر
ما معنى العيد بالنسبه لك؟
العيد فرحة وأجمل فرحة تجمع شمل آريب وبعيد .. سعدنا فيها ( يا سلام ) بيخلها فكرة جميلة بعد العيد ..
العيد فرحة وسعادة باجتماع العائلة ولقائهم وبشراء حلاويات العيد ، واحب أقول لـ شايبنا ( الله يطولنا بـ عمرهـ ) ترى الغرفة لـ حد الآن ما تغيرت خخخخخخـ ..
هل تنام ليله العيد أم تواصل حتى النهار؟
لا والله أنا من الناس اللي يواصلون حتى النهار ..
هل فرحة العيد بالنسبه لك الآن كأيام الطفولة؟
الصدق لا ..
فأيام الطفولة كان العيد وقتها أجمل وأحلى بكثير كثير وفرحتنا كانت أكبر وأوسع والبراءة وقتها مقطعه حالها ..
موقف علق في ذاكرتك عن يوم العيد؟
موقف صراحة لا يوجد ..!
كلمه بهذه المناسبه لمن توجهها؟
أوجة اسمى آيات التهاني والتبريكات للأمة الاسلامية عامة وللشعب السعودي الحبيب خاصة و لـ كابتنا الرائع والمبدع ياسر القحطاني و لـ أعضاء ومشرفين ومراقبين وضيوف أيضا ً منتدى القناص الغالي وأقول لهم :
كل عام والجميع بصحة وعافية وألف خير وأعادة الله علينا وعليكم ..
TAMeem
ما معنى العيد بالنسبه لك؟
بصراحة العيد بالنسبة لي صار يوم عادي زي باقي الايام ..
يعني ماعاد زي أول .. كل سنه عن سنه يصير فيها العيد أكثر برود وملل . .
هل تنام ليله العيد أم تواصل حتى النهار؟
لا , أنام .
هل فرحة العيد بالنسبه لك الآن كأيام الطفولة؟
لا طبعا .. أكيد فرحة الطفولة غير ..
خصوصا إن خالتي كان تدفنا ب100 ريال لكل واحد فينا يومنا صغار هههههههههه ..
الحين سحبت علينا
لا جد العيد أيام الطفولة كان له طعم ثاني ..
موقف علق في ذاكرتك عن يوم العيد؟
قصدك في يوم العيد
هذا الله يسلمك مره الوالدة العزيزة نكبتني نكبه ما انساها
في سنه من السنين يومني بالمتوسط تقريباً
قالت لي الوالدة تعال ادخل داخل عشان تسلم على جدتك الجوهرة
قلت لها اكيد مافيه الا هي داخل .. قالت ايه
انا صدقتها بما ان الوقت كان بدري .. ما ظني احد جا ..
الزبده وادخل ولا الشعب كله داخل حريم وبنات
..وجهي وقتها قلب عنابي فسفوري ..كل الوان الطيف طلعت بوجهي
<== العنابي مب من الوان الطيف الله يفلشك
وبس ..صراحة كان موقف محرج ..وقلت للوالدة لعد تعودنيها
كلمه بهذه المناسبه لمن توجهها؟
أوجهها لجميع الجماهير الهلالية عامة ..وأعضاء منتدى القناص خاصة ..
وأقولهم عيدكم مبارك .. وكل عام وأنتم بالف خير ..
مسلم التمياط
ما معنى العيد بالنسبه لك؟
يوم جميل وبالنسبة لي أسعد أيام السنة عندي للتواصل بين الاخوة والاصحاب
هل تنام ليله العيد أم تواصل حتى النهار؟
والله في الغالب أواصل .
هل فرحة العيد بالنسبه لك الآن كأيام الطفولة؟
لاوالله أول أفضل . لكن الحين العيال كبرت
موقف علق في ذاكرتك عن يوم العيد؟
منذ مبطي والجماعة مجمتعين يسلمون على بعض والوغدان لحالهم يطرقعون طراقيعهم قدام البيت وأنا جاي مطفي النور بطراقيعي (على قولة أغلب فئات المجمتع السعودي) وأحرقت ثوب 2 من العيال وفقعوا وجهي (لكن ترى هالكلام منذ مبطي) . والمشكلة فقعوا وجهي قدام ابوي والرجال . << ياشينها
كلمه بهذه المناسبه لمن توجهها؟
أقول تقبل الله صيامكم وقيامكم في رمضان . وكل عام والأمة العربية والإسلامية والقناصية بخير << الأخيرة دبلوماسية .
MaH
ما معنى العيد بالنسبه لك؟
بالنسبه للعيد شي عادي عندي هذاك أول لما كنا نحس فيه وطراطيع وصواريخ أما الحين اجلس بالمجلس سلم على فلان وسلم على فلان
هل تنام ليله العيد أم تواصل حتى النهار؟
أواصل واصلي العيد ثم أخلد الى النوم ..
هل فرحة العيد بالنسبه لك الآن كأيام الطفولة؟
لا أيام الطفوله يحس الواحد فيها بالعيد طرطعان وصواريخ الخ..
أما الحين مانحس فيها ننام أحسن
موقف علق في ذاكرتك عن يوم العيد؟
كان والدي حفظه الله يمنعني من شراء الصواريخ حتى ما اتعرض للخطر المهم أحد الأيام رحت اشتريت درزن كامل ماخذيت إلا أخوي الصغير يقول أمي تبيك
ورحت للبيت وكان أبوي جالس أنا كانت الصواريخ بيدي اخذتها وحطيتها بجيبي وجيبي ماهو شي صغير قال تعال تعال وهو ياخذ الصواريخ وانا
عاملي فيها ماهموني الصواريخ ويوم راح >> صياااااااح
رحت ابشتري من الدكان صواريخ كان الاقيه بالدكان يقول خليه ياخذ كل شي الا الصواريخ والطراطيع ....
كلمه بهذه المناسبه لمن توجهها؟
اسأل الله أن يبارك للجميع وخاصة أعضاء القناص
كل عام وانتم بخير وينعاد علينا وعليكم بالصحه والمنة والسلامة..
هلالكو
ما معنى العيد بالنسبه لك؟
أشكر الله أن أتمّ نعمته علينا بأن بلغنا شهر رمضان والله يجعلنا من المقبولين..
والعيد يعني لي الفرحه والبهجة وزيارة الاهل والأقارب والأصدقاء وتبادل التهاني بيننا.
هل تنام ليله العيد أم تواصل حتى النهار؟
الأعوام الماضيه كنت أواصل بس شكلي هذا العام بنام بإذن الله..
هل فرحة العيد بالنسبه لك الآن كأيام الطفولة؟
لا.. لأن أيام الطفولة لها نكة خاصه
أولا كنا نفرح بملابس العيد والعيديه وتكون هناك طلعات للبر ووسعة صدر
وكنت انتظر هذا اليوم للذهاب لديرتنا ( أشيقر ) للسلام على أجدادي وأقاربي
بكل اختصار العيد أيام الطفولة غيييييييير
كلمه بهذه المناسبه لمن توجهها؟
صراحه لا أتذكر أي موقف حصل لي في العيد لكن الموقف حصل لأحد..
أخواتي من زمااان عندما ذهبنا للبر وكان هناك هواء قوي وعندما ارادت..
النزول من السيارة ومن قوة الهواء إنصك الباب على إصبعها وتم علاجها..
والحمدلله..
كلمه بهذه المناسبه لمن توجهها؟
الكلمه أوجهها لي وللجميع..
أتمنى أن نكون قد إستغلينا هذا الشهر الفضيل بما ينفعنا في آخرتنا..
لأن الواحد لا يعلم إذا كان سيبلغ رمضان في العام القادم أو لا !..
كما أحب أن أستغل الفرصه وأهني والدتي أطال الله بعمرها بعيد الفطر المبارك..
وكل عام وجميع الأعضاء بخير وصحه وسلامه..
أعاده الله علينا وعليكم وعلى جميع المسلمين باليُمن والبركات..
No Way!
ما معنى العيد بالنسبه لك؟
الكشخه .. و .. اللبس .. و .. الروحه والجيـّه
وإنك تقعدين في وضع اللي يشوفك يقول تلعبين شجرة نملة
خخ كل شـوي .. " سلام ، سـلام " ..
:
لأ نروح للجد
هو طعم الفرحة .. والسعـادة
وجمعة الأهـل والأقـارب ،
مثل ماتعرفين الحين كثير ناس بدو يجفون .. " صلة الرحم " ..
فـ العيد صار يأتينا بـ مثابة إسترجــاع للتجمع العائلـي ..
في هاليوم المميز ،
يعني لي كثيـر ..
خصوصاً إذا شفت .. "ا لأطفال " .. وعنوان الفرحة بعيونهم ،
هل تنام ليله العيد ام تواصل حتى النهار؟
لأ ..
من خبرت نفسي وأنـاا أواصل
بس هالعيد ؟
ماظنيت أسويها
:
هل فرحة العيد بالنسبه لك الآن كأيام الطفولة؟
والله شوفي ،
الطفولة بكبرها شي تربـّع بكيانـي ..
وأحاسيس الطفولة البعض منها مازال موجود
اممم خليني أقولك إنها ذات الفرحة تقريباً ،
لأن مـن تشوفيـن العالــم مبسـوطة ..
لا شعورياً .. " تفرحيـن " .. معهمـ .. : )
والفرح يتوزع بينكم ، !
موقف علق في ذاكرتك عن يوم العيد؟
امممـ ، ماأذكر بالضبط
لأن كل عيـد نفـس روتيـن اللي قبلـه خخخخـ
فيه موقف صار لـ .. " بنت خالتي " .. الصغيـرة
كانت قاعدة تتفرج على اللي يشبون الألعاب النارية
والشروخ وهالأشيـااء
والعيال اللي معها مايحتاج انوااع الجفاسـة ..
واحد يسمع بالحماس والخوف بوقت واحـد ،
شـبّ الشروخـة .. ورماهـا علـيهــا ..
<< يسمع بالمزح ..
خخ الضعيفة شعرها من تحت إحتـرق .. : \
ليت عندي صورة كان نزلتها
بس القهر ماعندي إلا مقطع صوت وهي تدعي عليه
<<ليلها وصبحها كانت تدعي خخ ياحبيلهاا ،
كلمه بهذه المناسبه لمن توجهها؟
لكل اللي يعرفون نو واي .. / واللي يجهلونها ..
كل عام وانتوا بخيـر
وعساكم من عواده
الله يتقبل منا ومنكم قيامنـا .. و .. صيامنــا ..
جانكيز خان
ما معنى العيد بالنسبه لك؟
العيد قبل لايكون فرحة في شوفه الأصحاب والأحباب بالنسبة لي فرحة في استخراج الزكاة واسعاد المحتاجين اكثر من واحد اخر غير محتاج .
هل تنام ليله العيد أم تواصل حتى النهار؟
والله على حسب يعني حسب اليوم الي قبل يوم العيد : )
هل فرحة العيد بالنسبه لك الآن كأيام الطفولة؟
كـ فرحة في العيد .. أكيد مثل أيام الطفولة .. لكن كـ طبع .. اكيد تختلف الطباع
موقف علق في ذاكرتك عن يوم العيد؟
للأسف مااتذكر أي موقف حالياً ..
كلمه بهذه المناسبه لمن توجهها؟
في البداية اسأل الله أن يتقبل صيامنا وقيامنا في شهر رمضان المبارك والذي ذهب بسرعة البرق .. و ارجو من الله ان يعيننا على فعل طاعاته في بقية حياتنا ..
كما اقدم كل التهاني والافراح بمناسبة عيد الفطر السعيد وعساكم من عوادهـ وكل عام وانتم بألف خير ..
الشرطيه
ما معنى العيد بالنسبه لك؟
العيد فرحة إجبارية لامحاله على مر الزمان وتغير الظروف..فهو فرحه
هل تنام ليله العيد ام تواصل حتى النهار؟
أحاول أنام أو أتنيوم بس مستحيل مدري شعور من يومني صغيره
هل فرحة العيد بالنسبه لك الان كأيام الطفولة؟
لا طبعا بس بس هو فرحة >>عالاقل من اول مانزمل للمكياج واللبس
موقف علق في ذاكرتك عن يوم العيد؟
موقف؟؟
كثير وعليك الحساب بس يحضرني موقف حصل قبل العام آخ ياكرهه جهزت لبس للعيد وسنعت عمري وتكشخت بس البلوزه يبيله تصليح خفيف وديته لخياط يصلحه ليلة العيد ساعه ورجعت اخذه وجلس يدوره ابن الحلال ماقصر والله واخر شي اعترف انه معطيه وحده جت تاخذ ثياب من عنده وراحت للرياض كانت صدمه عالميه وصياح ونياح وكلن تحمس لي إلى ابوي خخخ ياكرهه من موقف
وابشركم جتن البلوزه بعد عطلة العيد وللحين ماطقت جلدي وصارت توبه قبل العيد بعشر ايام اجهز اللبس
كلمه بهذه المناسبه لمن توجهها؟
إلى الجميع ..واصلوا أعمال الخير وقراءة القرآن حتى بعد رمضان
فوالله سنجدها حين نحتاجها
وكل عام وأنتم بخير وصحه وسلامة
المزن الهلالي
ما معنى العيد بالنسبة لك؟
العيد ضحكةٌ طفل وجزاءُ عمل وثوابٌ لمن أحيا رمضان بلاكسل ..
وفرحةٌ بلمة الأصدقاء والأهل ..
- هل تنام ليله العيد ام تواصل حتى النهار؟
ماافيه أمل ..مع اني خلال السنتين اللي راحت نمت بعد الفجرشوي ..
بس تبين الجد حلاة العيد وطعمه بالسهر والمواصل
حتى الصواريح مااتحلى الا اذا كنت مواصلة وولعتها فجرالعيد
- هل فرحه العيد بالنسبة لك الآن كأيام الطفولة؟
الله لا يغيرها علينا .. العيد له فرحته وطعمه على كل الأزمان ..
ولو ان نكهته البريئة تبقى في ايام الطفولة أكيد
- موقف علق في ذاكرتك عن يوم العيد؟
زيارتنا لجدتي الله يرحمها في المستشفى يوم العيد ..كان عمري 9 سنوات وقتها ..وكان عيد غريب شوي اذكر اول مادخلنا كان الطاقم الطبي يعطون الصغار بلونات رايحه كنب اتفرج او اول مرة اشوف العيد ومن نهار اول يوم في مكان عام مثل مستشفى الله يشفي كل من على السرير الابيض ياكريم وتعيدهم من أهلهم يارب غير ويغفر لها ويرحمها ..
- كلمه بهذه المناسبة لمن توجهها؟
للوالد والوالدة ... الله يخليكم ويحفظكم ..
واقولهم "كل عام وأنتم أحلى عيدية من الرحمن"
ولأعضاء وعضوات القناص كلهم "من العايدين الفايزين" ان شاء الله ..
و"عساكم من عواده" ... لكل من قام على هذه المجلة الراقية واللي نتشرف بها على صفحات المجلس ..
.
اعداد : ^_^ دلوعه المنتدى ^_^ ,
.
.