. . لآزال لـ تلك الؤلؤة البراقه .. لمعانها الرآقي ذآت السطور و الأحرف الأنيقه .. لـ نمضى معها على أجنحة الشآدي هي صآحبة الجلاله .. بـ سطورها الخرآفيه محاسبه هلاليه .. اهلا بك ضيفه بالعدد الرابع من مجله القناص ياسر .. اهلين وسهلين فيكم ويسعدني ويشرفني اختاري كضيفه لهالمجله الرائعه بطاقتك الشخصيه لوسمحتي ؟ شابة سعودية <-احلفي وقصيميه الاصل حاصله على شهاده الباكالوريوس من قسم المحاسبة <-فرحانه فيها والنعم ومبرووووك وش بعد الجامعه وشهادة البكالوريس من طموحات ؟ والله طموحي خارجي بس تعرفين هالطموح امامه عوائق ما ندري يمكن المستقبل يحققها .. حاليا افكر في دراسه لغة ودورات وبعدها اذا ربي اعاني راح اكمل دراسات عليا بس عساني اصمل ما اهون بالتوفيق ان شاء الله رايك بالاعداد الاولى من المجله ؟َ صراحه فكره المجله فكره رائعه بالرغم من الصعوبه في عملها من جمع ومقابلات ومواضيع واخبار الا انها في كل مره تظهر بشكل مغاير وجديد .. كل الشكر لك يالغالية على هالمجهود اللي تبذليه وبالتوفيق لك ولمجلتك من خلال حوستي بملفك الشخصي الزاخر بالابداع لفت انتباهئ كذا قصيده لك .. من ضمنهم : مرت ثلاث وقلبي وعلومه ماشاء الله مبدعه في كل المجالات . خخخخخخخخخخخخخخخخـ اما مبدعه حلو التواضع .. بداياتك الشعريه كيف ؟ صراحه انا ما عندي اي نيه للكتابة ولا عمري فكرت فيها اقرى شعر..احب اسمع قصايد لكن اني اكتب ما يطلع مني اول مره مسكت فيها القلم كان بعد وفاة اخوي الله يرحمه واذكر كان شعور غريب ..وحسيت كان احد يقولي امسكي القلم وفجأة صرت اكتب وطلع معاي كم بيت قد تكون ضعيفه من ناحية الوزن وهالاشياء لكنها قوية ومعبره من ناحيه الوصف والمشاعر طبعا هالقصيده ما اطلع عليها احد وخاصه امي لاني ادري انها بتتأثر كثير وبعد هالقصيده بثلاث سنوات وفي نفس يوم وفاته رجعت وكتبت قصيدة مره ثلاث <-اخذت في نفسي مقلب وصرت اقول قصيده شاعرك المفضل ؟ طلال الرشيد الله يرحمه قصيده تعتبرينها صديقتك كل من ضاق صدرك قريتيها ؟ قصيده خالد الفيصل - تساوت عندي الدنيا تساوت اذا فيه امكانيه قصيده من كتاباتك حصريه للمجله ؟ خخخخخخخخخخخخخخخخخخخخخخخخخخخخخـ اقولك ترى باسوي امسية بعد هاللقاء اصفطي التواضع على جنب وهاتي قصيده بس واهم شي الاحساس وماشاء الله قصايدك ماعليها تجنن طيب <-ياعمري هي حبيبه مو قصيده وصراحه اني ما عدلت شئ عليها وناوية اعطيها نو وي تشوفها لكن عشان خطرك بانزلها بزينها وشينها ودي أصرخ وأبوح بخافي شعوري .. لولا الحيا لاكتب قصيد وبك لاغني.. ستة شهور وأنا في غربة تدري .. بين أهلي وربعي بس وين خلي .. طول هالشهور صورتك ما فارقتني .. ما أبي غيرك يواسيني و إنت همي .. الفرح أشوفه يمي ينتظرني ويغني .. والسعاده في كفوفك مدها واحتضني .. صح لسانك صح بدنك <-كذا يردون ايه محاسبه تتقبلين النقد ؟ بصدر رحب شفت لك رد على انتقاد المشرف [ماجد الصيخان] لصوره من تصوير ك بوصفها عاديه !! وكان ردك بان صورتك حلوه وغريبه ومو الكل يصورها ؟ ايوه تعليقك يعني اني ما اتقبل نقده ايوه لا والله انتقاد ماجد على راسي وعلى عيني وهالقسم بالذات اذا نزلت فيه ودي انتقد لاني ابي تقيم لعملي كونهم ماشا الله محترفين تصوير لكن رد ماجد هذا كان جاف مره وقال صورتك عادية و ليش تحطينها وكانت اول صوره لي بالقسم فعلقت وقلت انها ميب عادية وانا صادقه متحف على شكل بيت مقلوب ومو كلن يصورها يعني منظر غريب وفي مكان بعيد مو الكل يقدر يصورها هذا قصدي موقف طريف مستحيل تنسينه ؟ طريف والله ما ببالي شئ حاليا بس تو صار لي موقف قبل الفطور كنت اشتغل واحضر ..اخوي عازم زملاه وقاعدين في الملحق وكان خلاص بياذن فمستعجله رن التلفون الداخلي قلت الو قال كول ميري قلت وش تبي !! <-وانافخ احسبه اخوي قال كول ميري <-توهق الولد اثره صديقه قايل له اخوي دق وخل ميري تجي خخخخخخخخخخخخخخخخخ عاد انا استحيت في الولد وقلت طيب ان شا الله وش جديد محاسبه شو ؟ والله محاسبة شو اخذ راحه برمضان وبعد رمضان باذن الله راح يكون له عوده ..ترقبوها <-ياحبها للدعايات اقلام تشد انتباهك وتحرصين على متابعتها بالقناص ؟ الهرش - حالي الذوق - الفجر البعيد - السامي كسمو الهلال - حلاها سعودي - ريميه نشميه - عنود الغيد - الجمال النائم - حلمنا الوردي - مجنونه هلالية - نو وي - عطر الرحيل والكثير من المبديعن اللي يسمحون لي لو بعدد ما خلصت اختاري 3 اعضاء ووجهي لهم كلمه في خاطرك ؟ مجنونه هلالية اقولها فقدناك وينك عنود الغيد اقولها ابيك تعلميني فوتو يا اخت السبهه الجمال النائم وريميه نشميه <-نفس الشئ اقول يا ليتكم تآخذون من حرارتي شوي خخخخخخخخخخـ ولهم كلهم اقول احبكم كلمه اخيره؟ احب اشكرك يانورة على اتاحت هالفرصه للمشاركة ولو بشئ قليل بهالمجله الرائعه اللي مقصره بحقها ..الف شكر للجميع وان شا الله اكون ضيفه خفيفه على القراء . . فيصل والله محاسبه من اكوس البنات .. معها قلم مررهـ حلو .. <- كل هوا يعني وشسمه اقصد تمتلك قلم كتابي رووعهـ لها اسلوبها المميـّز والجذاب .. تمتلك فكرا رائعاً .. لتواجدها بالمنتدى طعم اخر .. وتضفي الكثير على فيصل وغيره من الاعضاء بما تقدمه . p21 بصراحه من افضل العضوات اللي مروا على منتدى القناص واتمنى توهجه يستمر ولاينقطع p21 . حــ سعودي ــلاها محـاسبـه من أروع الأشخاص اللي تشرفت بمعرفتهم بالنت قلب طاهر أبيض وتفكير عقلانـي.. واللـه لما أشوف محاسبـه وأكلمها أحس إنو لسـى الدنيا بخيـر بطيبتها وإخلاقها وتعاملها.. شخص رائـع بكل ماتحملـه الكلمـه وهي عارفـه أكيـد غلاتها عندي وهي من تكون بالنسبـه لحلاها.. اللـه يوفقـها إن شـاء اللـه حسوبــه . دنياك دنياي ( محاسبة هلالية ) هذا الإسم لفت نظري منذ بدايتها بدأت كاتبة جميلة و هاهي الآن من كبار الكتاب اللذين يفخر كل عضو بمنتديات ياسر القحطاني بوجودها بيننا ..ما جذبني إلى قلم محاسبة قبل إبداعها هو قوة أسلوبها و جماله و أخلاقها الرفيعة و خفة دمها و سمو تفكيرها محاسبة هلالية من الأسماء اللتي تفرض عليك إحترامها و محبتها من أول متابعة لأعمالها ..! ما يعجبني أيضا في محاسبة هلالية أنها إن أتت تأتي بكامل قوتها و لو لاحظنا في كل موضوع لمحاسبة أنها تبدأ بالفكرة الجميلة و ثم تتوجها بكتابتها و روعة تنسيقها من أعمالها ذات الأفكار الرائعة وكالة القناص للسفر و السياحة , موضوع النجاح , و وكثير لا يحضرني و لعل آخر موضوع لها عن حفظ القرآن كسبت منه الأجر و دبت في قلوب الأعضاء الروح الحماسية لحفظ القرآن في هذا الشهر الفضيل خير أمثلة .بإختصار يكون يوزر محاسبة بكتابة المواضيع كفيل لدخول أي متذوق لفن الكتابة الهادئة و الجميلة و لعله لا يخفى على الأغلبية روح محاسبة المرحة و الجميلة و خفة دمها و جهدها في إثراء قسم المجلس خاصة و الأقسام الأخرى عامة الكلام عن محاسبة كثير ..! من ناحيتي أرى محاسبة القلم النسائي الأول في الموقع من دون بخس قدر في البقية .و من ناحية أفضل موضوع لمحاسبة في وجهة نظري فالمقارنة صعبة فدائما هي تأتي بالأجمل و لكن سأغير صيغة السؤال بأكثر موضوع لها أثر فيني فإني سأقول موضوعها عن وداع سامي الجابر للملاعب, لأني رأيت فيه محاسبة بصدق عاطفتها و تأثرها لفقدان أسطورة آسياو فقدان أخيها رحمه الله و أسكنه فسيح جناته و إكتشفنا سر محبتها للسامي ..! أتمنى لها التوفيق من كل قلبي و أن تثرينا بروعتها كما هي دائما . .