* *
بسم الله الرحمن الرحيمـ ,
السلام عليكمـ جميعا
نكمل أحداث قصـة نايف وسوير
أقتباس ببيت [ جمانه ] !!
أم جمانه : يله جمانه امشي نروح السوبرماركت نشتري أغراض بعدين ارجعتس للبيت عشان صديقتس , وانا بروح لبيت خالتس ,
جمانه : طيب يمه هذاي بلبس عباتي ,
أم جمانه : ترا دقيقه وبطلع ,
جمانه : يله هذاي نزلت , وتراي بشتري أغراض لسهرتنا أنا وسوير ,
أم جمانه : اشري الي تبين بس انزلي ,
وفتحت أم جمانه الباب !!!!!!
الا تلقى قدامه سوير لابسه عباة , وسوير من الخوف شهقت بقوهـ , ونايف انحاش ,
اكنت هذي آخر أحداث الجزء الأول ,
ومن هنا نبدا الجزء الثاني ,
..
أم جمانة : هلا والله وغلا , هلا بتس والله !! , نور البيت !! بس موب أنتي قلتي الساعه 11 الوعد سوير : آآآ ... هاهـ أم جمانة : وش بتس يا بنيتي !! جمانة : سوير , هماتس قايلتن لي الساعه 11 بتجين , وراتس الحين جايه !! , الحين الساعه 9 ؟!
سوير : آآآْءءآآآْءء .. أم جمانة : ادخلي يا بنيتي ادخلي بس , ادخلي انتي وجمانة وانا بروح اتقظا عشان سهرتكمـ ,
جمانة : سوير !!! , وراتس انتي !!! , بسم الله عليتس !!! , ادخلي خلينا نسهر أنا وياتس , الظاهر انتس مشتاقت لي حيل أم جمانة : خلاص انتن ادخلوا وانا بروح أتقظا , اوكي ؟! ,
الجميع : اوكــي
[ بعدين دخلوا جمانة وسوير للبيت ] ,
جمانة : سوير ؟ وراتس يا حبيبتي , وش بتس مظيعه الوقت سوير : لا بس الظاهر اني غلطت بالوقت , حسبته الحين 11 < - - نصب جمانة : صار خير , عالعموم يله بس خلينا نقعد على منتديات القناص ونشوف روايه GuNmAn يقولون انه زينه < - - ما يمدح نفسه سوير : يله خلينا نشوف
[ وطبعا سوير كانت عايشه بألم كبييير ما احد يتصورهـ , لكن ما كانت تبي تظيق صدر جمانه ]
[ وقروا ورايتي , واخذوا لفـة على المنتدى ] صوت الجرس : طرررررن طرررررررررررن ,
جمانة : هذي أكيد أمي !! , بس غريبه هي معـه مفتـاح !!!
سوير ( خايفه ) : هاااااه , يمه يمه لا تفتحين جمانـة ( خايفه بعد ) : الله يستر بس منهو الي بيجينا الحين !!
[ وراحت سوير الشجاعه وفتحت الباب ]
[ تدرون من طلع] أم جمانة : وراكمـ سنه ما تفتحون , وبعدين تعالي يا جمانة , هذا إكرام الضيف تخلين سوير تفتح , وراتس ما فتحتي انتي يا مال الكسر قولي امين ,
جمانـة : لا بس خفنا من الي بيرن الجرس هالوقت , وانتي معتس مفتاح !! خفنا يمكن حرامي , وقامت سوير الشجاعـه وفتحت الباب ,
أم جمانة : تستاهلون كمـ مرهـ قلت لابوتس يزين الجرس ولا زينه , وانا كنت ناسيه مفتاحي
جمانة : طيب حنا وش دخلنا , أم جمانه : اندزلعي بس خوذي أغرضكم وروحوا , انا وراي مكياج عشان عرس خالتس ,
[ وأخذت جمانة عفش السهرهـ , وناظروا فلم وقظوا على كل شي قابل للأكل في بيت أبو نايف [ في نفس الوقت ]
[ نايف : يدخل البيت وهو خايف وزعلان , وماله خلق احد , ]
أم نايف : غريبه يا وليدي , هماك قايل انك تبي تروح العرس الساعه 9 ؟ الحين الساعه 9 ونص , وش ذا العرس الي يقعد نص ساعه بس ,
نايـف : لا يا يمـه أنا وأنا رايح للعرس حسيت إني تعبان ويبيلي أرتاح شوي , وأهمـ شي إني سلمت على المعرس ,
أم نايف : هو !! , وش بك يا وليدي !! , عسا ما بك شين تسايد !!
نايف : لا ان شاء الله يمـه , بس يبيلي ارتاح ,
[ وراح ودخل المسن وهو متيقن انه موب لاقي سوير بعد ما تركـه بورطـه ]
وقاعد يكلم نفسـه , ويلوم نفسه على الي حصل , وأنه موب مسامح نفسه لين ما يرجع سوير زي أول , لأنه متيقن بأن سوير معصبه عليه وما تبي تكلمه ولا تشوف رقعه وجهه [ نرجع لبيت جمانـه ,]
جوال سوير : طررررن طرررن ,
جمانة : يوووهـ أحرق علينا الفلم هالجوال , شوفي منهو الي يدق
سوير : يوووووووهـ البثرهـ ريم هي الي داقـه , خلينا نشوف وش تبي , الوووووووو , ريمـ !! سمي وش تبين !!
ريمـ : هلا سوير , وشلونتس
سوير : بخير يا مال الخير , وشلونتس انتي
ريمـ : بخير دام القمر بخير <- - مصلحه سوير : يؤ , ريم : الا ما قلتي لي يا سوير , انتي وينتس الحين ,
سوير : انا طالعـه لبيت جمانة , ليش !!
ريمـ : كويس , , اجل خلاص مسافـة السكـه وأكون عندكمـ , سوير : يووووووهـ , جمانة : وش بتس !!
سوير : ارتكبت خطأ شنيييييييع , قلت لريم انا عندتس والحين تبي تجي هي ,
جمانة : اووف منه هالبثرهـ , لازم اللقافه والبثارهـ ,
سوير : لاااااااااع تبي تقرق ما تخلينا نناظر فلمـ وأعرفه هالدووبا تاكل أكل موب صاحي < - - هذا الي هامه جمانة : وش نسوي عاد , الله بلانا بصديقتن مدري وش تبي ,
..
[ بعد 5 دقايق ]
جرس البيت : طررررررررن طرررررررررن ,
جمانة - سوير : جت البثرهـ
ريمـ : هلااااااااااا بالطش والرش والبيض المفقش سوير - جمانـة : هلا بتس
ريمـ : يله امشوا وراكم مقعديني برا , امشوا خلونا ندخل , والله يا انا عندي سوالييف , كثيييرهـ مرهـ
سوير - جمانة ( بنفسهم ) : , وش بيفكنا من سواليفه الحين [ جلسوا وناظروا الفلم , وريمـ تسولف وهم يناظرون الفلم ] جمانة : يله خلص الفلم خلونا نرقى للنت وندور على المنتديات ثانيـه ,
الحميع : يلــه
[ داروا على المنتديات وبعدين تعشوا ]
وجت الساعـه [2 ] ,
سوير : يله فمان الله ابوي عند الباب بيجي ياخذني ,
ريمـ - جمانة : فمان الكريم
ريمـ : وأنا هذا أبوي بيجي ياخذني بعد 5 دقايق جمانة : اوكي , اجل خلينا نناظر تلفزيون شوي نشوف وش فيه [مرت ساعـه وأبو ريمـ ما جا ]
جمانة : انتي متأكده ان ابوتس قال 5 دقايق وأبجي ؟
ريمـ : ايه يا بنت الحلال والله متأكدهـ ,
جمانة : طيب أجل وينه الحين ؟!
ريمـ : ترا بيجيتس الريموت على خشتس , أقول لتس ما ادري علمي علمتس !!
[ وبعد ساعه ثانيه الجرس : طرررررررررن
جمانة ( فرحانـه ) : هذا أكيد ابوتس , يله فمان الله ريم : فمان الكريم [ ببيت سوير ]
أم سوير : ما شاء الله , أخيرا جيتي , هاه وشلون العزيمه عساتس استانستي ؟!
سوير : والله الحمدلله وناسة , استانسنا وسولفنا وكلش ,
أم سوير : بعذركمـ , زاد انتي رايحـة من الساعه 9 للساعه 2 ,
سوير : طيب عن أذنتس يمه , تراي تعبانه ومالي خلق سواليف ,
أم سوير : وأنا من خبرتس وانتي ما غير تعبانـه ,
[ وراحت سوير ودخلت على الماسن حقه ]
..
[ مسن نايف ]
طننن تم تسجيل دخول [ سوير ]
نايف : هلا والله سوير : انت وش تبي يا واطي يا حقير يا جبان , هماك تقول لي وراتس رجال , ما شفت رجال والله ,
نايف : اعذريني والله , معليش من الروعه ما دريت الا ورجلي داعسه على آخر شي سوير : اعذرك , تبيني أعذرك أجل , طيب نشوفك على خير [ يا رجال ]
[ بلوك + ديليت ]
[ وراحت سوير تفظفظ عند أحمد ]
سوير : احمد أحمد : هلا وغلا , عيون أحمد سوير : هلا بك , وتسلم عيونك , أحمد : وشلونتس عساتس بخير !!
سوير : أبشرك بأتم صحه وعافيـه أحمد : دووم يا رب , سوير : يسلموو , شفت الحقير نايف وش سوا لي اليوم أحمد : وش سوا ؟!
سوير : قال لي انه يبي يطلع معي ... الخ
أحمد : ههههههههههههههه , هذاك معروف أنه جبااان , واخوف واحد مننا ,
سوير : ما عمري أكلمه هالحـقـير ,
أحمـد : هدي , هدي الوضـع , الحين انسي نايـف , تراهـ ما عندهـ سالفـه ,
سوير : يا خي خلاص صكر هالسالفه , تراهـ محومن تسبدي ,
أحمـد : ابشري , الا ما قلتي لي أخبار القمر ؟! سوير : يؤ يؤ أحـمـد : تسلملي هالخجلـه سوير : ... < - - مقطعها الخجل احـمـد : اوكي حبيب الألب , أنا بنام لأن بي نومـ , ولأن بكرهـ صلاهـ الجمعه وأبي اقومـ ,
سوير : نوم العوافي أحـمـد : وأحد ينسى القمر سوير : يؤ يؤ [ وفي يوم الجمعـه وتحديدا السـاعة 6 المغرب ]
[ أحمـد كان قاعد على النت من ساعتين يحتري سوير تدخل ]
وفجأهـ ..
طنننن تم تسجيل دخول [ سوير ] ,
أحـمـد : هلااااااا والله وغلا , سوير : هلا بك أحـمـد : وين الناس لي ساعتين احتريتس ما دخلتي سوير : أتغلى أحمد : والله لو انتس صادزهـ لا داخل ايدي مع الشاشه واخفتس كفح سوير : أحمد : ايه اشوا , والا كان وريتس شغلتس ,
سوير : طيب خلاص درينا , هاهـ وش اخبار الاهل عساهم بخير أحـمـد : الحمدلله والله كلهم بخير وصحـه وعافيه ,
سوير : اليوم تبي تروح يمين يسار ولا شي ؟!
أ حمد : ايه اليوم أبروح لم الشله , ببيت خويلد ,
سوير : يعني تبي تقابل وشسمه ذا , تبي تقابل نايف ,
احمد : أكيد يعني وش رايتس ؟!
سوير : قسم بالله ذا الجبان مدري وشلون تمشون معه
احمد : مثل ما انتي كنتي تمشين معه حنا نمشي معه ,
سوير : عالعموم انا بعد نص ساعه بطلع للسوق , والحين طالعه من المسن , عشان بتجهز احمد : الله معك سوير : يله فمان الله احمد : فمان الكريم [ وقعد أحمد شوي على النت بعدين راح لم بيت خالد عشان يسهرون هو وأخوياه ]
نايف – خالد – صالح : يالله ان تحييه , نور الملحق ,
أحمد : الله يحييكم ويبقيكم لعينن ترجيكم خالد : هاو ار يو خالد احمد : بخير الله يسلمك نايف : وين الناس معاد نشوفك
احمد : والله تعرف الدنيا انت عاد صالح : الظاهر طايحن لك بوحدهـ احمد : انا مدري ليش للحين ساكت لك وما جدعت عليك هالزمزميه على خشك ,
صالح : خلاص خلاص ابسكت , بس الظاهر طايحن لك بوحده ,
[ طراااااااااع < -- صوت الزمزميه بوجه صالح ]
احمد : عشان مره ثانيه لا قلت لك اسكت تسكت ,
صالح : اسف عمي< -- يحول تحسونه ضعيف خالد : حرام عليك , عورته كذا < -- احمد : امشوا بس أرقعكم سوني صالح – نايف – خالد : يدينا تعورنا < -- تصريف احمد : والله انكم نصابين بس ما تبون تترقعون ,
صالح : اصبروا بروح اتطيب
نايف : يا لييييييييل , شكلي باخذ كل اطيابك واجدعهن , اقعد بس ولا يكثر صالح : تيب احمد : شباب ما تشوفون وجه نايف , كأنه مهموم ولا شين شاغلن تفكيره ,
نايف : ( ما يرد يهوجس )
أحمد : ناااااايف , وراك ما ترد , وين سافرت نايف : هاااااااهـ ؟! , لا ولا شي
أحمد : لا يكون تفكر بحبيبة القلب
نايف : ترا للحين ما جتك زبيريه ,
صالح : شباب صدقوني أنه يفكر فيها , والله يفكر فيها
[ طااااااااااااااااااع < -- صوت الزبيريه على وجه صالح صالح : وأنا ما غير أتصفق اليوم , فمان الله , الشرهه علي الي اقعد معكم ,
الجميع : روحـة ولا رجعة ..
[ وقعدوا يسولفون وأكلوا العشا كالعاده وطلعوا ]
في مسن سوير
طننن تم تسجيل دخول [ أحمد ]
سوير : هلا والله بالطش والرش والبيض المفقش ,
أحمد : يتفقش على راستس ان شاء الله
سوير : وراك انت , لا يكون مالك خلقي ولا شي احمد : لا بس ازعجتينا كل ما ادخل بيض مفقش بيض مفقش س وير : هاهـ وش صار بينكم وبين نايف ؟! ما سوا شي ؟! ما قال لكم عن شي ؟!
احمد : تراتس ازعجتينا بوهـ , 24 ساعه نايف نايف , والله تراي مليت منه , كل شوي سيرته على لسانتس
سوير : لا والله وراك علي , بس أسال اشوف وش مسوي ,
احمد : طيب , برب شوي
سوير : تيت , بس أبيك تقول لنايف : ترا هجتك عني يوم يهج مالها داعي ,
احمد : أنا قلت برب ,
سوير : تيت , وأنا بعد بروح شوي وأرجع , بروح أناظر التلفزيون , برب
[ مكالمه بين أم جمانة وأم سوير ]
أم جمانة : هلا والله أم سوير ,
أم سوير : هلا بتس أكثر
أم جمانـه : وشلونتس عساتس بخير ؟!
أم سوير : ابشترتس بخير ونعمه والله , وشلونتس انتي
أم جمانه : بخير دامتس بخير , أنا براسي سالفه وودي أقول لتس إياهـ
أم سوير : تفضلي قولي , كلي اذان صاغيه أم جمانه : لاحظت سلوك سوير أمس ، موب طبيعي أبد , جمانة عازمتن سوير الساعـة 11 , وهي جتنا الساعـة 9 , ما أدري أنا وش السالفه
أم سوير : 11 !!!!!!!!! سوير قالت لي أن العزيمه الساعه 9 !!!!!!!!!
أم جمانه : غريبه !!!!!!!!! , لا يكون البنت ضاربه فيوزاتها ,
أم سوير : والله مدري عنها , أبوها هو الي موصلها ,
أم جمانه : اصبري اصبري , أنا أول ما فتحت الباب , كانت فيه سيارهـ عند باب بيتنا على ما اظن انها كراسيدا , تعرفين حقت مين ؟؟
أم سوير : عند ولد جيراننا كراسيدا , اسمه [ نايف ] بس موب شرط هو , فيه مليون كراسيدا
أم جمانه : أهاا , بس مدري وش موقفها عند باب بيتنا , وخصوصا بأن جيراننا ما عندهم كراسيدا وخصوصا يوم أنا فتحت الباب راح هج !!!!!
أم سوير : والله خوفتين , أنا بتصل على أم نايف وأشوف وش السالفه ؟!!!!!
أم جمانه : طيب أنا انتظرتس بآخر الاخبار ,
أم سوير : مع السلامه
[ مكالمه بين أم سوير وأم نايف ]
أم سوير : هلا والله أم نايف
أم نايف : هلا بتس والله
أم سوير : ابدخل على طول بالموضوع دون وشلونتس والحاجات ذي ,
أم نايف : خير !! عسى ما شر ؟!!
أم سوير : الشر ما يجيتس ان شاء الله , لا بس كنت بقول لتس نايف ولدتس كان برا البيت الساعه 9 الليل يوم الخميس ؟!
أم نايف : هو !! وراه هالتحقيق !! ايه كان برا البيت رايحن عرس خويه !! ليش ؟!
أم سوير : لا بس أسال , طيب أنتي متأكدهـ انه راح عرس خويه ؟!!
أم نايف : والله على حسب ما قال لي نايف , إيه متأكدهـ ,
أم سوير : انتي صح سيارهـ ولدتس كراسيدا , والباب الأيمن من ورا به صدمه ؟!!
أم نايف : ايه كراسيدا , والباب الوراني به صدمه قويـه , بس ليش هالاسئله تراتس خوفتيني !!
أم سوير : لا لاتخافين , ما به الا الخير ,
[ ورجعت أم سوير تدق على أم جمانه ]
أم سوير : هلا ام جموون , بسرعه ابيتس تعطيني أجوبه ,
أم جمانه : سمي سمي , وش اسئلتس ,
أم سوير : الباب الوراني لسيارهـ الكرسيدا كانت مصدوم ولا لا !!
أم جمانه : ايه كان مصدوم صدمه قويه بعد , ليش !!!
أم سوير : عرفت , صدقيني عرفت !!! الي بالسيارهـ كان نايف !!بس ما ندري والله ليش جاي هو !!
أم جمانة : ما ندري عنه , بس شوفي , ترا بنتس يوم سألناه وراهـ جت بدري ما ردت علينا قعدت تتع تع , ترا السالفه فيها إن , الله يستر بس !!
أم سوير : وأزيدتس من الشعر بيت , ترا أم نايف تقول أن نايف طالع من البيت الساعه 9 ,
أم جمانه : كذا السالفه طلعت كبيرهـ , أقول أنا بروح أشوف الشايب وش يبي ,
أم سوير : اوكي , اذنتس معتس ,
[ وراحت أم سوير لغرفة سوير تبي تساله عن نايف , والا تلقى المحادثه بين سوير وأحمد ]
وقرأت بالأخير
أقتباس سوير : تيت , بس أبيك تقول لنايف : ترا هجتك عني يوم يهج مالها داعي ,
أم سوير : بنت اللذين , أثره متواعده مع نايف !!! وبعدين منهو ذا أحمـد , أوريتس يا سويروووهـ والله ما أخليتس
سوييييييييييييييييييييييييييييييييييييير , تعالي يا بنت الـ *** <-- قناة السعوديه تشفر سوير : هاه يمه وش تبين
أم سوير : هويتي بجهنم قولي امين , تعالي فوق ابيتس بغرفتس ,
..
[ رقت سوير لم أمه ] ,,
سوير : سمي يمه وش تبين ,
أم سوير : أنتي وراتس قلتي لي أنا بروح بيت جمانه الساعه9 والعزيمه أصلا الساعه الساعه 11 ؟؟!! سوير : ءءءءءءءءءء , هاهـ أم سوير : ومنهو ذا الي تكلمنيه بالكمبيوتر ؟!اسمه أحمد , منهو أحمد ,
سوير : ءءءءآآآ , وشو ؟! أم سوير : وأنتي كنتي مخططه تبين تطلعين مع نايف صح ؟! خلاص تراتس انكشفتي , لا تبررين ,
سوير : وش دراتس , آآآ , قصدي ما كنت بطلع من قال لتس , أم سوير : تدرين من قال لي ؟! الي قال لي أحمد الي معتس تكلمنيه ,, انتي الي فضحتي عمرتس ,
سوير : ءءآآآ [ عشان تكملون الهوشه وتشوفون وش صار على سوير و أم وسير تابعونا بالجزء الثالث ]
تقبلوا خالص تحياتي ,, وأتمنى إن هذا الجزء [ المتواضع ] حاز على إعجابكمـ , GuNmAn
02-09-2007, 09:37 PM
رد: ][ نايـف وسويـر .. قصتهـم تحيـر ][ (( 1 ))
.. وبهديه ليآسر...!
العرض العادي
