والله اني عاذرتك , وفاهمتك ومقدرة شعورك ..!!
مريت بـ هـ المرحلة قبل العام ,, اووف كانت مرهقة نفسياً ..!!
انك مُطالبة بـ انك تيجيبين معدل عالي مايقل عن اللي كنتي تيجبينه بـ السنوات اللي راحت ..!!
انتي شاطرة ودافورة تجين على اخر سنة تخربينها..!!
متى يفهمووووون ان الـ 99% والـ 98% كنا نجيبها لاننا معتوقين من أسئلة الوزارة والا كان علووووم ..!!
بس نصيحتي لك ,
لا تشدين اعصاااااابك ابداً
ولا تفلينها وتطنشين الدنيا ...!!
خليك ريلكس وروقي وسوي اللي عليك ووكلي باقي امرك لـ ربي ..
وكذا راح تحسين بـ راحة مو طبيعية ... وانا مجربتها ...
وحدة من صديقاتي ماشاءالله عليها كانت دائما تجيب اعلى وحدة فينا ، من كثر ماكانت شادة اعصابها ومتوترة خسفت خسفة مو صاحية ..!!
تخيلي بعد الـ 99 كل سنة جابت 94% ..!!
صحيح هي حلوة ، بس ابدا مو مستواها ...!!
ووحدة ثانية الله يذكرها بـ الخير كانت موسعة الصدر بالحيل :p
واخرتها هي اللي انكبت وطاحت على راسها :(
وماقبلتها الا جامعة خاصة وبتخصص هي ماتبيه ..!!
مع كذا هذا كله ولا شي قدام الدراسة الجامعية ،
هي الاساس وهي الاهم ,, وثالث ثانوي اول خطوة في بدأ هـ المشوار
بـ اقولك كلمة من مجربة - اللي هي انا بـ سلامتي -
الحمدلله جبت نسبة عالية مرة في ثالث ثانوي ، تدخلني الطب لو بغيت ..!!
وكنت اعلى وحدة من صديقاتي ،
واقل درجة كنت جايبتها 95% في الرياضيات ..!!
مع كذا مافادتني بـ شي ..!!
دخلت قسم ما ابغاه - حاسب الي في كلية تربية -
بس ماكان قدامي الا هـ الخيار لاني تاخرت على تقديم الاوراق الرسمية بعد ماانقبلت في هندسة الديكور >> حلم الطفولة
وقعدت ادرس سنة كاملة وانا مغصوبة ، بس كان وجود صديقاتي يهون علي ..!!
وبعدها ؟
حملت مادة ..!!
متخيلة انا حملت مادة ..!!
طبعا كـ حال اي دافورة طبيعية جاني انهيار عصبي :D
بس بعد ماحملت مادة ثانية الترم الثاني جاني تبلد تمااااااااااما :p
والا الاسئلة ..!!
ياويلي من الاسئلة ..!!
الله يرضى على اسئلة الوزارة جنبها ...!!
قسسسسم بالله تتمنينها هذيك الساعة
وبعدين قامت والا قعدت الوزارة ماراح تطلع افكارها عن الكتاب ..!!
ليه خايفة كذا ...!!
احسن مما يجيك اختبار نهائي من 70 درجة فيه 8 اسئلة واحد بس فكرته من المنهج والـ 7 الباقية خاااااااااارجية تماااااااااااااااامااااااااااااااا
يعني لو تنطين على رجل ماحليتيها ...!!
وطبعاً ماقدرت اكمل بـ الحاسب ورحت قدمت بـ جامعة جديدة فتحت عندنا ،
اول ماانقبلت سحبت اوراقي من التربية ونقلت الجامعة الجديدة
احنا اول دفعة فيها ..!!
وبديت من اول سنة ..!!
وهذا انا قربت اخلصها ان شاءالله
ولسه قدامي 4 سنوات لانه مجموع دراستنا 5 سنوات ..!!
متخيلة ..!!
صديقاتي اللي كانو معي بحاسب بعد سنتين بـ يتخرجون ، ويُفترض اني معهم اتخرج
بس انا بقي لي 4 سنوات ع التخرج ..!!
بس كله يهون في سبيل اني راح ادخل التخصص اللي ابيه ان شاءالله ،
يعني ثالث ثانوي كانت البداية بس ..!!
واللي بعده هو المستقبل الحقيقي ،
شدي حيلك علشان تختارين المستقبل اللي تحبينه من قلبك ،
مااقولك كذا علشان اخوفك بـ العكس ابيك تشدين حيلك وانتي حاطة ببالك ان ثالث ثانوي مو هي نهاية التعب وهي الهدف وبس
لا ابد قدامك مستقبل حلو ان شاءالله ــ وهو يستاهل التضحية : )
22-05-2007, 05:36 PM
رد: ][ طالبة الثالث ثانوي ][
العرض العادي
