|
القصيم في عيون أبنائها ][جنادريه 22 ][..
منقطة القصيم تقع منطقة القصيم في وسط المملكة وشمالها منطقة حائل وغربها منطقة المدينة وجنوبها منطقة الرياض . ومدنها الرئيسية هي بريدة وعنيزة. تقع بريدة في مسافة متساوية من البحر الأحمر في الغربي والخليج العربي في الشرق . وهي العاصمة الإدارية لمنطقة القصيم وتقع جنبها وادي الرماح الذي يعتبر أكبر وادي بالمملكة وتحيط بها الكثبان الرمليةالذهبية وتزينها الخضرة وجداول المياه العذبة . وتشتهر بالزراعـة لخصوبـة أرضها وتزرع فيهـا أجود أنواع النخيل والحبوب والخضار والحمضيات . وتوفر في مدينة البكيرية مجموعة من المقومات بأن تكون المدينة المحمية الأولى بالمملكة وواحدة من أفضل ألف مدينة على مستوى العالم حيث تم إختيارها من قبل منظمة الصحة العالمية ووزارة الصحة لتتبوأ هذه المكانة الراقية. ومن المدن الأخرى في المنطقة هي الرس والمذنب والبدائع والأسياح وغيرها .. العلاقة بين القصيم وانجلترا ...!! اللهجه القصيميه تستخدم كلمات انجليزيه وذلك من تأثير السفر لبريطانيا من قبل جدانا الأوائل خخخخخخخ واحيانا يكون تشابه بالنطق فقط بدون المعنى : الكلمة الاولى قوووه GO قووه ليست قوة بمعنى طاقة تعني: هيّا وهي من اكثر الكلمات القصيميةاستخداماً وشيوعاً مثال على ذلك :يقول الاب لابنه قووه نروح نسلم على عمك يعني :هيا بنا نذهب ونسلم على عمك الكلمة الثانية: هماي AM I وهي من صيغة من صيغ السؤال ومعناها: الم؟وليس ألم بمعنى وجع مثال على ذلك: يقول الاب لابنه: هماي قايلك جب جريدة اليوم؟؟ ومعناه : ألم اقل لك ان تأتي بجريدة اليوم؟؟ الكلمة الثالثة ييّزي EASY اختلف علماءاللغة في معناها ولكن الاصح هو خلاص او يسد او بس مثال على ذلك: تقول الام لولدها الدب: بس ياوليدي ييزي اكل صاير كنك بقره :d ومعنى الجملة: توقف يابني عن الاكل , خلاص لقد اصبحت كأنك بقرة ونرى انه هناك اختلاف في المعنى القصيمي والمعنى الانجليزي حيث انها في الانجليزي تعني بسيط او سهل ورجح العلماء الاختلاف هوبسبب ظروف التعرية والتصحر:d الكلمة الرابعة هوّ OH وهي اسلوب وصيغة من صيغ التعجب ويجب ان يأتي بعدها سؤال في اغلب الاحيان فمثلا تقول الام لابنتها النائمه: هوّ!! وراتس مارحتي الجامعة اليوم؟؟؟ معنى ذلك : لماذا لم تذهبي للجامعة اليوم؟!! وعلل علماء اللغه ان (( هوّ )) عكس مرادفها الانجليزي وذلك لانه المعروف بان اللغة العربية تبدا من اليمين لليسار بعكس اللغه الانجليزية التي تبدا من اليسارلليمين فأدى ذلك الى عكس الكلمةكلياً الكلمة الخامسة كوُد CODE وهي احدى اخواتك ان وهي اسلوب من اساليب التمنى والتوأم الروحي لكلمة (ليت) ويضاف اليها احيانا الضمائر ويتيبن انه معنى الكلمة يختلف عن معناها الانجليزي والسبب في ان القصمان بسيطين وحبيبين وماعندهم تشفير وارقام سريه :d وخرابيط قالوا خل نخليها اسلوب من اساليب التمني ومعناها:ياليت ومثال على ذلك : تقول الام لابنها الدلخ :d : كودك ياوليدي تطلع الاول ومعنى الجملة: ياليتك يابني تصبح الاول الكلمه السادسه نيم name نيم بمعنى ( نائم )...حذفت الالف وقلبت الهمزة الى ياء للتخفيف.. تقول الام لابنتها: وين اخوتس؟؟...تقول البنت: مدري يماه بس الظاهر انه نيم.. معناها:انه نايم الكلمه السابعه إيت eat إيت بمعنى( تعال) تقول الأم لبنتهاايتي عندي هنيا... بمعنى:تعالي بجواري اوالى بجانبي.. الكلمه الثامنه : يويق You egg يويق او كما تلفظ ( يويدز)بمعنى : ينظرالى الشي بخلسه تقول البنت لامها: يماه شوفي ولد الجيران يويدز علي ..:d وظل اللغز حائراَ كيف استوحى اهالي القصيم هذه الكلمة من البيض... ورجح احد العلماء ان الشخص الذي يويق يكون ذليلاَ وتصير خشته كبر البيضه.. ومعناها ينظر الى الكلمه العاشرة سادّ sad بمعنى : تستاهل او هذا جزاؤك... تقول الام لابنها الشيطاني عندما طاح من السرير: سادّه قليل الحيا هذا اللي مايسمع الكلام... بمعنى: هذا جزاؤك ايها الاخرق عندما لاتسمع الكلام... وعلل علماء اللغه ان الشخص بعد ان يأخذ جزاؤه يغلب عليه الحزن والاسى لذلك استوحى القصمان هذه الكلمة من sad pb189 :d هذه اشهر الكلمات باللهجه القصيميه المتشابهه مع الانجليزيه كلمات أخرى مشهورة : كلمة (وينهوبوه) هذه الكلمه لها مدلولات خاصه فقد ذكر العلماء انها اصل اللغه العربيه لما تحمله فيطياتها الشئ الكثير فهي صيغة سؤال...تسأل عن المكان والزمان في آن واحد... :d (أويلاه) وهي صيغةمن صيغ الترجي والادب الرفيع حيث يقول الشخص لراعي البقاله: اويلاه عطن خبزبثلاثتريل... بمعنى : لو سمحت اعطني خبزاَ بثلاث ريالات.. كلمة ( مير) وهيكلمة تكون جواب لفعل الشرط او بمعنى لكن ... يقول الولد لابيه: رحت البقاله يباه... مير القاها صاكه.. بمعنى: ذهبت الى السوبر ماركت ولكنني وجدتها مقفله... كلمة (يابعدي ياعرزي):d pb189 تفيد الاستجداء .. أشهر علماء القصيم : *الشيخ عبدالرحمن ناصر السعدي من أشهر علماء الجزيرة العربية إمام الجامع الكبير بعنيزة ألف الكثير من المؤلفات والكتب الشرعية والتي تربو على ثلاثين مؤلف كما قام بالتدريس بحلقات العلم بالجامع الكبير بعنيزة توفي عام 1376 هـ. * الشيخ محمد بن صالح العثيمين من أشهر علماء العالم الإسلامي ويعد مرجعا فقهيا لكثير من طلاب العلم الذين أخذوا بالتوافد عليه للدراسة وطلب العلم حيث كان يقيم دروس في المسجد الجامع بعنيزة ودرس على يده الكثير من طلبة العلم من جميع بلاد العالم عمل بالتدريس بجامعة الإمام محمد بن سعود الإسلامية كما كان خطيبا وإمام للجامع الكبير بعنيزه له الكثير من المؤلفات والكتب والفتاوى توفي عام 1421 هـ. P9 _ رحمهم الله جميعا _ أبناء ورجالات القصيم : * أول طبيب سعودي من أبناء عنيزة . * تولى أبناء القصيم العديد من المناصب فمنهم الوزراء و السفراء . أمثال قصيمية : * تعبر بأم شوشه الين تجيك المنقوشه :d * قال دوك خير قال ماتشيلة مخباتي قال دوك شر قال تشيلة عباتي !! p6 * المشتهي يقطع المستوي * طرار ويتشرط * ماطاح من النجوم خف لسماء <<اعجبني P9 أندية رياضية قصيمية : * التعاون مابوه مثلوه بالقصيم:d * الرائد * النجمة * العربي * الحزم http://www.yaser20.com/vb/attachment...3&d=1171503557 صـــور هذه بعض المعلومات اللي تم جمعها ع السريع .. انتظر تفاعل القناصين القصمان ..:d واضافة مالديهم .. ولي عودة باذن الله بالجديد ..P9 http://www.yaser20.com/vb/attachment...3&d=1171503557 |
رد: القصيم في عيون أبنائها ][جنادريه 22 ][..
اتشرف باني اول قصيمي يرد عليك
احب اصحح لك كلمه وهي كود ماتعني ليت تعني لازم مثلا الابو يقول لولده كود اروح بكرى معك للمدرسه يعني لازم اروح بكرى معك للمدرسه ونسيتي تكتبين مشايخ بريده ومن اهمهم الشيخ القرعاوي مجدد الدعوه ومشكوووووووووووووووووره على الكلمات الحلوه لانها قصيميه |
رد: القصيم في عيون أبنائها ][جنادريه 22 ][..
*
* ابو نجلاء .. اهلين فيك اخوي .. بالنسبة لمعنى كود ما ادري أنا احس انه صح .. وان كنت مقله باللهجه القصيمية .. أما بالنسبة لنسياني للشيخ الفاضل القرعاوي فأنا ماذكرت شئ اساسا الموضوع كله يحتاج اضافات اتمنى منكم اثرائه للوصول للشكل المطلوب .. تحياتي لك .. شرفتني بحضورك .. |
رد: القصيم في عيون أبنائها ][جنادريه 22 ][..
ياحبي للقصيم P9 واهلها P9 وريحتها P9 وكل شئ فيها P9
P9 P9 P9 P9 P9 هذي بعض المصطلحات القصيميه .. فيها كلمات قديمه مانقولها الحين .. وفيه كلمات نستخدمها الى الحين تسذا : المعنى واضح يعني كذا ولازم تقولها وانت ماد براطمك لتحت :d ..! اغديه او اغديها : يعني كوده او كودها < يعني بيفهمون الثانيه p6 : مثل مايقول الأبو لولده التسبير "رح ادرس كود اخوانك يغارون منك ويذاكرون" او رح ادرس اغديك تنجح باتسر وتطلع دختور ..! صزز : يعني صدق .! منهو : من هو وانتهينا ..! اشبك البلا فشكلك : عفواً هذي حجازيه مهيب لنا p6 مهيب ولا مهوب : بالعربي ( ليس) مثل "هذا التفترمهوب لتس يانوير هذا التفتر لأختس منيـّر " هقوتي : يعني (أظن) مثل "هقوتي انه هنيا" توحي : تسمع .. اذا جيت تسلم على شايبن من شيبانكم تهز على راسه وتقوله مساك الله بالخير بيقولك وشووووو ؟! بتقوله أنت توحي (وسط اذنه على يسمعك) وبيقولك من انت ولد...الخ" جغمه : يعني جغمه ..! امصع : يعني اسحب بقووووه مثل الأم اذا قالت لولدها تراني بمصع اذنك اذا ما درست ..! يدربي : يعني يدحرج .. مثل واحد من الشباب اسمه مدربي رويسه P3 زبوريه : نوع من النعال ( الله يكرمكم ) وهو أحسن مبيد للصوارير والبعارصى والحشرات الزاحفه الأخرى :d سرسري : يعني سربوت يعني داشر .. يعني صايع في الشوارع وهو أسهل واحد يطيح في التتن ..! برندا : ميرندا سماط : يعني سفره p6 :d ملاس : ننتسب به الغداء .. ويُستخدم بعض الاوقات لجلد البزارين :d ..! اولاااااه : اداة ترجي << لاحظ لازم المط :d يويدز : يعني يويدز .. يعني يطل بالعربي ..! ترم ترم : فلم كرتون نسميه من أول ترم ترم وبعض البزران يسميه أبو تتنه (اللهم لك الحمد p6 ) وغيرهم يسميه أبو ذنب(اللهم لك الحمد p6 ) وعيال النعمه يسمونه النمر الوردي ..! انقلع + اذلف : فارق وشذا : ماهذا ؟ جغفه : يعني بوسه تسبيره مخلوطة بشوية سعابيل :d ..! ويعطيكـ العافية محاسبة ماقصرتي BBP |
رد: القصيم في عيون أبنائها ][جنادريه 22 ][..
دقايق بس وارجع لكم
محاسبه قوي الموضوع :$ |
رد: القصيم في عيون أبنائها ][جنادريه 22 ][..
*
* ابو طلال .. صباح الخير ..BBP ههههههههههههههههههههههههههههه شكيت في البداية قلت عسى مانيب نايمة p6 ذكرتني بوحدة الله يذكرها بالخير (نوير ) P9 صدق !!:d هههههههههههههههههههههههههههههههههههههههههههههههههه واحنا نسميه (بنك بانثر) وش نصير :$ ابوطلال .. مشكور ع المشاركة الرائعه .. وسعت صدري الله يوسع صدرك .. |
رد: القصيم في عيون أبنائها ][جنادريه 22 ][..
*
* ابو سلطان .. صباح الخير ..BBP الله يحيك ..الموضوع موضوعك .. بس بنام اذا صحيت شفت الردود اعذروني تعبت من جد BBP |
رد: القصيم في عيون أبنائها ][جنادريه 22 ][..
القصيم P9
الخوال مانقدر نقول شي : ) كلها ملح وقبله اشتهرت بطيبة أهلها واشتهرت ببرج بريده " المصاصه " وبدوارت الرس الكثيرات وباريس نجد <- ايه طيب :$ بتكلم شوي عن بريده <- مسقط راس المملوح ابو تلو لو مافيها الا شارع الخبيب وطلعة الجرده لكفى :d بصراحة هالمدينة تطورت بشكل رهيب وبوقت قصير جدا صرنا نشوف المجمعات والمطاعم واشياء راقيه وحلوة بصراحه <-- P9 واغلب مدن القصيم كذا ولكن لعل بريدة الابرز P9 طبعا راح اخلى الفرص للي بعدي يتكلم عن القصيم اكثر وباسهاب لان لا رد واحد ولا حتى ميه تكفي خخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخخخخخخخخخخ عنيفه هالفقره مهيب تسذا الصحيح كذا " صمااااااااااااااااط " :d وتراك نسيت شي تكان : اي دكان طولت عليكم واستمصلت شوي :$ خذوا المايك |
رد: القصيم في عيون أبنائها ][جنادريه 22 ][..
بالنسبه لكود انا متاكد انها لازم اولاه هي ياليت وقالها ابوطلال
هلا والله ابي اضيف بعض الكلمات منبطح + منجطل = منسدح وخزياه = وعيباه الوفك بالسوق =احلتك في الشارع ارميك ازهم = اتصل اندزلع +طس + فاردز =ابعد توتس =خوذي الحزه بتشديد الزاء = الوقت مثلا حزت المغرب يعني وقت المغرب تعقب =تكذب دي =ملاعبه الاطفال اكتلوه =اضربه بقوه ولا تاخذك فيه الاَ ولاذمه مصط = سقط بدون ارادته تحرونه = يمكن دهدره = خبل زته بتشديد التاء =دفعه فلقوه =اصاب راسه بهواو =بكيفه ولا يناقشه احد نحوت = ينضل قرمبعه =سياره قديييييييمه يكوح = ينثر يلفز = يدس ويخبي في مكان غير ملاحظ يهمز =يدلكه حتى يرتاح يخقل = يضرب برجله يتدودل = ما لقيت مرادف للقصمان فقط زمل =خااااااااايف حول بتشديد وكسر الواو =انزل الفعك =اسطرك زمه = شله غمى = سقف يمحش = يمسح مايواطنه = مايدانيه وهذي جزء من الكلمات اللي اعرفها |
P9 انا بقول عن عنيـزهـ .. بس موب الحيــن .. حلو الموضوع .. احسن موضوع شفته بحياتي <- ماتعرف تجامل ابد :d قفـله .. " كذب ياعنيـزهـ منتي باريس نجد .. باريس اصلا ً هي عنيـزهـ فرنسـا " محاسبـه .. BBP |
رد: القصيم في عيون أبنائها ][جنادريه 22 ][..
ْ
ْ آه بس على القصيم واهلها .. ما نقدر نوصفهم .. اهل الكرم .. اهل القيم .. اهل الاخلاق واهل الاخترام .. وآه على عنيزة .. آه على باريس نجد .. ارض الجمال .. أرض التراث .. محاسبة هلالية .. تسلمين على الموضوع :) |
رد: القصيم في عيون أبنائها ][جنادريه 22 ][..
احم احم p30 يا حبيل القصمان بس :$ شكلك تقصد البدائع p10 هع هع بس وراكم نسيتوا رياض الخبراء ونادي الجواء p14 اخبرها دوتس مهوب توتس :TN الف شكر لك عـ الموضوع CC p30 P9 وكلش عاد ولا القصمان P9 p30 |
رد: القصيم في عيون أبنائها ][جنادريه 22 ][..
*
* القصيم . لاناقة لي فيها ولاجمل . اللهم انها احد ديار الوطن الغالي P9 وعلى طاري القصيم وبعض المصطلحات القصيميه . اذكر واحد حكى علي والله اني مدري وش قال بالنسبه لي رطينه :d يشبك جمله كامله في مخرج نطق واحد p18 ( شفرات ) لكن يبقون اهل القصيم من الناس الكويسين اوي , ماشفنا منهم الا كل خيــرP9 وهذا موقف لي مع قصيمي ايام المتوسط كنت اختبر .اختبار نهائي . المهم اني فاهي ورايح فيها . ولا نيب لم دراسه:d شافني ماعندي ماعندي جدتي . قال انت يالداج بتعرف تحل والا تسذا تقلب راسك :d قلت شوفة عينك .. هو خذ القلم وشخط على الاختيارات الصح . وقال يالله انجز . ( يعني رح )P9 عاد اذا جينا لتراث القصيم . هم ابخص فيه . لكن يشهد لهم التاريح بذالك p18 والكليجا حكاية ثانيه :d وبسبتها فتحوا ركن حلويات القصيم :d * * محاسبه احس اني خبصت موضوعك :$ لكن موضوع بطل . ورائع وتسلم يمينك |
رد: القصيم في عيون أبنائها ][جنادريه 22 ][..
^^^^^
الاسهم لـ ابوسلطان دوارات ولا مطاعم كأن مالهم بيوت يطبخون فيهن:d بعدين دوراتهم تهبل كلها 8 مدري 9 دوارات بس :d <تسني اشوف ابوسلطان يقول خلاص يسد من كبر الرس علشان يصير فيها 9 صارت كلها دوارات بس اهم شيء انها احسن من بريده <اويلااااااه :d P9 P9 الـــــــــــــــــرس P9 P9 الرس : ـ بفتح اوله والتشديد ـ البئر القديم ، والرس المعدن ، والرس إصلاح مابين القوم . ـ تقع جنوب غربي منطقه القصيم ، وتعد بالوقت الحاضر ثالث اهم مدن القصيم بعد بريده وعنيزه . ـ وتبعد عن بريدة 90كيلو وعن الرياض 400كيلو . وعن المدينة المنورة 450كيلو وعن مكة المكرمة 800كيلو . ـ يوجد بالرس مجموعة من المواقع الاثرية التي لاتزال موجودة منها: (الجندل) ، (مقصورةباب الامير) ، (مقبرة الشهدا)، (برج الشنانة) ، (عبيل الماء) ، (عبيل المرو) ، (بهجة) ـ من الامثال الشعبيه المعروفه : ـ العنز سارحة والتيس بالدار :d ـ التحويل من اول الدرجه ولا من آخره :d ـ الاول عند ربه مغول ، والتالي عند ربه غالي P9 ـ اللي ما عنده واسطه مثل النخله الماسطه :d ـ إذا انت امير وانا امير من يسوق الحمير :d ـ راحت تروي واعرست :d ـ شر وعيش(ن) مر ـ لايحلت ولا يجمع حصى :d ـ ليتنا من حجنا سالمين ـ هو هو حمود راح للشام وجاء :d ـ وش علم البقر رقي الطوايا :d ـ الاسماء وتصغيرها : كل واحد من افراد الاسره له كنيه خاصه به او اسم مصغر لاسمه وهذا التصغير ليس للتحقير ولكن للتميلح او التدليل وزمان قليل ينادون احد بأسمه لازم التصغير لحد مايعرس الواحد بعدين ينادونه بأسمه:d وهذه العاده موجوده عند اهل نجد عموما مثل : ـ محمد P9 ( ابوحميد ، محيميد ) ـ عبدالله ( العبدي ، عبيد ) ـ سليمان ( السلمي ، سلمنه ، سلوم P9 ) ـ عبدالعزيز P9 ( عزيز ، عزوز P9 ) ـ ناصر P9 (النصري ، نويصر ، نصور ) ـ إبراهيم :d ( برهوم ، بريه ، هومي << من عندي هذي :d ) ـ فاطمه P9 ( الفطمي ، فطوم ، فطيمه :d ) ـ نوره P9 ( نوير ، النوري ) وهذا كل شيء عندي ومشكوره محاسبه على الموضوع CC |
رد: القصيم في عيون أبنائها ][جنادريه 22 ][..
مشكووووره عالموضوع الرائع
ويكفي انه عن القصيم تسلمين محاسبه عوافي |
رد: القصيم في عيون أبنائها ][جنادريه 22 ][..
ولايمكن الحديث عن بريدة بمعزل عن منطقة القصيم ،ومن المعروف انه اول ما يقال منطقة القصيم أو مدينة القصيم يتبادر الى الذهن مدينة بريدةمباشرة لانها هي قلب القصيم النابض وعاصمته وهي ثاني مدن المنطقة الوسطى بعد الرياض P9
قوووويهp6 كلمه جديده:d عوافـــي اختي ع الموضوع الرائع وتسلمين لنا CC |
رد: القصيم في عيون أبنائها ][جنادريه 22 ][..
محاسبه جبتيها على الوتر الحساس P9 القصيم P9 وما ادراك مالـقصيم P9 احسن ديره بالعالم الي بالدنيا :$ واهله الي هم حنا احسن ناس بالناس :$ احبتس يا ديرتي P9 :$ وقسم ترى امسك خط واروح القصيم الحين :$ عوافي محاسبه BBP ياخي احبك :$ P9 |
رد: القصيم في عيون أبنائها ][جنادريه 22 ][..
هلا فيك محاسبة ولا موضوع روعة تسلمين والله
ويكفي أنه عن القصيم p30 وبتكلم عن مدينة عنيزة بعد أذنك : عنيزة أحد مدن القصيم المهمة وهي مدينة تاريخية قديمة اكتسبت أهميتها منذ القدم بسبب موقعها الجغرافي المميز فهي تقع في الجزء الشمالي الأوسط من هضبة نجد إلى الجنوب من مجرى وادي الرمه أكبر أودية شبه الجزيرة العربية حيث تحيط بها كثبان رملية من الشمال والغرب تسمى رمال الغميس بينما يقع إلى الجنوب منها رمال وغابات الغضاء في منطقة الشقيقة عنيزة مدينة تاريخية قديمة عرفت منذ القدم ويدل على ذلك ورود اسمها في كثير من أشعار العصر الجاهلي سبب تسمية عنيزة بهذا الإسم يرجع الكثيرين سبب تسمية عنيزة لهذا الإسم نسبة لأكمة أو تل في عنيزة يكتسب اللون الأسود وأطلق عليها هذا الإسم نسبة لهذه الأكمة أو التل..لأن من المعروف أن الأكمة السوداء يطلق عليها كلمة العنز ، وعنيزة ماهي إلا تصغير لهذة الكلمة لأن التل الأسود الذي أطلق عله هذا الإسم صغير الحجم . مناخ عنيزة عنيزة مدينة تقع في منطقة نجد وهي بالتالي تدخل ضمن الظروف المناخية التي تعرف بها منطقة نجد وهو المناخ الصحراوي المعروف بشدة الحرارة صيفاً وشدة البرودة شتاء إلا أن مايميز عنيزة هو أن المناخ خلال فصل الصيف يكون أقل حرارة مقارنة بمناخ نجد وسبب ذلك يعود لتأثير المزارع والبساتين المحيطة بعنيزة حيث تساهم تلك المزارع والبساتين بتلطيف درجات الحرارة صيفاً عنيزة مدينة الريادة العلمية منذ القدم في منطقة نجد حيث برز عدد كبير من اهالي عنيزة في طلب العلم ساعدهم في ذلك ماعرف عن اهالي عنيزة خصوصا والقصيم بوجه عام من اهتمام بالتجارة مما جعل الكثيرين منهم يحتكون ويتصلون بعلماء ومعلمي المناطق التي يصلون اليها في تجارتهم ومن وينقلون تلك العلوم والكتب لمن هم حولهم من الدارسين وطلبة العلم ومنهم من خرج باحثا عن العلم في مناطق اخرى من الجزيرة العربية. ومن العلماء الذين اشتهرو وهم اصلا من عنيزة: 1-الشيخ منصوربن محمد ابا الخيل عمل قاضيا في الخبرا وقد قتل غدرا عام 1196هـ. 2-الشيخ عبدالله بن فائز ابو الخيل الذي انتقل إلى مكة المكرمه بعد سقوط الدرعية عام 1233هـ وطلب العلم فيها ثم عاد إلى عنيزة واصبح قاضيا فيها وتوفي عام 1251هـ. 3-الشيخ عبدالوهاب بن محمد بن تركي طلب العلم في العراق وتوفي عام 1252هـ. 4 الشيخ -محمد بن ابراهيم السناني المتوفي سنة 1269هـ. 5 الشيخ -محمد بن عبدالله بن حميد تنقل في بلدان عديده كالشام والحجاز واليمن توفي عام 1295هـ. 6- الشيخ علي بن محمد الراشد وهو أحد قضاة عنيزه ومن علماء زمانه برز بالفقه توفي عام 1303 هـ. 7- الشيخ عبدالعزيز محمد السناني تنقل بطلب العلم وتوفي عام 1327 هـ. 8-الشيخ صالح عثمان القاضي من أشهر علماءعصره تولى إمامة المسجد الجامع في عنيزه 9-الشيخ عبدالله محمد القرعاوي من العلماء المشهورين الين خلفو علماء وأثرا في المناطق التي نشرو العلم بها حيث مازال أثره في جنوب المملكة باقي حتى الآن ومازال طلابه يسهمون بنشر الدعوه حتى الآن 10- الشيخ عبدالرحمن ناصر السعدي من أشهر علماء الجزيرة العربية إمام الجامع الكبير بعنيزة ألف الكثير من المؤلفات والكتب الشرعية والتي تربو على ثلاثين مؤلف كما قام بالتدريس بحلقات العلم بالجامع الكبير 11-الشيخ محمد بن صالح العثيمين من أشهر علماء العالم الإسلامي ويعد مرجعا فقهيا لكثير من طلاب العلم الذين أخذوا بالتوافد عليه للدراسة وطلب العلم حيث كان يقيم دروس في المسجد الجامع بعنيزة ودرس على يده الكثير من طلبة العلم من جميع بلاد العالم عمل بالتدريس بجامعة الإمام محمد بن سعود الإسلامية كما كان خطيبا وإمام للجامع الكبير بعنيزه له الكثير من المؤلفات والكتب والفتاوى توفي عام 1421 هـ. الفنون الشعبية متميزة ومتنوعة في عنيزة: 1-العرضة النجديه. *العرضة النجدية من الفنون الشعبية التي يبدع بها اهالي عنيزة ويجيدون في اداءها 2-سامري عنيزة. تتميز عنيزة بهذا اللون من الفنون حيث يعتبر هذا اللون منفردة به عنيزة عن غيرها من مدن المملكة سواءمن حيث الايقاع أو نوع القصائد 3-الحوطي والناقوز من الفنون الجميلة التي يؤديها اهالي عنيزة من الفنون الشعبية لون يسمى الحوطي وهو لايختلف كثيرا عن لون السامري من حيث الاصطفاف للصفين المتقابلين إلا أن الحوطي له ايقاع اسرع من لون السامري ومن الأشعار الجميلة التي قيلت عن مدينة عنيزة : يكفي عنيزه يكفي عنيزه جوها والتضاريس ............. وتكفيك شبت نارها من غضاها وقت الشتاء فيها الغضا والمتاريس ............. بحد النفود من الغضا في ذراها وبالصيف في عال الطعوس المجاليس .............. تنعشك جلسات النفود وهواها وقت الآصيل إن داعبتها النسانيس ................ مثل السبايك يوم تصهر بماها الديرة اللي شبهوها بباريس .................. تسوا فرنسا عندنا من غلاها باريس نجد ونجد فوق المقاييس ................. نجد العذيه ما عشقنا سواها فيها عن الماضي رواة وقواميس .................. كم من اديب وشاعر قد نصاها ديرة رجال يكسبون النواميس ................... والدار طيب رجالها هو حلاها اللي وجدته ترجمته الاحاسيس .................... ولإ عنيزة نجمة في سماها يكفي عنيزة جوها والتضاريس ..................... وتكفيك شبة نارها من غضاها وأعتذر على الأطاله ولكن لجمال الموضوع كان هو السبب P9 |
رد: القصيم في عيون أبنائها ][جنادريه 22 ][..
ابونجلاء
كود .. تجي بأكثر من معنى .. يعني تجي بمعنى ( ليت ) .. مثل .. كوده يجي .. يعني ليته يجي .. وتجي بمعنى ( لازم ) .. مثل .. كود اروح للمدرسه .. يعني لازم اروح للمدرسه وبس : ) ابوسلطان صحيح صحيح :$ تعجبني ياشيخ انت :$ ولو اني زعلن عليك عقب سالفة امس الصبح بس ميخالف :$ موب شوي الله يصلحك الا كثير :$ |
رد: القصيم في عيون أبنائها ][جنادريه 22 ][..
* ** *** هلا والله بمحـــاسبة .. P9 توني ان به كل هذا بالقصيم ..؟؟P3 أحبـــتس..؟؟ ياالله موضوع عن القصمـــان يالبي قلبهم ..:$ قسم موضوع فله .. ناديت أمي وأقعد أقولها الكلمــات وتقولي معانيهن << تسمع لأمه ..؟؟p6 . . خخخخخخخخخخخخخخخخخخخخـ ياكثر مانقول هالمثل << وهـ ياحبيلنا النادي المفضل بعد الهلال << تراه بالمركز الأخير .!!p6 \ \ اسمحيــلي محاسبة ببعض التعليق .. << تراي قصيمية ,, p13 أبو نجــلاء : فقعت بطني من الضحك ,, جبت كل المصطلحــات ..!! :d ههههههههههههههههههههههههههههههههههههههه ماتلاحظ إنها قاطة :d أووووص فشيله عسكريم : آي سكريم :d هههههههههههههههههههههههه معلومة جديدة..؟ هههههههههههههههههههه لاتسب ::G> <<< قواها الموضوع . . وفيه بعد بلهجتنا النون الأخيرة.. يعني \\ فشلن , ضربن , مصعن بالكورة قوووبل يتطنزون بنا ..؟؟ :(: بس ترا هاذي من لهجة القرآن مثـــال :- قوله تعالى " ربي أكرمن " " أهــانن " . . ألـــف شكر محــاسبة على الموضوع .. BBP أحسن موضوع وقســم ..!! CC |
رد: القصيم في عيون أبنائها ][جنادريه 22 ][..
هلا وغلا محاسبه هلاليه .. BBP
بصراحه موضوع اكثر من رائع .. ويكفي انه عن القصيم ( فديت القصيم و القصمان كل ابوهمP9 P9 ) .. بما اني من القصيم .. وخصوصا من الرس :$ P9 P9 .. فراح اتكلم عن القصيم .. وعن اذنك خيتو .. القصيم .. وماادراك مالقصيم .. يقولون ان القصيم هي قلب المملكه النابض .. وبصراحه هنا صدقوا .. والقصيم من المقاطعات النجديه التي تتصف بنقاء الهواء ووفرة الماء وطيب المرعى وصفاء التربه .. ومن المحافظات الموجوده في القصيم .. بريده .. عنيزه .. الرس .. البكيريه .. البدائع .. الرس : ( اهل الحبحر ) .. :$ يقولون ان الرس معناته في اللغه البئر القديم .. مثل ماقال حسان بن ثابت الانصاري .. في احد قصائده .. أقمنا على الرس النزيع لياليــاً بأرعن جرار عريض المبارك ومن الأسر اللي تسكن الرس : العــائد .. الهزاع .. الحوشان ..الرميح .. الحناكي ..الخليفه .. الغصون ..العساف ..الرشيد .. والكثير من العوائل ... ومن الالفاظ الشائعه .. ماقصروا الاعضاء ماشاء الله عليهم ..P3 بس يقال ان اهل الرس بهم عرق بحريني :d .. لانهم يضخمون الكلام .. مثال ذلك .. :d مكه .. بتضخيم حرف الكاف مكٌه .. , بنكٌ .. :d وايضا .. سباحه .. يضخموون حرف الباءفتصبح سبٌاحه .. والاحرامات .. نقولها إحرامات:d .. والدجاج .. نقول دقاق .. :d << هنا اشك انه فينا عرق مصري ..:d بس بصراحه ماالاحظ على كلامنا كذا .. بس كثير ناس يقولونه .. p13 على العموم مشكووووووره يالغلا على الموضوع الحلووو .. واسفه على الاطاله .. تحيــ لكِ ــــــاتي ..,,.. CC |
رد: القصيم في عيون أبنائها ][جنادريه 22 ][..
. . P9 P9 الــــ’ــــرّس رسّـــكـ لو الزّمــــن رصّــــ’ــــكـ P9 P9 <= شحطت على الباقين p6 :d مع أن مافيها إلا الدجه إلا اني أموت فيها :d يكفــي انها الـــرس P9 محاسبه هلاليه لو أقعد أمدحك من اليوم لين بكرا ماراح أوفيك حقك يكفي إن موضوعك عن القصمان P9 أكثر شي أعجبني المصطلحات P9 أبو نجلا ماخليت شي واضح إنك مو من القصيم وبس الا من حكاكة القصيم بعد :d بنا عرق أبو هنّود بعد P3 تقال للي ماعنده سالفه " يدربي دميجته مايدري وين الله حاطه " :d في شي باقي ماقلتوه تصيص يتص عينك = عمى . . محــــاسبه P9 P9 P9 P9 P9 CC |
رد: القصيم في عيون أبنائها ][جنادريه 22 ][..
*
* حيـا الله القصمـان .. P9 << تـرا ذا اللإنسان مب قصيمي .. ولاهوب حولهـا .. بس عجبه الموضوع ويبي يشارك .. :$ * * وقسمن سويتـوا قاموس للقصمـان ... :d في كلمـات كثيره أول مره أعرفهــا ..p18 وأنـا بضيف لقاموسكم الكبيـر .. كلمه وحده بس << ثقافته القصيميه محدوده ..p11 وينه بوه : أين هو ..؟ << يقال جاب شي جديد .. :d * * بس فيه كلمه قعدت أقراهـا ساعه ولا فهمت معناهـا .. ياليت التوضيح ...p6 يويق You egg يويق او كما تلفظ ( يويدز)بمعنى : ينظرالى الشي بخلسه تقول البنت لامها: يماه شوفي ولد الجيران يويدز علي .. 8 8 p6 p6 p6 + :$ * * موضوع قميل جدا جدا .. :d محاسبه ..BBP << تـرا داري إني مالي داعي .. نثرت سماجتي ورحت .. :d :$ |
عنيـــزهـ ... وطــن ..
عـودهـ .. بمااني اشوفكم تحطون كلمات قلت خليني احط اللي عندي بصراحه انا وحدهـ اقدر كلمه ( بوهـ ) P9 لدرجه مب طبيعيه .. يمكن كلامي شوي موب مرهـ قصمنجي على ماعدوا بس بوه مااقدر استغني عنه ابد ابد .. وفيه كلمه ثانيه ابن امه اللي يجيب معناته .. ( ستسين = سكيـن :d ) هذي الكلمه معروفه عند عماني لدرجه اي كاف يحطون بداله سين ياملحهم والله .. وبعد كلمه لا افقع وجهك خخخخخخخخخخخخخخخخ لا هذي البزران طايحين به .. يعني اذا حمقوا يقولونه .. وكلمه ( ثمن / همن ) هذي عاد معروفه .. وفيه مثل توني والله سمعته يقولك قالك عنز يقول احلبه مدري قالك تيس زي كذا .. :d المثل قريب من اللي قلته .. والكلمات كثيرهـ .. بس اشهر كلمه تحيرني ( ستسين ) حبيت السكين P9 حتى عنفنا رقيق :d وكلمه مدري متى تقال بس ( امااه = هماه .. :d ) وفيه كلمه تقوله بنت القحاطين عاد مدري هي خاصه بهم ولا بكل الناس ( اكلمرهـ = ذيك المرهـ ) بنوته .. يكـ وش هالكلمه .. ياملحنا بس .. و بس عاد .. انا كنت عادي احب القصيم كله بس طبعن اميز عنيـزهـ واعتبر السعوديه كله عنيـزهـ مع اني ماطبيته انا الا مرهـ ساعتين بعد .. وبريدهـ عادي عندي بس يوم شفت ان ابو طلال وياسر 20 خواله من هناك تقل بديت اكرهه شوي .. ::D لا لا امزح .. :d لكـل القصمان .. BBP |
رد: القصيم في عيون أبنائها ][جنادريه 22 ][..
القصيم وهـ بس P9 P9 :$ زعلانتن عليتس يا محاسبهـ وين نادي الأمل بالبكيريه P9 P9 في كلمة الظاهر اغلب القصمان مايعرفونها " احلتيه" بمعنى " ارميها" هذا بالنسبه للانثى :d وبالنسبه للذكر :d "احلته" بمعنى "ارمه" ما اشوف يقولها الا اهلنا P9 ليـ باكـ ان شالله اذا مانسيت موضوع قميل اوي اوي CC ويكفي انه عن القصيمـ P9 :d BBP P9 |
رد: القصيم في عيون أبنائها ][جنادريه 22 ][..
آاااااااااع جيت:d << بشري امتسp6
موضوووع خطييير وازين مابوه انه عن القصيمP9 احيي جميع القصمان الي هنأp14 جبتلكم تسلمات شويه مهب تسثيره مع الترجمه:d ردي الباب=صكي الباب حدر=تحت قراعيط=شوشه(شعر كشه):d تناطحنا=تقابلنا:d هجي افمتس=افتحي افمتس:d حولي=انزلي بووه=فيه:d لاتاكل شين مكشوف يمكن بووه حشراااتp6 << اغنيتنا المشهوره:d الطايه=السطحp6 وشطان طربتس=جني يطيربتسp6 خلصن:d قناص 20 يويدز يعني يطل:d وش دراك انت ماتفهم لغت انجلترا:$ :d يسلموووو محاسبه موضوع بيجنن:d الله يعطيتس العافيه:d |
رد: القصيم في عيون أبنائها ][جنادريه 22 ][..
* * Yasser 20 هلا والله فيك ياابوسلطان .. اجل اسهمنا مرتفعة عند الادارة مدام الخوال قصمان .. يعني اي غلط مشه عشان الماما :d بس وراك ميب عاجبتك عنيزة p6 تدري فادني ذا الموضوع بشكل صار عندي خلفية عن القصيم .. وتوني ادري ان الحمداني هو من لقب عنيزة بباريس نجد .. <<عندك نظر يالحمداني (منهو ذا ) ؟؟:d مع العلم اني ماقدر ناظرتها !!p11 ابونجلاء شكرا لك .. كلمات رائعه .. بس ما ادري ليش انتم مركزين ع الكلمات احكوا في شئ ثاني .. Aroma وانتي احلى وحدة ..BBP القفله خطييييييييييييييييرة .. أروما لا تجيب لنا امثال بلييييييييز ..:d حلوة P9 زين ساعتين أنا ولا دقيقة خخخخ :(: السهمـ الهلالي الله يسلمك بس انتظر معلوماتك عنيزة .. هامس انا نسيت اشياء كثيرة بس انتم يااهلها احكوا الموضوع بين ايديكم .. حالــي الــذوق اهلا بك أخا عزيزا غريبا عنا خخخخخ<<والله من زين الترحيب:d ياحبي لنا يالقصمان حبيبين اجل اجز وبس !!P9 الله يجيب لي استاذة مثله خخخخخخخخ الكليجا معلومة حلوة كنت انتظر احد يفيدني فيها كلش انا اقوله بس طلعت ياللي منتب قصيمي اسنع P3 حالي .. حضورك اسعدني وهذا يدل على الترابط الأخوي بين ابناء مملكتنا الحبيبة <<موضوع تعبير:d Obsession والله اننا حكيمين يالقصمان ..:d مرور رااااائع .. وامثال اروع واروع .. دلوعة الزعيم 18 الله يسلمك ابي تفاعل .. fooOooOshe وراه قوية ..p6 الا علاقة ونص جدانا كل صيفيه في لندن ..p10 Oـoـيز لاتمسك خط ع القصيم بس امسك قلم واكتب لنا عن القصيم:d أجمل أحساس انت أجمل البنات والاعضاء ..P9 رد ممتاز وثري بالمعلومات .. وعن عنيزة بعد .. يابعدي ياعرزي <<صارت تتكلم قصيمي من تاثيرهالموضوع:d ابوطـلال تراه مساعدي في هالموضوع ..:d معاك المايك وقمت تعلق ماشا الله .. اشوى انا احس ان كود تجي بمعنى ليت <<لاحظوا احس p11 وبعدين ابوسلطان لاطول ولاتميصل الموضوع موضوعي <<هوّنت::D النظرهـ الخجولهـ ايه موضوع عن القصمان وهم شوين ؟؟ هماك تقولين ذاك اليوم بالشات انك لاحظتي ملاحظه ان نص الاعضاء قصمان هههههههههههههه عاشقة <<مانسينا هالاسم (وش اخباره يودز عليتس خخخخ)::D انتظر حضورك بمعلومات تفيدنا اكثر .. ..القنـــ 20ـــــاصه .. شكرا لك ع الحضور المميز .. معلومات حلوة .. انتظر المزيد .. The warm heart هلا والله ببنت الرس.. شكرا لك ياعمري لاتمدحيني ولاشئ ..:$ ماسويت شئ الموضوع منكم واليكم والسلام عليكم خخخ.. قناص(20 الله يحيك BBP يويدز معناها يطالع يعني تناظر وأنت خايف احد يشوفك احس المثال واضح ولد الجيران قاعد يطلع على البنت يعني يويدز عليها عرفت المعنى .. <<احس اني فسرت الماء بالماء:d سعدنا بمرورك الموضوع ما يقتصر ع القصمان .. تـ ع ـب لاتزعلين علي ياعمري الله يخلي لنا قوقل ولاكان ما كتبت هالموضوع خخخخخ:d احلتيه لا قد سمعتها !! بس ما قد استخدمتها !!:d تعبت بعد تعب مشكورين يابعدي .. الله مير يسلمكم .. <<حسيت جدتي هي اللي تحكي :d |
رد: القصيم في عيون أبنائها ][جنادريه 22 ][..
أبغير عن الكلمات
الموضوع حلو كتير وأكثر شي عجبني التعاون مابوه مثلوه بالقصيم هههههههههههههههههههههه بصراحه القصيم ناقصه أنديه ولا التطور فيها واضح وزيدكم من الشعر بيت فاتح كوفي شوب خاص للبنات في بريدة والكوفي بين مؤيد وغير مؤيد لوجوده مع العلم انه شغال الان |
رد: القصيم في عيون أبنائها ][جنادريه 22 ][..
::
وش نقول وش نخلي لو نكتب فيها عشرات الصفحات مانوفيها حقها P9 / هالكلمه استخدامها كثير / واضيف كلمة (ازهم) <----- بمعنى اتصل :d / نسيتي نادي الأمل بالبكيريه P9 / وحبيت اضيف هالكلمتين عن البكيريه P9 ][ بكيريتي ][ ذاع صيتك بالبر والبحر حتى وان عيروك بالبقر مادرو ان هذا البقر جا ذكره بأطول السور اسمعوا ياكل البشر ترى " ديرتي " من اغلا الدرر وان ماعجبكم هذا القدر احسن موتو من القهر :$ :: محاسبـه يعطيك الف عـآفيه BBP ولي رجعه بمعلومات ان شالله |
رد: القصيم في عيون أبنائها ][جنادريه 22 ][..
منوره محاسبة ,,,
تقع منطقة القصيم في وسط المملكة وشمالها منطقة حائل وغربها منطقة المدينة وجنوبها منطقة الرياض . ومدنها الرئيسية هي بريدة وعنيزة. << مسقط راس شيبانه ومن المدن الأخرى في المنطقة هي الرس والمذنب والبدائع والأسياح وغيرها .. كل عيد وانا فيها <<<<<<الأسياح اللهجه القصيميه تستخدم كلمات انجليزيه وذلك من تأثير السفر لبريطانيا من قبل جدانا الأوائل خخخخخخخ واحيانا يكون تشابه بالنطق فقط بدون المعنى : 8 8 نعم وفيه اكثر بعد ,, <<< جدته الرابعه بولنديه هههههههههه امزح ( يويدز) ههههههههههههههههههههههه كلمة (وينهوبوه) هذه الكلمه لها مدلولات خاصه فقد ذكر العلماء انها اصل اللغه العربيه لما تحمله فيطياتها الشئ الكثير فهي صيغة سؤال...تسأل عن المكان والزمان في آن واحد... اينا ذهب ,,بمعنا اين رحل ,, طرار ويتشرط 88 8 ههههههههه والله صدق طرار ويتشرط ,, http://www.yaser20.com/vb/attachment...7&d=1171503641 8 8 مركز الملك خالد الحضاري ,, والله من الزحمه ايام العيد ,,, |
رد: القصيم في عيون أبنائها ][جنادريه 22 ][..
يعطيك العافيه ع الموضوع الاكثر من رائع
وتحيه لجميع القناصين وخاصه القصمان اللي من بريده دي =ملاعبه الاطفال ابو نجلاء هذي الكلمه كثير نقولها اول ما قريتها مــــت من الضحك يتدودل = ما لقيت مرادف للقصمان فقط وانت صادق |
رد: القصيم في عيون أبنائها ][جنادريه 22 ][..
يازين القصيم ويازين اهلها ولهجتهم وطيبتهم :)
مشكوره محاسبه موضوع رائع بما تعنيه الكلمه ,, |
رد: القصيم في عيون أبنائها ][جنادريه 22 ][..
* * * هلاليه فوق فوق بنت دريتي احبكيـ P9:$ same same انا :d مع اني ما اتكلم قصيمي واجد بس ذي الكلمه احبها مدري لييه :d شفتي وشلون :(: p6 كاتبتن بردي الاول اني زعلانتن عليه خلي قوقل يتفعتس <<بتذلك يا محاسبه :d تراي امزح :$ لاتزعلين يا بنت بلادي P9 وهـ بس P9 P9 P9 P9 * * * :d BBP P9 |
رد: القصيم في عيون أبنائها ][جنادريه 22 ][..
أوووه يدهرون القصمان فيذا :d
عاد القصمان مايحتاج الله لايضرهم يعتزون بديرتهم واجد .. ردي تسجيل اعجاب بالحضور القصمنجي القوي في هالموضوع .. محاسبة ابدعتي كثير CC |
رد: القصيم في عيون أبنائها ][جنادريه 22 ][..
*
* * ياحبيلهم القصمان متجمعين فيذا هههههههههههههههههههههههههه ههههههههههههههههههههههههههه صدق لو تكتب حرف عنهم كتبوا 100 حرف يحبون ديرتهم من قلب :d P9 احب اهل القصيم واحاول اقلدهم بحتسيهم يعجبني ماااااااااره :d P9 محاسبه هلاليه ماشاء الله موضوع كافي ووافي وكل يوم بجي اشوف وش صار p13 سلامو |
رد: القصيم في عيون أبنائها ][جنادريه 22 ][..
يعني نطلع منهـآp13 محـآسبه .. يـعطيكِ ألف عـآفيه عالموضوع .. أبو طلال محشش ! p11 |
رد: القصيم في عيون أبنائها ][جنادريه 22 ][..
اقتباس:
تحب القصمان!! وراه انت من وين:d ؟<< معليش لدزافة قصمان:d الا اقول اهل القصيم صدز بوه عداوه بين بووريده وعنيزهP9 ؟<< توه تدري الدرجp6 يسلمووووو محاسبهCC |
رد: القصيم في عيون أبنائها ][جنادريه 22 ][..
محاسبه ابدعتي وخربتي علينا >> كنت بسوي موضوع عن القصيم انا و3 عضوات:$
ابوسلطان ،، خوالك من بريده وانا اقول وراه تعجبن اكثر من روبن وبن خوري ::D >> الله من الخرط..:d فيصل،، اكيد نحب ديرتنا تدري ليه؟ بصراحه موب كله حب بقدر ماهو محاولة لصد الهجوم علينا،، يعني انا الاحظ عند المناطق الثانيه اننا شغلهم الشاغل مدري كل هذا كره اوغيره p18 طبايعنا موب عاجبتهم،، هرجنا ولهجتنا بعد محل طنازه لهمp6 فهمت قصديp13 والله استفدت من هالموضوع عرفت ناس من القصيم ماكنت ادري عنهم.. لا،، موب صدز..بس سخافات يرددونه بعض المرضىp7 شوفي انا من بريده واروما من عنيزة ونحب بعض>> متى المعرفه:d راجعه ان شاء الله احلى موضوع بالمجلسP9 P9 CC |
........................ ياكثر القصمــاان .. ، p6 اللي موب قصيمي يعلمني عشان أعطيـه رتبـه .. ! ::D .. محاسبـه .. الصراحه قلمك كل ماله ويبرز .. موضوع حلـوو .. ومحليه خفة دمكـ P9 ( F ) برايفـت بيلسـان * اذا كان موضوعك فيه معلومات غير اللي كتبتهم محاسبه نزليه .. واذا كان أغلبه قالته محاسبه حطي اللي ماقالته هنا كـ " رد " .. ، |
رد: القصيم في عيون أبنائها ][جنادريه 22 ][..
http://www.yaser20.com/vb/attachment...2&d=1171630030 البكيريه P9 المدينة الصحية الاولى سبب تسميتها بذا الاسمـ : البكيرية بلد قديم اشتق اسمها من رجل يقال له محمد البكري ويرجع تاريخها إلى القرن الثاني عشر الهجري حيث انها انشئت عام 1175هـ عندما اشتراها محمد بن عثمان العريني من أسرة السويلم الذي كان يسكن مع والده واخوانه في الضلفعة الواقعة شرق الشيحية ولقد توارث الاجداد وثيقة الشراء هذه وبعد ان ملكها قام بحفر بئر ثم غرس النخيل وزرع الأرض وقام ببناء منزل بعد ذلك أخذ السكان في الازدياد وأصبحت قرية معروفة لها سور وبوابات، كما هو حال البلدان في ذلك الوقت وفي محافظة البكيرية يوجد الكثير من المعالم الأثرية التي أقيمت قبل مئات السنين. من معالمـ البكيرية : "مقصورة السويلم" تعتبر أول مبنى شيد في البكيرية حيث يرجع تاريخها إلى عام 1181هـ ولقد شيد المبنى محمد بن عثمان العريني (أول من سكن البكيرية) ويبلغ عمر المبنى حالياً أكثر من (236) عاماً وقد تشرف هذا المبنى الذي بني بمناسبة استقبال الملك عبدالعزيز طيب الله ثراه في احدى زياراته للبكيرية وحل ضيوفاً فيه عدد من الامراء والمسؤولين حيث انه كان مقراً للامارة في الفترة الأولى من قيام البكيرية ولقد قام الشيخ محمد العلي السويلم أحد أعيان ووجهاء محافظة البكيرية ورجل الاعمال المعروف وأحد أحفاد المؤسسين للبكيرية أسرة (السويلم) بترميم المبنى الذي يتكون من المقصورة وهو المبنى الرئيسي ملحق به قهوة الضيافة (المجلس) ،والغرف والمخزن (المستودع) كما يشتمل على البئر التي أعيد حفرها من جديد بعد ان طمرتها الرمال وحلت محلها مكائن المياه ويبلغ عمق البئر حوالي 12 متراً، كما سيتم قريباً اكمال المقصورة تراثياً حيث سيقوم الشيخ السويلم بتزويد المبنى بالأدوات والأثاث التي تجسد تاريخ هذا المبنى ليصبح متكاملاً من جميع النواحي بما فيه الاضاءة الداخلية والخارجية ومن ثم يبدأ في استقبال زواره من أبناء البكيرية وخارجها ليعطي جيل اليوم تعريفاً بمآثر الآباء والاجداد. "مسجد الرواجح" أيضاً هناك مسجد الرواجح الذي قام الشيخ سليمان عبدالعزيز الراجحي أحد أعيان ووجهاء محافظة البكيرية ورجل الأعمال المعروف باعادة ترميم المسجد واعادته إلى وضعه السابق حيث يعتبر معلماً اسلامياً من معالم البكيرية ولقد كان لهذا المسجد دور فعال أشبه بمدرسة اسلامية يفد إليها طلاب العلم والمعرفة من كل مكان حيث كان المشايخ في السنوات الأولى من قيام البكيرية يهبون أوقاتهم للتدريس فيه وجاء ترميم هذا المسجد حرصاً من الشيخ سليمان الراجحي للمحافظة على بيوت الله أولاً ثم المحافظة على طابع المسجد المعماري وما يتميز به قديماً، كما قام الشيخ سليمان بترميم المبنى المجاور للمسجد وهو سكن الرواجح حيث أعيد المبنى إلى وضعه السابق الذي يتميز به ويتكون المبنى من دورين القهوة (المجلس) والقبة (الصالة) والمخزن (المستودع) ومستودعات التمر (الجصص) مفرد (جصة)، كما يشتمل على عدد من الغرف. سور البكيرية : يعتبر سور البكيرية الأثري الذي ما زالت اثاره موجودة إلى يومنا هذا في الجهة الشرقية من محافظة البكيرية معلماً من المعالم الاثرية حيث يرجع تاريخه إلى أكثر من (200) عام ويبلغ عرضه أكثر من متر وسوف يتم ترميم الجزء المتبقي من هذا السور ليبقى معلماً أثرياً من معالم البكيرية الخالدة حيث كان السور يحمي البكيرية من أي اعتداء خارجي في الأزمان القديمة وله بوابات، كما هو حال البلدان في ذلك الوقت ولقد فقد هذا السور مهمته بعد ان نعمت البكيرية بالأمن والاستقرار بعد توحيد المملكة على يد جلالة الملك عبدالعزيز يرحمه الله. الموقع الجغرافي للبكيرية : http://www.yaser20.com/vb/attachment...1&d=1171630030 http://www.yaser20.com/vb/attachment...4&d=1171630030 خريطة تاريخية قبل التغير و التوسع العمراني لمدينة البكيرية حيث يعود تاريخ هذه الخريطة لعام 1381هـ http://www.yaser20.com/vb/attachment...3&d=1171630030 صمم ورسم هذه الخريطه / محمد بن يوسف بن دخيل الله بن سويلم عام 1381 هـ - أمير البكيرية سابقاً صور لبعض المعالم في البكيرية : http://www.yaser20.com/vb/attachment...6&d=1171630879 http://www.yaser20.com/vb/attachment...8&d=1171630879 http://www.yaser20.com/vb/attachment...7&d=1171630879 |
| الساعة الآن 11:00 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0