الدمعه اللي فوق خدي كما السيل=ماخلفت غير الالم والندامه
بالحيل احس بضيقة الصدر بالحيل=وابغى السلامه مير مامن سلامه
الصبح بقعة ضوء والليل تضليل=يامدورين النور هذا كلامه
بغيب عن سود العيون المظاليل=واليوم دار الحول والعام عامه
امس(ن) معي ينبض لي إحساس ويميل=واليوم هاوي صد مدري علامه
بدّل حبيبة قلبه بريم تبديل=والا استراح من الهوى والملامه
والا طلع حبه لي العام تمثيل !؟=والا غلطت وكان .. هذا انتقامه ؟
كل الحكي هذا من العام تأويل=لكن رغم ماصار يبقى احترامه
13-03-2013, 02:21 AM
الشاعِـره : حـره ماتنقـاد
العرض العادي
