نادي الهلال يفوق جمهوره الصين=ماهولحالي هايمـن فـي شعـاره
يحبه رجـال البلـد والنساويـن=والطفل والطفله تـروم اختيـاره
احبه وحبه في قلبي مـن اسنيـن=في نجـد داره لكـن العيـن داره
طاريه في كل الصحف والعناويـن=فريق شعب وشعبه اثرى مسـاره
ازرق وابيض هو حديث الدواوين=مافيه غيـره يلتفـت لإنتصـاره
قايده ياسر من زحول القحاطيـن=وريسه شاعر من سمـو وامـاره
اتبع دروبه من عشقته إلى الحين=وافرح إذا شفته في كامل وقـاره
لاحقق الدوري وكـاد الحسوديـن=رد بسطورالمجد حتـى أعتبـاره
ابومسـاعـد ياكبيرالسلاطـيـن=راع الفكر راع الأدب والحضـاره
متأمليـن الخيرفيـك ومدينـيـن=على بطولات الذهـب والصـداره
زعيمنـا ماحنـا بعنـه إبعيديـن=أقرب من أسواره وهيبة شعـاره

يالغالي اللي عانق رموش واهداب=افرحت قلبي باللقاء من بعد جيـت
من جيت خطيت القصايد للأصحاب=وبيت نية صادق الشـوق تبييـت
ماسولف العاشق ومـادون إكتـاب=وماكذبت كبـر العقـول العفاريـت
وماعانقت صدق المشاعر والاطياب=بيض القلوب وفتت الكبـد تفتيـت
صوت الفراق وبدل الوصل بغيـاب=ومن كل حلمن وقّت الوصل توقيت
هلا وسهلا يابعد كـل مـن غـاب=لولا الغرام بخافقك كـان ماجيـت
يبقى الغلا دايم احاسيس واسبـاب=نورن يضوي للعيـون المباغيـت
اللي لها شعري مطارات واسـراب=مهما تسافر للقـاء دايمـن بيـت
اقولها وانـا ادري الحـب غـلاب=همن يشتت صافي الذهن تشتيـت
واقولها وانا اعرف القلب ماتـاب=ينبض على صدق الهوى والتناهيت
هذا قصيدي فيك والعمـر ماشـاب=حييت ياعمرن بـدى تـو حييـت
وهذي سواليف الحبايب للاحبـاب=قافـن يسلـي خاطـري لاتغنيـت

وقد سبق نُشِرَت بِ المختلف
( هـنا ..

وفِ جريده كويتيه
( هـنا ..

روايع الشعر كن تكتب بمـي الذهـب=وأنا كتبـت الروايـع والذهـب ميّهـا
تجاربن تحكي الماضي لصدرن رحـب=ومشاعرن تسحر القرّاي مـن غيّهـا
فياللي سمعت التجارب من صدوقن كتب=إحفظ جزيل القصايد وإطمـح إلزيّهـا
اليوم اببحر عسى موجـن تلاطـم ادب=يركـد علـى هيبـة الفكـره وقافيّهـا
إثنين مامثلهم بيـن البشـر والعـرب=في ذمتي هم غنـاة الـروح وهنيّهـا
وإثنين في حبهم ببقـى احـب وأحّـب=اثنين من حضـرة الدنيـا وماضيّهـا
وإثنين في بعدهم عمري جفاف ولهـب=وفي قربهم تزهـر دروبـي نواحيّهـا
ابوي وامي ولو بلحق جزاهـم صعـب=جزاهم اكبـر مـن الحاجـه وراعيّهـا
ابوي رجلن كريم المرجلـه والنسـب=وامي هـدب عيـن جدانـي وياحيّهـا
في برهم ماشكيـت المهلكـه والتعـب=لو يطلبون العيون السود مـع ضيّهـا

ياوطن عشت فيك ايام عمر وسنيـن=تحت شمسك وفوق ارضك وغدرانها
انتميت الك واحساسي في حبك يقين=وكل نفسن تبيع الـروح لاوطانهـا
غربتي عنك لو بغيب عـام وثنيـن=ماخذتني عـن إقصـورك وبيبانهـا
لنك بناظري صورة غـرام وحنيـن=ماتموت الزهور ان عاشت اغصانها
لك بعود واهني كل عاشـق رهيـن=ماذخر عن وطنه الـروح وإيمانهـا
موطني لاتهاب الغشـم والحاقديـن=انت فوق الغيوم اللي علـى شانهـا
انت من فوق قاعك قبلة المسلميـن=وجهة المسلمين وسلـوت احزانهـا
وانت من فوق قاعك مسجدن للامين=خاتم الرسل واللـي كمـل اديانهـا
وانت ربي رفع قدرك عن العالميـن=يـوم خـلاك وجهتهـا وعنوانهـا

لاخانك الوقت وأحلام العمـر زعلتك=ومن كـل يـآس ونهايـة يومِ وحظٍ قليل
شرهت وأهـوآ نفسك ياإبن آدم عصتـك=إذكـر إلهٍ إاليه الملتـجأ والرحيـل
دنياك ماتنومـن لو قـد صفت وأفرحتـك=لابد من عثرتٍ يرثع بها كل حيل
كانك حـزن ’ لاتقول احزانك اللي قوتك=وكانك فـرح ’ فـإشكـر المولى القديـر الجليل
والدمعه اللي على خدك مشت مابكتك=بكيتها مابقـى للدمع ياحلم سيل
لو بسمتي قـدم عينك طولت وأعجبتـك=إلا انـي أخفـي وراها حـزن قلبٍ عليل
غفيت ودي أكـون بعـالمك وإحترتك=عيني وطلت علي الشمـس مامن حصيـل
حتى ياحلمي بحلمـك باخـل وماقرتـك=غير العيون وقصيدٍ بين حبر ودليل
سوالف العشق واحلام الوصل عاقبتك=ياقلبي وأنت الحنـون العاشق المستحيل
اللي لك العشب لـوّن " ونبضتك حيرتك=لامن ذكرت الحبيب اللي له الشوق نيل
هذاك كل الدروب الخـاطره وصلتك=ولـ. خاطرك كان دربه شوك وطيوف ليل
صـد وتركنـي ولاحافظ على مملكتك=امحق ملك لو على شـآنه كرهت البـديل
إيوالله إني عشقته لو ظنوني نهتك=ميـر إنك أزعلت ناس العين ذاك الجميل
ياحلم هـاك الفرح مدام عيني نستك=وياحـزن قلبي لك من العام حيّن قتيل
على الرجاء والأمل ياحلم عيني شرتك=وعلى العناء والتعب ياحلم شكـرآ جزيـل

دامه زمن جَكور واودي وبي أم=خل الخيول تنام ماهـو زمنهـا
اللي من اول لجلها نرخص الدم=والخير كله منعقد فـي رسنهـا
اليوم ماصرنا بهـا يـوم نهتـم=ولا نقدرهـا ونعـرف ثمنـهـا
هذا مثال الواقـع الهـم والغـم=وايامنا اللي صبرنا ضاق منهـا
تعبت اداري ضيقة الصدر واكتم=حزني .. ولو نفسي تزايد حزنها
كل يوم اقول الجرح لابـد يلتـم=والجرح زاد وقام يامـر وينهـا
ياما كواني ضيق واجتاحني هـم=وارخى على نفسي ولاشح عنها
زاد بقساه ولاطرى يوم يرحـم=حرّه تشوف الظلم داخل وطنهـا
اصيلتـن ماقادهـا كـل مغـرم=ولا الرديه من بغاهـا حضنهـا
حرّه عريبة خال ومعربـة عـم=تشهد عليها نجد واللي سكنهـا

ياللي نعت الفتاه بسوط نقد وعقيم=وياللي تجريت تحكم قبل برهانها
وياللي تعديت حدك اوص منتب خصيم=انا خصومي توفت قبل شجعانها
انا وانا بنت ابوي وجعل حظي كريم=اكرم وتكرم فتاتن صانت اخوانها
اكبر من الذل واطهر عند ربٍ(ن) عليم=اللي ايعرف النفوس وصادق ايمانها
الكذب خيبه مداني كل رجلٍ(ن) غشيم=حره وحره وحره بنت عتبانها
ريمٍ(ن) ولانيب بأية ريم وباسي عظيم=ولا التفت للخبول ولا على شانها
بيت الشرف مايهده شخص مثلك سقيم=واللي يبي يتبع الشقراء ورعيانها
خله يغني كما شعبان عبدالرحيم=يطرب على دندنة عوده ودندانها

بين الصدود وبين كثر المشاريه=حياتنا ياصاحبي صارت إهموم
قل الوفاء والجرح محد(ن)يداويه=جرحك حبيبي كوم وأجروحي بكوم
كان الخطا هزة محبه وتشويه=لو الخطا مني ومنك مع اللوم
اقفيت عني حلم مازلت اناديه=ياحلم عمري مابقى غيرك إحلوم
طال السكوت وخايفه اتوه واتيه=متى على الله يرجع الوصل ويدوم
طال الزعل قلي ترى ويش تاليه=ابعتذر لو ماانت بالعذر ملزوم
الحب مانقدر حبيبي نخفيه=العين تفضح شوق الاحباب ياقوم
حتى ولو نزعل ونحتار ياهيه=مصيرنا واحد من إسنين لليوم

الفن خالد والفنون الـوان وخالـد لـون غيـر=فنـه اصيـل ومالقيـت إلفنّـه الساحـر شِبـه
يعزف على العود بوتر حساس ويهـل النظيـر=مدامعي واكتب علـى سطـر الـورق ماأكتبـه
نجاحه اللي فـك لـه بيبـان خـلان(ن) كثيـر=اطربهم بصوت(ن)جميل(ن)حظ من هو يطربـه
وزودن على هذا كتب للشعـر قيفـان ومصيـر=ولحّـن اغانيـه الجميلـه ثـم تحقـق مطلبـه
محبة الناس الاسيـره واصبـح إلفنّـه اسيـر=وشعوره إنه موطـن الفـن الاصيـل ومكسبـه
الله يديمـه دايـم(ن) فنـان وإحساسـه ينيـر=يطـرب مسامعنـا وحنـا بالمحـبـه نطـربـه
تأثري فـي خالـد الفنـان شيـي(ن) مايضيـر=ماهوب انا اللي بس متأثـر فـي خالـد يايبـه
يقولها طفل(ن) سمع ’ تقوى الهجر حزة اعصير=وقرر يخاوي الليـل دام النـوم صـده وإحربـه
واقولها وانا الهنوف اللي كمـا البـدر المنيـر=محبتـي لـك يابـو نايـف مايشابهـا شـبـه
محبت(ن) لإحساسك المرهف وشخصك ياقديـر=هديت(ن) لك يابعـد عمـر الهنـوف المتعبـه

من متى تفرح بحزني يابخيل=ومن متى تحزن الى مني فرحت
عاذلك مافاد غيرك ياجميل=حسبي الله كان فيني ماشعرت

لك هاجس الذكرى خذاني وجيتك=يومي احبك امس وانته حبيبـي
الله يلعنّـي اذا انـي نسيـتـك=طول الجفاء وانته حبيبي قريبي

عديت انا البارحه راس مرقاب=وناديت بأعلى الصوت وينك حبيبي

سحرتِ قلبي بجوك يالرياض=يغلا مدينه ساكنه في عيوني
انتي مدينه غير وانتي فياض=مشاعرٍٍ يطرب لها اللي قروني
كتبت لك بيتن من الشوق فاض=ياساكنه قلبي ومرسى جفوني

العام كنت ابغي وصالك واحاتيك=واليوم بعدك عن عيوني غنيمه .. !

مبروك يالقناص ياطيب الساس=يامحترف يامختلف ياخورافي
اثبّتْ كيف النجم مايقبل الياس=ب اسلوب ابسط قول عنّه احترافي
اسمك ب الانجازات يكتب ب الالماس=والفعل للاعيان ماهو بخافي
هذي هي الفيفا تقدم لك الكاس=جعلك يابو عزوز دوم متعافي

تابع عن ..
( هُـنا )

لاتنكـر الحـب تكـفـى يابـعـد حـالـي=ليـالـي الـحـب مـاتـجـرح ليالـيـهـا
وان طال صمتك ترى جرحي يورالي=مااشين من جروح فرقى صرت اعانيها
خل المواصل سحاب(ن) منك همالي=يمطر بصحرا ظماي ودوم يرويها

يقهـر عـذول(ن) سعـى بالقيـل والقالـي=ليـن ايتراجـع عـن اهروجـه وينهيـهـا
تـرى المحبـه عظيمـه وانـت ياغـالـي=اعظـم عشيـر(ن) عيونـي لـه وراعيهـا
ماتنظـر العيـن غيـرك دامــك إقبـالـي=وان غبـت عنّـي طيوفـك دوم اخاويـهـا
الـشـوق لازاد مايـنـقـص ومـازالــي=يكوي ضلـوع(ن) لهيـب الشـوق يكويهـا
لاغبـت عنّـي حبيبـي شانـت احـوالـي=وان جيـت زانـت لـي الدنيـا ومافيـهـا