بسم الله ابدا وآتعوذ من ابليس=واحكّم المعنى وأصف القوافي
واجر صوتي مع براد النسانيس=في راس (رجم الزير) مروي الشلافي
في حزةٍ تُعرف بدق الهواجيس=وحزة تذكر كل غالي ووافي
حزة قبيل إشعال ضوّ الفوانيس=وحزة تقول الشمس: قرب انصرافي
اتذكر اللي له بقلبي مغاريس=كل غرسةٍ تشكي الضما والجفافي
تبغى يفجّر قاطبات المحابيس=ويروي ضماها بالوصل والتلافي
غير الزمن دونه ودونه أشاويس=تجمعوا ضدي عسى الله يكافي
وأزريت أخفّي فاضحات الأحاسيس=هو به مع الدمعه والأشعار خافي ؟
حبه بقلبي ماله أية مقاييس=إن صح قولي : بحر ماله مرافي
والشوق يحمسني سواة المحاميس=وفرقاه كدر كل مشروب صافي
لو ثقل شوقي تحمله (ضمّر العيس)؟=والله لتبرك ماتشيل الخفافي
ياكم عشانه إذبحتني الوساويس=ولا صرت أميز بين مقفي ولافي
ياقيس هونها وهي تهون ياقيس=لابد يوم العامريه توافي
استغفر الله واتعوذ من ابليس=حان انصراف الشمس وحان انصرافي

حـي الله اللـي يسـج بديـره وديـره=الصيف مني خذاك ووينـي وينـك ..!
لولا شهر تسعه اللـي جـت تباشيـره=ماكان قـرب الوصـل مابينـي وبينـك
مايفتـر العـزم .. ويقصّـر مشاويـره=الا فـراقٍ .. مـواريّـه بـجفنيـنـك
أدق صـدر الفـرح وأفـك ازاريــره=مخنوق يطلب هـواك .. الله لا يهينـك
يثيرني الشـوق فـي غيبتـك وأثيـره=اقول يامثقلـك .. ويقـول يـا شينـك
شاعر يحبك ؟ اجل يضمـن جماهيـره=ياأنشودة الهاجس اللـي لحنهـا زينـك
لا اموت م الجوع عطني منك تصبيـره=من حالي شفـاك .. ولا ملـح خدينـك
بأصيـر نـوٍ تكاشـف فـي مزابيـره=ثم أنسكب لك .. مـع شـلاّل متنينـك
وأنشر لك أقواس طيف تصير تسويـره=منّـا ومنّـا .. خـلاف سفـوح تلّينـك
القـاع مـن وطيتـك تنبـت نواويـره=وانـا استـدل بنواويـره .. عناوينـك
ما تجهل القلـب مادامـك غطـا بيـره=من حيني أعشقك .. وأغازلك من حينك
تشهق ..! وتزداد فتنه يـا الله الخيـره=تزفر ..! ويبكي النفس ويقبّـل ايدينـك
زعلان ؟ لبّا الزعل ما أحلـى تعابيـره=في كل الأحـوال يـا ملحـك ويازينـك
تبكي .. ؟ أنا طالبك لا تزيدنـي حيـره=إلا عبايرك ... انا فـي وجـه غالينـك
ما أبي اقـول اشكثـر حبـك وتأثيـره=اخاف لا اقولها ؟ ( واطيح من عينك) ..