الشاعِـر : سعيـد بن مانـع ( قحطاني الواديين )
( مختار الصحاح ) مدخل :: ياوجـودي وجـد مكـزوز الرمـاح=طـاح بيـن أعـداه كلـن يضربـه آتوّجـد مـن هـوى ذاك الصـبـاح=أهربه .. بالفكر .. يرجع ؟ .. وأهربه ليـت ماعطـر المحبـه يـوم فـاح=ماوصـل خشـم الفـؤاد ومـر بـه الحبيب اللي جعـل صـدري بـراح ؟=ضيّقه .. جعـل الفـدا والنـذر بـه أحسب انـه مائـي العـذب القـراح=مـاأدري انـه جـم بيـر مغثربـه أي نعم غزيـر حبـه بـس .. : آح=البحـر غزيـر .. لكـن تشربـه ؟؟ مايبـل الريـق .. مطعـوم المـلاح=الضما منـه .. وحتـى الغـدر بـه لـو يفـرق بالحـرام وبالمـبـاح ؟=كان فـرق مشرقـه مـن مغربـه دوّر الطربـه بالأحيـا ماأسـتـراح=وزامر الحـي الشجـي ؟ مايطربـه الجمال اللـي كسـا كتفـه وشـاح؟=ظنـي إنـه لعـب بـه وأغتـرّ بـه قـال احبـك ثـم احبـك .. ثـم راح=شرهة الآعب ؟ علـى اللـي دربـه اشتكا كلمتـه: (مختـار الصحـاح)=له معاني غيـر ..! كنـه ايعذربـه يـا فمـان الله .. يامـال الصـلاح=بأعتبـر حبـه .. مجـرد تجـربـه مخرج : |
الشاعِـر : سعيـد بن مانـع ( قحطاني الواديين )
( زودتها عليه حبتين ) مدخل .. الكفو في ذا الزمن ..؟ مثل مكسور اليدين=والوفي في ذا الزمن؟.. مثل خطّاط البحر يا إلهي يا إلهي ... آله العالمين=يامن لوجهك نفيق ونصلي في السحر اغفر ذنوبي .. وجرني عذابك يالمتين=أذكرك واستغفرك كل ماصدري زحر عفت دنياً زودتها عليّه حبتين=كل ماقلت انقضا الهم عوّد وأستحر أشهد ان بعض الخفايف ؟ تهول الناظرين=وأشهد ان بعض الحكا وقعه أثقل من (شحر) 1 في نهار الصيد .. حزة ثبوت الصاملين=بان لي صقر الحباري .. على صقر الوحر ماتوقعت الرجل بلوته مـالأقربين=لين ما أصبحت شاعر بيانه ذو سحر يصرف المعنى كما تُصرف ام القالبين=دافي الإحساس والحرف . . في بردٍ وحر شاعر غنت حروفه جبال الواديين=يبسط اللي ماأنبسط .. يفحر اللي (ماأفتحر) 2 وأنت ياللي تنطل الحكي نطل الجاهلين=أحسبك تدحر عدوي وأثرني المندحر؟ كيف أسلك سيف بيدي وأضد المعتدين؟=وأنت سيفٍ لو حصل له ركزني في النحر شنت يالأدنى .. وخيرك غدا للقاصيين=صاب خيرك للعرب .. واما انا عني جحر ما أنلدغ مؤمن من الجحر نفسه مرتين=اما انا انلدغت .. في كل يوم ولك جحر إنقتل قدرك بقلبي ولا أبغا امعزيين=انقتل لو ماقتلته ؟؟ .. فلا شك أنتحر احذف الريشه وأذا احسيت للريشه طنين؟؟=ماني اقطف من زهر .. ماني اغرف من بحر \ |
الشاعِـر : سعيـد بن مانـع ( قحطاني الواديين )
( ياياسر ابن سعيد ) عديت رجم مهلهل وخافقي حاس=إبحرّة كني على الجمره اشويه ولا هنا لي به وقوفٍ ومجلاس=عفت الجبل من بعد ماخاطري فيه نسناس ؟ وينه كن مافيه نسناس=ضاق الصدر والليل بانت مواريه ولا جدا الشاعر ليا جاه هوجاس=سوى بحوره لا تلاقت قوافيه ياياسر ابن سعيد .. لا باس لا باس=تبقى جبل .. ماهزه اللي يلاقيه مايمتحنّا الا عديمين الإحساس=اللي بلاهم ؟ وقتنا حي طاريه الوقت فيه الخير .. والشر في الناس=نستثني اللي طيباتٍ مجانيه يفداك من يعداك ياطيب الساس=ولا عليهم يابن عمي مشاريه اللي عجز لا ياصل الراس بالراس؟=ماله سوى شذب العراقيب يشفيه وانته من اللي تعبّو قبّ الأفراس=وانته من اللي ماتخيّب عزاويه وانته من اللي للتواريخ نوماس=وانته من اللي حدّهم ماحد يجيه ماهمنا قولة حسودٍ وبلاّس=أحبابك تخيّب .. بوجهه هقاويه دامه سرى فالليل من غير مقباس=ماله سوى العثره وخابت خطاويه |
الشاعِـر : سعيـد بن مانـع ( قحطاني الواديين )
( قشر الموز ) يارب تمنعني من الفقر والعوز=وإنك تخارجني من النبز والشمت بعض الكلآم يزيد فالخطّر إحزوز=وآخير من بعض الحكي ؟ نلزم الصمت وبعض العرب يفهم ويفطن من ارموز=وبعض العرب تشرح له ؟ يقول : ماإفهمت وانا علوم المرجله حزتها حوز=معروف في صمتي ولا من تكلمت ما أقبل طعامٍ جا من الناس مدزوز=كم ليلةٍ حزمّت بطني ولا نمت واليا إنشدوني قلت انا بخير وآنوز=عزيز ولرب الملا آلأمر سلمت واللي تعب ؟ يستمتع بنكهة الفوز=مثل الخوي وقفته لا من تألمت لي بيرقٍ بجبال الأمجاد مركوز=شايم عن التشكيك ما دامني شمت يجوز اناظر للمظاهر .. ولا يجوز=احكم بها ع الشخص دامي تعلمت ان مابه احدٍ قد اكل قشرة الموز=دام الحلا في ثمرته كان ما إطعمت |
الشاعِـر : سعيـد بن مانـع ( قحطاني الواديين )
( واحد من اخواته ) الا ياعالـم الأجهـار والأســرار=يـاربٍ واحـدٍ نرجـي لمرضاتـه فأنت السارّ ياربـي وأنـت الضـارّ=وأنت اللي تجيـب العبـد دعواتـه تهونّها على رجـلٍ زمانـه جـار=وتشفي علتـه .. وتفـك زنقاتـه زماني جار وانـا بـأول المشـوار=وذوقنـي المـرار بكـل كاساتـه آحل ديار وارحل من عنـا لديـار=ادور شرحـة الخاطـر وسجـاتـه والا يانفسي اللـي حظهـا عثـار=وعيا مايلـه .. يقبـل سميحاتـه على الشـده تعودنـا فـلا ننهـار=ونومن بالقـدر شحـه وعطواتـه تعلمنا مـن الدنيـا دروس اكثـار=ومن لا يستفيـد يـذوق حسراتـه فلا نستصغر الحاجات لو هي اصغار=صغيرات الزمن ؟ .. تنتج كبيراتـه نجد ونجتهـد بالعـزم والإصـرار=ولا يشُمت بنا .. ولا حن بشمّاتـه فقارى ماعرفنـا عملـة الـدولار=ولكن نعـرف ان كلـن وشيماتـه قنوعيـنٍ قبلنـا ظـل دون أثمـار=حدانا ماشكـا مـن قـل حيلاتـه فلانبكـي نـدور مــدة التـجـار=خذينـا م الجـبـل إلا طمانـاتـه ولانضحك نـدور ضحكـة التجـار=عـزازٍ نصـدق ولاحـن ببهاتـه وإذا القُبله لها دربٍ طويـل أمتـار=لنـا عفويـةٍ تقصـر مسافـاتـه ياكم دجنا بقـاع الأرض والأقطـار=وعرفنا سلم هذا الوقت وحكماتـه معك مليار ؟ يعني قـدرك بمليـار=وراعي الشاه قدره ماأعتلا شاتـه وخاوينا بوقـت العسـر والأستـار=بوقـت المستـره كـلٍ وضحكاتـه وميزنا الوفـي مالصاحـب البـوّار=فوايـد وقتنـا الأقشـر وصكاتـه خويٍ ماأنتفض فالماقـف الجبّـار=أعده بأنظري واحـد مـن اخواتـه واذا كان ابن عمي ماقبس لي نـار=وضوّح لـي بليـلٍ حلـك ظلماتـه عسى عيني تهله هلـت الأمطـار=يروّح دون ماأسأل منـه رجعاتـه فـلا ننظـر لواقعنـا بإستنـكـار=نعم هـذا الزمـان وذي مساراتـه مدام ان الغيوم اصبح بها إستمطار؟=اجل خـل العجـب يعلـن نهاياتـه |
الشاعِـر : سعيـد بن مانـع ( قحطاني الواديين )
( قد صحت ) يابارقٍ لوّحت .. لليل ضوّحت=ثوّرت فيني خامد الحب والشوق ذكرتني في بسمته عقب مالحت=ونقضت جرح وسال من ضيمه الموق وانا كتمت اللي بصدري ولا بحت=ومن كثر مابه ؟ صرت عابس ومخنوق اسهر بهاجوسي ولا مني اصبحت ؟=اهجع واشوفه جعل ماناشه العوق وأفرح .. ولامني من النوم صحصحت؟=اقول : ياليتي من النوم ماأفوق قد صحت من درب المحبين قد صحت=ماطاعني قلبي وساق القدم سوق وش زان لك ياقلب ؟ مبسوط وارتحت؟=قد علمك عقلي ولكنك مطفووق ولا أنت ياللي ماخذه عقب ماأجتحت=اضلاعي بليّا تنحنح ولا ذوق ماطحت من عيني ولو جرت ماطحت=تبقى بعيني لك مكانه ومرموق انساك ؟ كيف انساك من عقب مارحت=وانته تركت بداخلي جرح وفتوق السيل ماعمره رقا فوق من تحت=واذا رقا ؟ بأنساك ياأعز مخلوق |
الشاعِـر : سعيـد بن مانـع ( قحطاني الواديين )
( سبعين قطعه ) ياللي نويت الغدر .. ياجعلـك النـار=مقرود واللي شجعـك بعـد مقـرود تخسا ويخسـا كـل عايـب وغـدّار=سبعين قطعه رحت مع هبـة النـود مراح مـن مالـه معـزي ولا ثـار=ولا هوب بمنشودٍ ولاهـوب مفقـود هـذا جزاكـم ياقصيريـن الأشبـار=ماقدمكـم ياكـود نــارٍ وبــارود يامحمد النايف مـن الغـدره امجـار=امجار يارمـز الوفـا منبـع الجـود ياقاهر الإرهـاب يازبـن الأخطـار=يالصارم الشغموم ياشامـخ الطـود ياقامع أهل الـذل والبـور والعـار=يامضفي البسمه على وجه مضهـود يامسدد الأشوار فـي تـوه الأشـوار=سيفٍ على وجه المواقيـف مجـرود يا أمير حنا مارخصنـا غـلآ الـدار=ارواحنا وعضامنـا سـدود وحـدود حنا جنـود للوطـن سـر وإجهـار=ناقف بوجه اعداه كالشمـخ السـود الفود ماهـو فـود درهـم ودينـار=فدوى الوطن بأرواحنا .. الفود والزود |
الشاعِـر : سعيـد بن مانـع ( قحطاني الواديين )
( صلاة الجماعه ) انا وش اللي بغيبتـك مستفيـده ؟=صدري وصل م.. الهم حد الشباعه الصبح يضحك لي بضحكه جديـده=وانا الى هالحين مانمـت ساعـه اسهر واسامر كل نجمـه فريـده=وان نمت ؟ قالت ليه هذي القطاعه ياغايبه والليـل لا قويـت ايـده ؟=يدي ضعيفـه ماتقـاوي صراعـه الحـب دمٍ والمواصـل وريــده=والقلب هو اللـي يزيـد اندفاعـه غبتي وسميتـك : قريبـه بعيـده=والعين تحسد خافقـي عالقناعـه جاعت عيوني شوفتـك ياعنيـده=ماترحمين اللي بلتها المجاعـه ؟ بينـي واحزانـي علاقـه وطيـده=مثل العلاقه بين عقـرب وساعـه فراقـك الله يمحـقـه لا يعـيـده=لازاد زاد الجـرح معـه اتساعـه نسياني اكذب من كـلام الجريـده=وكتماني اعتم من عتام الإشاعـه وأشواقي اصدق من فعايل رفيـده=وأبلغ من طعون اليدين الشجاعـه شوقٍ هبا في القلب وسم الحديـده=والقلب لولا الصدر ؟ تم انتزاعـه ولاجـداي الا حـروف القصيـده=عسى تزودنـي شويـة مناعـه لك الله اصبر عالريـاح الشديـده=يالمركب اللي ضاع منه شراعـه عسى الفرج يقبل ويهنـاك عيـده=وتبات عين اللي شقا البُعد لاعـه وأقول للنجمـات فرصـه سعيـده=والمعذره دامي نويـت القطاعـه ياغايبـه والنخـل يبّـس جريـده=ولا يغـرك راسهـا وارتفـاعـه به في غيابك فايده بـس وحيـده=يمكنّهـا هـي العـزا والشفاعـه تدرين وش في غيبتك مستفيـده ؟=اني اصلي الفجر ويـا الجماعـه |
الشاعِـر : سعيـد بن مانـع ( قحطاني الواديين )
( بلا علم ولا مرسالي )
العين صارت بالدموع تلالـي=لين استوت من تحتها ماريّـه والبال مشغولٍ وزاد إشغالـي=سارح ولا كن به عرب حوليّه والحزن اعده صاحبٍ واموالي=ماقد تركني في عشي واضحيّه والضيق حاودني على موالـي=والشعر تخفيفٍ من اللي فيّـه قولوا لمن هو قاطعٍ ميصالـي=من حث خطوه ماهي ابمحسيّه فجأه بـلا علـمٍ ولا مرسالـي=شوفته صارت عندنـا ملغيّـه لو أني أعرف ديرته أشوى لي=بس المصيبه ديرتـه مخفيّـه ميسم فراقه أحتمر .. عزاّ لي=وألحقني الكيه عقـاب الكيّـه باحت خوافي الخافق المتعالـي=حاول يخلّـي ضيمتـه سريّـه بس البلا عيني تبيّـن حالـي=والضحكه اللي ماهي ابصدقيّه ياصاحبـي يالعاقـد الحلاّلـي=إفهم كلامي وإصتصغه شويّـه الحب ؟ (بنٍ) والقلوب (إدلالي)=والوصل (جمره) نارها مصليّه لاصارت الدله بجال الصالـي؟=البن فاحـت ريحتـه فوريّـه ودلتك يرقب صبهـا فنجالـي=ياحي بنّـك لا سكـب ياحيّـه عيني تخايل رجعتـك يالغالـي=تبغاك ترجع تمسـح الماريّـه |
الشاعِـر : سعيـد بن مانـع ( قحطاني الواديين )
( حنّـا سعوديين ) الحوثي اللي غر راسه عمه ؟؟؟=لا هو ولا عمه .. فلح تغريره ارسل صبيه عقب ماقد دبر=وعود صـبيه خايبٍ تدبيره ماننـتـظـر منه يزيد يدبر=نقطع رشا دلوه ونقبر بيره :: سلام يالموطن .. ويا حكامه=وسلام ياشعبه كريم السيره وسلام ياروح الشهيد الوافي=اللي أطلعت من زود حب وغيره أقسم وفرحو به هله وأخواله=واوفا وفرحت فيه كل الديره الموت دون الدين ثم الموطن ؟=تبشيرة ياحيها تبشيره وحن كلنا جنود ولا حن نذخر=جهدٍ يزيد لذا الوطن تطويره حنا سعوديين فخر وهيبه=للمجد والعليا نحث السيره مانقبل من المجلس الا صدره=ولا نطمع من الصيد ألا خيره واللي نوى بحدودنا مايفلح=عظامنا لحدودنا التسويره ناقف بوجهه صف مايتهالك=امقدمين صدورنا بلا حيره الكل منا فاليمين اكفانه=وبيساره سلاحٍ وفا تثويره حنا نحب المسك واحنا اهله=اما هدينا او نشر تعطيره لكنّ من جازا عطانا عكسه ؟=نعطيه والله كير ماهو كيره |
الشاعِـر : سعيـد بن مانـع ( قحطاني الواديين )
( موجز النشره ) اللب لا من تعوّر بان بالقشره=والعين بيّن عليها كسرة الخاطر جرحتني جرح .. ياكُبره ويا قُشره=ولا يهمك تشوف الجرح يتقاطر ..! كم قلت لك غلطةٍ للشاطر بعشره=وانا انتهى الصبر مالعشرات يا شاطر طعنت حبك وشفت إدماه منطشره=بسيف نكرانك المتمرد الشاطر هو كيف تنسا الصفا يا صافي البشره=مشيت درب الجفا .. من دلك إتخاطر ؟ ما تذكر .. التضحيه .. والطيب .. والعِشره ؟=ولاّ نسا غصن قلبك .. قلبي الماطر .؟ من حبنا كان حتى همنا خشره=مهما كبر همّنا .. لا بدّ نتشاطر خذ الخبر موجزٍ .. مايلحقه نشره=من قلبي اللي بطر به قلبك الباطر في حكمتي : من شرى في خوتك فإشره=في وقت صار المعزب .. يكره الخاطر القلب منضام .. والنبضه علي تشره=والصبر زوّد وصارت بكرته ؟ فاطر بالأمس أغني لك ( أبصم لك على العشره)=واليوم اغني ( خلاص وعافك الخاطر) |
الشاعِـر : سعيـد بن مانـع ( قحطاني الواديين )
( البراقع ) البراقـع عمرهـا ماغـطـت القـلـب وحنيـنـه=والليالـي عمرهـا ماغطـت بـروق السحـايـب يا كثر ما جـر صـوت القلـب بلحـون الغبينـه=وأنطرب دمعي وحوّل مـع لحـون القلـب ذايـب خيّـل الحـظ وتركنـي يـا الله انـك لا تهيـنـه=للظروف القاسيه / والوقـت / ويديـن النشايـب يا العيـون الناعسـه يـا أم المراميـش السنينـه=والله ان وقعك علـي أشـد مـن وقـع الحدايـب لا تصديـن النظـر عنـي وتبـديـن السكيـنـه=دامني آشـوف فـي نظراتـك أطـراف اللهايـب ماقدرتي يا الحزينه .. فـي الهـوى لا تظهرينـه=دمعة المشتاق .. ماهي مثـل دمعـة عيـن تايـب لاحت الذكرى بعينـي - مـن لمحتـك يالحزينـه=وأبتسم من حيرتي وأقـول : يـا دنيـا العجايـب كيف كنـا نلتقـي .... والسعـد يرعانـا بعينـه؟=وكيف صرنا نلتقي ... وإجروحنا حمراً عطايـب ! أختلف وجه الزمن - وأشحـب وعقّـد حاجبينـه=كنت اشوفك حاظر / وذا اليوم اشوفك بس !! غآيب ما نسيـت العهـد الأول - لـو بغيتـي تنقضينـه=حافظـه حفـظ الحواجـب للعـيـون وللهدايــب تذكريـن ايامنـا والـحـب بـاقـي تذكريـنـه؟=والبراءه يوم نسأل بعـض وش معنـى مصايـب؟ وطبعـة السجـاده برسمـات مـكـه والمديـنـه=وضحكنا وسط الركوع وهمسنا من خلـف شايـب والشغـب والبرقـع اللـي تلبسينـه قبـل حينـه=يـوم نضحـك .! مادرينـا انـه لفرقانـا سبايـب لا تنسيـك البراقـع طـاري الـحـب وسنيـنـه=غطوةٍ للوجه ... ماهي غطـوه لشـوق الحبايـب |
الشاعِـر : سعيـد بن مانـع ( قحطاني الواديين )
( ياشبيه الريح ) زينة الرجل التواضع ..وآفـة الرجـل الغـرور=كـم رجـالٍ عاليـة قـدر وهبطـهـا كِبـرهـا والجهل ظلمه لعقل اللي جهـل .. والعلـم نـور=وأكبر الاشيا بعيـن أهـل العقـل يـا صغرهـا ولا يطول المجـد بيـده كـود رجـالٍ صبـور=والهقاوي فيـه لـو جـار الزمـن يـا كبرهـا والرجوله كلمـةٍ ماهـي فقـط تعنـي ذكـور !=كلمـةٍ تحمـل معانـي مـا جهلـنـا قـدرهـا والوله وسط المحاجـر .. والمحبـه فالصـدور=كـل منهـم يدفـع الثانـي ويـشـد بـأزرهـا والغرام أحلى شعورٍ .. والفراق أصعـب شعـور=والوفـا بيـن الحبايـب هـو متانـة جسرهـا والظروف ان كانهـا قالـت لهـم : لا للعبـور=ماتثبط عزمهـم .. لـو طوّلـت فـي عسرهـا ياشبيه الريـح .. لا تجـزع ولا منـك قصـور=ماجريت الا على مشها السفـن وش عذرهـا .! من تخاذل لا يهمـك .. مـن يعاديـك إمعثـور=والشخوص اللي تدنّت ؟ بُصرهـا فـي عمرهـا منـك نتعلـم دروس الصبـر بأجـل الأمــور=والصعايـب لا قـوّت وشلـون نقـوا كسرهـا وكيف يقدر كـل منـا يكتـب الفـرح بسطـور=من قلـم همّتـه .. والإصـرار سايـل حبرهـا وكيف وسط الزحمه يسجل لـه الواحـد حظـور=يضـرب الخطـوه بدربـه مـا تشّكـا وعرهـا وكيف نلغي من قواميس الهوى .. (حب الظهور)=نجعـل الأسمـاء رنّانـه ويـطـرب ذكـرهـا وكيف في صعب المسايل نتخـذ بالفكـر شـور=وعشر راعين الصلابـه مـا تنقـص عشرهـا رايتـك بيضـا .. ومثلـك مايحيـد ولا يبـور=لا تطيـح الرايـه الزرقـا ... تدبّـر أمـرهـا لا تضيق .. ودام شبرك طال عن كـل الشبـور=ماتضيـق الا علـى نـاسٍ قصـيـرٍ شبـرهـا كلنـا نشكـي مـن الإحبـاط فينـا والكـسـور=وأنت وحـدك بعـد ربـي قـادرٍ فـي جبرهـا مانبي الا شوفتك يا الحر يـا الشهـم الجسـور=والعزيمـه عنـد مثلـك طــول الله عمـرهـا |
الشاعِـر : سعيـد بن مانـع ( قحطاني الواديين )
( ياسر .. العود الازرق ) دق الجرس .. ثم أبتـدا درس الإبـداع=وصوت الجرس؟ عشق الصفوف الأوايل والعود الأزرق فاح ... والفـن ذعـذاع=طيبـه علـى وجيـه الجماهيـر جايـل ياسر رجع .. حيّا ويا مرحبـا السـاع=وغصن الفرح طربـان بـه وإمتمايـل قد قلتها يـا نـاس ياسـر ليـا جـاع؟=مايـرجـع الا بالكـبـار الـجـزايـل بالهـون ياياسـر ياكاسـر يـا طمّـاع=ما أجمل طمعـك اللـي عليـه المثايـل كل الرضـا يهـدى لعينـك بالإجمـاع=وعين الرضـا ماهـي لغيـرك تخايـل ياجامـع الإبـداع بأشكـال وأنــواع=ياقاطـع الشِكّـه .. بعـيـن الـدلايـل ياطيّـب الأطبـاع .. ياشيـخ الإمتـاع=ياقامـعٍ راس الحـكـي .. بالفعـايـل روّضت راس الكايـد وجـاك منصـاع=وأشفيـت بـه حـر الكبـود الغلايـل دق الجرس بيديك يـا أستـاذ الإبـداع=وصوت الجرس .. يفرح قلوب الأوايـل |
الشاعِـر : سعيـد بن مانـع ( قحطاني الواديين )
( وجهك ابيض ) إنكسر قلبي من العلم والوجـد احتـدم=والله ان يبطي وهـي عسـرةٍ جبايـره وجهك ابيض يا الوفي لا خلا ولا عدم=ماتقصر.. جـارك الله مـن ايـة بايـره أستطعت الحفر لكن عجزت من الـردم=وان ردمت الحب تبقى عروقـه غايـره حبك اللي زارعه فالحشا منـذ القِـدم=عرقه أقوى من عناد الريـاح السايـره لا تقول ان صاحبك انفجع ولا إنصـدم=دامنـي غيـمٍ وحـظ السعـاده طايـره كان قلبي ما بنا الحب ؟ ولاّ مـا هـدم=والله إن إمحبتك عـن سـواك إمغايـره مثل حبي ما تلاقـي ولاشـك أنعـدم=والرحا يـا نـور عينـي علينـا دايـره ما شكيتك في المحبه.. ولا أشعر بالندم=ماعلى الجاني عتب والرصاصـه حايـره دام خططت المفارق .. وحثّيت القـدم=الله يسمح دروبك .. ( وفرصه جايره ..! |
الساعة الآن 02:01 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0