من جمعك الحظ به والليل يدري=ماشكى سترك ولا قسوة يديك
لاتعرضت الهوا بعطيك ظهري=تنهرينه كثر ماثقّل عليك
ولا انا ياللي : عجزت آقول عذري=لو عشان آقول عذري , كيف اجيك؟
شحّت اللحظات واستكفيت بدري=واللسان بذمة المخطي ركيك
اجمع اللي ينجمع بحدود صبري=واسألك تدرين وش معنى , ابيك؟!
جاوبت عنّك بديهيات صغري=ياغلام : اعقل وكل مما يليك

يافـرآق لا تهدد ولا اهدد=عيد السنه هل وهلآله
لا جا وانا عنه متصدد=قل له يروّح على فآله
شروآك لاصآر متجدد=شروآي مايجهلك حآله
حتى ولو بآت متمدد=يشره على الصبح وضلاله
تعبت اقآرب ولا اسدد=وآخآيل الحلم وارقى له
كرمآله , القـآه متبدد=وأكذّب الصدق , كرمآله
مابالهدف شي متحدد=غير الولا باصدق اشكآله
الجرح وافي ومتعدد=والرآس متعدد هبآله
افضيت عمري وانا اندد=واجاهد البعد وامثآله
ناشط ولي فكر متشدد=ماارضى على الحب وافعآله
واليوم ياخـوك متردد=قلبي والافواه نقآله
ياجعله ان قيل متبغدد=مامر بغداد , عقبآله