الألف أولف مـن عذابـي قصايـد=يبكي لها شخصِ عن العيـن نايـد
ممـا جرالـي خـذ علـومِ وكايـد=يحرم علـى قافـي كـلامِ خيالـي
والبا بـلادي كيـف فيهـا تغرّبـت=الناس جنبي بـس ياخـوك جنّبـت
كـلِّ شرابـه عـذب وأنـا تعذّبـتي=العن أبـو وقـتِ يغّـر الرجالـي
والتـا توالفنـا وصرنـا ولايــف=ثم أفترقنا يـا حسيـن الوصايـف
خايف من الأيام يـا بنـت خايـف=إن ما أجتمعنا ويش يجري لحالـي
والثا ثمان سنين أمشـي وأناديـك=وأبكيت أهل الشرق من كثر ما أبكيك
أسمع صدى صوتي من سنين يدعيك=وأشكي على الله كل شـيِّ جرالـي
والجيم جاوبـت الحمـام بسماهـا=يا غايبـه وجـذور قلبـي معاهـا
ما أدري متى الأيام يقضـي بلاهـا=ويلتـم شمـلِ فرقـتـه الليـالـي
والحا حلفت لدار الأجنـاب لا أروح=يوم أنتهى صبري وضاقت بي الروح
لا صار سدّك بين الأنذال مفضـوح=أقلـب عقـارب ساعتـك للزوالـي
والخا خسـاره يـا بقيّـة ربوعـي=لفراقكم ترجـف محانـي ضلوعـي
والله مانـي للجماعـه قطـوعـي=لاشـك بركانـي يذيـب الجبـالـي
والــدال دللـنـي زمـانـي ودارا=أقفـى وخلانـا يهـود ونـصـارا
راحـت حياتـي مغتـرب باالديـارا=أشد كفّـي وأثـري الكـف خالـي
والـذال ذلّ النفـس صعـبِ علينـا=ننسى ولو با الموت شخصِ نسينـا
يا إللي نحت بـك كلمـة العاذلينـا=إللي حكى لك فيك ياما حكـى لـي
والرا رسم لي صاحبي لوحة أخلاق=في ليلةِ ظلمـا تهيّـض بمشتـاق
وبا الشمس سالت لوحته كلها نفاق=وأقسمت ما أنظر لوحةِ بـا الليالـي
والزاي زوله ساكـنِ فـي عيونـي=في سلوتي في خلوتي في شجونـي
لو خنتني أعاهدك لك مـا أخونـي=الحـب الأول .. مـا ينسيـه تالـي
والسين سافرنا إلى الغرب والشرق=وماشفت مثله في حياتي ولا عـرق
( بينه وما بين الأناثي صِدِقْ فرق )=مالـه مثيـلِ فـي دلال وجمالـي
والشين شفت الموت مليـون مـرّه=بس أن موتـي مـا بلانـي بشـرّه
ول يا غريـبِ جالـيِ عـن مقـرّه=يطرق على الفنجال صفـر الدلالـي
والصاد صبر أيـوب ربـي يجيبـه=عند الحبيب إللي غـدا لـه حبيبـه
تقلّبـت فـروة حـيـاةِ غريـبـه=وشربت كاس المرّ من بعـد حالـي
والضاد ضيقة صدر وأحزان وهموم=تجمّعت في صـدر رجّـال محـروم
صبّت عيونه ثم تابـت عـن النـوم=بارضِ بعيده دونها الشـوف مالـي
والطا طويـلات الليالـي سهرنـاه=والبعد والحرمان غصـبِ عرفنـاه
يالله أنــا طالـبـك يالله يــا الله=تفرج بجودك يـا عزيـز الجلالـي
والعين عيد الناس يذكر ولا شيـف=من لي ثمن سنين عيدي تصانيـف
تفرقوا يـا عيـد فيـك المواليـف=وحبل الرجا يا عيد با الحيل طالـي
والغين غرّ العيـن خـادع سرابـه=حتـى تخاوينـا أنــا والذيـابـه
مابيـن غربـات الزمـان وعذابـه=من بدّ كل النـاس أمشـي لحالـي
والفـا فـؤادي خايـفِ لا يتفطّـر=لا قمت في بعـض الليـال أتفكّـر
الله مـن وقـتِ عليـنـا تغـيّـر=عجاجةِ تصفـق بنـا كـل جالـي
والقاف قابلته وفي عينهـا دمـوع=وأقفيت عدّ القلب با الأرض مجدوع
يالله نسجد لك ونركع لـك ركـوع=أرحم عبادك يـا مجيـب السؤالـي
والكـاف كـلا ثـم كـلا وكــلاّ=ما أنسـاك مـا دام النهـار يتجـلاّ
لين الترايـب فـوق قبـري تهـلاّ=ويصير عقب المـوت حـبِّ خيالـي
واللام لابدّ السّرا يـدور يـا هيـه=يامن جحدت الطيب وأنكرت راعيـه
يالعن أبو طيبِ غـدا الهـمّ تاليـه=ماهي لنا يا عزوتي يـا حلالـي ؟
والنـون نـارِ تعتلـق وتغمـزلـي=تاكل عيوني ثـم بـا القلـب تدلـي
رجعت يا الراكب خـلاوي ورجلـي=ماعدّ لـك بحبـال شمّـر حبالـي
والها هنوفِ يابـو نايـف صغيـره=صارت لي بعقد المشايـخ عشيـره
وطفلِ صغيرِ مادرى عـن مصيـره=أوصيك كان الموت فـرّق غوالـي
والواو وصيتك بطفلي وأنـا أنخـاك=يارد لحاله لو يجي وسـط الأتـراك
وقل له تخلص نفسك اليوم يمنـاك=رصّه على الرمضا وبرد الشمالـي
والياء يا ربي رضينـا بمـا صـار=آمنت بك وأسلمت لك كـل الأقـدار
وأرجي عساها فكّةِ لي مـن النـار=طالبك ياللي با السما فـوق عالـي

زاهـيً باللـون يالجسـم النحيـل=غار منك الورد فـي طلـة بهـاك
يالعيون السود مـا مثلـك مثيـل=ربي إلي يا غـلأ بزينـك كسـاك
ناعم الخديـن يالرمـش الظليـل=ساحر العشاق فـي بلسـم شفـاك
وردة الياسميـن ماغيـرك خليـل=قلبي إلي حـب مـا يـومً سـلأك
يا حبيب الأمس شف دمعي يسيـل=ياهوى بالي عذابي وش عطـاك !
اّه لو تدري بـ... هالقلب العليـل=كيف يمضي الوقت مع قلبً هواك !
أسهر بليلـي وأنـا ليلـي طويـل=وأتحـرا صورتـك يالله عـسـاك
يا حبيبي تـاه فـي قلبـي الدليـل=من نظرتك يالغضي مابغى سـواك
يا وليفي ما خبـرت إنـك بخيـل=هات من عطفك وعطني من غلآك
حطني برمـوش عينـك والشليـل=إيه أنا بـردان يـا زينـه دفـاك
داو قلبي إشـف همـي والغليـل=وجرحـي إلـي مايـبـي إلأ دواك
لأ يهمك راعـي الهـرج المليـل=دامنـي ويـاك يكفينـي رضـاك
أقهـر العـذال سـو المستحـيـل=خـل عـذالـي وعـذالـك وراك
وإن حكوا العذال عنك مـا أميـل=لآ يهمونـك وأنـا روحـي فـداك
يا وليفي راع شف طلـة سهيـل=لأ وصلـه عاذلـي قلبـي نسـاك
إيه أبعلن حبـك إلـي مـا يزيـل=إيه أنا أحبك .. وأحبك يـا مـلأك
لو يـردد عاذلـي عينـي ياليـل=ما نسيتـك بـس يكفينـي وفـاك
كاشفـي الهـرج زبـدة القلـيـل=سري المخفي ترا أعلنتـه معـاك
خبّـر العـذال بالصـوت النبيـل=إنـي أحبـه بـعـد هــذا وذاك
قل لهم بالزين مارضـى بالبديـل=حبه بقلبي ولـو شفـت الهـلأك
للهوى مبـدى ولأ أبغـى أطـيـل=الهوى إخلآص لو سبـب شقـاك
يا بعد حييّ وأنـا فـارس أصيـل=قلبي إلي بـاع غيـرك وأشتـراك
كاشفي أعرف تـرا بالـي طويـل=خبر العاذل وهـاك الصـدق هـاك
قله إنـي ميـت بالجسـم النحيـل=والحقيقـه أدري إنـه متخـفـاك
وقله إني أعشق الوجـه الجميـل=خص لأمن جاك كالعـود السـواك
عاذلي .. يا عاذلي للحمـل أشيـل=والهوى غير المّذله وش عطاك !
وش عطاك الحب قلي يالهبيـل ! ّ=للمّذلـه والمّـراره قـد سـقـاك
والأ أنـا بالهـوى مانـي ذليـل=والدليل أكبـر دليـل أنظـر وراك
والسمّوحه ياهلّ الشعـر الجزيـل=ماقصـد التجريـح لـهـذا وذاك
ميّـر حبيـت أتغـزل بالخلـيـل=وقصتي كالبرق لأبرق في سمـاك