|
الشاعِـر : سطـام الشمـري
تعال ونزّل أهمومك على صدر ٍ حفظ ذكراك=تعال وفيّض أدموع العذاب وخفف أحزانك تراني ماحتمل وحشة سكوتك والحزن يملاك=حياتي ماتساوي دمعة ٍ تنزل على أوجانك أجي لك , من عنا همك وغمك , بسمةٍ بشفاك=أنا فدوة ثواني تفرحك وتسر وجدانك فديتك يالغلا كلّي , عسى من زعلك يفداك=عسى يفداك من يرسم حروف الـ (( آآه )) بلسانك أعرف إن الوفا طبعك وأعرفه طبع من يهواك=عسى ربي يديمك يالوفا ويخون خوّانك أعرفك طيب الخووه ومن خاواك ماينساك=وعارف قلبك الطاهر يطمّع فيك عدوانك عفيف ٍ صادق ٍ وافي , وكل ٍ بالهوا ناداك=تمناك الأديب ويبدع الشاعر على شانك وأنا ذاك الغريب إللي حمل برد السنين وجاك=تداعابه زمانه وأرتما في دافي أحضانك لقا فيك الآمان وعالج أجروح الزمن بدواك=لقا فيك الوطن وأصبح مواطن داخل أوطانك ألك حقٍ عليه ولو يسوق العمر ماوفاك=موازين الوفا تقصر ولا ترجح بميزانك كتبلك ماتيسر من شعوره في طلب لقياك=وغلاك يزيد مع كثرة جفاك وزود هجراك أنا مخطي أبي منك السموحه , مدلي يمناك=ترا , تقدر وأنا أستاهل بعض عطفك وإحسانك |
الشاعِـر : سطـام الشمـري
( نجمة سهيل ) قربي يانجمة سهيل يمـي قربي=قربي وسقي عروقٍ منشفها الضما في وصالك يقصر الجهد لو زاد أتعبي=لا نظرتك قـالت النفس يابعد السما عانقي صرخة قصيدي وقولي وإكتبي=علميني , ماخلقنا على الأرض أعلما إطلبيني كل ماملك وهـذا مطلبي=إحضني من هو بحضنك من الهم أرتما ياعيون الحر الأشقر وياعنق الضـبي=يانحيل الخصر ضامر وردفين أخصما خد وضحا تـفـتن الشـيخ قـدام الصبي=فتنةٍ تمـشي على الأرض جل المنعما غصن موزٍ لاعب الريح .. سابيني سـبي=مالكٍ روحي ورجواي .. ليت .. وربما أذكر الله كل مامر ياجاه النبي=ياعيون الحـسد سميت يامال العما ياوجيه في شرفها تـهرجين عقبي=مـامشى درب الرذاله وللعـزه سـما لو تجاهلتي شعوري ترا ماني غبي=أعرف إللي صان سدّه وبالصمت أحتما تفضح العاشق عيونه وتدري وش يبي=تنطق إعيونك ويسمعك من صابه صما ليش هجرانك وصدك ترا القلب أجنبي=ضيف لا شـاف المعزب جفاوي كرّما ما أنت لا بكـري ولاني عدوٍ تغلبي=لكن الأيام دارت وخـلتـنا غرما |
الشاعِـر : سطـام الشمـري
( همس المشاعر ) مشاعري في طريق الشعر تدفعني=أسوقها عقد للغالين وأهديها للي زعل , والزعل منه يروعني=عهدٍ علي أزعل العالم وأراضيها لو تزعل الناس , كل الناس وش يعني=بس أنت تزعل محال إنـي أمشيها لك صورةٍ وين ماوجهت تتبعني=دايم بعيني وأنا بالقلب أخبيها أضمها في ضلوعي وأنت تردعني=عن ضمها ليه دام إني أداريها ماحب غيرك وحبك وحدك أقنعني=جدد حياتي بحاضرها وماضيها قلبي على بعدكم عيا يطاوعني=وعيني على غفلتي لازم تراعيها إن جيت أوصفك وصفك حيـل ضيعني=شمس الشموس أنظره , وألا أحترق فيها جمالك إللي يبعثرني ويجمعني=يبيع بالروح يالغالي ويشريها ياصاحبي ليه عن وصلك ترجعني=ونفسي علامك بقل الوصل تشقيها من شوفتك ليه تقطعني وتمنعني=وأنا أرتجي شوفتك والنفس أمنيها إن كنت من فوق يالغالي تطالعني=أنا ولد ناس ماتجهل بأساميها نفسي عزيزه وصعب النفس تخدعني=أقنٌع النفس وأجرحها وأداويها وأنت وضميرك ولا ودي تقاطعني=أحكم وربي على الخيره يمشيها كتبت ياغلا البشر إن كان تسمعني=أبيات شعرٍ تنقٌينا معانيها |
الشاعِـر : سطـام الشمـري
( مانساك لو بيني وبينك سرايا ) تكشف المستور باحت سدودي=تبينت غصبٍ ماهو من رضايا كن الحشا وسطه سعاير وقودي=ألمي عيّا لا يطفي لظايا صبرت لين الصبر عدى الحدودي=بنيت له حد وتخطى بنايا الصبر دوهني وضيع جهودي=ضيع علي الوقت خيب رجايا ماني على هالحال يوم محسودي=لا والذي يمه رجاي ودعايا حيلي بدا ينقص وهمي يزودي=ضاقت بكثر الهم حدب الحنايا الحيل قل وصاب عزمي برودي=والنار تشعل في جوانب حشايا من لي شهر ماذقت طعم الرقودي=أحترت أنا وأحتار فكري معايا بلاني إللي بالفعايل يهودي=مايعرف الرحمه ويرحم عنايا ساعة نزل جتك الخلايق حشودي=كلاً يناظر له يقط التحايا من ناظر لعينه يصير معدودي=بالفور يصبح من عداد الضحايا وقفت أطالع والخلايق شهودي=مربوش ماعرف العمل والسوايا وأيقنت ضرب الكود أيِحل العقودي=جيته وعلمته بكل النوايا قال العهد وأضفي عليه البنودي=وقعت له وأنا عيوني عمايا سيد العذارى مشيته في ركودي=لا لد في طرفه سهوم المنايا يمشي بهونه ويتخطي ينودي=وأليا أبتسم يذبح بغر الثنايا تقول مثل البدر لون الخدودي=ومكملات بزين رسم الشفايا يبين مثل الشمس عقب الركودي=أليا تصحت نورت لي سمايا لا غاب ماكني بوسط الوجودي=وأليا حظر قامت عروقي تحايا عليه ألا ياحسرتي ياوجودي=مالي بغيره من جميع البرايا لو من جمال الكون جابو وفودي=ماعادلو سيد العذارى منايا يازين لا تسمع كلام الحسودي=راع الحسد ياعل ماله بقايا الود لا لا تبادله بالصدودي=الصد هو ساس المرض والبلايا شلني وغطن في ظليل الجعودي=ياغايتي ياداي وإنته دوايا يازين لو تعطف علي وتجودي=تجلس قبالي لين تطرد شقايا أعيش معك أحلى دقايق وعودي=ومن عقبها ربي عليه السوايا يامالك قلبي وفكري وعودي=أرفق بها لو هي لعينك فدايا مادمت أنا يازين برا اللحودي=مانساك لو بيني وبينك سرايا وصلاة ربي عد رمل النفودي=على النبي وأعداد سيل الشغايا |
الشاعِـر : سطـام الشمـري
( الحذر مطلوب من بعض الغجر ) من بحر جده لبحرك ياخبر=من جنوب المملكه حد الكويت أفتخر بالبدو فيها والحضر=لو وصفت الطيب فيهم ماقويت لي عيون(ن) عشقها ليل وسهر=في بلادي عن هواها ماغتنيت أعشق النجمات فيها والبدر=حبها بالقلب مادمت وحييت دارت الأيام ماجاني خبر=ياحبايب ليه عنكم ماسليت لي حبيب(ن) ضاع في زحمة بشر=دوروا عن صاحبي في كل بيت قلبي المسكين شارب له بحر=إنتبه ياقلب مدري وش جنيت المحبه كلها كذب وغدر=النهايه كيف تهدم مابنيت فيه ناس(ن) تتقن أسلوب المكر=حسبي الله ,, والله إني ماهقيت ماتغير قلبهم قاسي حجر=يوم قلبي في هواهم قد عطيت كم سهرت الليل كله للفجر=وكم شكيت من الجروح وكم كنيت الحذر مطلوب من بعض الغجر=لو ضحكة بحيل عنهم مارضيت الدروس أنواع من زيد وعمر=للحلول أشكال منهم قد خذيت مايفيد إلا قطاعه في هجر=لجميع الناس وأول من هويت قلتها ياناس من قوة قهر=وإن جرحت أبي السموحه مادريت الوحل ماقيل يشبه للنهر=في الدعاوي كلها بعت وشريت الظلام الليل يجلاه القمر=أكتب الأبيات وأفهم ماقريت لا شمعة النار تخر لي جمر=لي دروب صعاب لآمني نويت |
الشاعِـر : سطـام الشمـري
( يُمّـه ) يمه تواريتي ولا بعدك أوناس=بعدك زماني صار حوسه بحوسه همٍ وغم وكسر خاطر وهوجاس=والعين معبد والدمع من طقوسه الصدر ضايق والمعاليق يبّاس=والحال عظم وجلد والهم سوسه تجبرني الذكرى ويكسرني الياس=وأنهرت بين طعون وقتي وموسه تعبت أعزي النفس وأقول لا بأس=ظلماي بعدك ماتنيره شموسه بين البشر عايش ولاني مع الناس=النفس عيت لا توالف نفوسه أجلس مع الجلاس والفكر منحاس=شارد ذهن كل المسافات أقوسه بعد السعاده صرت للهم نبراس=وقصر الفرح ينهار من ضرب فوسه ياكثر ماطقيت في كفي الراس=وياكثر ماعضن بهامي ضروسه وياكثر في طاريك ماحبس الأنفاس=خوف الدمع يشرح على الخد بوسه وأشم ريحك كل ماهب نسناس=لا صار من يمة مكانك عسوسه لو الغلا ينقاس يمه بمقياس=حبك بقلبي صعب محدٍ يقوسه أنتي ذهب قلبي غناتي والألماس=أنتي بنات الفكر وأنتي دروسه أدعي لعل إللي تَخَضَّعْ له الناس=يجبر عزا نفسٍ زمانه يدوسه يالله عسى لك بين الأكرام مجلاس=بالخلد يمه بين يانع غروسه |
الشاعِـر : سطـام الشمـري
( ياوجودي ) كان ياما كان شاعر في دفاترك القديمه=شاعرٍ مازال يكتب فيك من روحه ودمه يرسل أشواقه قوافي غيمة ٍ من بعد غيمه=شاب وقفتبه سنينه يرتجيك تلد يمه يلطمه موج الخليج ويجذبه نجد ونسيمه=لا لمع برق المشاعر فالمزون المدلهمه جاوب الورقا ينوح وحط من طيفك نديمه=لا بكى يشكي همومه ردله طيفك وضمه عاتبه وعرف ظروفه ماورا ظلمه غنيمه=لا تحاول في غيابه تظلمه ولا تذمه ياوجودي من صدودك وجد من ذاق الظليمه=جرموه بدم أخوه ووجد أبوه وحسرة أمه لو تبريه المحاكم ماتبريه اليتيمه=ثوب أبوها في يديها كل ماجاها تشمه مابرا من دم أخوه ولا تقاضا من غريمه=ماينسيه الهموم الإ هموم ٍ فوق همه ذاق من جفوة ربوعه والظلايم والهظيمه=لا قريب ٍ يحتميه ولا بعيد يروح يمه مابقاله عند ربعه لا مقام ولا حشيمه=لا دخل مجلس وسلم صد أبوه وقام عمه أحتقر نفسه وصارت عيشته من غير قيمه=مامسح دمعة عيونه عن جفونه غير كمه ! |
الشاعِـر : سطـام الشمـري
( قهر الرجال ) الليالي والوفا والشوق والدمع الأصيل=روحت مع موكب الأحزان في ماض الليال والسهر ومعانق الأحلام والدرب الطويل=السبب فيها هنوف(ن) في خفوقي لا تزال أقبلت مثل الهوا لا عانق أطراف النخيل=وأرحلت مثل الضمى لا صاح من خلف الزلال ياوجودي يوم أناظرها وتشر للرحيل=وجد من مالت سنينه مثل ميلات العقال مابقالي منها ياكود دمعات(ن) تسيل=يوم لفت ترتجي وصلي ولا جاها مجال الوفي لامن بكا لابد يبكي من غليل=دمعته لا روحت تروي حكايات(ن) طوال في خفوقي تبكي الأشواق وأهاتي دليل=وفي عيوني تحكي الأحزان عن قهر الرجال والله إني مابغيت أنساك يالصبر الجميل=لين شفت إن التواصل بيننا شي(ن) محال علميها ياسحاب الهم بالقلب العليل=كيف تتركني بحر الشمس من عقب الظلال وخبريها ياحروف الحب عن عابر سبيل=واحدن ماحبها ياكود عفه وإرتجال وذكروها في حياة البدو جيل(ن) بعد جيل=كيف كنا نستر العذراء ولا نخشى القتال يابري حالي وياوجدي ليا زاد الفتيل=وأستضاقت فسحة الأظلاع من بعد الزوال وياوجودي لا برق جرحي وعبراتي تخيل=ولاحت أمزون المحاجر وأنتثر دمعي وسال وياوجودي لا أرتويت الهم عقب السلسبيل=وجد أهات الكويتي في نهار الإحتلال وياوجودي يوم أناظرها وتشر للرحيل=يوم لفت ترتجي وصلي ولا جاها مجال |
الشاعِـر : سطـام الشمـري
( جنون الشعر ) ياجنون الشعر غني وعزفي لحن الخواطر=إشعلي نار القصايد وستشفي من بحرها ويابحور الشوق هيجي ونثري عقد الجواهر=صافحي ساحل وصاله ونتقيله من دررها وياهبوب الغرب هبي وحملي فيض المشاعر=عانقي غيمة غلاها وستغيثي من مطرها إحضني صدر الحروف وداعبي ذيك الضفاير=حركي سلسال عقد ٍ جوهره لامس نحرها قبلي منها الجبين وفيّضي ذيك العباير=إلمسي خد الحروف وقبلي مبسم ثغرها إهمسي بذنه وقولي لاٍ متى والحظ عاثر=خطوتي في درب وصلك حظها العاثر عثرها قولي إني : من بعدها صرت للذكرا دفاتر=كل صفحات الدفاتر بالغلا تحمل صورها أنكسر فيني غروري عقبها لو كنت أكابر=لآنست عيني ملامح طيفها قلبي ذكرها أخبريها إن القصور إللي بنتها بالضماير=تستغيث الوصل منها والجفا بكّى حجرها خاليه من كل غالي .. كنّها ذيك المقابر=منتي أول من سكنها .. لكن أخر من هجرها لو ملامح صورتي تلقينها .. في كل شاعر=ماني أول من شكى الفرقا ولا أخر من ذكرها لي حروفٍ من حروفك لكن الشيطان شاطر=لو عرف معنى حروفك قصتك شيع خبرها ..! |
الشاعِـر : سطـام الشمـري
( المعذره يابن الرشيد ) تصافقت فيني هواجيس الشعر راحت وجت=ثار القلم هامت سواحيب الفكر تمطر غزل شمٌرت بذراع الهوى بكتب أنا بكف يبست=سنتين ماشفت القلم واليوم جيته بالوصل جيته وأنا شايل ألم من فوق راسي لي تحت=والآه والدمعه على متوني حمل , حمل , حمل من جاني الماخوذ شايل هالخبر عيني ذرفت=والشمس قفٌت وأظلمت دنياي بالعلم الجلل اّه يالطنايا .. راح فيكم شيخ والقاتل فلت=اّه يالسناعيس .. النشامى ماحصل والله حصل رمز الشجاعه , والكرم , رمز القلم , إسم أنحت=بحروف من ياقوت , وألماس , وزمرد , وعسل الشيخ ولد الشيخ يغدر فيه .. ياقل البخت=والثار في دار .. الجزاير .. ضايعٍ بين الملل .. [ اّه ياطلال إبن الرشيد ] .. شلون روحك روٌحت=أستغفر الله قدر وماشاء ربي له فعل سبحانه إللي سخٌر الأقدار في أرض أنوطت=روٌحت مثل إللي سبقك تسعين عام ولا رحل مرحوم ياللي سمعتك علٌت على الكُل وعلت=يانجمنا من بعد ماغابت نجومٍ له فعل مرحوم يانارٍ توقد بالحشا لو هي خبت=نارٍ كلتنا بموتها وأقفت على حسن العمل مرحوم ندعي لك .. ولا غير الدعا نقدر نبت=ما بالأيادي شي غير المعذره وكثر الجُمل المعذره .. [ يابن الرشيد ] .. من النفوس إللي يأست=المعذره ثارك .. فلا نقدر على ثار البطل إللي علينا ونقدره هي دمعتين ولا أستحت=من بعدها ننساك مثل إللي نسينا بالعجل .. شمّر .. غدو مثل الحطب ياشيخ فينا إشعلت=في وقت فيه العبد ساد السيد وولد الأصل مابيدهم غير القهر حيله ولا الدنيا درت=فيهم ولا بيدينهم غير التعاسه والأمل عوايد التاريخ مع .. شمّر .. حشا ماتغيرت=إن وجهو يمنى يوجه لليسار بلا خجل .. [ تكفى أميري ] .. إعفنا نفوسنا والله ربت=بالخوف , والنسيان , وإنكار الجمايل , والملل ويالله عساك بجنة الفردوس في روضٍ غنت=أشجاره بلذات مما صوره ربي بأزل |
الشاعِـر : سطـام الشمـري
( عسى هذا الزمان صمّل ياطاني ماياطاك ) ترى وإن طاحت العبره على شخص ٍ مثل شرواك=حشى ماقول وإن طاحت خساره يانظر عينيّ أنا أدري عبرة الرجال صعبه مير مايخفاك=إذا طاح الجمل كثرّت محدات السكاكينيّ أجل لا تلومه أن طوّح عقاله وبتدىّ ينخاك=لعل إيدينك إن طالت تطول وتاصل إيدينيّ عسى هذا الزمان إللي صمّل ياطاني ماياطاك=عسى الله يحفظّك من هالزمان اليوم ويبقينّي عقب ماضاقت الدنيا الوسيعه من عقب فرقاك=ماباقي غير هالعبره تطيح وتحرّق إسنينيّ سبايب عبرته ? لا صار مقهور ٍ من إللي جاك=سبايب عبرته ? لا فارق إللي معاهده دينيّ سبايب عبرته ? لا صار مايقدر أبد ينساك=سبايب عبرته ? لا صار حظه طايح ٍ شينيّ سبايب عبرته ? يوم القصايد وقفتّ تبغاك=تقول أوراقها البيض وقلمها لا تخلينيّ كأن الشعر مايبغى طريق ٍ غير في دنياك=أجل وش يجبر أحروفه تقول أرجوك صونينيّ نعم !! وش يجبر العين الشقيّه تسهر لذكراك=أمانه فكري بعمرك وإذا ممكن بعد فينيّ ..!! لعلك لا رجعتيّ للزمان إللي مضى وياك=ذكرتيّ من يقول إنيّ فديتك بالبراهينيّ فداك الدمع ياعذبّه .. وأنا .. وراسي بعد يفداك=وفداك القلب مع دم ٍ يضخّك في شرايينيّ أنا إللي مبتداي إنتي ونهاية رحلتي مبداك=ولو أنك طعنتينيّ ما أقول إنك جرحتينيّ ..!! غليتك زود عن نفسي وربعي وكل من أغلاك=وإذا منه خذاني الموت .. قولي إفلان يغلينيّ ألا ياريحة أمي وعزوتي بلعون أنا أهواك=على رغم المسافه الحايله .. من بينك وبينيّ ولد حر ٍ ياشيهانه يطيب إله الهدد لرضاك=وأظنك عارفه قصدي .. وترى عيب ٍ تناسينيّ على الله يابعد روحي يسوق الدرب لي ممشاك=وأجيك من الدروب الغاديه وسط العناوينيّ عقب ماضاقت الدنيا الوسيعه من عقب فرقاك=ماباقي غير هالعبره تطيح وتحرق إسنينيّ |
الشاعِـر : سطـام الشمـري
( مع السلامه ) مع السلامه ياغرام الروح ياشوق السنين=ودعتك إللي ماتخون فالعرب ودايعه العين تبكي ساهره والقلب إي والله حزين=من بعد عينك مابقى إلا سنين عمرن ضايعه وشلون ياخذك الدهر وشلون تصبح تحت طين=وشلون تتركني كذا عقب الحياة الرايعه والله لولا الخوف من ربي ونغزات اللعين=إن كان أقول إنه مماتك ياغناتي شايعه ياكيف بنسى ضحكة إشفاهك وطلعات الجبين=وزولك يصدر بي ويورد فالدجى بضايعه يازوع قلبي يوم أبًرق فاليسار وفاليمين=وماباقي إلا ذكرياتن وسط قلبي لايعه ياوجد حالي وجد منهو قاضين عمره سجين=ودموع عينه ماتقول إلا شموعن مايعه لامن تذكر ضحكة ( أعجيزُه ) وصفق فاليدين=يفوع قلبه من غبن والكبد وسطه فايعه لبيه يادموع الفرح ياوين بلقاها ياوين=وأنا مثل طفلن من الأفراح كبده جايعه حسبي على صدوف الزمن ماتاخذ إلا الطيبين=ولا الردي لو مايطيع الوقت جالك طايعه مع السلامه بعتزل عن دربكم ياعاشقين=والله يصبرني ليا زاد الزمن فجايعه مع السلامه قلتها لكن باقي حاجتين=نذرن علي محدن يجي في عفته وطبايعه |
الشاعِـر : سطـام الشمـري
( عتيبه الهيلا ) أبشر بعزك ياعشير المشاكيل=أطلب وتاجد وأنت بالحيل غالي دام الوفا يلزم زحول الرجاجيل=حنا الرجال مقدرين الرجالي مال الردى بين النشامى مداخيل=والشك مايدخل كرام السبالي عبدالله إللي بالكرم يوفي الكيل=وللحمل يرسي لو حموله ثقالي ماهو على المعنى شحيح ولا بخيل=ميزان شعره مايميل بميالي حلحيل حلال(ن) بعيد المناويل=النعم مدركها إليا جاء مجالي ياراعي الهقوه بعيد المواصيل=ياذخر ربع(ن) يحتمون التوالي يادلبحي ذكرك على الجدي وسهيل=فوق النجوم المرقبات العوالي دلابحه بأمجادهم يرجح الكيل=أهل المدايح من قديم الليالي يوم القنا والرمح والجيش والخيل=تنزل بساحات الوغى والقتالي ميزانكم يرجح به الطيب ويميل=مال الرديه في طرفكم مجالي ألآد روق أهل الفخر والمحاصيل=عوق الخصيم .. وعز للي موالي برقا وروق متعبين المعاميل=أهل الكرم والجود بأول وتالي مثبتين الساس روس الرجاجيل=ساس عزا ماهوب ساس هيالي مال للرديه في طرفهم منازيل=ولا همهم بالهرج قيل(ن) وقالي فرسان لا ركبوا على سرّج الخيل=مثل الخيال إليا أرتكم بالخيالي شيوخ لا قفو وليا جو مقابيل=بيض الوجيه ليا بدو بالقبالي ميرادهم عد قراح بهاليل=ومنزالهم بالنايفات الطوالي فزعاتهم تبري كبود المعاليل=إللي من هموم الليالي علالي معهم يزين الكيف والبن والهيل=ومعهم يطيب الفكر والفكر سالي متوارثين الطيب جيل(ن) باثر جيل=للضيف والطرقي وراع السؤالي يدللون الضيف بالطيب تدليل=في قربهم ينسى الأهل والعيالي وعدوهم يسهر ولا يمسي الليل=ماله جدى ياكود عد الليالي تاريخهم يضوي سوات القناديل=صيت(ن) تبيّن في جنوب وشمالي وعتيبه الهيلاء رجال(ن) حلاحيل=لا دار دالوب الرشاء بالمحالي لطامة العايل وذباحة الحيل=أهل الفخر والطيب بأول وتالي أمجادهم تبقى لجيل(ن) ورى جيل=وفوق البسيطه مثل شم الجبالي هذي عوايدهم ولا فيه تبديل=في ماضي الأيام وألا التوالي وختامها مع ريحة البن والهيل =صلوا على المبعوث بأخر مقالي |
الشاعِـر : سطـام الشمـري
( المـ الأم ) أدعي الله يوردك يا الغاليـه كوثـر نبيّـه=ويغفر ذنوبك ويكتب لك من النار السلامه ياوجودي وجْد طفْلن ماتت أمّه فـي يديّـه=قبل ماتفطر خذوها مانقض موته صيامـه صاح يا ( يمّه ) وتاب عن الحروف الأبجديّه=وأبتدا الليل الطويل يغطّي الكون بظلامـه كلّ مايصبح تشرّق به عصـور الجاهليّـه=وكلّ مايمسي تـولاّه الكوابيـس فمنامـه مالقا غير التراب إيعايده عيـد الضحيّـه=جالسن بين النصايب يحتري يوم القيامـه لو شكى حزنه على الأموات تحت المهمهيّه=كود تهتزّ المقابر والجثث تجمـع عظامـه ولو شكى همّه على روس الجبال الحايليّه=كان ضلعان الرعيله هاجرت لاقصى تهامه ولو شكى حبّه على مجنون ليلى العامريّه=كود ينسى قصّته ويتوب عن ماضي غرامه أدعي الله يوردك يا الغاليـه كوثـر نبيّـه=ويغفر ذنوبك ويكتب لك من النار السلامه |
الشاعِـر : سطـام الشمـري
( سبحان من خلى هوى القلب حايل ) سبحان من خلى هـوى القلـب حايـل=دار الـمـروه والـكـرم والحمـايـل يومه على القصمان وعيال وايـل (1)=صارو علـى كـل القبايـل سلاطيـن يا ناشدن عـن حـب حايـل وأهلهـا=حبـي تجـاوز للجبـل مـع سهالهـا وأيضاً على البنـت الرضيـع وكلهـا=وأيضاً على الأحـرار والا المساجيـن مشتـاق لديـارن بهالمجـد بــرزان=وسمراء الجبل رمزٍ على مر الأزمـان وأجا وسلمـى مطعمـة كـل جيعـان=يومن حاتـم طـي عشـى ملااااييـن لـو خيرونـن بالجـبـل والنـفـودي=وقالـو نبـي نعطيـك ألفيـن أووودي وفوقه قصر موجـود بـرا الحـدودي=مابيـع دار الخيـر وأنسـى عزيزيـن يـوم أتـذكـر ديـرتـي باشتيـاقـي=أشوف أنـا الدمعـات مثـل السباقـي وأحـس أنـا قلبـي حزيـنٍ يساقـي=سوق البشر يومـه تسـوق البعاريـن مرات أقول أصيـح وأنسـى ظروفـي=دام الأمانـي بالزمـن مـا تـروفـي إن أقبلـت بالفيـن تـاخـذ الـوفـي=وإن راحت بوحده .. تبي تجلب إثنيـن أبـى تمنـى والتمـنـي سمـاااجـه=ليتـي علـى عشـة عنبنـا دجاجـه أمشـي علـى دار الكـرم بابتهاجـه=ولا ذوق مثل إللي أنـا ذوقـه الحيـن دومٍ علـى فرقـا العزيزيـن مهمـوم=وكل البشـر لا فارقـت تفقـد النـوم رومي بكى للـروم مـا يلحقـه لـوم=وصيني بكى للصين ما يلحقـه شيـن تكفون يالأجـواد شوفـو لـي الحـلّ=إبقلبـي إللـي بالمحـبـه تحلّـحـلّ طول السنين يعيش مجحـود مـا مـلّ=يبني مـن الأمـال تسعـه وسبعيـن الله علـى إللـي كنـه الطيـر لا فـزّ=أو كنـه إللـي حطـو إيديـه بالـقـزّ يومه من أقصى موحشات الهوى نـزّ=دلـت تقااامـز بالغـلا لـه شرااايـن يـا مجـددن شـوق المحبـه تكـلـم=قلـب المولـع بالجفـا مــا تـالـم المخطـي .. المخطـي لـزومٍ يعـلـم=والصايب .. الصايب على الراس والعين محدن سلب قلبـي وخـلاه مجـرووح=إلا الذي أقـرب مـن الـروح للـروح المشكله يضحك وأنـا أصيـح وأنـوح=ولا أهتني بالنـوم والنـاس غاااافيـن أبسالـك وأبـيـك مــره تجيـبـي=مار الحيـاء يشـرق عليـك ويغيبـي يا غايتي وأنـت المـرض والطبيبـي=لا تزود إبلـة جفـى شوفـك الطيـن يا ديرتي ما كـل مـن غـاب نسّـاي=مذكـورتٍ بعقـول رجاحـة الــراي يومٍ بعـض النـاس باليـور والهـاي=بميركـا شـدو ولا أدري علـى ويـن يا ديرتي والنـاس صاحـي ومهبـول=واحد يبي نقبيـن وأخـر أبـو الهـول أترك لك التعبيـر والشـرح وأقـول :=(( يا أُمنـا )) حنـا بليـاك غااااديـن يـا ديرتـي ياعـل غـيـمٍ يهـلّـي=يسكـب ثـلاث أشهـور بديـار خلّـي وأقـعـد أدور بالبطـاحـي محـلـي=ومن وين ما وجهت زينٍ علـى زيـن يا زين كاس الشاي مع فكـة الريـق=يجلى من الهوجاس والهـم والضيـق خصٍ على بطحـاء الكـرام المطاليـق=إللي مع الشيله على العسـر والليـن هـذي هـي الدنيـا كثيـرن بـلاهـا=عجـزت أفـرق مرهـا مـن حلاهـا شخصٍ كلت قلبـه وشخصـن كلاهـا=والخاتمه صلـوا علـى ناشـر الديـن المصطفى الهادي عدد طايفـن طـاف=وسط الحرم وعداد ما تنطـق الكـاف على رسولٍ مـن شريفيـن الأشـراف=أمحمـدٍ سيـد البشـر والشياطـيـن |
| الساعة الآن 01:54 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0