والله موضوع خطير ورائع

ودائما تمر علي بعض المواقف
بعد اسابيع او شهور يتكرر نفس الموقف
بالضبط صوت وصوره وشكل وتحس بدوخه براسك

انا اتوقع انه وساوس شطيانيه تتركب على شكل الموقف

السابق !!!!

يعطيك الف عافيه ،، وبانتظار اراء الاخوان
ان شاء الله نجد الاجابه الصحيحه ،،

عواافي يالغالي ،،

كويس في أحد مثلي:D ..

بعد انا طبيعية مثلك ياهلالي ss p3 والله صدق ذا الحالة من زمان تجيني أشك في عمري قلت يمكن يومي صغيرة تعرضت لنفس الموقف بس ان صرت اشوف اشياء استحالة انها تصير يومي صغيره..

مرات كثيرة اجلس مع وحدة من صديقاتي تسوي حركة او تقول كلمة احس هاللحظة قد مرت علي ..

وشلون ما ادري .!!.p8
او لبس معين اشوفه في السوق او علي او على غيري اقول قد شفته ..وشلون بعد ما ادري!! ..

موقف يصيري مع اهلي او مع نفسي .. وينتهي بنفس اللي في بالي ..اقول وشلون مخي قاعد يربط بعد ما ادري !!.p8 .

بس مع ذلك مع ماعمري قلت لأحد خايفة يشكون في عقلي

ماصدقت يوم قريت موضوعك ،،

وماشاء الله عليك خليتنا نستوعب حقائق علمية بطرح بسيط واحنا ماندري ..

وهذا الاسلوب يعجبني في الطرح دخلنا في حلول واثباتات علمية سواءا اقتنعنا فيها او ما اقتنعنا المهم ان اننا عرفنا حقيقة علمية واستوعبناها اكثر ..


هلالي ss يعطيك العافية على طرح الثري والخفيف في نفس الوقت ..
والله يزيدك وينورك دوم في كل مفيد ونافع


مثبــت ...

انا نفس الشي محتاره في هالموضوع
قبل كم من يوم صار لوحده من صديقاتي نفس الشي
وتقول انه يوم كنا بالفصل
كنت اتخيلك ((انا )) تقومين وتقولين الكلمه الفلانيه وبعد شوي صار هذا حقيقي
وقالوا لها البنات انه الجنين وهوا ببطن امه يشوف حياته كلها p8

بس انا مو مصدقه هالشي
واذكر زمان صار لي موقف بعد نفس الشي
كنا بمصر اول ماوصلنا المطار وكان اول مره اروح لهالمطار
وشفت كراسي وجالس عليها رجال
وكاني شايفتهم من قبل

من جد موضوع يحير
ماادري شلون معقدp21
ومشكووور على الموضوع وعلى الحلول والاثباتات
ولو اني للحين ماقتنعت ^.^

موقف صارلي يوم الإربعاء الي فات .. كنا نفطر بالمدرسه .. جتني الحاله .. وكنت أحس إن خويي بيحكي عن مباراه العين .. من زود القهر صفقته وقلت لا تقول عن مباراه العين .. وقال والله إنها على لساني ..


16 سنه هو عمري وبكل يوم أو كل أسبوع تمر علي مواقف مثل كذا وأستغرب .. عموما أنا علمتكم لأن فيه كثير من الناس يحسبون أنهم مجانين أو شي مثل كذا .. وربي رحمكم وجابلكم واحد صريح :p ..

مشكورين على التثبيت وأهم شي نبي أحد يتفاعل ويقولنا وشلووووووووووووون :(

.
.

والله يعني الســـالفة طبيبعيه

أجل أنا أحسبها قبل حلم حلمته ويتحقق

كثيــــر تصيرلي مثل هـ الموااقف

يعني يكلمووني بشي وأحس أنهم قالوال هـ الكلا من قبل بس أحاول أعرف متى صااار شي أعجز والله

أقتباس

بس مع ذلك مع ماعمري قلت لأحد خايفة يشكون في عقلي

أه ... يا علم لو تدون وش كثر أعاني

وربي .. وربي .. وربي يوم قريت موضوعك يا هلاليSS ودي أبكي من قلبي

مدري وش هالشعور بس ...... يمكن ............؟؟!!<<ما يحتاج اقول

المهم مشكور اخوي وصديقي وقرة عيني << اها بس

مشكور هلاليSS عالموضوع

وبصراحه كثير صار لي مواقف كذا

المهم انا الحين طالعه بروح انام بكرة وراي مدرسه

لكن قبل أنام بروح ابكي ( يمكن الازمة اللي فيني تروح ) هذا اذا قدرت انام

.. بصراحه انا اخذتها قاعده قبل انام لازم أصيح << لازم لأروح عند كتور نفساني

ادري اني قمت أخرف عليكم وطلعتكم من الموضوع

لكن عشان ابين لكم ان حالتي وايد صعبه

باي وتصبحون على خير

تصبحين على خير سمر .. صديقتي وفلقه كبدي < == لا يكثر

لي عوده مع باقي الردود .. وآسف طمرتكم بس البنت بتروح تنام ..

سبحان الله يصير لي هالشي
أقول لأمي وتقول مافيج إلاالعافيه
بس لاتخافون لأن يقولون شي عادي

والله موضوعك دايما يتسائل فيه الكثيرين

وهذا الشي مره حصلي في مسلسل اول مره يعرض

لما جت الحلقه الأخيره تخيل عرفت وش بيسير

قبل لا تجي اللقطه

سبحان الله

هلا بكم يا موسوسين :D <-- اشوا انك مثلهم


الحقيقة هالحالة موجودة للجميع ماتنطبق على شخص او اثنين يعني مهوب يجي واحد يقول أنا المهدي المنتظر :D



كل هاللي يصير لنا علاقته تتمحور في المخ


أنا منيب متأكد لكن عندي افتراضات مدري وش الصحيح ووش الخطأ..


لما يمر واحد قدامك في سوق أو أي مكان عام تعتقد انك تعرف هالشخص او قد شفته من قبل يعني " الوجه مألوف "

مع أنك لو تذكر وتفكر راح تقول ماعمرك قد شفته وهذي ظاهرة تحتاج لتفسير..

المعلومات تجري في الاعصاب على هيئة اشارات كهربائية يترجمها المخ للحالة اللي تشك انك قد شفت مثلها او الشخص اللي من الممكن يكون " مألوف "

المخ عبارة عن مناطق وكل منطقة لها مهمة مثل ما الرؤية تكون في مؤخرة الدمجة :D والسمع عالاطراف

بس الهجمة يبي لها لاعب ينهيها في منطقة الــ18 p8 <-- ياشين التميلح


مثل ماقالت المزن الهلالي مثلا انها تشوف "حركة معينة" سوتها صديقتها وتحس ان هالحركة مألوفة أو توقعتها <-- المزن أقول طلعي البلورة السحرية بس لايكثر :D

الحركة اللي شافتها المزن ترجمها الجزء الخاص للرؤية اللي وظيفته ترجمة الاشارات لصورة مثل ماشافتها المزن لكن فهم هالصورة او تذكرها في جزء ثاني يسمى الجزء الخاص للادراك أو cognitive center

وفي هالحالة يصير فيه تأخر في العمليتين وتكون فيه فترة بين بين دخول الصورة لمركز الذاكرة قبل جزء الادراك وبعدها الصورة تنتقل لجزء الادراك ويعتقد المخ انه قد شاف هالصورة


يعني لما تكون العيلة مع بعض سوالف وحش في خلق الله وتقشيم حب وشاهي منكب عالزولية وبزر يطارد هنا وهناك يعني جلسة عائلية p9

تسمع نفس الكلام ويأكد لك انك في نفس هالمكان حتى بقعة الشاهي المنكب على نفس جهة الزولية اللي متوقعها p8

تسترجع الماضي وتحاول تتذكر وتسأل عمرك متى قد صار هالموقف؟ هل هو حلم؟ معقولة صارت هالاحداث في الحلم؟

بعدها تجيك حالة برود وتبلد احساس وتقول للموجودين ماقد صار لنا هالموقف قبل؟ لانك تكون متأكد ان هالجلسة متكررة <-- هالكلام للعاديين يعني أصحاب الروتين الممل برا لو سمحتوا :D

طيب ليش نحس كذا؟

يرجع هذا انه في خلال تواجد الشخص في هالمكان المألوف الاحادث يتم ترجمتها لاشارات في الأعصاب فترسل الأعصاب هالاشارات إلى مركز الذاكرة القصيرة ليتم حفظها بس هي جزء من ثانية..!!

يعني من الممكن ارسال الاعصاب نفس الاشارات لمركز الذاكرة الطويلة بالخطأ فيشعر الشخص ان هالموقف صار قبل كذا..

ومركز الذاكرة الطويلة من المعروف انها المكان اللي يتم فيها حفظ احداث قديمة ممكن استرجاعها مع الزمن..

خلق الانسان وتركيبه معجزة الهية فــسبحان الخالق الوهاب وجل جلاله عما يصفون..


{وَفِي أَنفُسِكُمْ أَفَلا تُبْصِرُونَ }الذاريات21

هذا والله أعلم مع العلم ان هالتفسير قابل للتصديق وقابل للطعن في صحته يعني ممكن تفسيري خطأ <-- جحد راعي التفسير :D


لي رجعة بكثير من التناقضات وطعن في التفسير السابق ويمكن الرؤيا لها دور كبير في هالحالة وراح أرجع قريب ان شاء الله والتفسير مهوب لي طبعا ولا تشوفوني شاب على روبن هود يفتح قسم للأعصاب <-- طبعا فرع للكرت الاحمر :D

وعند فيصل العلم اليقين <-- يهيضه بهالايقونة كود يعلمنا وش السالفة p3