طعس التحدي .... - شبكة القناص

أميره هلاليه · 15-02-2006, 07:38 AM

السلام عليكم ورحمة الله وبركاته

هذا الموضوع عندي من زمان بس مالقيت الوقت المناسب .....

آه ياحبي للكشتات .. وياحبي للثمامه ..

أكتب لكم موضوعي وانا توني راجعه من الثمامه وناااسه ياناس وناااسه

يوم شفت الشباب مبسوطين وفالينها تمنيت إني ولد وإلا مابي أعترض

على خلقة ربي بس أبي أسوق .. تخيلوا . تخيلوا عاد يخلونا نسوق ..

تدرون وش أول شي أسويه ؟؟؟

بشتري جيب ربع وأحط جنوط ===> مادري وشهي بس أسمع اخوي دايم يقولها

إلا على فكره وشهي الجنوط ؟ هي هي نوع من أنواع المسجلات و إلا

دي جي بس غير شكل ..

آه .. ياليته صدق كان الويكيند يطلع له طعم آخر .. طبعا يوم الإربعاء

نقتصره على الأسواق والمطاعم عاد أسواق الرياض مايحتاج سعة صدر

وهيصه يالله من فضلك وإذا طلعنا من السوق نسير على التحليه والممشى

عاد لازم نهضم وإلا إذا صار فيه مباراه للهلال .. باتغدى في الملعب

عشان أشوف ياسر من قريب .. وسامي ونواف .. وذاك المملوح .. ذكروني

بإسمه .. إيه بس عرفته ياسر الياس ..

وبشوف رئيس الهلال فديت خشته أبو سلطان الله يخليه ..

بس بسألكم سؤال ؟؟ عادي أدخل الملعب بترمس قهوه ..

إيه أتوقع عادي .. وش فيها أصلا أنا ما أروق إلا إذا شربت قهوه ..

بس المشكله قهوه بدون حلى ماينفع .. إيه بس لقيتها ..

الحلى على منيره هي سنعه وحلاها يهبل ..

والقهوه على أروى .. قهوتها زينه كلها هيل وزعفران ..

والشاهي على أم شنب <<< هذي خويتنا عربجيه الله لا يبلانا

ماتعرف تسوي ألا شاهي ..

والمعجنات على سوير .. والله لو تذوقون فطاير الدجاج اللي تسويها

تكلون أصابعكم بالغلط ..

وأم عزوز عليها بيتزا آآآآآآآآآآه … بس لا تجيب بزرانها تخليهم عند رجلها

والفصفص والمكسرات نشتريها من باجه على طريقنا .. وأنا علي الزوليه

يالله لك الحمد انحلت.. توازعنا الشغل وأنهينا الموضوع ..

ألا على فكره يسمحون لنا نبسط تحت بالثيل قبل المباراه ؟؟!

إيه عادي مايخالف .. أصلا نبي نشيل اللي عقبنا ..

يالله عاد وبالمره نجيب بضاعة عمتي حصه ..

والله ياعندها جلاليب تهبل .. وسراويل العجز ماعنها صده ..

وبسوي تخفيضات 50% للهلالين <<< وش رايكم ..

عاد كني أتخيلهم أذا بدت المباراة والله ياعليهم عقول .. ناس ماتفهم

بالكوره ليه تحضر مباراة ؟؟!

مثلا سوير .. تدربي دمجتها ماتدري وين ربي حاطها به .. أجل هذاك

اليوم تنشدني .. الكورنر .. هو ضربة الزاويه ؟؟

رفعت يدي فوق وقلت يالله لك الحمد إني أتابع القناة الرياضيه

وإلا كان دجيت مثلها .. وإلا من متى صار الكورنر هو ضربة زاويه

وإلا عاد أم شنب .. الله يرحم حالها ياعيني عينها .. كانت تطالع مباراه

ومعصبه تقول وش ذا المدرب اللي مايفهم أجل يلعب إبن جدته وحاط التيماوي

إحتياط ؟؟ <<< ( جدته = جلدته )

قلت لها الله يخلف على هالخشه .. هالحين أنت ماتقرين جرايد .. التيماوي

مصاب .. والاكان هالمدرب مالعب ابن جدته ..

وأم عزوز الله بصلح ذريتها .. من تبدا المباراة لين تخلص وهي لاهيه

بورعانها ..

اجل قد مره سألتني من الدلاخه تقول كم النتيجه قلت لها (صفر . صفر )

قالت ماشاءلله لنا وإلا لهم ؟؟!

وإلا عاد أروى ومنيره يعني هم أرحم من غيرهم يفهمون ..

من تبدا المباراه لين تخلص وهم بس يسولفون عن الجامعه وإلإختبارات

من زود الشطاره الله يرحم الحال ..

منيره.. مسيكينه .. ياحرام ماعمرها شافت لاعب بحياتها إلا الخثران

وأزعجتنا كل ماحطو الكاميرا عليه قالت .. قسم بالله والله العظيم

ما أكذب هذا اللي شفته ..

وأروى .. الفاهمه ماغير ماسكه التيلفون وتدق على نادي الهلال وتسأل عن

النتيجه.. وهي فاتحه التلفزيون .. (تتميلح ) ويرد عليها المصري أبو نفس شينه

ويهزأها ..

أما أنا .. مايحتاج ثقافه رياضيه مليون بالميه .. والدليل إني عضوه معاكم ..

وأقرا جريدة الرياض يوميا .. وأعرف (زين الدين زيدان) يلعب وين …

وهذي كلها أحداث يوم ألإربعاء ..

يالله عاد يالربع طولنا عليكم وإنشاءلله بكتب لكم بعد أسبوع ..

أحداث يوم الخميس .. في طعس التحدي ….

أحتروووووووووووووني

عاد لاتفشلوني تعبت وأناأكتب ردوا علي …

Perfect Enemy · 15-02-2006, 08:06 AM

هههههههههههههههههه الله يرجك ، وش ذي الرجة
بس ترى الحين الشباب مساكين ، مانروح محل الا مكتوب عليه للعوائل فقط !

أقتباسبشتري جيب ربع وأحط جنوط ===> مادري وشهي بس أسمع اخوي دايم يقولها

إلا على فكره وشهي الجنوط ؟ هي هي نوع من أنواع المسجلات و إلا

دي جي بس غير شكل ..

هههههههه دي جي اجل :D

الجنوط طول الله عمرك هذه هي

وتصير على السيارة كذا

أقتباسوإلا عاد أم شنب .. الله يرحم حالها ياعيني عينها .. كانت تطالع مباراه

ومعصبه تقول وش ذا المدرب اللي مايفهم أجل يلعب إبن جدته وحاط التيماوي

إحتياط ؟؟ <<< ( جدته = جلدته )

يالله ، ياقدمنا ، التيماوي .. من زمااان عنه :rolleyes:

أقتباسألا على فكره يسمحون لنا نبسط تحت بالثيل قبل المباراه ؟؟!

أما هذي قعد اضحك عليها نص ساعه :D

تسلمين والله ، وضحكتينا على هالصبحية

أميره هلاليه · 15-02-2006, 08:10 AM

مشكوووور اخوي وزين علمتني الجنوط وشهي .....

ودوم الضحكه يارب ..... نورت ....

صمت الليالي · 15-02-2006, 08:10 AM

أسلـــــــــــــــــوب رائــــــــــع في كتابتـــــــــــك و بساطـــــــــــه و لا أجمـــــــــــل

أهــــــــــــــــم شئ إنــــــــــــــك فرفشتــــــــــــي شوي و إستانستـــــــــــــي يا أميــــــــــــرة ...

و يعطيــــــــــــك العافيه بس رأيي أن آخر الأسبوع بالشفا و الهــــــــــــــــدا غيــــــــــــر شكــــــــــــل ..

و ننتظــــــــــــــــرك الأسبــــــــــــــوع القادم و لا تتــــــــــــــأخرين نبي نشوف وش يصيــــــــر معـــــــــــك ..

و دمتــــــــــــــــي بخيــــــــــــــر ...

أختــــــــــــــــك :

" صمــــت الليالــــــــــــــــي "

أميره هلاليه · 15-02-2006, 08:13 AM

ياحبي لك وين تبينا نروح الشفا والهدا أنواع المشاوير ...

يالله من فضلك الثمامه أقرب .......

مشكوره حبيبتي ....

صمت الليالي · 15-02-2006, 08:28 AM

ما يهــــــــــــم يا أميــــــــــــرة الثمامه و إلا الشفا و غيــــــــــــرها أهم شئ مكـــــــــان نقضي أحلى وقت فيـــه ..

و أنا أخترتهــــــــــــــا لأنهــــــــــــا قريبه مني يا قلبــــــــــــــي...

أميره هلاليه · 15-02-2006, 08:33 AM

وأنتي الصادقه أهم شي سعة الصدر والفله والوناسه

انتظري الجزء الثاني >>>>> مسلسل مكسيكي ..

تشوفين الوناسه كيف ؟؟؟؟؟؟؟؟

أميره هلاليه · 15-02-2006, 10:51 AM

طيب شباب ..... جيب ربع كييييييييييف ؟؟؟؟؟

جـــ عميق ـــرحي · 15-02-2006, 10:54 AM

تسلميييييييييييييييييين يعطيك العافيه

والله ذكرتيني بجدتي اذا قعدت تكلم

مشكووووووووور وبانتظار العدد القادم

جـــ عميق ـــرحي · 15-02-2006, 10:55 AM

جيب ربع يا اميره

يعني عشان تفهمين جيب باب واحد (كوبيه )

فهمتي يعني صغير

أميره هلاليه · 15-02-2006, 11:24 AM

اهااااااااااااا فهمت ......

الله يعطيك العافيه ومشكور وتسلم وكل شي ....

وسلم على جدتك ...

غـــلاهـا · 15-02-2006, 12:36 PM

الله يعطيك العافيه أختي

أقتباسوأم عزوز الله بصلح ذريتها .. من تبدا المباراة لين تخلص وهي لاهيه

بورعانها ..

هذي عز الله ماتابعت ولا مباراة من وراعينها

تسلمين حبيبتي طرحك رائع

**ريح المطر و الهبايب** · 15-02-2006, 01:14 PM

ههههههههههههه ..... يارايقه ...
فتحتي نفسي ..خليتيني اعيش بالاحلام :p ...
يوم جبتي طاري السواقه ...
وتراك نسيتي شي وانتي جايه للملعب ؟؟؟:confused:
أدوات التشجيع من ميكروفون وطبول ..إلخ ..
ولايهمك خليها علي :D .. أنا اذا اتحمست
اطلع أهازيج ولا أروووع <<<< واثقه:D
وبعد الفوز .. ترا التفحيط علي ولايهمك ..

تقبلي تحياتي.:o

ياحبني لك · 15-02-2006, 01:16 PM

أميره هلاليه

<=== فـآـآـآـآ طس ومنبطــح ضـآـآـآـآ حكـآ (( لـــــــوٍوٍوٍل )) :D

حركـآـآـآت أجـل .. تطعيـس .. وتفحيــطّ .. وعلــوٍم زيـنه

عــــــــــــــــــــوٍع × عــــــــــــــــــــوٍع :cool:

ولآ جيــب رٍبـــع ... وتكتبــن عليـــه .. أزٍحــف تنــحف

ولطمـــة .. وٍعــزٍازٍي .. ][ زد صـدوٍدك صـدوٍوٍد وٍلآتعــوٍد ][

العــــــــــــــــــنّ ابــــــــــوٍ هيــــــــــــــــــــــكـــ

.
.
.
.
يمآل الثـآنكيــوٍ ع الرٍوح المــــرٍحة .. وننتظــــــرٍِ يوٍميـــــــآـآ تـك ;)

تخبصـــــــــــــــــــــــــآـآـآـآ تـــــــــــــــــــــــــــــــــــي

miss razonah · 15-02-2006, 01:27 PM

يا حبي لك والله يا اميره يا هلاليه ....

والله قصتك تجنننننننننننننننننننن .....

بس ليش ما اخذتوني معاكم بدال ما انا منطقه هنا لحالي .....

والله شكل طلعتكم فله و وناسة و دجة ...

بي يا حليلي طلعت اعرف وش هي الجنوط ...

اول من زمان يعني كنت احسب الجلنط هو هذاك الصوت القوي اللي يطلع من بعض السيارات ...

بس بعدين عرفت انه شئ تبع الكفرات <<< لا ... ونبغى نسوق بعد ..!!! >>> :D :D

والله لا يهينه اخوي بيرفكت اينيمي خلاني اعرفها بالضبط ...:cool:

مشكوووووووووووووه حبيبتي عالقصه الحلوه ...

وبانتظار جديدك على احر من الجمر ...

ولا تحرمينا يا قلبي من قصصك ويومياتك ...

:p ... باااااايو ...:p

....

15-02-2006, 07:38 AM	#1
أميره هلاليه قنــاص فعــال	طعس التحدي .... السلام عليكم ورحمة الله وبركاته هذا الموضوع عندي من زمان بس مالقيت الوقت المناسب ..... آه ياحبي للكشتات .. وياحبي للثمامه .. أكتب لكم موضوعي وانا توني راجعه من الثمامه وناااسه ياناس وناااسه يوم شفت الشباب مبسوطين وفالينها تمنيت إني ولد وإلا مابي أعترض على خلقة ربي بس أبي أسوق .. تخيلوا . تخيلوا عاد يخلونا نسوق .. تدرون وش أول شي أسويه ؟؟؟ بشتري جيب ربع وأحط جنوط ===> مادري وشهي بس أسمع اخوي دايم يقولها إلا على فكره وشهي الجنوط ؟ هي هي نوع من أنواع المسجلات و إلا دي جي بس غير شكل .. آه .. ياليته صدق كان الويكيند يطلع له طعم آخر .. طبعا يوم الإربعاء نقتصره على الأسواق والمطاعم عاد أسواق الرياض مايحتاج سعة صدر وهيصه يالله من فضلك وإذا طلعنا من السوق نسير على التحليه والممشى عاد لازم نهضم وإلا إذا صار فيه مباراه للهلال .. باتغدى في الملعب عشان أشوف ياسر من قريب .. وسامي ونواف .. وذاك المملوح .. ذكروني بإسمه .. إيه بس عرفته ياسر الياس .. وبشوف رئيس الهلال فديت خشته أبو سلطان الله يخليه .. بس بسألكم سؤال ؟؟ عادي أدخل الملعب بترمس قهوه .. إيه أتوقع عادي .. وش فيها أصلا أنا ما أروق إلا إذا شربت قهوه .. بس المشكله قهوه بدون حلى ماينفع .. إيه بس لقيتها .. الحلى على منيره هي سنعه وحلاها يهبل .. والقهوه على أروى .. قهوتها زينه كلها هيل وزعفران .. والشاهي على أم شنب <<< هذي خويتنا عربجيه الله لا يبلانا ماتعرف تسوي ألا شاهي .. والمعجنات على سوير .. والله لو تذوقون فطاير الدجاج اللي تسويها تكلون أصابعكم بالغلط .. وأم عزوز عليها بيتزا آآآآآآآآآآه … بس لا تجيب بزرانها تخليهم عند رجلها والفصفص والمكسرات نشتريها من باجه على طريقنا .. وأنا علي الزوليه يالله لك الحمد انحلت.. توازعنا الشغل وأنهينا الموضوع .. ألا على فكره يسمحون لنا نبسط تحت بالثيل قبل المباراه ؟؟! إيه عادي مايخالف .. أصلا نبي نشيل اللي عقبنا .. يالله عاد وبالمره نجيب بضاعة عمتي حصه .. والله ياعندها جلاليب تهبل .. وسراويل العجز ماعنها صده .. وبسوي تخفيضات 50% للهلالين <<< وش رايكم .. عاد كني أتخيلهم أذا بدت المباراة والله ياعليهم عقول .. ناس ماتفهم بالكوره ليه تحضر مباراة ؟؟! مثلا سوير .. تدربي دمجتها ماتدري وين ربي حاطها به .. أجل هذاك اليوم تنشدني .. الكورنر .. هو ضربة الزاويه ؟؟ رفعت يدي فوق وقلت يالله لك الحمد إني أتابع القناة الرياضيه وإلا كان دجيت مثلها .. وإلا من متى صار الكورنر هو ضربة زاويه وإلا عاد أم شنب .. الله يرحم حالها ياعيني عينها .. كانت تطالع مباراه ومعصبه تقول وش ذا المدرب اللي مايفهم أجل يلعب إبن جدته وحاط التيماوي إحتياط ؟؟ <<< ( جدته = جلدته ) قلت لها الله يخلف على هالخشه .. هالحين أنت ماتقرين جرايد .. التيماوي مصاب .. والاكان هالمدرب مالعب ابن جدته .. وأم عزوز الله بصلح ذريتها .. من تبدا المباراة لين تخلص وهي لاهيه بورعانها .. اجل قد مره سألتني من الدلاخه تقول كم النتيجه قلت لها (صفر . صفر ) قالت ماشاءلله لنا وإلا لهم ؟؟! وإلا عاد أروى ومنيره يعني هم أرحم من غيرهم يفهمون .. من تبدا المباراه لين تخلص وهم بس يسولفون عن الجامعه وإلإختبارات من زود الشطاره الله يرحم الحال .. منيره.. مسيكينه .. ياحرام ماعمرها شافت لاعب بحياتها إلا الخثران وأزعجتنا كل ماحطو الكاميرا عليه قالت .. قسم بالله والله العظيم ما أكذب هذا اللي شفته .. وأروى .. الفاهمه ماغير ماسكه التيلفون وتدق على نادي الهلال وتسأل عن النتيجه.. وهي فاتحه التلفزيون .. (تتميلح ) ويرد عليها المصري أبو نفس شينه ويهزأها .. أما أنا .. مايحتاج ثقافه رياضيه مليون بالميه .. والدليل إني عضوه معاكم .. وأقرا جريدة الرياض يوميا .. وأعرف (زين الدين زيدان) يلعب وين … وهذي كلها أحداث يوم ألإربعاء .. يالله عاد يالربع طولنا عليكم وإنشاءلله بكتب لكم بعد أسبوع .. أحداث يوم الخميس .. في طعس التحدي …. أحتروووووووووووووني عاد لاتفشلوني تعبت وأناأكتب ردوا علي …

15-02-2006, 08:06 AM	#2
Perfect Enemy قناص جديد	رد : طعس التحدي .... هههههههههههههههههه الله يرجك ، وش ذي الرجة بس ترى الحين الشباب مساكين ، مانروح محل الا مكتوب عليه للعوائل فقط ! أقتباسبشتري جيب ربع وأحط جنوط ===> مادري وشهي بس أسمع اخوي دايم يقولها إلا على فكره وشهي الجنوط ؟ هي هي نوع من أنواع المسجلات و إلا دي جي بس غير شكل .. هههههههه دي جي اجل :D الجنوط طول الله عمرك هذه هي وتصير على السيارة كذا أقتباسوإلا عاد أم شنب .. الله يرحم حالها ياعيني عينها .. كانت تطالع مباراه ومعصبه تقول وش ذا المدرب اللي مايفهم أجل يلعب إبن جدته وحاط التيماوي إحتياط ؟؟ <<< ( جدته = جلدته ) يالله ، ياقدمنا ، التيماوي .. من زمااان عنه :rolleyes: أقتباسألا على فكره يسمحون لنا نبسط تحت بالثيل قبل المباراه ؟؟! أما هذي قعد اضحك عليها نص ساعه :D تسلمين والله ، وضحكتينا على هالصبحية التوقيع: Keep yourself away Far away from me I’ll forever stay your Perfect Enemy -------------------------------------- Obstacles and signs Perilous and looming Dangerous and moving ;) Comming Soon , But who cares i have it zidooo@hotmail.com

15-02-2006, 08:10 AM	#3
أميره هلاليه قنــاص فعــال	رد : طعس التحدي .... مشكوووور اخوي وزين علمتني الجنوط وشهي ..... ودوم الضحكه يارب ..... نورت ....

15-02-2006, 08:10 AM	#4
صمت الليالي قناص مميــز	رد : طعس التحدي .... أسلـــــــــــــــــوب رائــــــــــع في كتابتـــــــــــك و بساطـــــــــــه و لا أجمـــــــــــل أهــــــــــــــــم شئ إنــــــــــــــك فرفشتــــــــــــي شوي و إستانستـــــــــــــي يا أميــــــــــــرة ... و يعطيــــــــــــك العافيه بس رأيي أن آخر الأسبوع بالشفا و الهــــــــــــــــدا غيــــــــــــر شكــــــــــــل .. و ننتظــــــــــــــــرك الأسبــــــــــــــوع القادم و لا تتــــــــــــــأخرين نبي نشوف وش يصيــــــــر معـــــــــــك .. و دمتــــــــــــــــي بخيــــــــــــــر ... أختــــــــــــــــك : " صمــــت الليالــــــــــــــــي " التوقيع: ارفـــــــــــع راسك انت سعــــــ ــودي

15-02-2006, 08:13 AM	#5
أميره هلاليه قنــاص فعــال	رد : طعس التحدي .... ياحبي لك وين تبينا نروح الشفا والهدا أنواع المشاوير ... يالله من فضلك الثمامه أقرب ....... مشكوره حبيبتي ....

15-02-2006, 08:28 AM	#6
صمت الليالي قناص مميــز	رد : طعس التحدي .... ما يهــــــــــــم يا أميــــــــــــرة الثمامه و إلا الشفا و غيــــــــــــرها أهم شئ مكـــــــــان نقضي أحلى وقت فيـــه .. و أنا أخترتهــــــــــــــا لأنهــــــــــــا قريبه مني يا قلبــــــــــــــي...

15-02-2006, 08:33 AM	#7
أميره هلاليه قنــاص فعــال	رد : طعس التحدي .... وأنتي الصادقه أهم شي سعة الصدر والفله والوناسه انتظري الجزء الثاني >>>>> مسلسل مكسيكي .. تشوفين الوناسه كيف ؟؟؟؟؟؟؟؟

15-02-2006, 10:51 AM	#8
أميره هلاليه قنــاص فعــال	رد : طعس التحدي .... طيب شباب ..... جيب ربع كييييييييييف ؟؟؟؟؟

15-02-2006, 10:54 AM	#9
جـــ عميق ـــرحي قنــاص فعــال	رد : طعس التحدي .... تسلميييييييييييييييييين يعطيك العافيه والله ذكرتيني بجدتي اذا قعدت تكلم مشكووووووووور وبانتظار العدد القادم التوقيع:

15-02-2006, 10:55 AM	#10
جـــ عميق ـــرحي قنــاص فعــال	رد : طعس التحدي .... جيب ربع يا اميره يعني عشان تفهمين جيب باب واحد (كوبيه ) فهمتي يعني صغير التوقيع:

15-02-2006, 11:24 AM	#11
أميره هلاليه قنــاص فعــال	رد : طعس التحدي .... اهااااااااااااا فهمت ...... الله يعطيك العافيه ومشكور وتسلم وكل شي .... وسلم على جدتك ...

15-02-2006, 12:36 PM	#12
غـــلاهـا قناص مميــز	رد : طعس التحدي .... الله يعطيك العافيه أختي أقتباسوأم عزوز الله بصلح ذريتها .. من تبدا المباراة لين تخلص وهي لاهيه بورعانها .. هذي عز الله ماتابعت ولا مباراة من وراعينها تسلمين حبيبتي طرحك رائع

15-02-2006, 01:14 PM	#13
ريح المطر و الهبايب . . : زعيـــم قناصيـــن : . .	رد : طعس التحدي .... ههههههههههههه ..... يارايقه ... فتحتي نفسي ..خليتيني اعيش بالاحلام :p ... يوم جبتي طاري السواقه ... وتراك نسيتي شي وانتي جايه للملعب ؟؟؟:confused: أدوات التشجيع من ميكروفون وطبول ..إلخ .. ولايهمك خليها علي :D .. أنا اذا اتحمست اطلع أهازيج ولا أروووع <<<< واثقه:D وبعد الفوز .. ترا التفحيط علي ولايهمك .. تقبلي تحياتي.:o التوقيع: . . . Years Active: 2005-2012 . .

15-02-2006, 01:16 PM	#14
ياحبني لك قناص شاعر	رد : طعس التحدي .... أميره هلاليه <=== فـآـآـآـآ طس ومنبطــح ضـآـآـآـآ حكـآ (( لـــــــوٍوٍوٍل )) :D حركـآـآـآت أجـل .. تطعيـس .. وتفحيــطّ .. وعلــوٍم زيـنه عــــــــــــــــــــوٍع × عــــــــــــــــــــوٍع :cool: ولآ جيــب رٍبـــع ... وتكتبــن عليـــه .. أزٍحــف تنــحف ولطمـــة .. وٍعــزٍازٍي .. ][ زد صـدوٍدك صـدوٍوٍد وٍلآتعــوٍد ][ العــــــــــــــــــنّ ابــــــــــوٍ هيــــــــــــــــــــــكـــ . . . . يمآل الثـآنكيــوٍ ع الرٍوح المــــرٍحة .. وننتظــــــرٍِ يوٍميـــــــآـآ تـك ;) تخبصـــــــــــــــــــــــــآـآـآـآ تـــــــــــــــــــــــــــــــــــي

15-02-2006, 01:27 PM	#15
miss razonah قناص جديد	رد : طعس التحدي .... يا حبي لك والله يا اميره يا هلاليه .... والله قصتك تجنننننننننننننننننننن ..... بس ليش ما اخذتوني معاكم بدال ما انا منطقه هنا لحالي ..... والله شكل طلعتكم فله و وناسة و دجة ... بي يا حليلي طلعت اعرف وش هي الجنوط ... اول من زمان يعني كنت احسب الجلنط هو هذاك الصوت القوي اللي يطلع من بعض السيارات ... بس بعدين عرفت انه شئ تبع الكفرات <<< لا ... ونبغى نسوق بعد ..!!! >>> :D :D والله لا يهينه اخوي بيرفكت اينيمي خلاني اعرفها بالضبط ...:cool: مشكوووووووووووووه حبيبتي عالقصه الحلوه ... وبانتظار جديدك على احر من الجمر ... ولا تحرمينا يا قلبي من قصصك ويومياتك ... :p ... باااااايو ...:p ....