اسم الرواية::ياخفوقي خف على

الكاتبه::كاســــ20ـريه

اول قصه اكتبها لكم واتمنى ان تنال ع اعجابكم بصراحه مابغى مجامله ترا ماعرف اوصف كيف الشكل

طرقت باب المحبه وانا واقف بالطابور...
وانتظرك وجاء فتح باب الاسئله...
ياكثر شوقي لك ياغايب سنين عني ليه ترحل...
جلست احكيه عن معاناتي طول السنين...
صحيح اني قصرت بحقه بس الله يشهد ان هو على البال...
مافيه وقت يمر علي بدون مايمر طيفه علي...

اول شي نعرفكم بأبطال القصه::

عائله ابوسعد هم(ام سعد,,وسعد ولدهم الكبير طبعا 25سنه ,,وساره 23سنه ,,وفيصل 19سنه وخالد 16سنه وشهد 14سنه وعبدالعزيز عمره 10 سنوات)



عائله ابومحمد هم(ام محمد,, ومحمدصديق سعد الروح بالروح 25سنه,,وغلا23سنه

,,و في21سنه)

عائله ابولينا هم(لينا وابو لينا ام لينا متوفيه وكان عمر لينا 3سنوات والحين صار عمرها 13سنه)



عائله ابو فهاد هم(ام فهاد ,,فهاد26سنه وفهد24سنه وعبدالرحمن 22سنه ورغد19سنه ورزان 16سنه وجراح 14سنه وفاتن 10 سنوات ومساعد 9سنوات)



الجزء الاول

<<كان الوقت العصر>>

سعد توه قايم من النوم ونزل وهو يصارخ::يمه

الام::وش فيك تصارخ كسرت البيت وانت تصارخ

سعد::انا جوعان وتوني صاحي وابغى فطور

الام::بس ادخل المطبخ واخذ اللي تبغاه

سعد::ماني بنت عشان ادخل المطبخ

ساره وهي نازله من فوق وتقاطعهم ::وش فيكم اصواتكم طالعه

الام::مافينا شي

راح سعد يضم اخته ويقول::حبيبتي اختي فديتك انتي احلى وحده بالبيت

الام تضحك

ساره ::اخلص بدون مقدمات

سعد ::عفيه ع الاخت اللي تفهم اخوها ابغاك تسوين لي فطور

ساره بطنازه::ابشر انت اخوي الغالى داقايق والفطور جاهز

سعد::احبك ياختي العزيزه

ساره تقول في نفسها((هذا اذا سويت لك فطور))

في بيت ابو لينا
لينا:: يبه انا فقده امي ابيها تضمني
ابو لينا ::وانا ابوك ماتبغيني اضمك
لينا::إلاابغاك بس ...
قاطعها ابوها::وش بس انا بعوضك عن حنان امك ياروح ابوك انتي
لينا::انت يبه مطلق امي وماتبغاني اشوفها وراحت لينا تركض لغرفتها تبكي ودخلت غرفتها وفتحت دفتر مذكراتها وكتبت ليش يبه ماتبغاني
اشوف امي ليش وكانت هذي الكلمه تصرخ في قلب لينا الطفله التي حرمت من حنان امها وهي صغيره ولاأحد يقدر ان يأتي بدل امها التي
ماتت وهي تمنت ان تشوف بنتها متخرجه ومتزوجه ولكن هذا الحلم مات مبكرآ وانتهى وتمنت لينا الصغيره فاقده حنان امها وكل يوم يمر
عليها تتكتب في دفتر مذكراتهاوهي لاتدري ان امها توفت في حادث ولايستطيع الاب ان يخبرها لان معها مرض القلب ويلا الاسف تعيش
على هذي السنين على امل تلقى امها

في بيت ابومحمد
غلا جالسه تشوف عاصي ودخل محمد وشافها تشوف عاصي::غلا
غلا ببرود::نعم
محمد::غيري القناه ماتصلحلكم هالمسلسلات هذي
غلا بطنازه اجل وش يصلح لنا غيرها
محمد::فيه واجد بلاتبغن ذا الحب
غلا::عشان اذا تزوجنا نعرف نكلم رجالنا
محمد يناظرها وهو مبقق عيونه::انتي ماتربيتي
غلا ::متربيه على يد ابوك
محمد جاءها والعقل بيده خلاص بيطقها غلا تصارخ::يمه يبه الحقوني
جاء ابو محمد يركض ::محمد اترك اختك وش تبغى في اختك
محمد وهو معصب::لو انك سامع كلامها كان بتخليني اطقها واقطع العقال عليها
ابو محمد ماسك غلا مع اذنها ::وش انتي قايله عشان محمد يمد يده عليك
غلا والخوف باين عليها::ماقلت شي
محمد والشرار يتطاير من عيونه ::الاقايله
ابومحمد:::وش قايله
محمد:: يبه انت مانعهم من المسلسلات التركيه صح
ابو محمد ::ايه مانعهم
محمد ::وذي جالسه تشوفها من وراك يايبه وعصتك وبعد ماتبغاني اكفخها
ابو محمد:: وش
محمد ::اللي سمعته يايبه وبعد شف القناه وتقول الست عشان نتعلم اذا تزوجنا
ابومحمد عصب وعطى غلا كف
غلا وهي منزله راسها::اسفه يبه والله ماعد اعصاك
محمد::الحين تقولينه وبكره وين الكلام اللي قلتيه
غلا ::وانت وش دخلك ماعندك وولد تحط حركاتك عليه
ابو محمد ضاق لانهم مااحترموه::لا احسن الحين تكافخو قدامي ولا فيه احترم لأبوكم
محمد باس راس ابوه وهو ضايق من كلام اخته ::يبه اسف ماكنت اقصد بس هي ترفع الضغط
غلا ::اسفه يبه
محمد ::حبي راسك ابوك
غلا ::طيب وحبت راس ابوها
ابو محمد:: حبي راس اخوك
غلا ::ليش
ابومحمد:: عتذري له
غلا::يبه انا ماتعودت ع ذا الشي
ابومحمد::حبي راسه وانتي ساكته
غلا وهي ضايقه حبت راس اخوها ::رضيت يبه
ابو محمد::ايه رضيت بس لاعد اشوفك ترفعين صوتك ع اخوك ولااشوفكم متهاوشين
غلا::طيب
محمد::على امرك ياطويل العمر محمد راح لغرفته وهو ضايق من كلام اخته وبقول ليتك يايمه جبتي ولد عشان تسكت ام السان لوك ابوي
موفيه كان ربيتها بس ودخل غرفته وعلى طول راح للحمام (مكرم القاري)ياخذ شور عشان يهدء

في بيت ابو فهاد
فهاد::السلام عليكم
الكل ::وعليكم السلام
جلس فهاد::يبه يمه انا بسافر
الام ::ليه بتسافر
الاب::ماعندك شغل في الخارج
فهاد ::لا بس بروح مع الربع لندن بنجلس فيها شهر نغير جو
الام والاب::تروحون وترجعون بسلامه
الاب::متى بتروحون
فهاد::الله يخليكم لنا ولايحرمنا منكم الاسبوع الجاي ان شاءالله
طلع فهاد من البيت
رغد ::يبه ابغى اروح لسوق
الاب::ليه
رغد ::ابي اغراض اشتري
الاب:: عبدالرحمن يوديك لسوق اللي تانخ نوم
رغد ::اوك بس انت قومه
الاب::ليه
رغد::عشان مايرفض
الاب::خلاص بس لاتزعجينه
رغد::حاضر ع امرك يبه

في بيت ابو محمد
غلا::يمه ابي اروح لساره
الام ::لاتقولين لي قولي لأبوك
غلا::انتي الوسطه
الام:: ماني قايله له
غلا::ليه
الام::بس
غلا::خلاص بقول لأبوي
غلا شافت ابوها طالع وصارخت ::يبه
الاب::نعم
غلا::ابي اروح لساره
الاب::ليه
غلا::من زمان ماشفتها
الاب::اذا رضى محمد يوديك انا الحين طالع
غلا::اوك
راحت غلا لمحمد وهي ترجف بالباب محمد قوم قوم بسرعه محمد طبعا من الروعه قام طاير للباب وفتح الباب::وش صاير
غلا::ماصاير شي
محمد::اجل ليش تطقين كيذا
غلا::ابغاك توديني لساره صدقتي
محمد::انقلعي لأوريك شغلك
غلا::ترء بعلم ابوي
محمد:: احد طاردك روحي علميه
غلا:: بتوديني ولااستخدم معاك اسلوب ثاني
محمد::يمه خوفتيني يلا وريني
غلا كشت كشتها وطاحت على الارض وجلست تبكي::يمه
جات امها::وش فيك
غلا::محمد ضربني لاني قلت له يوديني لساره
الام تصارخ على محمد::وش فيك على اختك يامحمد
محمد::هذي نصابه وأكبر نصابه
الام::وحالتها هذي
محمد::انا ماني مسوي كيذا بسوي ازود من كيذا وخليها تحلف على المصحف انها صادقه
غلا ارتبكت لانها بتحلف كذب::ليش احلف
محمد بثقه::عشان تعرف امي من الصادق فينا
غلا::خلاص
الام:وجع انت وياها انا هينا وماتعطوني احترام واذا جلس ابوكم وش بتسون
محمد جاء بيحب راس امه وامه عند غلا وغلا صارخت::يمه بيطقني
محمد::لاياخوفه بحب راس امي
الام::مابغى حبتك خلها لك
محمد ضاق صدره ودخل غرفته وخبط بالباب بقوه وقف وراه

ليش غلا تجيب اي شي ضد اخوها محمد ؟؟

الجزء الثاني
وقت العشى
محمد عازم اخوياه هم سعد طبعا عرفنه عليكم ببدايه القصه وعبدالعزيز 25سنه هم ثلاثه مايتفرقون عن بعض كل واحد منهم يقول اللي في خاطره حتى لو كانت عائليه وهم كل اسبوع يجتمعون عند واحد منهم
محمد راح لأمه::سوي لنا ياطويله العمر قهوه وشاهي
الام ::رح قل للخدامه
محمد::ليش
الام::لاني ماني مصلحتها
محمد::قهوتك احسن من قهوه الخدامه يالغاليه
الام::قلت لك ماني مصلحتها
محمد::خلاص انا بصلحها بس ركبو مويه
الام ببرود قاتل::روح ركبها
محمد::استغرب اسلوب امه طبعا أول مره تسويها معها ::طيب بروح اركبها ورح يركبها
ونزلت غلا::يمه وش عشانا
الام::مكرونيه ياأغلى بنت
في نازله ::وانا يمه ماني غاليه عندك
الام ::ايه كلكم اغلى من البعير اللي عندي
محمد كان طالع وسمع كلام امه جته كالصدمه ورح لأصدقاءه لآحظو عليه انه ضايق سئله عبدالعزيز ::وش فيك ياحمودي
محمد::بصراحه
عبدالعزيزوسعد::ايه الصراحه
محمد::امي تتصرف معي بأسلوب غريب اسلوب جاف مره طيب ليه تسوي معي كيذا وكان وهو يتكلم خانقته العبره قال اكيد غلا هي اللي لعبه براس امي
سعود::ليه
محمد::لاني رفضت اوديها لأختك ساره
سعد وعزوز::اها
سعد ::مهما كان هذي امك ولازم تحترمها لو مهما صار
عبدالعزيز::انت لاتغار على خواتك مهما صار
محمد::طيب ليش تقول انتو اغلى من البعير اللي عندي
استغربو من كلمه بعير
محمد ::صح مستغربين
كلهم ::أيه
محمد::حتى انا مستغرب ومنصدم منها
سعد::رح حب راس امك
محمد::حاظر بروح احب راسها وبعدها اشوف المويه خلاص
كلهم ::خلاص ياسيد
راح محمد وشاف امه جالسه تشوف التلفزيون ومعها غلا و في جاء محمد عند امه قده حاب راس امه قالت الام::وخر عني الحين بتخرب شيلتي بعد ماغسلتها
غلا::يمه جيبي الشيله اشوف فيها شي او لا
محمد::مامعي انفلوزه الخنازير لاسمح الله
الام::وش يدرينا انها ماهي معك
محمدحب راس امه بالغصب::اسف يمه اذا كان اخطيت عليك بشي
الام::بعد يغلط ويجي يعتذر
في ::يمه خلاص اللي راح راح لازم ننسى
الام::حتى انتي معه
في ::لا بس خلوني اتابع المسلسل الحلقه الاخيره وماقلت كيذا الاعشان تسكتون
الام::ايه صح خلني يالبعير اتابع المسلسل
محمد::يجي منك اكثر يامي الحنونه ..رح محمد يشوف المويه وصلح القهوه والشاهي وراح عند ربعه سئلوه اول مادخل ::وش صار حمود
محمد::بسم الله الرحمن الرحيم خلوني اول اصب القهوه وبعدين اعلمكم ايش صار
كلهم ::لاقول قبل ماتصب
محمد::طيب وقالهم كل اللي صار
سعد::انا بتزوج اختك
محمد ::من جدك
سعد::ايه من جدي
محمد::عطني سبب ليه بتزوجها
سعد::الصراحه
كلهم::ايه الصراحه
سعد ::الصراحه الصراحه
كلهم صرخو ::ايه الصراحه
سعد::الصراحه
محمد::لاحول انت بتعلمنا ولا وشلون
سعد::خلاص ابي انتقم لك
محمد::بايخ
عبدالعزيز::في قمت البايخه
سعد::هذا جزاي اني بتقم لك
عبدالعزيز::وين اللي ينصح من شوي
سعد::هااا
كلهم ::ههههههههههههههههه

في بيت ابوفهاد
فاتن::يبه بقولك طلب بس ماأبيك تردني
الاب::قولي انا اسمعك
فاتن::ابي اشتري لي ملابس لان احنا بنسوي حفل
الاب ::بس هذا اللي تبغينه
فاتن::وابي كوفيره تصلحني
الاب::ابشري يابنتي
رزان ::داد دادي بابا ابي ابتي نريد ان نطلب من المطعيم
الاب ضحك من اسلوب رزان::ههههه ليه
رزان::دادي ماعندنا قاز قصدي غااز
الاب::خلاص اذا جاء واحد من اخوانك خليه يدق على المطعم انا بروح ارتاح
رزان::حاظر سيدي القائد بخليهم يطخون
فاتن ::ههههههههه الله يقطع ابليسك اعقلي ابد ماخليتي من الهبال شي
رزان تنطط ع الكنب::هيه هيه هيه قلووووووووووووووووووووووولووووووش متى بتعرسين
فاتن ::انتي فاصله
رزان::ياختي العزيزه خليني ع اهبالي وانتي انقلعي
فاتن ::ههههه اصلا بروح لغرفتي قولي لأخوانك المحترمين فطاير و..
قاطعتها رزان::مايحتاج انا راعيتها
راحت فاتن لغرفتها وتاركه رزان تحت تنتظر اخوانها دخلو فهد وعبدالرحمن ونطت في وجهيهم رزان::طخو ع المطعيم
فهد::اول شي قولي السلام عليكم
عبدالرحمن::ليه نطلب
رزان تسهبل::ماعندنا قاز غصدي غاز
كلهم ::اها يعني رز صح
رزان ::لا نبي مقبلات وفطاير وبتئزاء وعصيرات وحبيبت قلبي شورما
فهد::اذا تزوجتي اطلبي من رجلك
رزان::يووه ذا وجهي ..تاشر على وجهها ..وجه زواج
عبدالرحمن::ايه صح انتي تبغين واحد راعي هبال صح
رزان::ايوو عليك نور
فهد::نور ولا لميس
كلهم::ههههههههههههه
رزان::هيه انت وياه ليه عم تضحكوو
فهد::اللي يشوفك يقول من زمان ماطلبتي وكأنك ماشفتي خير ياهنم
رزان::شايفه خير بتطخون ولا اعلم دادي
عبدالرحمن::يمه نط ع فهد خوفتينا اللي يشوفك يقول انك غاليه على ابوي
رزان بغرور ودلع زايد دخلت يدها في شعرها ورفعته::ايه
الاب نزل نطت رزان في وجهه ارتاع من شكلها::بسم الله قلتي لهم
رزان ::ايه بس رفضو
الاب::ليه رفضو
رزان::لاني قلت نبغى فطاير ومقبلات وعصيرات
الاب ::ليش مادقتو
فهد ::يبه احنا نحسبكم تبغون رز
رزان ::يبه هم يتطنزون على يوم طلبت
عبدالرحمن::كذابه
رزان ::لا مو كذابه زيك
فهد::الاكذابه ونص بعد
رزان::خلاص انا كذابه طيب بجيب المصحف عشان ابوي يعرف منهو الكذاب ومنهو الصادق
فهد وعبدالرحمن مبقين عيونهم على اختهم رزان قال الاب::خلاص جبيه
عبدالرحمن::مو لازم تجيبه احنا نكذب
الاب::ليه
فهد::بصراحه لانك ابوي هذي غاليه عندك واحنا في المشمش
الاب ضحك::كلكم غالين طيب دقو تراني جوعان
عبدالرحمن ::ماعش الجوع يجوعك
رزان ::لاابوي جوعان مره اسمعو بطنه
الكل ::هههههههههههههه
فهد راح يدق على المطعم

الجزء الثالث
في بيت ابو لينا
ابو لينا ينادي بنته لينا وهو يصارخ:لينا يالينا
نزلت لينا بسرعه ::سم يبه
ابو لينا::وين تبغينا نروح اي منتزه
لينا::ليه!؟
ابو لينا::كذا خطر على بالي
لينا::من زمان ماطلعت معاك ابي منتزه امممممم ايه منتزه السلام
ابو لينا ::خلاص تجهزي عشان العصر نروح
قرر ابو لينا الزواج من بنت وحده من اصدقاءه وراح قاله قال الرجال البنت مالك نصيب فيها
ابو لينا ::خلاص وأبغاك تدور لي على بنت لها اخلاق وحلوه
إبو خالد::ان شاءالله "وهو يأشر على عيونه"من ذي العين قبل ذي العين انت تأمر امر
إبو لينا:: مشكور اخوي
إبو خالد::لاتشكر انت اخوي وأعز من أخوي
إبو لينا:اكيد حنا أخوان ياإبو خالد انا استئذن
إبو خالد::اذنك معاك
إبو لينا::توصي على شي
إبو خالد::لاابد سلامتك
إبو لينا::يالله فمان الله
إبو خالد::فمان الكريم
راح إبو لينا مع بنته لينا وسئلها::ايش اخبارك بنتي
لينا::تمام
إبو لينا::شوفي ياقلبي
لينا::سم يبه
إبو لينا لأزم اقولها ::شوفي يابنتي كلنا بنموت مافيه احد مايموت صح
لينا بذهول::صح يبه
ابو لينا::يوم كان عمرك 3 سنوات "سكت"وبعدها بدقيقه كمل"امك صار له حادث
لينا بصدمه::امي صار لها حادث
إبو لينا:: واللي صدمها شالها معاه وقطها بالبر وانا بلغت الشرطه وراحو يدورون على امك ويوم جاو لقوها "سكت ماقدر يكمل"
لينا::كمل
إبولينا::لقو امك متوفيه بسبب هذا الحقير وودفناء امك وقضينا هذا اللي ذبح امك بالقصاص
لينا بصدمه::يعني امي متوفيه من يوم كنت صغيره هنا جلست تبكي
إبوها ضمها ::ايه تراني بزعل عليك
لينا بصرامه::ليش ماعلمتني ذاك الوقت عشان ماتصدمني بعدين وانا كنت احلم اني القي امي
ابولينا::هدي يابنتي بعلمك ليش ماعلمتك انتي يابنتي ذاك الوقت كان قلبك ضعيف يوم كنتي عمرك 7سنوات كنت بكلمك دفك وحد من البزران وعلى طول طحتي علي
وسألت الدكتور عن حالتك قال::اذا قلت له يمكن تفقد توازنها وتروحين مني انتي قطعه من الغاليه
لينا::لايبه انا صحيح زعلانه بس الحين لا لانك في هذاك الوقت خايف اروح منك زي امي الله يرحمها صح
ابو لينا فرح لان بنته فهمت عليه لو مافهمت عليه كان راح في خريطها::تصدقين انت طبقه الاصل من امك الله يرحمها وربي يوفقك دنيا واخره
لينا::امين وياك يارب بابا خلنا نلعب
ابو لينا::يلا قومي
ابو لينا انزاح منه هم حامله 10 سنوات في قلبه ولينا قلبها محروق لانها ماشافت امها تتنسى الهم لأجل ابوها

في بيت ابو محمد

محمد توه صاحي من النوم لان محد صحاه للصلاة الفجر قام وهو معصب لان الساعه 7:45وهو ضابط الساعه والجوال بعد على توقيت صلاة الفجر راح توضى وصلى الفجر
ونزل لقاهم كلهم متجمعين على الفطور وقال ::صباح الخير وراح حب راس ابوه وامه
الكل::صباح النور
محمد::ليش ماقومتوني لصلاة الفجر
الام::طيب ليش ماحطيت جوالك على المنبه ويا الساعه
الاب::كان قومتوه للصلاة الفجر
غلا::مايحتاج نقومك انت ديك تقوم النايم
محمد::أصبحنا واصبح الملك لله
في::خلاص انا من اليوم ورايح بقومك يابز"قالتها وهي تضحك"
الاب عصب::بس انتي وياها اخوكم الكبير ولازم تتحرمونه واللي ماتحترمه ذا"يأشر على العقال"العقال على ظهوركم أعوذ بالله ماتخلون الواحد يتهنى بالفطور
قام أبو محمد وراح لشغله وام محمد::عاجبك اللي سويته خليت أبوك يقوم من السفره
محمد::مب انا مقومه بناتك هم اللي مقومينه
ام محمد::بس انت اللي جبت المشكله
محمد::انا بس قلت ليش ماقومتوني للصلاة الفجر وهذولي تدخلو بالسالفه
سكتت ام محمد وجت عطت محمد كف::أحترم امك ياللي ماتستحي على وجهك
محمد حط يده على وجهه ماتوقع امه تضربه قدام مين قدام خواته اللي اصغر منه قال وهو معصب::لاكبرت السالفه يمه انا وش سويت لك عشان تضربيني
عشاني قلت الحق يمه لاتفكرين بيوم اني احبك لاانا غلطت في هذي انا احبك فأنتي غلطانه انتي بنسبه لي كاعمه او خاله وسكت وطلع من البيت
ام محمد عصبت ::دفعه مردي والهوء شرقي
الحين بنعرف ليش ام محمد تعامل ولدها محمد بهذا الاسلوب نرجع وراء قبل 25سنه تقريبا تزوج ابومحمد ساره اللي هي ام محمد ثم تزوج ام غلا في يوم من الايام
ساره كانت على وشك الولاده قامت ولا لقت احد اتصلت على ابومحمد وجاء ووداها للمستشفى وجت ام غلا للمستشفى وولدت ام محمد بعد ولادتها ب5ساعات تقريبا توفت ام محمد
وقال ابومحمد لأم غلا انتي من اليوم ورايح بتصرين امه ولا ابي احد يدري عن الموضوع قالت خلاص ومرت الايام وهي تعامل محمد بطيب قدام ابوه اما وراء ابوه لا
تضربه وتعذبه يوم كان عمره 9 سنوات
نرجع لقصتنا
طلع محمد من البيت وهو ضايق من كلام امه اللي مايدري انها ماهي امه وراح يفرفر في الشواع لعل وعسى تروح منه الضيقه وفجاه وهو كان يمشي صدم وتقلبت السياره

في بيت ابو سعد
فيصل ::يلا قومو نطلع برء
خالد::ليه
فيصل::براء براد
شهد::ايه يلا قومو
ساره::روحو انتو وانا بجيب لكم القهوه والشاهي والحلا والفطاير
الكل::يلا
عبدالعزيز جالس بغرفته لان رجله مكسوره ومايطلع واخوانه يمروون عليه وهو طالع من الغرفه شاف ساره بالمطبخ سألها ::وين اخواني
ساره::برء كلهم بعد شوي بطلع لهم
عبدالعزيز::قولي للخدامه تجيب لي مخده عشان ارفع رجلي عليها
ساره::زين يلا انت روح وتلقاها قدامك
عبدالعزيز راح وساره قالت للخدامه تجيب له مخده
فيصل ::حياالله عزوز
عبدالعزيز::الله يحيك
شهد::أيش أخبار اخوي
عبدالعزيز::بخير
خالد::دوم مو يوم
عبدالعزيز تدومون
فيصل::ايش فيك ضايق
عبدالعزيز ّبنفس شينه::ماني ضايق
سعد دخل وقال::أهلا بأخوتي الاعزاء كلهم قامو يسلمون عليه ونزل لمستوى عبدالعزيز عشان يسلم عليه ولاحظ عليه انه متضايق وجلس جنبه ::ايش فيك يابو عزوز
عبدالعزيز::مافيني شي
سعد ::أنا أخوك وتعلمني فيك
عبدالعزيز::انا كم لي من يوم طالع من المستشفى
سعد::حوالي امممممم 5او6أيام
عبدالعزيز::تصدق أني أنا جالس بالغرفه ولاحد منكم جاء وجلس معي
الكل سكت لاحظ السكوت
عبدالعزيز::ايه وش فيكم سكتو يعني أنتو ماتبغوني أجلس معكم صح وهذا أنا قايم
شهد::خلك معنا
فيصل::أسفين وحققك علينا
خالد::أنا أطلع ماني أجلس بالبيت
سعد:: أنا أجيك ألقاك نايم
فيصل ::وأنا ماأرجع الا الليل
شهد::أنا أنام بدري
ساره جت ومعها القهوه::وش فيكم
سعد::صبلي وانا اخوك الاخ زعلان لان أحنا ماطبينا غرفته بعد ماطلع من المستشفى
ساره::اها الحمدالله انا مشغوله بالجامعه
عبدالعزيز قام وهم ماحسو فيه وراح لغرفته

في مكان أخر
كان عبدالعزيز مار وشاف سيارة محمد منقلبه وقلبه كان يدق بسرعه ونزل من السيارة وكان يمشئ ببطى خايف يكون اللي في السيارة محمد وشاف لوحه سيارة محمد وبعدة واقف منصدم يكون اللي بالسيارة محمد
وركض لعند الباب وحاول يفتح الباب بس مانفتح خذا حصى وكسر قزاز السيارة وفتح الباب من داخل وطلع محمد وكان قلبة يدق ببطي وشال محمد وحطه بالسيارة وراح لأقرب مستشفى ونزل وكان يصارخ عليهم ::جيبو السرير
جاو وشالو محمد ودخلوة غرفت الطؤاري وعبدالعزيز يبكي واتصل على سعد وعلمه باللي صار وجاء سعد مسرع للمستشفى اللي قالة خوية عبدالعزيز ودخل وكان يركض زي المجنون يدور عبدالعزيز وشافة وقال وهو يلهث::وش فيه
قال عبدالعزيز::مدري وش فيه
طلع الدكتور ورح له عبدالعزيز وسعد وسألوه ::وش فيه محمد
الدكتور::انتو تقربون له
عبدالعزيز::لااحنا اخوياه
الدكتور::الصرحه لازم نعطيه دم وعنده كسر في رجله اليمين وعنده كسر ضلعين في القفص الصدري ورضوض في جسمه
سعد وعبدالعزيز::لاحول ولا قوه الابالله طيب نقدر نعطيه دم
الدكتور::لازم نسوي تحاليل ونشوف الفصيله اللي تطابق فصيله دمه
عبدالعزيز::مشكور دكتور
الدكتور::العفو ولو هذا واجبنا
عبدالعزيز::أجل بتصل على ابوه وبقوله
سعد::اللي تشوفه
راح عبدالعزيز لصاله الانتظار واتصل على ابو محمد::الو
ابومحمد::هلا
عبدالعزيز::السلام عليكم
ابومحمد::وعليكم السلام
عبدالعزيز::اخبارك اعلومك
ابومحمد::الحمدالله بخير
عبدالعزيز::ياليت يابومحمد تتفهمني ولا تعصب
ابومحمد::قول ياوليدي
عبدالعزيز::يابومحمد ولدك محمد في المستشفى
ارتاع ابو محمد وقال::وينك فيه
عبدالعزيز::في مستشفى (-----)
ابو محمد::طيب جايك
عبدالعزيز::خلاص سلام
ابومحمد قفل الجوال وطلع من الشركه وركب السيارة ولكن مافيها بنزين تورط وقف عند الشارع وأشر بيده لتكسي وجاة تكسي وركب معه وقاله ::ودني للمستشفى (-----)بسرعه
قال راعي التكسي::طيب
وصل للمستشفى ونزل على طول بدون مايحاسب راعي التكسي وسأل الاستعلامات وعلموة وراح يركض وشاف عبدالعزيز وقال::ولدي وش فيه
عبدالعزيز::ولدك مافيه الا العافيه
أبومحمد::طيب وش اللي صار له عشان يكون هنا
عبدالعزيز::قاله اللي صار
ابومحمد::لاحول ولاقوه إلابالله كل هذا صار له
عبدالعزيز::احمد ربك ان ولدك توه حي ولو انا ماشفته ربك ستر
ابومحمد::الله يجزاك خير ياعبدالعزيز
جاء سعد بعد ماسوء التحليل وسلم على ابو محمد قال سعد لعبدالعزيز::دورك ياعزوز
عبدالعزيز::طيب انا رايح وانت اقعد عند ابومحمد وخليه يهدء طيب
سعد::لاتوصي حريص
راح عبدالعزيز يسوي تحليل وسعد جلس عند أبو محمد وقال::اهدء يابومحمد
ابومحمد::وشلون اهدء و ولدي في المستشفى
سعد::ادعي ربك يابومحمد ان الله يقومه بالسلامة
ابومحمد::ونعم بالله
سعد وابومحمد ينتظرون الدكتور على أحر من الجمر عشان يتطمنون على محمد جاء عبدالعزيز وسأله سعد::ها بشر وش قالو عن التحاليل من اللي يطابق فصيله دم محمد
عبدالعزيز::اصبر شوي لين تجي السستر وتقول
سعد::طيب
جئت السستر وقالت::مين فيكم اسمه عبدالعزيز
عبدالعزيز::انا عبدالعزيز
السستر اتفضل معى لان انت اللي تطابق فصيله دم محمد
عبدالعزيز::طيب يلا
راح عبدالعزيز مع السستر وسعد سجد شكر لربه وابو محمد ماوقف لسانه عن الدعاء


هل تتوقعون محمد يقوم بالسلامه او لا؟؟
هل عبدالعزيز بيسامح اخونه لانهم نسوه ؟؟
كل هذا بنعرفه بالجزء الرابع

رووووووووووووووووعه الرووووووووايه

الله يعطيك الف عااااااااافيه على الطرح الرائع ..................

وبأنتظاااار البارتي القادمه على احر من الجمر

يسلموو على المرور الكريم

فــيه حمى عند البنات اسمها [ حمـى الروايات ]
لـسا ما صابتني ولله الحـمد :P
قـريت الشخصيات واضـح عندك خيال واسع
+ طلي علينا بالجـزء الرابع .. لا تتاخرين

انااموت في الروايات
كملي الروايه لاتبخلين علينا
عوافي

الله يعافيك
ع التميز الفريد من نوعه
نتظرك ...

الله يعافيك على الروايه..

واو انا عشقي الرويات
يعطييييك العافيه
تحياتي نووووف

يسلمووووووووووو على الروياات روعه

مجهود تشكري عليه

بنتظار جديدك ياللغلا