مير وش ملحي مهما غبت وغطست مردي لكم ادوج وادوج وارجع لكم حي الله اهلا باهل الـ/مجلس جيتكم انا وبثارتي ولازم تحملوني عاد بما اني مبطيه عنكم الموضوع طويل ولاادري وش يبي بس تحملوني مالي غنى عنكم والله الموضوع ذا جاي بالبركه وكان ودي اجيكم بموضوع مرتب وطلدز بس الواحد تصيرله مواقف والا سوالف تخلي تسبده تحوم ويبي يتكلم عنها باللي هي به
تعالو اقرو معي هالخبر
ابتس يا نوحي نوحاهوالله أنها كفو وبنت رجاجيل ماخذها بالغدر ويرفع برقعها وهي راقدةاجل يرفع برقعي واسكت له ابتس ,ابتس,ابتس
الظاهر وانا اختتس هو اللي طلقتس يوم شاف وجهتس
عاد بيني وبينكم توقعت ان هالعادات منقرضه من زماااان ماتوقعت ان فيه نااس للحين عايشين معنا ويدرسون ويطبخون وينامون ويقعدون ع النت ببراقعهم
بالاول ماصدقت هالخبر قلت يعني رفع اللي اشنع من البرقع وقفت على برقع يعني؟
بس والله شفتهم بعيوني الثنتين تلقينهم بزواجات الوحده لابسه كت وقصير والصدر طالع نصه والسيقان والوجه برقع وش الحكمه مااادري ?
اذكر طبيبة ولاده تقول :- "انها جتني وحده مثل هالاخت اللي ماتمشي بالبيت الا ببرقعها وطول ماهي تراجع عندي واكشف عليها وهي ببرقعها وواضح انها متشششدده يوم جت الولاده وهي تتألم ولاشالت البرقع واقولها يابنت الـحلال شيليه تنفسي وابد مافيه مجال يوم قرب الولد يطلع وتألمت صدق رمت البرقع مع الالم وشدة الصراخ تقول الدكتوره انا ع طول لفيت وجهي عشان ماشوفها احس انه حرام"
انا ابسأل زوج هالادميه ذي يعني مايخاف ان وحده ثانيه لابسه برقع تنام وتكمل حياته معه بدال زوجته بأي وقت
المشكله وشي ؟ ان هالعاده ع بالي بس للكبار اللي كانو متمسكين بالعادات القديمه لين حلفت لي وحده وهي تكلمني مسن انها جالسه ببرقعها هههههههههههههههههههه
مير ماوقفت ع الحريم وبراقعهن الله يخلف صحيح من قال أن "العرب أصحاب بطون منتفخة ورؤوس فارغة" وحده تقول:-"مره في احد المستشفيات كنت ازور الوالده كانت تعبانه وتنومت هذاك اليوم المهم رحت الريسيبشن عشان اسئل عليهاوكان قدامي واحد يعني16سنه كذا وجالسه السستر تسأله تقوله وش اسمها؟! يطالع فيها وهو معصب ويقول ام عبد الله وهي تقول طيب ايش اسمها؟! ويكررام عبدالله وزعل منها وراح يفتش هو بنفسه طبعا تمشكلت معه وصارت قضيه كل هذا عشان مايبي يقول اسم امه"
ولاهب ذآ بس ابو16سنه , والله ان اخوي ابو9سنين عيا يروح المدرسه ذاك اليوم يقول اخوياي عرفو اسم فجر الله ياخذك انت وفجر واذا عرفوه يعني وش المشكله ؟
وانا متأكده ان ثلاث ارباعكم عنده نفس هالعقده واللي يبي ينكر ويقول لا لايطلع من هالموضوع الا قايل اسم امه اهووه<~عز الله محد دخل موضوعتس ض1
هذا تحجرنا طيب اذا انفتحنا وشلون عز الله جبنا العيد ض1 ق1
تفتح جوال وآحد من اشكال هاللي مسوين كـول و"يعني اني" ع قولة فايز والشعرسبايكي والبنطلون سكيني وتلقى من ضمن الاسماء"جيجي" بنت عمو" ربى"صديقة اختي<~عادي عادي لاتستغرب هذا التطور وعشان تكون من الـهاي كلاس خل خواتك يسلمون على خالد وبدر اعز اصدقائك ولازم تطلع مع بنت عمك تتمشون والا تروحون أي مطعم عاد الاقربون اولى بالمعروف..مايحتاج اوصي..!
مادري هل التطور يناقض الغيره والدين ولازم عشان تحصل ع الثاني تلغي الاول والعكس؟
يعني ياإما اتبرقع عن اخوي وزوجي والا اجلس مع اخويا اخوياهم ؟"ض1"
اتركونا من هالسالفه ..تعالو نشوف ظواهر اخرى للتطور وصرخات الموضه <<- لمآ تمشين بملاهي والا بجامعه وتلقين وحده تمشي هي وصديقها والا وحده تنادي الثانيه بدر والامتعب لاتطير عيونك وتستغربين عادي عادي هذي البنت المسترجله"البـويه " نبدأ بمواصفات البويه للي ما يعرفونها: *اللبس وهوبلوزه وش طولها لين الركبه و فضفاضه تخفي معالم الجسم *الشنطه سيرها طويل يدق للركبه *الساعه رجاليه *رابطه على يدها منديل مدري وش يسمونه <~ لا توصفين مره ثانيه يا امي *الشعر سبايكي والا نمره3 *الصوت بحه وخشونه مدري وين تجيبها منه *الوجه خالي من جميع المستحضرات التجميليه=أشهب ألهب *السماعات في الأذن طول الوقت *المشيه عاد غير شكل هازعه الكتوف وكل رجل من رجولها في جهه واليدين بجيوب التنوره إذا كان لها جيوب
ولو أحد ناظرها قالت بصوت كنه صوت ناصر القصبي إذا سوى نفسه ولد عز:خيريبوي مضيعه شي في وجهي
هذا طبعاً إذا صارت رايقه ومزاجها تمام وراضيه عن خويتهاأما إذا كانت معصبه خطراً تصك اللي قدامها بكف يبرم الوجه وطبعاً كل وحده بويه لازم تكون صديقتها وحده ماصله وأنعم مخلوقات الله على أرضه علشان تكمل الصوره ويكونون ثنائي جميل مكون من سعدوريم<~ ماقد شافت ذا الثنائي أبدن ض1 ولازم حركات المسكات و الاحضان والحركات المشبوه تكون بين هالثنائي على أساس أن وحده ولد والثانيه بنت ويجلسون يمارسون حركاتهم الناتجه عن فقر العواطف وقلة الحب قدام الله وخلقه ويحومون تسبودناالله يقرفهم غير اللي يصير خلف الكواليس وفي الاماكن المغلقه قسم بالله حزات تمر جنبي وحده من هالبويات وأقعد أسمي على نفسي خبركم الشيطان للحين ما مات<~ باللهي
أنا ما أقول أن كل البنات لازم يصيرون ناعمات وكيوت وفيهم رقه ويرمشون في الدقيقه الوحده 40مره من زود الدلع بس حلات البنت لما تكون على طبيعتها يعني إذا هي عربجيه ودفشهتصير على طبيعتها موب تروح تلبس لبس عيال وتحلق شعرها وتعرج في مشيتها كنها بتتهاوشمع أحد , بالعكس تكون مثل ماهي بس بلبس ومظهر البنيات ووالله أنها بتصيرأطلق من هالماصلات واللي يتصنعون النعومه
يعني الا غصب يبي يقلبون خلقة ربي يعني محد راضي البنت استرجلت والولد تأنث <~
عاد الولد لاصار نااعم أأأععععع ماودي ولااتكلم عنه من حومة التسبد انا ابي اشوف اذا تزوجو هالفئـه وش بيكون وضعهم بالبيت ؟
هذا اذا تزوجو.,, الزواج الحين صاار الحل الاخير بالنسبه للاهل ولدكم خكري زوجوه ويتعدل ولدكم يفحط زوجوه ويتعدل ولدكم دااشر زوجوه صايره البنت حقل تجارب والنهاية تصير المحاكم ياخلع ياطلاق كفآناآ الشر
انا ماقول كل المجتمع كذا فيه ناس تنحط ع الجرح يبرىآ ..وهم الوسطيه يعني لاضرر ولاضرآر ..,
بس هالفئات الموجوده بنص المجتمع وش حلهم؟
اخيرا وليس اخرآ وش اسم امك ؟ <--برآ
لاجد هالموضوع تطرق لألف محور .., خوذو اللي يعجبكم واسترو ماوآجهتو
التعديل الأخير تم بواسطة مـآكِنتُوشٌ ; 03-10-2010 الساعة 01:24 AM
03-10-2010, 01:11 AM
-ياآأَمـﮧ ضحڲت من جَهلهآ الأمـمُ ..!
"
طبعا تمشكلت معه وصارت قضيه كل هذا عشان مايبي يقول اسم امه"
<~عز الله محد دخل موضوعتس ض1 
ع قولة فايز والشعرسبايكي والبنطلون سكيني وتلقى من ضمن الاسماء"جيجي" بنت عمو" 
ربى"صديقة اختي
< ~عادي عادي لاتستغرب هذا التطور وعشان تكون من الـهاي كلاس خل خواتك يسلمون على خالد وبدر اعز اصدقائك ولازم تطلع مع بنت عمك تتمشون والا تروحون أي مطعم عاد الاقربون اولى بالمعروف..مايحتاج اوصي
..!
العرض الشجري
