إلا على طاري الـ ...... ! عاد تدرون ؟ (( ويقولون ليه مانتزوج )) !! - شبكة القناص

فهد بن سعد · 30-05-2009, 09:51 AM

.

يسلم عليكم جارنا السوداني ويقولكم تعالو صيفو عندنا هالسنه ترى حرنا أشوى من حركم

بجد والله صرنا حنا وسيارتنا قدور كاتم متحركة في الشارع

ويقولون ان الحر لحد الحين ماجانا وسرى سرى

حيــهم

اعترف اني اكبر قطوع .. ماعدت اكتب مواضيعن مثل ماكنت اكتب قبل وإلا الود ودي كان مليت المجلس مواضيع .. بس اشغلني منتداي الجديد واشغلتني هالدنيا وغثاها ... وعقبال ماعرس واتزوج وافارق خشش اخوياي ... واصير اطلدز واحد في الدنيا من قدي متزوج ولا بعد ماعاد اشيل هم عفواً ممنوع دخول العوائل اللي صارت عقده نفسيه لي ولأخواني العزابيه

من جد ماعاد بوه مكانن الا مكتوب عليه عفواً ممنوع دخول العزابيه

.. حسيت اننا
فعلاً ناس جحلط وراه ياكافي عزاب مايدخلون يامال اللي مانب قايل < ياقلبي علينا ننرحم

بس وشلون اتزوج والأسعار طايرتن فوق كبر حجم جبال طويق
والا وشلون نتزوج واسعار الإيجارات طايرن فالسماء

ولاننسى شروط اهل العروس لازم مهر البنت فوق الخمسين الف ولازم طقاقات وقاعه تسبيرة واخوها يبيله بي ام دبليون يكشخ بها قدام اخوياه ... وانت كانك ماتقدر عليها ورنا عرض اكتافك << _ < وتقولون ليه نتزوج زواج المسيار

الوالد قبل كم يوم يقولي فهد متى اشوفك متزوج وساكن في بيتك مع زوجتك وعيالك اللي يترسون بيتك يارب .... حمرت خديداتي وقلت لامني توظفت بوظيفه أعلى من 10 الاف ريال ذيتس الساعه تزوجت

إلا على طاري الوظايف !

قبل شهرين ناط لنا غازي القصيبي بالصحف والإعلام ويقول معاً لتشجيع الشاب السعودي للوظائف.. والعمل بها مهما وليس عيباً للشاب .. وانا متأكد ان الشاب السعودي ليس عيباً ان يكون سباكاً او كهربائي او شغال في البلديه ...

من زين ووجهك ياقصيبي وانت تقول هالكلام والا عشانك فوق الطاولة تقول كذا والا لو انك تحت الطاولة كان قضبت أرضك وسكت
وإلا تدري طيب خلنا نشوف ولدك يشتغل هالوظايف وتبشر والله باللي يصير حارس عماره بحينا

عاد تصدقون

انا افكر اني اترك الجامعه تدرون ليه ؟
لأني اتعب نفسي على الفاضي وفي النهاية تنطق ببيتكم وتقعد تقشّر بصل الين ماييجك الربيع قصدي الوظايف

واحيانا افكر اني اكمل الجامعه

عشان ادبّر واسطة منا والا منا واروح اقدم على وظيفه وادّزها مع شهادتي الجامعيه كود اني احصل وظيفه ...

الا على طاري الواسطات !

الواسطات صارت عندنا شيء سهل ومثله مثل شربة الموية ... يعني يفنشون موظف كرف اربع وعشرين ساعه وبالطقاق اخذ هالوظيفه ثمن يجي واحدن ماعنده ولا شهاده بس معه فيتامين واو ويدخل الوظفيه وزقارته في يده ويكلم بالجوال ومستانس وخوينا المفنش ياقلبي عليه مثله مثل اللي تفنشو قبل بسبب فيتامين واو هذا المرض اللي اسميه انفلونزا السعوديه المنتشر يوماً بعد يوم

الا على طاري انفلونزا

يقولون ان فيه مرض جديد اسمه انفلونزا اللحوم !

قبل كمن يوم جايني واحد من اخوياي في الإستراحه بيعرس بـ بداية الصيفيه ويقول فهد وش تنصحني
شرايك اقضي شهر العسل في السعوديه ودول الخليج وماطلع اوروبا لانهم يقولون فيه انفلونزا الخنازير مدري اللحوم ! وانا بصراحه خايف من هالمرض لايصيبني وانا في بداية زواجي ثمن اردد ياحظي العسير ماصابني الا في زواجي !
قلت له ياخوك روح سافر واستانس مع حرمتك واكل من لحومهم كلها ولاتنسى ترسل لنا لحم من عندهم عشان تعرف ان ماعندهم سالفه وردد في شوارعهم كلها ( ماهمنيش حاقه وراسي مرفوع )

من جد صرنا شعب مخفه وخوّاف ونصدق كل شيء

أجل ماني رايح اوروبا عشان مايجيني انفلونزا الخنازير ,,,

عاد تصدقون ؟

ودي انشر اشاعه بيني وبين نفسي واقول ان جاء مرض جديد اسمه انفلونزا البعارين والأغنام

عشان تنزل أسعار الأغنام والبعارين < تفكير عميق وخبيث

إلا على طاري البعارين

قبل مده وحنا كاشتين للبر واحدن من العيال ماقصّر ظابط لنا لحمة حاشي وش زينها
ويوم جينا نبي نتغدى جانا واحدن زلابه وقال هاللحم لحم بعارين ؟ اووه خلاص مابي آكل انتم تغدو ماني فاضي اروح اتوضأ مره ثانيه .... عاد بغيت اصك قوطي البيبسي اللي كنت توني فاتحه في جهته واقوله تغدى لادوس في بطنك قال اتوضأ قال

عاد تصدقون ؟

ودي ان مافيه الا لحم بعارين عشان كل واحد يتوضأ
ونعرف منهو اللي على وضوء واللي ماهو على وضوء وبيقلّون الناس اللي يروحون للصلاة بدون وضوء

إلا على طاري الصلاة

انا من الناس اللي ابوه يقومه لصلاة الفجر يومياً وان كاني ماصلّيت طرد من البيت لحد الظهر ! عاد تحصل لي كثير وانطرد واروح انام باسترحتنا المصونه .. بس عاد تعودت خلاص ونعمه من الله ان الواحد يكون محافظ على صلاته خصوصاً الفجر

وهالفتره الناس ماعاد يصلّون استغفر الله اللهم ياكافي

صار المسجد ماعاد هو بـ مثل أول ! الله يرحم زمان أول يوم ان المسجد تدخله ماتحصل مكان

عاد تدرون ؟

ودي ان كل أبو او ولي امر يقول لعبزرانه اللي يصلي كل صلاه مع الجماعه له 5 ريال
واللي يترك صلاة يخصم من مصروفه 5 ريال , بتقولون هذا بيصل عشان فلوس , ايه انا معاكم بيصلي عشان فلوس
لكن بعدين بيتعوّد وبتصير الصلاه في المسجد حاجه سهله بدنياه بعدين

إلا على طاري الدنيا

بيوم من الايام طلعت للإستراحه وشفت لي اخوياي ولقيتهم ساكتين قلت وش بلاكم ؟
قالو ياخي طفششششششش !!! .... رجعت ودخلت البيت ولقيت اخوي بوجهي قالي يافهد طفشششش والله طفشششش ! رحت ادخل النت والمسن ولقيت واحدن حاط توقيعه في حدى المنتديات يقول ملينا طفش ! واللي كاتب في ماسنجره طفشااان لحد يكلمني !

عاد تصدقون !

احيانا احس ان الطفش وباء منتشر انتشاراً فضيعاً عندنا
بس ودي اعرف وش سبب هالطفش ؟ هذا اللي عجزت القى له سؤال

الزواج + الوظائف + الوسطات + انفلونزا + الصلاة + الدنيا وطفشها + البعارين

تعمدت اتطرق لهالموضيع بأسلوب جديد وفكاهي يخرج بشكل نهائي قضايا وودنا نتناقش فيها انا وانتم

اسألتي هي

( الزواج )

س / وش الاسباب بنظركم اللي تجبر الواحد يتم ع العزوبيه ؟ وعطونا أبرز الحلول

س2/ تعليقك على زواج هالأيام وتكاليفه .. إلخ ؟؟ نبي بشكل مختصر

( الوظايف )

س3/ وش الأسباب بنظركم اللي خلت نسبة العطاله كثيره ؟ ونبي أبرز الحلول

س4 / احيانا نشوف الواحد عاطل ومايرضى بوظايف عاديه ... تعليقك بشكل مختصر

( الواسطات )

س5 / وش رايك بالواسطات اللي ضررها أكثر من فايدتها ؟ وكيف نقدر نتخلص منها

س6 / لو انك مكان الموظف المكروش من وظيفته عشان واسطة ! نبي بشكل مختصر

( انفلونزا )

س7 / يقولون ان مرض الانفلونزا كذب واحيانا صدق ! أبي كلامكم وش هو ؟

( الصلاة )

س8 / هالأيام صارو الناس ماعد يصلّون مثل اول يعني اقصد في المساجد .. وش الاسباب ونبي حل يمكن نقدر نحل القضيه مع بعض

( الدنيا وطفشها )

س9 / ابي جواب للسؤال اللي مالقيت له حل مقنع ... ليه تطفش ؟

ووش معنى طفش !

( البعارين )

س10 / وش رايكم نتاجر بالبعارين ترى يقولون بترتفع اسعارها صدق مامزح ترى والكلام من شريطي بعارين خبير

ونسيت اقولكم ترى ماهو شرط تجاوب على كل الأسئله لك الأحقيه تختار القضيه اللي تبيها وتجاوب على الأسأله اللي خصصتها للقضيه

ختاماً

اتمنى يحوز الموضوع على رضاكم خصوصاً اني تعودت اكتب بهالأسلوب وقلت اجرب اكتبه في القناص

ومنها اغير الروتين شوي وأعوض عن صيامي بكتابة المواضيع

وان شاء الله أفطرت بفطور دسم شوي

العضو الكاتب الساخر البسيط

فـــهـــد

قناص الصاعقه · 30-05-2009, 10:54 AM

س8 / هالأيام صارو الناس ماعد يصلّون مثل اول يعني اقصد في المساجد .. وش الاسباب ونبي حل يمكن نقدر نحل القضيه مع بعض

شوف ياخوي انا من فضل الله اصلي جميع الصلوات بالمسجد بتقول كيف
عندما وصل عمري 8سنين عندما يئذن المؤذن ابوي يقول قم وض علشان نروح المسجد طبعا شخصيت بوي قوية جدا
اذهب معه وعندما اذهب معه معناه لازقا فيه اصلي مجنبه مااطلع لين يطلع وجلس بوي على هالحاله لمدة 4سنين
ثم استلم اخوي الصغير والله كلام صحيح ماالعب عليكم ونفس الكلام
تخيلو امي ايام البرد تقول خل الولد يصلي بالبيت برد عليه يرفض ويقول لابد يصلي والا يجلس مايروح المدرسة
اسئل الله ان يحفظ لي بوي ويبقى لنا سالما
سار شي صعب عندما اسمع المؤذن وانا جالس بالبيت ولله الحمد
البال مرتاح والامور متيسرة
فسئل الله ان يهديكم وان يقويكم على انك تذهب للصلاة مع الجماعة

واشكر لك على طرحك للسئول المهم في زمننا هذا

~0 سدن 0~ · 30-05-2009, 11:00 AM

.

أقتباس

( الزواج )

س / وش الاسباب بنظركم اللي تجبر الواحد يتم ع العزوبيه ؟ وعطونا أبرز الحلول
س2/ تعليقك على زواج هالأيام وتكاليفه .. إلخ ؟؟ نبي بشكل مختصر

اهم الاسباب اتوقع بالنسبه للشباب الماده البعض مايقدر يتحمل تكاليف الزواج ..
لكن ماعاد فيه ذيك الجديه عند الشباب والعزيمه الزواج عندهم صاير اكشك واربح
مافيه تخطيط ابدا الزواج مشروع العمر لان الانسان بشارك احد بحياته فضروري يعطي هالموضوع اهتمام من كل النواحي ولاينظر للموضوع على انه سلعه بشتريها من السوق
لكن على طاري تكاليف الزواج صايرن عذر لاقال واحد واالله ماتزوجت الماده ماتسمح لكن مادته تسمح بسياره جديده كل بعد فتره وسفريه كل صيف
اللي يبي يتزوج يعزم والله يوفقه ، ومن ناحية التكاليف فيه تفاوت من اسره لاسره ومن عايله لعائله ومن قبيله لقبيله بتكاليف الزواج .

أقتباس
( الوظايف )

أقتباس

س3/ وش الأسباب بنظركم اللي خلت نسبة العطاله كثيره ؟ ونبي أبرز الحلول
س4 / احيانا نشوف الواحد عاطل ومايرضى بوظايف عاديه ... تعليقك بشكل مختصر

البطاله او العطاله اسبابه كثيره لكن اهم سبب بنظري صراحه
ان نص البلد جنسيات متعدده لو يرحل نص هالاجانب ويشغل عيال البلد كان حلينا مشاكل كثيره
لاتقولون الاجنبي ارخص لان عملتنا عندهم تعيشهم ملوك
وبالنسبه ان فيه ناس ماترضى بوظايف عاديه عاد ذنبه على جنبه
هذا المتوفر ومن رضى بالقليل اعطاه الله الكثير
وكثير ناس ابتدوا من الصفر وكافحوا فمو طبيعي توك متخرج وتبي مكتب وراتب فوق 11 الف

أقتباس
( الواسطات )

أقتباس

س5 / وش رايك بالواسطات اللي ضررها أكثر من فايدتها ؟ وكيف نقدر نتخلص منها
س6 / لو انك مكان الموظف المكروش من وظيفته عشان واسطة ! نبي بشكل مختصر

ماودي اقلب المواجع واعلق على هالفقره
انا حصلي موقف وانظلمت بسبب واسطه حسبي الله ونعم الوكيل

أقتباس

( الصلاة )

س8 / هالأيام صارو الناس ماعد يصلّون مثل اول يعني اقصد في المساجد .. وش الاسباب ونبي حل يمكن نقدر نحل القضيه مع بعض

جد الدنيا ملهيتن العالم ، المساجد فاضيه متى تمتلي برمضان بس
وش بيخسر الواحد اذا صلى بالمسجد ماادري ؟؟
الله يهدي الجميع

أقتباس

( الدنيا وطفشها )

س9 / ابي جواب للسؤال اللي مالقيت له حل مقنع ... ليه تطفش ؟ ووش معنى طفش !

مايطفش الا الانسان الفاضي والا المشغول مستحيل تلقى الطفش بقاموسه
لذا اللي مايبي يطفش يلهي عمره باي شيء يسويه

يعطيك العافيه فهد .. ناقشت قضايا الشارع السعودي اللي كل يوم نعيد فيها ونزيد

**ـحُمرة آلورد** · 30-05-2009, 12:49 PM

.
.

آهلين فهـدْ ..
- طرحك وأسلوبك للفضفضة حقتك
تجذب الوآحدْ يردْ ‘

بروح لل ـ أسألتك ع طول لأنو هذرتك كثيرة

!

أقتباسوش الاسباب بنظركم اللي تجبر الواحد يتم ع العزوبيه ؟

آكثر ممكن ( الدريهيمآت ) ..
مثل ماقلت مهر فوق الخمسين ووو .. / آحتياجات المرآة ماتخلصْ ,

كمآن والوظيفة : مثلآ رحت للبنت وقآلت لا مابيه مايشتغل : /
وبكذآ تجلس عزآبي !

وفيه آسخاص يبون من نفسهم يجلسون عزآبية : )

أقتباساحيانا نشوف الواحد عاطل ومايرضى بوظايف عاديه

يحمد ربه اذا لقى له وظيفة أصلاً . / هالايام ماتحصل الوظيفة بالساهل ..

أقتباستعليقك على زواج هالأيام وتكاليفه .. إلخ ؟؟

وآجدْ ض1 ,
و ماله لزوم الصرف بزود ~

أقتباسيقولون ان مرض الانفلونزا كذب واحيانا صدق ! أبي كلامكم وش هو ؟

لا مآهوب كذب .. من قالك كذب ,
ماتشوف العآلم خآيفه منه

!

أقتباسابي جواب للسؤال اللي مالقيت له حل مقنع ... ليه تطفش ؟ ووش معنى طفش !

كول شي ( طفش ) .. ونا مثلك مالقيت حل !
ازا لقيت قول لاتبخل علينإ .. خخخـ

!

أقتباسعاد تصدقون

<

كم مرة قلتهإ .. ؟

- عجبني أسلوبك وطرحك للقضايا مُهمة ‘
متشكر فهــدْ

فجــــر · 30-05-2009, 01:32 PM

( الزواج )

أقتباسس / وش الاسباب بنظركم اللي تجبر الواحد يتم ع العزوبيه ؟ وعطونا أبرز الحلول

ما في أسباب وما في عزيمه ويمكن التشرط
كل شوي برأي وكأنه خالي من العيوب ..
والله العزوبيه أصرف لكم ..!!

أقتباسس2/ تعليقك على زواج هالأيام وتكاليفه .. إلخ ؟؟ نبي بشكل مختصر

أي تكاليف بس هو عذر عند الشباب
ومافي تكاليف إذا اشترى سياره بملغ وقدره ..؟!!
إلا وين ناوي تسافر هالصيف ..؟!!
لو تحسبونها تلقون أنها أغلى من تكاليف الزواج
لأنها تتكرر كل سنه بس الزوج هو مره وحده تدفع وتخلص بس ياحبكم
للمن وعذر البليد مسح السبوره !!

أقتباس

( الوظايف )

س3/ وش الأسباب بنظركم اللي خلت نسبة العطاله كثيره ؟ ونبي أبرز الحلول

قلة الوظايف وأغلب الوظايف الأولويه للأجانب
والحل يغيرون وزير العمل..

أقتباسس4 / احيانا نشوف الواحد عاطل ومايرضى بوظايف عاديه ... تعليقك بشكل مختصر

هذا تعود على ارباده

أقتباس(الواسطات )

أقتباس
س5 / وش رايك بالواسطات اللي ضررها أكثر من فايدتها ؟ وكيف نقدر نتخلص منها

حسبي الله على اللي يتعامل فيها حتى بالدرسه صارت واسطه أعرف وحده نسبتها 70 ومو مكلفه نفسها تتعب ودخلت الجامعه بكل سهوله والثانيه نسبتها 97 وبمدرسه حكوميه ما عطوها فرصه حتى تختار لو أسوء قسم ..

أقتباسس6 / لو انك مكان الموظف المكروش من وظيفته عشان واسطة ! نبي بشكل مختصر

بقول حسبي الله ونعم الوكيل لليل ونهار ..

أقتباس

( الصلاة )

س8 / هالأيام صارو الناس ماعد يصلّون مثل اول يعني اقصد في المساجد .. وش الاسباب ونبي حل يمكن نقدر نحل القضيه مع بعض

ياليت صارت سالفت فلان مايصلي بالمسجد الا فيه اللي أكبر من كذا اللحين لودخل وقت الصلاة والأخ بمكان عام مثال على السوق وربي يدخل وقت صلاة المغرب ياليت العشاء والحريم يدخلون المصلى
ولأخوان جالسين ومعروف في كل سوق مسجد

صارو الناس يتهاونون بالصلاة وضعف الأيمان بقلوبهم والظن الحل عندهم
والا وش بيكون الحل ينجرون للمسجد والا نحطلهم فيه ترفيه مثل الأطفال عشان يحضرون ..

أقتباس

( الدنيا وطفشها )

أقتباس

س9 / ابي جواب للسؤال اللي مالقيت له حل مقنع ... ليه تطفش ؟

ووش معنى طفش !

مايطفش واحد كل شوي الا خشته تجيب الطفش ..

أقتباس

( البعارين )

أقتباس

س10 / وش رايكم نتاجر بالبعارين ترى يقولون بترتفع اسعارها صدق مامزح ترى والكلام من شريطي بعارين خبير

لا لا ما أحبها والا بتاجر فيها أفكر التاجر بالأرانب

يعطيك العافيه على هالموضوع

( عالي شموخي ) · 30-05-2009, 10:19 PM

الا على طاري الموضوع ..هذا ردي

أقتباسس / وش الاسباب بنظركم اللي تجبر الواحد يتم ع العزوبيه ؟ وعطونا أبرز الحلول

المفروض ان الرقالة هم الي يردون هنا لانهم ادرى..لكن رايي قلة الموارد الاقتصادية وهذا نتاج طبيعي لشباب
بلا وظايف وهذا يودينا لسؤالك عن الوظايف..

أقتباسس2/ تعليقك على زواج هالأيام وتكاليفه .. إلخ ؟؟ نبي بشكل مختصر

تكاليفة عادي مقومات الحياة "بيت منفرد + مهر يليق ببنت الناس "
اما تكاليف ليلة العرس الله لا يبلانا بعض الناس يفسقون بنعمة ربي

أقتباسس3/ وش الأسباب بنظركم اللي خلت نسبة العطاله كثيره ؟ ونبي أبرز الحلول

الاسباب بعضه من الشباب نفسه وبعضه وهو الاغلب مافيه وظايف اصلا
يعني حادثة ماصارت إلا لشباب السعودية وهي ان 250 الف شاب يتنافسون على 70 وظيفة
حاجة تضيق الصدر حتى السودان ماصارت عندهم
الحل: تصيرون سباكين وكهربجيين.

أقتباسس4 / احيانا نشوف الواحد عاطل ومايرضى بوظايف عاديه ... تعليقك بشكل مختصر

وجه الفقر يستحي من الغنات

أقتباسس5 / وش رايك بالواسطات اللي ضررها أكثر من فايدتها ؟ وكيف نقدر نتخلص منها

الواسطة يستحيل انه تختفي وانا اشوف إذا كانت الواسطة مثلا احد توسط لي بوظيفة وانا
معي شهادة ومتقنه هالمهنة عادي ومابه شي تبقى باب رزق
مير ان وحدة توظف بالواسطة بمكان هي ماهي كفء له او بمكان وحدة اكفأ منه هنا تكون المشكلة

أقتباسس6 / لو انك مكان الموظف المكروش من وظيفته عشان واسطة ! نبي بشكل مختصر

ابد رزقك يجيك ورزق غيرك يخليك
والله حسبي وهو نعم الوكيل

أقتباسس8 / هالأيام صارو الناس ماعد يصلّون مثل اول يعني اقصد في المساجد .. وش الاسباب ونبي حل يمكن نقدر نحل القضيه مع بعض

أسأل الله ان يحبب الصلاة بقلوب شبابنا وبناتنا..لاحول ولا قوة إلا بالله
الصلاة هي وصيت المصطفى "الصلاة الصلاة وما ملكت أيمانكم"

أقتباسس9 / ابي جواب للسؤال اللي مالقيت له حل مقنع ... ليه تطفش ؟

ووش معنى طفش !

إلا على طاري هالسؤال هذي وحدة بالمسن كاتبة "طاقة تسبدي من كل أبو شي بالحياة"<< يا حبيله ماسألته ليه

أقتباسس7 / يقولون ان مرض الانفلونزا كذب واحيانا صدق ! أبي كلامكم وش هو ؟

صح على طاري هالسؤال وراك منت مصدق انفلونزا الخنازير
إلا صدق والله يحفظنا والمسلمين وصل هالحين للبحرين
بعدين خويك زين الي مهو مسافر لان الاسلام ناهينا نهي صريح
ان البلاد الموبوءة بوباء محد يروح له...الله يحفظنا ويبعد عنا هالكوارث والاوبئة

أقتباسس10 / وش رايكم نتاجر بالبعارين ترى يقولون بترتفع اسعارها صدق مامزح ترى والكلام من شريطي بعارين خبير

والله البعارين احب اروح لخالي واصورهن واشرب لبنهن وبصراحة فلة كلشي بهن
صحي ونظيف ويكفيهن "أفلا تنظرون إلى الإبل كيف خلقت"
مير اتاجر لا ما ينفعن لنا..عاد انتم يالشباب أكيد تصلح لكم..

الف عافية

HAMZAH · 31-05-2009, 12:42 PM

مبدع يا فهد

وانا لم اقراء الا مقال الصلاه

أقتباسصار المسجد ماعاد هو بـ مثل أول ! الله يرحم زمان أول يوم ان المسجد تدخله ماتحصل مكان

فعلا المسيد صاير عماله وبعض الاحيان يهال
نسئل الله السلامه نسئل الله السلامه

موضوع رائع
حمزه

وردة الهلال · 31-05-2009, 10:50 PM

يسلم عليكم جارنا السوداني ويقولكم تعالو صيفو عندنا هالسنه ترى حرنا أشوى من حركم

بجد والله صرنا حنا وسيارتنا قدور كاتم متحركة في الشارع

ويقولون ان الحر لحد الحين ماجانا وسرى سرى

اما حرهم ازين من حرنا.؟ مافيه امل

أقتباس

حيــهم

اعترف اني اكبر قطوع .. ماعدت اكتب مواضيعن مثل ماكنت اكتب قبل وإلا الود ودي كان مليت المجلس مواضيع .. بس اشغلني منتداي الجديد واشغلتني هالدنيا وغثاها ... وعقبال ماعرس واتزوج وافارق خشش اخوياي ... واصير اطلدز واحد في الدنيا من قدي متزوج ولا بعد ماعاد اشيل هم عفواً ممنوع دخول العوائل اللي صارت عقده نفسيه لي ولأخواني العزابيه

من جد ماعاد بوه مكانن الا مكتوب عليه عفواً ممنوع دخول العزابيه

.. حسيت اننا
فعلاً ناس جحلط وراه ياكافي عزاب مايدخلون يامال اللي مانب قايل < ياقلبي علينا ننرحم

بس وشلون اتزوج والأسعار طايرتن فوق كبر حجم جبال طويق
والا وشلون نتزوج واسعار الإيجارات طايرن فالسماء

ولاننسى شروط اهل العروس لازم مهر البنت فوق الخمسين الف ولازم طقاقات وقاعه تسبيرة واخوها يبيله بي ام دبليون يكشخ بها قدام اخوياه ... وانت كانك ماتقدر عليها ورنا عرض اكتافك << _ < وتقولون ليه نتزوج زواج المسيار

الوالد قبل كم يوم يقولي فهد متى اشوفك متزوج وساكن في بيتك مع زوجتك وعيالك اللي يترسون بيتك يارب .... حمرت خديداتي وقلت لامني توظفت بوظيفه أعلى من 10 الاف ريال ذيتس الساعه تزوجت

تفكير حلو لأن ابو ألف ونص لين 8 مايعيش ترا.

أقتباس
إلا على طاري الوظايف !

قبل شهرين ناط لنا غازي القصيبي بالصحف والإعلام ويقول معاً لتشجيع الشاب السعودي للوظائف.. والعمل بها مهما وليس عيباً للشاب .. وانا متأكد ان الشاب السعودي ليس عيباً ان يكون سباكاً او كهربائي او شغال في البلديه ...

من زين ووجهك ياقصيبي وانت تقول هالكلام والا عشانك فوق الطاولة تقول كذا والا لو انك تحت الطاولة كان قضبت أرضك وسكت
وإلا تدري طيب خلنا نشوف ولدك يشتغل هالوظايف وتبشر والله باللي يصير حارس عماره بحينا

القصيبي لو فيه فلحه سوا شي لسوق العمل موب يوم عطوه من تحت اطلآلوة كلام ولا رشوه الله اعلم! تلايط!
هالأملط ذا

ماشاف شكله؟
قال أيش القصيبي مع احترامي!

أقتباس
عاد تصدقون

انا افكر اني اترك الجامعه تدرون ليه ؟
لأني اتعب نفسي على الفاضي وفي النهاية تنطق ببيتكم وتقعد تقشّر بصل الين ماييجك الربيع قصدي الوظايف

واحيانا افكر اني اكمل الجامعه

عشان ادبّر واسطة منا والا منا واروح اقدم على وظيفه وادّزها مع شهادتي الجامعيه كود اني احصل وظيفه ...

ترك الدرآسة أكبر غلط! لأن الرزق ابوابه كثيره وانت ماعليك إلا أنت تسعى

فيه مثل مصري يقول [ لو تجري جري الوحوش غير رزقك ماتحوش ]

يعني اهم شي السعي ورزقك بيجيك

لذلك لاتفكر ولو لدقيقة تترك جامعه

او درآسه أو شي يفيد مستقبلك

أقتباس
الا على طاري الواسطات !

الواسطات صارت عندنا شيء سهل ومثله مثل شربة الموية ... يعني يفنشون موظف كرف اربع وعشرين ساعه وبالطقاق اخذ هالوظيفه ثمن يجي واحدن ماعنده ولا شهاده بس معه فيتامين واو ويدخل الوظفيه وزقارته في يده ويكلم بالجوال ومستانس وخوينا المفنش ياقلبي عليه مثله مثل اللي تفنشو قبل بسبب فيتامين واو هذا المرض اللي اسميه انفلونزا السعوديه المنتشر يوماً بعد يوم

الواسطة من زمان متفشيه عندنا.
لذلك سآتخطى هالأمر

أقتباس
الا على طاري انفلونزا

يقولون ان فيه مرض جديد اسمه انفلونزا اللحوم !
قبل كمن يوم جايني واحد من اخوياي في الإستراحه بيعرس بـ بداية الصيفيه ويقول فهد وش تنصحني
شرايك اقضي شهر العسل في السعوديه ودول الخليج وماطلع اوروبا لانهم يقولون فيه انفلونزا الخنازير مدري اللحوم ! وانا بصراحه خايف من هالمرض لايصيبني وانا في بداية زواجي ثمن اردد ياحظي العسير ماصابني الا في زواجي !
قلت له ياخوك روح سافر واستانس مع حرمتك واكل من لحومهم كلها ولاتنسى ترسل لنا لحم من عندهم عشان تعرف ان ماعندهم سالفه وردد في شوارعهم كلها ( ماهمنيش حاقه وراسي مرفوع )

من جد صرنا شعب مخفه وخوّاف ونصدق كل شيء
أجل ماني رايح اوروبا عشان مايجيني انفلونزا الخنازير ,,,

عاد تصدقون ؟

ودي انشر اشاعه بيني وبين نفسي واقول ان جاء مرض جديد اسمه انفلونزا البعارين والأغنام
عشان تنزل أسعار الأغنام والبعارين < تفكير عميق وخبيث

فهـد أنت تدري وش أصل أنفلونزا الطيور!
اصله من الخنازير.وانتقل للطيور وانشرته اكثر من الخنازير
والفايروس يطور نفسه مع الوقت.
اما تتريق! صعبه فهد تتريق بمرض!
وانت تقول إشآعه وبآصدقهآ؟
ماهي إشآعة كثر ماهي حقيقة خفيت عن النآس
وتوها تطلع بعد التفشي
والارقآم والإحصآئيآت اللي قالوهآ بالاخبار .كذب
المرض متفشي من زمان قبل انفلونزا الطيور وحآصد أروآح

يعني كانصيحة لصديقك الأفضل. أن في حال انشآر مرض معدي خطير.
انه مايطلع ولاحقن على شهر البصل

الرسول صلى الله عليه وسلم. حذر من إنك تدخل أو تخرج من بلد فيهآ مرض معدي

الانسآن ببلده أرحم له والحمد لله ماعندنا. والله يبعد عنا هالامرآض

الخنزير أصلآ ماحرم من بلآش

يكفي إنه دآيم في الوحل ويدور الاماكن الوسخه ويعيش فيهآ

وفيه امرآض كثيرة

فاليش انت تعتبرهآ إشآعة؟

أقتباس
إلا على طاري البعارين

قبل مده وحنا كاشتين للبر واحدن من العيال ماقصّر ظابط لنا لحمة حاشي وش زينها
ويوم جينا نبي نتغدى جانا واحدن زلابه وقال هاللحم لحم بعارين ؟ اووه خلاص مابي آكل انتم تغدو ماني فاضي اروح اتوضأ مره ثانيه .... عاد بغيت اصك قوطي البيبسي اللي كنت توني فاتحه في جهته واقوله تغدى لادوس في بطنك قال اتوضأ قال

عاد تصدقون ؟

ودي ان مافيه الا لحم بعارين عشان كل واحد يتوضأ
ونعرف منهو اللي على وضوء واللي ماهو على وضوء وبيقلّون الناس اللي يروحون للصلاة بدون وضوء

ذكرتني ببنت عمي نفس خويكم ذا؟
لذلك هي ماتميز اصلا الغنم من القعـود
لذلك نخليها تآكل ولخلصت قلنا لها توضي ترآه جزور

ينعن اوم العجز إللي فيهم!
كلها وضوء لاراح ولا جا؟
واصلاً إللي يتوضأ حق كل صلاة له اجر اكثر من إللي على وضوء

لذلك وش بيعجزه لأكل وتوضأ؟
يعني عجز ولا وشو؟

أقتباس

إلا على طاري الصلاة

انا من الناس اللي ابوه يقومه لصلاة الفجر يومياً وان كاني ماصلّيت طرد من البيت لحد الظهر ! عاد تحصل لي كثير وانطرد واروح انام باسترحتنا المصونه .. بس عاد تعودت خلاص ونعمه من الله ان الواحد يكون محافظ على صلاته خصوصاً الفجر

وهالفتره الناس ماعاد يصلّون استغفر الله اللهم ياكافي

صار المسجد ماعاد هو بـ مثل أول ! الله يرحم زمان أول يوم ان المسجد تدخله ماتحصل مكان

عاد تدرون ؟

ودي ان كل أبو او ولي امر يقول لعبزرانه اللي يصلي كل صلاه مع الجماعه له 5 ريال
واللي يترك صلاة يخصم من مصروفه 5 ريال , بتقولون هذا بيصل عشان فلوس , ايه انا معاكم بيصلي عشان فلوس
لكن بعدين بيتعوّد وبتصير الصلاه في المسجد حاجه سهله بدنياه بعدين

غلط

مع احترامي لاتعلم عيالك مستقبلاً كذا
علمهم إنهآ وآجبه بطريقه محببه ماهيب بفلوس
الفلوس مابيهتمون متى ماقطعتها عنهم
لذلك.أفضل طريقة للعيآل أنك تآخذه معك.دآيم. وتحببه فيهآ.
بحيث لكبر تترسخ عنده.
موب لبلغ9 ولا 10 طقوه وين ماتروح المسجد؟

من يوم هو صغير علمه. شوي شوي.وترسخ

اما الفلوس طريقه غلط وبعنف

أقتباس
إلا على طاري الدنيا

بيوم من الايام طلعت للإستراحه وشفت لي اخوياي ولقيتهم ساكتين قلت وش بلاكم ؟
قالو ياخي طفششششششش !!! .... رجعت ودخلت البيت ولقيت اخوي بوجهي قالي يافهد طفشششش والله طفشششش ! رحت ادخل النت والمسن ولقيت واحدن حاط توقيعه في حدى المنتديات يقول ملينا طفش ! واللي كاتب في ماسنجره طفشااان لحد يكلمني !

عاد تصدقون !

احيانا احس ان الطفش وباء منتشر انتشاراً فضيعاً عندنا
بس ودي اعرف وش سبب هالطفش ؟ هذا اللي عجزت القى له سؤال

الطفـش من كثرة الفرآغ! الفرآغ يجيب الهـم ترا.
هذا سبب
سبب ثآني كثرة الذنوب

سبب ثآلث. كثرة إقنآع النفس بالملل نفسه

سبب رآبع الروتين اليومي

عـدة أسبآب تؤدي للطفش.

بالنسبة للأسئلة قـد أعود إليهآ.

شكراً فـهد

zooz-20 · 01-06-2009, 02:40 AM

هلا بوه وينو زمان عنوه اشتقنالك

.

( الزواج )

س / وش الاسباب بنظركم اللي تجبر الواحد يتم ع العزوبيه ؟ وعطونا أبرز الحلول

المهر اول سبب والحريه يعني ان تزوجت تبقى مقيد مامن حريه وتكثر الروحات والجيات

س2/ تعليقك على زواج هالأيام وتكاليفه .. إلخ ؟؟ نبي بشكل مختصر

لاتعليق صراحه ماخلوبها كلام السالفه هههههههههههه

( الوظايف )

س3/ وش الأسباب بنظركم اللي خلت نسبة العطاله كثيره ؟ ونبي أبرز الحلول

فيتامين واو على قولتك
مامن حلول الا انك تقرط ملفك بكل مكان يمكن تجي بالصدفه

س4 / احيانا نشوف الواحد عاطل ومايرضى بوظايف عاديه ... تعليقك بشكل مختصر

يحقله ههههههههه

( الواسطات )

س5 / وش رايك بالواسطات اللي ضررها أكثر من فايدتها ؟ وكيف نقدر نتخلص منها

مامن فكه منها
س6 / لو انك مكان الموظف المكروش من وظيفته عشان واسطة ! نبي بشكل مختصر

ماخلي ولد الواسطه بحاله لأدبغه ليمن ياكل من تبنه

( انفلونزا )

س7 / يقولون ان مرض الانفلونزا كذب واحيانا صدق ! أبي كلامكم وش هو ؟

لاصدق ووصلت الحالات لعندنا <<<يتابع العريبه اول باول ههههه

( الصلاة )

س8 / هالأيام صارو الناس ماعد يصلّون مثل اول يعني اقصد في المساجد .. وش الاسباب ونبي حل يمكن نقدر نحل القضيه مع بعض

والله البزارين سهله على قولتك خمسه ويمشي كبدايه لكن البلاء فالكبار

( الدنيا وطفشها )

س9 / ابي جواب للسؤال اللي مالقيت له حل مقنع ... ليه تطفش ؟

ووش معنى طفش !

حتى انا مدري ان لقيت حل قلي <<<جالس يفكر بحل هههههههه

( البعارين )

س10 / وش رايكم نتاجر بالبعارين ترى يقولون بترتفع اسعارها صدق مامزح ترى والكلام من شريطي بعارين خبير

ولايهمك بشارك فالمزاين ههههههه <<ماصدق خبر

ونسيت اقولكم ترى ماهو شرط تجاوب على كل الأسئله لك الأحقيه تختار القضيه اللي تبيها وتجاوب على الأسأله اللي خصصتها للقضيه

توك تقول جاوبت وخلصت

تحياتي لك اخوي فهد ومن طول الغيبات .....
مشكوووووور موضوعك رائع ولاتنسى تدعيلنا هههههههههه

عبد العزيز

[/quote]

ياسره الهلاليه · 01-06-2009, 04:31 AM

السلام عليكم موضوه رايق وهذا اجوابتي>صار اختبار ههههههههههه

س / وش الاسباب بنظركم اللي تجبر الواحد يتم ع العزوبيه ؟ وعطونا أبرز الحلول

انا اقولك بمااني بنت وافهم مشاكلكم لانه اجمل شي باالحياه العزوبيه والزواج ماهوب زين صدقوني انا اشوف خالتي كل يوم متطققه هي وزوجه وجاره عياله وهو حيوان وكل يترضاون يرجعون بعد ساعه متهوشين انواع الطفش وعمتي توه متزوجه وتقول طفش لاابعد حد يخليه ويرجع باليل وهي على اول مايرجع نار شابه ثم طلع ونام باالاستراحه وعلى هاالمول وغنى ياليل مطولك كل مطنش الثاني ولافيه حب ورومنسيه بس تديت واجب الزواج ههههههههههه مسخرخ انا احب الي مايتزوجون وانا اكثر وحده بالعالم ضد فكره الزواج التقليدي لانه ماسخ والزواج بكره مشاكل متمثله بكلمه ((زواج)) لذلك العزوبيه او العنوسه ولا فيه حل احسن

س2/ تعليقك على زواج هالأيام وتكاليفه .. إلخ ؟؟ نبي بشكل مختصر

بصراحه فيه اباء تقول يبعون بناتهم اسعارهم نار شابه تقول بيخطب نانسي ولا اليساههههههههههههه
بس فيه بعضهم وربي يا 20الف يا 50 الف مايكثر انا اعرف بنت بالمدرسه مهره توقعو كم ؟؟10الالف يعني بخسره متزوجه وانا مع رفع سعر المهر لانه بتبتلش فيه يااايهو الرجل طول العمر ماله فكه تطلع على الاقل بفلوس تستانس فيه ولا اذا تزوجتك ماراح تشوف منه قرش احمر لا ازرق ولا اسود ولاشي ويويله وياتعست ليله اذا مو موظفه انواع الذل عند المخيس لين يعطيه

س3/ وش الأسباب بنظركم اللي خلت نسبة العطاله كثيره ؟ ونبي أبرز الحلول

تكرر المجال اما عسكريه ام ظابط غيرو شوي روحوا ادرسو طب هندسه الله والنسبه عاد هههههههههه وبعدين عن جد الشاب السعودي مايرضى باي وظيفه يعني لو تشوفون اوربا والدول الاسويه اتحداكم تلقون هندي باوربا او اوربي باالقرات الاسيويه لان كل الشعب يشتغل والي يبي يشتغل في البلديه فوق 10الالف راتبه طق الطمه ياولد من بيعرفك وتكلم هندي ولاسالوك الناس وش تشتغل حتى اهلك قل بالعسكريه هههههههههههه ولم تكون نفسك افتح مشروع ولا دور وظيفه حلوه وعلى مكتب ولازم يكون مكيف المكتب مظبوط وتزوج بس ههههههههههههه بس انتم ماتفكرون بدل العقول حاطين تنكه اللهم ياكافي بس تشكون ولا تفرون بالشوارع لكن تشتغل هاالتنكه مستحيل

س4 / احيانا نشوف الواحد عاطل ومايرضى بوظايف عاديه ... تعليقك بشكل مختصر

كمخه وربي يعني على ايش عجبتك الجلسه حم دور وظيفه مو لازم مكتب ومكيف بس تحس انك ماثر باالمجتمع ومفيد مو ضار ومغزلجي

س5 / وش رايك بالواسطات اللي ضررها أكثر من فايدتها ؟ وكيف نقدر نتخلص منها

مالك امل احلم واحيانا مانحبه بس لاجاء وقت الجد رحنا ندور عنه ههههههههههه

س6 / لو انك مكان الموظف المكروش من وظيفته عشان واسطة ! نبي بشكل مختصر

الشكوه لله اروح ادور اطلق منه والا يعطيني حافز عشان اكبر واطرد الي طردني هههههههه واصير بدل مااتوسط الناس توسطني هههههههههه

س8 / هالأيام صارو الناس ماعد يصلّون مثل اول يعني اقصد في المساجد .. وش الاسباب ونبي حل يمكن نقدر نحل القضيه مع بعض
الصلاه بين العبد وربه اختي الصغيره نشف ريقي وانا اقوم صلي واصربه وامي تقول توه على الصلاه ممديه ههههههههههههههه

ابي جواب للسؤال اللي مالقيت له حل مقنع ... ليه تطفش ؟

ووش معنى طفش !
انا اقول اضحك ولاتسوي نفسك طفشان وربي مجبره من شلتي اضحك بدون سبب راح تشوف انك انهبلت ههههههههههههه

وش رايكم نتاجر بالبعارين ترى يقولون بترتفع اسعارها صدق مامزح ترى والكلام من شريطي بعارين خبير

انا معك باالقضيه تاجرو بس البعارين ياهي بتطير جدي يقولي حنا عندنا 200راس اعطيك يافهد خمسين بس تردهم ميه >>بنك تسليف البعارين بالتقصيد المريح كل سنه ناقه ولاجمل هههههههههههههههههههههههه

فهد يسلمو بصراحه طرحك حلو وخفيف

اتمنى اشوفك دوم منبطح باالمجلس ههههههههههههه

الزعيمااات · 03-06-2009, 06:47 PM

هلا بك فهد

اتحداك تعرف كم مرة انت كات

ب الاعلى طاري
نبداء نجاوب بس

( الزواج )س / وش الاسباب بنظركم اللي تجبر الواحد يتم ع العزوبيه ؟
وعطونا أبرز الحلول س2/ تعليقك على زواج هالأيام وتكاليفه .. إلخ ؟؟ نبي بشكل مختصر

احس ازين سبب واكثر سببب بحثهم عن الحرية والحل انه يعزم ويتزوج..طيب وش نسوي اللحين كل شي ناار بس معليش توصل للاخو يتطلب لا وبي ام بعد هنا اسحب عليهم اصرف ..

( الوظايف )س3/ وش الأسباب بنظركم اللي خلت نسبة العطاله كثيره ؟ ونبي أبرز الحلول
س4 / احيانا نشوف الواحد عاطل ومايرضى بوظايف عاديه ... تعليقك بشكل مختصر

لان نسبة الاجانب اللي يشتغلون كثيرة والحل انهم يطيرون ذا الاجانب بعد مايتعلم منهم السعودي ويقعد بداله..مدري وش وظايفك العاديه بس اذا تبيه على قوله القصيبي يصير عامل بلدية ومدري وشو هنا اقول وش حدنا عيالنا يشتغلون هالشغله وحنا اللي يقال لنا اكبر دوله مخزنة للنفط والله رازقنابس اذا تقصد الوظايف العاديه العادية يعني هنا يبيله احد يعلمه التشرط وشو ..

( الواسطات )
س5 / وش رايك بالواسطات اللي ضررها أكثر من فايدتها ؟ وكيف نقدر نتخلص منها
س6 / لو انك مكان الموظف المكروش من وظيفته عشان واسطة ! نبي بشكل مختصر

اشين شي بالحياة الواسطةلو اني مكانه بقعد اتحسب عليهم .

( انفلونزا )

س7 / يقولون ان مرض الانفلونزا كذب واحيانا صدق ! أبي كلامكم وش هو ؟

الا هو صدق بس الحمدلله حنا ماناكله وشلون بيجينا

( الصلاة )

س8 / هالأيام صارو الناس ماعد يصلّون مثل اول يعني اقصد في المساجد .. وش الاسباب ونبي حل يمكن نقدر نحل القضيه مع بعض الله يهديهم بس ويفتح على قلوبهم ..

( الدنيا وطفشها )

س9 / ابي جواب للسؤال اللي مالقيت له حل مقنع ... ليه تطفش ؟ ووش معنى طفش !

عادي كل ابونا نطفش لاننا نصير مالين من الروتين او شي مثل كذاواذا تبيت روحه رح اقرى لك صفحة من القران ويروح ..

( البعارين )

س10 / وش رايكم نتاجر بالبعارين ترى يقولون بترتفع اسعارها صدق مامزح ترى والكلام من شريطي بعارين خبير

انا من زمان ودي اصير بزنز ويمن حتى لو بالبعارين عادي اهم شي بزنز >> اللحين البعارين هي نفسها النياق

ياليت من يحول بس لهالقسم :(

احس اني طولت وانا ارد بس عادي لانو الموضوع بطل

يعطيك العافيه فهد

والله يوسع صدرك بطاعته

30-05-2009, 09:51 AM	#1
فهد بن سعد قناص مميــز	إلا على طاري الـ ...... ! عاد تدرون ؟ (( ويقولون ليه مانتزوج )) !! . يسلم عليكم جارنا السوداني ويقولكم تعالو صيفو عندنا هالسنه ترى حرنا أشوى من حركم بجد والله صرنا حنا وسيارتنا قدور كاتم متحركة في الشارع ويقولون ان الحر لحد الحين ماجانا وسرى سرى حيــهم اعترف اني اكبر قطوع .. ماعدت اكتب مواضيعن مثل ماكنت اكتب قبل وإلا الود ودي كان مليت المجلس مواضيع .. بس اشغلني منتداي الجديد واشغلتني هالدنيا وغثاها ... وعقبال ماعرس واتزوج وافارق خشش اخوياي ... واصير اطلدز واحد في الدنيا من قدي متزوج ولا بعد ماعاد اشيل هم عفواً ممنوع دخول العوائل اللي صارت عقده نفسيه لي ولأخواني العزابيه من جد ماعاد بوه مكانن الا مكتوب عليه عفواً ممنوع دخول العزابيه .. حسيت اننا فعلاً ناس جحلط وراه ياكافي عزاب مايدخلون يامال اللي مانب قايل < ياقلبي علينا ننرحم بس وشلون اتزوج والأسعار طايرتن فوق كبر حجم جبال طويق والا وشلون نتزوج واسعار الإيجارات طايرن فالسماء ولاننسى شروط اهل العروس لازم مهر البنت فوق الخمسين الف ولازم طقاقات وقاعه تسبيرة واخوها يبيله بي ام دبليون يكشخ بها قدام اخوياه ... وانت كانك ماتقدر عليها ورنا عرض اكتافك << _ < وتقولون ليه نتزوج زواج المسيار الوالد قبل كم يوم يقولي فهد متى اشوفك متزوج وساكن في بيتك مع زوجتك وعيالك اللي يترسون بيتك يارب .... حمرت خديداتي وقلت لامني توظفت بوظيفه أعلى من 10 الاف ريال ذيتس الساعه تزوجت إلا على طاري الوظايف ! قبل شهرين ناط لنا غازي القصيبي بالصحف والإعلام ويقول معاً لتشجيع الشاب السعودي للوظائف.. والعمل بها مهما وليس عيباً للشاب .. وانا متأكد ان الشاب السعودي ليس عيباً ان يكون سباكاً او كهربائي او شغال في البلديه ... من زين ووجهك ياقصيبي وانت تقول هالكلام والا عشانك فوق الطاولة تقول كذا والا لو انك تحت الطاولة كان قضبت أرضك وسكت وإلا تدري طيب خلنا نشوف ولدك يشتغل هالوظايف وتبشر والله باللي يصير حارس عماره بحينا عاد تصدقون انا افكر اني اترك الجامعه تدرون ليه ؟ لأني اتعب نفسي على الفاضي وفي النهاية تنطق ببيتكم وتقعد تقشّر بصل الين ماييجك الربيع قصدي الوظايف واحيانا افكر اني اكمل الجامعه عشان ادبّر واسطة منا والا منا واروح اقدم على وظيفه وادّزها مع شهادتي الجامعيه كود اني احصل وظيفه ... الا على طاري الواسطات ! الواسطات صارت عندنا شيء سهل ومثله مثل شربة الموية ... يعني يفنشون موظف كرف اربع وعشرين ساعه وبالطقاق اخذ هالوظيفه ثمن يجي واحدن ماعنده ولا شهاده بس معه فيتامين واو ويدخل الوظفيه وزقارته في يده ويكلم بالجوال ومستانس وخوينا المفنش ياقلبي عليه مثله مثل اللي تفنشو قبل بسبب فيتامين واو هذا المرض اللي اسميه انفلونزا السعوديه المنتشر يوماً بعد يوم الا على طاري انفلونزا يقولون ان فيه مرض جديد اسمه انفلونزا اللحوم ! قبل كمن يوم جايني واحد من اخوياي في الإستراحه بيعرس بـ بداية الصيفيه ويقول فهد وش تنصحني شرايك اقضي شهر العسل في السعوديه ودول الخليج وماطلع اوروبا لانهم يقولون فيه انفلونزا الخنازير مدري اللحوم ! وانا بصراحه خايف من هالمرض لايصيبني وانا في بداية زواجي ثمن اردد ياحظي العسير ماصابني الا في زواجي ! قلت له ياخوك روح سافر واستانس مع حرمتك واكل من لحومهم كلها ولاتنسى ترسل لنا لحم من عندهم عشان تعرف ان ماعندهم سالفه وردد في شوارعهم كلها ( ماهمنيش حاقه وراسي مرفوع ) من جد صرنا شعب مخفه وخوّاف ونصدق كل شيء أجل ماني رايح اوروبا عشان مايجيني انفلونزا الخنازير ,,, عاد تصدقون ؟ ودي انشر اشاعه بيني وبين نفسي واقول ان جاء مرض جديد اسمه انفلونزا البعارين والأغنام عشان تنزل أسعار الأغنام والبعارين < تفكير عميق وخبيث إلا على طاري البعارين قبل مده وحنا كاشتين للبر واحدن من العيال ماقصّر ظابط لنا لحمة حاشي وش زينها ويوم جينا نبي نتغدى جانا واحدن زلابه وقال هاللحم لحم بعارين ؟ اووه خلاص مابي آكل انتم تغدو ماني فاضي اروح اتوضأ مره ثانيه .... عاد بغيت اصك قوطي البيبسي اللي كنت توني فاتحه في جهته واقوله تغدى لادوس في بطنك قال اتوضأ قال عاد تصدقون ؟ ودي ان مافيه الا لحم بعارين عشان كل واحد يتوضأ ونعرف منهو اللي على وضوء واللي ماهو على وضوء وبيقلّون الناس اللي يروحون للصلاة بدون وضوء إلا على طاري الصلاة انا من الناس اللي ابوه يقومه لصلاة الفجر يومياً وان كاني ماصلّيت طرد من البيت لحد الظهر ! عاد تحصل لي كثير وانطرد واروح انام باسترحتنا المصونه .. بس عاد تعودت خلاص ونعمه من الله ان الواحد يكون محافظ على صلاته خصوصاً الفجر وهالفتره الناس ماعاد يصلّون استغفر الله اللهم ياكافي صار المسجد ماعاد هو بـ مثل أول ! الله يرحم زمان أول يوم ان المسجد تدخله ماتحصل مكان عاد تدرون ؟ ودي ان كل أبو او ولي امر يقول لعبزرانه اللي يصلي كل صلاه مع الجماعه له 5 ريال واللي يترك صلاة يخصم من مصروفه 5 ريال , بتقولون هذا بيصل عشان فلوس , ايه انا معاكم بيصلي عشان فلوس لكن بعدين بيتعوّد وبتصير الصلاه في المسجد حاجه سهله بدنياه بعدين إلا على طاري الدنيا بيوم من الايام طلعت للإستراحه وشفت لي اخوياي ولقيتهم ساكتين قلت وش بلاكم ؟ قالو ياخي طفششششششش !!! .... رجعت ودخلت البيت ولقيت اخوي بوجهي قالي يافهد طفشششش والله طفشششش ! رحت ادخل النت والمسن ولقيت واحدن حاط توقيعه في حدى المنتديات يقول ملينا طفش ! واللي كاتب في ماسنجره طفشااان لحد يكلمني ! عاد تصدقون ! احيانا احس ان الطفش وباء منتشر انتشاراً فضيعاً عندنا بس ودي اعرف وش سبب هالطفش ؟ هذا اللي عجزت القى له سؤال الزواج + الوظائف + الوسطات + انفلونزا + الصلاة + الدنيا وطفشها + البعارين تعمدت اتطرق لهالموضيع بأسلوب جديد وفكاهي يخرج بشكل نهائي قضايا وودنا نتناقش فيها انا وانتم اسألتي هي ( الزواج ) س / وش الاسباب بنظركم اللي تجبر الواحد يتم ع العزوبيه ؟ وعطونا أبرز الحلول س2/ تعليقك على زواج هالأيام وتكاليفه .. إلخ ؟؟ نبي بشكل مختصر ( الوظايف ) س3/ وش الأسباب بنظركم اللي خلت نسبة العطاله كثيره ؟ ونبي أبرز الحلول س4 / احيانا نشوف الواحد عاطل ومايرضى بوظايف عاديه ... تعليقك بشكل مختصر ( الواسطات ) س5 / وش رايك بالواسطات اللي ضررها أكثر من فايدتها ؟ وكيف نقدر نتخلص منها س6 / لو انك مكان الموظف المكروش من وظيفته عشان واسطة ! نبي بشكل مختصر ( انفلونزا ) س7 / يقولون ان مرض الانفلونزا كذب واحيانا صدق ! أبي كلامكم وش هو ؟ ( الصلاة ) س8 / هالأيام صارو الناس ماعد يصلّون مثل اول يعني اقصد في المساجد .. وش الاسباب ونبي حل يمكن نقدر نحل القضيه مع بعض ( الدنيا وطفشها ) س9 / ابي جواب للسؤال اللي مالقيت له حل مقنع ... ليه تطفش ؟ ووش معنى طفش ! ( البعارين ) س10 / وش رايكم نتاجر بالبعارين ترى يقولون بترتفع اسعارها صدق مامزح ترى والكلام من شريطي بعارين خبير ونسيت اقولكم ترى ماهو شرط تجاوب على كل الأسئله لك الأحقيه تختار القضيه اللي تبيها وتجاوب على الأسأله اللي خصصتها للقضيه ختاماً اتمنى يحوز الموضوع على رضاكم خصوصاً اني تعودت اكتب بهالأسلوب وقلت اجرب اكتبه في القناص ومنها اغير الروتين شوي وأعوض عن صيامي بكتابة المواضيع وان شاء الله أفطرت بفطور دسم شوي العضو الكاتب الساخر البسيط فـــهـــد التعديل الأخير تم بواسطة فهد بن سعد ; 30-05-2009 الساعة 09:56 AM

30-05-2009, 10:54 AM	#2
قناص الصاعقه قناص مميــز	رد: إلا على طاري الـ ...... ! عاد تدرون ؟ (( ويقولون ليه مانتزوج )) !! س8 / هالأيام صارو الناس ماعد يصلّون مثل اول يعني اقصد في المساجد .. وش الاسباب ونبي حل يمكن نقدر نحل القضيه مع بعض شوف ياخوي انا من فضل الله اصلي جميع الصلوات بالمسجد بتقول كيف عندما وصل عمري 8سنين عندما يئذن المؤذن ابوي يقول قم وض علشان نروح المسجد طبعا شخصيت بوي قوية جدا اذهب معه وعندما اذهب معه معناه لازقا فيه اصلي مجنبه مااطلع لين يطلع وجلس بوي على هالحاله لمدة 4سنين ثم استلم اخوي الصغير والله كلام صحيح ماالعب عليكم ونفس الكلام تخيلو امي ايام البرد تقول خل الولد يصلي بالبيت برد عليه يرفض ويقول لابد يصلي والا يجلس مايروح المدرسة اسئل الله ان يحفظ لي بوي ويبقى لنا سالما سار شي صعب عندما اسمع المؤذن وانا جالس بالبيت ولله الحمد البال مرتاح والامور متيسرة فسئل الله ان يهديكم وان يقويكم على انك تذهب للصلاة مع الجماعة واشكر لك على طرحك للسئول المهم في زمننا هذا التوقيع: http://www.islamway.com/?iw_s=Quran&iw_a=view&id=276

30-05-2009, 11:00 AM	#3
~0 سدن 0~ قنــاص مبــدع	رد: إلا على طاري الـ ...... ! عاد تدرون ؟ (( ويقولون ليه مانتزوج )) !! . أقتباس ( الزواج ) س / وش الاسباب بنظركم اللي تجبر الواحد يتم ع العزوبيه ؟ وعطونا أبرز الحلول س2/ تعليقك على زواج هالأيام وتكاليفه .. إلخ ؟؟ نبي بشكل مختصر اهم الاسباب اتوقع بالنسبه للشباب الماده البعض مايقدر يتحمل تكاليف الزواج .. لكن ماعاد فيه ذيك الجديه عند الشباب والعزيمه الزواج عندهم صاير اكشك واربح مافيه تخطيط ابدا الزواج مشروع العمر لان الانسان بشارك احد بحياته فضروري يعطي هالموضوع اهتمام من كل النواحي ولاينظر للموضوع على انه سلعه بشتريها من السوق لكن على طاري تكاليف الزواج صايرن عذر لاقال واحد واالله ماتزوجت الماده ماتسمح لكن مادته تسمح بسياره جديده كل بعد فتره وسفريه كل صيف اللي يبي يتزوج يعزم والله يوفقه ، ومن ناحية التكاليف فيه تفاوت من اسره لاسره ومن عايله لعائله ومن قبيله لقبيله بتكاليف الزواج . أقتباس ( الوظايف ) أقتباس س3/ وش الأسباب بنظركم اللي خلت نسبة العطاله كثيره ؟ ونبي أبرز الحلول س4 / احيانا نشوف الواحد عاطل ومايرضى بوظايف عاديه ... تعليقك بشكل مختصر البطاله او العطاله اسبابه كثيره لكن اهم سبب بنظري صراحه ان نص البلد جنسيات متعدده لو يرحل نص هالاجانب ويشغل عيال البلد كان حلينا مشاكل كثيره لاتقولون الاجنبي ارخص لان عملتنا عندهم تعيشهم ملوك وبالنسبه ان فيه ناس ماترضى بوظايف عاديه عاد ذنبه على جنبه هذا المتوفر ومن رضى بالقليل اعطاه الله الكثير وكثير ناس ابتدوا من الصفر وكافحوا فمو طبيعي توك متخرج وتبي مكتب وراتب فوق 11 الف أقتباس ( الواسطات ) أقتباس س5 / وش رايك بالواسطات اللي ضررها أكثر من فايدتها ؟ وكيف نقدر نتخلص منها س6 / لو انك مكان الموظف المكروش من وظيفته عشان واسطة ! نبي بشكل مختصر ماودي اقلب المواجع واعلق على هالفقره انا حصلي موقف وانظلمت بسبب واسطه حسبي الله ونعم الوكيل أقتباس ( الصلاة ) س8 / هالأيام صارو الناس ماعد يصلّون مثل اول يعني اقصد في المساجد .. وش الاسباب ونبي حل يمكن نقدر نحل القضيه مع بعض جد الدنيا ملهيتن العالم ، المساجد فاضيه متى تمتلي برمضان بس وش بيخسر الواحد اذا صلى بالمسجد ماادري ؟؟ الله يهدي الجميع أقتباس ( الدنيا وطفشها ) س9 / ابي جواب للسؤال اللي مالقيت له حل مقنع ... ليه تطفش ؟ ووش معنى طفش ! مايطفش الا الانسان الفاضي والا المشغول مستحيل تلقى الطفش بقاموسه لذا اللي مايبي يطفش يلهي عمره باي شيء يسويه يعطيك العافيه فهد .. ناقشت قضايا الشارع السعودي اللي كل يوم نعيد فيها ونزيد التوقيع: . . اللهم إني اعوذ بك من زوال نعمتك وفجاءة نقمتك وتحول عافيتك وجميع سخطك .

30-05-2009, 01:32 PM	#5
فجــــر قنــاص فعــال	رد: إلا على طاري الـ ...... ! عاد تدرون ؟ (( ويقولون ليه مانتزوج )) !! ( الزواج ) أقتباسس / وش الاسباب بنظركم اللي تجبر الواحد يتم ع العزوبيه ؟ وعطونا أبرز الحلول ما في أسباب وما في عزيمه ويمكن التشرط كل شوي برأي وكأنه خالي من العيوب .. والله العزوبيه أصرف لكم ..!! أقتباسس2/ تعليقك على زواج هالأيام وتكاليفه .. إلخ ؟؟ نبي بشكل مختصر أي تكاليف بس هو عذر عند الشباب ومافي تكاليف إذا اشترى سياره بملغ وقدره ..؟!! إلا وين ناوي تسافر هالصيف ..؟!! لو تحسبونها تلقون أنها أغلى من تكاليف الزواج لأنها تتكرر كل سنه بس الزوج هو مره وحده تدفع وتخلص بس ياحبكم للمن وعذر البليد مسح السبوره !! أقتباس ( الوظايف ) س3/ وش الأسباب بنظركم اللي خلت نسبة العطاله كثيره ؟ ونبي أبرز الحلول قلة الوظايف وأغلب الوظايف الأولويه للأجانب والحل يغيرون وزير العمل.. أقتباسس4 / احيانا نشوف الواحد عاطل ومايرضى بوظايف عاديه ... تعليقك بشكل مختصر هذا تعود على ارباده أقتباس(الواسطات ) أقتباس س5 / وش رايك بالواسطات اللي ضررها أكثر من فايدتها ؟ وكيف نقدر نتخلص منها حسبي الله على اللي يتعامل فيها حتى بالدرسه صارت واسطه أعرف وحده نسبتها 70 ومو مكلفه نفسها تتعب ودخلت الجامعه بكل سهوله والثانيه نسبتها 97 وبمدرسه حكوميه ما عطوها فرصه حتى تختار لو أسوء قسم .. أقتباسس6 / لو انك مكان الموظف المكروش من وظيفته عشان واسطة ! نبي بشكل مختصر بقول حسبي الله ونعم الوكيل لليل ونهار .. أقتباس أقتباس ( الصلاة ) س8 / هالأيام صارو الناس ماعد يصلّون مثل اول يعني اقصد في المساجد .. وش الاسباب ونبي حل يمكن نقدر نحل القضيه مع بعض ياليت صارت سالفت فلان مايصلي بالمسجد الا فيه اللي أكبر من كذا اللحين لودخل وقت الصلاة والأخ بمكان عام مثال على السوق وربي يدخل وقت صلاة المغرب ياليت العشاء والحريم يدخلون المصلى ولأخوان جالسين ومعروف في كل سوق مسجد صارو الناس يتهاونون بالصلاة وضعف الأيمان بقلوبهم والظن الحل عندهم والا وش بيكون الحل ينجرون للمسجد والا نحطلهم فيه ترفيه مثل الأطفال عشان يحضرون .. أقتباس ( الدنيا وطفشها ) أقتباس س9 / ابي جواب للسؤال اللي مالقيت له حل مقنع ... ليه تطفش ؟ ووش معنى طفش ! مايطفش واحد كل شوي الا خشته تجيب الطفش .. أقتباس ( البعارين ) أقتباس س10 / وش رايكم نتاجر بالبعارين ترى يقولون بترتفع اسعارها صدق مامزح ترى والكلام من شريطي بعارين خبير لا لا ما أحبها والا بتاجر فيها أفكر التاجر بالأرانب يعطيك العافيه على هالموضوع التوقيع: ڪـل مآ ضآق بي آلــۈآقعّ آسلـــي خآطـــري ّ ( بآ آلنـــۈم! ) ۈهــذّي حــآلهُ آيآميٌ .. صآرت فرحتُي ( بنــۈمـي )

30-05-2009, 10:19 PM	#6
( عالي شموخي ) قناص مميــز	رد: إلا على طاري الـ ...... ! عاد تدرون ؟ (( ويقولون ليه مانتزوج )) !! الا على طاري الموضوع ..هذا ردي أقتباسس / وش الاسباب بنظركم اللي تجبر الواحد يتم ع العزوبيه ؟ وعطونا أبرز الحلول المفروض ان الرقالة هم الي يردون هنا لانهم ادرى..لكن رايي قلة الموارد الاقتصادية وهذا نتاج طبيعي لشباب بلا وظايف وهذا يودينا لسؤالك عن الوظايف.. أقتباسس2/ تعليقك على زواج هالأيام وتكاليفه .. إلخ ؟؟ نبي بشكل مختصر تكاليفة عادي مقومات الحياة "بيت منفرد + مهر يليق ببنت الناس " اما تكاليف ليلة العرس الله لا يبلانا بعض الناس يفسقون بنعمة ربي أقتباسس3/ وش الأسباب بنظركم اللي خلت نسبة العطاله كثيره ؟ ونبي أبرز الحلول الاسباب بعضه من الشباب نفسه وبعضه وهو الاغلب مافيه وظايف اصلا يعني حادثة ماصارت إلا لشباب السعودية وهي ان 250 الف شاب يتنافسون على 70 وظيفة حاجة تضيق الصدر حتى السودان ماصارت عندهم الحل: تصيرون سباكين وكهربجيين. أقتباسس4 / احيانا نشوف الواحد عاطل ومايرضى بوظايف عاديه ... تعليقك بشكل مختصر وجه الفقر يستحي من الغنات أقتباسس5 / وش رايك بالواسطات اللي ضررها أكثر من فايدتها ؟ وكيف نقدر نتخلص منها الواسطة يستحيل انه تختفي وانا اشوف إذا كانت الواسطة مثلا احد توسط لي بوظيفة وانا معي شهادة ومتقنه هالمهنة عادي ومابه شي تبقى باب رزق مير ان وحدة توظف بالواسطة بمكان هي ماهي كفء له او بمكان وحدة اكفأ منه هنا تكون المشكلة أقتباسس6 / لو انك مكان الموظف المكروش من وظيفته عشان واسطة ! نبي بشكل مختصر ابد رزقك يجيك ورزق غيرك يخليك والله حسبي وهو نعم الوكيل أقتباسس8 / هالأيام صارو الناس ماعد يصلّون مثل اول يعني اقصد في المساجد .. وش الاسباب ونبي حل يمكن نقدر نحل القضيه مع بعض أسأل الله ان يحبب الصلاة بقلوب شبابنا وبناتنا..لاحول ولا قوة إلا بالله الصلاة هي وصيت المصطفى "الصلاة الصلاة وما ملكت أيمانكم" أقتباسس9 / ابي جواب للسؤال اللي مالقيت له حل مقنع ... ليه تطفش ؟ ووش معنى طفش ! إلا على طاري هالسؤال هذي وحدة بالمسن كاتبة "طاقة تسبدي من كل أبو شي بالحياة"<< يا حبيله ماسألته ليه أقتباسس7 / يقولون ان مرض الانفلونزا كذب واحيانا صدق ! أبي كلامكم وش هو ؟ صح على طاري هالسؤال وراك منت مصدق انفلونزا الخنازير إلا صدق والله يحفظنا والمسلمين وصل هالحين للبحرين بعدين خويك زين الي مهو مسافر لان الاسلام ناهينا نهي صريح ان البلاد الموبوءة بوباء محد يروح له...الله يحفظنا ويبعد عنا هالكوارث والاوبئة أقتباسس10 / وش رايكم نتاجر بالبعارين ترى يقولون بترتفع اسعارها صدق مامزح ترى والكلام من شريطي بعارين خبير والله البعارين احب اروح لخالي واصورهن واشرب لبنهن وبصراحة فلة كلشي بهن صحي ونظيف ويكفيهن "أفلا تنظرون إلى الإبل كيف خلقت" مير اتاجر لا ما ينفعن لنا..عاد انتم يالشباب أكيد تصلح لكم.. الف عافية التوقيع: لا إله الا الله محمد رسول الله

31-05-2009, 12:42 PM	#7
HAMZAH قلم واعد	رد: إلا على طاري الـ ...... ! عاد تدرون ؟ (( ويقولون ليه مانتزوج )) !! مبدع يا فهد وانا لم اقراء الا مقال الصلاه أقتباسصار المسجد ماعاد هو بـ مثل أول ! الله يرحم زمان أول يوم ان المسجد تدخله ماتحصل مكان فعلا المسيد صاير عماله وبعض الاحيان يهال نسئل الله السلامه نسئل الله السلامه موضوع رائع حمزه التوقيع: . . حتى لا اكون مختلف

31-05-2009, 10:50 PM	#8
وردة الهلال قلم المجلس النشيط	رد: إلا على طاري الـ ...... ! عاد تدرون ؟ (( ويقولون ليه مانتزوج )) !! يسلم عليكم جارنا السوداني ويقولكم تعالو صيفو عندنا هالسنه ترى حرنا أشوى من حركم بجد والله صرنا حنا وسيارتنا قدور كاتم متحركة في الشارع ويقولون ان الحر لحد الحين ماجانا وسرى سرى اما حرهم ازين من حرنا.؟ مافيه امل أقتباس حيــهم اعترف اني اكبر قطوع .. ماعدت اكتب مواضيعن مثل ماكنت اكتب قبل وإلا الود ودي كان مليت المجلس مواضيع .. بس اشغلني منتداي الجديد واشغلتني هالدنيا وغثاها ... وعقبال ماعرس واتزوج وافارق خشش اخوياي ... واصير اطلدز واحد في الدنيا من قدي متزوج ولا بعد ماعاد اشيل هم عفواً ممنوع دخول العوائل اللي صارت عقده نفسيه لي ولأخواني العزابيه من جد ماعاد بوه مكانن الا مكتوب عليه عفواً ممنوع دخول العزابيه .. حسيت اننا فعلاً ناس جحلط وراه ياكافي عزاب مايدخلون يامال اللي مانب قايل < ياقلبي علينا ننرحم بس وشلون اتزوج والأسعار طايرتن فوق كبر حجم جبال طويق والا وشلون نتزوج واسعار الإيجارات طايرن فالسماء ولاننسى شروط اهل العروس لازم مهر البنت فوق الخمسين الف ولازم طقاقات وقاعه تسبيرة واخوها يبيله بي ام دبليون يكشخ بها قدام اخوياه ... وانت كانك ماتقدر عليها ورنا عرض اكتافك << _ < وتقولون ليه نتزوج زواج المسيار الوالد قبل كم يوم يقولي فهد متى اشوفك متزوج وساكن في بيتك مع زوجتك وعيالك اللي يترسون بيتك يارب .... حمرت خديداتي وقلت لامني توظفت بوظيفه أعلى من 10 الاف ريال ذيتس الساعه تزوجت تفكير حلو لأن ابو ألف ونص لين 8 مايعيش ترا. أقتباس إلا على طاري الوظايف ! قبل شهرين ناط لنا غازي القصيبي بالصحف والإعلام ويقول معاً لتشجيع الشاب السعودي للوظائف.. والعمل بها مهما وليس عيباً للشاب .. وانا متأكد ان الشاب السعودي ليس عيباً ان يكون سباكاً او كهربائي او شغال في البلديه ... من زين ووجهك ياقصيبي وانت تقول هالكلام والا عشانك فوق الطاولة تقول كذا والا لو انك تحت الطاولة كان قضبت أرضك وسكت وإلا تدري طيب خلنا نشوف ولدك يشتغل هالوظايف وتبشر والله باللي يصير حارس عماره بحينا القصيبي لو فيه فلحه سوا شي لسوق العمل موب يوم عطوه من تحت اطلآلوة كلام ولا رشوه الله اعلم! تلايط! هالأملط ذا ماشاف شكله؟ قال أيش القصيبي مع احترامي! أقتباس عاد تصدقون انا افكر اني اترك الجامعه تدرون ليه ؟ لأني اتعب نفسي على الفاضي وفي النهاية تنطق ببيتكم وتقعد تقشّر بصل الين ماييجك الربيع قصدي الوظايف واحيانا افكر اني اكمل الجامعه عشان ادبّر واسطة منا والا منا واروح اقدم على وظيفه وادّزها مع شهادتي الجامعيه كود اني احصل وظيفه ... ترك الدرآسة أكبر غلط! لأن الرزق ابوابه كثيره وانت ماعليك إلا أنت تسعى فيه مثل مصري يقول [ لو تجري جري الوحوش غير رزقك ماتحوش ] يعني اهم شي السعي ورزقك بيجيك لذلك لاتفكر ولو لدقيقة تترك جامعهاو درآسه أو شي يفيد مستقبلك أقتباس الا على طاري الواسطات ! الواسطات صارت عندنا شيء سهل ومثله مثل شربة الموية ... يعني يفنشون موظف كرف اربع وعشرين ساعه وبالطقاق اخذ هالوظيفه ثمن يجي واحدن ماعنده ولا شهاده بس معه فيتامين واو ويدخل الوظفيه وزقارته في يده ويكلم بالجوال ومستانس وخوينا المفنش ياقلبي عليه مثله مثل اللي تفنشو قبل بسبب فيتامين واو هذا المرض اللي اسميه انفلونزا السعوديه المنتشر يوماً بعد يوم الواسطة من زمان متفشيه عندنا. لذلك سآتخطى هالأمر أقتباس الا على طاري انفلونزا يقولون ان فيه مرض جديد اسمه انفلونزا اللحوم ! قبل كمن يوم جايني واحد من اخوياي في الإستراحه بيعرس بـ بداية الصيفيه ويقول فهد وش تنصحني شرايك اقضي شهر العسل في السعوديه ودول الخليج وماطلع اوروبا لانهم يقولون فيه انفلونزا الخنازير مدري اللحوم ! وانا بصراحه خايف من هالمرض لايصيبني وانا في بداية زواجي ثمن اردد ياحظي العسير ماصابني الا في زواجي ! قلت له ياخوك روح سافر واستانس مع حرمتك واكل من لحومهم كلها ولاتنسى ترسل لنا لحم من عندهم عشان تعرف ان ماعندهم سالفه وردد في شوارعهم كلها ( ماهمنيش حاقه وراسي مرفوع ) من جد صرنا شعب مخفه وخوّاف ونصدق كل شيء أجل ماني رايح اوروبا عشان مايجيني انفلونزا الخنازير ,,, عاد تصدقون ؟ ودي انشر اشاعه بيني وبين نفسي واقول ان جاء مرض جديد اسمه انفلونزا البعارين والأغنام عشان تنزل أسعار الأغنام والبعارين < تفكير عميق وخبيث فهـد أنت تدري وش أصل أنفلونزا الطيور! اصله من الخنازير.وانتقل للطيور وانشرته اكثر من الخنازير والفايروس يطور نفسه مع الوقت. اما تتريق! صعبه فهد تتريق بمرض! وانت تقول إشآعه وبآصدقهآ؟ ماهي إشآعة كثر ماهي حقيقة خفيت عن النآس وتوها تطلع بعد التفشي والارقآم والإحصآئيآت اللي قالوهآ بالاخبار .كذب المرض متفشي من زمان قبل انفلونزا الطيور وحآصد أروآح يعني كانصيحة لصديقك الأفضل. أن في حال انشآر مرض معدي خطير. انه مايطلع ولاحقن على شهر البصل الرسول صلى الله عليه وسلم. حذر من إنك تدخل أو تخرج من بلد فيهآ مرض معدي الانسآن ببلده أرحم له والحمد لله ماعندنا. والله يبعد عنا هالامرآض الخنزير أصلآ ماحرم من بلآش يكفي إنه دآيم في الوحل ويدور الاماكن الوسخه ويعيش فيهآ وفيه امرآض كثيرة فاليش انت تعتبرهآ إشآعة؟ أقتباس إلا على طاري البعارين قبل مده وحنا كاشتين للبر واحدن من العيال ماقصّر ظابط لنا لحمة حاشي وش زينها ويوم جينا نبي نتغدى جانا واحدن زلابه وقال هاللحم لحم بعارين ؟ اووه خلاص مابي آكل انتم تغدو ماني فاضي اروح اتوضأ مره ثانيه .... عاد بغيت اصك قوطي البيبسي اللي كنت توني فاتحه في جهته واقوله تغدى لادوس في بطنك قال اتوضأ قال عاد تصدقون ؟ ودي ان مافيه الا لحم بعارين عشان كل واحد يتوضأ ونعرف منهو اللي على وضوء واللي ماهو على وضوء وبيقلّون الناس اللي يروحون للصلاة بدون وضوء ذكرتني ببنت عمي نفس خويكم ذا؟ لذلك هي ماتميز اصلا الغنم من القعـود لذلك نخليها تآكل ولخلصت قلنا لها توضي ترآه جزور ينعن اوم العجز إللي فيهم! كلها وضوء لاراح ولا جا؟ واصلاً إللي يتوضأ حق كل صلاة له اجر اكثر من إللي على وضوء لذلك وش بيعجزه لأكل وتوضأ؟ يعني عجز ولا وشو؟ أقتباس إلا على طاري الصلاة انا من الناس اللي ابوه يقومه لصلاة الفجر يومياً وان كاني ماصلّيت طرد من البيت لحد الظهر ! عاد تحصل لي كثير وانطرد واروح انام باسترحتنا المصونه .. بس عاد تعودت خلاص ونعمه من الله ان الواحد يكون محافظ على صلاته خصوصاً الفجر وهالفتره الناس ماعاد يصلّون استغفر الله اللهم ياكافي صار المسجد ماعاد هو بـ مثل أول ! الله يرحم زمان أول يوم ان المسجد تدخله ماتحصل مكان عاد تدرون ؟ ودي ان كل أبو او ولي امر يقول لعبزرانه اللي يصلي كل صلاه مع الجماعه له 5 ريال واللي يترك صلاة يخصم من مصروفه 5 ريال , بتقولون هذا بيصل عشان فلوس , ايه انا معاكم بيصلي عشان فلوس لكن بعدين بيتعوّد وبتصير الصلاه في المسجد حاجه سهله بدنياه بعدين غلط مع احترامي لاتعلم عيالك مستقبلاً كذا علمهم إنهآ وآجبه بطريقه محببه ماهيب بفلوس الفلوس مابيهتمون متى ماقطعتها عنهم لذلك.أفضل طريقة للعيآل أنك تآخذه معك.دآيم. وتحببه فيهآ. بحيث لكبر تترسخ عنده. موب لبلغ9 ولا 10 طقوه وين ماتروح المسجد؟ من يوم هو صغير علمه. شوي شوي.وترسخ اما الفلوس طريقه غلط وبعنف أقتباس إلا على طاري الدنيا بيوم من الايام طلعت للإستراحه وشفت لي اخوياي ولقيتهم ساكتين قلت وش بلاكم ؟ قالو ياخي طفششششششش !!! .... رجعت ودخلت البيت ولقيت اخوي بوجهي قالي يافهد طفشششش والله طفشششش ! رحت ادخل النت والمسن ولقيت واحدن حاط توقيعه في حدى المنتديات يقول ملينا طفش ! واللي كاتب في ماسنجره طفشااان لحد يكلمني ! عاد تصدقون ! احيانا احس ان الطفش وباء منتشر انتشاراً فضيعاً عندنا بس ودي اعرف وش سبب هالطفش ؟ هذا اللي عجزت القى له سؤال الطفـش من كثرة الفرآغ! الفرآغ يجيب الهـم ترا. هذا سبب سبب ثآني كثرة الذنوب سبب ثآلث. كثرة إقنآع النفس بالملل نفسه سبب رآبع الروتين اليومي عـدة أسبآب تؤدي للطفش. بالنسبة للأسئلة قـد أعود إليهآ. شكراً فـهد

01-06-2009, 02:40 AM	#9
zooz-20 قناص مميــز	رد: إلا على طاري الـ ...... ! عاد تدرون ؟ (( ويقولون ليه مانتزوج )) !! هلا بوه وينو زمان عنوه اشتقنالك . ( الزواج ) س / وش الاسباب بنظركم اللي تجبر الواحد يتم ع العزوبيه ؟ وعطونا أبرز الحلول المهر اول سبب والحريه يعني ان تزوجت تبقى مقيد مامن حريه وتكثر الروحات والجيات س2/ تعليقك على زواج هالأيام وتكاليفه .. إلخ ؟؟ نبي بشكل مختصر لاتعليق صراحه ماخلوبها كلام السالفه هههههههههههه ( الوظايف ) س3/ وش الأسباب بنظركم اللي خلت نسبة العطاله كثيره ؟ ونبي أبرز الحلول فيتامين واو على قولتك مامن حلول الا انك تقرط ملفك بكل مكان يمكن تجي بالصدفه س4 / احيانا نشوف الواحد عاطل ومايرضى بوظايف عاديه ... تعليقك بشكل مختصر يحقله ههههههههه ( الواسطات ) س5 / وش رايك بالواسطات اللي ضررها أكثر من فايدتها ؟ وكيف نقدر نتخلص منها مامن فكه منها س6 / لو انك مكان الموظف المكروش من وظيفته عشان واسطة ! نبي بشكل مختصر ماخلي ولد الواسطه بحاله لأدبغه ليمن ياكل من تبنه ( انفلونزا ) س7 / يقولون ان مرض الانفلونزا كذب واحيانا صدق ! أبي كلامكم وش هو ؟ لاصدق ووصلت الحالات لعندنا <<<يتابع العريبه اول باول ههههه ( الصلاة ) س8 / هالأيام صارو الناس ماعد يصلّون مثل اول يعني اقصد في المساجد .. وش الاسباب ونبي حل يمكن نقدر نحل القضيه مع بعض والله البزارين سهله على قولتك خمسه ويمشي كبدايه لكن البلاء فالكبار ( الدنيا وطفشها ) س9 / ابي جواب للسؤال اللي مالقيت له حل مقنع ... ليه تطفش ؟ ووش معنى طفش ! حتى انا مدري ان لقيت حل قلي <<<جالس يفكر بحل هههههههه ( البعارين ) س10 / وش رايكم نتاجر بالبعارين ترى يقولون بترتفع اسعارها صدق مامزح ترى والكلام من شريطي بعارين خبير ولايهمك بشارك فالمزاين ههههههه <<ماصدق خبر ونسيت اقولكم ترى ماهو شرط تجاوب على كل الأسئله لك الأحقيه تختار القضيه اللي تبيها وتجاوب على الأسأله اللي خصصتها للقضيه توك تقول جاوبت وخلصت تحياتي لك اخوي فهد ومن طول الغيبات ..... مشكوووووور موضوعك رائع ولاتنسى تدعيلنا هههههههههه عبد العزيز [/quote] التوقيع: آآآخذ نفس .. أغمّض عيون واذكرك , ــــــ وتطيح في صدري من الحزن غيمة ياغايب [ إرجع ] خبّني وسط دفترك ــــــ عن عين جرحي / أمنياتي السّقيمة

01-06-2009, 04:31 AM	#10
ياسره الهلاليه قناص مميــز	رد: إلا على طاري الـ ...... ! عاد تدرون ؟ (( ويقولون ليه مانتزوج )) !! السلام عليكم موضوه رايق وهذا اجوابتي>صار اختبار ههههههههههه س / وش الاسباب بنظركم اللي تجبر الواحد يتم ع العزوبيه ؟ وعطونا أبرز الحلول انا اقولك بمااني بنت وافهم مشاكلكم لانه اجمل شي باالحياه العزوبيه والزواج ماهوب زين صدقوني انا اشوف خالتي كل يوم متطققه هي وزوجه وجاره عياله وهو حيوان وكل يترضاون يرجعون بعد ساعه متهوشين انواع الطفش وعمتي توه متزوجه وتقول طفش لاابعد حد يخليه ويرجع باليل وهي على اول مايرجع نار شابه ثم طلع ونام باالاستراحه وعلى هاالمول وغنى ياليل مطولك كل مطنش الثاني ولافيه حب ورومنسيه بس تديت واجب الزواج ههههههههههه مسخرخ انا احب الي مايتزوجون وانا اكثر وحده بالعالم ضد فكره الزواج التقليدي لانه ماسخ والزواج بكره مشاكل متمثله بكلمه ((زواج)) لذلك العزوبيه او العنوسه ولا فيه حل احسن س2/ تعليقك على زواج هالأيام وتكاليفه .. إلخ ؟؟ نبي بشكل مختصر بصراحه فيه اباء تقول يبعون بناتهم اسعارهم نار شابه تقول بيخطب نانسي ولا اليساههههههههههههه بس فيه بعضهم وربي يا 20الف يا 50 الف مايكثر انا اعرف بنت بالمدرسه مهره توقعو كم ؟؟10الالف يعني بخسره متزوجه وانا مع رفع سعر المهر لانه بتبتلش فيه يااايهو الرجل طول العمر ماله فكه تطلع على الاقل بفلوس تستانس فيه ولا اذا تزوجتك ماراح تشوف منه قرش احمر لا ازرق ولا اسود ولاشي ويويله وياتعست ليله اذا مو موظفه انواع الذل عند المخيس لين يعطيه س3/ وش الأسباب بنظركم اللي خلت نسبة العطاله كثيره ؟ ونبي أبرز الحلول تكرر المجال اما عسكريه ام ظابط غيرو شوي روحوا ادرسو طب هندسه الله والنسبه عاد هههههههههه وبعدين عن جد الشاب السعودي مايرضى باي وظيفه يعني لو تشوفون اوربا والدول الاسويه اتحداكم تلقون هندي باوربا او اوربي باالقرات الاسيويه لان كل الشعب يشتغل والي يبي يشتغل في البلديه فوق 10الالف راتبه طق الطمه ياولد من بيعرفك وتكلم هندي ولاسالوك الناس وش تشتغل حتى اهلك قل بالعسكريه هههههههههههه ولم تكون نفسك افتح مشروع ولا دور وظيفه حلوه وعلى مكتب ولازم يكون مكيف المكتب مظبوط وتزوج بس ههههههههههههه بس انتم ماتفكرون بدل العقول حاطين تنكه اللهم ياكافي بس تشكون ولا تفرون بالشوارع لكن تشتغل هاالتنكه مستحيل س4 / احيانا نشوف الواحد عاطل ومايرضى بوظايف عاديه ... تعليقك بشكل مختصر كمخه وربي يعني على ايش عجبتك الجلسه حم دور وظيفه مو لازم مكتب ومكيف بس تحس انك ماثر باالمجتمع ومفيد مو ضار ومغزلجي س5 / وش رايك بالواسطات اللي ضررها أكثر من فايدتها ؟ وكيف نقدر نتخلص منها مالك امل احلم واحيانا مانحبه بس لاجاء وقت الجد رحنا ندور عنه ههههههههههه س6 / لو انك مكان الموظف المكروش من وظيفته عشان واسطة ! نبي بشكل مختصر الشكوه لله اروح ادور اطلق منه والا يعطيني حافز عشان اكبر واطرد الي طردني هههههههه واصير بدل مااتوسط الناس توسطني هههههههههه س8 / هالأيام صارو الناس ماعد يصلّون مثل اول يعني اقصد في المساجد .. وش الاسباب ونبي حل يمكن نقدر نحل القضيه مع بعض الصلاه بين العبد وربه اختي الصغيره نشف ريقي وانا اقوم صلي واصربه وامي تقول توه على الصلاه ممديه ههههههههههههههه ابي جواب للسؤال اللي مالقيت له حل مقنع ... ليه تطفش ؟ ووش معنى طفش ! انا اقول اضحك ولاتسوي نفسك طفشان وربي مجبره من شلتي اضحك بدون سبب راح تشوف انك انهبلت ههههههههههههه وش رايكم نتاجر بالبعارين ترى يقولون بترتفع اسعارها صدق مامزح ترى والكلام من شريطي بعارين خبير انا معك باالقضيه تاجرو بس البعارين ياهي بتطير جدي يقولي حنا عندنا 200راس اعطيك يافهد خمسين بس تردهم ميه >>بنك تسليف البعارين بالتقصيد المريح كل سنه ناقه ولاجمل هههههههههههههههههههههههه فهد يسلمو بصراحه طرحك حلو وخفيف اتمنى اشوفك دوم منبطح باالمجلس ههههههههههههه التوقيع:

03-06-2009, 06:47 PM	#11
الزعيمااات قنــاص مبــدع	رد: إلا على طاري الـ ...... ! عاد تدرون ؟ (( ويقولون ليه مانتزوج )) !! *هلا بك فهد* *اتحداك تعرف كم مرة انت كات* *ب الاعلى طاري* *نبداء نجاوب بس* *( الزواج )س / وش الاسباب بنظركم اللي تجبر الواحد يتم ع العزوبيه ؟* *وعطونا أبرز الحلول س2/ تعليقك على زواج هالأيام وتكاليفه .. إلخ ؟؟ نبي بشكل مختصر* احس ازين سبب واكثر سببب بحثهم عن الحرية والحل انه يعزم ويتزوج..طيب وش نسوي اللحين كل شي ناار بس معليش توصل للاخو يتطلب لا وبي ام بعد هنا اسحب عليهم اصرف .. *( الوظايف )س3/ وش الأسباب بنظركم اللي خلت نسبة العطاله كثيره ؟ ونبي أبرز الحلول* *س4 / احيانا نشوف الواحد عاطل ومايرضى بوظايف عاديه ... تعليقك بشكل مختصر* لان نسبة الاجانب اللي يشتغلون كثيرة والحل انهم يطيرون ذا الاجانب بعد مايتعلم منهم السعودي ويقعد بداله..مدري وش وظايفك العاديه بس اذا تبيه على قوله القصيبي يصير عامل بلدية ومدري وشو هنا اقول وش حدنا عيالنا يشتغلون هالشغله وحنا اللي يقال لنا اكبر دوله مخزنة للنفط والله رازقنابس اذا تقصد الوظايف العاديه العادية يعني هنا يبيله احد يعلمه التشرط وشو .. *( الواسطات )* *س5 / وش رايك بالواسطات اللي ضررها أكثر من فايدتها ؟ وكيف نقدر نتخلص منها* *س6 / لو انك مكان الموظف المكروش من وظيفته عشان واسطة ! نبي بشكل مختصر* *اشين شي بالحياة الواسطةلو اني مكانه بقعد اتحسب عليهم .* *( انفلونزا )* *س7 / يقولون ان مرض الانفلونزا كذب واحيانا صدق ! أبي كلامكم وش هو ؟* *الا هو صدق بس الحمدلله حنا ماناكله وشلون بيجينا* *( الصلاة )* س8 / هالأيام صارو الناس ماعد يصلّون مثل اول يعني اقصد في المساجد .. وش الاسباب ونبي حل يمكن نقدر نحل القضيه مع بعض الله يهديهم بس ويفتح على قلوبهم .. *( الدنيا وطفشها )* *س9 / ابي جواب للسؤال اللي مالقيت له حل مقنع ... ليه تطفش ؟ ووش معنى طفش !* *عادي كل ابونا نطفش لاننا نصير مالين من الروتين او شي مثل كذاواذا تبيت روحه رح اقرى لك صفحة من القران ويروح ..* *( البعارين )* *س10 / وش رايكم نتاجر بالبعارين ترى يقولون بترتفع اسعارها صدق مامزح ترى والكلام من شريطي بعارين خبير* *انا من زمان ودي اصير بزنز ويمن حتى لو بالبعارين عادي اهم شي بزنز >> اللحين البعارين هي نفسها النياق* *ياليت من يحول بس لهالقسم :(* *احس اني طولت وانا ارد بس عادي لانو الموضوع بطل* *يعطيك العافيه فهد* *والله يوسع صدرك بطاعته* التوقيع: ..اللهم اغفرلي ولوالدي وللمسلمين والمسلمات والمؤمنين والمؤمنات.. ..اللهم اهدني لاحسن الاخلاق لايهدي لاحسنها الا انت واصرف عني سيئها لايصرف عني سيئها الا انت.. اللهم صلي وسلم على محمد وعلى اصحابه الاخيار.. التعديل الأخير تم بواسطة الزعيمااات ; 03-06-2009 الساعة 07:04 PM