طيب مشينا مع كلامك وخلاص ما نحب السعودية ونعتبر أنفسنا مخدرين إعلامياً مين الي تحسينه بيقول برافو عليكم
موضوع مع أحترامي صورتي المواطن السعودي بقرة أكرمكم الله وخليتي الكل مخدر إعلامياً مع أن ما فيه شعب يخدره إعلام لاحظي شعب مو فرد أو مجموعة
يمكن نخدر فئة نخدر مجموعة ناس بس ( شعب )
يا سيدة فيء الي تكلمتي عنهم ما أدري ليه شايله همهم ؟
تحسبين الحكومة تقول هذا وش أسمه ووش أصله وينطرد خخخخخخخخخخخخ
باقي نقاط ما شفتها ولا قريتها ويمكن أرجع أعقب عليها
بس القلم الحر ما يسمونه حر عشان خربشاته المحظورة
ما قـدرت أصبر عن الرد في الموضوع لأنه استفزني ,,
في بعض النقاط ,, أتوقع بالغتي فيها و بشكل خيالي ,,
ما كنتي عادلة فيها أبدا ,,
صحيح عندنا سلبيات مثل كل البشـر ,, سلبيات تروح و تجي ,,
و سلبيات ثابتة على حسب تعاقب الأجيال ,,
بأبدأ آخذ فقراتك حبة حبة ,,
نجي لسالفة أصله مهوب سعودي :-
يمكن أتفق معك في جزئية بسيطة ,, لكن ما أعتقد الإعلام مثل
ذكرتي إنه هو الي نشرها بقدر الناس المعادين لفكر شخص معين
هم نشروها ,,
على فكرة مهبو شرط أجيب لمثال ( ملحـد أو شخص شاذ جنسيا أو إلخ إلخ )
طيب أنتي واصلك علم إنه سعودي مثلا ... ؟ طيب ليه ما يكون صدق مهوب سعودي ,, احتمال صح .. ؟ بعدين ما أحد كفره ,, و طبيعي جدا أي شخص يقوم بأعمال هالحثالة إن الناس و المجتمع يتبرأ منه وليه تلومينا و أنا أخوك على هالفعل مع هذا الإنسان ,, ولا أحد قال إن السعودية مركز الشرف في العالم ,, لكننا في هذه الأمور أشد من غيرنا فيها ,, و لك الخيـار إنك تسأليـن أي شخص مهوب سعودي عن واحد مثل أشكال هشام الراشد ,, بتلقينه في قمة الاستغراب و التعجب بظهور مثل هالأشكال في المجتمع السعودي ,,
احترام الفكرة مهما كان اختلافنا معها أو عدم قبولنا لها ,, من الأدب العلمي و الثقافي ,, بالنسبة لقضية عبد الله القصيمي أنا أول مرة أسمعها منك إنهم و على حسب قولك قالوا عبد الله الصعيدي ,, على فكرة ,, هذه طبيعة التيارات الفكرية في المملكة ,, سواء ليبراليين أو متشددين الي ما يجوز لهم مسحوا في الأرض ولكن كلا على حسب طريقته ,,
الله وش عجز عنه السعوديين و هو ما عجز عنه ,, إيه صح إثارة الفتنة بإدعاء كشف أحوال الحكومة السعودية .. ؟ وش أحوالهم بـس ,, مشكلتنا نتكلم بدون دليل ولا إثبات مجرد زرع الفتنة فقط و الأهداف معروفة ,, هالكلام ما وراه لا خير ولا منفعة مجرد زرع فتن بين الناس و تشكيك و المستفيد في علم القنيبط ,, الله يخلي الحكومة السعودية لنا و يعزهم و يعزنا مالنا بعد الله إلا هم ,, ولو انهم ذابين القنيبط للربع الخالي أزين و أزين بعد ,,
معليش من قال ان الزي السعودي هو زي المسلمين ,, لا علماءنا
ولا أحد في السعودية قال إن الزي السعودي هو الزي الإسلامي
و غيره مخالف للشرع ولا كان ما أحد فتح محلات ملابس ولا شفنا
أحد لابس بدل ,, ملتزمين يلبسون بدل ,, غير ملتزمين ,, محافظين مدري من وين جبتي العبارة ذي ...؟؟؟
إيه السعودية أرض الإسلام ولا فيها شك أرض الحرمين الي بزغ منها نور الإسلام في السعودية أجل وين أوغندا ..؟ من جدك يا في ..؟ و على فكرة غير السعودي يرى السعودية بالنظرة هذي من الشرق الى الغرب و لما نقول السعودية هي أرض الإسلام مهوب معناته إن الباقيين كفار والا مهوب مسلمين والا مؤمنين ,, أما قضية محمد عبده ,, فرد فعل المجتمع السعودي على محمد عبده أكبر رد عليك ولا يحتاج نعيد الإسطوانة ,,
معليـه هذا صرفتيها من عندك الله يجزاك خير ,, ؟ من الي قال الحرية حرام ,, نعم الحرية المطلقة منافية للفطرة و حطي الف خط على المطلقة ,, لإن ما فيه مخلوق من مخلوقات له له حرية مطلقة ,, أما إذا هـي على بعض العـادات الإجتمـاعية الي بـدو كثـير من النـاس يتركونها و قليل لا زالوا متمسكين فيها مهيب معناته الحرية حرام ,, على فكرة أنتي تناقضين نفسك في الحرية ,, فيه مجتمع معين يرفض هذا المبدأ هو حر في رفضه صح و الا لأ .. ؟
يمكن هذي اتفق معك فيها لكن أعتقد كثير من الناس تركوا هالتفكير
السيئ و البركة فينا حنا حنا الجيل القادم للوطن إن شاء الله ,,
هذا الفكر موجود ما أنكر بـس موجود من سنين قبل ظهور السعودية و من قبل البعثة حتى و هو موجود فإجحاف إننا نحمل السعودي و جيلنا مشلكة هذا الفكر
و ما أحد قال ولا أحد أنكر ,, لكن ما أظن فيها شي لو شخص أفتخر ببداوته
أو شخص أفتخر بحضريته طالما إني ما أخطي على غيري بكيفي ,,,
أما سالفة المنتخب فالظاهر انك ما تشوفين المننتديات الرياضية و الا عرفتي
وش حال الشعب مع منتخبهم و أقدر أقول هالنقطة صرفتهيا من عندك
ندخل على سالفة الوطنية و حالة عدم الإنتماء الي تحسين بها ,,
من فطرة الإنسان الي خلقها رب العالمين إنه يحس بالإنتماء و الحب للمكان
الي عاش فيه و كبر فيه ,, و هو حب فطري طبيعي ,,
الرسول صلى الله عليه و سلم عندما هاجر من مكة الى المدينة التفت لمكة وقال
" و الله إنك لأحب بلاد الله إلي ولكن أهلك طردوني " و من هذا الحديث نستفيد
من انتماء و حب الرسول صلى الله عليه و سلم لوطنه وبلاد ابائه و أجداده و مراتع
الشباب و الصبا ,,
عدم انتماءك للوطن مهوب عيب في الوطن ,, هو عيب في الشخص ,,
و دلالة على عدم الوفاء للأرض الي عطته من خيرها ,, طبيعي ما يكون
عندنا انتماء و حنا ناس فينا من الكسل شي عجيب ,, ما أحد يحاول يقرأ
عن بلده عن تاريخ بلده يروح و يجي و يشوف ديرته ,,
الإنسان بدون وطنه بلا شي و الله بلا شي ,, ولو يروح لأي مكان في الدنيا
راح يبقى فراغ كبير في قلبه ,, هو فراغ الوطن ,,
طبيعي ما نحس بالانتماء للوطن لما ننتظر إن الوطن يقدم لنا كل شي
ولا نساهم بشي واحد عشان الوطن وشلون نحس بالانتماء و فينا
عدم وفاء للوطن ,,
على فكرة جا في طاري البحث عن وطن جديد ..؟ و هل تعتقدين الوطن الجديد بيوفر
لك راحة البال الي ترتجينها ,, إيه طيب ,,
اسمحي لي بـس هذه العبارة قمة الجحود و نكران الجميل و عدم الوفاء ,,
ولا أعتقد هذه الأخلاق الي تربينا عليها ,, إذا كنا مع وطنا ناكرين أجل لمن
نوفي ..؟
ولا فيه وطن قائم على شخص ,, الوطن كيان موجود ما راح يروح ,,
لكن لكل وطـن أعلام و طبيعي لما يفقد الوطن علم من هذه الأعلام
الأمة كلها تفقده ,,,
عندما تدرس الوطنية في الوطن قل يا حيف على المواطنين و الناس
الي ما غذو أولادهم و بناتهم حب هذا الوطن و انتماءهم له و صار
الوطن هو الي يغذيهم ,,
الوطنيـة ,, قمـة الوفـاء و الحـب و الانتمـاء ,,
و الله يخلي حكامنا و يعزهم يا رب و جعلي ديرتي من عز في عز
و جعلي ما أدفن الا وربي راض عني و في ديرتي و وطني ,,
باقي نقطة أبها و راح أعرج عليها إن شاء الله في رد لاحق
التعديل الأخير تم بواسطة محمد الجهيم ; 13-11-2008 الساعة 06:11 AM
ما تنضم للقائمة يا حلو إلا بالهشي وإذا في كلامك ما تقدر توضح لي مو مشكلة
أرجع لسيدة فيء الراشد
تكلمتي عن أشخاص واضح ليه هم مالهم القابلية بالمجتمع
يعني مو ضروري نبرر ليش وليش ؟ هم سعوديين أو لا مالنا خص
لنا بالأخلاق , ( حثالة ) مجتمع أسميهم مع كامل أحترامي بس البعض يستحق هالمسمى إذا أنت تعتقد أن بلدك ( يظلم ) شعبك ذا يعتبر نقص بعقلك تخيلي الـ 22 مليون سعودي معقولة ما راح ينقلبون على الحكومة لو فيه ظلم زي ما تكلم محتوى موضوعك ذا
الاصول والأعراق وكل هالأشياء
ما يتكلم فيها إلا شخص جاهلي وأحنا والحمد لله ما عندنا بالسعودية هالخرابيط إلا ما ندر يعني بعض العقول المتحجرة الي راجعة لورا هي الي عندها هالتحجر الفكري وغير كذا ما شفنا والله
بعدين أننا شعب الله المختار
من وين جايبه هالحكي , انا عمري ما شفت سعودي يقول حنا دولة الاسلام أن وصل الأعتزاز فينا قلنا حنا من دار آل سعود وووبس
ما أدري إذا انتي تعيشين عالمنا أو تعيشين بكوكب ثاني ما نعرفه
قصة أن الرسول صلى الله عليه وسلم ( سعودي )
تكلم فيها محمد عبده وكان خطأ ما تقبله المجتمع ككل فلا تعتقدين أن أبو نورة يتكلم الكل يردد وراه زي أغانية خخخخخخخخخخخخخخ
الحمد لله طلع بقناة العربية محمد عبده
ووضح أيش كان يقصد من كلامه وصارت القضية أشبه بسوء الفهم ووبس , واذا ودك تتصيدين على عقول شعب بكمية وافرة من الزخرفة الكتابية ترى ما يجوز والله العظيم حرااام تتكلمين عن شعب وتشبهينه بأوصاف زي مثلاً التخدير الإعلامي خير ما عندنا عقول نفكر !!!!!! , وجزا الله روبن هود خير على حذف القبائل وما القبائل
باقي أقول شي , إذا السعودية ما هي بمستوى رضاكم يا حبايبنا
عيشوا يومين أو ثلاث أيام بأحدى الدول الأفريقية الفقيرة أو على الأقل بأحدى دول الغرب وراح تحمدون ربكم على النعمة الي انتو فيهااااااا
التعديل الأخير تم بواسطة ج ـآبر ; 13-11-2008 الساعة 08:31 AM
ليس على كل حال كثرة التأملات مفيدة لان منها ماايخلق فلسفة لا يصدقها إلا أصحابها !
نصيحةلـــك ِ :
ابتعدي عن الثقب الواحد الذي لا يرى فيه أحد سواكِ ..
عبـارة المزن كانت في محلهـا فعلاَ... مع كامل إعجابي المسبق لكي( مـيء) من ناحية إطروحاتك لكن! ما اراهـ لا اصدق ان صاحب الموضوع ميء
مبالغه كبيرة مع احترامي لرأيك ..
واتمنى ان تتكلمي عن ذوقك في محور ابها البهـيه ..
لم اعلم ان ذوقك اليوم يتعدى ذوق سكان ابهـا كلها وتكلمتي بان هناك لا يوحد ما يسر العين!! اقسم انك لا تعرفين ابها واقسم انك لم تصلينهـا .. من زارها ما يقول كذا .. اعذريهم فلم يسألوك عن رايك عندما يختارون !!
مـــيء لست وحدي من كان ضدك جملة وتفصيلا ومبالغتك إتفق عليها الجميع وانا منهم ..
(..ميء)
اتمنى ان نرى جمال طرحك السابق فهو اجمل وافضـل ..
الخروج عن المألوف ليس بهذه الطريقه
التعديل الأخير تم بواسطة [..بـــاريـــس..] ; 14-11-2008 الساعة 02:43 AM
فيْ تكلمتي بكل شجاعة وواقعيـة بعيدا عن المثاليـة
قد تكوني مبالغـة ولكن اصبتِ وان خُلفتي’
مشكلة السعوديين انهم اعطوا انفسهم اكبر مما هم يستحقون’
دائما هم المثاليين وأهل العلم والدين واصحاب الاخلاق الحميده
ومن يخالفهم او مجرد يزل زله بسيطة يتبـرون منـه
الزيّ السعودي هو زيّ المسلمين, و من لا يرتديه فـ هو مخالف للشرع.
قيم وضعوها و آمنوا بها
أن السعودية هي أرض الإسلام, و أنّ محمد بن عبدالله -صلاة الله عليه و سلامه- سعودي الجنسية و المولد. (شكراً لـ السيد محمد عبده على توضيح هذه النقطة)
شعب يحب يمتلك وينسب له كل صحيح ويتبرا عما دونـه
وبكل جدارهـ أتثبتها محمد عبده
أن الحرية حرام, و أنما هيّ من وسوسة الشيطان.
حريـة اذن انتـ / ـي ( ليبراليـ / ـة )
أنهم شعب الله المختار, الذيّ من حقه أن يعامل شعوب العالم
بكل إزدراءٍ و أحتقار. (يا مصريّ, يا بنغاليّ, يا هنديّ, يا أفغانيّ)
للأسف لأنه سعودي من بلاد الحرمين ذو الاخلاق الحميده
أن دمائهم زرقاء نقية, لذلك يقومون بتصنيف الناس
إلى صنفين (220,110), (خضيري, قبيلي).
دستور وضعوه الاولين ليحكمهم ولكن هذا يوجد في كل الشعوب
يعتقدون أن “البداوة” و “الحضارة” شئ يأتيّ مع الولادة,
و أنهُ لا يمكن تغييره, متغافلين أن البداوة و الحضارة إسلوب حياة ليس إلا.
فعندما أعيش في المدينة أصبح “حضري” و عندما أعيش في البادية أكون “بدوي”.
وعندما أعيش بين عقولهم أكون ...... ؛
الوطن ( حب ، ولاء ، انتمـاء )
كان له يوم ام لا يكون !
فأنا لا أشعر بأي شيء أحساس أتجـاهه
ليس جحود او نكران فكل ما يقدمه الوطن
هي مجهودات شخصيـة بإمكاني فعلها في اي مكان ؛
تلخص لكم كلمة ( سعودي ) الزيّ السعودي هو زيّ المسلمين, و من لا يرتديه فـ هو مخالف للشرع.
والله اني اول مره اسمع فيهـا ..
عشان كذا : : لاتعليــــق : :
أن السعودية هي أرض الإسلام,
خير ان شاء الله ايه السعوديه هي ارض الاسلام والعالـــم كله عارف هالشي ..
فمو معقوله نجي احنا السعوديين ونختلف عليها ..
يعني بالعربي هذا شي مفروغ منه ..
أن الحرية حرام, و أنما هيّ من وسوسة الشيطان.
اومااااااا عاد ..
هذي المقولــه ترجع لتفكير الشخص نفسه او يمكن صاحب المقولــه اهله كانوا معقدين به ..
فحب انه يعقد بخلق الله ..
ولاراح اتكلم كثير عن هالنقطه لان روبن ماشاء الله ماقصر ..
أنهم شعب الله المختار,
لاخلاص ماعاد يمدي راحت علينا ..
الله يهديك اختي خليتينا مثل اليهود اللي فعلا مقتنعين والى الان انهم شعب الله المختـار ..
بعدين مثل ماقال الاخ جابـر ماقد شفت سعوديين قالوا احنا شعب الله المختـار ..
يعتقدون أن “البداوة” و “الحضارة” شئ يأتيّ مع الولادة, و أنهُ لا يمكن تغييره, متغافلين أن البداوة و الحضارة إسلوب حياة ليس إلا.
مين اللي يعتقد بالشي هذا ..
الكل عارف انها اسلوب حيـاة الا يمكن يمكن مو اكــيد قلــــه ..
أن منتخبهم أفضل منتخب في العالم,
: : لاتعليـــــق : :
أرفع راسك أنت سعودي ..!
والله مااشوف فيهـا شي بعدين كل شخص يفتخر انه ينتمي لوطنه ..
وكل شخص له الحريه في التعبير عن هذا الانتمـاء ..
اقسم انهم مواطنوووون !!
ايه هين ..
أبها, منتجع يفتح بوابهُ من السادسة صباحًا حتى السادسة مساءً, و من ثم يتحول إلى جبالٍ باردةٍ مُقفرة, ليس فيها ما يمتع العين و لا يُسلي القلب, باستثناء حفلات الطرب الهابطة, و المسرحيات البالية. لا شيء فيها يستحق أن يسمى سياحة, فعندما يستيقظ الشخص في الصباح, يقضي ساعاتٍ بحثًا عن مكانٍ يبيع قهوةً مُحترمة, حتى يُجبر بالنهاية على شراء قهوةٍ جاهزة مخلوطةٍ بحليب (وادي فاطمة).
اللي وصفت لك ابها خانـها التعبير ..
اومااااا السادسه مساء خير ان شاء الله ..
بعدين ماحد مجبر انه يروح لهـا اللي ربي منعم عليه ويقدر يطير لاوروبـا يطير وش راده ..
لكن اللي ماعندهم استطاعه وش يسون ينحبسون في بيوتهم ..
بعدين العبره بتغير الجـو ..
وجود مطاعم الوجبات السريعة نادر جدًا .
اكثر المطاعم الموجودة وجبات سريعه ..
الطُرقات, سيئة جدًا, و تفتقر أبجديات الأمان, و رغم أننا في أكبر بلدٍ نفطي, إلا أن الطرق المُزدحمة و المؤدية إلى المنتزهات المشهورة, ضيقة لا تحتوي إلى على مسارًا واحد, فكأن وعورة المكان لا تكفي حتى تكون الطرق بهذا الضيق الغريب.
تعبت وانا اقول : : لاتعليـــق : :
أما أنا فأقـول “يموت وطني و أعيش أنا, ما قيمةُ وطني من دوني؟!”
ليه هالاجحاف والنكران بحق الوطن ..
الوطن راحةُ بالٍ و طيب عيش .. حتى لو في المريخ
راحة بال وطيب عيش لن تجديهـا الا هنـا بالسعوديه ..
لأني في أول بادرة لـ أختلال الأمن .. سأبحث عن وطنٍ جديد.
مع كـامل احترامي لك ..
ولكنك تصفين نفسك بالنذالـه صح ولا انا غلطانـه ..
فئ الراشد ..
موضوعك من وجهة نظري ليس له اي وجه حقيقي ..
او هذا مااعتقد ..
اعتذر عن الاطالــه ..
التعديل الأخير تم بواسطة V E R S A C E ; 13-11-2008 الساعة 02:14 PM
ღ..كلنا لما نبي شي نسير نبدع فيه لـ درجة أكبر من قدراتنا ..
بعدين نظلم انفسنا ونظلم قدرتنا اللي عندنا بـ الطمع بـ أكثر
من المعقول .. علشان هيك حلو صعود السلم وحده وحده ..ღ
ღ..انتي تكلمتي عن أشياء كثيره .. بس موضوعك هنا عن سلبيات المجتمع
السعودي .. فـ علشان كذا راح تحاولين بـ قدر الإمكان انه تطلعين المجتمع
السعودي بـ أبشع صوره .. هـ الصوره البشعه اللي انتي قلتيها أنا ما أنكرها
بس ابي أوضح شي .. انه هـ الشيء اللي انتي قلتيه كله ..
(موجود بـ كل مجتمع .. خليجي .. وبعض الأوروبي .. والأمريكي )
بس ماراح تحسين فيه إلا لما تعايشينهم ..
..وشكله موضوعك طلع من معاناة واضحه بين كلماتك ..
يعني لو فتحنا عيونا شوي .. راح نشوف بكل مكان الصح والخطأ ..
مثل عدد الأخطاء اللي انتي قلتيها في أشياء عندنا ايجابيات ..
ترا كلامي ذا كله مو يعني أنكر كلامك .. لا أنا أقول انه موجود ..
بس مو بس بالسعودية<<مو حب فيها .. بس كلام حق وينقال..ღ
ღ..ترا مو بس إحنا اللي نعاني من انه في ناس فينا نقدر نقول بـ عقولهم وبـ تفكيرهم
قصور .. أغلب المجتمعات تشتكي من هـ العقليات .. يعني الحين لما تجين
تاخذين لك أي مجتمع عشتي فيه وتبين تكتبين عن سلبياته .. راح تقولين هما وهما
وهما ويسون ومدري وشو .. لأنك قاعدة تنتقدينهم ..
وأرجع وأقول انا ما ادافع عن السعوديين .. أنا معاك بـ كلامك .. بس اللي ابي
اوصله انه بـ كل شعب ترا اللي قلتي .. وبـ تركيز في الخليجيين .. مع احترامي لنا.. ღ
ღ..هههههه ..تضحك هـ النقطة كثير مره مره .. أستغفر الله ..
بس ابي اقول شي .. ما ابي احد يعصب مني ..
انه الإسلام اتكلم عن هـ الشيء .. بس حرم التفرقه
في التعامل يعني كلنا مسلمين صح .. ومفروض نتعامل
مع بعضنا ع أساس هـ الشيء .. ღ
ღوأرجع واقول الإسلام اعطى هـ الموضوع حقه ..
بـ إنه ما أنكر انه لـ كل واحد نسبه اللي مفروض
يحافظ عليه .. أتمنى تكوني فهمتي علي ما ابي
اتعمق بـ الرد وأحول دفة الموضوع لـ جهة ثانية
ونفتح نقاشات عقيمة ما تتقفل إلا بـ مغلق ..ღ
ღ..نفس الشيء انا .. تستفزني كثير ..
بس كل واحد وتفكيره .. واللي عنده عقل يشوف اللي حوله ..
راح يعرف هي يرفع راسه ولا ينزله ..ღ
ღ..أختي فيء .. أبها مثلها مثل المدن اللي انظلمت بـ السعودية ..
ما لقيت الإهتمام اللي تستحقه ..
مثل القصيم .. مثل الإحساء .. ومثل ومثل ومثل .. أتعب وانا اعد
بس بـ نظري انه أبها يميزها جوها وطبيعتها الساحرة .. عن أي
مدينة سعودية ثانية ..ღ
ღ..أنا ما أقول انه أنا أموت ع السعودية ..
بس أحبها علشان أول شي انه المكان اللي اتربيت وعشت
فيه وثاني شي اللي أحبهم فيه .. والناس لما تسألني
أنا من وين أقول لهم انا سعودية وقبل كل ذا
إنتماء بـ كل ماتعنيه كلمة انتماء من انتماء ..
بيتي اللي عشت فيه .. وضمني وأكرمني بـ أشياء كثيرة ..
حتى لو كانت هـ الأشياء مو مكفيتني بس يكفي انه انا أخذت
منه لو الشيء القليل وش يسير الإنسان لما ما يسير يحس
بـ الإنتماء .. يسير يحس بـ الضياع ..ღ
ღ..صح .. وش قيمة السعودية من دون ملاك ..ღ
ღ..كلنا كل أبو دايم نقول عن أنفسنا اللي نشوفها فيه ..
بس ترا الناس اللي تحكم علينا مو إحنا نحكم ع أنفسنا..
لأنه مو انتي اللي تشوفين أخطائك بـ قدر ما هما يشوفونها..ღ
ღ..أغلب البنات هيك .. نحب الـ أنا .. وفينا ومع ذالك نقدم تضحيات أكبر من قدرتنا ..
يمكن حب الـ أنا اللي فينا طبع انثوي بـ كل بنوته .. ؟؟ !!ღ
ღ..يقول سعد علوش .. شخصيتي من غرابتها وطيبتها .. كن الزمن في تحدي بينه وبيني ..
والتناقض غالباَ بـ كل الناس .. بس ع قولتك الذكي اللي يقدر يخفيه ..ღ
ღ..استغفر الله .. بعيد الشر عنك .. لا تفاولين ع نفسك .. حرام ترا تقولين هيك ..
أحياناَ نقول شي ولما يسير جد نندم ع قد ساعات العمر اللي عشناه ..
بس الله يكتب لنا اللي فيه الخير بـ كل شي والله يسامحنا ع أخطائنا ..ღ
ღ..فيء موزوعك حلو .. وع انه في إختلافات لـ بعض وجهات النظر معاك ..
بس كتاباتك حلوا .. وسلاستها بعد حلوا ..ღ
ミღ彡مــلاك الـهـلالܓミ
التعديل الأخير تم بواسطة مـلاك الـهـلال ; 13-11-2008 الساعة 03:29 PM
سبب آخر: ..
انا من ضمن القائمة اللي استفزهم موضوعك ويمكن ردة فعلنا كذا لان اخر ما نتوقعه ان هالموضوع يكون بيوزر فئ الراشد ..!!
انا اختلف معك في كل النقاط اللي ذكرتيها وبناقشك في بعض النقاط تحمليني ..
اول شي بقولك شي اذا انا كمواطن شفت اخطاء معينة في البلد اللي انا عايش فيها بقول هالبلد ما يستحق يكون وطني و" يموت وطني واعيش انا " معناته كل الناس بتتنكر لاوطانها !!! ..
اللي قصده التصحيح فعلا ووده يشوف وطنه بمظهر مشرف هو اللي يحاول يشخص المشاكل بواقعية ويساهم في حلها لو بأبسط شي يقدر يسويه ولا وش دوري كمواطن ؟!!!!
فئ فيه فرق اذا قلتي انتقد تمسك بعض الناس بهالاشياء .. وبين انك تحكمين على الوطن كله انه فاشل وما يستاهل انا نقدم له شي عشان تصرفات الناس ؟!!
انا معك لو ان الحكومة فرقت بينهم ولا قالت الوظايف للقبيلي والخضيري ما يتوظف هنا نقدر نتكلم !!!!!
بس دام انها تصرفات الناس وتربوا عليها الحكومة ما عندها عصا سحرية تغير بها قناعات الناس ؟!!!