ريميه .. ( شاعـره )
بي شاعرة ما أقول عنها عظيمـه
أو ابي اقول وخايفـه ترجمونـي
يا ناس والله ما عطى الشعر قيمه
مثل الدموع اللي ترتّـل جفونـي
مطارق الدنيـا بحرفـي وسيمـه
واجمل من اجمل نجم ما تنكروني
وأنا صادقه والصدق يعرف حريمه
لو انكسر بالكـون مـا تعدلونـي
عصر العَوَج لامـر بالمستقيمـه
قال:انتي العوجا مع العُوج كونـي
أنا المَرَه يـا كـل ذمـة ذميمـه
لي العصور المقبلـة واسبرونـي
عدت انولد من رحم همي واضيمه
واتلى الخطا على كل من همشّوني
لي نفس من شر المراجل سليمـه
لا تذكّـرون الشعـر وتانثـونـي
روحي مع الانسان نفسي صميمه
كم أكره التصنيـف لا تصنفونـي
وابقى شهادة حق مانـي ظليمـه
عند الصحيح المُر ما تشوهّونـي
وإذا أندفق من جمر قلبي حميمـه
تفتن عقول الياس ثورة iiجنونـي
لي غاية ٍ باهل العقول السقيمـه
كم لوّثـوا تاريخـي وجرحّونـي