- شَاعِرات السَاحه النبِطيِه . . - شبكة القناص

**صـدى النظم** · 31-07-2011, 07:20 AM

,

,

**صـدى النظم** · 31-07-2011, 07:54 AM

للِشعر انثى
وللِمشاعر صُخب بِ حضرة قوافِيهم

هُنا مساحه لِ شاعِرات الماضي العريقات
شاعِرات كان لهم وقع لايُنسى
بِ ساحة الشِعر النِسائيه

شاعِرات من الزمن الجميل
شاعِرات من زمن الباديه الى زمن الالفيه الحالي
من مِنَـا ينسى شاعِرات الباديه
من مِنَـا ينسى تِلك الاسماء الزاخِره

من ينسى جِزيل قصايدُهم
من ينسى صُخب شاعِريَتِهٌم

يَ زاخِراتْ الشِعّر
حتى وان كُنّا بِزمنْ الالفيّه
لن ولم ننسى جِزيِل ماضِيكُم

هُنا لِ شاعِرات الساحه الشِعريه
ذِكر لايحجِبُه النِسيان
ولن تطويه السِنين
ولن يُلاشِيه زمن الالفيات

يَ زاخِرات الشِعّر
مِنكُم منّ رحلْ
ولكِن يبقى نسج جِزايلكُم
يبقى صُخب مانُسِجَ بِ ماضِيكُم

ولِ نعيش بِعيون القصيد
ولِ نستفرد من صخب القصائد الانثويه
ولِ نبحر بِ امواج -( شاعرات الساحه النبطيه )-

نستفرد
بِ ذائقتنا من ابحر اشعارهُنَ
لِ شاعرات الساحه مساحه حُره
فَ لِ نقتبس من نبض مَ سُكِبْ من قريحتهم
ولِ نقتبس من جزل مُ سُكِبْ من روائِعهُنَ

من شاعِرات الزمن الجميل
لِ شاعِرات الالفيه الزاخرات

فَ لِكل شاعِره هُنا
مُقتبس مُختلِف الانتقاء

بُخوِت المريه
\
ومن مِنا لم يعرف منهي بخوت المريّه
من مِنا ينسى روائِعها وجزلات قصايدها
هُنا للِشِعر مرسى
وللشعر جُنون واوزان لاتوصف
هُنا للِشِعر اُنثى اِستطاعت ان تثبت اسمها
( بِقلب القصيد النبطي )
وبِ جداره ثابته على مُر السِنين

شَاعِره الهمتنا بِ جِزايِلها
شَاعِره مِن الزمن الجميلْ
شَاعِره خلّدت لنَا الكثير مِن الروائِع
ورحلتْ وتركتْ لناَ تارِيخ شعريَ زاخِر
يُحتفىَ بِالكثير والكثير مِن القصايد

\ قالت في غزليتها :

ليته يناديني وانا بس اناديه
واجاوبه ياحسين ولو كان مره
عليه قلبي يابسات عراويه
اقفا بقلبي من ضلوعي يجره
ذا إلي ليال قاعده في حراويه
لين إنها زادت عليّ المضره
قمت اتوجد وجد من مات غاليه
قبوه اقباله كل يوم يمره
أو وجد من خاوه والليل ممسيه
ينخا ولا حد من هل الهجن مره
خلي طريحً والضواري اتحاضيه
بالمقطعه ومقابله ضلع حره
على الذي ماشفت حيً ايحاليه
شيخ على القوم المعادين شره

\ وقالت ..

مـل قلـب(ن) فــر وأفتــر مثـل المـروحـه
فـرهــا فـرت جـديـد (ن) قوي(ن)سيرهــا
ان ضحك لي صاحبي سر قلبي وافرحــه
وان تغلى صاحبي زاد عيني شرها
صاحبي ناوي يذبحني وانا مقوى اذبحه
شب في كبدي سنا نار زوّد حرهـا

\ وقالت:

رد على من علق على جراءتها الشعريه ..
العب المنكوس وارفع بصوتي ماعلي
من هل المنقود واهل العلوم الهينه
أما في وصف السيارات
فقد برعت الشاعره فيه ..
تل قلبي تل فرت(ن)على سبر العجل
عشَقه راعيه والحوض تحته قد ملاه
ان تسنّــد عشّقـه ثم لـده بالـدبــل
وان تحـرر ريّحه لين ياصل منتهـــاه
ولها ايضاً في الحكمه ...
تــل قلبي تل طيـر(ن) على الجول مهـدود
يطرد المقفي وطرد المقافي كايـــده
مهبلك ياللي تبي الوقت الأول لك يعود
من يرده كون محيي العظام البايده

\ وقالت :

زوع قلبي زوع طير قطع قد هو حكير
من شياهين البحر واستخل اهجارها
كل ما صاح االمصيح تعلوت تستدير
عقب ما هي حكرة سعدها بطيارها

\ وقالت في التقنيه:

عسى من صنع ذا الهاتف ايدية ماتنشل
عسى دارة الوسمي يخرب بساتينه
تعلا الحرارة وان تكلمت به تنزل
على صوتهم قلبي تريح شرايينه
وجودي على طيارةً صوبهم تنتل
علشان مستشفاه باجي مصاخينه

..
نوره الحوشان
\
شَاعِره تعلت هام السُحبْ
شَاعِره رحلتْ ولَكِن بَقيَ خلفُها جَزل مَ كتبتْ
شَاعِره رسخّت شاعِريتها ونسّجت قصايدها بِ تمييز
ومِن اسمها فقط تعابير مُطوله وعريقه
فَ ان قيل نوره الحوشان
يكفي ويكفي ويكفي

\ قالت بِ رائعتها الشهيره ..

يا عين هلي صافي الدمع هليـه
واليا انتهى صافيه هاتي سريبه
يا عين شوفي زرع خلك وراعيه
هذي معاويـده وهـذي جليبـه
في مضى يامـا لرايـه انماليـه
واليوم جيتهـم علينـا صعيبـه
إن مرني بالدرب ما أقدر أحاكيه
إمصيبة يا كبرها مـن مصيبـة
اللي يبينا عيّت النفـس تبغيـه
واللي نبيه عيّ القدر لا يجيبـه

عابرة سبيل
\
راسِية الابداع
شَاعِره رُغم رحِيلها
ولَكِن يبَقِىَ وهجُها ثابِتا على مُر السِنين
بَقيتْ جِزايِلها وروائِعها
ولِ مسيرتها عطاء اوقفه المَوت

شَاعِره مِن فئِة الشِعر الجزِل
والمُعطّاء بِ التميز والحفاوه المُتكامِله

\ قالت :

أهلي يـدرون إنـي شاعـرة
بس مايدرون في جرح الليال
يمنعوني من كتابـة خاطـرة
مادروا إني من زمان بهالمجال
آه لو يدرون اني (( عابرة ))
عندهم بتصير موتتنا .. حـلال

\ وقالت :

أنا عجوز مطلقـة وأم ورعـان
وأيضاً مدام وبنت وآنس وعانس
أنا بدوية وعايشه عند حضـران
وبنت البحر وأبوي زارع وغارس
أميةٍ ماتعرف حـروف وألـوان
وتلميذةٍ دشت جميـع المـدارس
ظفرة وخبلة عاقلة في نقصـان
شرود وأنطح لي ثمانين فـارس
خلوني أعيش العابرة دون عنوان
طيفٍ يمـر بلارقابـة وحـارس

\ وقالت :

بريال عارضته على السوق بريال
من باعني برخيص والله لأبيعـه
من يشتري رجّال قصّر بالافعـال
باع العهود الماضيـه للخديعـه
رجّال يسوى له ثمانيـن رجّـال
كل الصفات اللي ملكها فضيعـه
له ضحكةٍ تشبه لضحكات الأطفال
ذيبٍ ونظراتـه حنونـه وديعـه
وله فزعةٍ منها المجانين عقّـال
وفجوج لا ضاقت عليّ الوسيعـه
ياما عدل عوجا ثقيلات وطـوال
وأنا معاقبتـه غيـورٌ صريعـه
والله يسوى لـه ثمانيـن رجّـال
والخبل مثلي لا زعل يبيبيعـه

\ وقالت :

أبكسر الاغلال واعيش حـره
بصنع قراري وكل شيٍ بيدي
مليت من صبرٍ عطاني مضره
أعيش في عصرٍ لجدّان جدي

ومن شاعرات الباديه :

\ الشاعرة عدينة بنت نهار النبهانية الشمرية /

ما ترقب الرجم ياحواس
اغديك اتشوف المغاريب
معهم اخليوى على العرماس
صفر اصبور من الشيب
عليك ما درى هلي والناس
أعوي كما يعوي الذيب

\ الشاعره الدهماء بنت نزال الضوية الشمرية،

الناس تشمت علي ابلاش
واقول أبي عيد ماصيدي
وان عاش راسي ما أريد اللاش
حتى يجنب مواريدي
صبرت عنا عويد الحواش
وان جنب الشوق وايش بيدي

\ وفي الزمن الماضي

قالت الشاعرة جزعة الفهيدية الشمرية:

اهرج علي ياكثير النور
لو يزعلون الحواسيد
حبك بقلبي بنى له سور
حفر قليب وغرس غيد
مانساك لما يزول الثور
ولا تقطع مجاويد
والا تذكر لنا مقبور
واعزي القلب واهيدي

\ الشاعرة نورة الشيبانية،

يا الله يالمطلوب يادايم الدوم
تشفي غليل من عريب أبجده
إلى ذكرته طار عن عيني النوم
والدمع مني سال فوق المخده
حبه غدا بالقلب مانيب مليوم
ومحبته دايم لنا مستجده

\ الشاعرة قطينة المعبدية :

يما على صاحبي ونيت
ويما عليه الخفى باني
لا والله إلا عشيري ميت
يوم جو ربعه ولا جاني

\ الشاعرة رقية السعد العجمية :

هيه ياراكبن حمرا ظهيره
تزعج الكور نابية السنام
سرا وملفاك هل العوجا مسيرة
ديرة الشيخ بلغه السلام
ياهل الحزم يا نعم الذخيره
إن لفاكم من الباشا علام
ادعوا الله أولا تدعون غيره
واعرفوا ما من الميته سلام

\ الشاعرة منيفة ،

"راكب اللي كنها بالوصف نيره
تقطف الزملوق من غصن النبات
حالفه ولد الردى لبدل بغيره
الا كان الموت معدم لي حياتي

\ الشاعرة الدهلاوية العجمية :

يا الله ياموصل غريبين ابلاده
يامُود عن سفن البحر تدلج ادلاج
ياراكب هجن ابروسه صجاجه
واحضر ياتن للمسارى ولأدلاج
حطيت لك ريش النعايم وسادة
والبطن لك يافارس الخيل مدهاج
أمي تقول إن التمني سماجه
يا الله يافراج ياوال الأفراج

\ الشاعرة شده بنت بن هملان:

بي المرض الخفي يا عيد
اللي على الناس يدعابه
أنا هوايه ما هو رعديد
قرم على القوم يعدا به

\ الشاعره وضحا بنت عبدالله :

يامن يعاوني على حب راعِ الطيب
احب الشلى لو كان والله ما يبغيني
احب الشلى لو كان نصف العوارض شيب
ولا اريد ولد اللاش هتيش يالزيني

\ الشاعرة شقراء بنت محمد من حرب :

من يوم روح عيد من يذبح الذيب
لا وابى الاطال عمره وغنا
يا عيد يا عيد البنات المهاديب
ليتك تجينا تذبح الذيب عنا

\ الشاعره موضي البرازيه ..

ياسعد عينك بالطرب يا حمامه
ياللي على خضر الجرايد تغنين
عزي لعينك وان درابك سلامه
خلاك مثلي يالحمامه تونين
كسر عظامي كسر الله عظامه
شوفي مضارب مطرقه بالحجابين
جاني يقول مروحينه عمامه
الله يخرب ديرة لأصفر العين
فأن كان ودك بالطرب والسلامه
عليك بالفرعه ديار الوداعين
تنحري ربع تفك الجهامه
نطاحة القالات بالعسر واللين
دخيلهم ماحد على الحق ضامه
ولوهو ضعيف الحال مايلحقه دين

ولِ صُخب الالفيّه النِسائِيه
اِختلاف ونقله شِعريّه طَاغِيه
نقله جزالة نقلة ابداع نقلة مُفردات
وصياغه تخرج عن سُرب الباديّه
تخرج عن تعابير شاعِرات ذلك الزمن الجميل
شاعِرات الماضي العريق
لِ نذهب لِ اراضي الالفيات الصاخبه ..
ولِ نعيش جميع تلك الابحر الاستثنائيه

\ غيوض :

شَاعِره تعلّت للِسماء
شَاعِره اِتكئت بِ ارضِها الجزله
ولم تتزعزع عن ارض الجزاله والابداع
حتى وان ابتعدت عن الساحه
تبقى غيوض الشعر
اميرة الشعر النبطي
اميرة القوافي والاوزان
وسيدة الاحاسيس العذبه

كتبت من الروائع لِ يغني لها ملك الفن
الكثير والكثير مِن جزايلها الصاخبه
كتبت لِ نفسها
وعن نفسها فقط اوصلت روائعها

قالت /

ثارت علي همـوم نفسـي وهاجـت
واوجست وسط القلب خوفٍ بأثر خوف
والأرض غبرا في عيونـي وضاقـت
معاد أقـدي بالنظـر مـدة الشـوف
كنّـي بطوفـان والأمـواج مـاجـت
ريحٍ أواجهّا .. وريـحٍ بهـا خـوف

وقالت /

أكتب وتقرا ريشة العود كتبـي
شعري سلس ينساب على السليقه
مشاعري يا شوق يمّك جرت بي
من مرهف احساسي بيوتٍ رقيقه
أحنّ وأشواق الغرام عصفت بي
وقلبي فراقك ساعةٍ مـا يطيقـه

وقالت /

أنا عرفـت الحـب يـومٍ عرفتـك
ومن قبل أعرفك والهوى ما صفا لي
أحلف برب البيت ماشفـت مثلـك
إنته فريـد النـوع بـأول وتالـي
يا غالي قلبـي يحـنّ وقـرب لـك
وقربك هوى قلبي وراحـات بالـي

وقالت /

يامن وداعه كنّه مـوادع الـروح
لو هو بكيفي عنك ما اروح ساعه
ساعة وداعك دمع الأعيان مسفوح
منك وعليك من المحاجر ضياعـه
الحب يجبر يا حبيبي على البـوح
والشوق يفقد في القلـوب المناعـه
ألعي كما تلعي الحمامه على الدوح
ولا ألوم قلبٍ ما ضرى بالقطاعـه
سافرت قلبي بين الأضلاع مجروح
يا غاليٍ لرضـاه سمـعٍ وطاعـه
إن غبت انشفت عيوني على النوح
من حيث والله ما تحمـل وداعـه

\ الشاعِره ( غريبة الدار )

وعن عذاب (ن) فات باغض النظر
حاضري الافراح في كل الامور
يكفي اللي ضاع من عمر العمر
يا عذولي ..لو تكرم لا تشور
ليل نجد الحب غنا للسمر
ورددت أوتار قلبي بالحظور
وقلت لك ياليل في آخر سطر
حاضري أمال وأفراح وسرور

\ الشاعِره ( ابعاد التركي )

ياليل مسـراك الهجـوس المديـدة
وانا على مسـراك مديـت شوفـي
طويت ياسـك فالـدروب المكيـدة
وامهلت في سطوة ظلامك وقوفـي
اسرى معك مثـل النديـد ونديـدة
وارجع مع ليلك وخطـوة احتوفـي
وين ابتدي والجرح نقضـة يزيـدة
ياكسرة الخاطر وقـل امعروفـي!

\ الشاعِره ( تذكار الخثلان )

تدري وش اللي يجرح القلب جرحين
ويمد حبل الحزن فيك ويشدّه
انك تناظر طفل من غير ابوين
يمشي ودمعه سايلٍ فوق خدّه
منظر صعيب ويقسم القلب قسمين
لا قام يمسح دمعه بكف يدّه
يمشي ولا يدري طريقه على وين!
لين التعب من كثر ما تاه هدّه

\ الشاعِره ( الراسيه )

مشاريه العتب في داخل عيونك سوالف ليل،،
احس بزفرة انفاسك..على غيابي تعاتبني..
حبيبي بعترف..لحظه..انا ماني ثمار نخيل!!
انا مثل النخل بااااسق..وشموخ النخل يعجبني

\ الشاعِره ( الكايده )

ذبل ورد الربيع العـبق وجـــدت للجروح اوجـــاع
وجع شــوق وجــع لهفــه وعــمرً تنزف اجراحه
ذبل حتى القصيد وكيف احصل بعضه اللي ضـاع
على ظرف الزمان اللي شهر في وجهي اسلاحه

\ الشاعِره ( عجايب )

وشلون صدر تضمه تقدر تخونه
تحس كنك خسرت الكون بغيابه
وشلون تضحك معه وتغازل عيونه
وشلون تسهر معه وتعانق ثيابه

\ الشاعِره ( شيمه )

حبك رماد حبك ذرا ذاك المهب
حبك رميته وأتبعه حبك طويته وانتهى

\ الشاعِره ( الغيد بنت فواز )

يَوُم صَاح اللَوْم فيْنِي :غَابْ غَـابْ
كنْت اعَاتَب جَوْر وَقتِي / وَاقصدْك!
بَسْ خفْت إنْ النسَايِم / بِ إنسِيَاب
ترْسل ْعتَابِي و( تفْرش ) مَرْقدْك !
قلْت أغفْيِني مَدَام / الليْل شَـاب !
وادْرِي انَ الحْلم بِي / يترَصدْك !
مَا تمَنيْت امْسك إيْديْن السَحَـاب !
كَان كلّ الحلْم / تمْسكنِي ( يدْك )!

\ الشاعِره ( امسيه )

تنثر شتاتي بروس الرمش والمه
على مطاف العيون احرمت باحرامي
صار الغلا وجهتي واشواقي اليمه
ما اصدق اشوفك وانت قدامي
يا ادمي كل مافيني نشف دمه
اركد على ضبيبة الاشواق يا رامي
القلب بالهون يا عين امسيه ضمه
ريح خفوقي وطمن رجفة عظامي

\ الشاعِره ( لولوه الدوسري )

ترى لا تحسب إني بالسكوت مشبّعه أطماعي
وابد لا تظن في لقياك كل مابيّ متشيّق
قسم باللي خلق هالكون إن الجرح بي واعي
والأسوء كل صبح يمرخدي بدمعي يتريق

\ الشاعِره ( حنان ال فاضل )

يا عرب وان كان تسترني عباتي !
من لقى للجرح في صدري عباه !؟

\ الشاعِره ( كبرياء )

يقول قلبك..قلت أجل باقين قلب ؟!
شف كيف يرجف بالثرا والثرا ثلج

\ الشاعِره ( شمس )

هذا مكـانـي وانت هـذا مـكانـك
والحيـره اللي تـجمـع اثنين علّـه
غـلطة زماني وانت غلطة زمانـك
مثـلي تــحمّـل ما تـحملت شلّـه
صبرك حبيبي جاير الوقت هانـك
من لا تـزهّـل لك تـجـنّب وخـلّـه

\ الشاعِره ( اثيل )

من أول خفقة بصدري وأنا فيك أرسم الأحلام
من أول طاري الأشواق وانت أول أطيافي
نذرت العمر لعيونك عسى تقبل بك الأيام
عسى باكر يجيبك لي وتوقد ليلي الطافي
يا أول حب يملكني من الهامه إلى الأقدام
زد بهجرك زد بصدك حشى ما أقول لك كافي
أنا كلي صبر وعناد مثل مابالعمر أعوام
كثر ما قلت لطيوفك متى يلفيني الجافي
ولو بحر الهوى غدّار أنا يا صاحبي عوّام
ما دام عيونك المرسى سنين العمرمجدافي

\ الشاعِره ( هتّان )

قمت احسب ايامي واعد الليالي
ولافجعني مثل بعض الصداقات
توي دريت اني وحيده لحالي
الحين اصدق غصب معتز قد مات

\ الشاعِره ( نجديه )

تو تخليت وش لي بالحياة ارتجيه
لو تخليت ماعنك خفوقي تخلى
والله انك ملكته ثم تربعت فيه
ومالغيرك حبيبي وسط قلبي محلا

\ الشاعِره ( بنت ابوها )

هذى هي اللي عندنا مالها طـب
لاصـــار من حبيت قلبي لعب به
غيـــــري إلامنه عرض له يرحب
ودربٍ أنا فيه أنوجد مايــطبه

\ الشاعِره ( عيده الجهني )

يا سعد نضفي على الزين العبايه
ما حد يدري بما تحـت العبـاه
اتمسك بالحجاب وفـي حيايـه
واتعفف عن طواريـق السفـاه
خير من حي مسوي له دعايـه
يحسب ان الناس ذابت في بهـاه

\ الشاعِره ( ولاء عواد )

إستشير القلب دامك تشعـر إنـك مستشـار
ولا تظن عيوني أبدا غيـر عينـك تستشيـر
لا تحسـب إنـي أراوغ أو أمانـع أي قـرار
دام حبك بي خيالي خل يصير اللـي يصيـر
والقنـاع اللـي لبستـه ما يغيـر هالمسـار
كل واحد في غرامه يمتلـك قلـب وضميـر
جيت لكـ موت وتحدي .. لو تبي جيت إنتحار
المهم إبقى عشانـك دام حبـك بـي خطيـر

\ الشاعِره ( بشاير الشيباني )

على ومضة انتهى حبه و صار فراقنا عادي
مثل غمضة بها رمشٍ يلامس رمشٍ و يرحل
تجرد كحلي من عيني و ساح الخلىد بسهادي
و صاح الوقت ممداني أقدم ساعتي أطول
ضحكت بشهقة أحزاني أنا متحطم مرادي
يزيد بداخلي همٍ على همٍ و أتحمل
أنا ودي لو ألقاها يدينه و صوته الهادي
أنا كلي رجا ألقى الدجا في طلته أجمل

\ الشاعِره ( نجاح المساعيد )

ان كنت كذبة فـي حياتـي أنـا أبغيـك
لـو كـان كذبـك فـي عيـونـي حقيـقـه
ويـن التـفـت بالـكـون مـائـل ألاقـيـك
عيـن المحـب أحيـان ترسـم طريـقـه
أشوف دربي مـن ضيـا نـور عينيـك
تكـفـى حبـيـبـي لا تـغـمـض دقـيـقه
اعـاهـدك يا سِــر عـمـري ارعـيك
رغـم المسـافـة والـظـروف المعيـقـه

\ الشاعِره ( ريميه )

لا تقومني .. وانـا ضلـع اعوجـاج
ينكسر بايديك قلبـي .. يـا غشيـم
الرضى محتاج لـه وقـت ومـزاج
وما هقيتك طمس .. بطباع الحريـم
خالفك قلبي علـى الغلطـه .. وراج
روجه الزهره .. على كـف النسيـم

\ الشاعِره ( العنود العبدالله )

اللي نست ..ان دينهآ .. \بحجابهآ
وخلّت ..عيون العآبثين ... اتطولهآ ,!
وش جآبها .. للصالحه .. وش جآبهآ ,؟
والله ... ماتسوى .. تراب رجولها ,!
قطعة حلا .. مكشوفةٍ .. لذبابهآ
وْ ذي قطعةٍ ..بدري عليه ..ينولهآ ,!

\ الشاعِره ( صدى الحرمان )

مثل موت المعزة عند بعض أصدقائي
واغتيال الأماني في خفوقي الجريح
وخوف طفلة صغيرة كامنه في حشاي
ترتعد ممن فعلهم وهي قوم وتطيح
تشتكي طول صبري واستغاثة وفاي
وقل صدِق المشاعر في الزمان الشحيح

\ الشاعِره ( ريما السديري )

ما كتبت الشعر والله لجل تحديد المصير
الشعر هو من كتبني نزف وجروح ومشاعر
ون وقف هالحظ لحظه بين أصير ولا أصير
صرت معزوفة قوافي صار فيها البوح شاعر
انثر احساسي والمه ونثره نفحت عبير
فاح بركون الزوايا طيب نفحات المباخر
ما تهز الريح راسي لا ولا صوت الصغير
من مهد حضن الولاده لين توديع المقابر

لَكُم مساحتكُم
بِ اختيار مَ يروق لكُم
لِ شاعِرات الصُخب والتوهُج

الشروط التاليـه :
\
* يُمنع منعا باتاَ إدراج التواقيع
* يُمنع العضو من طرح مشاركاته تُباعآ
* تُقتبس الابيات لِ شاعرات الساحه الزاخِرات
( من زمن الشعر الماضي لِ شعر الالفيه الحالي )
* لايُقبل النَص الا بِ إدراج اسم شِاعرته
* يُمنع منعآ باتاً الاحاديث الجانبيه

فكرة : حرّه ماتنقاد
اعداد وتنسيق : ற7mđ
كِل الشُكر للمصمم المبُدع : رۈפـڪَ ~

ღروحـ الأمــلღ · 31-07-2011, 02:56 PM

* إبعَآد التُركّي

سامح الله جرح الاحباب يوم وكـل يـوم
جرح تبريـه الليالـي وجـرح يعتلـي
وانت ياللي كل ماامسيت جابتك الحلـوم
مرني طيفك وفزيت يـوم اقبـل علـي
ماغدت عنك المساري ولا بالنـوم نـوم
السهـر عيـت دروبـه وعيّـا ينجلـي
اسالك بـالله وامانـه وغيـره مايـدوم
وش علامك يومك ارخصتنى ماقلت لي !

* لِ الحديث هُنا لذّه فَـ شُكراً مِن القَلب

الفخامه · 31-07-2011, 07:58 PM

..

* عـــد ..!

عندما يمضي بنا وقت الشقاء
و ننادي أينَ ساعاتُ الهناءْ
كن لقلبي و أجب حرّ النداءْ
أنما الدنيا جمال و صفاء
فارحم القلب و عُد لي ، ياحبيبي

.

كل ما فاتَ نسيناه سويا ً
ليسَ من لوم عليكَ أو عليّا
لـُمْ فؤادي و أعذل القلبَ الشقيا
فهو لا يرضى بغير الحبّ شيّا
إتق الله بحبي يا حبيبي

الشاعره / سلطانه السديري

**حرّه ماتنقاد** · 04-08-2011, 03:43 AM

ريميه .. ( شاعـره )

بي شاعرة ما أقول عنها عظيمـه
أو ابي اقول وخايفـه ترجمونـي

يا ناس والله ما عطى الشعر قيمه
مثل الدموع اللي ترتّـل جفونـي

مطارق الدنيـا بحرفـي وسيمـه
واجمل من اجمل نجم ما تنكروني

وأنا صادقه والصدق يعرف حريمه
لو انكسر بالكـون مـا تعدلونـي

عصر العَوَج لامـر بالمستقيمـه
قال:انتي العوجا مع العُوج كونـي

أنا المَرَه يـا كـل ذمـة ذميمـه
لي العصور المقبلـة واسبرونـي

عدت انولد من رحم همي واضيمه
واتلى الخطا على كل من همشّوني

لي نفس من شر المراجل سليمـه
لا تذكّـرون الشعـر وتانثـونـي

روحي مع الانسان نفسي صميمه
كم أكره التصنيـف لا تصنفونـي

وابقى شهادة حق مانـي ظليمـه
عند الصحيح المُر ما تشوهّونـي

وإذا أندفق من جمر قلبي حميمـه
تفتن عقول الياس ثورة iiجنونـي

لي غاية ٍ باهل العقول السقيمـه
كم لوّثـوا تاريخـي وجرحّونـي

**Alaneedah** · 15-02-2012, 09:30 AM

غـيـوض
لو بكيت دموع عيني ما تفيد وإن شكيت الشكوى ما فيها مسد
كل يوم يذوب في قلبي وريد أتصبّر مير ما عندي جلد
نار شوقي لك يذوب لها الحديد وانتثر دمعي على خدي بدد
دايمٍ يا شوق شوقي لك جديد وإن سألت العين لك فيها مرد
دمعتي تنبيك عن حبٍ أكيد غيرها يا روح روحي وش بعد
كان قلبي قبل عرفي لك عنيد ما يحن ولا رمى غيرك لأحد
لين طوّعته بحبك يا وحيد والمحب يطيع محبوبه وحد
يا حبيبي غير شوفك لا ما اريد دوك طرفي طاير فيه السّهد
يا حبيبي فيك يا حلو القصيد لو كتبت الشعر في غيرك شرد
أتغنّى فيك بأشواقي نشيد بأصدق اللي قيل من بنت لولد

**حرّه ماتنقاد** · 19-02-2012, 06:53 AM

\ الشاعِره ( ابعاد التركي )

ياليل مسـراك الهجـوس المديـدة
وانا على مسـراك مديـت شوفـي
طويت ياسـك فالـدروب المكيـدة
وامهلت في سطوة ظلامك وقوفـي
اسرى معك مثـل النديـد ونديـدة
وارجع مع ليلك وخطـوة احتوفـي
وين ابتدي والجرح نقضـة يزيـدة
ياكسرة الخاطر وقـل امعروفـي!

31-07-2011, 02:56 PM	#3
ღروحـ الأمــلღ الفَائِزه فِي فَعاليِات " النظَم الرمضَانيِه	غرّتك نفسك / إبعاد التُركي : ) * إبعَآد التُركّي سامح الله جرح الاحباب يوم وكـل يـوم جرح تبريـه الليالـي وجـرح يعتلـي وانت ياللي كل ماامسيت جابتك الحلـوم مرني طيفك وفزيت يـوم اقبـل علـي ماغدت عنك المساري ولا بالنـوم نـوم السهـر عيـت دروبـه وعيّـا ينجلـي اسالك بـالله وامانـه وغيـره مايـدوم وش علامك يومك ارخصتنى ماقلت لي ! * لِ الحديث هُنا لذّه فَـ شُكراً مِن القَلب

31-07-2011, 07:58 PM	#4
الفخامه شاعِـره	رد: - شَاعِرات السَاحه النبِطيِه . . .. * عـــد ..! عندما يمضي بنا وقت الشقاء و ننادي أينَ ساعاتُ الهناءْ كن لقلبي و أجب حرّ النداءْ أنما الدنيا جمال و صفاء فارحم القلب و عُد لي ، ياحبيبي . كل ما فاتَ نسيناه سويا ً ليسَ من لوم عليكَ أو عليّا لـُمْ فؤادي و أعذل القلبَ الشقيا فهو لا يرضى بغير الحبّ شيّا إتق الله بحبي يا حبيبي الشاعره / سلطانه السديري

04-08-2011, 03:43 AM	#5
حرّه ماتنقاد مشرفة صدى المشاعر ( نظم )	رد: - شَاعِرات السَاحه النبِطيِه . . ريميه .. ( شاعـره ) بي شاعرة ما أقول عنها عظيمـه أو ابي اقول وخايفـه ترجمونـي يا ناس والله ما عطى الشعر قيمه مثل الدموع اللي ترتّـل جفونـي مطارق الدنيـا بحرفـي وسيمـه واجمل من اجمل نجم ما تنكروني وأنا صادقه والصدق يعرف حريمه لو انكسر بالكـون مـا تعدلونـي عصر العَوَج لامـر بالمستقيمـه قال:انتي العوجا مع العُوج كونـي أنا المَرَه يـا كـل ذمـة ذميمـه لي العصور المقبلـة واسبرونـي عدت انولد من رحم همي واضيمه واتلى الخطا على كل من همشّوني لي نفس من شر المراجل سليمـه لا تذكّـرون الشعـر وتانثـونـي روحي مع الانسان نفسي صميمه كم أكره التصنيـف لا تصنفونـي وابقى شهادة حق مانـي ظليمـه عند الصحيح المُر ما تشوهّونـي وإذا أندفق من جمر قلبي حميمـه تفتن عقول الياس ثورة iiجنونـي لي غاية ٍ باهل العقول السقيمـه كم لوّثـوا تاريخـي وجرحّونـي

15-02-2012, 09:30 AM	#6
Alaneedah مشرفة اللجنة الإعلامية	رد: - شَاعِرات السَاحه النبِطيِه . . غـيـوض لو بكيت دموع عيني ما تفيد وإن شكيت الشكوى ما فيها مسد كل يوم يذوب في قلبي وريد أتصبّر مير ما عندي جلد نار شوقي لك يذوب لها الحديد وانتثر دمعي على خدي بدد دايمٍ يا شوق شوقي لك جديد وإن سألت العين لك فيها مرد دمعتي تنبيك عن حبٍ أكيد غيرها يا روح روحي وش بعد كان قلبي قبل عرفي لك عنيد ما يحن ولا رمى غيرك لأحد لين طوّعته بحبك يا وحيد والمحب يطيع محبوبه وحد يا حبيبي غير شوفك لا ما اريد دوك طرفي طاير فيه السّهد يا حبيبي فيك يا حلو القصيد لو كتبت الشعر في غيرك شرد أتغنّى فيك بأشواقي نشيد بأصدق اللي قيل من بنت لولد

19-02-2012, 06:53 AM	#7
حرّه ماتنقاد مشرفة صدى المشاعر ( نظم )	رد: - شَاعِرات السَاحه النبِطيِه . . \ الشاعِره ( ابعاد التركي ) ياليل مسـراك الهجـوس المديـدة وانا على مسـراك مديـت شوفـي طويت ياسـك فالـدروب المكيـدة وامهلت في سطوة ظلامك وقوفـي اسرى معك مثـل النديـد ونديـدة وارجع مع ليلك وخطـوة احتوفـي وين ابتدي والجرح نقضـة يزيـدة ياكسرة الخاطر وقـل امعروفـي!